ᓄᓇᕗᑦ ᑐᙵᕕᒃᑯᑦ ᑎᒥᖓ ᑐᓴᖅᑎᑦᓯᔪᑦ ᓇᓗᓇᐃᖅᑕᐅᓯᒪᙱᑦᑐᓂᒃ 2024 ᐊᖓᔪᖅᑳᒧᑦ ᓂᕈᐊᕈᑎᓂᒃ

ᑐᓴᖅᑎᑦᓯᒍᑕᐅᑦᓴᐅᑎᒋᒋᐊᓖᑦ
(ᑏᓰᒻᐱᕆ 10, 2021 – ᐃᖃᓗᐃᑦ, ᓄᓇᕗᑦ) ᐅᓪᓗᒥ, ᓄᓇᕗᑦ ᑐᙵᕕᒃ ᑎᒥᖓᑕ (ᑐᙵᕕᒃ) ᓂᕈᐊᖅᑐᓕᕆᔨᒻᒪᕆᖓ ᒫᓂᑲ ᐃᐅᓪ−ᑲᓇᔪᖅ ᑐᓴᖅᑎᑦᓯᔪᖅ ᔨᐅᓚᒥ ᑑᕐᖕᒐᓗ ᓂᕈᐊᖅᑕᐅᓂᖓᓂᒃ ᑐᙵᕕᒃᑯᑦ ᐊᖓᔪᖅᑳᖓᓄᑦ 34.4%-ᖏᓐᓄᑦ ᓂᕈᐊᕈᑏᑦ.
ᔨᐅᓚᒥ ᑑᕐᖕᒐᓗ ᐊᖓᔪᖅᑳᕆᔭᐅᓂᐊᖅᑐᖅ ᓯᑕᒪᓄᑦ ᐊᕐᕌᒍᓄᑦ, ᑏᓰᒻᐱᕆ 2028-ᒧᓄᑦ.
ᑐᙵᕕᒃᑯᑦ ᐊᖓᔪᖅᑳᖓ ᐊᐅᓚᑦᓯᔨᓪᓗᐊᑕᐅᖃᑕᐅᔪᖅ ᑐᙵᕕᒃᑯᑦ ᑲᑎᒪᔨᖏᓐᓄᑦ ᐊᒻᒪᓗ ᐊᐅᓚᑦᓯᔩᑦ ᑲᑎᒪᔨᕋᓛᖏᓐᓄᑦ, ᐊᒻᒪᓗ ᐃᑦᓯᕙᐅᑕᐅᓪᓗᓂ, ᑲᑎᒪᔨᐅᔪᖅ ᐊᒻᒪᓗ/ᐅᕝᕙᓘᓐᓃᑦ ᐸᐸᑦᑎᔨᐅᔪᖅ ᐅᑯᓄᖓ ᑎᒥᐅᔪᓄᑦ ᑲᑐᔾᔨᖃᑎᒌᓄᓪᓗ:
ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ: ᐊᐅᓚᑦᓯᔪᑦ ᐱᓕᕆᐊᒃᓴᓂᒃ ᐊᑦᑐᐊᔪᓂᒃ ᐱᕚᓪᓕᕈᑎᑦᓴᖏᓐᓄᑦ ᐃᓄᐃᑦ ᐅᖃᐅᓯᖏᑦ, ᐃᓕᖅᑯᓯᖓ ᐊᒻᒪᓗ ᒪᒥᓴᕐᓂᕐᒧᑦ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᓯᒪᔪᓄᑦ
ᒪᑭᒋᐊᖅᑕ ᐃᓄᐃᑦ ᐱᓕᖕᒪᓴᕐᓂᕐᒧᑦ ᑯᐊᐳᕇᓴᓐ: ᐊᐅᓚᑦᓯᔪᑦ ᐱᓕᕆᐊᒃᓴᓂᒃ ᐊᑦᑐᐊᔪᖤᒃ ᐃᓄᐃᑦ ᐱᓕᖕᒪᒃᓴᐅᑎᖏᓐᓄᑦ ᐃᓕᓐᓂᐊᕐᓂᖏᓐᓄᓪᓗ
ᑐᙵᕕᒃᑯᑦ ᒪᑭᒪᔾᔪᑎᒃᓴᓄᑦ ᐃᓅᓯᓕᕆᓂᕐᒧᓪᓗ ᑎᒥᖓ: ᑎᒍᒥᐊᖅᑐᖅ ᑲᒻᐸᓂ ᐊᑐᖅᑐᐊᕐᕕᒃ …

ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓂᑭᓴᐅᑎᓂᕐᒧᑦ ᐱᔾᔪᓯᐊᖅᑖᕈᓐᓇᖅᑐᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᓄᕖᕝᕙ 27, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᐃᑲᔫᑎᒃᓴᓕᕆᔨᒃᑯᑦ ᑎᒥᖓᑕ ᐃᒃᓯᕙᐅᑕᖓ ᐊᓗᑭ ᑰᑦᑎᖅ ᖁᕕᐊᓱᑉᐳᖅ ᑐᓴᖅᑎᑦᑎᔭᕆᐊᒃᓴᖅ ᑕᓪᓕᒪᑦ (5) ᓵᓚᒃᓴᕈᓐᓇᕐᓂᐊᕐᒪᑕ ᐃᓄᒃᑑᖅᑕ! ᐃᓄᒃᑐᑦ ᑎᑎᕋᑦᑎᐊᕐᓂᑭᓴᐅᑎᓂᕐᒧᑦ ᐱᔾᔪᓯᐊᕐᒧᑦ. ᐱᔾᔪᓯᐊᕋᔭᖅᑐᑦ ᐅᑯᐊᖑᕗᑦ ᑖᓇ ᐋᑕᒻᔅ, ᒪᐃᒐᓐ ᐊᓕᕙᖅᑕᖅ, ᑭᐊᕙᓐ ᖃᑉᓗᑦᓯᐊᖅ, ᓴᕚᓇ ᕿᓕᖅᑎ, ᐊᒻᒪᓗ ᒪᐃᒐᓐ ᐅᖓᓛᖅ.
ᐱᖓᓲᓕᖅᓲᖑᓕᖅᐸᑦ, ᑎᓰᕝᕙ 4th, ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓂᑭᓴᐅᑎᓂᕐᒧᑦ ᐱᔾᔪᓯᐊᖅᑖᖅᑐᖃᖅᑎᓪᓗᒍ ᓂᕆᕕᔾᔪᐊᓛᕐᒪᑕ ᐊᖅᓴᕐᓃᑦ ᑐᔪᕐᒥᕕᖓᓂᒃ ᐊᒻᒪᓗ ᑲᑎᒪᕕᖓᓂᒃ ᐃᖃᓗᓐᓂ, ᓄᓇᕗᑦ, ᓵᓚᒃᓴᖅᑐᑦ ᑭᒃᑰᒻᒪᖔᑕ ᑐᓴᖅᑎᑕᐅᓛᖅᑐᑎᑦ ᑕᓪᓕᒪᖓᓐᓂ ᓯᕗᓪᓕᖅᐹᒧᑦ. ᐊᑕᐅᓯᖅ ᐱᔾᔪᓯᐊᕈᓐᓇᖅᑐᖅ ᑐᓂᔭᐅᒐᔭᖅᑐᖅ ᓵᓚᖃᐅᓯᐊᕐᒥᒃ $80,000-ᓂᒃ ᐊᒻᒪᓗ ᐃᑲᔪᖅᑐᖅᑕᐅᓗᓂ ᑎᑎᕋᕐᓂᖓᓂᒃ ᐊᕐᕌᒍ ᐊᑕᐅᓯᖅ ᐅᖓᑖᓄᑦ ᑎᑎᕋᕋᔭᕋᒥᒋᑦ ᑐᓂᔭᖏᑦ ᐅᖃᓕᒫᒐᓕᐊᕆᔭᐅᓛᕐᒪᑦ. ᑎᓴᒪᒃᑲᓐᓃᑦ ᐱᔾᔪᓯᐊᑦ ᑐᓂᔭᐅᒐᔭᕐᒥᔪᑦ ᓵᓚᖃᖅᑐᓄᑦ …

ᓄᓇᕗᑦ ᑐᙵᕕᒃ ᑎᒥᖓ ᓂᕈᐊᕆᐊᖅᑐᖁᔨᕗᑦ 2024-ᒥ ᐊᖓᔪᖅᑳᑉ ᐃᓂᖓᓄᑦ ᓂᕈᐊᖅᑐᖃᖅᑎᓪᓗᒍ ᓄᑖᕐᓂᒃ ᓂᕈᐊᕆᐊᖅᑐᕐᓂᖅᓴᐅᑎᑦᑎᓇᓱᓪᓗᑎᑦ ᐱᓕᕆᐊᖃᖅᑎᑦᑎᓪᓗᑎᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᓄᕖᕝᕙ 14, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᓂᕈᐊᖅᑎᑦᑎᓂᖃᓛᖅᑐᑦ ᐊᖓᔪᖅᑳᑉ ᐃᓂᖓᓄᑦ ᑎᓰᕝᕙ 9, 2024−ᖑᓕᖅᐸᑦ. ᑲᔪᖏᖅᓴᖅᑕᐅᓪᓗᑎᑦ ᓂᕈᐊᕆᐊᖅᑐᕐᓗᑎᑦ, ᓄᓇᕗᑦ ᑐᙵᕕᒃ ᑎᒥᖓ ᐊᐅᓚᑦᑎᔪᑦ ᐊᒥᓱᓂᑦ ᓂᕈᐊᕆᐊᖅᑐᕈᒪᒍᑎᓂᒃ, ᓲᕐᓗᒃ $100 ᓂᐅᕕᕈᓐᓇᐅᑎᑖᖅᑎᑦᑎᓗᑎᑦ ᑕᒪᐃᓐᓂ ᓂᕈᐊᕈᓐᓇᖅᑐᓕᒫᓂᒃ ᓂᕈᐊᕆᐊᖅᑐᖅᐸᑕ, ᑕᒪᐃᓐᓂ ᓂᕈᐊᕋᒃᓴᐅᔪᑦ ᐊᐃᕙᐅᑎᑕᐅᓗᑎᑦ, ᐊᒻᒪᓗ ᑐᓂᓯᓗᑎᑦ $5,000 ᐊᑭᓕᐅᑕᐅᔾᔪᑎᒃᓴᑦ ᐊᑐᓂ ᓂᕈᐊᕋᒃᓴᐅᔪᓄᑦ ᐃᑲᔪᖅᑕᐅᖁᓪᓗᒋᑦ ᐊᐅᓪᓚᕈᑎᖏᑦ ᓄᓇᓕᖕᓄᑦ ᓂᕈᐊᖅᑕᐅᓇᓱᐊᕐᓂᖏᑕ ᐱᔾᔪᑎᖃᕐᓗᑎᑦ ᐊᑐᖅᑕᐅᒐᔭᕐᓗᑎᑦ.
$100 ᓂᐅᕕᕈᓐᓇᐅᑎ
ᑕᒪᐃᓐᓂ ᓂᕈᐊᕈᓐᓇᖅᑐᑦ ᓂᕈᐊᕐᕕᒻᒨᕈᑎᑦ ᓯᕗᓂᐊᒍᑦ ᓂᕈᐊᖅᑎᑦᑎᓂᖏᖕᓂᒃ ᑎᓰᕝᕙ 2nd, ᓂᕈᐊᖅᑎᑦᑎᒋᐊᖅᑐᕐᓗᑎᑦ ᐅᐸᒍᑎᔪᑦ ᐊᔪᕈᑎᖃᐅᖅᑐᓄᑦ ᑎᓰᕝᕙ 3 – 6th, ᐅᕝᕙᓘᓐᓃᑦ ᓂᕈᐊᕐᓇᑉ ᐅᓪᓗᖓᓂᒃ ᑎᓰᕝᕙ 9th ᓂᕕᕈᓐᓇᐅᑎᑖᕋᔭᖅᑐᑦ ᐃᒪᓐᓇᓂᒃ $100 ᓂᐅᕕᕈᓐᓇᐅᑎᑖᕈᑎᒋᔭᐅᓗᓂ ᐅᕝᕙᓘᓐᓃᑦ ᐊᑭᓕᒃᓴᓂᐅᑎᐅᔪᓐᓇᓕᕐᓗᓂ ᑯᐊᐸᒃᑯᓐᓂ …

ᓄᓇᕗᑦ ᑐᙵᕕᒃ ᑎᒥᖓᑕ ᓂᕈᐊᖅᑎᑦᑎᓂᖏᑦ ᐊᖓᔪᖅᑳᑉ ᐃᓂᖓᓄᑦ 2024 – ᐃᓕᓴᕆᔭᐅᓯᒪᔪᑦ ᐊᑎᖏᑦ ᓂᕈᐊᕋᒃᓴᐅᔪᑦ ᑎᑎᖅᑐᖅᑕᐅᓯᒪᓂᖏᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᓄᕖᕝᕙ 4, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (NTI) ᓂᕈᐊᖅᑎᑦᑎᓂᖃᓛᖅᑐᑦ ᐊᖓᔪᖅᑳᑉ ᐃᓂᖓᓄᑦ ᑎᓰᕝᕙ 9, 2024−ᖑᓕᖅᐸᑦ. ᐊᓪᓕᕐᒥᒃ ᐃᓕᓴᕆᔭᐅᓯᒪᔪᑦ ᓇᓗᓇᐃᖅᑕᐅᓯᒪᓪᓗᑎᑦ ᐊᑏᑦ ᑎᑎᖅᑐᖅᓯᒪᔪᑦ ᓂᕈᐊᕋᒃᓴᐅᓛᖅᑐᑦ:
ᓂᑯᓪ ᐱᐅᕚ ᑲᒻᐸᒡ
ᐋᓄᓗ ᓇᑲᓱᒃ
ᕐᑳᑕᓂ ᑕᐅᑐᖅᒋ
ᔨᐅᓚᒥ ᑑᕐᖕᒐᓗ
ᐊᖓᔪᖅᑳᑉ ᐃᓂᖓ ᐊᑯᓂᐅᑎᒋᓂᖃᕋᔭᖅᑐᖅ ᑎᓴᒪᑦ (4) ᐊᕐᕌᒍᓄᑦ. ᓂᕈᐊᖅᑏᑦ ᑕᓪᓕᒪᑎᒍᑦ ᓂᕈᐊᕈᓐᓇᓛᖅᑐᑦ ᓄᓇᕗᑦ ᑐᙵᕕᒃ ᑎᒥᖓᑕ ᓂᕈᐊᓕᕈᑎᑦ ᐊᖓᔪᖅᑳᕐᓄᑦ: ᓯᕗᓂᐊᒍᑦ ᓂᕈᐊᕈᓐᓇᓛᖅᑐᑦ ᑎᓰᕝᕙ 2, 2024 ᓂᕈᐊᕈᓐᓇᔾᔮᓛᙱᒃᑯᑎᑦ ᓂᕈᐊᕐᓇᐅᓕᖅᐸᑦ; ᓂᕈᐊᕐᓇᑉ ᐅᓪᓗᖓᓂ ᑎᓰᕝᕙ 9, 2024, ᐊᔪᕈᑎᓕᓐᓄᑦ ᐅᐸᒍᑎᓯᒪᔪᑦ ᓂᕈᐊᖅᑐᓕᕆᔩᑦ ᓂᕈᐊᕈᓐᓇᖁᓪᓗᒋᑦ ᐊᔪᕈᑎᓖᑦ, ᓂᕈᐊᕆᐊᖅᑐᑎᑦᑎᓗᑎᑦ ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑎᒍᑦ ᐊᐅᓪᓚᖅᑎᑦᑎᓗᑎᑦ ᓂᕈᐊᖅᑕᒥᖕᓂᒃ.
ᑐᑭᓯᒋᐊᒃᑲᓐᓂᖁᓪᓗᑎᑦ ᖃᐅᔨᒃᑲᕐᓗᒍ ᓄᓇᓕᓐᓂ ᑐᓴᐅᒪᔪᓕᕆᔨ, ᐊᖓᔪᖅᑳᖅ ᓂᕈᐊᖅᑐᓕᕆᔨ ᐅᕝᕙᓘᓐᓃᑦ ᐊᓪᓚᒡᕕᐊ ᐊᖓᔪᖅᑳᑉ …

ᓄᓇᕗᑦ ᑐᙵᕕᒃ ᑎᒥᖓᑕ ᓂᕈᐊᖅᑎᑦᑎᓂᖏᑦ ᐊᖓᔪᖅᑳᑉ ᐃᓂᖓᓄᑦ 2024 -ᓇᓗᓇᐃᖅᑕᐅᓯᒪᙱᑦᑐᑦ ᐊᑎᖏᑦ ᑎᑎᖅᑐᖅᓯᒪᔪᑦ ᓂᕈᐊᕋᒃᓴᐅᔪᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᓄᕖᕝᕙ 1, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (NTI) ᐊᖓᔪᖅᑳᖅ ᓂᕈᐊᖅᑐᓕᕆᔨᒃᑯᓐᓄᑦ, ᒫᓂᑲ ᐃᐅᓪ−ᑲᓇᔪᖅ, ᑐᓴᖅᑎᑦᑎᕗᖅ ᓄᓇᕗᑦ ᑐᙵᕕᒃ ᑎᒥᖓᓄᑦ ᓂᕈᐊᕋᒃᓴᐅᔪᑦ ᐊᑯᓂᐅᓂᖓ ᓂᕈᐊᖅᑕᐅᓂᒃᓴᖓᓄᑦ ᐊᖓᔪᖅᑳᑉ ᐃᓂᖓᓄᑦ ᒪᑐᒻᒪᑦ 5 ᐅᓐᓄᓴᒃᑯᑦ ᐅᓪᓗᒥᐅᔪᖅ ᓄᓇᓖᑦ ᓯᕿᙳᔭᖓ ᒪᓕᑦᑐᒍ.
ᐅᑯᐊ ᓂᕈᐊᕋᒃᓴᑦ ᑐᓂᓯᓯᒪᔪᑦ ᐊᓕᓚᔪᕐᓂᒃ ᒪᓕᑦᑐᒋᑦ ᓄᓇᕗᑦ ᑐᙵᕕᒃ ᑎᒥᖓᑕ ᓂᕈᐊᕐᓂᕐᒧᑦ ᒪᓕᒐᕋᓛᖏᑦ ᐊᒻᒪᓗ ᐊᐅᓚᔾᔪᓯᖏᑦ ᓂᕈᐊᕐᓂᖏᖕᓄᑦ ᐊᖓᔪᖅᑳᕐᒧᑦ. ᐊᓪᓕᕐᒥᒃ ᓇᓗᓇᐃᖅᑕᐅᓯᒪᙱᑦᑐᑦ ᐊᑎᖏᑦ ᑎᑎᖅᑐᖅᓯᒪᔪᑦ ᓂᕈᐊᕋᒃᓴᐅᔪᑦ:
ᓂᑯᓪ ᐱᐅᕚ ᑲᒻᐸᒡ
ᐋᓄᓗ ᓇᑲᓱᒃ
ᕐᑳᑕᓂ ᑕᐅᑐᖅᒋ
ᔨᐅᓚᒥ ᑑᕐᖕᒐᓗ
ᓂᕈᐊᕋᒃᓴᑦ ᐱᕕᖃᖅᑐᑦ ᓇᒡᒐᔾᔭᐅᕈᕋᓱᐊᕐᓂᖓᓂᒃ, ᓄᕖᕝᕙ 4, 2024 ᓯᕿᙳᔭᖅ 5 ᐅᓐᓄᓴᒃᑯᑦ ᓄᓇᓖᑦ ᓯᕿᙳᔭᖓ ᒪᓕᑦᑐᒍ ᖁᔭᓈᕈᓐᓇᕐᓗᑎᑦ ᓂᕈᐊᕋᒃᓴᐅᔾᔪᑎᖏᖕᓂᒃ.
ᓂᕈᐊᖅᑏᑦ ᑕᓪᓕᒪᑎᒍᑦ ᓂᕈᐊᕈᓐᓇᓛᖅᑐᑦ ᓄᓇᕗᑦ ᑐᙵᕕᒃ …

ᓄᓇᕗᑦ ᒐᕙᒪᖏᑦ ᐃᓄᒃᑐᑦ ᐊᑐᕐᓗᑎᑦ ᐃᓕᓐᓂᐊᖅᑎᑎᑦᑕᐃᓕᒪᒃᑲᓐᓂᕋᓱᐊᖅᑐᑦ ᓇᓕᒧᒌᑎᑦᑎᙱᖦᖢᑎᑦ ᐃᖅᑲᖅᑐᐃᕕᒻᒨᖅᑎᑦᑎᔪᑦ ᐊᔪᐃᓐᓈᕆᐊᕐᕕᖕᒧᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐊᒃᑑᕝᕙ 31, 2024 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᐃᓱᒫᓗᒍᑎᖃᓪᓚᕆᑦᑐᑦ ᓄᓇᕗᑦ ᒐᕙᒪᖏᑦ ᖁᔭᓈᖅᓯᒐᓱᐊᖏᓐᓇᕐᓂᖏᖕᓂᒃ ᐃᓄᒃᑐᑦ ᐊᑐᕐᓗᑎᑦ ᐃᓕᓐᓂᐊᖅᑎᑦᑎᑦᑕᐃᓕᒪᓪᓗᑎᑦ ᓇᓕᒧᒌᑎᑦᑎᙱᖦᖢᑎᑦ ᐃᖅᑲᖅᑐᐃᕕᒻᒨᖅᑎᑦᑎᓂᕆᓯᒪᔭᑦᑎᓐᓂᒃ ᓄᖅᑲᖅᑎᑦᑎᓇᓱᐊᖅᑐᑎᑦ ᐃᖅᑲᖅᑐᐃᕕᒃᑯᑎᒎᖅᑎᑦᑎᑦᑕᐃᓕᒪᔪᑦ. ᓄᓇᕗᑦ ᒐᕙᒪᖏᑦ ᐊᔪᐃᓐᓈᕆᐊᕈᑎᒥᒃ ᖁᔭᓈᖅᓯᑎᑦᑎᒐᓱᐊᖅᑐᑦ ᐋᒡᒌᓯ 28, 2024 ᓄᓇᕗᑦ ᐊᔪᐃᓐᓈᕆᐊᕐᕕᒃᑯᑦ ᐃᖅᑲᖅᑐᐃᕕᖓᓐᓂ ᐃᓱᒪᓕᐅᕈᑕᐅᓚᐅᖅᓯᒪᔪᒥᒃ, ᐃᖅᑲᖅᑐᐃᕕᒻᒨᖅᑎᑦᑎᓂᕆᓯᒪᔭᕗᑦ ᑲᔪᓯᑎᑕᐅᒍᓐᓇᓕᓚᐅᖅᓯᒪᓪᓗᓂ, ᑲᓇᑕᒥ ᐊᔪᐃᓐᓈᕆᐊᕐᕕᒃ ᐃᖅᑲᖅᑐᐃᕕᖓᖕᓄᑦ (SCC).
ᐃᓄᒻᒪᕇᑦ ᐊᓯᐅᔨᓕᕐᒪᑕ ᐅᖃᐅᓯᑦᑎᓐᓂ ᖁᐊᖅᓵᕐᓇᒻᒪᕆᑦᑐᒃᑯᑦ ᓱᑲᑦᑐᒥᒃ. ᐃᖅᑲᖅᑐᐃᕕᒻᒨᖅᑎᑕᐅᓯᒪᔪᖅ, ᓄᓇᕗᑦ ᑐᙵᕕᒃ ᑎᒥᖓ ᓄᓇᕗᑦ ᒐᕙᒪᒃᑯᓐᓂ ᐃᓄᓐᓂᒃ ᑭᒃᑯᑐᐃᓐᓇᕐᓂᒃ ᐃᓕᓐᓂᐊᖅᑎᑦᑎᑦᑕᐃᓕᒪᓂᖏᑦ ᐃᓄᒃᑑᕐᓗᑎᑦ (ᐅᓪᓗᒥᐅᔪᖅ ᖃᓪᓗᓈᑎᑐᑐᐃᓐᓇᖅ ᐅᐃᕖᑎᑐᓪᓘᓐᓃᑦ ᐃᓕᓐᓂᐊᖅᑎᑦᑎᓲᑦ ᖁᑦᑎᓐᓂᓕᒃ 3 ᐅᖓᑖᓂ ᐃᓕᓐᓂᐊᓕᕋᐃᒻᒪᑕ, ᑕᐃᒪᐃᖃᑦᑕᕈᑎᑦ) ᓇᓕᒧᒌᑎᑦᑎᙱᑦᑐᑦ ᐃᓄᒻᒪᕆᖕᓂᒃ ᐊᒻᒪᓗ ᓯᖁᒥᑦᑎᔪᑦ ᑲᓇᑕᒥ ᐱᔪᓐᓇᐅᑏᑦ ᐊᒻᒪᓗ ᐃᓱᒪᖅᓲᑏᓪᓗ (ᐱᖁᔭᕐᔪᐊᕐᒥᒃ). ᐱᖁᔭᕐᔪᐊᖅ …

ᓄᓇᕗᑦ ᑐᙵᕕᒃ ᑎᒥᖓ ᐱᔭᕇᖅᐳᑦ ᐊᕐᕌᒍᑕᒫᑦ ᑲᑎᒪᕕᔾᔪᐊᕐᓂᖏᖕᓂᒃ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐊᒃᑑᕝᕙ 28, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᐊᕐᕌᒍᑕᒫᑦ ᑲᑎᒪᕕᔾᔪᐊᕐᓂᖃᓚᐅᖅᑐᑦ ᐃᖃᓗᓐᓂ, ᓄᓇᕗᑦ ᐱᓇᓱᐊᕈᓯᐅᓚᐅᖅᑐᒥ. ᓄᓇᕗᑦ ᑐᙵᕕᒃ ᑎᒥᖓ ᐃᓚᒋᔭᐅᔪᑦ ᐅᖃᐅᓯᖃᖃᑦᑕᓚᐅᖅᑐᑦ ᐱᒻᒪᕆᓂᒃ ᐱᔾᔪᑎᓂᒃ ᓄᓇᕗᒻᒥ ᐃᓄᒻᒪᕆᖏᖕᓄᑦ, ᐊᒻᒪᓗ ᑲᔪᓯᑎᑦᑎᓪᓗᑎᑦ ᐊᒥᓱᓂᑦ ᐱᖁᔨᕗᖔᕈᑎᓂᑦ, ᓲᕐᓗᒃ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ, ᐃᒡᓗᓕᕆᓂᖅ ᐊᒻᒪᓗ ᐱᖁᑎᕐᔪᐊᓕᕆᓂᖅ ᐊᒻᒪᓗ ᐃᓄᒃᑐᑦ ᐱᓕᕆᐊᖃᕈᑕᐅᓂᖓ ᐱᔨᑦᑎᕋᕈᑎᖏᓪᓗ.
ᓄᓇᒦᙶᖅᑐᓂᒃ ᑮᓇᐅᔭᖅᑖᕈᑕᐅᔪᑦ ᐃᓯᖅᐸᓪᓕᐊᓂᖏᖕᓄᑦ ᐊᑐᐊᒐᖅ
ᐊᒥᓱᑦ ᐱᖁᔨᕗᖔᕈᑏᑦ ᑲᔪᓯᑎᑕᐅᓯᒪᔪᑦ ᑕᒫᓂ ᐊᕐᕌᒍᑕᒫᑦ ᑲᑎᒪᕕᔾᔪᐊᕐᓂᖏᖕᓂ, ᓄᓇᕗᑦ ᑐᙵᕕᒃ ᑎᒥᖓᑕ ᐃᓚᒋᔭᐅᔪᖁᑎᖏᑦ ᐊᖏᖅᓯᓚᐅᖅᑐᑦ ᓄᑖᕈᖅᑎᑕᐅᓂᖏᑦᑕ ᓄᓇᒦᙶᖅᑐᓂᒃ ᑮᓇᐅᔭᖅᑖᕈᑕᐅᔪᑦ ᐃᓯᖅᐸᓪᓕᐊᓂᖏᖕᓄᑦ ᐊᑐᐊᒐᖅ ᐊᒻᒪᓗ ᓄᓇᕗᒻᒥ ᐃᓄᐃᑦ ᓄᓇᒦᙶᖅᑐᓂᑦ ᑮᓇᐅᔭᑦ ᐃᓯᖅᐸᓪᓕᐊᔪᑦ ᐸᐸᑦᑎᓂᕐᒧᑦ ᐊᖏᕈᑎ. ᓇᓪᓕᐅᒃᑯᒫᑦ ᑮᓇᐅᔭᑦ ᑎᑭᓐᓇᓱᐊᖅᑕᒥᓄᑦ ᐃᓱᓕᑦᑎᓕᕐᒪᑦ ᐱᓇᓱᐊᒐᖃᖅᓯᒪᓂᑰᓪᓗᓂ $110 ᒥᓕᐊᓐ …

ᓄᓇᕗᑦ ᑐᙵᕕᒃ ᑎᒥᖓᑕ ᓂᕈᐊᖅᑎᑦᑎᓂᖏᑦ ᐊᖓᔪᖅᑳᑉ ᐃᓂᖓᓄᑦ 2024

ᓴᒃᑯᑕᐅᑲᐅᑎᒋᔭᕆᐊᓕᒃ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ (NTI) ᓂᕈᐊᕕᒡᔪᐊᖅᑎᑦᑎᓛᖅᑐᑦ ᐊᖓᔪᖅᑳᒃᓴᒥᒃ ᑎᓯᐱᕆ 9, 2024−ᒥ.
ᓂᕈᐊᕈᓐᓇᖅᑐᑦ ᐃᓄᒻᒪᕇᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᓄᑦ ᐅᑭᐅᓖᑦ 16-ᓂᑦ ᐅᖓᑖᓄᓪᓘᓐᓃᑦ ᑎᓯᐱᕆ 9, 2024−ᖑᓕᖅᐸᑦ.
ᓂᕈᐊᒐᒃᓴᙳᖅᑎᑦᑎᓂᖅ ᒪᒃᐱᓛᖅᑐᖅ ᓇᒡᒐᔾᔭ, ᐅᑐᐱᕆ 28, 2024 ᒪᑐᓛᖅᖢᓂᓗ ᐅᓪᓗᑐᐃᓐᓇᖅ, ᓄᕕᐱᕆ 1, 2024.
ᓂᕈᐊᒐᒃᓴᙳᖅᑎᑦᑎᔾᔪᑏᑦ ᐱᔭᒃᓴᐅᓂᐊᖅᐳᑦ ᐅᑎᖅᑐᓕᕆᔨᒻᒪᕆᖕᒥᑦ
ᑎᑎᕋᖅᑎ (CRO), ᒫᓂᑲ ᐃᐅᓪ−ᑲᓇᔪᖅ, ᓄᓇᓕᖕᓂ ᑐᓴᐅᒪᑎᑦᑎᔨ (CLO), ᐊᔮᔭ ᑐᓴᐅᒪᑎᑦᑎᔨᒃᑯᑦ (ᑎᑎᕋᕐᕕᖓ) ᐅᑐᐱᕆ 28, 2024 9:00-ᒥ ᐅᓪᓛᒃᑯᑦ ᐱᕙᓪᓕᐊᔪᓕᕆᔨᑦ ᐃᖏᕐᕋᔪᓕᕆᔨᒃᑯᓪᓗ, ᐅᕝᕙᓘᓐᓃᑦ ᓄᓇᕗᑦ ᑐᙵᕕᒃᑯᑦ ᐃᑭᐊᖅᑭᕕᖓ ᐅᑐᐱᕆ 28, 2024-ᒥ ᐱᒋᐊᕐᓗᓂ 12:00-ᒥ ᐅᓐᓄᐊᒃᑯᑦ ᐅᓐᓄᐊᒃᑯᑦ ᐃᖏᕐᕋᓂᕆᖃᑦᑕᖅᑕᑦ ᒪᓕᒡᓗᒍ.
ᓂᕈᐊᒐᒃᓴᐅᔪᒪᒍᕕᑦ, ᐱᕋᔭᒃᓯᒪᓂᑰᓂᕐᒧᑦ ᖃᐅᔨᓴᖅᑕᐅᓂᖅ ᑕᖅᑮᑦ ᐱᖓᓱᑦ ᐃᓗᐊᓂ ᐱᓕᕆᐊᖑᔭᕆᐊᖃᓪᓚᕆᒃᐳᖅ. ᓂᕈᐊᒐᒃᓴᙳᑐᐃᓐᓇᕆᐊᓖᑦ ᑎᓕᐅᖅᑕᐅᕗᑦ ᑕᒪᑐᒥᖓ …

ᐃᓄᖕᓄᑦ ᑭᒃᑯᑐᐃᓐᓇᕐᓄᑦ ᑐᓴᕋᒃᓴᑦ: ᓄᓇᓕᒻᒥᐅᑦ ᓂᕆᕕᔾᔪᐊᖅᑎᑕᐅᓂᖏᑦ ᐊᒻᒪ ᓇᓪᓕᐅᓐᓂᖅᓯᐅᕐᓂᖅ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐊᒃᑑᕝᕙ 21, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (NTI) ᑲᑎᒪᔨᖏᑦ ᐊᒻᒪᓗ ᐃᓚᒋᔭᐅᔪᖁᑎᖏᑦ ᖃᐃᖁᔨᕗᑦ ᓄᓇᓕᒻᒥᐅᓂᒃ ᓂᕆᕕᔾᔪᐊᖅᑎᑦᑎᓛᕐᓂᖏᖕᓄᑦ ᐊᒻᒪᓗ ᓇᓪᓕᐅᓂᖅᓯᐅᕐᓗᑎᑦ ᐃᓱᓕᓐᓂᖓᓂᒃ 2024-ᒥ ᓄᓇᕗᑦ ᑐᙵᕕᒃ ᑎᒥᖓ ᐊᕐᕌᒍᑕᒫᑦ ᑲᑎᒪᕕᔾᔪᐊᕐᓂᖏᖕᓂᒃ.
ᓄᓇᓕᖕᒥᐅᑦ ᓂᕆᕕᔾᔪᐊᖅᑎᑕᐅᓛᖅᑐᑦ ᕿᑎᖅᑰᑦ, ᐊᒃᑑᕝᕙ 24, 2024 ᐃᓄᒃᓱᒃ ᐃᓕᓐᓂᐊᕐᕕᐊᓗᐊᓂ, ᐱᒋᐊᕐᓗᑎᑦ 6:00 ᐅᓐᓄᒃᑯᑦ. ᐃᓄᐃᑦ ᓂᕿᖏᑦ ᐊᑐᐃᓐᓇᐅᒪᓛᖅᑐᑦ, ᑐᓂᐅᖅᑲᐃᓗᑎᑦ ᑭᓱᑐᐃᓐᓇᕐᓂᒃ ᐊᒻᒪᓗ ᐱᔾᔪᓯᐊᖅᑖᖅᑎᑦᑎᖃᑦᑕᕐᓗᑎᑦ.
ᑭᓱ: ᓄᓇᓕᒻᒥᐅᑦ ᓂᕆᕕᔾᔪᐊᖅᑎᑕᐅᓂᖏᑦ ᐊᒻᒪ ᓇᓪᓕᐅᓐᓂᖅᓯᐅᕐᓂᖅ
ᑭᒃᑯᑦ: ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐊᒻᒪᓗ ᐃᓚᒋᔭᐅᔪᖁᑎᖏᑦ ᖃᐃᖁᔨᕗᑦ ᐃᖃᓗᒻᒥᐅᑕᕐᓂᒃ
ᖃᖓ: ᕿᑎᖅᑰᑦ, ᐊᒃᑑᕝᕙ 24, 2024 ᓯᕿᙳᔭᖅ 6:00-ᒨᖅᑎᓪᓗᒍ ᐅᓐᓄᒃᑯᑦ
ᓇᒥ: ᐃᓄᒃᓱᒃ ᐃᓕᓐᓂᐊᕐᕕᐊᓗᐊᑕ ᐱᙳᐊᕐᕕᖓᓂ
ᖃᐅᔨᒃᑲᕋᒃᓴᖅ:
ᐃᕙᓗᐊᕐᔪᒃ ᒥᐅᕆᑦ
ᑐᑭᒧᐊᑦᑎᑦᑎᔨ, ᑐᓴᐅᒪᑎᑦᑎᓂᕐᒧᑦ
ᓄᓇᕗᑦ ᑐᙵᕕᒃ ᑎᒥᖓ

Download …

ᓄᓇᕗᑦ ᑐᙵᕕᒃ ᑎᒥᖓ ᓂᕈᐊᖅᑎᑦᑎᓂᖏᑦ: ᓄᑖᕈᕆᐊᖅᑎᑕᐅᓂᖏᑦ ᓂᕈᐊᕈᓐᓇᖅᑐᑦ ᐊᑎᖏᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐊᒃᑑᕝᕙ 18, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᓂᕈᐊᖅᑎᑦᑎᓛᖅᑐᑦ ᐊᖓᔪᖅᑳᑉ ᐃᓂᖓᓄᑦ ᑎᓰᕝᕙ 9, 2024-ᖑᓕᖅᐸᑦ.
ᓄᓇᕗᑦ ᑐᙵᕕᒃ ᑎᒥᖓ ᖃᐅᔨᒪᑦᑎᐊᕈᒪᕗᑦ ᑕᒪᐃᓐᓂ ᓂᕈᐊᕈᓐᓇᖅᑐᑦ ᓂᕈᐊᕐᓇᑉ ᐅᓪᓗᐊᓂ ᓂᕈᐊᕆᐊᖅᑐᓛᕋᓗᐊᕐᒪᖔᕐᒥᒃ. ᓂᕈᐊᕈᓐᓇᖅᑐᑦ ᐅᑯᐊᖑᕗᑦ ᐃᓄᒻᒪᕇᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᓄᑦ, ᐅᑭᐅᓖᑦ 16-ᓂᑦ ᐅᖓᑖᓄᓪᓘᓐᓃᑦ ᑎᓰᕝᕙ 9, 2024−ᖑᓕᖅᐸᑦ.
ᐅᑯᐊ ᑕᕝᕙ ᖃᓄᐃᓕᐅᕈᓐᓇᖅᑕᑎᑦ ᖃᐅᔨᒪᓇᑦᑎᐊᖁᓪᓗᒍ ᓂᕈᐊᕈᓐᓇᖅᑐᓄᑦ ᐊᑎᓕᐅᖅᑕᐅᓯᒪᖃᑕᐅᒐᓗᐊᕐᒪᖔᖅᐱᑦ:
• ᑕᑯᓂᐊᕐᓗᒍ ᓄᓇᕗᑦ ᑐᙵᕕᒃ ᑎᒥᖓᑕ ᐃᑭᐊᖅᑭᕕᖓ ᖃᐅᔨᒪᑦᑎᐊᖁᓪᓗᑎᑦ ᐊᑎᓕᐅᖅᑕᐅᖃᑕᐅᓯᒪᒐᓗᐊᕐᒪᖔᖅᐱᑦ ᐊᒻᒪᓗ ᓄᓇᓖᑦ ᐊᑏᓪᓗ ᐱᑦᑎᐊᖅᓯᒪᒐᓗᐊᕐᒪᖔᕐᒥᒃ ᖃᐅᔨᓴᕐᓗᑎᑦ. ᑐᑭᓯᒋᐊᕈᑏᑦ ᑕᒻᒪᖅᓯᒪᒍᑎᑦ, ᖃᐅᔨᒃᑲᕐᓗᒍ ᓄᓇᓕᓐᓂ ᑐᓴᐅᒪᑎᑦᑎᔨ ᐅᕝᕙᓘᓐᓃᑦ ᓄᓇᕗᑦ ᑐᙵᕕᒃ ᑎᒥᖓᑕ ᐊᑎᓕᐅᖅᓯᒪᔪᓕᕆᔨᒃᑯᑦ.
• ᑕᓪᓕᒪᑦ ᐊᒥᓱᓕᐅᖅᓯᒪᔪᑦ ᓂᕈᐊᕈᓐᓇᖅᑐᑦ ᐊᑎᖏᑦ ᓴᖅᑭᖅᑎᑕᐅᓯᒪᖃᑦᑕᕐᓂᐊᕆᕗᑦ ᐊᑐᓂ ᓄᓇᓕᐅᔪᓂᑦ. …

ᓄᓇᕗᑦ ᑐᙵᕕᒃ ᑎᒥᖓ ᐃᑲᔪᖅᑐᐃᔪᑦ ᑲᔪᓯᑎᑕᐅᓂᖓᓂᒃ ᐱᖁᔭᒃᓴᖅ C-77 ᐅᓪᓗᒥᐅᔪᖅ ᓄᓇᑖᕐᓂᕐᒧᑦ ᐊᖏᕈᑏᑦ ᐊᑐᓕᖅᑎᑕᐅᓂᖏᖕᓂᒃ

ᓴᒃᑯᑕᐅᑲᐅᑎᒋᔭᕆᐊᓕᒃ
 (ᐊᒃᑑᕝᕙ 10, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᐅᓪᓗᒥ ᐃᑲᔪᖅᑐᐃᓂᕋᐃᖅᑲᐅᕗᑦ ᑲᔪᓯᑎᑕᐅᓂᖓᓂᒃ ᐱᖁᔭᒃᓴᖅ C-77, ᐅᓪᓗᒥ ᓯᕗᓪᓕᖅᐹᒥᒃ ᐅᖃᓕᒫᖅᑕᐅᖅᑲᐅᓪᓗᓂ ᒪᓕᒐᓕᐅᕐᕕᕐᔪᐊᕐᒥ.
ᐱᖁᔭᒃᓴᖅ ᐋᖅᑮᓂᐊᖅᑐᖅ ᓄᑖᕐᒥᒃ ᑭᒡᒐᖅᑐᐃᔨᒥᒃ ᒪᓕᒐᓕᐅᕐᕕᕐᔪᐊᕐᒥ − ᑲᒥᓯᓇ ᐅᓪᓗᒥᐅᔪᖅ ᓄᓇᑖᕐᓂᕐᒧᑦ ᐊᖏᕈᑏᑦ ᐊᑐᓕᖅᑎᑕᐅᓂᖏᖕᓂᒃ. ᑲᒥᓯᓇᐅᑉ ᐱᓕᕆᐊᒃᓴᕆᓂᐊᖅᑖ ᖃᐅᔨᓴᕐᓗᓂ ᖃᓄᖅ ᒪᓕᑦᑕᐅᔭᕆᐊᓖᑦ ᐅᓪᓗᒥᐅᔪᑦ ᓄᓇᑖᕐᓂᕐᒧᑦ ᐊᖏᕈᑏᑦ ᒪᓕᑦᑕᐅᒐᓗᐊᕐᒪᖔᕐᒥᒃ − ᒪᓕᑦᑕᐅᙱᒻᒪᖔᕐᒥᓘᓐᓃᑦ, ᑕᐃᒪᐃᒃᑲᓗᐊᕈᑎᑦ − ᐊᒻᒪᓗ ᐅᓂᒃᑳᓕᐅᖃᑦᑕᕐᓂᐊᖅᑐᑦ ᒪᓕᒐᓕᐅᕐᕕᕐᔪᐊᕐᒧᑦ ᖃᐅᔨᓯᒪᔭᖏᑦ ᐅᖃᐅᓯᕆᓗᓂᒋᑦ. ᒐᕙᒪᒃᑯᑦ ᑭᐅᔭᕆᐊᖃᖃᑦᑕᕐᓂᐊᖅᑐᑦ ᑕᒪᒃᑯᓄᖓ ᖃᐅᔨᓯᒪᔭᕐᒥᓄᑦ ᐊᒻᒪᓗ ᐱᕚᓪᓕᑦᑎᐊᕐᓂᖅᓴᐅᒐᓱᐊᓕᕐᓗᑎᑦ ᖃᓄᐃᓕᐅᕐᓂᕆᕙᑦᑕᖏᖕᓂᒃ.
“ᐊᑐᓕᖅᑎᑦᑎᓂᖅ ᓄᓇᕗᑦ ᐊᖏᕈᑎᖓᓂᒃ ᐱᕐᔪᐊᕌᓘᕗᖅ ᐊᖅᑯᑕᐅᓪᓗᓂ ᖃᐅᔨᒪᑦᑎᐊᖅᑎᑦᑎᒍᑕᐅᓂᐊᕐᓂᖓᓂᒃ ᐃᓱᒪᒋᔪᓐᓇᐃᖃᑎᒌᖕᓂᕐᒧᑦ ᒐᕙᒪᑐᖃᒃᑯᓐᓂ ᐊᒻᒪᓗ ᓄᓇᕗᒻᒥᐅᑕᐅᔪᑦ ᐃᓄᒻᒪᕆᖏᖕᓂᒃ,” ᐅᖃᖅᖢᓂ ᐊᓗᑭ ᑰᑦᑎᖅ, ᐊᖓᔪᖅᑳᖅ ᓄᓇᕗᑦ ᑐᙵᕕᒃ ᑎᒥᖓᓄᑦ. …

ᓄᓇᕗᑦ ᑐᙵᕕᒃ ᑎᒥᖓᑕ ᓂᕈᐊᖅᑎᑦᑎᓂᖏᑦ ᐊᖓᔪᖅᑳᑉ ᐃᓂᖓᓄᑦ 2024

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐊᒃᑑᕝᕙ 7, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᓂᕈᐊᖅᑎᑦᑎᓛᖅᑐᑦ ᐊᖓᔪᖅᑳᑉ ᐃᓂᖓᓄᑦ ᑎᓰᕝᕙ 9, 2024−ᖑᓕᖅᐸᑦ. ᓂᕈᐊᕋᒃᓴᓕᐅᕈᓐᓇᖅᑐᑦ ᐊᖓᔪᖅᑳᑉ ᐃᓂᖓᓄᑦ ᐅᑯᓇᓂ ᐊᒃᑑᕝᕙ 28 ᑎᑭᓪᓗᒍ ᓄᕖᕝᕙ 1, 2024. ᖃᐅᔨᒪᒋᑦ ᐅᑯᓂᖓ:
• ᓂᕈᐊᕋᒃᓴᐅᒍᓐᓇᖅᑐᑦ ᐃᓚᒋᔭᐅᒐᓱᐊᕐᓗᓂ ᓄᓇᕗᑦ ᑐᙵᕕᒃ ᑎᒥᖓ ᐊᐅᓚᑦᑎᔨᓄᑦ ᐃᓄᒻᒪᕆᐅᔭᕆᐊᓖᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᑦ ᐊᖏᕈᑎᖓᓄᑦ, ᐅᑭᐅᖃᕐᓗᑎᑦ 16-ᓂᑦ ᐅᖓᑖᓄᓪᓗ ᑎᓰᕝᕙ 9th−ᒥ, ᐊᒻᒪᓗ ᓂᕈᐊᕈᓐᓇᕐᓗᓂ. ᑕᒪᐃᓐᓂ ᓂᕈᐊᕐᓂᕐᒧᑦ ᒪᓕᒐᕋᓛᖏᑦ ᐊᒻᒪᓗ ᐊᐅᓚᑦᑎᒍᓯᖏᑦ ᐱᖃᓯᐅᔾᔭᐅᒐᔭᖅᑐᑦ ᓂᕈᐊᕋᒃᓴᓕᐅᕐᓂᕐᒧᑦ ᑎᑎᕋᕐᕕᐅᔭᕆᐊᓖᑦ ᑲᑎᖅᓱᖅᓯᒪᔪᖏᖕᓄᑦ.
• ᓂᕈᐊᕋᒃᓴᓕᐅᕐᓂᕐᒧᑦ ᓈᑎᕆᐊᓖᑦ ᐱᔭᐅᔪᓐᓇᖅᑐᑦ ᒫᓂᑲ ᐃᐅᓪ−ᑲᓇᔪᕐᒥ, ᐊᖓᔪᖅᑳᖅ ᓂᕈᐊᖅᑐᓕᕆᔨ, ᓄᓇᓕᓐᓂ ᑐᓴᐅᒪᑎᑦᑎᔨᓂᒃ ᐅᕝᕙᓘᓐᓃᑦ ᓄᓇᕗᑦ ᑐᙵᕕᒃ ᑎᒥᖓᑕ ᐃᑭᐊᖅᑭᕕᖓᓂ ᓂᕈᐊᕋᒃᓴᓕᐅᕐᓇᑉ ᒪᑐᐃᕈᓂ ᐊᒃᑑᕝᕙ …

ᐃᓄᖕᓄᑦ ᑭᒃᑯᑐᐃᓐᓇᕐᓄᑦ ᑐᓴᕋᒃᓴᑦ: ᑐᙵᕕᒃᑯᑦ ᐊᕐᕌᒍᑕᒫᑦ ᑲᑎᒪᕕᔾᔪᐊᕐᓂᖏᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐊᒃᑑᕝᕙ 2, 2024 –ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐊᒻᒪᓗ ᐃᓚᒋᔭᐅᔪᑦ ᐊᕐᕌᒍᑕᒫᑦ ᑲᑎᒪᕕᔾᔪᐊᖅᑎᑦᑎᓂᖃᓛᖅᑐᑦ ᐃᖃᓗᓐᓂ, ᓄᓇᕗᑦ ᐊᒃᑑᕝᕙ 22 – 24, 2024−ᖑᓕᖅᐸᑦ.
ᑲᑎᒪᓂᐅᔪᑦ ᑕᒪᒃᑯᐊ ᒪᑐᐃᖓᔪᑦ ᐃᓄᖕᓄᑦ ᑭᒃᑯᑐᐃᓐᓇᕐᓄᑦ. ᐃᓄᐃᑦ ᑭᒃᑯᑐᐃᓐᓇᐃᑦ ᑐᙵᓱᐊᕗᑦ ᐅᐸᓪᓗᑎᑦ ᐊᕐᕌᒍᑕᒫᑦ ᑲᑎᒪᕕᔾᔪᐊᕐᓂᐅᔪᓄᑦ ᐅᓇᑕᖅᑐᑦᓴᕋᓛᑦ ᑲᑎᒪᕕᖓᓂ, ᐅᕝᕙᓘᓐᓃᑦ ᖃᕋᓴᐅᔭᖅᑎᒍᑦ ᓄᓇᕗᑦ ᑐᙵᕕᒃ ᑎᒥᖓᑕ ᕙᐃᔅᕗᒃ ᒪᑉᐱᒐᖓᒍᑦ ᑕᐅᑐᑦᑕᐅᒍᓐᓇᖅᑐᑎᑦ.
ᑭᒃᑯᑦ: ᓄᓇᕗᑦ ᑐᙵᕕᒃ ᑎᒥᖓ
ᑭᓱ: ᐊᕐᕌᒍᑕᒫᑦ ᑲᑎᒪᕕᔾᔪᐊᕐᓂᖏᑦ
ᓇᒥ: ᐅᓇᓕᑦᓴᔭᕋᓛᑦ ᑲᑎᕝᕕᖓ, 944 ᒥᕝᕕᒃ ᐊᖅᑯᑎ, ᐃᖃᓗᐃᑦ, ᓄᓇᕗᑦ
ᖃᖓ: ᐊᒃᑑᕝᕙ 22-24, 2024 – 8:30 ᐅᓪᓛᒃᑯᑦ ᑎᑭᓪᓗᒍ 5:00 ᐅᓐᓄᓴᒃᑯᑦ
ᐱᕙᓪᓕᐊᔪᓕᕆᔨᒃᑯᑦ ᖃᐅᔨᒋᐊᕈᓐᓇᖅᑐᑦ:
ᐃᕙᓗᐊᕐᔪᒃ ᒥᐅᕆᑦ
ᑐᑭᒧᐊᑦᑎᑦᑎᔨ ᑐᓴᐅᒪᑎᑦᑎᓂᕐᒧᑦ
ᓄᓇᕗᑦ ᑐᙵᕕᒃ ᑎᒥᖓ

ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᒪᒋᔭᖃᕐᓂᐊᕐᓂᕋᖅᓯᒪᔪᑦ ᑲᑎᒪᓂᖃᓚᐅᖅᑎᓪᓗᒋᑦ ᒥᑦᑎᒪᑕᓕᖕᒥ ᐅᑯᓂᖓ ᐱᖁᑎᕐᔪᐊᓕᕆᓂᕐᒥᒃ, ᐃᒻᒥᓃᖅᑕᐃᓕᒪᑎᑦᑎᓂᕐᒥᒃ, ᕿᒫᕕᓂ ᐊᒻᒪᓗ ᐃᓄᒃᑐᑦ ᐅᖃᐅᓯᖓᓂᒃ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐋᒡᒌᓯ 30, 2024 – ᒥᑦᑎᒪᑕᓕᒃ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᑎᒪᓚᐅᖅᑐᑦ ᒥᑦᑎᒪᑕᓕᖕᒥ ᑕᒫᓂ ᐱᓇᓱᐊᕈᓯᕐᒥ ᐱᕙᓪᓕᐊᑎᑦᑎᓂᖃᕆᐊᓯᒃᑲᓐᓂᖅᑐᑎᑦ ᓄᓇᕗᑦ ᑐᙵᕕᒃ ᑎᒥᖓᑕ ᖃᓄᖅᑑᕈᑎᖓᓂᒃ ᐊᒻᒪᓗ ᓯᕗᓪᓕᐅᔾᔭᐅᖁᔭᖏᑦ ᐱᓕᕆᕝᕕᖓᑕ ᐸᕐᓇᐅᑎᖏᖕᓂᒃ ᑲᒪᓪᓗᑎᑦ, ᐊᒻᒪᓗ ᐱᖁᔨᕗᖔᕈᑎᓂᑦ ᑲᔪᓯᑎᑦᑎᓪᓗᑎᑦ ᑮᓇᐅᔭᓂᑦ ᐊᑐᕐᓂᐊᖅᑐᑎᑦ ᐱᖁᑎᕐᔪᐊᓄᑦ, ᐃᒡᓗᓕᕆᓂᕐᒧᑦ ᐊᒻᒪᓗ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᑎᑦᑎᓂᕐᒧᑦ, ᐊᒻᒪᓗ ᐊᖏᖅᓯᓚᐅᖅᑐᑎᑦ ᐅᖃᐅᓯᕐᖓᖅ ᑐᙵᕕᖓᓂᒃ.
ᐸᕐᓇᐅᑎᓕᐅᕈᓐᓇᖁᓪᓗᒋᑦ ᐊᒻᒪᓗ ᐱᔭᕇᖅᓯᓗᑎᑦ ᐱᖁᑎᕐᔪᐊᓂᒃ ᐱᓕᕆᐊᒃᓴᓂᑦ ᓄᓇᕗᑦ ᑐᙵᕕᒃ ᑎᒥᖓ ᐊᒻᒪᓗ ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᑦ, ᑲᔪᓯᑎᑦᑎᓚᐅᖅᑐᑦ ᐱᖁᔨᕗᖔᕈᑎᒥᒃ ᓴᓂᕐᕙᐃᓗᑎᑦ $100 ᒥᓕᐊᓐᓂᒃ ᑮᓇᐅᔭᓂᑦ ᑲᓇᑕᒥ ᒐᕙᒪᒃᑯᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᖕᓄᑦ ᐱᖁᑎᕐᔪᐊᑦ ᑮᓇᐅᔭᖃᕐᕕᓂᖓᒃ (ICIF). ᑕᐃᒪᐃᓐᓂᖓᓄᑦ ᑮᓇᐅᔭᓂᑦ ᐊᑐᖅᑐᑎᑦ ᐱᓕᕆᐊᖃᕐᓂᐊᕐᓗᑎᑦ ᓴᙵᑦᑎᑕᐅᓚᐅᖅᑐᑦ ᐊᑐᐊᒐᑦ ᐊᒻᒪᓗ ᐱᓕᕆᐊᖃᕐᓂᖏᖕᓄᑦ, …

ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓲᑎᖃᖅᑐᑦ ᓄᓇᕗᒻᒥ ᐊᔪᐃᓐᓈᕆᐊᕐᕕᒻᒥ ᐃᖅᑲᖅᑐᐃᔨᒃᑯᑦ ᐃᓱᒪᓕᐊᒥᓂᖓᓂᒃ ᐃᓄᒃᑐᑦ ᐃᓕᓐᓂᐊᖅᑎᑦᑎᓪᓗᑎᑦ ᓇᓕᒧᒌᙱᑦᑐᒃᑯᑦ ᑲᒪᒋᔭᐅᕙᓐᓂᖏᖕᓄᑦ ᐃᖅᑲᖅᑐᐃᕕᒻᒨᖅᓯᓯᒪᓂᕗᑦ ᓯᕗᒧᐊᒍᓐᓇᖅᓯᓪᓗᓂ ᐃᖅᑲᖅᑐᐃᕕᒻᒥ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐋᒡᒌᓯ 29, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓲᑎᖃᖅᐳᑦ ᐃᑉᐸᒃᓴᖅ ᑕᒪᐃᓐᓄᑦ ᐃᓱᒪᓕᐅᕈᑎᒋᔭᐅᓚᐅᕐᓂᖓᓄᑦ ᓄᓇᕗᒻᒥ ᐊᔪᐃᓐᓈᕆᐊᕐᕕᒃ ᐃᖅᑲᖅᑐᐃᔨᖏᑦ ᖁᔭᓈᖅᓯᓪᓗᑎᑦ ᓄᓇᕗᑦ ᒐᕙᒪᖏᑕ ᐊᔪᐃᓐᓈᕆᐊᖅᑐᒥᓂᐅᓂᖏᑦ ᓄᖅᑲᖅᑎᑦᑎᓇᓱᒃᑐᒥᓂᐅᓚᐅᖅᑐᑎᑦ ᐃᓄᒃᑐᑦ ᐊᑐᖅᑐᑎᑦ ᐃᓕᓐᓂᐊᖅᑎᑦᑎᓂᕐᒥᒃ ᓇᓕᒧᒌᙱᓗᐊᖅᑎᑦᑎᕙᓐᓂᖏᑦ ᐃᖅᑲᖅᑐᐃᕕᒻᒨᖅᑎᑦᑎᓯᒪᓂᕆᔭᑦᑕ. ᐃᖅᑲᖅᑐᐃᔨᒃᑯᑦ ᐃᓱᒪᓕᐊᒥᓂᖓ ᓇᓗᓇᐃᖅᓯᕗᖅ ᐱᒻᒪᕆᐅᓂᖓᓂᒃ ᐊᒻᒪᓗ ᑕᐃᒪᐃᑦᑕᕆᐊᖃᕐᓂᖏᖕᓂᒃ ᐃᓄᐃᑦ ᓈᓚᒃᑕᐅᓗᑎᑦ ᑕᒪᐃᓐᓂ ᐃᖅᑲᖅᑐᐃᔾᔪᑎᖏᖕᓂᒃ.
ᐃᓕᓐᓂᐊᖅᑏᑦ ᐃᓕᓐᓂᐊᖅᑎᑕᐅᔭᕋᐃᒻᒪᑕ ᐊᑐᖅᑕᐅᓪᓗᓂ ᓇᖕᒥᓂᖅ ᐅᖃᐅᓯᖓ ᐊᒻᒪᓗ ᐃᓕᖅᑯᓯᖓ, ᐃᓕᓐᓂᐊᖅᑎᓪᓗᒋᑦ ᐊᕝᕕᐊᕈᑎᖃᙱᓐᓂᖅᓴᐅᓲᑦ ᐊᒻᒪᓗ ᐱᕕᖃᒃᑲᓐᓂᕐᓂᖅᓴᐅᓲᑦ ᑎᑭᓐᓇᓱᐊᖅᑕᒥᓂᒃ ᑎᑭᑦᑎᓗᑎᑦ ᐱᔭᕇᕐᓗᑎᑦ ᐃᓕᓐᓂᐊᖅᑕᒥᓂᒃ ᐊᒻᒪᓗ ᐃᖅᑲᓇᐃᔮᖅᑖᕐᓗᑎᑦ. ᓄᓇᕗᑦ ᑐᙵᕕᒃ ᑎᒥᖓ ᐊᐃᕙᐅᑎᖃᖅᐳᑦ ᐃᖅᑲᖅᑐᐃᕕᒻᒨᕈᔾᔨᓯᒪᓂᖏᑦ ᓄᓇᕗᑦ ᒐᕙᒪᖏᑦ ᓇᓕᒧᒌᙱᑦᑐᒃᑯᑦ ᑲᒪᓂᕋᖅᑕᐅᓲᖑᓪᓗᑎᑦ ᐃᓄᒃᑐᑦ ᐊᑐᖅᑎᓪᓗᒋᑦ ᓄᓇᕗᑦ ᐃᓕᓐᓂᐊᕐᕕᖏᖕᓂ, ᖃᓪᓗᓈᑎᑐᑦ ᐅᐃᕖᑎᑐᓪᓗ ᓇᓕᒧᒌᑎᑕᐅᕙᙱᒻᒪᑕ, ᐊᓯᐅᔨᑎᑦᑎᓯᒪᓪᓚᕆᑦᑐᓂ ᐃᓄᒃᑐᑦ …

ᑐᓴᕋᒃᓴᑦ: ᓄᓇᓕᒻᒥᐅᑦ ᓂᕆᕕᔾᔪᐊᕐᓂᖏᑦ ᒥᑦᑎᒪᑕᓕᖕᒥᐅᓂᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐋᒡᒌᓯ 26, 2024 – ᒥᑦᑎᒪᑕᓕᒃ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᒥᑦᑎᒪᑕᓕᖕᒥᐅᓂᑦ ᖃᐃᖁᔨᕗᑦ ᓄᓇᓕᒻᒥ ᓂᕆᕕᔾᔪᐊᖅᑎᑦᑎᓂᕐᒧᑦ ᐊᒻᒪᓗ ᓇᓪᓕᐅᓂᖅᓯᐅᕐᓂᕐᒧᑦ, ᐃᓄᐃᑦ ᓂᕿᖏᖕᓂᒃ ᓂᕆᓛᖅᖢᑕ, ᑐᓂᓯᖃᑦᑕᕐᓗᑕ ᐊᒻᒪᓗ ᓵᓚᒃᓴᐅᓯᐊᖅᑎᑦᑎᖃᑦᑕᕐᓗᑕ.
ᑭᒃᑯᑦ: ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ
ᑭᓱ: ᓄᓇᓕᒻᒥᐅᑦ ᓂᕆᕕᔾᔪᐊᕐᓂᖏᑦ ᐊᒻᒪᓗ ᓇᓪᓕᐅᓂᖅᓯᐅᕐᓂᖏᑦ
ᓇᒥ: ᓇᓯᕝᕕᒃ ᖁᑦᑎᓂᖅᐹᕐᒥ ᐃᓕᓐᓂᐊᖅᑏᑦ ᐃᓕᓐᓂᐊᕐᕕᖓᑕ ᐱᙳᐊᕐᕕᖓᓂ
ᖃᖓ: ᐋᒡᒌᓯ 27, 6:00 ᐅᓐᓄᒃᑯᑦ
ᐱᕙᓪᓕᐊᔪᓕᕆᔨᒃᑯᑦ ᖃᐅᔨᒋᐊᕈᓐᓇᖅᑐᑦ:
ᐃᕙᓗᐊᕐᔪᒃ ᒥᐅᕆᑦ
ᑐᑭᒧᐊᑦᑎᑦᑎᔨ ᑐᓴᐅᒪᑎᑦᑎᓂᕐᒧᑦ
ᓄᓇᕗᑦ ᑐᙵᕕᒃ ᑎᒥᖓ

Download (PDF, 121KB)

ᑐᓴᕋᒃᓴᑦ: ᑐᙵᕕᒃᑯ ᑲᑎᒪᔨᖏᑦ ᑲᑎᒪᓛᖅᑐᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐋᒡᒌᓯ 20, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᑎᒪᑐᐃᓐᓇᕐᓂᖏᖕᓂᒃ ᑲᔪᓯᓛᖅᑐᑦ ᓄᓇᓕᖕᓂ ᐱᙳᐊᕐᕕᖕᒥ ᒥᑦᑎᒪᑕᓕᒃ, ᓄᓇᕗᑦ ᐋᒡᒌᓯ 28 – 29, 2024. ᑲᑎᒪᔩᑦ ᑲᑎᒪᓂᖏᑦ ᐃᓄᖕᓄᑦ ᑭᒃᑯᑐᐃᓐᓇᕐᓄᑦ ᓈᓚᒃᑕᐅᔪᓐᓇᕐᒪᑕ ᐊᒻᒪᓗ ᐃᕐᖐᓐᓇᖅ ᖃᕋᓴᐅᔭᒃᑯᑦ ᑕᑯᒃᓴᐅᑲᐅᑎᒋᒐᔭᖅᑐᑦ ᕙᐃᔅᕗᒃ.
ᐃᓄᒃᑎᑐᑦ https://www.facebook.com/events/894078589308398/ ᐊᒻᒪᓗ ᖃᓪᓗᓈᑎᑐᑦ https://www.facebook.com/events/1577282733190425/
ᑭᒃᑯᑦ: ᓄᓇᕗᑦ ᑐᙵᕕᒃ ᑎᒥᖓ
ᑭᓱ: ᑲᑎᒪᔩᑦ ᑲᑎᒪᓂᖏᑦ
ᓇᒥ: ᓄᓇᓖᑦ ᐱᙳᐊᕐᕕᖓᓂ − ᒥᑦᑎᒪᑕᓕᒃ ᓄᓇᕗᑦ
ᖃᖓ: ᐋᒡᒌᓯ 28 – 29th, 2024, 8:30ᐅᓪᓛᒃᑯᑦ ᑎᑭᓪᓗᒍ 5:00ᐅᓐᓄᓴᒃᑯᑦ
ᐱᕙᓪᓕᐊᔪᓕᕆᔨᒃᑯᑦ ᖃᐅᔨᒋᐊᕈᓐᓇᖅᑐᑦ:
ᐃᕙᓗᐊᕐᔪᒃ ᒥᐅᕆᑦ
ᑐᑭᒧᐊᑦᑎᑦᑎᔨ ᑐᓴᐅᒪᑎᑦᑎᓂᕐᒧᑦ
ᓄᓇᕗᑦ ᑐᙵᕕᒃ ᑎᒥᖓ

Download (PDF, 68KB)

ᓄᓇᕗᑦ ᑐᙵᕕᒃ ᑎᒥᖓ ᑐᓴᖅᑎᑦᑎᕗᖅ ᓵᓚᒃᓴᖅᑐᒥᓂᕐᓂᒃ ᓄᓇᕗᑦ ᐅᓪᓗᖓᓂᒃ ᖁᕕᐊᓲᑎᖃᖅᑐᑎᑦ ᖃᒧᑕᐅᔮᓐᓂᒃ ᐊᒻᒪᓗ ᐱᓲᑎᓂᒃ ᐊᒧᓯᔪᒥᓂᐅᓪᓗᑎᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐋᒡᒌᓯ 12, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᖁᕕᐊᓱᑦᑐᖅ ᑐᓴᖅᑎᑦᑎᔭᕆᐊᒃᓴᖅ ᓵᓚᒃᓴᖅᑐᒥᓂᕐᓂᒃ 2024-ᒥ ᓄᓇᕗᑦ ᐅᓪᓗᖓ ᖁᕕᐊᓲᑕᐅᑎᓪᓗᒍ ᖃᒧᑕᐅᔭᕐᓂᑦ ᐊᒻᒪᓗ ᐱᓲᑎᓂᑦ ᐊᒧᔭᒥᓂᐅᓪᓗᑎᑦ ᐊᑎᖏᑦ.
ᓄᓇᕗᒻᒥᐅᑦ ᐃᓄᒻᒪᕆᖏᑦ ᐊᑎᓕᐅᖅᓯᒪᔪᑦ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᓄᑦ ᐊᑎᖏᑦ ᐊᑕᐅᑦᑎᒨᖅᑕᐅᔪᐃᓐᓇᐅᓚᐅᕐᒪᑕ ᐊᒧᔭᐅᔪᖃᕐᓂᐊᖅᑐᓂ ᓵᓚᒃᓴᕈᓐᓇᖁᓪᓗᒋᑦ 2024 ᐃᒃᔅᐱᑎᓴᓐ ᔅᐳᐊᑦ 900 ᐊᐃᔅ LE ᖃᒧᑕᐅᔮᓐᓂᒃ, ᐅᕝᕙᓘᓐᓃᑦ 2024 ᐊᐅᑦᓛᓐᑐ DPS 500CC ᐱᓲᑎᒥᒃ. ᒪᕐᕉᒃ ᓵᓚᒃᓴᖅᑑᒃ ᐊᑐᓂ ᓄᓇᓕᐅᔪᓂᑦ ᓂᕈᐊᖅᑕᐅᓚᐅᖅᑐᑦ ᐊᑎᕐᓂᒃ ᓂᕈᐊᖅᓯᑎᒍᑎᒥᒃ ᖃᕋᓴᐅᔭᒃᑯᑦ ᐊᑐᖅᑐᑎᑦ ᐊᒻᒪᓗ ᑭᒃᑰᒻᒪᖔᕐᒥᒃ ᓇᓗᓇᐃᖅᑕᐅᓪᓗᑎᑦ ᐋᒡᒌᓯ 9−ᖑᑎᓪᓗᒍ, ᓄᓇᕐᔪᐊᕐᒥ ᐅᓪᓗᖓ ᐃᓕᓴᖅᓯᒍᑕᐅᑎᓪᓗᒍ ᓄᓇᕐᔪᐊᕐᒥ ᓄᓇᖃᖅᑳᖅᓯᒪᔪᑦ ᐃᓄᖏᑦ.
ᓵᓚᒃᓴᖅᑐᑦ ᖃᐅᔨᒃᑲᖅᑕᐅᓛᖅᑐᑦ ᓄᓇᕗᑦ ᑐᙵᕕᒃ ᑎᒥᖓᓄᑦ …

ᓄᓇᕗᑦ ᑐᙵᕕᒃ ᑎᒥᖓᑕ ᐃᑲᔫᑎᒃᓴᓕᕆᔨᒃᑯᑦ ᒫᓐᓇ ᐱᔪᓐᓇᖅᓯᒻᒥᔪᑦ ᑮᓇᐅᔭᓂᑦ ᐃᑲᔫᑎᒃᓴᓂᑦ ᐱᓇᓱᐊᕈᑎᓂᑦ ᐅᕝᕙᓘᓐᓃᑦ ᐃᓕᓐᓂᐊᕐᓂᕐᒧᑦ ᐃᑲᔫᑎᒃᓴᓂᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔪᓚᐃ 23, 2024, ᐃᖃᓄᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ (NTI) ᐊᖓᔪᖅᑳᖓ ᐊᓗᑭ ᑰᑦᑎᖅ ᖁᕕᐊᓱᑦᑐᖅ ᑐᓴᖅᑎᑦᑎᔭᕆᐊᒃᓴᖅ ᐱᓇᓱᐊᕈᓐᓇᖅᓯᒻᒪᑕ ᐃᓄᐃᑦ ᐃᓕᓐᓂᐊᕐᓂᕐᒧᑦ ᑮᓇᐅᔭᓂᑦ ᐃᑲᔫᑎᒃᓴᓂᑦ ᓄᓇᕗᑦ ᑐᙵᕕᒃ ᑎᒥᖓᑕ ᐃᑲᔫᑎᒃᓴᓕᕆᔨᒃᑯᑦ ᐃᓕᓐᓂᐊᖅᑎᓄᑦ ᑮᓇᐅᔭᓂᑦ ᐃᑲᔫᓯᐊᖅᑖᖁᓪᓗᒍᑦ ᑕᒪᒃᑯᐊ ᐱᓇᓲᑏᑦ ᐱᔭᐅᔪᓐᓇᕐᓂᐊᕐᒪᑕ ᑐᙵᕕᒃᑯᓐᓄᑦ ᔪᓚᐃ 23, 2024, ᑎᑭᓪᓗᒍ ᐋᒡᒌᓯ 31st, 2024, ᓯᕿᙳᔭᖅ 5:00 ᐅᓐᓄᓴᒃᑯᑦ ᐃᖃᓗᐃᑦ ᓯᕿᙳᔭᖓ ᒪᓕᓪᓗᒍ ᐃᓱᓕᕝᕕᖃᕐᓂᐊᖅᑐᓂ.
ᓄᓇᕗᑦ ᑐᙵᕕᒃ ᑎᒥᖓᑕ ᐃᑲᔫᑎᒃᓴᓕᕆᔨᒃᑯᑦ ᒪᕐᕉᓐᓂᒃ ᐃᓕᓐᓂᐊᖅᑐᓄᑦ ᑮᓇᐅᔭᕐᓂᑦ ᐃᑲᔫᓯᐊᒃᓴᓂᑦ ᐱᓕᕆᐊᖃᕐᒪᑦ:
1. ᐊᔪᕈᓐᓃᖅᓴᕐᓂᕐᒧᑦ ᐊᒻᒪᓗ ᐃᖅᑲᓇᐃᔮᕐᓄᑦ ᓯᕗᒧᐊᒃᑲᓐᓂᕋᓱᐊᖅᑐᓄᑦ: $1,500 ᐊᑕᐅᓯᐊᕐᓗᓂ ᐃᓕᓐᓂᐊᖅᑎᑦ ᐱᔪᓐᓇᖅᑐᖅ ᐃᓕᓐᓂᐊᕆᐊᖅᓯᒪᒍᓂ ᐃᓕᓴᕆᔭᐅᓯᒪᔪᒥᒃ ᐃᓕᓐᓂᐊᕋᒃᓴᒥᒃ ᑐᕌᖓᔪᑦ ᓴᓇᔪᓕᕆᓂᕐᒧᑦ/ᐃᖅᑲᓇᐃᔮᕐᒧᑦ ᐊᔪᕈᓐᓃᖅᓴᒃᑲᓐᓂᕐᓂᕐᒧᑦ ᑎᓴᒪᑦ ᐱᓇᓱᐊᕈᓰᑦ ᐊᑯᓂᐅᑎᒋᔪᒧᑦ ᐊᑯᓂᐅᓂᖃᕐᓗᒍ …

ᓄᓇᕗᑦ ᑐᙵᕕᒃ ᑎᒥᖓ ᑐᓴᖅᑎᑦᑎᕗᑦ ᐱᓇᓱᐊᖁᔨᒻᒪᑕ ᐃᓕᖅᑯᓯᓕᕆᓂᕐᒧᑦ ᐊᒻᒪᓗ ᒪᒥᓴᕐᓂᕐᒧᑦ ᐱᓕᕆᐊᕐᓄᑦ ᑮᓇᐅᔭᖅᑖᕈᒪᔾᔪᑎᓂᒃ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔪᓚᐃ 23, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓱᑉᐳᑦ ᑐᓴᖅᑎᑦᑎᔭᕆᐊᒃᓴᖅ ᐱᓇᓱᐊᖁᔨᔾᔪᑎᓂᑦ ᐱᔪᒪᒻᒪᑕ 2024-ᒧᑦ ᓄᓇᕗᑦ ᑐᙵᕕᒃ ᑎᒥᖓᑕ ᐃᑲᔫᑎᒃᓴᓕᕆᔨᒃᑯᑦ (NTF) ᐃᓕᖅᑯᓯᓕᕆᓂᕐᒧᑦ ᐊᒻᒪᓗ ᒪᒥᓴᕐᓂᕐᒧᑦ ᐱᓕᕆᐊᕐᓄᑦ.
ᓄᓇᕗᒻᒥᐅᑦ ᐃᓄᒻᒪᕆᖏᑦ ᐱᓇᓱᐊᕈᓐᓇᖅᑐᑦ ᐱᓕᕆᐊᕐᓄᑦ ᑮᓇᐅᔭᑦ ᐱᓕᕆᐊᒃᓴᕆᔭᐅᒍᒪᔪᑦ ᑲᒪᒋᔭᖃᕈᒪᔪᓂᑦ ᐋᓐᓂᖅᑕᐅᓯᒪᓂᖏᑦ ᐊᒻᒪᓗ ᑭᖑᕚᓄᑦ ᐊᑦᑐᐃᓂᖃᖅᑐᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ ᒪᒥᓴᕈᑎᑦᓴᓂᑦ; ᐱᖅᑯᓯᓕᕆᓂᕐᒧᑦ ᓄᓇᑐᐃᓐᓇᕐᒧᑦ ᐊᐅᓪᓚᕐᓗᓂ ᐱᓕᕆᐊᕐᓄᑦ; ᐊᒻᒪᓗ ᐃᓕᓐᓂᐊᖅᑎᑦᑎᔪᒪᔪᓄᑦ ᐃᓄᒻᒪᕇᑦ ᐊᑐᖃᑦᑕᓚᐅᖅᓯᒪᔭᖏᖕᓂᒃ, ᐃᓕᖅᑯᓯᖏᖕᓂᒃ, ᐅᖃᐅᓯᕐᓂᑦ, ᐊᒻᒪᓗ ᐱᖅᑯᓯᕐᓂᑦ.
ᐃᓄᐃᑦ ᐊᒻᒪᓗ ᑲᑐᔾᔨᔨᐅᔪᑦ ᐃᓄᒻᒪᕆᐅᔪᑦ ᐊᑎᓕᐅᖅᓯᒪᔪᑦ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᒧᑦ, ᖃᑭᒍᑎᒃᓴᓕᐅᙱᑦᑐᑦ ᑲᑐᔾᔨᖃᑎᒌᑦ, ᐃᓕᓐᓂᐊᖅᑐᓕᕆᕙᑦᑐᑦ ᐊᖏᕈᑎᓃᙶᖅᑐᓂᑦ, ᓄᓇᓕᐸᐅᔭᕐᒥᐅᑦ ᐊᒻᒪᓗ ᑲᑎᕝᕕᐅᔪᑦ, ᐊᒻᒪᓗ ᐃᓕᓐᓂᐊᓕᓵᖅᑐᓕᕆᔨᒃᑯᑦ ᐱᓇᓱᒍᓐᓇᖅᑐᑦ ᐊᒥᓲᓛᖏᖕᓂ ᑮᓇᐅᔭᓂᑦ ᐱᓕᕆᐊᕐᓄᑦ ᐃᒪᓐᓇᓂᑦ $25,000 ᐅᖓᑕᐅᔨᙱᓪᓗᒋᑦ …

ᓄᓇᕗᑦ ᑐᙵᕕᒃ ᑎᒥᖓ ᑐᓴᖅᑎᑦᑎᕗᑦ ᖃᒧᑕᐃᔭᕐᓂᑦ ᐊᒻᒪᓗ ᐱᓲᑎᓂᑦ ᓵᓚᖃᐅᓯᐊᒃᓴᓂᑦ ᐊᒧᓯᔪᖃᓛᕐᒪᑦ ᐊᑎᕐᓂᑦ ᑕᒪᐃᓐᓂ ᓄᓇᕗᒻᒥ ᓄᓇᓕᖏᖕᓂ ᐊᒧᓯᔪᖃᖃᑦᑕᕐᓗᓂ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔪᓚᐃ 22, 2024 – ᐃᖃᓗᐃᑦ, ᓄᓇᕗᑦ) ᓇᓪᓕᐅᓂᖅᓯᐅᕈᑎᒋᓪᓗᒍ ᓄᓇᕗᑦ ᐅᓪᓗᖓ, ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓱᑦᑐᑦ ᑐᓴᖅᑎᑦᑎᔭᕆᐊᒃᓴᖅ ᓄᓇᕗᓕᒫᕐᒥ ᖃᒧᑕᐅᔭᓂᑦ ᐊᒻᒪᓗ ᐱᓲᑎᓂᑦ ᐊᒧᓯᓛᕐᒪᑕ ᓄᓇᕗᒻᒥᐅᑦ ᐃᓄᒻᒪᕆᖏᖕᓄᑦ, ᐊᒻᒪᓗ ᑲᔪᖏᖅᓴᐃᕗᑦ ᐊᑎᓕᐅᖅᑕᐅᖃᑕᐅᓯᒪᔪᓂᑦ ᓄᑖᕈᕆᐊᖅᑎᓪᓗᓂᒋᑦ ᐊᑎᓕᐅᖅᓯᒪᓂᖏᑦᑕ ᑐᑭᓯᒋᐊᕈᑎᖏᖕᓂᒃ ᖃᐅᔨᒪᓇᑦᑎᐊᖁᓪᓗᒍ ᐱᑦᑎᐊᖅᓯᒪᔪᑦ ᑐᑭᓯᒋᐊᕈᑎᖏᑦ ᐱᖃᓯᐅᔾᔭᐅᒐᓗᐊᕐᒪᖔᑕ ᐊᒧᔭᐅᔾᔪᑎᒃᓴᓄᑦ.
ᐃᓄᒻᒪᕇᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᓄᑦ ᓵᓚᒃᓴᕈᓐᓇᕐᓂᐊᖅᑐᑦ 2024 ᐃᒃᔅᐸᑎᓴᓐ ᔅᐳᐊᑦ 900 ᐊᐃᔅ LE ᖃᒧᑕᐅᔭᖅ, ᐅᕝᕙᓘᓐᓃᑦ 2024 ᐊᐅᑦᓛᓐᑐᕐ DPS 500CC ᐱᓲᑎ, ᓵᓚᒃᓴᖅᑐᖃᕐᓗᓂ ᐊᑐᓂ ᓄᓇᕗᒻᒥ ᓄᓇᓕᖓᓂ. ᐊᒧᔭᐅᓛᖅᑐᑦ ᓄᓇᕐᔪᐊᕐᒥ ᓄᓇᖃᖅᑳᖅᓯᒪᔪᑦ ᐅᓪᓗᖓᓂ, ᐋᒡᒌᓯ 9, 2024−ᒥ, ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓ ᓇᓗᓇᐃᖅᓯᓛᖅᑐᑦ ᐊᒻᒪᓗ ᑐᓴᖅᑎᑦᑎᓗᑎᑦ ᓵᓚᖃᖅᑐᑦ ᑭᒃᑰᒻᒪᖔᑖ …

ᓄᓇᕗᑦ ᐅᓪᓗᖓᓂ ᐱᓂᑭᓴᐅᑎᔪᒥᓃᑦ ᓵᓚᒃᓴᖅᑐᑦ ᑐᓴᖅᑎᑕᐅᔾᔪᑎᖏᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔪᓚᐃ 19, 2024 – ᐃᖃᓗᐃᑦ, ᓄᓇᕗᑦ) ᓇᓪᓕᐅᓂᖅᓯᐅᕈᑎᒋᓪᓗᒍ ᓄᓇᕗᑦ ᐅᓪᓗᖓ, ᓄᓇᕗᑦ ᑐᙵᕕᒃ ᑎᒥᖓ ᐱᖓᓱᓂᑦ ᖃᕋᓴᐅᔭᒃᑯᑦ ᐱᓂᑭᓴᐅᑎᑦᑎᓚᐅᖅᑐᑦ ᓵᓚᒃᓴᖅᑎᑦᑎᓇᓱᒃᑐᑎᑦ ᓄᑕᖅᑲᓂᑦ, ᒪᒃᑯᑦᑐᓂᑦ ᐊᒻᒪᓗ ᐃᓐᓇᕐᓂᑦ, ᐊᒻᒪᓗᑦᑕᐅᖅ ᓰᐲᓰ ᓈᓚᐅᑎᒃᑯᑦ ᐅᖄᓚᓪᓗᑎᑦ ᐱᓂᑭᓴᐅᑎᑎᑕᐅᓪᓗᑎᑦ ᐃᓐᓇᒻᒪᕇᑦ.
ᐃᓐᓇᒻᒪᕇᑦ ᓰᐲᓰ−ᒃᑯᓐᓄᑦ ᓈᓚᐅᑎᖓᓄᑦ ᐅᖄᓚᓪᓗᑎᑦ ᐱᓂᑭᓴᐅᑎᑎᑕᐅᓚᐅᕐᒪᑕ ᓵᓚᒃᓴᖅᑎᑕᐅᓇᓱᐊᖅᑐᑎᑦ ᔪᓚᐃ 8−ᖑᑎᓪᓗᒍ ᐊᒻᒪᓗ ᒪᑐᐃᖓᓚᐅᖅᑐᓂ ᑕᒪᐃᓐᓂ ᓄᓇᕗᒻᒥ ᐃᓄᖏᖕᓄᑦ 55−ᓂᑦ ᐅᑭᐅᓖᑦ ᐅᖓᑖᓄᓪᓗ. ᐃᓐᓇᒻᒪᕇᑦ ᐅᖄᓚᖁᔭᐅᕙᓚᐅᖅᑐᑦ ᓰᐲᓰ ᐅᓐᓄᓴᒃᑯᑦ ᓈᓚᐅᑎᒃᑰᖅᑎᓪᓗᒋᑦ ᑕᐅᓱᓐᓂ, ᓈᓚᐅᑎᖃᕐᕕᒻᒥ ᐅᖃᓪᓚᑦᑎᐅᖃᑎᒌᑦᑐᑎᒃ ᐄᓴᕕᐊᓚ ᑲᑐᖅᑲ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᑉ ᑐᖏᓕᐊ ᐹᓪ ᐃᕐᖓᐅᑦ, ᑎᑦᑎᓇᖅᑐᒥᒃ ᐅᓂᒃᑳᖅᑐᖃᖁᔨᕙᑦᑐᑎᒃ. ᑕᒪᐃᓐᓂ ᐅᖄᓚᔪᑦ ᐊᑐᑎᖏᑦ ᐴᖅᑕᐅᓚᐅᖅᑐᑦ ᐊᒻᒪᓗ ᖁᓖᑦ ᓵᓚᒃᓴᖅᑐᒥᓂᐅᓪᓗᑎᑦ ᐊᑎᖏᑦ ᐊᒧᔭᐅᓪᓗᑎᑦ, …

ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᖃᓄᐃᓐᓂᖏᖕᓄᑦ ᑐᑭᓯᒋᐊᕐᓂᖅ ᐱᒋᐊᖅᑎᑕᐅᓯᒪᓕᖅᑐᖅ ᓄᓇᕗᒻᒥ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔪᓚᐃ 18, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᓴᖅᑮᑎᑦᑎᒋᐊᖅᓯᒪᓕᖅᑐᑦ ᐱᒋᐊᖅᑎᑦᑎᓯᒪᓕᖅᑐᑎᑦ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᖃᓄᐃᓐᓂᖏᖕᓄᑦ ᑐᑭᓯᒋᐊᕐᓂᕐᒥᒃ, ᖃᐅᔨᓴᕇᖅᓯᒪᓕᖅᑐᑎᑦ ᒥᑦᑎᒪᑕᓕᖕᒥ ᑕᒫᓂ ᑕᖅᑭᖅ ᐱᒋᐊᕋᑖᖅᑐᒥᓂᐅᑎᓪᓗᒍ. ᓴᓂᑭᓗᐊᖅ, ᓴᓂᕋᔭᒃ ᐊᒻᒪᓗ ᐅᖅᓱᖅᑑᖅ ᑭᖑᓪᓕᐅᓂᐊᖅᑐᑦ ᓄᓇᓖᑦ ᖃᐅᔨᒋᐊᕐᕕᐅᓗᑎᑦ, ᖃᓄᐃᑉᐱᑕ?−ᒃᑯᑦ ᓂᐅᕐᕈᓛᖅᑐᑦ ᑖᒃᑯᓂᖓ ᓄᓇᓕᓐᓂ ᐋᒡᒌᓯᐅᓕᖅᐸᑦ. ᐃᓄᐃᑦ ᐊᑐᓂ ᓄᓇᓕᓐᓂ ᓂᕈᐊᖅᑕᐅᒐᔭᖅᑐᑦ ᐊᐱᖅᓱᖅᑕᐅᔪᒪᓗᑎᑦ.
ᐱᔾᔪᑎᖓ ᖃᓄᐃᑉᐱᑕ? ᐱᐅᓯᕚᓪᓕᖅᑎᑦᑎᒍᑎᒋᔭᐅᓇᓱᐊᖅᑐᖅ ᐋᓐᓂᐊᖅᑕᐃᓕᒪᖁᓪᓗᒋᑦ ᐊᒻᒪᓗ ᐃᓅᓯᖏᑦ ᖃᓄᐃᑦᑕᐃᓕᖁᓪᓗᒋᑦ ᓄᓇᕗᒻᒥᐅᑦ ᐃᓄᐃᑦ ᐋᓐᓂᐊᖅᑕᐃᓕᒪᓂᕐᒧᑦ ᐊᒻᒪᓗ ᐃᓅᓯᕐᒥᒃ ᐱᕙᓪᓕᐊᑎᑦᑎᓂᕐᒧᑦ ᐊᑐᐊᒐᖏᑦ ᐊᒻᒪᓗ ᐱᓕᕆᐊᖏᖕᓂᒃ ᐊᔭᐅᕆᔾᔪᑎᒋᔭᐅᓗᑎᑦ. ᖃᐅᔨᓴᕐᓂᖅ ᐋᖅᑭᒃᓱᖅᑕᐅᓯᒪᔪᖅ ᐊᒻᒪᓗ ᓇᒻᒥᓂᖁᑎᒋᔭᐅᓪᓗᓂ ᐃᓄᖕᓄᑦ. ᑐᑭᓯᒋᐊᕈᑏᑦ ᓄᐊᑕᐅᔪᑦ ᓄᓇᕗᒻᒥ ᓇᒻᒥᓂᖁᑎᒋᔭᐅᓂᐊᖅᑐᑦ ᐊᒻᒪᓗ ᑐᖅᑯᖅᑕᐅᓯᒪᓗᑎᑦ ᓴᐳᒻᒥᐅᓯᖅᑕᐅᓯᒪᔪᒧᑦ ᖃᕋᓴᐅᔭᖅᑎᒎᖓᔪᑦ ᓄᓇᕗᑦ ᑐᙵᕕᒃ ᑎᒥᖓᓂ, …

ᓄᓇᕗᑦ ᑐᙵᕕᒃ ᑎᒥᖓ ᕿᓂᖅᑐᑦ ᑲᑎᒪᕕᔾᔪᐊᕆᐊᖅᑐᕈᒪᒐᔭᖅᑐᓂᑦ ᑎᑎᖅᑲᓕᐅᖅᓯᒪᓗᑎᑦ ᐃᓄᓐᓂᒃ ᐃᓕᓴᐃᔨᓂᑦ ᐃᓚᐅᖃᑕᐅᖁᓪᓗᒋᑦ ᑲᓇᑕᒥ ᑲᑎᒪᕕᔾᔪᐊᕐᓂᖏᖕᓄᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕐᓂᓕᕆᔭᐅᓂᖏᑕ

(ᔪᓚᐃ 15, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᕿᓂᖅᑐᑦ ᐃᓚᐅᖃᑕᐅᔪᒪᓂᕋᕋᔭᖅᑐᓂᑦ ᐃᓄᓐᓂᒃ ᐃᓕᓴᐃᔨᓂᑦ ᑲᑎᒪᕕᔾᔪᐊᖃᑕᐅᒐᔭᕐᓗᑎᑦ ᑲᓇᑕᒥ ᑲᑎᒪᕕᔾᔪᐊᕐᓂᖏᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕐᓂᓕᕆᔭᐅᓂᖏᖕᓄᑦ, ᓄᕖᕝᕙ 20-24, 2024-ᒥ ᕕᓂᐱᒡ, ᒫᓂᑑᕙᒥ.
ᐃᓄᐃᑦ ᑐᑦᑕᕐᕕᒋᔭᐅᓗᑎᑦ ᐱᓕᕆᐊᖃᕈᑎᒋᔭᐅᓂᖅᓴᐅᓗᑎᑦ, ᐃᓕᓐᓂᐊᕐᓂᓕᕆᓂᖅ ᑐᙵᕕᒋᔭᐅᓗᓂ ᑲᒪᒋᔭᐅᓂᐊᕐᓂᕋᖅᓯᒪᕗᖅ ᓄᓇᕗᒻᒥ. ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᑕ ᐱᔾᔪᑎᖓ ᐃᓕᓴᖅᓯᓇᓱᒃᓯᒪᕗᖅ ᐊᒻᒪᓗ ᓇᓗᓇᐃᖅᑕᐅᓗᓂ ᐃᓄᐃᑦ ᓇᒻᒥᓂᖅᓱᕐᓗᑎᑦ, ᐱᖃᓯᐅᑎᓗᒋᑦ ᐱᔪᓐᓇᐅᑎᖏᑦ ᐃᓅᓯᖃᕈᓐᓇᕐᓗᑕ ᐊᑐᕐᓗᑕ ᐅᖃᐅᓯᑦᑎᓐᓂ ᐊᒻᒪᓗ ᐃᓕᖅᑯᓯᑦᑎᓐᓂ. ᐃᓕᓐᓂᐊᕐᓂᓕᕆᓂᖃᕈᑦᑕ ᐃᓄᒃᑐᑦ ᐃᓄᐃᑦ ᐃᓅᓯᖏᑎᒍᑦ ᑐᑦᑕᕐᕕᖃᖅᑐᒥᒃ ᐃᓕᓐᓂᐊᕐᓂᕐᒥᒃ ᐊᒻᒪᓗ ᖃᐅᔨᒪᓂᕐᒥᒃ ᐱᒻᒪᕆᐅᕗᖅ ᑕᒪᓐᓇ ᑎᑭᑕᐅᓇᓱᐊᖅᑐᖅ ᐱᕚᓪᓕᕈᑎᒋᔭᐅᓕᖁᓪᓗᒍ.
ᓄᓇᕗᑦ ᑐᙵᕕᒃ ᑎᒥᖓ ᐃᓕᓴᖅᓯᓯᒪᕗᑦ ᐱᒻᒪᕆᐊᓗᒻᒥᒃ ᐱᓕᕆᐊᖃᖃᑦᑕᕐᓂᖏᑦ ᐃᓄᐃᑦ ᐃᓕᓴᐃᔨᖏᑦ ᓄᓇᕗᑦ ᐃᓕᓐᓂᐊᕐᓂᓕᕆᓂᖓᓂᒃ, ᐊᒻᒪᓗ ᐊᔾᔨᐅᙱᑦᑐᓂᑦ ᐊᒃᓱᕈᕈᑎᖃᖃᑦᑕᕐᓂᖏᖕᓂᒃ. ᓄᓇᕗᑦ …

ᑐᙵᕕᒃᑯᑦ ᐊᒻᒪᓗ ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᑦ ᑐᓴᖅᑎᑦᓯᒍᑎᖓ ᐊᐅᓚᔾᔭᑦᑕᐅᔪᖅ ᓄᓇᕗᒻᒥ ᐃᓄᐃᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᑦ

ᓴᖅᑭᑕᐅᑦᓴᐅᑎᒋᒋᐊᓕᒃ
(ᔪᓚᐃ 2, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐊᒻᒪᓗ ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᑦ ᑐᓴᖅᑎᑦᓯᔪᑦ ᐃᓕᓴᕆᔭᐅᓯᒪᔪᒃᑯᑦ ᐊᐅᓚᔾᔭᑦᑕᐅᓂᖓᓂᒃ ᓄᓇᕗᒻᒥ ᐃᓄᐃᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎ (IPSEP) ᑕᕝᕙᙶᖅᑐᖅ ᓄᑖᒥᒃ, ᑲᑐᔾᔭᐅᓪᓗᓂ ᑲᒪᒋᔭᐅᔪᒥᒃ, ᓄᓇᕗᒻᒥ ᐃᓄᐃᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᓄᑦ ᐊᑐᐊᒐᕐᒥᒃ ᐊᖏᖅᑕᐅᓚᐅᖅᑐᒥᒃ ᑐᙵᕕᒃᑯᑦ ᑲᑎᒪᔨᖏᓐᓄᑦ ᒫᑦᓯ 2024. ᐊᑐᓕᖅᑎᑕᐅᓂᖓ ᑲᑐᔾᔭᐅᔪᖅ ᐊᑐᐊᒐᖅ ᐱᒋᐊᕐᓂᐊᖅᑐᖅ 2024-ᒧᑦ ᐅᑭᐊᒃᓵᕐᒥ ᐃᓕᓐᓂᐊᖅᑎᓪᓗᒋᑦ.
ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ, ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ, ᐊᒻᒪᓗ ᑲᑭᕙᒃ ᑲᑐᔾᔨᖃᑎᒌᑦ ᓇᓗᓇᐃᖅᑕᐅᓯᒪᔪᑦ ᐊᕕᑦᑐᖅᓯᒪᔪ ᐊᐅᓚᑦᓯᔨᐅᓂᐊᖅᑐᑦ ᑭᒡᒐᐅᓗᑎᒃ (RDA) ᐃᑲᔫᑎᒧᑦ, ᑐᓂᓯᖃᑦᑕᕐᓗᑎᒃ ᐃᓕᓐᓂᐊᖅᑎᓄᑦ ᐃᑲᔫᑎᓂᒃ ᐊᑐᐃᓐᓇᐅᔪᓂᒃ ᓄᓇᕗᒻᒥ ᐃᓄᓐᓄᑦ ᑲᓇᑕᓕᒫᒥ.
“ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎ ᐱᖕᒪᕆᐅᔪᖅ ᓄᓇᕗᒻᒥ ᐃᓄᐃᑦ ᑎᒍᓯᒃᑲᓐᓂᖁᓪᓗᒋᑦ ᐊᔪᙱᓐᓂᕆᔭᐅᒋᐊᓕᖕᓂᒃ …

ᓄᓇᕗᑦ ᑐᙵᕕᒃ ᑎᒥᖓ ᐊᖏᕈᑎᖃᑦᑎᐊᖅᑐᑦ ᐃᓱᒪᓕᐅᕈᑕᐅᓯᒪᓂᖓᓂᒃ ᐃᖅᑲᖅᑐᐃᔨᒧᑦ ᓯᕗᓪᓕᖅᐸᕐᒥᒃ 36-ᓄᑦ ᑕᖅᑭᓄᑦ ᐊᑯᓂᐅᑎᒋᔪᖅ ᑲᕆᒪ ᒪᓐᔨᒥᒃ ᐃᓅᓂᕋᐃᔪᒥᓂᐅᓂᖓᓄᑦ ᐱᕋᔭᒃᑐᓂ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔫᓂ 27, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᐊᖏᕈᑎᖃᑦᑎᐊᖅᑐᑦ ᑲᕆᒪ ᒪᓐᔨᑉ 36 ᑕᖅᑭᓄᑦ ᑎᒍᔭᐅᒪᓂᕆᓂᐊᖅᑕᖓᓂᒃ, ᑎᒍᔭᐅᒪᓗᓂ ᒐᕙᒪᑐᖃᒃᑯᑦ ᐃᑲᔪᖅᑕᐃᕝᕕᖓᓂ, ᐃᓅᓂᕋᐃᔪᒥᓂᐅᓂᖓᓄᑦ ᐱᕋᔭᒃᑐᓂ ᐃᓱᒪᓕᐅᖅᑐᒥᓂᐅᓪᓗᓂ ᐃᖅᑲᖅᑐᐃᔨ ᒥᐊ ᒪᓄᑦᓯᐅ ᐅᓪᓗᒥ ᓄᓇᕗᑦ ᐃᖅᑲᖅᑐᐃᕕᖓᓂ.
“ᐃᖅᑲᖅᑐᐃᔨᒃᑯᑦ ᓴᙱᔪᒥᒃ ᖃᐅᔨᒪᑎᑦᑎᒍᒪᒻᒪᑕ ᑲᕆᒪ ᒪᓐᔨᑉ ᐃᖅᑲᖅᑐᐃᔨᒧᑦ ᐃᓱᒪᓕᐊᖑᓂᖓᑎᒍᑦ ᐅᓪᓗᒥ, ᓄᓇᖃᖅᑳᑑᓂᕋᖅᑐᑦ ᓴᒡᓗᓪᓗᑎᑦ ᐱᕐᔪᐊᕋᓘᒻᒪᑦ ᐱᕐᔪᐊᕌᓗᒻᒥᓪᓗ ᖃᓄᐃᓕᔭᐅᔭᕆᐊᖃᖅᑐᑎᑦ,” ᐅᖃᖅᑐᓂ ᐊᓗᑭ ᑰᑦᑎᖅ. “ᐃᖅᑲᖅᑐᐃᔨ ᒪᓄᑦᓯᐅ ᐊᑐᖅᑕᐅᖃᑦᑕᕐᓂᐊᖅᑐᒥᒃ ᖃᓄᐃᓕᒋᐊᖅᓯᔪᒥᓂᐅᕗᖅ ᐃᓱᒪᓕᐊᒥᓂᖓᑎᒍᑦ ᐅᓪᓗᒥ, ᓱᖅᑯᐃᓇᖅᑐᒥᒃ ᐱᕋᔭᒍᒪᒐᔭᖅᑐᑦ ᓄᓇᖃᖅᑳᕐᓂᕋᖅᑐᑎᑦ ᐊᓴᔭᑐᐃᓐᓇᕐᓂᐊᙱᒻᒪᑕ. ᐅᖃᖅᑐᓂ ᐱᕋᔭᒃᑕᒥᓂᓪᓚᕆᐅᕗᓪᓕ ᐃᓄᐃᑦ ᓄᓇᕗᒻᒥᐅᑦ, ᓄᓇᕗᑦ ᑐᙵᕕᒃ ᑎᒥᖓ ᑭᒡᒐᖅᑐᐃᔨᐅᓪᓗᓂ ᑲᑐᔾᔨᖃᑎᒌᖑᔪᖅ. ᓄᓇᕗᑦ ᑐᙵᕕᒃ ᑎᒥᖓ ᐊᖏᕈᑎᖃᒃᑲᓐᓂᕈᓐᓇᙱᓚᑦ ᑕᒪᔅᓱᒥᖓ, ᐊᒻᒪᓗ ᓂᕆᐅᑉᐳᒍᑦ ᑕᒪᓐᓇ ᐃᖅᑲᖅᑐᐃᔨᒧᑦ …

ᓄᓇᕗᑦ ᑐᙵᕕᒃ ᑎᒥᖓ ᓂᕆᐅᑦᑐᑦ ᐃᖅᑲᖅᑐᐃᔨᒧᑦ ᖃᓄᐃᑕᐅᓂᐊᕐᓂᖓᓂᒃ ᓯᕗᓪᓕᖅᐹᑦᑎᐊᕐᒥᒃ ᖃᐅᔨᔭᐅᔭᕆᐅᖅᑐᖅ ᐃᓅᓂᕋᖅᓯᒪᔪᒥᓂᖅ ᐊᑎᓕᐅᖅᑐᓂ ᓴᓪᓗᓪᓗᓂ ᓄᓇᕗᒻᒥ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔫᓂ 24, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᐃᖅᑲᖅᑐᐃᕕᒻᒥ ᐅᓂᒃᑳᖅᑲᐅᕗᑦ ᐱᕋᔭᑦᑕᒥᓃᑦ ᐊᑦᑐᖅᑕᐅᓂᖓᑕ ᐅᓂᒃᑳᖓᓂᒃ ᓄᓇᕗᑦ ᐃᖅᑲᖅᑐᐃᕕᒻᒥ ᐅᓪᓗᒥ. ᓄᓇᕗᑦ ᑐᙵᕕᒃ ᑎᒥᖓ ᐅᑕᖅᑭᔪᑦ ᐃᖅᑲᖅᑐᐃᔨᒧᑦ ᖃᓄᐃᑕᐅᓂᐊᕐᓂᕐᒥᓂᒃ ᑲᕆᒪ ᒪᓐᔨ, ᓂᕆᐅᒋᔭᐅᓪᓗᓂ ᖃᓄᐃᑕᐅᒐᔭᕐᓂᖓᓂᒃ ᕿᑎᖅᑰᑕᐅᓕᖅᐸᑦ, ᔫᓂ 27, 2024, ᓄᓇᕗᑦ ᐃᖅᑲᖅᑐᐃᕕᖓᓂ ᓴᓪᓗᓪᓗᓂ ᐱᕋᔭᒃᑐᓂ ᐊᑎᓕᐅᖅᓯᔪᒥᓂᐅᓂᖓᓂᒃ ᐃᓄᓪᓚᑦᑖᖑᙱᑦᑑᒃ ᒪᕐᕈᓕᐊᖏᒃ ᐸᓂᖏᒃ ᐊᒥᕋ ᐊᒻᒪᓗ ᓇᑕᐃᔭ ᒋᐅᓪ ᑕᐃᒃᑯᑎᒎᓇᖅ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᓄᑦ, ᑮᓇᐅᔭᖅᑖᖅᑐᒥᓂᐅᓪᓗᑎᒃ ᐊᒻᒪᓗ ᐱᕕᖃᖅᑎᑕᒥᓂᐅᓪᓗᑎᒃ ᐋᖅᑭᒃᑕᐅᓯᒪᔪᓄᑦ ᓄᓇᕗᒻᒥᐅᑦ ᐃᓄᖏᖕᓄᑦ. ᐃᖅᑲᖅᑐᐃᔨ ᒪᓄᑦᓯᐅ ᐃᓱᒪᓕᐊᒥᓂᕐᓂᒃ ᓴᒃᑯᑕᐅᓯᒪᖁᔭᐅᓂᖓᓂᒃ ᐃᖅᑲᖅᑐᐃᔨᒧᑦ ᖃᓄᐃᑕᐅᓇᓱᐊᕐᓂᖓᓂᒃ ᖁᔭᓈᖅᓯᖅᑲᐅᕗᖅ ᐊᒻᒪᓗ ᑎᒍᔭᐅᒃᑲᖅᑐᓂᐅᒃ ᐃᖅᑲᖅᑐᐃᔨᒧᑦ ᖃᓄᐃᑕᐅᓇᓱᐊᕐᓂᖓᓂᒃ.
“ᓄᓇᖃᖅᑳᖅᓯᒪᔫᓂᕋᖅᑐᑦ ᑲᓇᑕᒥ ᐅᖃᐅᑕᐅᖃᑦᑕᕐᓂᖅᓴᐅᓕᕐᒪᑕ” ᐅᖃᖅᑐᓂ ᓄᓇᕗᑦ ᑐᙵᕕᒃ ᑎᒥᖓᑕ …

ᓄᓇᕗᑦ ᑐᙵᕕᒃ ᑎᒥᖓ ᓴᖅᑮᕗᖅ ᐱᖓᔪᐊᓐᓂ ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓂᕐᒧᑦ ᐱᔾᔪᓯᐊᖅ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔫᓂ 19, 2024 – ᐃᖃᓗᐃᑦ, ᓄᓇᕗᑦ) ᑲᓇᑕᒥ ᓄᓇᖃᖅᑳᖅᓯᒪᔪᑦ ᐅᓪᓗᖓᑕ ᓯᕗᓂᐊᒍᑦ, ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᖁᕕᐊᓱᑉᐳᖅ ᓴᖅᑭᖅᑎᑦᑎᔭᕆᐊᒃᓴᖅ ᐱᖓᔪᒋᓕᖅᑕᖓᓂᒃ ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓂᕐᒧᑦ ᐱᔾᔪᓯᐊᕐᒥᒃ.
ᐃᓄᒃᑑᖅᑕ! ᐱᔾᔪᓯᐊᖅᑖᕆᔭᐅᒐᔭᖅᑐᖅ ᐊᑕᐅᓯᕐᒧᑦ ᓄᓇᕗᒻᒥ ᐃᓄᒻᒧᑦ ᑎᑎᕋᕈᓐᓇᖁᓪᓗᒍ ᐊᒥᓲᓛᕐᓂᑦ ᐱᔾᔪᓯᐊᖅᑖᕐᓗᓂ $80,000 ᐊᒻᒪᓗ ᐃᑲᔪᖅᑐᐃᔾᔪᑕᐅᔪᖅ ᑎᑎᕋᕈᓐᓇᖁᓪᓗᒍ ᓵᓚᒃᓴᖅᑐᖅ ᐊᑕᐅᓯᕐᒧᑦ ᐊᕐᕌᒍᒧᑦ ᐅᖓᑖᓄᑦ, ᐱᖃᓯᐅᑎᓪᓗᒍ ᓇᔪᒐᖃᕋᔭᕐᓗᓂ ᑎᑎᕋᖃᑦᑕᕋᔭᕐᓂᖓᓄᑦ ᐊᒻᒪᓗ ᐃᓕᓴᐃᔨᖃᕐᓗᓂ ᐋᖅᑭᒃᓱᐃᒍᓐᓇᖁᓪᓗᒋᑦ ᑎᑎᕋᖅᑕᒥᓂᖏᑦ ᐅᖃᓕᒫᒐᕈᖅᑎᑕᐅᒐᔭᕐᒪᑕ. ᑎᓴᒪᒃᑲᓐᓃᑦ ᐱᔾᔪᓯᐊᖅᑖᕆᔭᐅᒐᔭᕐᒥᔪᑦ $10,000, $5000, $3000, ᐊᒻᒪᓗ $2000. ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᐃᖅᑲᓇᐃᔭᖃᑎᖃᕋᔭᖅᑐᑦ ᓵᓚᒃᓴᖅᑐᓂᑦ ᑎᑎᕋᖅᑎᓂᑦ ᐱᔭᕇᖁᓪᓗᒋᑦ ᐊᒻᒪᓗ ᑎᑎᕋᖅᑕᐅᓗᑎᑦ ᐃᖅᑲᓇᐃᔮᖏᑦ ᑎᑎᕋᖅᑕᒥᓂᖏᑦ.
“ᐃᑲᔪᖅᑐᐃᓪᓗᓂ ᑲᔪᖏᖅᓴᐃᓪᓗᓂᓗ ᑎᑎᕋᖅᑎᓂᑦ ᐋᖅᑭᒃᓱᐃᖁᓪᓗᒋᑦ ᐃᓄᒃᑑᖓᔪᓂᑦ ᓴᙵᑦᑎᑕᐅᔾᔪᑕᐅᒐᔭᖅᑐᖅ ᐊᒻᒪᓗ …

ᓄᓇᕗᒻᒥ ᐱᓕᕆᖃᑎᒌᑦ ᑲᑎᒪᔨᕋᓛᖏᑦ ᑲᑎᒪᓂᖃᓲᖑᔪᑦ ᐊᑐᓕᖅᑎᑕᐅᔭᕆᐊᓖᑦ ᖃᓄᐃᑦᑑᖕᒪᖔᑕ ᓯᕗᓪᓕᐅᑎᔭᕆᐊᖃᖅᑐᓪᓗ

ᓴᖅᑭᑕᐅᑲᐅᑎᒋᔭᕆᐊᓕᒃ
ᐃᖃᓗᐃᑦ, ᓄᓇᕗᑦ (ᔫᓂ 17, 2024) – ᓄᓇᕗᒻᒥ ᐱᓕᕆᖃᑎᒌᑦ ᑲᑎᒪᔨᕋᓛᖏᑦ (NPC) – ᐅᑯᐊᖑᓪᓗᑎᒃ ᓯᕗᓕᖅᑏᑦ ᑲᑎᒪᔨᖏᑦ ᓄᓇᕗᑦ ᒐᕙᒪᒃᑯᓐᓂ ᐊᒻᒪ ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᓐᓂᒃ. (ᓄᓇᕗᑦ ᑐᙵᕕᒃᑯᑦ) − ᑲᑎᒪᓚᐅᖅᑐᑦ ᔫᓂ 17−ᒥ ᓯᕗᒻᒧᐊᒃᑎᑦᑎᓇᓱᒃᖢᑎᒃ ᑲᑐᑎᔭᒥᖕᓂᒃ ᑭᓱᓂᒃ ᐱᓕᕆᐊᖃᖅᓯᒪᓕᕐᒪᖔᕐᒥᓂᒃ.
ᑲᑎᒪᑎᓪᓗᒋᑦ, ᑲᑎᒪᔨᕋᓛᑦ ᐊᖏᕈᑎᖃᓚᐅᖅᐳᑦ ᐃᖅᑲᓇᐃᔮᒧᑦ ᐸᕐᓇᒃᑕᐅᔪᓂᒃ ᓯᕗᓪᓕᐅᔾᔭᐅᔪᒪᔪᓂᒃ ᓄᑕᖅᑲᓄᑦ ᖃᓄᐃᙱᑦᑎᐊᖅᑎᑦᑎᓂᕐᒧᑦ, ᐃᓐᓇᕐᓄᑦ, ᐃᒡᓗᓕᕆᓂᕐᒧᑦ, ᓄᓇᓕᖕᓂ ᐱᕙᓪᓕᐊᔪᓕᕆᓂᕐᒧᑦ, ᐊᒻᒪ ᐱᓕᒻᒪᒃᓴᖅᑎᑦᑎᓂᕐᒧᑦ.
ᑲᑎᒪᔨᕋᓛᑦ ᐱᓕᕆᓲᖑᕗᑦ ᑲᔪᓯᑎᑦᑎᓇᓱᒃᖢᑎᒃ ᐱᓕᕆᖃᑎᒌᓄᑦ ᓱᓕᓂᕋᕈᑎᒥᒃ, ᐊᖏᖅᑕᐅᓚᐅᖅᓯᒪᔪᖅ ᒫᑦᓯ 2022−ᒥ, ᐃᓕᑕᖅᓯᐅᒪᓪᓗᑎᒡᓗ ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐊᔾᔨᒌᓂᒃ ᓯᕗᓪᓕᐅᑎᔪᒪᔭᖏᓐᓂᒃ ᐃᓱᒪᒋᔭᖃᕐᓂᖏᓐᓂᒃ, ᐊᒻᒪ ᐱᓕᕆᖃᑎᒌᖕᓃᑦ ᐃᑲᔫᑕᐅᓂᐊᕐᓂᖏᓐᓂᒃ ᓄᓇᕗᒥᐅᓕᒫᓄᑦ.
“ᐱᓕᕆᖃᑎᒌᖕᓂᐊᕐᓂᕐᒧᑦ ᓱᓕᓂᕋᕈᑦ ᐱᕕᖃᕈᑎᒋᕙᕗᑦ ᑲᑐᔾᔨᖃᑎᒌᒡᓗᑕ ᓇᓗᓇᐃᖅᓯᔪᓐᓇᖅᓯᓪᓗᑕ ᓯᕗᓪᓕᐅᔾᔭᐅᔭᕆᐊᓕᖕᓂᒃ ᐊᒻᒪ …

ᓄᓇᕗᑦ ᑐᙵᕕᒃ ᑎᒥᖓ ᐊᖏᖅᓯᔪᑦ $1.5 ᒥᓕᐊᓐᓂᒃ ᑮᓇᐅᔭᓂᑦ ᐃᓄᒃᑐᑦ ᐃᓕᓐᓂᐊᕐᕕᖃᕈᓐᓇᕐᒪᖔᖅ ᖃᐅᔨᓴᕐᓂᕐᒧᑦ ᐊᒻᒪᓗ ᖃᓄᖅᑑᕈᑎᓕᐅᖅᓯᒪᔪᓂᑦ ᐸᕐᓇᐅᑎᓕᐅᖅᑐᒥᓂᐅᓪᓗᑎᑦ ᓅᒻᒥ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔫᓂ 17, 2024 – ᐃᖃᓗᐃᑦ, ᓄᓇᕗᑦ) ᐱᓇᓱᐊᕈᓯᐅᓚᐅᖅᑐᒥ, ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᑎᒪᔪᔪᑦ ᐃᖃᓗᓐᓂ, ᐊᒻᒪᓗ ᖃᓄᐃᖅᑑᕈᑎᓕᐅᖅᓯᒪᔪᒥᒃ ᐸᕐᓇᐅᑎᓕᐅᕆᐊᖅᑐᖅᓯᒪᓪᓗᑎᑦ ᓅᒃ, ᑲᓛᖡᑦ ᓄᓈᓐᓄᑦ. ᐊᒥᓱᑦ ᐱᖁᔨᕗᖔᕈᑏᑦ ᐊᖏᖅᑕᐅᓚᐅᖅᑐᑦ ᑲᑎᒪᔨᓄᑦ, ᐱᖃᓯᐅᑎᓪᓗᒍ ᐊᖏᖅᑕᐅᓪᓗᑎᑦ $1.5 ᒥᓕᐊᓐ ᑮᓇᐅᔭᑦ ᑲᔪᓯᓂᖃᑦᑎᐊᕈᓐᓇᕋᔭᕐᒪᖔᖅ ᖃᐅᔨᓵᖑᒐᔭᖅᑐᒥᒃ ᐃᓄᒃᑐᑦ ᐃᓕᓐᓂᐊᕐᕕᑦᑕᖃᕐᓂᕈᓂ ᐊᒻᒪᓗ ᑲᓇᑕᒥ ᒐᕙᒪᒃᑯᓐᓂ ᖃᐅᔨᓴᖁᔨᓪᓗᒋᑦ ᑮᓇᐅᔭᖅᑖᕐᕕᒃᓴᒃᑲᓐᓂᐅᒐᔭᖅᑐᑦ ᑲᓇᑕᒥ ᑎᑎᖅᑲᓂᐊᕐᕕᖏᑦ ᐊᐅᓚᓂᖏᑦᑕ ᓄᓇᕗᒻᒥ ᐅᓯᔭᐅᔾᔪᑎᖏᑦᑕ ᐊᑭᖏᑦ ᓇᓕᒧᓐᓂᖃᕐᓂᖅᓴᐅᑦᑎᐊᕐᓂᐊᕐᒪᑕ ᓄᓇᕗᑦ ᓄᓇᓕᖏᖕᓄᑦ.
“ᓂᖀᑦ ᐊᓯᖏᓪᓗ ᑭᓱᑐᐃᓐᓇᐃᑦ ᐊᑭᑐᔪᒻᒪᕆᐅᑎᓪᓗᒋᑦ ᖃᐅᑕᒫᑦ ᐃᓅᓯᕐᒧᑦ ᐊᑐᖅᑕᐅᔭᕆᐊᓖᑦ ᓄᓇᕗᒻᒥ, ᐱᒻᒪᕆᐅᕗᖅ ᑕᒪᐃᓐᓂ ᑎᒥᐅᔪᑦ ᐃᓚᐅᖃᑕᐅᔪᑦ ᖃᐅᔨᓵᖃᕐᓗᑎᑦ ᑕᒪᐃᓐᓂᓕᒫᑦᑎᐊᖅ ᐱᕕᖃᕈᑎᒋᔭᐅᔪᓐᓇᖅᑐᓂᑦ ᑕᒪᒃᑯᐊ ᐅᓯᔭᐅᔾᔪᑏᑦ ᐊᑭᑭᓪᓕᒋᐊᖅᑎᑕᐅᕝᕕᒃᓴᖏᖕᓂᒃ,” ᐅᖃᖅᑐᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ. …

ᓄᓇᕗᑦ ᑐᙵᕕᒃ ᑎᒥᖓ ᓄᓇᕗᑦ ᐃᖅᑲᖅᑐᐃᔨᒃᑯᑦ ᐊᔪᐃᓐᓈᕆᐊᕐᕕᑉ ᐃᓱᒪᓕᐊᒥᓂᖓᓂᒃ ᖁᕕᐊᓲᑎᓖᑦ ᐃᓕᓐᓂᐊᖅᑎᑕᐅᓂᕐᒧᑦ ᓇᓕᒧᒌᑦᑐᒥᒃ ᐱᔪᓐᓇᐅᑎᖃᕈᒪᓪᓗᑎᑦ ᐃᖅᑲᖅᑐᐃᕕᒃᑰᑎᒎᕈᔾᔭᐅᓛᕐᓂᖏᑦᑕ ᐅᐸᓗᖓᐃᔭᖅᑕᐅᓯᒪᓂᖏᑦ ᑲᔪᓯᑎᑕᐅᓪᓗᑎᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᒪᐃ 22, 2024 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓱᑦᑐᑦ ᓄᓇᕗᒻᒥ ᐃᖅᑲᖅᑐᐃᔨᒃᑯᑦ ᐃᓱᒪᓕᐊᒥᓂᖓᓂᒃ ᐃᖅᑲᖅᑐᖅᑕᐅᔾᔪᑎᒃᓴᓂᑦ ᐅᐸᓗᖓᐃᔭᐃᔪᓐᓇᖅᓯᑎᑦᑎᓪᓗᑎᑦ ᐅᖓᕙᕆᐊᖅᑎᑕᐅᙱᓪᓗᓂ ᐃᖅᑲᖅᑐᐃᕕᒃᑰᕈᑕᐅᓯᒪᔪᖅ ᒪᕐᕉᓐᓄᒃ ᐃᓄᐃᑦ ᐃᓚᒌᑦᑐᓄᑦ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓᓄᑦ ᐃᖅᑲᖅᑐᐃᕕᒻᒨᖅᑎᑦᑎᓯᒪᓪᓗᑎᑦ ᓄᓇᕗᑦ ᒐᕙᒪᖏᖕᓂ.
ᑕᐃᑲᓂ ᐃᖅᑲᖅᑐᐃᕕᒃᑯᑎᒎᖅᑎᑕᐅᓯᒪᔪᒥᒃ ᓄᓇᕗᑦ ᑐᙵᕕᒃ ᑎᒥᖓ ᐊᒻᒪᓗ ᐃᓄᐃᑦ ᐃᓚᒌᑦᑐᑦ, ᑭᒡᒐᖅᑐᐃᓪᓗᑎᑦ ᑕᒪᐃᓐᓂ ᓄᓇᕗᒻᒥᐅᑦ ᐃᓄᖏᖕᓂ, ᓴᐳᒻᒥᐅᓯᖅᑕᐅᓯᒪᔪᒪᕗᑦ ᒪᓕᑦᑐᒍ ᑎᑎᕋᖅᓯᒪᓂᖓᑕ ᐃᓚᖓ 15 ᑲᓇᑕᒥ ᐱᔪᓐᓇᐅᑏᑦ ᐃᓱᒪᖅᓲᑏᓪᓗ ᐱᖁᔭᕐᔪᐊᖓᓂᒃ ᐃᓱᓕᑦᑎᑕᐅᖁᓪᓗᒍ ᓇᓕᒧᒌᙱᑦᑐᒃᑯᑦ ᑲᒪᒋᔭᐅᖃᑦᑕᕐᓂᖏᑦ ᐃᓄᐃᑦ ᐃᓕᓐᓂᐊᖅᑏᑦ ᓄᓇᕗᑦ ᐃᓕᓐᓂᐊᕐᕕᖏᖕᓂ ᐃᓕᓐᓂᐊᖅᑎᓪᓗᒋᑦ ᒥᑭᔫᑕᐅᓂᖅᐹᓂ ᑎᑭᑦᑐᒍ ᖁᑦᑎᓂᖅᐹᒧᑦ ᖁᕝᕙᓯᓐᓂᓕᓐᓄᑦ 12 ᐃᓕᓐᓂᐊᕐᓂᖅ ᐊᑐᐃᓐᓇᐅᒪᑎᑕᐅᖃᑦᑕᙱᓐᓂᖏᑦ ᐃᓄᒃᑐᑦ ᐱᓪᓗᒋᑦ. ᐃᓱᒪᓕᐅᖅᑕᒥᓂᕐᒥᓂᒃ ᐱᓇᓱᐊᕈᓯᐅᓚᐅᖅᑐᒥᒃ, ᓄᓇᕗᒻᒥ ᐃᖅᑲᖅᑐᐃᔨᒃᑯᑦ ᐊᔪᐃᓐᓈᕆᐊᕐᕕᒃ ᑎᑎᕋᓚᐅᖅᑐᑦ …

ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓱᒍᑎᖃᖅᑐᑦ ᑐᓴᖅᑎᑕᐅᓂᖓᓂᒃ ᑲᒥᓯᓇᐅᔪᖅ ᐅᓪᓗᒥ ᓄᓇᑖᕐᓂᕐᒧᑦ ᐊᖏᕈᑎᐅᔪᓂᑦ ᐊᑐᓕᖅᑎᑦᑎᔨᖏᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᒪᐃ 7, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓱᒍᑎᖃᖅᑐᑦ ᑲᓇᑕᒥ ᓯᕗᓕᖅᑎᕐᔪᐊᖓᓂᒃ ᔭᔅᑎᓐ ᑐᕉᑐᑉ ᑐᓴᖅᑎᑦᑎᒍᑎᒋᖅᑲᐅᔭᖓᓂᒃ, ᐱᓇᓱᐊᒐᖃᕐᓂᐊᕐᓂᖏᑦ ᐋᖅᑮᓗᑎᑦ ᓄᑖᕐᒥᒃ ᑭᒡᒐᖅᑐᐃᔨᒥᒃ ᑲᓇᑕᒥ ᒪᓕᒐᓕᐅᕐᕕᕐᔪᐊᒃᑯᓐᓄᑦ, ᑲᒥᓯᓇᐅᔪᖅ ᐅᓪᓗᒥ ᓄᓇᑖᕐᓂᕐᒧᑦ ᐊᖏᕈᑎᓂᑦ ᐊᑐᓕᖅᑎᑦᑎᔨᖓᓂᒃ ᐱᑕᖃᖅᑎᑕᐅᒐᓱᐊᕐᓂᐊᓕᕐᓂᖓᓂᒃ.
ᐋᖅᑭᒃᑕᐅᓂᖓ ᑲᒥᓯᓇᐅᑦ ᐅᓪᓗᒥ ᓄᓇᑖᕐᓂᕐᒧᑦ ᐊᖏᕈᑎᓂᒃ ᐊᑐᓕᖅᑎᑦᑎᔨ ᑕᑯᒃᓴᐅᑎᑦᑎᕗᖅ ᐱᕚᓪᓕᒻᒪᕆᓕᕐᓂᖏᑦ ᐱᓪᓚᑦᑖᒃᑯᑦ ᐃᖅᑲᓇᐃᔭᖃᑎᖃᖅᑐᑎᑦ ᑲᓇᑕᒥ ᒐᕙᒪᒃᑯᓐᓂ. ᐅᓪᓗᒥᐅᔪᖅ ᓄᓇᑖᕐᓂᕐᒧᑦ ᐊᖏᕈᑏᑦ ᑐᙵᕕᐅᒻᒪᑕ ᐃᓄᐃᑦ−ᒐᕙᒪᑐᖃᒃᑯᑦ ᐱᓕᕆᖃᑎᒌᓐᓂᖏᖕᓄᑦ, ᐊᒻᒪᓗ ᑕᒪᐃᓐᓂ ᐊᑐᓕᖅᑎᑕᐅᒍᑎᑦ ᐱᕚᓪᓕᖅᑎᑦᑎᒐᔭᓪᓚᕆᑦᑐᑦ ᐃᓄᐃᑦ ᓄᓇᓕᖏᑦᑕ ᖃᓄᐃᓐᓂᖏᖕᓂᒃ,” ᐅᖃᖅᑐᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ. “ᓄᓇᕗᑦ ᑐᙵᕕᒃ ᑎᒥᖓ ᑎᑎᕋᖃᑎᖃᕆᐊᙵᕈᒪᒻᒪᕆᓕᖅᑐᑦ ᐱᖁᔭᕐᒥᒃ ᐱᑕᖃᕆᐊᓕᒻᒥᒃ ᐋᖅᑭᒃᑕᐅᖁᓪᓗᒍ ᑲᒥᓯᓇ ᐅᓪᓗᒥᐅᔪᖅ ᓄᓇᑖᕐᓂᕐᒧᑦ ᐊᖏᕈᑎᓂᑦ ᐊᑐᓕᖅᑎᑦᑎᔨᖏᖕᓂᒃ.”
ᓄᓇᕗᑦ …

ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓱᙱᑦᑐᑦ ᐃᓅᔪᓐᓃᓚᐅᕐᓂᖓᓂᒃ ᓛᔭᕋᔅ ᐋᕆᐊᒃ − ᐊᖓᔪᖅᑳᖑᓚᐅᖅᓯᒪᔪᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᖕᓄᑦ, ᐊᑯᓂᐊᓗᒃ ᑐᓵᔨᐅᓯᒪᔪᖅ/ᑐᑭᓕᐅᕆᔨᐅᓪᓗᓂᓗ ᐊᒻᒪᓗ ᐊᔭᐅᕆᔨ ᐃᓐᓇᒻᒪᕆᖕᓄᑦ ᓄᓇᕗᒻᒥ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᒪᐃ 6, 2024 – ᐃᖃᓗᐃᑦ, ᓄᓇᕗᑦ) ᕿᔅᓵᓇᒻᒪᕆᑦᑐᒥᒃ ᓄᓇᕗᑦ ᑐᙵᕕᒃᑯᑦ ᑎᒥᖓ ᑐᓴᓚᐅᖅᑐᑦ ᐃᓅᒍᓐᓃᖅᑐᒥᓂᐅᓂᖓᓂᒃ ᓛᔭᕋᔅ ᐋᕆᐊᒃ ᒥᑎᒪᑕᓕᖕᒥᐅᖅ. ᓇᓪᓕᒋᕙᑦᑎᒌᕈᒪᕙᕗᑦ ᖃᑕᙳᑎᓂᖏᑦ, ᐱᖃᑎᖏᑦ, ᐊᒻᒪᓗ ᓄᓇᓕᐅᔪᖅ.
ᒥᔅᑕ ᐋᕆᐊᒃ ᐊᖓᔪᖅᑳᖑᓚᐅᖅᓯᒪᔪᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᖕᓂᒃ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓᓄᑦ ᑲᑎᒪᔨᐅᖃᑕᐅᓪᓗᓂ 1996-ᒥ ᑎᑭᑦᑐᒍ 1998−ᒧᑦ. ᓯᕗᓂᐊᒍᑦ ᐊᔾᔨᒌᙱᑦᑐᓂᒃ ᐃᖅᑲᓇᐃᔮᓂᑦ ᐃᖅᑲᓇᐃᔭᓚᐅᖅᓯᒪᔪᖅ ᓄᓇᕗᑦ ᑐᙵᕕᒃ ᑎᒥᖓᓂᒃ, ᑐᑭᒧᐊᑦᑎᑦᑎᔨᐅᓚᐅᖅᓯᒪᒋᕗᖅ ᐱᕙᓪᓕᐊᔪᓕᕆᔨᒃᑯᓐᓄᑦ ᐊᒻᒪᓗ ᑐᑭᒧᐊᑦᑎᑦᑎᔨᐅᓪᓗᓂ ᑐᓴᐅᒪᔪᓕᕆᔨᒃᑯᓐᓄᑦ.
ᒥᔅᑕ ᐋᕆᐊᒃ ᐊᑯᓂᐊᓗᒃ ᐃᖅᑲᓇᐃᔮᖃᕐᓂᑰᕗᖅ ᑐᓵᔨᐅᓪᓗᓂ ᐊᒻᒪᓗ ᑐᑭᓕᐅᕆᔨᐅᓪᓗᓂ. ᐃᖅᑲᓇᐃᔭᓚᐅᖅᓯᒪᔪᖅ ᐃᓄᐃᑦ ᑕᐱᕇᒃᓴᑦ ᑲᓇᑕᒥ (ᐃᓄᐃᑦ ᑕᐱᕇᒃᓴᑦ ᑲᓇᑕᒥ, ᒫᓐᓇ ᑕᐃᔭᐅᕙᓕᖅᑐᖅ ᐃᓄᐃᑦ ᑕᐱᕇᑦ ᑲᓇᑕᒥ) 1976-ᒥ ᑎᑭᑦᑐᒍ 1980−ᒧᑦ, ᑐᑭᓕᐅᕆᔨᐅᓚᐅᖅᓯᒪᓪᓗᓂ 1976-ᒥ ᑲᑎᒪᔨᐅᖃᑎᒌᑦᑐᓄᑦ ᐃᓄᐃᑦ …

ᒪᑭᒋᐊᖅᑕᒃᑯᑦ ᖁᕕᐊᓱᒍᑎᖃᓚᐅᕐᒪᑕ ᐃᓕᓴᐃᓂᕐᒥᒃ ᐱᔭᕇᖅᑎᓪᓗᒋᑦ

ᑐᓴᖅᑕᐅᑲᐅᑎᒋᔭᕆᐊᓕᒃ
(ᐃᐱᕆ 29, 2024 — ᐃᖃᓗᐃᑦ, ᓄᓇᕗᑦ) ᐱᓇᓱᐊᕈᓯᕆᔪᔭᑦᑎᓐᓂ ᒪᑭᒋᐊᖅᑕ ᐃᓄᖕᓂᒃ ᐃᓕᓴᐃᓂᕐᒧᑦ ᑯᕆᐳᕆᓴᒃᑯ ᖃᐅᔨᓴᐃᓂᕐᒥᒃ, ᓴᓇᕐᕈᑎᓂᒃ, ᐃᒡᓗᑦ ᓴᓇᓯᒪᓂᒃᓴᖏᓐᓂᒃ, ᑎᑎᕋᐅᔭᐅᕐᓂᕐᒥᒃ, ᓇᓴᐅᓯᕆᓂᕐᒥᒃ ᐃᓕᓴᑎᑕᐅᑎᓪᓗᒋᑦ ᐃᖃᓗᑦᑑᑦᑎᐊᕐᒥ, ᓄᓇᕗᖕᒥ. 14 ᐃᓕᓐᓂᐊᕐᑏᑦ ᒍᕋᐃᑦ 9-ᒥᑦ 12-ᒧᑦ ᐃᓕᓴᖃᑕᐅᓚᐅᕐᑐᑦ, ᑲᑎᕙᑦᑐᑎᒃ ᑲᓇᐅᑉ ᖁᑦᑎᓂᕐᐹᖓᓂ ᑲᐅᔨᓴᕐᑐᓕᕆᓂᕐᒧᑦ ᐃᒡᓗᖓᓂ ᕿᑎᕐᒥᐅᑦ ᓄᓇᓕᖓᓐᓂ. ᐃᓕᓐᓂᐊᕐᑏᑦ ᓄᓇᕗᑦ ᓄᓇᓕᖏᓐᓃᖔᓚᐅᕐᐅᑐᑦ: ᐃᖃᓗᑦᑑᑎᑦᑎᐊᕐᒥᑦ, ᑲᖏᑦᑐᒑᐱᖕᒥᑦ, ᑯᒑᕈᒃᒥᑦ, ᐸᖕᓂᕐᑑᒥᑦ ᐊᒻᒪ ᕿᑭᖅᑕᔾᔪᐊᕐᒥᑦ.
“ᓴᓈᕆᔭᐅᔪᓐᓇᕐᑐᑦ ᖃᐅᔨᓴᐃᓂᕐᒥᒃ, ᓴᓇᕐᕈᑎᓂᒃ, ᐃᒡᓗᑦ ᓴᓇᓯᒪᓂᒃᓴᖏᓐᓂᒃ, ᑎᑎᕋᐅᔭᐅᕐᓂᕐᒥᒃ, ᓇᓴᐅᓯᕆᓂᕐᒥᒃ ᐱᒻᒪᕆᐅᔪᕗᑦ,” ᐅᖃᓚᐅᕐᑐᖅ ᐊᖓᔪᖅᑳᖓᑦ ᐊᒻᒪ ᒪᑭᒋᐊᕐᑕᒃᑯᑦ ᐃᒃᓯᕙᐅᑕᖓᑦ ᐊᓗᑭ ᑰᑦᑎᖅ. “ᐊᒃᓱᒻᒪᕆᐊᓗᒃ ᐅᐱᕙᒃᑲ ᐃᓕᓐᓂᐊᕐᑏᑦ ᐱᖃᑕᐅᓚᐅᕐᑐᑦ ᐃᓕᓴᔪᓄᑦ ᐃᖃᓗᑦᑑᑦᑎᐊᕐᒥ. ᑲᔪᖏᓇᓕᕐᓇᕐᐳᖅ ᑕᑯᓪᓗᓂ ᓄᓇᕗᖕᒥ ᐃᓕᓐᓂᐊᕐᑎᓂᒃ ᐱᖃᑕᐅᔪᒪᔪᓂᒃ ᖃᐅᔨᓴᐃᓂᕐᒥᒃ, ᓴᓇᕐᕈᑎᓂᒃ, ᐃᒡᓗᑦ …

ᒐᕙᒪᑐᖃᒃᑯᑦ ᑮᓇᐅᔭᖅᑐᕈᑎᒃᓴᖏᑦ 2024−ᒧᑦ ᐊᒥᒐᖅᓯᔪᑦ ᑐᐊᕕᕐᓇᖅᑐᒃᑯᑦ ᑭᙴᒪᒋᔭᖏᖕᓂᒃ ᓄᓇᕗᒻᒥᐅᑦ ᐃᓄᖏᑦᑕ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐄᐳᕈᓪ 17, 2024 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑯ ᓂᕆᐅᒃᑲᓗᐊᖅᑎᓪᓗᒋᑦ ᐃᖅᑲᓇᐃᔭᖃᑎᖃᕐᓗᑎᑦ ᒐᕙᒪᑐᖃᒃᑯᓐᓂ ᐊᒥᓱᓂᑦ ᐱᓕᕆᐊᕐᓂᒃ ᑐᓴᖅᑎᑕᐅᖅᑲᐅᔪᓄᑦ ᐃᑦᐸᒃᓴᖅ ᒐᕙᒪᑐᖃᒃᑯᑦ ᑮᓇᐅᔭᖅᑐᕈᑎᖏᖕᓄᑦ ᑕᐃᔭᐅᔪᑦ ᓇᓕᒧᒌᑦᑎᑦᑎᓂᖅ ᑕᒪᐃᓐᓄᑦ ᑭᖑᕚᕆᔭᐅᔪᓄᑦ, ᑭᓯᐊᓂᓕ ᐊᕕᓯᒪᔪᒻᒪᕆᐅᕗᑦ ᓱᓕ ᑲᓇᑕᑉ ᑐᓴᖅᑎᖅᑲᐅᔭᖏᑦ ᐅᓪᓗᒥ ᐊᒻᒪᓗ ᓄᓇᕗᒻᒥᐅᑦ ᐃᓄᐃᑦ ᐱᔭᕆᐊᓕᖏᑦ ᐃᓅᓯᖏᑦ ᓇᓕᒧᓐᓂᖃᑦᑎᐊᖁᓪᓗᒋᑦ ᐊᒥᓱᑦ ᑲᓇᑕᒥᐅᑕᐅᔪᑦ ᖁᕕᐊᒋᓲᖏᖕᓂ ᐊᔾᔨᖃᓕᕐᓗᑎᑦ.
“25 ᐊᕐᕌᒎᓕᖅᑐᓂᑦ ᓄᓇᕗᑦ ᐱᙳᖅᑎᑕᐅᓚᐅᖅᓯᒪᑎᓪᓗᒍ, ᓄᓇᕗᒻᒥᐅᑕᐅᔪᖅ ᐃᓄᒃ ᐅᓪᓗᒥ ᐃᓅᓯᖓᑕ ᐱᐅᔫᓂᖓᑕ ᑕᑯᒐᒃᓴᒻᒪᕆᒃᑯᑦ ᐱᐅᙱᓐᓂᖅᓴᐅᓕᖅᑐᖅ ᑕᐃᒪᙵᓂᑦ 1999−ᖑᔪᒻᒪᓂᑦ,” ᐅᖃᖅᑐᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ. “ᐃᒡᓗᑭᒃᓴᐃᓐᓇᐅᔭᖅᑐᑦ ᓱᓕ ᐱᐅᙱᓐᓂᖅᓴᐅᓕᖅᑐᑎᓪᓗ ᐃᒡᓗᖏᑦ, 75%−ᖑᔪᑦ ᓄᓇᕗᒻᒥᐅᑦ ᐃᓄᐃᑦ ᓂᕿᖃᑦᑎᐊᖅᐸᙱᑦᑐᑦ, ᐃᓄᒃᑐᑦ ᐅᖃᓪᓚᒍᓐᓇᕐᓂᖏᑦ ᐊᒥᓲᓂᖏᑦᑕ ᖃᑦᑏᓐᓇᐅᓂᖅᓴᐅᓕᖅᑐᑦ, ᐊᒻᒪᓗ …

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ  ᑯᑦᑎᖅ ᓂᕈᐊᖅᑕᐅᕗᖅ ᐃᒃᓯᕙᐅᑕᑉ ᑐᖏᓕᐊᓄᑦ ᓄᓇᕐᔪᐊᕐᒥ ᓄᓇᓕᕐᔪᐊᑦ ᑲᑎᒪᔨᒋᔭᐅᖏᓐᓇᖅᑐᑦ ᓄᓇᖃᖅᑳᖅᓯᒪᔪᓕᕆᓂᕐᒧᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᐄᐳᕈᓪ 15, 2024 – ᐃᖃᓗᐃᑦ, ᓄᓇᕗᑦ) ᐅᓪᓗᒥ, ᓄᓇᕐᔪᐊᕐᒥ ᓄᓇᓕᕐᔪᐊᑦ ᑲᑎᒪᔨᒋᔭᐅᖏᓐᓇᖅᑐᑦ ᓄᓇᖃᖅᑳᖅᓯᒪᔪᓕᕆᓂᕐᒧᑦ (UNPFII) ᑐᓴᖅᑎᑦᑎᖅᑲᐅᕗᑦ ᓄᓇᕗᑦ ᑐᙵᕕᒃ ᑎᒥᖓᑕ (NTI) ᐊᖓᔪᖅᑳᖓ ᐊᓗᑭ  ᑰᑦᑎᖅ ᓂᕈᐊᖅᑕᐅᖅᑲᐅᒻᒪᑦ ᐃᒃᓯᕙᐅᑕᐅᑉ ᑐᖏᓕᕆᓂᐊᓕᕐᒪᒍᒎᖅ ᓄᓇᕐᔪᐊᕐᒥ ᓄᓇᓕᕐᔪᐊᑦ ᑲᑎᒪᔨᒋᔭᐅᖏᓐᓇᖅᑐᑦ ᓄᓇᖃᖅᑳᖅᓯᒪᔪᓕᕆᓂᕐᒧᑦ.
ᐊᖓᔪᖅᑳᖅ ᑰᑦᑎᖅ ᐃᓚᒋᔭᐅᓯᒪᓕᖅᑐᖅ ᓄᓇᕐᔪᐊᕐᒥ ᓄᓇᓕᕐᔪᐊᑦ ᑲᑎᒪᔨᒋᔭᐅᖏᓐᓇᖅᑐᑦ ᓄᓇᖃᖅᑳᖅᓯᒪᔪᓕᕆᓂᕐᒧᑦ ᔮᓐᓄᐊᕆ 1, 2023-ᖑᔪᒻᒪᓂᑦ, ᐊᒻᒪᓗ ᑎᒃᑯᐊᖅᑕᐅᓯᒪᓂᖓ ᐊᑯᓂᐅᓂᖃᕐᓂᐊᖅᑐᖅ ᑎᓰᕝᕙ 31, 2025−ᕈᕋᓱᐊᕐᓂᖓᓂ.
ᐊᖓᔪᖅᑳᖅ ᑰᑦᑎᖅ ᓯᕗᓪᓕᖅᐹᖑᔪᖅ ᐃᓄᒃ ᑲᓇᑕᒥ ᓄᓇᕗᒻᒥᓗ ᐃᓚᒋᔭᐅᓪᓗᓂ ᓄᓇᕐᔪᐊᕐᒥ ᓄᓇᓕᕐᔪᐊᑦ ᑲᑎᒪᔨᒋᔭᐅᖏᓐᓇᖅᑐᑦ ᓄᓇᖃᖅᑳᖅᓯᒪᔪᓕᕆᓂᕐᒧᑦ, ᐊᒻᒪᓗ ᓯᕗᓪᓕᖅᐹᖑᓪᓗᓂ ᓂᕈᐊᖅᑕᐅᔪᖅ ᐃᒃᓯᕙᐅᑕᐅᑉ ᑐᖏᓕᐊᓄᑦ. ᐃᓚᐅᖃᑕᐅᓕᖅᑐᖅ ᐃᓄᓐᓂᒃ ᖃᑦᑏᓐᓇᓂᑦ ᐃᓂᖓᓃᓐᓂᐊᕐᓗᓂ, ᐊᒻᒪᓗᑦᑕᐅᖅ ᐱᖃᑎᒋᓗᒋᒃ ᐊᖅᑲᓗᒃ ᓕᖏ  (ᑲᓛᖡᑦ, 2006-2008) ᐊᒻᒪᓗ ᑕᓖ ᓴᒻᕗ …

ᑲᓇᑕ ᐃᖢᐊᖅᓴᐃᔨᒻᒪᕆᖓ ᐃᓚᒋᔭᐅᓂᐊᖅᑐᖅ ᑐᙵᕕᒃᑯᑦ ᐳᓚᕋᓐᓂᖏᓐᓄᑦ ᓄᓇᕗᑦ ᓄᓇᓕᖏᓐᓄᑦ

ᐃᕐᖐᓐᓇᖅ ᓴᖅᑭᖅᑕᐅᒋᐊᓕᒃ
(ᐄᐳᕈᓪ 15, 2024 – ᐃᖃᓗᐃᑦ, ᓄᓇᕗᑦ) ᐱᓇᓱᐊᕈᓯᑦᑎᓐᓂ ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᖁᕕᐊᓱᑦᑐᖅ ᑲᒪᒋᔭᖃᕐᓂᐊᓂᕐᒥᓂᒃ ᓘᑦᑖᒻᒪᕆᒃ ᑐᕇᓴ ᑖᒻ, ᑲᓇᑕ ᐃᖢᐊᖅᓴᐃᔨᒻᒪᕆᖓ, ᓄᓇᕗᑦ ᓄᓇᓕᖕᓅᕐᓂᐊᕐᓂᖏᓐᓂ ᓇᐅᔮᑦ, ᒥᑦᑎᒪᑕᓕᒃ, ᐊᒻᒪᓗ ᐃᖃᓗᐃᑦ. ᓘᑦᑖᒻᒪᕆᒃ ᑖᒻ ᐳᓚᕋᖃᑕᐅᓂᐊᕐᓂᖓ ᓈᖕᒪᓈᕆᐊᖅᓯᒪᔪᖅ ᓴᖅᑭᖅᑕᐅᓂᖓᓂᒃ ᓄᓇᓕᓕᒫᖅ−ᖃᐅᔨᓴᖅᑕᐅᓂᐊᕐᓂᖏᓐᓂᒃ ᐃᓄᖏᑦ ᐳᕙᓪᓗᓇᖅᑐᖃᕐᒪᖔᑕ (TB) ᓇᐅᔮᓂ.
ᓇᐅᔮᓂᓗ ᒥᑦᑎᒪᑕᓕᒻᒥᓗ ᒫᓐᓇ ᓯᐊᒻᒪᖃᑦᑕᕐᒪᑦ ᐳᕙᓪᓗᓐᓂᖅ, ᓴᐳᔾᔭᐅᓯᒪᒍᓐᓇᖅᑐᖅ ᒪᒥᓴᖅᑕᐅᔪᓐᓇᖅᑐᓂᓗ ᐋᓐᓂᐊ ᐊᑦᑐᐃᓂᖃᖅᓯᒪᔪᖅ ᓄᓇᕗᒻᒥ ᐃᓄᓐᓂᒃ ᖁᑦᓯᓂᖅᓴᒥᒃ 400-ᖏᖅᓱᖅᑐᒥᒃ ᑲᓇᑕᒥ ᐊᑐᖅᑕᐅᕙᑦᑐᒥᒃ. ᓄᓇᕗᒻᒨᕐᓂᖓ ᑲᓇᑕᒥ ᖁᑦᓯᓂᖅᐹᖓ ᓘᑦᑖᕐᔪᐊᖅ ᐱᓕᕆᖃᑎᖃᕐᓂᐊᖅᑐᖅ ᑐᙵᕕᒃᑯᓐᓂᒃ, ᐊᒻᒪᓗ ᑲᑐᔾᔨᖃᑎᖃᕐᓗᓂ ᓄᓇᕗᑦ ᒐᕙᒪᖓᓂᒃ, ᖃᐅᔨᑐᐃᓐᓇᖏᓪᓗᓂ ᑕᑯᑦᓯᐊᒻᒪᕆᒍᒪᓪᓗᓂ ᐃᓚᖏᓐᓂᒃ ᐃᓅᓯᕐᒧᑦ ᐃᖢᐃᓪᓕᐅᕈᑕᐅᕙᑦᑐᓂᒃ, ᓲᕐᓗ ᐃᓪᓗᑭᑦᓴᕐᓂᖅ ᐊᒻᒪᓗ ᓂᕆᔭᑦᓴᖃᑦᓯᐊᖃᑦᑕᖏᓐᓂᖅ, ᐃᖢᐃᓗᑕᐅᖃᑦᑕᖅᑐᒥᒃ ᐃᓗᓯᖏᓐᓄᑦ …

ᓄᓇᓕᓕᒫᓂᑦ ᐳᕙᒡᓗᓕᖅᑎᑦᑎᑦᑕᐃᓕᒪᓂᕐᒧᑦ ᖃᐅᔨᓴᑲᑕᖕᓂᐊᖅᑐᑦ ᓇᐅᔮᓂ

ᓴᖅᑭᑕᐅᑲᐅᑎᒋᒋᐊᓕᒃ
ᐊᐃᕆᓕ 10, 2024 (ᐃᖃᓗᐃᑦ, ᓄᓇᕗᑦ) – ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᐱᓕᕆᖃᑎᖃᖅᖢᑎᒃ ᓄᓇᕗᑦ ᑐᙵᕕᒃᑯᓐᓂ. (ᓄᓇᕗᑦ ᑐᙵᕕᒃᑯᑦ), ᓇᐅᔮᕐᒥᐅᓂᒃ ᑐᓴᖁᔨᕗᑦ ᐳᕙᒡᓗᖕᒪᖔᑦ ᖃᐅᔨᓴᖅᑕᐅᓛᕐᓂᖏᓐᓂᒃ ᐊᐃᕆᓕ 15-ᒥ ᒪᐃ ᐃᓱᐊᓄᑦ. ᖃᐅᔨᓴᖅᐸᓪᓕᐊᖏᓐᓇᖅᑐᑦ ᐅᓄᖅᓯᕙᓪᓕᐊᓂᖏᓐᓄᑦ ᐳᕙᒡᓗᒃᑐᑦ ᓄᓇᓕᖕᓂ.
ᓇᐅᔮᕐᒥᐅᓕᒫᑦ ᐃᓚᐅᔭᕆᐊᖃᓪᓚᕆᒃᐳᑦ ᖃᐅᔨᓴᖅᑕᐅᔪᓂᒃ. ᐳᕙᒡᓗᖕᓇᖅ ᐋᓐᓂᐊᕐᔪᐊᖑᖕᒪᑦ, ᓄᑕᖅᑲᓪᓗ ᐃᓐᓇᐃᓪᓗ ᐊᒃᑐᖅᑕᐅᓴᕋᐃᓐᓂᖅᓴᐅᓪᓗᑎᒃ. ᖃᐅᔨᓴᖅᑕᐅᓵᓕᓂᖅ ᒪᒥᓴᖅᑕᐅᓂᕐᓗ ᐱᒻᒪᕆᐅᔪᑦ ᐱᔪᓐᓃᖅᑎᓪᓗᒍ ᐳᕙᒃᓗᖕᓇᖅ ᓄᖅᑲᖅᑎᓪᓗᒍᓗ ᓯᐊᒻᒪᒃᐸᓪᓕᐊᓂᖓ ᐋᓐᓂᐊᖅ ᐊᓯᖕᓄᑦ.
ᖃᐅᔨᓴᖅᑕᐅᓛᖅᑐᑦ ᓇᐅᔮᑦ ᕼᐋᒻᒪᓚᑦᑯᑦ ᑎᑎᕋᕐᕕᐊᓂ. ᓄᓇᓕᖕᒥᐅᑦ ᖃᐅᔨᒋᐊᕐᕕᐅᖃᑦᑕᕐᓂᐊᖅᐳᑦ ᐃᒡᓗᒥᐅᑕᐅᖃᑎᒌᓕᒫᑦ ᖃᐅᔨᓴᖅᑕᐅᒐᓗᐊᕐᒪᖔᑕ. ᖃᐅᔨᓴᖅᑕᐅᒋᐊᕐᖓᖅᑎᓪᓗᒋᑦ ᐊᐱᖅᓱᖅᑕᐅᔪᑦ, ᐳᕙᒡᓗᖕᓂᕐᒧᑦ ᖃᐅᔨᓴᖅᑕᐅᔪᑦ, ᐊᒻᒪ ᓴᒡᕕᒃᑯᑦ ᐊᔾᔨᓕᐅᖅᑕᐅᔪᑦ. ᖃᐅᔨᓴᖅᑕᐅᒃᑲᓐᓂᕐᓂᖅ ᐃᓚᖃᑐᐃᓐᓇᕆᐊᓕᒃ ᐊᐅᒃᑯᑦ ᖃᐅᔨᓴᒐᒃᓴᓂᒃ ᐅᕝᕙᓘᓐᓃᑦ ᐊᐅᖏᖅᑕᐅᓂᒃᑯᑦ.
“ᖁᔭᓕᔪᒪᕙᒃᑲ ᓇᐅᔮᕐᒥᐅᑦ ᐱᓕᕆᖃᑎᖃᓚᐅᕐᓂᖏᓐᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᔨᒻᒪᕆᖏᓐᓂᒃ, ᐱᓕᕆᖃᑎᒌᒃᖢᑎᒃ ᓄᓇᓕᖕᓂ ᓯᕗᒻᒧᐊᒃᑎᑦᑎᔪᑦ ᐱᐅᓯᒋᐊᖁᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓴᖅᑭᑦᑐᑦ,” …

ᒪᑭᒋᐊᖅᑕ ᐊᒻᒪᓗ NCC ᐱᕙᓪᓕᐊᑎᑦᑎᓂᕐᒧᑦ ᑎᒥᖓ ᑐᓴᖅᑎᑦᓯᔪᑦ $4.9−ᒥᓕᔭᓐ ᑲᑐᔾᔨᓗᑎᒃ ᐱᓕᖕᒪᒃᓴᐅᑎᑦᓴᓂᒃ ᓄᓇᕗᒻᒥ ᐃᓄᐃᑦ ᐃᓪᓗᓕᐅᕆᐅᖅᓴᑎᑦᓯᓂᕐᒧᑦ ᐊᔪᕈᓐᓃᖅᓴᐅᑎᑦᓴᓂᒃ

ᓴᖅᑭᑕᐅᑦᓴᐅᑎᒋᔭᕆᐊᓕᒃ
ᒪᑭᒋᐊᖅᑕ ᐊᒻᒪᓗ NCC ᐱᕙᓪᓕᐊᑎᑦᑎᓂᕐᒧᑦ ᑎᒥᖓ ᑐᓴᖅᑎᑦᓯᔪᑦ $4.9−ᒥᓕᔭᓐ ᑲᑐᔾᔨᓗᑎᒃ ᐱᓕᖕᒪᒃᓴᐅᑎᑦᓴᓂᒃ ᓄᓇᕗᒻᒥ ᐃᓄᐃᑦ ᐃᓪᓗᓕᐅᕆᐅᖅᓴᑎᑦᓯᓂᕐᒧᑦ ᐊᔪᕈᓐᓃᖅᓴᐅᑎᑦᓴᓂᒃ
(ᐄᑉᕈ 9, 2024 – ᐃᖃᓗᐃᑦ, ᓄᓇᕗᑦ) ᐅᓪᓗᒥ, ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᓐ (ᒪᑭᒋᐊᖅᑕ ᐊᒻᒪᓗ NCC ᐱᕙᓪᓕᐊᑎᑦᓯᔩᑦ (NCCD) ᑐᓴᖅᑎᑦᓯᓚᐅᖅᑐᑦ ᑲᑐᔾᔨᓗᑎᒃ ᐊᐅᓚᑦᓯᓂᐊᓂᕐᒥᒃ ᐊᔪᕈᓐᓃᖅᓴᐅᑎᑦᓴᓂᒃ ᐱᓕᖕᒪᒃᓴᐅᑎᑎᒍᑦ ᐊᒻᒪᓗ ᐃᖅᑲᓇᐃᔮᓄᑦ ᐸᕐᓇᓯᒪᒍᑎᑦᓴᖏᓐᓂᒃ ᓄᓇᕗᒻᒥ ᐃᓄᐃᑦ. ᐊᖏᕈᑎ ᐱᓕᖕᒪᑦᓴᐅᑎᑦᓴᓄᑦ ᑮᓇᐅᔭᓖᒍᑎ ᒪᑭᒋᐊᖅᑕᑯᓐᓂᒃ ᐊᕐᕌᒍᓄᑦ 6-ᓄᑦ ᐊᒻᒪᓗ ᑕᑯᒍᑕᐅᓂᐊᖅᑐᖅ NCC−ᑯᑦ ᐱᓕᖕᒪᑦᓴᑎᑦᓯᓂᖓᓂᒃ 90−ᓅᖓᔪᓂᒃ ᐃᓄᓐᓂᒃ ᓴᓇᔭᕆᐅᖅᓴᖅᑐᓂᒃ ᐃᓪᓗᓕᐅᕐᓂᕐᒧᑦ.  ᐃᓚᐅᔪᑦ ᑕᕝᕗᖓ ᑎᒍᓚᓗᑎᒃ ᐱᓕᖕᒪᓴᖅᑎᑕᐅᓂᐊᖅᑐᑦ, ᐊᒻᒪᓗ ᐃᖅᑲᓇᐃᔭᖃᑎᖃᕐᓗᑎᒃ ᓇᓗᓇᐃᒃᑯᑕᓕᖕᓂᒃ ᓴᓇᔨᒻᒪᕆᐅᓂᕐᒧᑦ.
ᐃᓪᓗᓕᐅᕐᓂᖅ ᐅᔾᔨᓇᖅᑐᒻᒪᕆᒃ ᐃᓚᒋᔭᐅᓂᖓ ᓄᓇᕗᒻᒥ ᒪᑭᒪᔾᔪᑎᓄᑦ. ᐊᑭᓖᓯᒪᓂᖅ ᐱᓕᖕᒪᑦᓴᐅᑎᓄᑦ ᐊᒻᒪᓗ ᐃᖅᑲᓇᐃᔮᓄᑦ ᐸᕐᓇᓯᒪᒍᑎᑦᓴᖏᓐᓂᒃ ᓄᓇᕗᒻᒥ …

ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᓴᓂᕐᕙᐃᕗᑦ ᑮᓇᐅᔭᓂᑦ ᐃᓄᐃᑦ ᐃᓕᓐᓂᐊᓕᓵᖅᑐᓄᑦ ᐊᒻᒪᓗ ᐸᐃᕆᕕᓕᕆᓂᕐᒧᑦ ᑮᓇᐅᔭᑦ, ᓄᓇᓕᓐᓂ ᐊᐅᓚᔾᔪᑎᒃᓴᓄᑦ, ᐊᒻᒪᓗ ᐱᐅᓯᕚᓪᓕᖅᑎᒃᓯᒪᓕᖅᑐᒧᑦ ᐃᓚᙵᖅᑐᓄᑦ ᐊᐅᓪᓚᕈᑏᑦ ᐃᑲᔫᑎᖏᑦ ᐱᓕᕆᐊᕐᒧᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᒫᑦᓯ 27, 2024 – ᐃᖃᓗᐃᑦ, ᓄᓇᕗᑦ) ᐱᓇᓱᐊᕈᓯᐅᓚᐅᖅᑐᒥ ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐃᑭᐊᖅᑭᕕᑎᒍᑦ ᐃᕐᖐᓐᓇᖅ ᑲᑎᒪᓂᖃᓚᐅᖅᑐᑦ, ᐱᒻᒪᕆᐅᔪᓂᒃ ᐃᓱᒪᓕᐅᖅᑐᑎᑦ ᓄᓇᕗᑦ ᐃᓄᖏᖕᓄᑦ.
ᑲᑎᒪᔩᑦ ᐊᖏᖅᓯᓚᐅᖅᑐᑦ ᓴᓂᕐᕙᖅᑕᐅᓂᖏᖕᓂᒃ $1.38 ᒥᓕᐊᓐ ᐃᓄᙳᐃᓂᕐᒧᑦ ᑐᑭᒧᐊᑦᑎᑦᑎᔩᑦ ᕿᕐᒥᕈᓇᓪᓗᑎᑦ ᓇᓖᕌᕋᒃᓴᓂᑦ ᐋᖅᑭᒋᐊᖅᑕᐅᒻᒪᕆᓐᓂᖓᓂᒃ ᐃᓄᖕᓄᑦ ᓯᕗᒃᑲᖅᑕᖅᑕᐅᔪᒧᑦ ᐊᒻᒪᓗ ᐃᓄᖕᓄᑦ ᐊᐅᓚᑕᐅᓂᐊᖅᑐᓄᑦ
ᐃᓕᓐᓂᐊᓕᓵᕐᓂᕐᒧᑦ ᐱᔨᑦᑎᕋᕈᑎᓂᑦ. ᐃᓄᙳᐃᓂᕐᒧᑦ ᑐᑭᒧᐊᑦᑎᑦᑎᔩᑦ ᐱᓕᕆᐊᒃᓴᖃᖅᑎᑕᐅᓪᓗᑎᑦ ᑲᑎᒪᔨᕋᓛᖑᕗᑦ ᑭᒡᒐᖅᑐᐃᔨᖃᐅᖅᑐᑦ ᓄᓇᕗᑦ ᑐᙵᕕᒃ ᑎᒥᖓᓂᒃ ᐊᒻᒪᓗ ᐱᖓᓱᑦ ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᖕᓂᒃ ᐊᒻᒪᓗ ᖃᐅᔨᓴᕋᔭᖅᑐᓂᑦ ᓇᓖᕌᕋᒃᓴᐅᔪᓂᑦ ᐊᓯᔾᔨᖅᑕᐅᖁᓪᓗᒍ ᐃᓕᓐᓂᐊᓕᓵᖅᑐᓕᕆᓂᖅ ᐊᒻᒪᓗ ᐸᐃᕆᕕᓕᕆᓂᖅ ᓄᓇᕗᒻᒥ, ᐊᒻᒪᓗ ᐊᑐᖅᑕᐅᓂᖏᑦᑕ $16.4 ᒥᓕᐊᓐ ᑮᓇᐅᔭᑦ ᐊᐅᓚᑦᑎᒍᑎᒃᓴᖏᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᓕᓵᕐᓂᕐᒧᑦ ᐊᒻᒪᓗ ᐸᐃᕆᕕᓕᕆᔾᔪᓯᖏᑦ.
ᑲᑎᒪᔩᑦ ᐊᖏᖅᓯᓚᐅᕐᒥᔪᑦ ᑮᓇᐅᔭᖃᖅᑎᑕᐅᖁᓪᓗᒋᑦ ᐅᑯᓂᐊ ᐱᓕᕆᐊᑦ: $5 ᒥᓕᐊᓐ …

ᐱᓕᕆᖃᑎᖃᕐᓂᖅ ᐳᕙᒡᓗᖕᓇᖅᑐᖃᙱᓪᓗᓂ ᓄᓇᕗᒻᒥ ᓄᓇᕐᔪᐊᒥ ᐳᕙᒃᓗᖕᓇᐅᑉ ᐅᓪᓗᖓᓂ

ᓴᖅᑭᑕᐅᑲᐅᑎᒋᒋᐊᓕᒃ
ᐃᖃᓗᐃᑦ, ᓄᓇᕗᑦ (ᒫᔾᔨ 26, 2024) − ᐃᑲᔪᖅᑎᖃᖅᖢᑎᒃ ᓄᓇᕗᑦ ᒐᕙᒪᒃᑯᓐᓂ ᐊᒻᒪ ᓄᓇᕗᑦ ᑐᙵᕕᒃ ᑎᒥᖓᓐᓂᒃ. (ᓄᓇᕗᑦ ᑐᙵᕕᒃᑯᑦ) ᓇᓗᓇᐃᖅᓯᓚᐅᖅᐳᑦ ᓄᓇᕐᔪᐊᒥ ᐳᕙᒡᓗᖕᓇᖅ ᐅᓪᓗᖃᓛᕐᓂᖓᓂᒃ ᓈᑦᑎᖑᔭᖅ, ᒫᔾᔨ 24, 2024−ᒥ, ᓇᓗᓇᐃᖅᓯᒃᑲᓐᓂᖅᖢᑎᒃ ᑐᓂᓯᒪᑦᑎᐊᕐᓂᕐᒥᓂᒃ ᐃᓱᓕᑎᓪᓗᒍ ᐳᕙᒃᓗᖕᓇᖅ ᓄᓇᕗᒻᒥ.
ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐊᒻᒪ ᓄᓇᕗᑦ ᒐᕙᒪᒃᑯᑦ ᐋᖅᑭᒃᓯᓯᒪᓕᖅᑐᑦ ᐃᓕᓐᓂᐊᖅᑎᑦᑎᔾᔪᑎᒃᓴᓂᒃ ᑕᖅᓯᖅᓱᒐᒃᓴᓂᒃ ᑲᑎᙵᓪᓗᑎᒃ ᐅᖃᒪᔭᒍᑕᐅᓪᓗᑎᒃ ᖃᐅᔨᒪᔾᔪᑎᒃᓴᑦ ᐊᖓᔪᖅᑳᓄᑦ, ᐸᖅᑭᔨᓄᑦ, ᐊᒻᒪ ᐃᓐᓇᕐᓄᑦ. ᑖᒃᑯᐊ ᐃᑲᔫᑎᒃᓴᑦ ᐃᑲᔫᑕᐅᓂᐊᖅᐳᑦ ᓄᓇᕗᒥᐅᓄᑦ ᐅᖃᐅᓯᖃᖅᐸᓪᓕᐊᓕᕐᓗᑎᒃ ᐳᕙᒡᓗᖕᓇᐅᑉ ᒥᒃᓵᓄᑦ ᑕᒻᒪᖅᓯᒪᙱᑦᑐᓂᒃ ᐊᒻᒪ ᒫᓐᓇᓕᓴᕐᓂᒃ ᑐᑭᓯᒋᐊᒐᒃᓴᓂᒃ. ᑕᖅᓯᖅᓱᒐᒃᓴᑦ ᑎᑎᕋᖅᓯᒪᔪᑦ ᐋᖅᑭᒃᑕᐅᓚᐅᖅᐳᑦ ᓄᑕᖅᑲᑦ ᐃᓚᐅᖁᓪᓗᒋᑦ ᐃᓕᓐᓂᐊᖃᑕᐅᓗᑎᒃ ᐳᕙᒡᓗᖕᓇᐅᑉ ᒥᒃᓵᓄᑦ ᐊᐃᓯᒪᓗᑎᒃ ᐱᓕᕆᖃᑎᒌᒡᓗᑎᒃ ᐊᒻᒪ ᐃᑲᔪᖅᓱᐃᓗᑎᒃ. ᐃᓚᒌᑦ ᐅᖃᖃᑎᒌᒍᓐᓇᖅᓯᑎᓪᓗᒋᑦ …

ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᑲᑎᒪᓂᐊᕐᓂᖏᓐᓂᒃ ᑐᑭᓯᒋᐊᖅᑎᑦᓯᔪᑦ

(ᓇᑦᓯᐊᑦ 20, 2024 – ᐃᖃᓗᐃᑦ, ᓄᓇᕗᑦ) ᓯᓚ ᐱᔾᔪᑎᒋᑉᓗᒍ, ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᖃᒪᓂ’ᑐᐊᕐᒧᑦ ᑲᑎᒪᔭᖅᑐᕈᖕᓇᖏᓕᖅᑐᑦ. ᑐᙵᕕᒃᑯᑦ ᑲᑎᒪᔨᖏᑦ ᖃᕆᑕᐅᔭᑎᒍᐃᓐᓇᖅ ᑲᑎᒪᓂᐊᓕᖅᑐᑦ.
ᑐᙵᕕᒃᑯᑦ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᐊᒻᒪ ᑲᑎᒪᔨᓗᒃᑖᑦ ᒪᒥᐊᑉᐳᑦ ᑲᑎᑦᓱᖕᓇᙱᑉᒪᑕ ᖃᒪᓂ’ᑐᐊᕐᒥᑦ. ᓄᓇᓕᖕᒥᐅᓂᒃ ᓂᕆᖃᑎᖃᕈᖕᓇᕐᓂᐊᙱᓕᕐᒪᑕ ᓂᕆᔭᒃᓴᑦ ᓂᕿᑦ ᑐᓂᕐᕈᑎᒋᓂᐊᓕᖅᐸᕗᑦ Hᐋᒻᒪᓚᒃᑯᓐᓄᑦ ᐸᕐᓇᒍᑎᒋᓯᒪᔭᖏᓐᓄᑦ ᐊᑐᖅᑕᐅᓂᐊᓕᕐᓗᑎᒃ ᖃᒪᓂ’ᑐᐊᕐᒥᑦ.
ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦᑕ ᑲᑎᒪᓂᖏᑦ ᑭᓇᑐᐃᓐᓇᕐᒧᑦ ᓈᓚᒃᑕᐅᔫᓪᓗᐊᖅᑐᑦ ᖃᕆᑕᐅᔭᑎᒍᑦ ᓄᓇᕗᑦ ᑐᙵᕕᒃᑯᑦ ᕙᐃᔅᐳᒃ−ᖓᓂ ᐅᕙᓂ Facebook.com/Tunngavik
ᓱᓇ: ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᖃᕆᑕᐅᔭᒃᑯᑦ ᑲᑎᒪᓂᐊᖅᑐᑦ
ᑭᒃᑯᑦ: ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ
ᖃᖓᒍ: ᓇᑦᓯᐊᑦ 20-21, 2024.
ᓇᒥ: ᖃᕆᑕᐅᔭᑎᒍᑦ Facebook.com/Tunngavik
ᑐᑭᓯᒋᐊᕐᕕᒃᓴᖅ:
ᖃᔫᑦᑕᖅ
ᑐᑭᒧᐊᒃᑎᑦᓯᔨ, ᑐᓴᐅᒪᖃᑦᑕᐅᑎᓕᕆᓂᖅ
ᓄᓇᕗᑦ ᑐᙵᕕᒃ

Download (PDF, 133KB)

ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᖃᒪᓂ’ᑐᐊᕐᒥ ᑲᑎᒪᓂᐊᕐᓂᖏᑦ ᐊᓯᔾᔨᖅᑕᐅᔪᖅ

(ᓇᑦᓯᐊᑦ 18, 2024 – ᐃᖃᓗᐃᑦ, ᓄᓇᕗᑦ) ᓯᓚ ᐱᔾᔪᑎᒋᑉᓗᒍ, ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᑲᑎᒪᓂᐊᖅᑐᑦ ᖃᕆᑕᐅᔭᑎᒍᑦ ᖃᐅᒃᐸᑦ ᒪᕐᕈᐊᑦ, ᓇᑦᓯᐊᑦ 19, 2024. ᑐᙵᕕᒃᑯᑦ ᑲᑎᒪᔨᖏᑦ ᐱᓕᕆᔨᖏᓪᓗ ᖃᒪᓂ’ᑐᐊᕐᒧᑦ ᑎᑭᑦᑑᓪᓗᐊᕐᓂᐊᕐᒪᖔᑖ ᐱᓕᕆᐊᕆᔭᐅᖕᒪᑕ ᒫᓐᓇ ᑐᑭᓯᓐᓇᖅᓯᒃᐸᑦ ᐅᑉᓗᐃᑦ ᖃᐃᔪᓂ ᓇᓗᓇᐃᖅᓯᒃᑲᓐᓂᕈᒫᖅᐳᒍᑦ.
ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦᑕ ᑲᑎᒪᓂᖏᑦ ᑭᓇᑐᐃᓐᓇᕐᒧᑦ ᓈᓚᒃᑕᐅᔫᓪᓗᐊᖅᑐᑦ ᖃᕆᑕᐅᔭᑎᒍᑦ ᓄᓇᕗᑦ ᑐᙵᕕᒃᑯᑦ ᕙᐃᔅᐳᒃ−ᖓᓂ ᐅᕙᓂ Facebook.com/Tunngavik
ᓱᓇ: ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᑲᑎᒪᓂᐊᖅᑐᑦ
ᑭᒃᑯᑦ: ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ
ᖃᖓᒍ: ᓇᑦᓯᐊᑦ 19, 2024. ᐊᓯᖏᑦ ᐅᑉᓗᐃᑦ ᓇᓗᓇᐃᖅᑕᐅᖏᑦᑐᑦ ᓱᓕ.
ᓇᒥ: ᖃᕆᑕᐅᔭᑎᒍᑦ. ᖃᒪᓂ’ᑐᐊᕐᒦᓐᓂᐊᕐᓂᖏᑦ ᓇᓗᓇᐃᖅᑕᐅᖏᑦᑐᑦ ᓱᓕ.
ᑐᑭᓯᒋᐊᕐᕕᒃᓴᖅ:
ᖃᔫᑦᑕᖅ
ᑐᑭᒧᐊᒃᑎᑦᓯᔨ, ᑐᓴᐅᒪᖃᑦᑕᐅᑎᓕᕆᓂᖅ
ᓄᓇᕗᑦ ᑐᙵᕕᒃ

Download (PDF, 131KB)

ᑐᓴᒐᒃᓴᖅ − ᓄᓇᕗᑦ ᑐᙵᕕᒃ ᑲᑎᒪᔨᖏᑦ ᑲᑎᒪᓂᐊᕐᓂᖏᑦ

ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᑲᑎᒪᓂᐊᖅᑐᑦ ᖃᒪᓂ’ᑐᐊᕐᒥ
(ᓇᑦᓯᐊᑦ 12, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᑲᑎᒪᓂᐊᖅᑐᑦ ᖃᒪᓂ’ᑐᐊᕐᒥ ᐱᙳᐊᕐᕕᖕᒥ, ᓇᑦᓯᐊᑦ 19-21, 2024. ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦᑕ ᑲᑎᒪᓂᖏᑦ ᑭᓇᑐᐃᓐᓇᕐᒧᑦ ᓈᓚᒃᑕᐅᔫᓪᓗᐊᖅᑐᑦ ᐅᕐᓂᒡᓗᒋᑦ ᐅᒡᕙᓘᓐᓃᑦ ᖃᕆᑕᐅᔭᑎᒍᑦ ᓄᓇᕗᑦ ᑐᙵᕕᒃᑯᑦ ᕙᐃᔅᐳᒃ−ᖓᓂ ᐅᕙᓂ Facebook.com/Tunngavik
ᓱᓇ: ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᑲᑎᒪᓂᐊᖅᑐᑦ
ᑭᒃᑯᑦ: ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ
ᖃᖓᒍ: ᓇᑦᓯᐊᑦ 19-21, 2024, 8:30 ᐅᑉᓛᒃᑯᑦ 5:00 ᐅᒃᓄᒃᓴᒃᑯᑦ
ᓇᒥ: ᐱᙳᐊᕐᕕᖕᒥ ᖃᒪᓂ’ᑐᐊᖅ, ᓄᓇᕗᑦᒥ
ᑐᑭᓯᒋᐊᕐᕕᒃᓴᖅ:
ᖃᔫᑦᑕᖅ
ᑐᑭᒧᐊᒃᑎᑦᓯᔨ, ᑐᓴᐅᒪᖃᑦᑕᐅᑎᓕᕆᓂᖅ
ᓄᓇᕗᑦ ᑐᙵᕕᒃ

Download (PDF, 146KB)

ᓄᓇᕗᒻᒥ ᓇᖕᒥᓂᖅᓱᕐᓂᕐᒧᑦ ᐱᓕᕆᖃᑎᒌᑦ ᓴᖅᑭᑦᑎᕗᑦ ᐃᓄᙳᖅᓴᐃᕕᖕᒥ ᐃᓕᓐᓂᐊᕐᓂᕐᒥᒃ ᓄᓇᓕᖕᓂ

ᐃᖃᓗᐃᑦ, ᓄᓇᕗᑦ (ᕕᕝᕗᐊᕆ 14, 2024) − ᓄᓇᕗᑦ ᒐᕙᒪᖓᑦ, ᓄᓇᕗᑦ ᑐᙵᕕᒃᑯᑦ, ᐊᒻᒪ ᑲᓇᑕᐅᑉ ᒐᕙᒪᒃᑯᖏᑦ ᐅᓪᓗᒥ ᐃᓄᙳᖅᓴᐃᕕᖕᒥ ᓴᖅᑭᑎᑦᑎᖅᑲᐅᕗᑦ: ᐃᓕᑦᑎᕙᓪᓕᐊᓂᖅ ᐱᔾᔪᑎᖃᕐᓗᓂ.
ᑖᓐᓇ ᓄᑖᖑᓪᓗᓂ ᐃᓕᓐᓂᐊᕐᓂᕐᒥᑦ ᐃᑲᔪᖅᑐᐃᔪᖅ ᐱᓕᕆᐊᖑᕙᓪᓕᐊᔪᖅ ᐃᓄᖕᓂᑦ ᓄᓇᕗᒻᒥ ᐊᔪᕈᓐᓃᖅᓴᕈᑕᐅᓂᐊᖅᐳᖅ ᖃᐅᔨᒪᑦᑎᐊᓕᕐᓗᑎᒡᓗ ᑲᒪᒋᔭᖃᑦᑎᐊᕐᓂᕐᒥᒃ ᐊᐅᓚᑦᑎᓂᕐᒥᒃ ᓄᓇᕗᑦ ᓄᓇᖏᓐᓂᒃ, ᐃᒪᖏᓐᓂᒃ, ᐱᔾᔪᑎᒃᓴᖏᓐᓂᒡᓗ ᐱᓕᕆᐊᒃᓴᖏᑦ ᑲᒪᒋᔭᕆᐊᓕᖏᓪᓗ ᓄᓇᕗᑦ ᒐᕙᒪᖓᓄᑦ ᓅᑎᑕᐅᓯᒪᓕᖅᐸᑕ ᒐᕙᒪᑐᖃᒃᑯᓐᓂ. ᐃᑲᔪᖅᑐᐃᓂᐊᕆᕗᑦ ᑲᑎᑎᑦᑎᓗᓂᓗ ᐅᓄᖅᑐᓂᑦ ᐃᓄᖕᓂᑦ−ᐊᐅᓚᑕᐅᖏᓐᓇᖅᑐᓂᑦ ᓄᓇᓂᑦ ᐱᔾᔪᑎᒃᓴᖏᓐᓂᓪᓗ ᑲᒪᒋᔭᖃᑦᑎᐊᕐᓂᕐᒧᑦ ᐱᓕᕆᐊᖑᕙᓪᓕᐊᔪᓂᒃ ᓄᓇᕗᒻᒥ.
ᐃᓄᙳᖅᓴᐃᕕᒃ ᓄᓇᕗᒻᒥ ᐃᓄᖕᓂᑦ ᐃᑲᔪᕐᓂᐊᖅᐳᖅ ᓇᓗᓇᐃᖅᓯᔪᓐᓇᖅᓯᓗᑎᒃ ᐊᑐᕈᓐᓇᕐᓗᑎᒡᓗ ᐃᓕᓐᓂᐊᕐᓂᕐᒥᒃ, ᐱᓕᒻᒪᒃᓴᕐᓂᕐᒥᒃ, ᐊᒻᒪᓗ ᐃᖅᑲᓇᐃᔭᕆᐅᖅᓴᕆᐊᖃᖅᑕᖏᓐᓂᒃ ᐃᖅᑲᓇᐃᔮᖅᑖᕋᓱᖕᓂᐊᕐᓗᓂ ᓄᓇᒥᑦ ᑲᒪᒋᔭᖃᑦᑎᐊᕐᓂᕐᒥᑦ ᐃᑲᔫᑕᐅᔪᓐᓇᖅᑐᓂᓪᓗ ᐊᐅᓚᑦᑎᓂᕐᒥᒃ. ᐃᓕᓐᓂᐊᖅᑏᑦ ᐊᑐᕈᓐᓇᕐᓂᐊᕆᕗᑦ ᐃᓕᓐᓂᐊᕐᕕᖕᓂ ᓇᖕᒥᓂᕐᓗ ᐃᑲᔪᖅᑐᐃᔾᔪᑎᓂᒃ ᐊᑐᒐᒃᓴᖃᑦᑎᐊᖁᓪᓗᒋᑦ ᑲᔪᓯᑦᑎᐊᕐᓂᐊᕐᒪᑕ.
ᐃᓄᙳᖅᓴᐃᕕᖕᒥ ᐊᑎᓕᐅᖅᑕᐅᓯᒪᓕᖅᐸᑕ, ᐃᓕᓐᓂᐊᖅᑏᑦ …

ᓄᓇᕗᑦ ᑐᙵᕕᒃ ᑎᒥᖓ ᐅᑕᖅᑭᔪᑦ ᓄᓇᕗᑦ ᐃᖅᑲᖅᑐᐃᔨᒃᑯᑦ ᐃᓱᒪᓕᐊᖓᓂᒃ ᐊᔪᐃᓐᓈᕆᐊᕈᑕᒥᓂᐅᔪᖅ ᓄᓇᕗᑦ ᒐᕙᒪᖏᖕᓄᑦ ᓄᖅᑲᖅᑎᑕᐅᖁᓪᓗᒍ ᐃᓕᓐᓂᐊᕈᓐᓇᕐᓂᕐᒧᑦ ᓇᓕᒧᒌᑦᑐᒥᒃ ᐱᔪᓐᓇᐅᑎᖃᕐᓗᑎᑦ ᐃᖅᑲᖅᑐᐃᕕᒻᒨᕈᑎᒋᓯᒪᔭᑦᑎᓐᓂ

(ᕖᕝᕗᐊᕆ 13, 2024 – ᐃᖃᓗᐃᑦ, ᓄᓇᕗᑦ) ᐅᓪᓗᒥ, ᓄᓇᕗᑦ ᐊᔪᐃᓐᓈᕆᐊᕐᕕᒃ ᐃᖅᑲᖅᑐᐃᕝᕕᖓ ᓈᓚᓐᓂᖃᖅᑲᐅᔪᑦ ᐊᔪᐃᓐᓈᕆᐊᕈᑎᒥᓂᖓᓂᒃ ᓄᓇᕗᑦ ᒐᕙᒪᖏᑦᑕ, ᐊᐱᕆᓪᓗᑎᑦ ᐃᖅᑲᖅᑐᐃᕕᒃᑯᓐᓂ ᖁᔭᓈᖅᓯᖁᓪᓗᒋᑦ ᐃᖅᑲᖅᑐᐃᕕᒻᒨᕈᔾᔭᐅᓯᒪᓂᖏᑦ 2021-ᖑᑎᓪᓗᒍ, ᒪᕐᕉᓐᓄᒃ ᐃᓄᐃᑦ ᐃᓚᒌᓐᓄᑦ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓᓄᑦ. ᑕᐃᑲᓂ ᐃᖅᑲᖅᑐᐃᕕᒻᒨᕈᔾᔨᓯᒪᓂᖏᑦ, ᓄᓇᕗᑦ ᑐᙵᕕᒃ ᑎᒥᖓ ᐊᒻᒪᓗ ᒪᕐᕉᒃ ᐃᓚᒌᑦᑑᒃ ᓴᐳᒻᒥᐅᓯᖅᑕᐅᔪᒪᓯᒪᕗᑦ ᒪᓕᑦᑐᒍ ᑎᑎᕋᖅᓯᒪᓂᖓᑕ ᐃᓚᖓ 15 ᐱᖁᔭᕐᔪᐊᑦ ᐱᔪᓐᓇᐅᑎᓄᑦ ᐊᒻᒪᓗ ᐃᓱᒪᖅᓲᑎᓄᑦ ᑭᒡᒐᖅᑐᐃᓪᓗᑎᑦ ᑕᒪᐃᓐᓂ ᐃᓄᓐᓂᒃ.
ᒪᕐᕉᒃ ᐃᓅᒃ ᐃᓕᓐᓂᐊᖅᑏᒃ ᓇᓕᒧᒌᙱᑦᑐᒃᑯᑦ ᐊᔾᔨᐅᙱᓐᓂᖏᖕᓄᑦ ᐊᒥᓱᑦ ᑕᐃᒪᐃᑦᑑᖃᑎᖏᑦ ᑲᒪᒋᔭᐅᓯᒪᓂᕋᖅᑑᒃ ᓄᓇᕗᑉ ᐃᓕᓐᓂᐊᕐᓂᓕᕆᓂᖓᓂᒃ ᓄᓇᕗᑦ ᒐᕙᒪᖏᑦᑕ ᐊᓯᔾᔩᔪᒥᓂᐅᓂᖏᖕᓂᒃ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᕐᒥᒃ ᐊᒻᒪᓗ ᐃᓄᐃᑦ ᐅᖃᐅᓯᖓ ᓴᐳᔾᔭᐅᓂᖓᓄᑦ ᐱᖁᔭᖓᓂᒃ 2020-ᖑᑎᓪᓗᒍ. ᓄᓇᕗᑦ ᒐᕙᒪᖏᑦᑕ ᐋᖅᑭᒋᐊᖅᓯᓯᒪᓂᖏᑦ ᐲᖅᓯᒃᑲᐃᔪᕗᑦ …

ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓱᑦᑐᑦ ᐃᖅᑲᖅᑐᐃᕕᔾᔪᐊᒃᑯᑦ ᐱᓪᓚᑦᑖᖑᓂᕋᐃᔪᒥᓂᐅᓂᖏᖕᓄᑦ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᑦᑕ ᓇᒻᒥᓂᖅ ᒐᕙᒪᖃᕐᓗᑎᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᕖᕝᕗᐊᕆ 9, 2024 − ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᐅᓪᓗᒥᐅᔪᖅ ᐃᖅᑲᖅᑐᐃᕕᕐᔪᐊᒃᑯᑦ ᑲᓇᑕᒥ ᐃᓱᒪᓕᐊᕆᖅᑲᐅᔭᖓᓂᒃ ᖁᕕᐊᓲᑎᖃᖅᑐᑦ ᐱᔾᔪᑎᖃᖅᑐᓂ ᐱᖁᔭᒃᓴᖅ C-92, ᐱᖁᔭᖅ ᐊᓪᓚᐃ,ᑦ ᐊᓪᓚᖓᔪᑦ ᐊᒻᒪᓗ ᐃᓄᐃᑦ ᓄᑕᖅᑲᑦ ᒪᒃᑯᒃᑐᓪᓗ ᐊᒻᒪᓗ ᐃᓚᒌᑦ, ᐱᖁᔭᕈᓚᐅᖅᓯᒪᔪᖅ 2019-ᖑᑎᓪᓗᒍ. ᐱᖁᔭᖅ ᓇᓗᓇᐃᖅᓯᔪᖅ ᐱᔪᓐᓇᐅᑎᖏᖕᓂᒃ ᓄᓇᕗᒻᒥᐅᑦ ᐃᓄᐃᑦ ᓇᒻᒥᓂᖅ ᒐᕙᒪᖃᕈᓐᓇᕐᓂᖏᖕᓂᒃ ᓇᓗᓇᐃᔭᖅᑕᐅᓯᒪᓪᓗᓂ ᑲᓇᑕᒥ ᐱᖁᔭᕐᔪᐊᖅ, 1982, ᐊᒻᒪᓗ ᓇᓗᓇᐃᖅᓯᓯᒪᔪᑦ ᐱᔪᓐᓇᐅᑎᖏᑦ ᐃᓄᐃᑦ ᓇᒻᒥᓂᖅ ᒐᕙᒪᖃᕐᕕᖓᓂᒃ ᓴᙱᓂᖃᕐᓗᑎᑦ ᐊᐅᓚᑦᑎᓗᑎᑦ ᓄᑕᖅᑲᑦ ᐊᒻᒪᓗ ᐃᓚᒌᑦ ᐱᔨᑦᑎᕋᕈᑎᖏᓐᓂᒃ.
ᑯᐸᑭᒥ ᒪᓕᒐᓕᕆᔨᒻᒪᕆᖓ ᐊᒻᒪᓗ ᑲᓇᑕᒥ ᑕᒪᒃᑮᒃ ᐊᔪᐃᓐᓈᕆᐊᖅᑐᒥᓂᐅᕗᑦ ᐃᖅᑲᖅᑐᐃᕕᕐᔪᐊᒃᑯᓐᓄᑦ, ᐅᑉᐱᕈᓱᑦᑐᑎᑦ ᑲᓇᑕᒥ ᒪᓕᒐᓕᐅᕐᕕᕐᔪᐊᖓ ᓴᙱᓂᖏᑦᑕ ᑭᒡᓕᖃᕈᑎᖓᓂᒃ ᐅᖓᑕᐅᔨᑎᑦᑎᓂᕐᒪᑦ ᑲᔪᓯᑎᑦᑎᓪᓗᑎᑦ ᐱᖁᔭᒃᓴᖅ C-92-ᒥᒃ. ᐃᖅᑲᖅᑐᐃᕕᕐᔪᐊᒃᑯᑦ ᑲᓇᑕᒥ ᐃᓱᒪᓕᐅᖅᑲᐅᔪᑦ ᑕᒪᐃᓐᓂ …

ᓄᓇᕗᑦ ᑐᙵᕕᒃ ᑎᒥᖓ ᓈᒻᒪᒃᓴᖅᑐᑦ ᐸᓯᔭᒃᓴᐅᓂᕋᖅᑐᒥᒃ ᑭᓯᐊᓂᓕ ᑲᒪᒋᔭᐅᖁᔨᔪᑦ ᑕᒪᐃᓐᓂ ᐃᓅᓂᕋᖅᐸᑦᑐᑦ ᓴᓪᓗᓪᓗᑎᑦ ᐱᕋᔭᓐᓂᒃᑯᑦ ᐊᑎᓕᐅᓲᓂᑦ ᑐᙵᕕᒃᑯᓐᓄᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᕖᕝᕗᐊᕆ 9, 2024 – ᐃᖃᓗᐃᑦ, ᓄᓇᕗᑦ) ᐅᓪᓗᒥ, ᓄᓇᕗᑦ ᑐᙵᕕᒃ ᑎᒥᖓ ᓈᒻᒪᒃᓴᖅᑐᑦ ᐸᓯᔭᒃᓴᐅᓂᕋᐃᓂᖓᓂᒃ ᑲᕆᒪ ᒪᓐᔨ ᓄᓇᕗᑦ ᐃᖅᑲᖅᑐᐃᔨᖏᖕᓂ ᐱᖁᔭᕐᒥᒃ ᓱᕋᐃᓪᓗᓂ ᓴᓪᓗᔪᒥᓂᐅᓂᖓᓄᑦ ᓄᓇᕗᒻᒥᐅᑕᔅᓴᔭᐅᓂᕋᖅᑐᓂ ᐃᓅᓂᕋᖅᑐᓂ. ᒪᓐᔨ ᓴᓪᓗᓪᓗᓂ ᑎᒍᐊᖅᑖᖅᑐᒥᓂᐅᓂᕋᖅᓯᒪᔪᖅ ᐸᓂᖏᖕᓂᒃ ᒪᕐᕈᓕᐊᒃ, ᓇᑕᐃᔭ ᐊᒻᒪᓗ ᐊᒥᕋ ᒋᐅᓪ, ᑐᒍᐊᖅᑖᒥᓂᖏᒡᒎᖅ ᐃᓄᒻᒥᒃ ᐊᓈᓇᒥᒃ ᐊᒻᒪᓗ ᐊᑎᓕᐅᖅᑕᐅᑎᑦᑎᔪᒥᓂᐅᓪᓗᓂ ᒪᓕᑦᑐᒍ ᓄᓇᕗᑦ ᐊᖏᕈᑎᖓᒍᑦ. ᑕᐃᒪᐃᑦᑐᒥᓂᐅᓂᖓᓄᑦ, ᒪᕐᕈᓕᐊᒥᓃᒃ ᑮᓇᐅᔭᕐᓄᑦ ᐊᓯᖏᓄᓪᓗ ᐃᑲᔫᓯᐊᖅᑖᖃᑦᑕᖅᑐᒥᓂᐅᕘᒃ, ᓴᓂᕐᕙᖅᑕᐅᓯᒪᔪᓄᑦ ᐃᓄᖕᓄᑦ ᐊᒻᒪᓗ ᓄᓇᖃᖅᑳᖅᓯᒪᔪᓄᑦ, ᒪᓕᑦᑐᒋᑦ ᓴᓪᓗᓪᓗᓂ ᐊᑎᓕᐅᖅᓯᓚᐅᖅᑐᓂ ᓄᓇᕗᒻᒥᐅᑕᔅᓴᔭᐅᓂᕋᖅᑐᓂ ᐃᓅᓂᕋᖅᑐᓂᒋᒃ.
ᓄᓇᕗᑦ ᑐᙵᕕᒃ ᑎᒥᖓ ᓈᒻᒪᒃᓴᕋᓗᐊᖅᑎᓪᓗᒍ ᐸᓯᔭᒃᓴᐅᓂᕋᕐᓂᖓ ᒥᔅ ᒪᓐᔨᑉ, ᓇᑕᐃᔭ ᐊᒻᒪᓗ ᐊᒥᕋ ᒋᐅᓪ, ᑮᓇᐅᔭᖅᑖᖃᑦᑕᖅᑐᒥᓂᐅᔫᒃ ᓴᓪᓗᔪᒥᓂᐅᑎᓪᓗᒋᑦ, ᐸᓯᔭᒃᓴᐅᓂᕋᖅᓯᒪᙱᑦᑑᒃ. ᐊᓯᖏᓐᓂᓪᓗ ᐱᔪᒥᓂᐅᒐᓗᐊᖅᑎᓪᓗᒍ, ᓇᑕᐅᔭ ᒋᐅᓪ ᐊᒻᒪᓗ …

ᒪᑭᒋᐊᖅᑕ ᑐᓴᖅᑎᑦᑎᔪᑦ $12 ᒥᓕᐊᓐ ᑮᓇᐅᔭᓂᒃ ᓴᓂᕐᕙᐃᓯᒪᓕᕐᒪᑕ ᐃᑲᔪᖅᑐᖅᑕᐅᖁᓪᓗᒋᑦ ᐱᓕᒻᒪᒃᓴᖃᑦᑕᓲᑦ ᐊᒻᒪᓗ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᕐᓂᕐᒥᒃ ᓄᓇᕗᒻᒥᐅᑦ ᐃᓄᖏᓐᓄᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔮᓐᓄᐊᕆ 26, 2024 – ᐃᖃᓗᐃᑦ, ᓄᓇᕗᑦ)  ᒪᑭᒋᐊᖅᑕ ᐃᓄᐃᑦ ᐃᓕᓐᓂᐊᕋᑦᓴᖏᑦ ᑯᐊᐳᕇᓴᓐ (ᒪᑭᒋᐊᖅᑕ) ᑲᑎᒪᔨᖏᑦ ᐊᖏᖅᓯᓚᐅᖅᑐᑦ $12 ᒥᓕᐊᓐᓂᒃ ᑮᓇᐅᔭᓂᒃ ᑮᓇᐅᔭᖃᖅᑎᑕᐅᖁᓪᓗᒋᑦ ᐃᑲᔫᑎᒋᔭᐅᓲᑦ ᐱᓕᒻᒪᒃᓴᖅᑐᓄᑦ ᐊᒻᒪᓗ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᖅᐸᑦᑐᓄᑦ ᓄᓇᕗᒻᒥᐅᑦ ᐃᓄᖏᑕ ᐃᑲᔫᓯᐊᖅᑖᕐᕕᒋᔪᓐᓇᕐᓂᐊᖅᑐᓂᒋᑦ.
ᒪᑭᒋᐊᖅᑕᒃᑯᑦ ᐊᖏᖅᓯᓚᐅᖅᑐᑦ ᐊᑐᐊᒐᕐᒥᒃ ᐊᖏᔪᓄᑦ ᐱᓕᕆᐊᕐᓄᑦ ᐃᑲᔪᖅᑐᐃᓂᖃᓲᑦ ᐃᓄᓐᓂᒃ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᖅᐸᑦᑐᓄᑦ ᑮᓇᐅᔭᖃᖅᑎᑕᐅᔪᓐᓇᖁᓪᓗᒋᑦ $5 ᒥᓕᐊᓐ ᑮᓇᐅᔭᑦ ᐃᑲᔫᓯᐊᖅᑖᕐᕕᐅᖃᑦᑕᕐᓂᐊᕐᒪᑦ ᑕᒪᒃᑮᓐᓄᒃ ᐊᕐᕌᒎᓐᓄᒃ 2023-2024 ᐊᒻᒪᓗ 2024-2025. ᑮᓇᐅᔭᑦ ᖄᖓᒍᒃᑲᓐᓂᐅᕗᑦ ᓴᓂᕐᕙᖅᑕᐅᔪᑦ ᐃᓄᐃᑦ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᕐᓂᖏᑦ ᐱᓕᕆᐊᑦ ᑲᑐᔾᔭᐅᓪᓗᓂ ᐊᐅᓚᑕᐅᔪᖅ ᓄᓇᕗᑦ ᑐᙵᕕᒃ ᑎᒥᖓᓄᑦ ᐊᒻᒪᓗ ᐱᖓᓱᓄᑦ ᐊᕕᑦᑐᖅᓯᒪᔪᓂᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ: ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ, ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᖏᑦ, ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ. …

ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐊᖏᖅᑐᑦ ᑮᓇᐅᔭᑦ ᐊᒥᓱᕈᕆᐊᕐᓂᐊᕐᓂᖏᖕᓄᑦ ᐃᓄᐃᑦ ᐃᓐᓇᒻᒪᕆᖏᑦᑕ ᐃᑲᔪᖅᑐᖅᑕᐅᓂᖏᖕᓄᑦ ᐱᓕᕆᐊᕐᒥᒃ

ᓴᖅᑭᑎᑕᐅᑲᐅᑎᒋᔪᒃᓴᖅ
ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐊᖏᖅᑐᑦ ᑮᓇᐅᔭᑦ ᐊᒥᓱᕈᕆᐊᕐᓂᐊᕐᓂᖏᖕᓄᑦ ᐃᓄᐃᑦ ᐃᓐᓇᒻᒪᕆᖏᑦᑕ ᐃᑲᔪᖅᑐᖅᑕᐅᓂᖏᖕᓄᑦ ᐱᓕᕆᐊᕐᒥᒃ
(ᔮᓐᓄᐊᕆ 25, 2024 – ᐃᖃᓗᐃᑦ, ᓄᓇᕗᑦ) ᑕᒪᑐᒪᓂ ᐱᓇᓱᐊᕈᓯᕐᒥ, ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᐊᖏᖅᓯᓚᐅᖅᑐᑦ ᐱᐅᓯᕚᓪᓕᕈᑎᓂᑦ ᐅᖅᑯᔾᔭᐃᑦ ᐃᓐᓇᕐᓄᑦ ᐃᑲᔪᖅᑐᖅᑕᐅᔾᔪᑏᑦ ᐱᓕᕆᐊᖓᓂᒃ.
ᐱᐅᓯᒋᐊᖅᑕᐅᓂᖏᑦ ᑲᑎᒪᔨᓄᑦ ᐊᖏᖅᑕᐅᓚᐅᖅᑐᑎᑦ ᐅᑯᐊ $175 ᑕᒪᐃᓐᓂ ᐱᔪᓐᓇᖅᑐᓄᑦ ᐃᓐᓇᒻᒪᕆᓐᓄᑦ, ᖁᓕᕇᓐᓂᖃᐅᖅᑐᓂᒃ ᐃᓅᕕᒋᔭᐅᕙᓚᐅᖅᑐᑦ ᐊᕐᕌᒍᖏᑦ ᐊᑐᖅᑕᐅᒍᓐᓃᖅᑐᑎᑦ ᐋᖅᑭᒃᑕᐅᓯᒪᔪᑐᖄᓗᒃ ᑕᒪᓐᓇ ᐱᓕᕆᐊᕈᔪᒻᒪᓂᑦ 1999−ᖑᑎᓪᓗᒍ. ᑖᓐᓇ ᐊᒥᓱᕈᕆᐊᖅᑐᑦ ᑕᒪᐃᓐᓂ ᐃᓐᓇᒻᒪᕆᐅᔪᓄᑦ ᐊᑭᓕᖅᑕᐅᓲᑦ ᐱᓕᕆᐊᕐᒥᒃ. ᐅᓪᓗᒥᐅᔪᖅ ᐃᓐᓇᒻᒪᕇᑦ ᐃᓅᓚᐅᖅᓯᒪᔪᑦ 1944-ᖑᑎᓪᓗᒍ ᓯᕗᓂᐊᒍᓪᓗ ᑕᖅᑭᑕᒫᑦ ᐃᑲᔪᖅᑐᖅᑕᐅᓲᑦ ᐃᒪᓐᓇᓂᑦ $150, ᐃᓐᓇᒻᒪᕇᑦ ᐃᓅᓚᐅᖅᓯᒪᔪᑦ 1945-ᖑᑎᓪᓗᒍ ᐱᖃᑦᑕᓚᐅᖅᑐᑎᑦ ᐃᒪᓐᓇᓂᒃ $135−ᓂᑦ, ᐊᒻᒪᓗ ᐃᓐᓇᒻᒪᕇᑦ ᐃᓅᓚᐅᖅᓯᒪᔪᑦ ᐊᑯᕐᖓᖏᖕᓂ ᐊᕐᕌᒍᑦ 1946 ᐊᒻᒪᓗ …