ᑐᓴᕋᑦᓴᓕᕆᔩᑦ

2014-15 ᐅᖃᐅᓯᓕᕆᓂᕐᒧᑦ ᐊᖏᕈᑎ

ᐃᖃᓗᐃᑦ, ᓄᓇᕗᑦ (ᒪᐃ 8, 2015) – ᒥᓂᔅᑕ ᓕᐅᓇ ᐊᒡᓗᒃᑲᖅ ᐱᖓᔪᐊᓐᓂᐅᑎᓪᓗᒍ ᐊᖏᕈᑎᒥᑦ ᑲᔪᓯᑦᑎᑦᑎᓂᕋᓚᐅᖅᑐᖅ 2014-15 ᐅᖃᐅᓯᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᕐᒧᑦ ᑲᓇᑕᐅᑉ ᒐᕙᒪᒃᑯᖏᓐᓃᖔᖅᑐᒥᑦ. ᑮᓇᐅᔭᐃᑦ $2.7-ᒥᓕᐊᓐ ᐅᖃᐅᓯᓕᕆᓂᕐᒧᑦ ᐊᔭᐅᖅᑐᐃᒍᑎᒃᓴᓂᒃ ᓴᖅᑭᑦᑎᓂᕐᒧᑦ ᐊᑐᖅᑕᐅᓂᖏᑕ. ᐊᖏᓂᐊ, $1.625-ᒥᓕᐊᓐ ᑐᕌᕐᓗᑎᒃ ᐅᐃᕖᑦ ᐅᖃᐅᓯᖏᓐᓄᑦ ᐊᒻᒪᓗ $1.1-ᒥᓕᐊᓐ ᐃᓄᐃᑦ ᐅᖃᐅᓯᖏᓐᓄᑦ ᐊᑐᕐᓗᑎᒃ.

“ᑮᓇᔭᖃᖅᑎᑕᐅᓂᖅ ᐊᓯᔾᔨᖅᑕᐅᓚᐅᖅᓯᒪᖏᑦᑐᑦ ᑕᐃᒪᓐᖔᓗᓂᑦ ᐅᑭᐅᑦ ᖁᓖᑦ ᐅᖓᑖᓄᑦ, ᑮᓇᐅᔭᒃᓴᐃᑦ ᐃᓄᐃᑦ ᐅᖃᐅᓯᖏᓐᓄᑦ ᓱᕐᕋᓚᐅᖅᓯᒪᖏᑦᑐᑦ” ᐅᖃᖅᑐᖅ ᐅᖃᐅᕐᓄᑦ ᑲᒥᓯᓇ ᓵᓐᑐᕋ ᐃᓅᑎᖅ. “ᐅᖃᐅᓰᑦ ᓇᓕᒧᑎᑕᐅᒋᐊᓖᑦ ᑮᓇᐅᔭᑦ ᐱᑕᖃᒃᑲᓐᓂᑎᑕᐅᓂᖓᒍᑦ ᐊᑐᖅᑕᐅᓂᐊᖅᑐᓄᑦ ᐃᓄᐃᑦ ᐅᖃᐅᓯᖏᓐᓄᑦ ᑐᕌᖅᑐᓂᒃ, ᐊᒻᒪᓗ ᑮᓇᐅᔭᖅᑖᖑᕙᒃᑐᑦ ᐅᐃᕖᑦ ᐅᖃᐅᓯᖏᓐᓄᑦ ᓈᒻᒪᓗᑎᒃ” ᑲᔪᓯᔪᖅ ᐅᖃᖅᑐᓂ.

“ᐃᓅᓱᑦᑐᑦ ᐊᒥᓱᐊᓘᑎᓪᓗᒋᑦ, ᐅᔾᔨᕐᓇᖅᑐᖅ ᓱᑲᑦᑐᒥᒃ ᐅᖃᐅᓯᖅ ᔭᒐᑉᐸᓪᓕᐊᔪᑦ ᐊᓯᐅᕙᓪᓕᐊᔪᑦ. ᓴᐳᑎᔭᐅᓯᒪᔭᕆᐊᖃᕐᓂᖓ ᐅᖃᐅᓯᕗᑦ ᒫᓐᓇ ᑐᐊᕕᕐᓇᖅᓯᔪᖅ ᐊᒻᒪᓗ ᑲᑐᑎᑕᐅᔭᕆᐊᖃᖅᑐᓂ ᐱᔭᒃᓴᑦ ᑕᒪᒃᓱᒧᖓ. ᑲᓇᑕᐅᑉ ᒐᕙᒪᒃᑯᖏᑦ ᐋᖅᑭᒋᐊᖅᑎᑦᑎᒋᐊᓖᑦ ᐱᔭᒃᓴᖃᖅᑐᑎᓪᓗ ᐃᓄᐃᑦ ᐅᖃᐅᓯᖏᓐᓄᑦ, ᓲᖃᐃᒻᒪ ᓄᓇᕗᒻᒥ ᑭᖑᓂᑦᑎᓐᓂᑦ ᐅᖃᐅᓯᑎᓐᓂᑦ ᓴᒃᑯᐃᑎᑦᑎᓇᓱᖕᓂᕐᒥᒃ ᐊᑐᓚᐅᕐᒪᑕ” ᐅᖃᖅᑐᖅ ᓵᓐᑐᕋ ᐃᓅᑎᖅ.

ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᖓᔪᖅᑳᑉ-ᑐᖏᓕᐊ ᔭᐃᒻᔅ ᐃᑦᑐᓗᒃ ᐅᖃᖅᑐᖅ, “ᐃᓄᒃᑐᑦ ᐅᖃᐅᓯᕐᒥ ᐃᑲᔪᖅᑐᐃᓂᖅ ᑎᕆᒃᑯᒋᔭᐅᖕᒪᑦ ᑎᒍᒻᒥᓗᒍ ᐅᖃᐅᓯᕗᑦ ᓴᖏᔪᒥᑦ. ᓈᒻᒪᖏᒻᒪᑦ ᑕᐃᒪᐃᑦᑐᑦ ᐊᑑᑎᖃᖏᑦᑐᓂᑦ ᐱᔾᔪᑎᒃᓴᖃᕐᓗᓂ ᐊᑐᖅᑐᒃᓴᓄᑦ ᑲᔪᓯᔪᑦ ᓴᓂᕐᕙᖅᑕᐅᕙᒃᑐᑦ ᓄᓇᕗᒧᑦ. ᐅᖃᐅᓯᕗᑦ ᐊᑐᖅᑕᐅᓂᐊ ᓱᓕ ᓴᖏᔪᖅ, ᐊᖅᑯᓵᓕᕋᑦᑕ ᐅᖃᐅᓯᖅ ᓱᕈᖅᐸᓪᓕᐊᓂᐊᓂᒃ, ᓱᑲᔪᒥᖅ ᐱᕈᖅᐸᓪᓕᐊᓂᐊ ᐃᓄᐃᑦ ᐊᒥᓲᓂᖏᑕ, ᐊᒻᒪᓗ ᐅᓄᖅᓯᕙᓪᓕᐊᔪᑦ ᐊᒃᓱᐊᓗᑦ ᓵᓚᐅᔭᓪᓕᐊᓂ ᐅᖃᐅᓯᐅᔪᑦ. ᐱᑕᖃᕆᐊᖃᖅᑐᒍᑦ ᓈᒻᒪᒃᑐᓂᑦ ᑮᓇᐅᔭᓂᑦ ᐊᑐᕐᓂᐊᖅᑐᓄᑦ ᓇᓗᓇᐃᖅᓯᒍᑎᐅᓗᑎᒃ ᐅᖃᐅᓯᕗᑦ ᐊᒃᓱᕉᓴᑕᐅᓗᓂ.”

 

“ᐱᓕᕆᐊᖑᔭᕆᐊᖃᖅᑐᑦ ᐊᒥᓱᒻᒪᕆᐅᒻᒪᑕ ᐅᖃᐅᓯᕗᑦ ᓴᙱᓂᖃᒃᑲᓐᓂᖁᓪᓗᒍ, ᓲᕐᓗ ᑮᓇᐅᔭᓂᒃ ᐊᑐᐃᓐᓇᖃᖅᑎᑦᑎᓂᖅ ᐃᓕᓐᓂᐊᕈᑎᓕᕆᓂᕐᒧᑦ ᐃᓕᓐᓂᐊᕈᑎᒃᓴᓂᓪᓗ ᐊᒻᒪᓗ ᓴᖅᑭᑦᑎᓂᖅ ᐃᓕᓐᓂᐊᓂᕐᒧᑦ ᐊᑐᖅᑐᒃᓴᑦ, ᐃᓕᓐᓂᐊᓚᐅᖏᑦᑐᓄᑦ ᓱᓕ ᐱᓕᕆᐊᑦ, ᐃᓐᓇᕐᓄᑦ ᐃᓕᓐᓂᐊᕈᑎᒃᓴᑦ ᐊᒻᒪᓗ ᐱᕙᓪᓕᐊᔪᓕᕆᔾᔪᑎᑎᒍᑦ ᓄᓇᕗᒻᒥ”, ᐅᖃᖅᑐᖅ ᐃᓅᑎᖅ. ᓄᓇᕗᑦ ᓇᓗᓇᐃᖅᓯᒪᒻᒪᑦ ᒥᓚᒐᒃᑯᑦ ᖃᓄᖅ ᐅᖃᐅᓯᕐᒥᓂᒃ ᓴᐳᒻᒥᔭᐅᔪᓐᓇᕐᒪᖔᖅ, ᐆᒻᒪᖅᑎᑕᐅᔾᔫᒥᔪᓐᓇᕐᒪᖔᖅ, ᐊᑐᖅᑕᐅᒃᑲᓐᓂᕈᓐᓇᕐᒪᖔᕐᓗ ᐊᖅᑯᑎᒋᓗᒋᑦ ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᐱᖁᔭᖅ ᐊᒻᒪᓗ ᐃᓄᐃᑦ ᐅᖃᐅᓯᖓᑕ ᓴᐳᒻᒥᔭᐅᓂᖓᓄᑦ ᐱᖁᔭᖅ.

   ###

ᑐᓴᒐᒃᓴᓕᕆᔨ:

 

ᑳᓖᓐ ᐋᕆᐊᒃ

ᑐᓴᐅᒪᖃᑦᑕᐅᑎᓕᕆᔨᐅᓚᐅᑲᒃᑐᖅ

ᐅᖃᐅᓯᕐᓄᑦ ᑲᒥᓴᓇᐅᑉ ᐊᓪᓚᕕᐊ ᓄᓇᕗᒻᒥ

ᐅᖄᓚᐅᑖ: 867-975-5082

ᐊᑭᓕᕆᐊᖃᙱᑦᑐᖅ: 1-877-836-2280

www.langcom.nu.ca

 

ᑮᐅᕆ ᒪᑲᓪᔅᑭ

ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ

ᓄᓇᕗᑦ ᑐᙵᕕᒃᑯᑦ ᑎᒥᖓᑦ

ᐅᖄᓚᐅᑖ: (867) 975-4914 ᐊᑭᓕᕆᐊᖃᙱᑦᑐᖅ: 1- 888-646-0006

www.tunngavik.com

 

 

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: