ᐃᓱᓕᒃᕕᒃᓴᖓ ᑕᑕᑎᕆᓂᐊᕐᓗᓂ ᐊᐅᓪᓚᕐᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᕐᓯᒪᔪᓄᑦ ᐊᖏᕈᑎᐅᓯᒪᔪᑦ ᐃᓕᓐᓂᐊᕐᓂᐊᕐᓗᓂ ᐊᑭᓕᐅᑕᐅᔪᓐᓇᕐᑐᑦ ᐅᖓᕙᕆᐊᖅᑕᐅᓯᒪᓕᖅᑐᖅ. ᐊᐅᓪᓚᕐᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᕐᓯᒪᔪᑦ ᑮᓇᐅᔭᖅᑖᓚᐅᕐᓯᒪᔪᑦ ᓱᓕ ᐱᔪᓐᓇᕐᑎᑕᐅᕗᑦ ᐃᓕᓐᓂᐊᕐᓂᐊᕐᓗᓂ ᐊᑭᓕᐅᑕᐅᔪᓐᓇᕐᑐᓂᒃ ᐃᓕᓐᓂᐊᕐᕕᒋᔪᒪᔭᖓᓄᑦ ᐅᕝᕙᓘᓐᓃᑦ ᐃᓚᒥᓄᑦ ᐱᔭᐅᑎᖔᕈᓐᓇᕐᑐᓂᐅᒃ. ᓄᑖᑦ ᐃᓱᓕᒃᕕᒃᓴᖏᑦ ᑕᑕᑎᕐᓯᒪᔪᓂᒃ ᐊᐅᓪᓚᐃᓂᐊᕐᓗᓂ ᐅᑯᐊᖑᕗᑦ:
- March 9, 2015 – ᖃᐅᔨᒃᑲᐃᔾᔪᑏᑦ ᑕᑕᑎᕆᐊᓖᑦ
- June 8, 2015 – ᐊᑭᓖᒍᑕᐅᓂᐊᕐᑐᓄᑦ ᑕᑕᑎᕆᐊᓕᒃ
ᐊᐅᓪᓚᕐᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᒪᐅᕐᓯᒪᔪᑦ ᐃᓚᒋᔭᖏᓪᓘᓐᓂᑦ ᐱᕕᒃᓴᖃᖅᑎᑕᐅᕗᑦ ᐊᒡᒋᓯ 31, 2015-ᒧᑦ ᐃᓕᓐᓂᐊᕇᕈᓐᓇᕐᑎᑕᐅᕗᑦ ᐅᕝᕙᓘᓐᓃᑦ ᐱᖅᑯᓯᑐᖃᕐᒥᒃ ᐃᓕᓐᓂᐊᕐᓂᖓ ᐊᖏᑕᐅᒍᑎᒋᓯᒪᔭᕇᖅᑕᒥᓄᑦ.ᐱᓯᒪᙱᒃᑯᕕᑦ ᐅᕝᕙᓘᓐᓃᑦ ᐊᓯᐅᔨᓐᓂᕈᕕᐅᒃ ᖃᐅᔨᒃᑲᐃᒍᑕᐅᓯᒪᔪᖅ ᑕᑕᑎᕋᒃᓴᖅ ᓇᑦᓯᐅᔾᔭᐅᓚᐅᕐᓯᒪᔪᑦ Crawford Class Action Services −ᑯᓐᓂᒃ, ᐅᕝᕙᓘᓐᓃᑦ ᐊᐱᖅᑯᑎᒃᓴᖃᕈᕕᑦ ᑖᒃᑯᐊ ᐱᔾᔪᑎᒋᓗᒋᑦ, ᖃᐅᔨᒃᑲᐃᒍᓐᓇᖅᐳᑎᑦ ᓄᓇᕗᑦ ᑐᙵᕕᒃᑯᑦ ᐃᖅᑲᓇᐃᔭᕐᑎᖓᓂᒃ ᓵᑐᕋ ᐆᒥᒃᒧᑦ ᐅᕗᖓ 1-888-646-0006 ᐅᕝᕙᓘᓐᓃᑦ ᑖᓇ ᐋᑕᒻᔅᒧᑦ ᐅᕗᖓ 1-888-238-5400.ᐃᓕᓐᓂᐊᕐᓂᐊᕐᓗᓂ ᐊᑭᓕᐅᑕᐅᔪᓐᓇᕐᑐᑦ ᐃᓕᓐᓂᐊᕐᕕᒋᔭᓐᓄᑦ ᐊᒻᒪ ᐱᖅᑯᓯᑐᖃᕐᒥᒃ ᐃᓕᓐᓂᐊᕐᓂᓐᓄᑦ ᐊᑭᓖᒍᑕᐅᒍᓐᓇᕆᕗᑦ ᐸᐃᕆᕕᓄᑦ ᐊᒻᒪ ᐃᓕᓐᓂᐊᕆᐊᕆᐅᕈᒫᓕᖅᑐᓄᑦ ᐃᓕᓐᓂᐊᕐᕕᓄᑦ ᓄᓇᕘᒥ, ᓄᑲᑦᑎᓐᓄᑦ ᐃᓕᓐᓂᐊᕐᕕᓄ ᐊᒻᒪ ᐃᓕᓐᓂᐊᕐᕕᐊᓗᓐᓄᑦ ᓄᓇᕘᒥ; ᓄᓇᓕᖕᓂ ᑎᒥᐅᔪᓄᑦ ᐊᒻᒪ ᐱᖅᑯᓯᓕᕆᕕᐅᔪᓄᑦ; ᓄᓇᕗᑦ ᓯᓚᑦᑐᓴᕐᕕᖕᒧᑦ, ᐱᖃᑕᐅᓪᓗᓂ ᐱᖅᑯᓯᓕᕆᕕᒃ, ᓴᓇᔭᕆᐅᖅᓴᓂᕐᒧᑦ ᐊᒻᒪ ᐱᓕᒻᒪᒃᓴᐃᒍᑎᓄᑦ; ᓯᓚᑦᑐᓴᕐᕕᓄᑦ ᓄᓇᕘᑉ ᓯᓚᑖᓃᒃᑐᓄᑦ; ᖃᕆᑕᐅᔭᒃᑯᓪᓗ ᐃᓕᓐᓂᐊᕈᑎᓄᑦ.
