ᒐᕙᒪᒃᑯᓐᓂ ᐃᖅᑲᓇᐃᔭᕐᓂᕐᒧᑦ ᓄᓇᕗᒥ ᐅᖄᓚᐅᑎᑎᒍᑦ ᖃᐅᔨᓴᕈᑎᖏᑦ
· ᑲᓇᑕᐅᑉ ᒐᕙᒪᒃᑯᖏᑦ, ᐃᑲᔪᖅᑐᖅᑕᐅᓪᓗᑎᒃ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓄᑦ, ᐃᖅᑲᓇᐃᔭᖅᑎᑖᖅᓯᒪᔪᑦ ᓂᐅᕕᐊᒃᓴᖃᕐᓂᕐᒧᑦ ᖃᐅᔨᓴᕐᓂᕐᒧᑦ ᑲᒻᐸᒥ .R.A Malatest and Associates Ltd. ᐊᒻᒪᓗ ᐱᓕᕆᖃᑎᖏᑦ ᓕᒥᑦ ᑲᑎᑦᑎᓂᐊᕐᓗᑎᒃ ᑐᑭᓯᒋᐊᕈᑎᒃᓴᓂᒃ ᐱᓪᓗᒋᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᑦᑎᓂᐊᑦ ᓄᓇᕗᒥ.
· ᑕᖅᑭᓕᒫᖓᓂ ᔪᓚᐃ 2015, ᑲᒻᐸᓂ ᐱᓕᕆᐊᖃᕐᓂᐊᖅᑐᑦ ᐊᐅᓪᓗᔾᔨᓗᑎᒃ ᐊᒥᓱᓂᒃ ᐊᒻᒪᓗ ᐅᖄᓚᐅᑎᑎᒍᑦ ᖃᐅᔨᓴᕐᓂᕐᒥᑦ ᐃᓄᖕᓂᑦ ᐊᑎᓕᐅᖃᑕᐅᓯᒪᔪᑦ ᓄᓇᑖᖃᑕᐅᓯᒪᓂᕐᒧᑦ ᐃᓗᐊᓂ ᐅᑯᐊ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑏᑦ ᐊᒻᒪᓗ ᐊᑯᓐᓂᖏᓐᓂ ᐅᑭᐅᖃᖅᑐᑦ 18 ᐊᒻᒪᓗ 64.
· ᐃᓚᐅᔪᑦ ᑕᒪᑦᓱᒧᖓ ᖃᐅᔨᓴᕐᓂᕐᒧᑦ ᐃᓗᐃᑦᑐᒥᑦ ᐃᓱᒪᖅᓱᖅᑐᑦ ᐊᒻᒪᓗ ᐊᑎᖏᑦ ᐅᖃᖅᑕᐅᔾᔮᖏᑦᑐᑦ. ᑭᐅᔾᔪᑎᑦ ᑐᓂᔾᔪᑕᐅᔪᑦ ᐊᒃᓱᐊᓗᒃ ᐊᑑᑎᖃᕐᓂᐊᖅᑐᑦ ᒐᕙᒪᒃᑯᑦ ᑎᒥᖁᑎᖏᓐᓄᑦ ᑐᑭᓯᐊᓂᕐᒥᑦ ᖃᓄᖅ ᓴᖅᑭᑦᑎᔪᓐᓇᕐᒪᖔᑕ ᐊᐅᓚᓪᔭᒃᑕᐅᒋᐊᓕᖕᓄᑦ ᐅᓄᖅᓯᒋᐊᕐᓗᒋᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ, ᓲᕐᓗ ᐃᓕᓐᓂᐊᖅᑎᑦᑎᔾᔪᑎᒃᓴᓂᑦ ᐱᓕᕆᐊᓂᑦ ᐊᒻᒪᓗ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᐸᕐᓇᐃᒍᑎᓂᒃ.
· ᐊᐱᕆᔭᐅᔾᔮᖏᑦᑐᑎᑦ ᓴᖅᑭᑦᑎᖁᔭᐅᓂᕐᒥᑦ ᐅᖃᕐᓗᒋᑦ ᓇᓪᓕᐊᓐᓂᑐᐃᓐᓇᖅ ᑐᑭᓯᒋᐊᕈᑎᒃᓴᓂᒃ ᐱᓪᓗᒋᑦ ᑮᓇᐅᔭᑎᑦ ᐱᓪᓗᒋᑦ, ᑮᓇᐅᔭᒃᑯᑦ ᐅᕝᕙᓘᓐᓃᑦ ᐊᑭᓕᒃᓴᖅᑖᕈᑎᒋᕙᒃᑕᑎᑦ ᓂᐅᕕᕈᑎᑦ.
· ᖃᐅᔨᓴᕐᓂᕐᒧᑦ ᓇᓗᓇᐃᔭᕐᕕᒃ ᐅᑯᓄᖓ ᓂᐅᕕᐊᒃᓴᖃᕐᓂᕐᒧᑦ ᖃᐅᔨᓴᕐᓂᑦ ᖃᐅᔨᒪᔨᑕ ᑎᒥᖁᑎᐊ. ᐅᖄᓚᕕᒋᓗᒋᑦ ᑖᒃᑯᐊ ᓇᓗᓇᐃᖅᓯᓗᑎᑦ ᓱᓕᓂᖏᓐᓂᒃ ᐱᓪᓗᒋᑦ ᑕᒪᓐᓇ ᖃᐅᔨᓴᕐᓂᖅ ᐅᕗᖓ ᓈᒪᐅᑎᒧᑦ: 1-888-602-6742. ᖃᐅᔨᓴᕈᑎᓗᑦ ᓇᓗᓇᐃᔭᕐᕕᒃ ᓈᓴᐅᑎᐊ ᐅᓇᐅᕗᑦ ᐱᒻᒪᕆᒃᑯᑦ 20150608-529V.
· ᐅᓂᒃᑳᑦ ᓴᖅᑭᑦᑐᓄᑦ ᑭᖑᓂᐊᒍᑦ ᑕᒪᑦᓱᒧᖓ ᖃᐅᔨᓴᕐᓂᕐᒧᑦ ᓴᖅᑭᑎᑕᐅᓛᖅᑐᑦ ᐊᑐᐃᓐᓇᐅᓕᕐᓗᑎᒃ ᐅᖃᓕᒫᒐᖃᕐᕕᖕᒥ ᐊᒻᒪᓗ ᐱᑐᖃᓂᑦ ᑲᓇᑕᒥ ᐃᓕᓯᕝᕕᐊᓐᓄᑦ ᖃᕆᑕᐅᔭᑎᒍᑦ ᑕᖅᑭᑦ ᐊᕐᕕᓂᓖᑦ 6 ᐃᓱᐊᓂ ᑕᒪᑦᓱᒧᖓ ᐅᖄᓚᐅᑎᑎᒍᑦ ᖃᐅᔨᓴᕈᑎᓄᑦ ᐊᒻᒪᓗ ᐅᖃᖃᑎᒌᒃᑐᑦ ᑲᑎᒪᔨᐊᓐᓄᑦ ᐊᒥᓲᓪᓗᑎᒃ. ᐊᑦᑕᑕᕐᓂᖅ ᐅᑯᓄᖓ ᐅᓂᒃᑳᓄᑦ ᓱᓕ ᐊᑐᐃᓐᓇᐅᓛᕐᒥᔪᑦ ᓄᓇᕗᑦ ᑐᓐᖓᕕᒃ ᑎᒥᖓᑕ ᖃᕆᑕᐅᔭᖏᓐᓂᑦ ᑕᑯᓇᒡᕕᐊᓂ ᐃᑭᐊᕿᔾᔪᑎᖏᓐᓂ.
ᐊᐱᖅᑯᑎᑦ ᐊᒻᒪᓗ ᑭᐅᔾᔪᑎᑦ
ᐊᐱᖅᑯᑦ: ᓲᖅ ᐱᓕᕆᐊᖃᖅᐱᓯ ᖃᐅᔨᓴᕐᓂᕐᒥᑦ?
ᑭᐅᔾᔪᑎᑦ: R.A. Malatest & Associates Ltd. ᐱᓕᕆᔾᔪᔾᔨᔪᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ, ᐃᑲᔪᖅᑕᐅᓪᓗᑎᒃ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓄᑦ, ᑐᑭᓯᐊᑦᑎᐊᕐᓂᖅᓴᐅᖁᓪᓗᒋᑦ ᐃᖅᑲᓇᐃᔭᕐᓂᕐᒧᑦ ᐃᓱᒪᓂᕐᒥᑦ, ᑐᕌᖅᑕᐅᔪᑦ ᐊᒻᒪᓗ ᐱᔭᐅᔭᕆᐊᖃᖅᑐᑦ ᐃᓄᐃᑦ ᓄᓇᖃᖅᑐᑦ ᓄᓇᕗᒥ. ᑕᒪᓐᓇ ᖃᐅᔨᓴᕐᓂᖅ ᐱᓕᕆᐊᖑᔪᖅ ᐃᓚᒋᓪᓗᒋᑦ ᐃᓄᐃᑦ ᐊᑎᓕᐅᖃᑕᐅᓯᒪᔪᑦ ᓄᓇᑖᖃᑕᐅᓯᒪᓂᕐᒥᑦ ᐅᑯᓇᓂ ᓄᓇᕗᑦ ᓄᓇᑖᕈᑎᓂ ᐊᖏᕈᑎᖏᑕ ᐊᒻᒪᓗ ᐅᑭᐅᖃᖅᑐᑦ ᐊᑯᓐᓂᖏᓐᓂ ᐃᓚᐅᓪᓗᑎᒃ 18-64-ᒧᑦ.
ᐊᐱᖅᑯᑎᑦ: ᖃᐅᔨᓴᕈᑎ ᑭᓱᓂᒃ ᐊᐱᕆᖃᑦᑕᓚᖓᕙᑦ?
ᑭᐅᔾᔪᑎᑦ: ᖃᐅᔨᒪᔪᒃᓴᐅᒐᑦᓯ, ᑎᑎᕋᖅᓯᒪᔪᐊᓂ ᐊᖏᕈᑎ 23-ᒥ ᐅᑯᐊ ᓄᓇᕗᑦ ᓄᓇᑖᕈᑎᓄᑦ ᐊᖏᕈᑎᖏᓐᓂ ᐅᖃᖅᓯᒪᖕᒪᑕ ᐅᑯᐊ ᒐᕙᒪᒃᑯᑦ ᐃᖅᑲᓇᐃᔭᖅᑎᑦᑎᔭᕆᐊᖃᕐᓂᖏᓐᓂᒃ ᓄᓇᕗᒥ ᐊᒃᑐᐊᓂᖃᕆᐊᖃᕐᒪᑕᓗ ᐃᓄᐃᖏᓐᓄᑦ ᐱᔨᑦᑎᖅᑕᖏᑕ. ᑕᐃᒪᐃᑎᓪᓗᒍ. ᖃᐅᔨᓴᕐᓂᖅ ᐊᐱᕆᔪᑦ ᐱᓪᓗᒋᑦ ᐊᑐᐃᓐᓇᐅᓇᔭᕐᓂᖏᒥᑦ, ᐃᓱᒪᓂᕐᒥᑦ, ᐊᒻᒪᓗ ᐸᕐᓇᒃᓯᒪᓂᕐᒥᑦ ᐱᓕᕆᓂᕐᒥᑦ ᐅᕙᓂᓘᓐᓃᑦ ᕼᐋᒪᓚᒃᑯᖏᓪᓂ, ᓄᓇᓕᐸᐅᔭᖓᓐᓂ ᐃᖃᓗᐃᑦ, ᓄᓇᕗᑦ ᒐᕙᒪᒃᑯᖓᑦ ᐅᕝᕙᓘᓐᓃᑦ ᑲᓇᑕᐅᑉ ᒐᕙᒪᖓᓐᓂ. ᑭᐅᔾᔪᑎᑎᑦ ᑐᓂᔭᑎᑦ ᐊᒃᓱᐊᓗᒃ ᐊᑑᑎᖃᕐᓂᐊᖅᑐᑦ ᐃᑲᔪᐃᓗᑎᒃ ᒐᕙᒪᒃᑯᑦ ᑎᒥᖁᑎᖏᓐᓄᑦ ᑐᑭᓯᐊᓂᖅᓴᐅᓕᕐᓗᑎᒃᓗ ᖃᓄᑦ ᓴᖅᑭᑦᑎᔪᓐᓇᕐᓂᕐᒥᑦ ᐊᐅᓚᔾᔭᒋᐊᕈᑎᓂᒃ ᐅᓄᖅᓯᒋᐊᖅᑕᐅᓂᖏᓐᓄᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓇᔭᕐᓂᖏᓐᓄᑦ, ᓲᕐᓗ ᐃᓕᓐᓂᐊᖅᑎᑦᑎᔾᔪᑎᒃᓴᓂᑦ ᐱᓕᕆᐊᖑᓗᑎᒃ ᐊᒻᒪᓗ ᐃᓄᐃᑦ ᐃᖅᑲᓇᐃᔭᕐᓂᖏᓐᓄᑦ ᐸᕐᓇᐅᑎᑎᒍᑦ.
ᐊᐱᖅᑯᑎᑦ: ᐅᓇ ᖃᐅᔨᓴᕈᑎ ᐊᐱᕆᓂᐊᖅᐹ ᐅᕙᓐᓂᒃ ᑐᓂᓯᖁᔨᕐᓂᕐᒧᑦ ᓇᖕᒥᓂᖅ ᑮᓇᐅᔭᕐᒪ ᒥᒃᑖᓄᑦ ᑐᑭᓯᒍᑎᒃᓴᓃᒃ?
ᑭᐅᔾᔪᑎᑦ: ᐊᐱᕆᔭᐅᔾᔮᖏᑦᑐᑎᑦ ᓴᖅᑭᑦᑎᖁᔭᐅᓂᕐᒥᑦ ᓇᓪᓕᐊᓐᓂᑐᐃᓐᓇᖅ ᑐᑭᓯᒋᐊᕈᑎᒃᓴᓂᒃ ᐱᓪᓗᒋᑦ ᑮᓇᐅᔭᑎᑦ, ᑮᓇᐅᔭᒃᑯᑯᑦ ᐊᒻᒪᓗ ᕿᓪᓚᔪᕿᐊᑦ ᐊᑭᓕᒃᓴᖅᑖᕈᑎᑦ.
ᐊᐱᖅᑯᑎᑦ: ᑭᐅᔾᔪᑏᑦ ᑲᖑᓇᖅᑎᑕᐅᕙᑦ ᑭᒃᑯᑐᐃᓐᓇᓄᑦ ᑕᑯᔭᐅᖏᓪᓗᑎᑏᒃ?
ᑭᐅᔾᔪᑎᑦ: ᑕᒪᕐᒥᒃ ᑐᑭᓯᒋᐊᕈᑎᑦ ᑐᓂᔾᔪᑎᒋᔭᑎᑦ ᑲᒪᒋᔭᐅᓂᐊᖅᑐᑦ ᒪᓕᒃᓗᒋᑦ ᑲᓇᑕᒥᑦ ᑲᖑᓇᖅᑑᑎᑕᐅᔪᓄᑦ ᐱᖁᔭᑎᒍᑦ ᒪᓕᒃᓗᒋᑦ ᐅᑯᐊ (http://laws-lois.justice.gc.ca/eng/acts/p-21/) ᐊᒻᒪᓗ ᐊᓯᖏᑦ ᐊᑐᖅᑕᐅᔪᑦ ᒪᓕᒐᒃᓴᑦ, ᐃᓚᒋᓪᓗᒋᑦ ᓇᖕᒥᓂᖅ ᐱᓪᓗᒋᑦ ᑭᒃᑯᑐᐃᓐᓇ ᒥᒃᓵᓄᑦ ᓴᖅᑭᑎᑕᐅᔭᕆᐊᖃᖏᑦᑐᑦ ᐊᑐᐊᒐᖏᑦ ᐅᑯᐊ R.A. Malatest & Associates ᐊᑐᐃᓐᓇᐅᓂᐊᖅᑐᑦ ᐅᕙᓂ ᖃᕆᑕᐅᔭᑎᒍᑦ ᑕᑯᓇᒃᕕᐊᓐᓂ http://www.malatest.com/Privacy.htm. ᑭᐅᔾᔪᑎᑎᑦ ᑕᒪᒃᑯᓄᖓ ᐊᐱᖅᑯᑎᓄᑦ ᐃᓕᖓᓂᐊᖅᑐᑦ ᐊᑎᕆᔭᐅᔪᑦ ᓴᖅᑭᑎᑕᐅᖏᓪᓗᑎᒃ. ᖃᐅᔨᓴᕐᓂᕐᒧᑦ ᓴᖅᑭᑦᑐᑦ ᑕᐃᒪᖓᓂᒃ ᐅᓂᒃᑲᐅᑕᐅᖃᑦᑕᓚᖓᔪᑦ ᐊᒥᓱᓄᑦ ᐃᓄᖕᓄᑦ, ᐊᑕᐅᓯᕐᒨᖏᑦᑐᖅ ᑭᓇᑐᐃᓐᓇᒧᑦ, ᐊᒻᒪᓗ ᓇᖕᒥᓂᖅ ᐊᑏᑦ ᐃᓕᔭᐅᔾᔮᖏᑦᑐᖅ ᓇᓪᓕᐊᓐᓂᑐᐃᓐᓇ ᐅᓂᒃᑳᓕᐊᖑᔪᓂ.
ᐊᐱᖅᑯᑎᑦ: ᖃᓄᖅ ᓇᓗᓇᐃᖅᓯᕕᐅᒍᓐᓇᖅᐳᖓ ᑐᑭᓯᔪᒪᓂᕋᓂᑦ ᓱᓕᓂᖏᓐᓂᒃ ᑕᒪᑦᓱᒧᖓ ᖃᐅᔨᓴᕈᑏᑦ?
ᑭᐅᔾᔪᑎᑦ: ᑕᒪᓐᓇ ᖃᐅᔨᓴᕐᓂᐅᔪᖅ ᓇᓗᓇᐃᖅᑕᐅᓯᒪᔪᑦ ᑎᑎᖅᑕᐅᓯᒪᓂᒃᑯᑦ ᐱᖃᑎᒋᓪᓗᒋᑦ ᐅᑯᐊ ᓂᐅᕕᒃᓴᓄᑦ ᖃᐅᔨᓴᕐᓂᕐᒧᑦ ᖃᐅᔨᒪᔨᒻᒪᕇᑦ ᑲᑐᔾᔨᖃᑎᒌᒃᑯᖏᑎᒍᑦ. ᐅᖄᓚᕕᒋᔪᓐᓇᖅᑕᑎᑦ ᑐᑭᓯᑦᑎᐊᕈᒪᒍᕕᑦ ᓱᓕᓂᖏᓐᓂᒃ ᑕᒪᑦᓱᒧᖓ ᖃᐅᔨᓴᕈᑎᐅᔪᑦ ᐅᕗᐊ ᐅᖄᓚᐅᑎᐊᓐᓄᑦ: 1-888-602-6742. ᑕᒪᓐᓇ ᖃᐅᔨᓴᓂᖅ ᓇᓗᓇᐃᖅᑕᐅᓯᒪᔪᖅ ᑎᑎᖅᑕᐅᓯᒪᓪᓗᓂ ᓇᒻᒪᖓ ᐅᓇᐅᕗᖅ : 20150608-529V.
