ᓄᓇᕗᑦ ᑐᓐᖓᕕᒃ ᑎᒥᖓᑦ ᐅᓪᓗᒥ ᐃᖅᑲᐃᑎᑦᑎᔪᑦ ᐃᓗᖕᓂᑦ ᐃᓱᓕᕝᕕᒃᓴᖓ ᑕᑕᑎᕈᑎᓄᑦ ᑐᒃᓯᕋᐅᑎᓄᑦ ᖃᒡᓕᓕᕐᓂᐊᓂᒃ ᐅᑯᓄᖓ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᖅᑐᒧᑦ ᐃᑲᔫᑎᒃᓴᑦ ᒪᐃ, 31, 2015.

ᓄᓇᕗᑦ ᑐᓐᖓᕕᒃ ᑎᒥᖓᑦ ᑐᓂᓯᓂᐊᖅᑐᑦ ᐊᐃᑦᑐᐃᓗᑎᒃ ᒪᕐᕉᖕᓄᑦ ᐃᖕᓄᑦ ᐃᓕᓐᓂᐊᖅᑎᐅᑎᓪᓗᒋᑦ ᐊᑐᓂᑦ $5,000-ᓂᑦ ᐃᓕᓐᓂᐊᖅᑐᒧᑦ ᐃᑲᔫᑎᒃᓴᓂᒃ ᐱᓇᓱᐊᖅᑎᓪᓗᒋᑦ ᖁᑦᑎᖕᓂᖅᓴᓄᑦ-ᐃᓕᓐᓂᐊᕐᕕᓂ ᑕᒪᑦᓱᒧᖓ ᐊᒃᑐᐊᔪᓂᒃ ᐃᓕᓐᓂᐊᓂᕐᒧᑦ ᐊᒻᒪᓗ ᐃᓄᐃᑦ ᐅᖃᐅᓯᐊᓐᓂᒃ, ᐅᕝᕙᓗ ᐊᓯᖏᓐᓂᑦ ᐃᓕᓐᓂᐊᕈᑎᒃᓴᓂᑦ ᐊᒃᑐᐊᓂᖃᖅᐸᑕ ᐊᑯᓐᓂᖓᓂ ᐃᓕᓐᓂᐊᖅᑕᖏᓐᓄᑦ ᐊᒻᒪᓗ ᐊᔭᐅᖅᑐᐃᓗᓂ ᐃᓄᐃᑦ ᐱᔪᓐᓇᐅᑎᖏᓐᓂᒃ. ᐱᔪᓐᓇᖅᑎᑕᐅᔪᑦ ᐊᔪᖏᑎᑕᐅᓂᕐᒧᑦ ᖁᑦᑎᖕᓂᖅᓴᓄᑦ-ᐃᓕᓐᓂᐊᕐᕕᓂ ᖃᓪᓗᓈᑦ ᓄᓇᖓᓂ ᐃᓚᒋᔭᐅᓗᓂ ᓄᓇᕗᒥ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᒃ ᐅᕝᕙᓗ ᐊᓯᖏᓐᓂᒃ ᐃᓕᓐᓂᐊᕐᕕᐅᔪᓂᑦ ᑕᐅᓇᓂ ᖃᓪᓗᓈᑦ ᓄᓇᖓᓐᓂ ᑲᓇᑕᒥᓗ. ᓄᓇᕗᑦ ᑐᓐᖓᕕᒃ ᑎᒥᖓᑕ ᕿᒥᕐᕈᔨᖏᑦ ᕿᒥᕐᕈᐃᕙᒃᑐᑦ ᑕᑕᑎᕈᑎᐅᔪᓂᒃ ᑐᒃᓯᕋᖅᑐᓄᑦ ᐊᒻᒪᓗ ᓂᕈᐊᖅᓯᖅᐸᒃᖢᑎᒃ ᐃᓕᓐᓂᐊᖅᑎᓂᒃ ᒪᓕᒃᖢᒋᑦ ᐃᓕᓐᓂᐊᖅᑕᖏᑦ ᑭᓱᓂᒃᓗ ᐱᓕᕆᓂᖏᑦ, ᑎᑎᕋᖅᓯᒪᔪᑦ ᐊᒻᒪᓗ ᓇᒧᑦ ᐊᒃᑐᐊᖕᒪᑕ ᑭᓱᒧᑦ.

ᔫᓯ ᑯᓱᒐᖅ ᑐᓂᓯᒪᓚᐅᕐᒪᑦ ᐃᓅᓯᐊᓂᒃ ᓄᓇᕗᒧᑦ ᐊᓐ,; ᒥᕗᒻᒧᒃᑎᑦᑎᕆᓪᓗᓂ ᐃᓄᐃᑦ ᐱᔪᓐᓴᐅᑎᖏᓐᓂᒃ. ᐊᐅᓪᓗᑎᓗᐊᓚᐅᖅᑕᖏᑦ ᐊᒃᓱᕈᕈᑎᒋᓪᓗᒋᑦ ᐊᒻᒪᓗ ᑐᓂᓯᒪᓂᐊ ᐃᓕᓐᓂᐊᖅᑐᓕᕆᓂᕐᒧᑦ ᐊᒻᒪᓗ ᐊᔭᐅᖅᑐᐃᓪᓗᓂ ᖁᒡᕙᖅᑎᕆᓂᕐᒧᑦ ᐊᒻᒪᓗ ᐊᓐᓇᒃᑐᐃᓂᕐᒥᑦ ᓴᐳᔾᔨᓂᒃᑯᑦ ᐃᓄᐃᑦ ᐅᖃᐅᓯᐊᓐᓂᒃ ᐱᔪᓐᓇᖅᑎᑕᐅᖁᓪᓗᒋᑦ ᐃᓄᐃᑦ ᐊᒥᓱᓂᒃ ᐱᓇᓱᐊᖅᑕᖏᓐᓂᒃ. ᓄᓇᕗᑦ ᑐᓐᖓᕕᒃ ᑎᒥᖓᑦ ᓴᖅᑭᑦᑎᓯᒪᔪᑦ ᐃᓕᓐᐊᖅᑐᒧᑦ ᐃᑲᔫᑎᒃᓴᓂᒃ ᐱᓕᕆᖃᑎᒋᓪᓗᒋᑦ ᔫᓯ ᑯᓱᒐᐅᑉ ᐃᓚᖏᑦ ᐃᓅᔪᓐᓃᖅᓯᒪᓕᖅᑎᓪᓗᒍ ᓇᓗᓇᐃᖅᓯᓯᒪᓂᒃᑯᑦ ᐃᖅᑲᐅᒪᔭᐅᓂᒃᓴᖓ ᑲᔪᓯᓗᑎᓂ ᐆᒻᒪᖅᑎᕆᓂᕐᒧᑦ ᐊᐅᓪᓗᔾᔨᓂᒃᑯᑦ ᐃᓄᖕᓂᑦ. ᐃᓚᒋᔭᐅᔪᑦ ᖃᑕᖑᑎᒌᑦ ᑲᔪᓯᔪᑦ ᐃᒃᓯᕙᐅᑕᖃᖅᑎᑕᐅᓂᕐᒃᒥᑦ ᓂᕈᐊᖅᓯᖃᑦᑕᖅᑐᓂᑦ ᐃᓕᓐᓂᐊᖅᑎᓂᒃ ᑐᓂᔭᐅᓂᐊᖅᑐᓄᑦ ᐅᑭᐅᑕᒫᑦ.

ᓱᓕ ᑐᑭᓯᒋᐊᒃᑲᓐᓂᕈᒪᒍᕕᑦ ᐊᒻᒪᓗ ᑕᑕᑎᕈᑎᓂᒃ ᑐᒃᓯᕋᐅᑎᓄᑦ ᐊᑐᐃᓐᓇᐅᔪᑦ ᓄᓇᕗᑦ ᑐᓐᖓᕕᒃ ᖃᕆᑕᐅᔭᖏᓐᓂ. ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᑕᐃᓯᓛᖅᑐᖅ ᐊᑎᕐᓂᒃ ᑐᓂᔭᐅᓂᐊᖅᑐᓂᑦ ᓄᓇᕗᑦ ᐅᑉᓗᐊᓂ, ᔪᓚᐃ 9, ᖁᕕᐊᓱᒍᑎᖃᖅᑎᓪᓗᒋᑦ ᐃᖃᓗᖕᓂ.