ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓᑦ ᖁᕕᐊᓲᑎᖃᖅᑐᖅ ᒪᓕᒐᓕᐅᖅᑎᕐᔪᐊᓄᑦ ᒥᓂᔅᑕ ᕼᐊᓐᑕ ᑐᑐᒥᑦ

(ᓄᕕᐱᕆ 4, 2015 — ᐃᖃᓗᐃᑦ, ᓄᓇᕗᑦ)     ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᖁᕕᐊᓲᑎᖃᖅᑐᖅ ᕼᐊᓐᑕ ᑐᑐᒥᑦ ᑎᒃᑯᐊᖅᑕᐅᑎᓪᓗᒍ ᒥᓂᔅᑕᐅᓂᕐᒧᑦ ᐃᒪᕐᒥᐅᑕᓕᕆᔨᓄᑦ ᐊᒻᒪᓗ ᑲᓇᑕᒥ ᓯᑯᓯᐅᖅᑎᓄᑦ.

 

“ᐱᒻᒪᕆᐅᖕᒪᑦ ᐃᓄᐃᑦ ᑲᔪᓯᓗᑎᒃ ᑕᐃᒪᓐᓇ ᖁᑦᑎᖕᓂᖅᓴᓄᑦ ᐃᓕᖓᓗᑎᒃ ᑭᒡᒐᖅᑐᐃᑎᓪᓗᒋᓪᓗ ᑲᓇᑕᐅᑉ ᒥᓂᔅᑕᐅᑎᖏᓐᓄᑦ ᑲᑎᒪᔨᐅᓂᕐᒥᑦ. ᑐᑐ ᐅᓄᖅᑐᓂᒃ ᐱᓕᕆᐊᖃᖅᓯᒪᔪᖅ ᒐᕙᒪᓕᕆᓂᕐᒧᑦ ᐅᑭᐅᖅᑕᖅᑐᒥ ᐊᑑᑎᖃᕐᓂᐊᖅᑐᑦ ᑕᒪᐃᓐᓄᑦ ᐃᓄᖕᓄᑦ ᐊᒻᒪᓗ ᑲᓇᑕᒥᐅᑕᓄᑦ ᐊᔾᔨᒌᒃᑐᒥᑦ” ᐅᖃᖅᑐᖅ ᑕᐅᑐᖏ. “ᐃᒪᓐᓇᐃᑦᑐᓐᓇᖅᓯᔪᒍᑦ ᐊᒃᓱᐊᓗᒃ ᑐᖓᓱᖕᓂᕐᒥᑦ ᑕᐃᒪᓐᓇ ᐃᓄᐃᑦ ᐱᔪᒪᔭᖏᓐᓄᑦ ᐊᒻᒪᓗ ᓯᕗᓪᓕᐅᑎᔪᒪᔭᖏᓐᓄᑦ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᑦ ᑲᓇᑕᒥᓗ ᓯᑯᓯᐅᑎᓕᕆᔨᓄᑦ ᓴᖏᓂᖅᓴᒥᑦ ᑭᒡᒐᖅᑐᐃᓂᐊᕐᓕᕐᒪᑦ ᒐᕙᒪᒋᔭᑦᑎᓐᓂ”

 

“ᑐᑐ ᐱᔨᑦᑎᖅᓯᒪᔪᑦ ᓄᓇᕗᑦ ᒪᓕᒐᓕᐅᕐᕕᐊᓂ ᐅᑭᐅᓄᑦ 14-ᓄᑦ ᐊᒻᒪᓗ ᑐᑭᓯᐊᓪᓗᓂ ᐱᒻᒪᕆᐅᔪᓂᒃ ᐊᑐᓕᖅᑎᑦᑎᕙᓪᓕᐊᓂᕐᒥᑦ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᒃ. ᓄᓇᕗᑦ ᑐᓐᖓᕕᒃ ᑎᒥᖓᑦ ᓱᓕᔪᓂᒃ ᑕᐅᑐᒃᑐᑦ ᐅᓇ ᑐᑑᑉ ᓯᕗᓂᐊᓂ ᐱᓕᕆᐊᕆᓯᒪᔭᖏᓐᓂᑦ ᓄᓇᕗᑦ ᒪᓕᒐᓕᐅᕐᕕᐊᓂ ᐃᑲᔪᕈᑎᒋᓂᐊᕐᒪᒋᑦ ᐊᒃᓱᑦ ᓄᑖᒥ ᐱᓕᕆᓂᐊᓕᖅᑎᓪᓗᒍ ᒥᓂᔅᑕᐅᓂᕐᒧᑦ ᑲᑎᒪᔨᖑᖃᑕᐅᑎᓪᓗᒍ. ᓂᕆᐅᒃᓂᖃᑦᑎᐊᖅᑐᖓ ᐊᖅᑭᒃᓯᖃᑎᒋᔪᓐᓇᕐᓂᐊᕋᒃᑯᑦ ᓱᓕᔪᓂᒃ ᐱᓕᕆᖃᑎᒋᑦᑎᐊᕐᓗᒍᓗ ᒥᓂᔅᑕ ᑐᑐ ᑲᔪᓯᑎᑦᑎᓂᕐᒥᑦ ᐃᓗᐃᑦᑐᒥᓪᓗ ᐊᑐᓕᖅᑎᑦᑎᕙᓪᓕᐊᓂᕐᒥᑦ ᐃᓂᓪᓚᐃᓂᒃᑯᒃ ᐅᑯᓂᖓ ᓄᓇᕗᒥ ᓄᓇᑖᕈᑎᓄᖅ ᐊᖏᕈᑎᓂᒃ.”

 

-30-

 

ᑐᑭᓯᒋᐊᒃᑲᓐᓂᕈᒪᒍᕕᑦ:

 

 

ᑭᐅᕋᓐ ᕕᓕᐅᕆᑎ

ᐃᓇᖏᖅᓯᓯᒪᑲᐃᓐᓇᖅᑐᖅ/ ᑐᑭᒧᐊᒃᑎᑦᑎᔨᒥᑦ ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ

ᓄᓇᕗᑦ ᑐᓐᖓᕕᒃ ᑎᒥᖓᑦ

ᑎᑎᖅᑲᒃᑯᕕᐊᑦ ᓇᒻᒪᖓ 638, ᐃᖃᓗᐃᑦ, ᓄᓇᕗᑦ X0A0H0

(ᐃᖅᑲᓇᐃᔭᕐᕕᐊᓕ) 867-975-4941 (ᑎᒍᒥᐊᒐᖓ ) 867-222-2393 (ᓱᑲᔪᒃᑯᑦ) 867-975-4949

www.tunngavik.com

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: