ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓ ᐅᖃᖅᐳᑦ ᐃᒃᐱᒍᓱᖕᓂᕐᒥᑦ ᕿᒪᒃᑕᐅᔪᓄᑦ
(ᔪᓚᐃ 24, 2015 – ᑲᖏᖅᖠᓂᖅ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᑉᓗᒥ ᐅᖃᖅᑐᖅ ᐊᓱᒃᐊᓗ ᓂᑲᓪᓗᕐᓂᕐᒥᑦ ᐃᓅᔪᓐᓂᖅᑎᓪᓗᒍ ᑕᖑᓛᖅ ᓵᓐᑎ, ᐊᑯᓂᐊᓗᑦ ᐃᓚᒋᔭᐅᖃᑦᑕᖅᓯᒪᔪᖅ ᑲᑎᒪᔨᓂ ᐅᑯᓄᖓ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᑲᑎᒪᔨᐅᓂᕐᒥᑦ ᐊᒻᒪᓗ ᐊᖓᔪᖅᑳᖑᓂᕐᒥᑦ ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ.
“ᑭᒡᒐᖅᑐᖅᓗᒋᑦ ᑲᑎᒪᔨᑦ, ᑐᓂᓯᔪᒪᕗᖓ ᐆᒻᒪᑎᒃᑯᑦ ᐃᒃᐱᒍᓱᖕᓂᕐᒥᑦ ᐅᑯᓄᖓ ᑕᖑᓛᑉ ᓄᓕᐊᖓᓄᑦ ᐊᒻᒪᓗ ᓄᑕᕋᖏᓐᓄᑦ ᐊᒻᒪᓗ ᐊᒥᓱᐊᓗᐃᑦ ᐃᓚᒋᓐᓄᑦ ᓄᓇᕗᒥ. ᑕᖑᓛᖅ ᐃᓄᑦᑎᐊᕌᓘᓚᐅᖅᑐᖅ ᐊᖑᑎᐅᓂᕐᒥᑦ ᐊᒻᒪᓗ ᐆᒻᒪᕆᒃᑎᑦᑎᓪᓗᓂ ᓯᕗᓕᖅᑎᐅᓂᕐᒥᑦ ᐊᒃᓱᐊᓗᒃᓗ ᐱᒻᒪᕆᕆᔭᐅᓪᓗᓂ ᐃᓚᖏᓐᓄᑦ ᐊᒻᒪᓗ ᓄᓇᓕᖕᒧᑦ, ᐊᒻᒪᓗ ᖃᐅᔨᒪᕗᒍᑦ ᑐᖓᑎᒋᒐᑦᑎᒍ ᖃᐅᔨᒪᓂᐊ ᐊᒻᒪᓗ ᕿᒪᐃᓂᐊ ᐃᖅᑲᐅᒪᔭᒃᓴᑦᑎᐊᖑᓂᕐᒧᑦ ᑲᔪᓯᓂᐊᕐᒪᑕ ᐆᒪᓗᑎᒃ ᓄᑕᕋᖏᓐᓄᑦ ᐊᒻᒪᓗ ᐃᓐᖑᑕᖏᓐᓄᑦ,” ᐅᖃᖅᑐᖅ ᐊᖓᔪᖅᑳᖅ ᑕᐅᑐᖏ.
ᑕᖑᓛᖅ ᐱᓕᕆᐊᖃᓚᐅᖅᓯᒪᔪᖅ ᑕᒪᑦᓱᒧᖓ ᒫᓂᑑᕙᒥ ᐊᓪᓚᐃᑦ ᐊᐃᕙᖃᑎᒋᓪᓗᒋᑦ ᐊᖏᖃᑎᒌᒐᓱᐊᕐᓂᕐᒧᑦ ᐃᓚᒋᔭᐅᓪᓗᓂ ᐅᑯᓄᖓ ᓄᓇᕗᒥ ᐸᕐᓇᐃᔨᓄᑦ, ᐊᒻᒪᓗ ᐊᑎᓕᐅᖃᑕᐅᓯᒪᓪᓗᓂ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᓯᐊᒃᓴᖏᓐᓄᓪᓗ ᐊᖏᕈᑎᓂᒃ ᑲᔪᓯᓪᓗᑎᒃᓗ ᓴᖅᑭᑦᑎᓂᕐᒥᑦ ᐆᒥᖓ ᐅᒃᑯᓯᒃᓴᓕᖕᒥᑦ ᑲᓇᑕᓕᒫᒧᑦ ᒥᓐᖑᐃᖅᓯᕕᖕᒥᑦ .
ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ:
