ᑐᓴᕋᑦᓴᓕᕆᔩᑦ

ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓ ᑐᓐᓂᐅᑎᖃᖅᐳᑦ ᐊᕐᕋᒍᑕᒫᑦ ᐱᔾᔪᓯᐊᖅᑖᖑᓲᓂᒃ.

(ᐊᒃᑐᕙ 21, 2015 –ᐃᖃᓗᖕᓂ, ᓄᓇᕘᒥ) ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᑳᑎ ᑕᐅᑐᙱ ᐱᔾᔪᓯᐊᖅᑖᑎᑦᑎᖃᐅᓄᑦ ᐱᖓᓱᓂᒃ ᐃᓄᖕᓂᒃ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦᑕ ᐱᔾᔪᓯᐊᖅᑖᑎᑦᑎᒍᑎᒌᓱᖏᓐᓂᒃ ᐅᓐᓅᓚᐅᕐᑐᖅ ᐊᕐᕋᒍᓕᒫᕐᓯᐅᑎᒥᓐᓂᒃ ᑲᑎᒪᓂᖃᓐᓂᕐᒥᓂ ᓂᕆᕕᔾᔪᐊᑎᑦᑎᑎᓪᓗᒋᑦ ᐃᖃᓗᓐᓂ.

ᐊᕐᕌᒍᑕᒫᑦ, ᐱᔾᔪᓯᐊᖅᑖᖅᑐᖃᓱᖑᒻᒪᑦ ᐱᖓᓱᓂᒃ ᑐᓂᔭᐅᔪᓂᒃ ᐱᒻᒪᕆᐅᔪᒥᒃ ᐃᑲᔪᓐᓂᖃᖅᓯᒪᔪᓄᑦ ᐃᓄᐃᑦ ᐃᓕᖅᑯᓯᖏᓐᓂᒃ ᐳᐃᒍᖁᔨᖏᑦᑐᓂᒃ ᐊᒻᒪᓗ ᓄᓇᓕᖕᓂ ᐱᒋᐊᖅᑎᑦᑎᓯᒪᔪᓂᒃ. ᑕᒪᑐᒪᓂ ᐊᕐᕌᒍᑦᑎᓐᓂ ᑐᓂᔭᐅᔪᑦ ᐊᐃᐅᓛ ᑕᖁᓕᒃ ᑕᓗᕐᔪᐊᕐᒥᐅᑕᖅ, ᕋᐃᒪᓐ ᓂᖏᐅᑦᓯᐊᖅ ᓴᓪᓕᒥᐅᑕᖅ ᐊᒻᒪᓗ ᓄᓇ ᐹ ᑭᙵᕐᒥᐅᑕᖅ.

ᑳᑎ ᑕᐅᑐᙵ ᐅᖃᓚᐅᕐᑐᖅ ᐊᐃᐅᓛ ᑕᖁᓕᒃ ᐊᑯᓂᐊᓗᒃ ᐱᓕᕆᖃᑕᐅᕙᓐᓂᐊᖓᓄᑦ ᐊᔾᔨᒌᖏᑦᑐᓄᑦ ᐱᓕᕆᖃᑎᒌᒃᑐᓄᑦ ᓄᓇᒥᖕᓂ ᑕᓗᕐᔪᐊᕐᒥ, ᐃᒡᓗᓕᕆᔨᒃᑯᓐᓂ, ᐃᓕᓐᓂᐊᕐᑐᓕᕆᔨᒃᑯᑦ ᑲᑎᒪᔨᖏᓐᓂ, ᐊᒻᒪᓗ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂ. ᕋᐃᒪᓐ ᓂᖏᐅᑦᓯᐊᖅ ᐱᓕᕆᖃᑕᐅᓯᒪᒻᒪᑦ ᑐᙵᕕᒃ ᐃᓚᒌᒃᓴᒃᑯᑦ ᓄᓇᕗᖕᒥ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᓐᓄᑦ ᑐᖏᓕᕆᔭᐅᓚᐅᕋᓂ ᐊᑯᓂᓗ ᑐᖏᓕᕆᔭᐅᓯᒪᒻᒪᑦ ᐊᒻᒪᓗ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᑭᖑᓂᐊᒍᑦ. ᒥᔅᑕ ᓂᖏᐅᑦᓯᐊᖅ ᑲᑎᒪᔨᐅᖃᑕᐅᖕᒥᔪᖅ ᓄᓇᕘᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓄᑦ. ᓄᓇ ᐹ ᑭᙵᕐᒥᐅᑕᖅ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦᑕ ᐱᔾᔪᓯᐊᕐᑖᑎᑦᑎᒍᑎᒋᓲᖓᓂᒃ ᑐᓂᔭᐅᓚᐅᕐᒥᔪᖅ ᐃᓕᑕᕆᔭᐅᔾᔪᑎᒋᓪᓗᒍ ᐃᑲᔪᕐᓯᒪᓂᖓᓄᑦ ᐃᓄᐃᑦ ᐃᓕᖅᑯᑎᖓᓂᒃ ᓄᓇᕐᔪᐊᓕᒫᕐᒥ ᐃᓕᑕᕆᔭᐅᓯᒪᒻᒪᑦ ᓴᓇᖑᐊᒃᑲᐅᓂᖓᓄᑦ, ᐊᒻᒪᓗ ᒫᓐᓇᒧᑦ ᓱᓕ ᑎᑭᑦᑐᒍ ᓂᕿᖃᑦᑎᑦᑎᔨᐅᖏᓐᓇᕐᒪᑦ ᓄᓇᖅᑲᑎᒥᓂᒃ.

ᑕᒪᕐᒥᒃ ᑐᓂᔭᐅᓚᐅᕐᑐᑦ ᑎᑎᕋᕐᓯᒪᔪᒥᒃ ᐊᑭᓐᓇᕐᒥᐅᑕᒥᒃ ᐊᒻᒪᓗ $500−ᓂᑦ ᐊᑐᓂᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: