ᑐᓴᕋᑦᓴᓕᕆᔩᑦ

ᐹᑉ ᑲᑦᓗᓐ ᐊᔩᖅᑎᐅᓂᕐᒥᓂᒃ ᐱᒻᒪᕆᐅᑎᑦᑎᓚᐅᕐᑐᖅ

ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᑳᑎ ᑕᐅᑐᙱ ᐅᓪᓗᒥ ᐃᖅᑲᐅᒪᖅᑲᐅᕗᖅ ᓄᓇᕘᒥ ᓄᓇᑖᕈᑏᑦ ᐊᖏᖃᑎᒌᒍᑕᐅᕙᓪᓕᐊᑎᓪᓗᒋᑦ ᐊᔩᕐᑎᐅᓚᐅᕐᓯᒪᔪᒥᒃ ᐹᐱ ᑲᑦᓗᓐᒥᒃ, ᐃᓅᔪᓐᓃᓚᐅᕐᒪᑦ ᐱᓇᓱᐊᕈᓯᐅᑉ ᓄᙳᐊᓂ. ᑲᓪᓗᓐ ᐅᖃᐅᓯᐅᖃᑦᑕᕐᓯᒪᔪᖅ ᑕᒪᒃᑮᓐᓄᑦ ᐊᔩᖃᑎᒌᓚᐅᕐᓯᒪᔪᓄᑦ ᐊᒃᓱᒻᒪᕆᐊᓗᒃ ᐃᓱᒪᖓ ᓴᖑᑕᑦᓴᐅᖏᓐᓂᕋᖅᑕᐅᓪᓗᓂ ᐊᒻᒪᓗ ᐃᓕᕋᓱᒐᓂ ᐊᒻᒪᓗ ᐱᓂᐊᕐᓂᖃᕈᑎᖃᒻᒪᕆᓚᐅᕐᐳᖅ ᐃᓄᖕᓄᑦ ᐊᒻᒪᓗ ᓄᓇᑖᕈᑎᑦ ᐊᖏᕈᑕᐅᕙᓪᓕᐊᑎᓪᓗᒋᑦ.

“ᐱᓂᐊᕐᓂᕆᓯᒪᔭᖏᑦ ᐅᔾᔨᕆᔭᖃᑦᑎᐊᕐᑐᓂ ᓄᓇᑖᕈᑎᑎᒍᑦ ᐃᑲᔪᕐᓯᓂᖃᕆᐊᖃᓐᓂᖓᓂ ᐃᓄᖕᓄᑦ ᐅᓂᒃᑳᕆᔭᐅᓲᖑᓚᐅᕐᐳᖅ. ᑕᐃᒪᙵᓂᒃ ᐱᒋᐊᕋᒥ ᐃᓄᐃᑦ ᑕᐱᕇᒃᓴᒃᑯᑦ ᑲᓇᑕᒥ ᐊᒻᒪᓗ ᖃᐅᔨᒪᔨᒋᔭᐅᓚᐅᕐᓂᖓᓂᒃ ᓯᕗᓕᕐᑎᐅᓪᓗᓂ ᓴᖅᑭᑕᐅᕙᓪᓕᐊᓕᕐᑎᓪᓗᒍ ᑐᙵᕕᒃ ᐃᓚᒌᒃᓴ ᓄᓇᕘᒧᒃᑯᓐᓂ, ᐹᐱ ᖃᐅᔨᒪᔭᐅᑦᑎᐊᒪᐅᕐᑐᖅ ᐊᔩᕐᑎᐅᓂᖓᓂᒃ ᐱᔪᒪᒋᔭᒥᓂᓪᓗ ᐱᕙᓚᐅᕐᑐᓂ,” ᐅᖃᖅᑐᖅ ᑕᐅᑐᙱ. “ᐱᓗᐊᕐᑐᒥᒃ ᐱᒻᒪᕆᐅᑎᑦᑎᓚᐅᕐᐳᖅ ᐅᔾᔨᕐᑐᖅᑎᐊᕐᑐᓂᐅᒃ ᓄᓇᕗᑦ ᐱᙳᖅᑎᑕᐅᔭᕆᐊᖃᓐᓂᖓ ᓄᓇᕘᒥ ᓄᓇᑖᕈᑏᑦ ᐊᖏᕈᑎᖏᑎᒎᖅᓯᒪᓗᓂ.”

“ᐱᒡᒍᑎᓗᒋᑦ ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ, ᓇᓪᓕᒋᕙᕗᑦ ᐹᐱᐅᑉ ᕿᒪᒃᑕᖏᑦ ᐃᓚᑯᓗᖏᑦ. ᐃᓚᓐᓇᕆᓚᐅᕋᒃᑯ ᐊᒻᒪᓗ ᐃᖅᑲᐃᒐᔪᓚᐅᕋᒃᑯ ᐊᔩᕐᑎᐅᓂᕐᒧᑦ ᖃᐅᔨᒪᓂᖓ. ᐊᒃᓱᕉᑎᒋᓯᒪᔭᖏᑦ ᖁᓚᓐᓇᐃᕐᓯᓂᖃᕈᑕᐅᓯᒪᕗᑦ ᐃᓄᐃᑦ ᓄᓇᖃᖁᓪᓗᒋᑦ ᓄᓇᒋᔭᕐᒥᓂ. ᑕᖄᖅᓯᑦᑎᐊᓕᕐᓕ ᓴᐃᓕᓗᓂ,” ᐅᖅᑲᖅᑐᖅ ᑕᐅᑐᙱ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: