ᑐᓴᕋᑦᓴᓕᕆᔩᑦ

ᖃᖓᓂᐊᓗᒃ ᑭᒡᓕᓯᓂᐊᖅᑕᐅᓯᒪᔪᑦ ᐃᓅᓯᕐᒥᑦ ᑭᐱᓯᓂᐅᓯᒪᔪᓄᑦ ᐅᓂᒃᑳᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑐᒡᓕᐊ ᐊᖓᔪᖅᑳᑉ ᔭᐃᒻᔅ ᐃᑦᑐᓗᒃ ᐅᓪᓗᒥ ᓴᖅᑭᑎᑦᓯᔪᖅ ᐅᓂᒃᑳᓂᒃ ᐅᓂᒃᑳᖅᑐᓂᒃ ᖃᖓᓂᐊᓗᒃ ᐃᓅᓯᕐᓂᒃ ᑭᐱᓂᐅᖃᑦᑕᖅᓯᒪᔪᑦ ᓄᓇᕗᒥ. ᑖᒃᑯᐊ ᐅᓂᒃᑳᑦ ᓴᖅᑭᑎᑕᐅᓚᐅᖅᑐᑦ ᓄᓇᕗᑦ ᑐᓐᖓᕕᒃᑯᓐᓄᑦ ᑖᒃᑯᐊ ᑐᖁᖓᔪᓕᕆᔩᑦ ᖃᐅᔨᒐᓱᐊᕐᓂᖃᖅᑎᓪᓗᒋᑦ ᑐᖁᖑᑕᐅᔪᓂᒃ ᐃᓅᓯᕐᒥᓂᒃ ᑭᐱᓯᓂᒃᑯᑦ ᓄᓇᕗᒥ ᒫᓐᓇ ᑭᒡᓯᓂᐊᖅᑐᑦ ᐃᖃᓗᖕᓂᑦ ᐱᓇᓱᐊᕈᓯᐅᓂᐊᖅᑑᖕᓂᑦ ᒪᕐᕉᖕᓄᑦ.
ᑕᐃᔭᐅᔪᖅ ᑭᒡᓕᓯᓂᐊᕈᑏᑦ ᑐᑭᓯᒋᐊᕈᑎᒃᓴᓂᒃ ᑐᖁᖃᑦᑕᖅᑐᓄᑦ ᐃᓅᓯᕐᒥᓂᒃ ᑭᐱᓯᓂᒃᑯᑦ ᓄᓇᕗᑦ ᐃᓄᖏᓐᓄᑦ, 1920 ᑎᑭᑦᑐᒍ 2014,” ᑖᒃᑯᐊ ᐅᓂᒃᑳᑦ ᐃᓚᒋᔭᖏᑦ ᓄᓇᕗᑦ ᑐᓐᖓᕕᒃᑯᑦ ᐱᓕᕆᐊᕇᓐᓇᖅᑕᖏᑕ ᐃᓅᓯᕐᒥᑦ ᑭᐱᓯᑎᑦᓯᑦᑕᐃᓕᒪᓂᖅ ᓄᓇᕗᒥ. ᑖᒃᑯᐊ ᐅᓂᒃᑳᑦ ᐱᑕᖃᖅᑎᑦᑎᔪᑦ ᖃᖔᓗᒃ ᐊᒻᒪ ᒫᓐᓇ ᐅᓄᕐᓂᐅᔪᑦ ᐃᓱᒪᒃᓴᖅᓯᐅᕈᑎᖃᖅᑐᑦ ᖃᓄᓕᒫᖅ ᑐᑭᓯᒋᐊᕈᑎᒃᓴᓂᒃ ᐱᔾᔪᑎᖃᖅᑐᑦ ᑐᖁᖃᑦᑕᖅᑐᓄᑦ ᐃᓅᓯᕐᒥᓂᒃ ᑭᐱᓯᓂᒃᑯᑦ ᓄᓇᕗᒥ ᐊᒻᒪ ᐃᓗᓕᖃᖅᑐᖅ ᓈᒪᑎᑦᓯᔪᓂᒃ ᐊᒻᒪ ᐅᓪᓗᒥᒨᖓᔪᓂᒃ ᑐᑭᓯᒋᐊᕈᑎᒃᓴᓂᒃ ᐱᔾᔪᑎᒋᓪᓗᒍ ᑕᒪᓐᓇ ᐅᖃᐅᓯᐅᔪᖅ. ᑖᓐᓇ ᐅᓂᒃᑳᖅ ᓇᓗᓇᐃᖅᓯᔪᖅ ᖃᐅᔨᒪᔭᐅᔪᑐᖃᕐᓂᒃ ᖃᖓᓂᐊᓗᒃ ᐃᓅᓯᕐᒥᓂᒃ ᑭᐱᓯᒍᑕᐅᕙᒃᑐᑦ, ᑕᑯᒃᓴᐅᑎᑦᓯᑦᓯᐊᖅᑐᑦ ᐃᓅᖃᑎᒌᑦ ᐅᓄᓐᖏᑦᑐᒻᒪᕆᖕᓂᑦ ᐃᓅᓯᕐᒥᓂᒃ ᑭᐱᓯᖃᑦᑕᓚᐅᕐᓂᖏᑦ ᑎᑭᒐᓱᐊᕐᓂᖓᓂ ᐊᕐᕌᒍᖏᑦ 1970.

“ ᐃᑲᔪᖅᑎᒌᒃᑐᑎᒃ ᓄᓇᕗᒥ ᐃᓅᓯᕐᒥᑦ ᑭᐱᓯᑦᑕᐃᓕᑎᑦᓯᔾᔪᑕᐅᔪᑦ ᐸᕐᓇᐅᑏᑦ, ᓄᓇᕗᑦ ᑐᓐᖓᕕᒃᑯᑦ ᓇᓗᓇᐃᖅᓯᒪᔪᑦ ᐊᒃᓱᕈᕐᓂᐊᕐᓂᒥᓂᒃ ᖃᓄᓕᒫᖅ ᐃᓅᓯᕐᒥᑦ ᑭᐱᓯᑎᑦᓯᑦᑕᐃᓕᓂᕐᒧᑦ. ᑕᒡᕙᓂ ᐅᓂᒃᑳᒥ ᓇᓗᓇᐃᖅᓯᒪᑦᓯᐊᖅᑐᖅ ᐃᓅᓯᕐᒥᑦ ᑭᐱᓯᖃᑦᑕᕐᓂ ᐅᓄᓐᖏᓐᓂᖅᓴᒻᒪᕆᐅᓚᐅᕐᓂᖓᓂᒃ. ᑕᒪᓐᓇ ᐊᑑᑎᖃᑦᓯᐊᖅᑐᒥᒃ ᑐᑭᓯᒋᐊᕈᑎᒃᓴᖃᖅᑐᖅ ᐃᑲᔪᑎᒌᓄᑦ ᐃᑲᔫᑎᒋᓗᒋᑦ ᕿᓂᕐᓗᓂ ᐋᖅᑭᒋᐊᕈᑎᒃᓴᓂᒃ ᐊᑲᐅᓐᖏᔾᔪᑕᐅᔪᒧᑦ ᐅᓄᓗᐊᕐᓂᖏᓐᓄᑦ ᐊᒻᒪ ᑕᑯᒃᓴᐅᑎᑦᑎᔪᖅ ᐅᕙᑦᑎᓐᓄᑦ ᑕᒪᒃᑯᐊ ᑐᖁᖃᑦᑕᖅᑐᑦ ᐅᓄᖅᓯᓗᐊᕐᓂᖏᓐᓄᑦ ᐃᓅᓯᕐᒥᓂᒃ ᑭᐱᓯᖃᑦᑕᖅᑐᑦ ᒫᓐᓇ ᓴᖅᑭᑦᑐᑦ ᐊᕕᒃᑐᖅᓯᒪᓂᑦᑎᓐᓂ ᐊᑲᐅᓐᖏᓕᐅᕈᑕᐅᒻᒪᕆᓕᕐᓂᖓᓂᒃ ᐋᖅᑭᒍᓐᓇᖅᑕᕗᑦ ᐋᖅᑭᑦᓯᐊᕆᓗᑕ ᐊᖅᑯᑎᒃᓴᓂᒃ,” ᐅᖃᖅᑐᖅ ᐃᑦᑐᓗᒃ.

ᑖᓐᓇ ᐅᓂᒃᑳᖅ ᐊᑐᖅᑕᐅᓂᐊᖅᑐᖅ ᐃᑲᔫᑕᐅᓗᓂ ᑖᒃᑯᓄᖓ ᓄᓇᕗᒥ ᐃᓅᓯᕐᒥᑦ ᑭᐱᓯᖁᔨᓐᖏᓐᓂᕐᒧᑦ ᐸᕐᓇᐅᑎᓄᑦ ᐃᑲᔪᖅᑎᒌᑦ ᐱᓕᕆᐊᖃᖅᑎᓪᓗᒋᑦ ᐊᑐᓕᖅᑎᑕᐅᓂᖓᓄᑦ ᑖᓐᓇ ᐸᕐᓇᐅᑕᐅᓯᒪᔪᖅ.

ᑖᓐᓇ ᐅᓂᒃᑳᖅ ᐱᔭᐅᔪᓐᓇᖅᑐᖅ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐃᑭᐊᖅᑭᕕᐊᓂ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: