ᓄᓇᕗᑦ ᑮᓇᐅᔭᓂᒃ ᐊᑐᕈᒪᔪᓂᒃ ᐱᓕᕆᐊᕐᓄᑦ ᐱᖁᑎᕐᔪᐊᓄᑦ ᐊᑐᖁᔨᓕᖅᑐᑦ ᐱᖁᑎᕐᔪᐊᓕᐅᖅᑐᖃᕐᓗᓂ ᐃᑲᔪᕋᔭᖅᑐᑦ ᐊᑕᐅᓯᕐᒥᒃ ᑲᓇᑕᒥ ᐱᕙᓪᓕᐊᔪᓕᕆᓂᖃᖁᓪᓗᒋᑦ

ᓄᓇᕗᑦ ᓴᖅᑭᔮᑦᑎᐊᖅᑐᒻᒪᕆᐅᕗᖅ ᑲᓇᑕᒥ ᑮᓇᐅᔭᓂᒃ ᐊᑐᓲᑦ ᐱᓕᕆᐊᕐᓄᑦ ᑲᑎᒪᕕᔾᔪᐊᕐᓂᖃᖅᑎᓪᓗᒋᑦ ᐊᑐᕋᔭᖅᑐᓂᒃ, ᓄᓇᕗᒻᒥ ᑲᓇᑕᑉ ᑮᓇᐅᔭᓂᒃ ᐊᑐᓲᑦ ᐱᓕᕆᐊᕐᓄᑦ ᐱᖃᑕᐅᔪᒻᒪᕆᐅᓕᖅᑐᓂ ᐊᒻᒪᓗ ᑲᓇᑕᓕᐅᖅᐸᓪᓕᐊᔪᑦ ᐊᑕᐅᓯᕐᒥᒃ ᐱᓕᕆᐊᕐᓂᒃ ᑲᒪᒋᔭᐅᑎᓪᓗᒍ.
ᑐᕌᓐᑐ, ᐋᓐᑎᐅᕆᔪ − ᓯᑏᕝᕙ 14, 2026 − ᓄᓇᕗᒻᒥ ᓯᕗᓕᖅᑎᖏᑦ ᓄᓇᕗᒻᒥ ᐱᖁᑎᕐᔪᐊᓕᐅᖁᔨᓂᖏᑦ ᓯᕗᓪᓕᐅᑎᑦᑎᓯᒪᔪᑦ ᑮᓇᐅᔭᓕᕆᕈᓘᔭᓲᕐᓂᒃ ᐱᓕᕆᐊᖃᖅᐸᑦᑐᓄᑦ ᐅᓪᓗᒥ, ᐊᐃᕙᐅᑎᓂᖃᖅᑐᑎᑦ ᑮᓇᐅᔭᓂᒃ ᐊᑐᕐᓗᓂ ᐅᑭᐅᖅᑕᖅᑐᒥ ᐊᖏᔪᐊᓗᒻᒥᒃ ᐃᑲᔪᕐᓂᖃᖅᑎᑦᑎᒐᔭᖅᑐᖅ ᑲᓇᑕᒥ ᐊᑕᐅᓯᕐᒥᒃ ᐱᕙᓪᓕᐊᔪᓕᕆᕙᓪᓕᐊᓇᓱᐊᖅᑎᓪᓗᒋᑦ.
ᓄᓇᕗᑦ ᑐᙵᕕᒃ ᑎᒥᖓ ᐊᒻᒪᓗ ᓄᓇᕗᑦ ᒐᕙᒪᖏᑕ ᑲᑎᒪᑎᑦᑎᓚᖅᑑᒃ ᓄᓇᕗᑦ: ᑲᓇᑕᑉ ᐅᑭᐅᖅᑕᖅᑐᖓᓄᑦ ᓯᕗᓂᒃᓴᓕᐅᖅᑐᑦ, ᑲᑎᒪᖃᑕᐅᓪᓗᑎᑦ ᓯᕗᓕᖅᑎ ᐋᕐᓗᒃ ᒪᐃᓐ, ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᑉ ᑐᖏᓕᐊ ᐹᓪ ᐃᕐᖓᐅᑦ, ᐱᓕᕆᐊᖃᕈᒪᒐᔭᖅᑐᑦ, ᑮᓇᐅᔭᓂᒃ ᐊᑐᓲᑦ ᐱᓕᕆᐊᒻᒪᕆᖕᓄᑦ, ᓴᓇᕝᕕᓕᕆᓂᕐᒥᒃ ᓯᕗᓕᖅᑎᖏᑦ ᐊᒻᒪᓗ …

ᓄᓇᕗᑦ ᑐᙵᕕᒃ ᑎᒥᖓ ᐃᑲᔪᖅᑐᐃᕗᑦ ᓄᓇᑦᓯᐊᕗᑦ ᒐᕙᒪᖓᓂ ᐊᒻᒪᓗ ᓈᒻᒪᒃᓴᖅᑐᑎᑦ ᑲᓇᑕᑉ ᒐᕙᒪᖏᑦ ᐃᓱᒪᓕᐊᕆᓯᒪᔭᖓᓂᒃ ᓄᖅᑲᖅᑎᑕᐅᓂᐊᖅᑐᑎᑦ ᓄᓇᑐᖃᕗᑦ ᑲᑎᒪᔨᖏᑦ ᑕᐃᑲᓂ ᐱᖃᑕᐅᖃᑦᑕᕈᓐᓃᕐᓗᑎᑦ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᓐᓂᒃ ᑎᒍᒥᐊᖅᑏᑦ ᓇᒻᒥᓂᖅᓱᖅᑏᓪᓗ ᑲᑎᒪᔨᖏᓐᓂᒃ ᑲᑎᒪᑎᑕᐅᖃᑦᑕᕈᓐᓃᕐᓗᑎᑦ

ᓄᓇᕗᑦ ᑐᙵᕕᒃ ᑎᒥᖓᑕ ᐅᖃᐅᓯᒃᓴᖏᑦ
ᓴᒃᑯᑕᐅᑲᐅᑎᒋᔭᕆᐊᓕᒃ
ᓄᓇᕗᑦ ᑐᙵᕕᒃ ᑎᒥᖓ ᐃᑲᔪᖅᑐᐃᕗᑦ ᓄᓇᑦᓯᐊᕗᑦ ᒐᕙᒪᖓᓂ ᐊᒻᒪᓗ ᓈᒻᒪᒃᓴᖅᑐᑎᑦ ᑲᓇᑕᑉ ᒐᕙᒪᖏᑦ ᐃᓱᒪᓕᐊᕆᓯᒪᔭᖓᓂᒃ ᓄᖅᑲᖅᑎᑕᐅᓂᐊᖅᑐᑎᑦ ᓄᓇᑐᖃᕗᑦ ᑲᑎᒪᔨᖏᑦ ᑕᐃᑲᓂ ᐱᖃᑕᐅᖃᑦᑕᕈᓐᓃᕐᓗᑎᑦ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᓐᓂᒃ ᑎᒍᒥᐊᖅᑏᑦ ᓇᒻᒥᓂᖅᓱᖅᑏᓪᓗ ᑲᑎᒪᔨᖏᓐᓂᒃ ᑲᑎᒪᑎᑕᐅᖃᑦᑕᕈᓐᓃᕐᓗᑎᑦ
(ᐃᖃᓗᐃᑦ, ᓄᓇᕗᑦ) ᓯᑏᕝᕙ 8, 2026 – ᓄᓇᕗᑦ ᑐᙵᕕᒃ ᑎᒥᖓ ᐃᑲᔪᖅᑐᐃᕗᑦ ᓄᓇᑦᓯᐊᕗᑦ ᒐᕙᒪᖏᓐᓂᒃ ᐊᒻᒪᓗ ᓈᒻᒪᒃᓴᖅᑐᑎᑦ ᑲᓇᑕᑉ ᒐᕙᒪᖓ ᐃᓱᒪᓕᐅᖅᑐᒥᓂᐅᑎᓪᓗᒋᑦ ᓄᖅᑲᖅᑎᑕᐅᓂᐊᕐᒪᑕᒎᖅ ᓄᓇᑐᖃᕗᑦ ᑲᑎᒪᔨᖏᑦ ᐃᓕᓴᕆᔭᐅᓂᖏᑕ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᓐᓂᒃ ᑎᒍᒥᐊᖅᑏᑦ ᓇᒻᒥᓂᖅᓱᕋᓱᐊᖅᑏᓪᓗ ᑲᑎᒪᑎᑕᐅᖃᑦᑕᕈᓐᓃᕐᓗᑎᑦ
ᓄᓇᕗᑦ ᑐᙵᕕᒃ ᑎᒥᖓ ᐊᑯᓂᐊᓗᒃ ᐃᓱᒫᓘᑎᖃᖃᑕᐅᓯᒪᕗᑦ ᓄᓇᑦᓯᐊᕗᑦ ᒐᕙᒪᖏᑕ ᐅᖃᐅᓯᕆᖃᑦᑕᖅᓯᒪᔭᖏᓐᓂᒃ ᐊᒻᒪᓗ ᐊᓯᖏᑦ ᐃᓄᐃᑦ ᐱᔪᓐᓇᐅᑎᓂᒃ ᑎᒍᒥᐊᖅᑎᐅᖃᑕᐅᔪᑦ ᑲᓇᑕᑉ ᐃᓚᐅᑎᑦᑎᓂᖏᓐᓂᒃ ᓄᓇᑐᖃᕗᑦ ᑲᑎᒪᔨᖏᑦ ᐃᓕᓴᕆᔭᐅᓯᒪᓪᓗᑎᑦ ᑕᒪᓐᓇ ᐃᓱᒪᓕᐊᖑᓯᒪᔪᖅ ᐱᒻᒪᕆᐊᓗᒻᒥᒃ …

ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᒪᒋᔭᖃᓗᐊᓚᓇᐅᖅᑐᑦ ᓂᕿᖃᑦᓯᐊᖃᑦᑕᕐᓂᕐᒥᒃ, ᓄᑕᖅᑲᑦ ᖃᓄᐃᑦᑕᐃᓕᓂᖏᓐᓂᒃ ᐊᒻᒪᓗ ᐊᐅᓚᑦᓯᔨᐅᓕᕐᓂᕐᒥᒃ

 
(ᖃᒪᓂ’ᑐᐊᖅ, ᓄᓇᕗᑦ – ᐋᒡᒌᓯ 27, 2026) – ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᑎᒪᓚᐅᖅᑎᓪᓗᒋᑦ ᖃᒪᓂ’ᑐᐊᕐᒥ ᑕᒫᓂ ᐱᓇᓱᐊᕈᓯᕐᒥᒃ, ᐅᖃᐅᓯᖃᓗᐊᓚᐅᖅᑐᑦ ᐱᔾᔪᑎᓂᒃ ᐊᒃᑐᐃᓂᖃᒻᒪᕆᓲᓂᒃ ᐃᓄᒻᒪᕇᑦ ᐃᓚᒌᑦᑐᓄᑦ, ᐅᖃᐅᓯᖃᖃᑦᑕᓚᐅᖅᑐᑎᑦ ᐃᓕᓐᓂᐊᕐᕕᓂ ᓂᕿᖃᖅᑎᑦᑎᖃᑦᑕᕐᓂᕐᒧᑦ ᐱᓕᕆᐊᕐᓂᒃ, ᓄᑕᖅᑲᑦ ᖃᓄᐃᑦᑕᐃᓕᒪᑎᑕᐅᓂᖏᑦ, ᐃᓄᒃᑐᑦ ᐃᓕᓐᓂᐊᕐᓂᓕᕆᓂᕐᒥᒃ, ᐊᒻᒪᓗ ᐃᓄᐃᑦ ᐊᒥᓲᓂᖏᑦ ᓈᒻᒪᒋᐊᖃᕐᓂᖏᑦ ᐃᖅᑲᓇᐃᔭᖅᑐᑦ ᒪᓕᑦᑐᒋᑦ ᐃᓄᒻᒪᕇᑦ ᖃᑦᑎᐅᓂᖏᑦ ᑭᒡᒐᖅᑐᕆᐊᖃᖅᑕᓂ ᑭᒃᑯᑐᐃᓐᓇᕐᓂᒃ ᐱᔨᑦᑎᕋᓲᕐᓂᒃ ᐱᓕᕆᕝᕕᖕᓂ.
ᐃᓱᒪᓕᐅᕈᑕᐅᓪᓗᐊᓚᐅᖅᑐᖅ ᑲᑎᒪᓂᕐᒥ ᓴᓂᕐᕙᐃᓪᓗᑎᑦ $4.14 ᒥᓕᐊᓐᓂᒃ ᑮᓇᐅᔭᓂᒃ ᒐᕙᒪᑐᖃᒃᑯᑦ ᑲᓇᑕᒥ ᐃᓕᓐᓂᐊᕐᕖᑦ ᓂᕿᖃᖃᖅᑎᑦᑎᖃᑦᑕᕐᓂᖏᖕᓄᑦ ᐱᓕᕆᐊᖓ ᑮᓇᐅᔭᖃᖅᑎᑦᓯᓂᐊᖅᖢᑎᑦ 2026-27 ᐃᓕᓐᓂᐊᕐᓇᑉ ᐊᕐᕌᒍᐊᓄᑦ. ᓄᓇᕗᒻᒥ ᓄᓇᓕᓐᓂ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑕ ᑲᑐᔾᔨᖃᑎᒌᖓᑎᒎᖅᖢᑎᑦ ᐊᒻᒪᓗ ᓴᓂᕐᕚᕆᔭᐅᓪᓗᑎᑦ ᒪᓕᑦᑐᒋᑦ ᐃᓕᓐᓂᐊᖅᑏᑦ ᐊᒥᓲᓂᖏᑦ ᐊᑎᓕᐅᖅᓯᒪᔪᑦ ᐃᓕᓐᓂᐊᕐᕕᓄᑦ, ᑮᓇᐅᔭᑦ ᐃᑲᔪᕐᓂᐊᖅᑐᑦ ᐃᓕᓐᓂᐊᕐᕕᓂ ᓂᕿᑦᓯᐊᕙᖃᖅᑎᑦᑎᖃᑦᑕᐃᓐᓇᕐᓗᑎᑦ …

ᐃᒡᓗᕗᑦ ᑯᐊᐳᕇᓴᓐ ᑎᒃᑯᐊᖅᓯᕗᑦ ᐊᖓᔪᖅᑳᖅ ᐊᐅᓚᑦᓯᔨᒻᒪᕆᒻᒥᒃ ᔫ ᐊᓪᓚ ᑯᓄᒃ ᐊᒻᒪᓗ ᐃᒃᓯᕙᐅᑕᕆᔭᐅᓕᖅᑐᖅ ᑲᑎᒪᔨᓄᑦ ᕋᐃᒪᓐ ᖁᖅᓲᑦ

ᐃᒡᓗᕗᑦ ᑯᐊᐳᕇᓴᓐ ᑎᒃᑯᐊᖅᓯᕗᑦ ᐊᖓᔪᖅᑳᖅ ᐊᐅᓚᑦᓯᔨᒻᒪᕆᒻᒥᒃ ᔫ ᐊᓪᓚ ᑯᓄᒃ
ᐊᒻᒪᓗ ᐃᒃᓯᕙᐅᑕᕆᔭᐅᓕᖅᑐᖅ ᑲᑎᒪᔨᓄᑦ ᕋᐃᒪᓐ ᖁᖅᓲᑦ
(ᐋᒡᒌᓯ 25, 2026 – ᐃᖃᓗᐃᑦ, ᓄᓇᕗᑦ) – ᑲᑎᒪᔩᑦ ᐃᒡᓗᕗᑦ ᑯᐊᐳᕇᓴᓐ−ᒃᑯᓐᓄᑦ ᖁᕕᐊᓱᑦᑐᑦ ᑐᓴᖅᑎᑦᑎᔭᕆᐊᒃᓴᖅ ᑎᒃᑯᐊᖅᑕᐅᓂᖓᓂᒃ ᔫ ᐊᓪᓚ ᑯᓄᒃ ᑲᑐᔾᔨᖃᑎᒌᑉ ᓯᕗᓪᓕᖅᐹᑦᓯᐊᕐᒥ ᐊᖓᔪᖅᑳᕆᔭᐅᓂᐊᓕᖅᑐᓂ ᐊᐅᓚᑦᓯᔨᒻᒪᕆᐅᓗᓂ, ᐊᒻᒪᓗᑦᑕᐅᖅ ᕋᐃᒪᓐ ᖁᖅᓲᑦ ᐃᒃᓯᕙᐅᑕᕆᔭᐅᓂᐊᓕᖅᑐᓂ ᐃᒡᓗᕗᑦ ᑯᐊᐳᕇᓴᓐ ᑲᑎᒪᔨᖏᖕᓄᑦ.
ᑎᒃᑯᐊᖅᑕᐅᓂᖏᒃ ᐱᒻᒪᕆᐊᓗᒻᒥᒃ ᐱᕚᓪᓕᕈᑎᒋᔭᐅᕗᖅ ᐱᕙᓪᓕᐊᒍᑎᒋᔭᐅᓂᖓ ᐃᓕᓴᕆᔭᐅᓕᖅᑐᓂ ᐃᒡᓗᕗᑦ ᑯᐊᐳᕇᓴᓐ−ᒃᑯᑦ ᓄᓇᕗᒻᒥ ᐃᓄᖕᓄᑦ−ᓯᕗᒃᑲᖅᑖᖑᓪᓗᓂ ᐃᒡᓗᓕᕆᓂᕐᒧᑦ ᑲᑐᔾᔨᖃᑎᒌᖑᓪᓗᓂ ᐊᒻᒪᓗ ᖃᐅᔨᒃᑲᐃᒍᑕᐅᓪᓗᓂ ᑲᑐᔾᔨᖃᑎᒌᑉ ᐱᕙᓪᓕᐊᓂᖃᓕᕐᓂᖓᓂᒃ ᒐᕙᒪᓕᕆᔾᔪᓯᕐᒥᒃ ᐊᒻᒪᓗ ᖃᓄᖅᑑᖅᓯᒪᓂᒃᑯᑦ ᑐᙵᕕᓕᐅᖅᓯᒪᓪᓗᑎᑦ ᒪᑭᒪᔪᓐᓇᕋᓱᐊᓕᖅᑐᑦ, ᐱᓕᕆᖃᑎᖃᕐᓗᑎᑦ ᐊᒻᒪᓗ ᐱᓕᕆᐊᓕᐅᓕᖅᑐᑎᑦ ᐱᔭᐅᔭᕆᐊᓖᑦ ᑕᒪᒃᑯᐊ ᐊᒥᓱᕈᕆᐊᖁᓪᓗᒋᑦ ᐃᒡᓗᒃᓴᖃᕈᓐᓇᕐᓂᖏᑦ ᐃᓄᒻᒪᕇᑦ ᓄᓇᕗᓕᒫᕐᒥ.
ᐊᖓᔪᖅᑳᖑᓗᓂ ᐊᐅᓚᑦᓯᔨᒻᒪᕆᒃ, ᒥᔅᑕ ᑯᓄᒃ ᑲᒪᒋᔭᖃᕐᓂᐊᖅᑐᖅ ᐋᖅᑮᓗᓂ …

ᓄᓇᕗᑦ ᑐᙵᕕᒃᑯᑦ ᓇᓗᓇᐃᖅᓯᔪᑦ 2026-ᖑᑎᓪᓗᒍ ᓄᓇᕗᑦ ᐅᓪᓗᖓᓂ ᖃᒧᑕᐅᔭᖅᑖᖅᑐᑦ ᑎᓴᒪᓕᓐᓂᓪᓗ

 
ᓄᓇᕗᑦ ᑐᙵᕕᒃᑯᑦ ᓇᓗᓇᐃᖅᓯᔪᑦ 2026-ᖑᑎᓪᓗᒍ ᓄᓇᕗᑦ ᐅᓪᓗᖓᓂ ᖃᒧᑕᐅᔭᖅᑖᖅᑐᑦ ᑎᓴᒪᓕᓐᓂᓪᓗ
(ᐋᒡᒌᓯ 18, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓᑦ (ᑐᙵᕕᒃᑯᑦ) ᖁᕕᐊᓱᓪᓗᑎᒃ ᓇᓗᓇᐃᖅᓯᕗᑦ ᓵᓚᒃᓴᐅᓯᐊᖅᑐᓂᒃ 2026-ᖑᑎᓪᓗᒍ ᓄᓇᕗᑦ ᐅᓪᓗᖓᓂ ᖃᒧᑕᐅᔭᖅᑖᖅᑐᑦ ᐊᒻᒪᓗ ᐱᓲᑎᑲᓪᓚᓐᓂᒃ ᐊᒧᓱᓂᒃᑯᑦ.
ᓄᓇᕗᕐᒥᐅᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᒥ ᐊᖏᖃᑎᒌᒍᑎᖓᒍᑦ ᐊᑎᓕᐅᖅᑕᐅᑲᐅᑎᒋᖕᒪᑕ ᓵᓚᒃᓴᐅᓯᐊᕋᓱᐊᕐᓂᕐᒧᑦ ᓇᓕᐊᓐᓂᒃ ᐊᑕᐅᓯᕐᒥᒃ ᓄᓇᓕᓐᓂ ᐱᔭᐅᓇᓱᒃᑑᓐᓂᒃ: ᖃᒧᑕᐅᔭᖅ Expedition Sport 900 Ace ᐅᒡᕙᓘᓐᓃᑦ ᐱᓲᑎᑲᓪᓚᖕᒥᑦ TRX520FM1T Foreman. ᐊᒧᓯᓃᑦ ᑲᔪᓯᓚᐅᖅᑐᑦ ᐊᑐᕐᓗᑎᒃ ᓂᕈᐊᕈᓐᓇᐅᑎᒥᒃ. ᑮᓇᐅᔭᖃᖅᑎᑕᐅᓚᐅᕆᓪᓗᑎᓪᓗ Nutrition North ᑲᓇᑕᒥ ᓂᕿᑦᑎᐊᕙᓕᕆᔨᒃᑯᑦ ᐅᑭᐅᖅᑕᖅᑐᒥᐅᓄᑦ ᓂᕿᒃᓴᖅᓯᐅᖅᑎᓄᑦ ᐃᑲᔫᑎᒥᒃ ᑮᓇᐅᔭᑎᒍᑦ.
 
ᓵᓚᖃᐅᓯᐊᖅᑐᑦ ᖃᐅᔨᒃᑲᐃᖁᔭᐅᕗᑦ ᓄᓇᓕᖏᓐᓂ ᑐᑦᑕᖅᕕᒋᔭᐅᔪᓂᑦ, ᑐᓂᓯᓂᐊᕐᒪᑕ ᓵᓚᖃᐅᓯᐊᖅᑐᓄᑦ ᐸᐃᑉᐹᖏᓐᓂᒃ ᑐᓴᖅᑎᑕᐅᑦᓯᐊᕋᓗᐊᕐᒪᖔᑕᓗ ᖃᖓᒃᑯᓪᓗ ᐊᑐᐃᓐᓇᐅᓂᐊᓕᕋᓗᐊᕐᒪᖔᑕ ᐊᐅᓪᓚᖅᑎᑕᐅᔪᓐᓇᖅᓯᓗᑎᒃ. ᐱᔭᕆᐊᖃᕈᓂ, …

ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᑎᒪᓛᖅᑐᑦ

ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᑎᒪᓛᖅᑐᑦ
(ᐋᒡᒌᓯ 20, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᑎᒪᓛᖅᑐᑦ ᑲᑎᒪᑐᐃᓐᓇᕐᓂᕐᒥᒃ ᐱᒋᐊᕐᓗᒍ ᐅᓐᓄᓴᒃᑯᑦ ᓇᒡᒐᔾᔭᐅᓕᖅᑭᒃ, ᐋᒡᒌᓯ 25, 2026 ᓄᓇᓖᑦ ᐱᙳᐊᕐᕕᖓᓂ ᖃᒪᓂ’ᑐᐊᕐᒥ, ᓄᓇᕗᑦ.
ᑲᑎᒪᓂᖏᑦ ᑭᒃᑯᑐᐃᓐᓇᕐᓄᑦ ᓈᓚᒃᑕᐅᔪᓐᓇᓛᖅᑐᑦ, ᐊᒻᒪᓗ ᓄᓇᓕᒻᒥᐅᑦ ᑐᙵᓱᐊᑎᑕᐅᕗᑦ ᐅᐸᓪᓗᑎᑦ, ᐅᕝᕙᓘᓐᓃᑦ ᓄᓇᕗᑦ ᑐᙵᕕᒃ ᑎᒥᖓᑕ ᕙᐃᔅᕗᒃ ᒪᑉᐱᒐᖓᓂ ᓈᓚᓪᓗᑎᑦ, ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᔫᒻ−ᒃᑯᑦ ᑕᑯᕋᕐᓈᕐᓗᑎᑦ ᐃᓄᒃᑎᑑᖅᑐᓂᒃ ᖃᓪᓗᓈᑎᑐᓪᓘᓐᓃᑦ ᐅᕙᓂ ᑲᓱᕈᑎᖓᒍᑦ:
https://baldwinav.zoom.us/j/85375717787?pwd=FkZwoXuBtkY5HSaPurBWMpwGHfqK3b.1
 ᑭᒃᑯᑦ:   ᓄᓇᕗᑦ ᑐᙵᕕᒃ ᑎᒥᖓ
ᑭᓱ:     ᑲᑎᒪᔩᑦ ᑲᑎᒪᓂᖏᑦ
ᓇᒥ:    ᓄᓇᓖᑦ ᐱᙳᐊᕐᕕᖓᓂ, ᖃᒪᓂ’ᑐᐊᖅ, ᓄᓇᕗᑦ
ᖃᖓ:   ᓇᒡᒐᔾᔭᐅᓕᖅᑭᒃ, ᐋᒡᒌᓯ 25, 2026 ᓯᕿᙳᔭᖅ 1:00 ᐅᓐᓄᓴᒃᑯᑦ ᖃᒪᓂ’ᑐᐊᑉ ᓯᕿᙳᔭᖓ ᒪᓕᑦᑐᒍ
-30-
ᐱᕙᓪᓕᐊᔪᓕᕆᔨᒃᑯᓐᓄᑦ ᖃᐅᔨᒋᐊᕐᕕᒃᓴᖅ
ᐋᓂ ᑖᒻᓕᓐᓴᓐ
ᑐᑭᒧᐊᑦᑎᑦᑎᔨ ᑐᓴᐅᒪᑎᑦᑎᓂᕐᒧᑦ
ᓄᓇᕗᑦ …

ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓᑦ ᑐᒃᓯᕋᕈᑎᒃᓴᓂᒃ ᒪᑐᐃᖅᓯᔪᑦ ᐊᔪᕈᓐᓃᖅᑕᐅᕙᒃᑐᓄᑦ ᐃᖅᑲᓇᐃᔮᒥᒡᓗ ᓯᕗᒻᒧᐊᒃᑎᑦᑎᕙᓪᓕᐊᓂᕐᒧᑦ ᐃᓕᓐᓂᐊᒃᑲᓐᓂᕐᓂᕐᒧᑦ ᑐᓐᓂᖅᑯᑕᐅᕙᒃᑐᑦ

ᐃᖃᓗᐃᑦ, ᓄᓇᕗᒥ – ᐋᒡᒌᓯ 19, 2026 – ᓄᓇᕗᑦ ᑐᙵᕕᒃᑯᑦ ᐃᑲᔫᑎᒃᓴᓕᕆᔨᒃᑯᑦ (NTF) ᑐᒃᓯᕋᐅᑎᓂᒃ ᐱᔪᓐᓇᓕᕐᒥᖕᒪᑕ ᐊᔪᕈᓐᓃᖅᑕᐅᕙᒃᑐᓄᑦ ᐃᖅᑲᓇᐃᔮᒥᒡᓗ ᓯᕗᒻᒧᐊᒃᑎᑦᑎᕙᓪᓕᐊᓂᕐᒧᑦ ᐃᓕᓐᓂᐊᑲᓐᓂᓂᕐᒧᑦ ᑐᓐᓂᖅᑯᑕᐅᕙᒃᑐᑦ, ᐃᓄᖕᓂᑦ ᐃᑲᔪᖅᑐᐃᓂᖅ ᐱᓕᒻᒪᒃᓴᕈᒪᔪᓂᒃ ᐃᓕᓐᓂᐊᕈᒪᔪᓂᒡᓗ ᐃᖅᑲᓇᐃᔮᖅᑖᖅᑎᑦᓯᓂᐊᖅᑐᓂᒃ ᐱᓕᕆᐊᒃᓴᖃᕐᓂᕐᒧᓪᓗ.
ᑐᓐᓂᖅᑯᑕᐅᕙᒃᑐᖅ ᑐᓂᓯᔪᖅ $1,500-ᓂᒃ ᑐᓂᔭᐅᔪᒧᑦ ᐃᓕᓴᕆᔭᐅᔪᒧᓪᓗ ᐱᓕᕆᐊᖑᔪᓄᑦ ᐊᑯᓂᐅᑎᒋᓂᖃᖅᑐᓂᒃ ᑎᓴᒪᓂᒃ ᐱᓇᓱᐊᕈᓯᕐᓂᒃ ᐊᑯᓂᐅᓂᖅᓴᕐᓘᓐᓃᑦ ᐱᓕᒻᒪᒃᓴᖅᑐᓂᒃ, ᐃᖅᑲᓇᐃᔭᕆᐅᖅᓴᔪᓂᒃ ᐃᓕᓐᓂᐊᖅᑕᖏᓐᓂᒡᓘᓐᓃᑦ ᖁᕝᕙᕆᐊᖅᑎᑦᑎᑲᓐᓂᖅᑐᓂᓪᓗ ᐃᓕᓐᓂᐊᕈᑎᖏᓐᓂᒃ. ᐃᓕᓐᓂᐊᒐᒃᓴᐃᑦ ᐊᖏᖅᑕᐅᔪᓐᓇᖅᑐᑦ ᐃᓚᖃᕈᓐᓇᖅᑐᑦ ᓴᓇᔪᓕᕆᓂᕐᒧᑦ ᐃᓕᓐᓂᐊᖅᑐᑦ, ᐃᓄᖕᒧᑦ ᐃᑲᔪᖅᑐᐃᕙᖕᓂᕐᒧᑦ ᐱᓕᕆᔨᐅᓂᕐᒧᑦ ᐊᔪᕈᓐᓃᖅᓴᕐᓂᖅ, ᐃᓐᓇᕐᓄᑦ ᐃᓕᓐᓂᐊᖅᑐᓄᑦ, PASS ᐊᒻᒪᓗ ᑐᙵᕕᓕᐅᕈᑎᐅᓂᕋᖅᑕᐅᔪ-ᒥᒃ ᐃᓕᓐᓂᐊᒐᒃᓴᓂᒃ.
ᓄᓇᕗᑦ ᑐᙵᕕᒃᑯᑦ ᑐᙵᕕᖓᑦᑕ ᑲᑎᒪᔨᖏᑦ ᐋᖅᑭᒋᐊᖅᓯᓚᐅᕐᒪᑕ ᑐᓐᓂᖅᑯᑕᐅᕙᒃᑐᓂᒃ ᐱᓕᕆᐊᒃᓴᒥᒃ ᐊᑐᐊᒐᓐᓂᒃ 2025-ᖑᑎᓪᓗᒍ ᓄᖅᑲᑎᑦᑎᓪᓗᑎᒃ ᑐᙵᕕᐅᑉ ᐃᓐᓇᕐᓄᑦ ᐃᓕᓐᓂᐊᖅᕕᖕᓄᑦ ᐃᓕᓐᓂᐊᖅᑐᓄᑦ ᐱᓕᕆᐊᒥᒃ ᐱᔾᔪᑎᒋᓪᓗᒍ ᖁᓕᕇᓕᒃᓯᒪᔪᓂᒃ ᐊᔾᔨᐸᓗᖏᖏᓐᓂᒃ …

ᓂᕈᐊᒐᒃᓴᙳᖅᑎᑦᑎᓂᖅ – ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ – ᐊᕐᕌᒍᓄᑦ ᐱᖓᓱᓄᑦ –

ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᕿᓂᕐᒪᑕ ᐆᒻᒪᕆᒃᑐᒥᒃ ᐊᒻᒪᓗ ᐆᒻᒪᕆᒃᑐᓂᒃ ᐃᓄᖕᓂᒃ ᐃᓐᓄᒃᓯᓂᐊᕐᓗᓂ ᐊᕐᕌᒍᓄᑦ ᐱᖓᓱᓄᑦ ᐃᓂᒋᔭᐅᓇᔭᖅᑐᒥᒃ ᐅᕙᓂ, ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ.
ᐃᓱᒪᒋᔭᐅᓂᐊᕐᓗᑎᒃ, ᐃᖅᑲᓇᐃᔮᖅᑖᕋᓱᐊᖅᑐᑦ ᐱᓕᕆᐊᖃᑦᓯᐊᕆᐊᓖᑦ ᐃᒻᒥᓂᓪᓗ ᑭᒡᒐᖅᑐᐃᔪᒪᑦᑎᐊᖅᑐᑦ ᓄᓇᕗᒻᒥ ᐃᓄᐃᑦ ᐱᔪᒪᔭᖏᓐᓂᒃ. ᓂᕈᐊᒐᒃᓴᐅᔪᑦ ᑐᑭᓯᐅᒪᓂᖃᑦᑎᐊᕆᐊᓖᑦ ᓄᓇᕗᒻᒥ ᐊᖏᖃᑎᒌᒍᑎᒥᒃ ᐱᔾᔪᑎᖃᕐᓗᓂ ᑭᓱᓕᕆᔨᐅᕙᖕᓂᖏᓐᓄᑦ ᐱᔭᒃᓴᕆᔭᖏᓐᓄᓪᓗ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ.
ᓄᓇᕗᑦ ᑐᙵᕕᒃᑯᑦ ᓇᓗᓇᐃᖅᓯᔪᒪᕗᑦ ᐊᑕᖏᖅᑐᒥᒃ ᐃᓄᖕᓂᒃ ᐃᓚᐅᑎᑦᑎᖁᔨᓪᓗᑎᒃ ᐊᑐᓕᖅᑎᑕᐅᓂᖓᓄᑦ ᓄᓇᕗᒻᒥ ᐊᖏᕈᑖ. ᑕᐃᒪᐃᓐᓂᖓᓄᑦ, ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐊᑐᓕᖅᑎᑦᑎᓚᐅᖅᐳᑦ ᒪᑐᐃᙶᖅᑐᒥᒃ ᐊᒻᒪ ᓵᑕᐅᔪᓐᓇᕐᓂᕐᒧᑦ ᑲᔪᓯᓂᕆᔭᐅᕙᒃᑐᖅ ᐃᓱᒪᒃᓴᖅᓯᐅᕈᑎᖃᕐᓂᐊᕐᓗᓂ ᐊᔪᙱᓐᓂᖃᖅᑐᓂᒃ ᐃᓄᖕᓂᒃ.
ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ ᓇᒃᓯᐅᑎᓗᒋᑦ, ᓇᓗᓇᐃᕐᓗᒋᑦ ᐊᔪᙱᑕᑎᑦ ᐊᒻᒪ ᐱᓕᕆᖃᑦᑕᖅᓯᒪᔭᑎᑦ, ᐅᑯᑎᒎᓇᖅ ᓇᓕᐊᒃᑯᑐᐃᓐᓇᖅ:

ᐅᐸᒍᑎᓗᑎᑦ ᓄᓇᔅᓯᓐᓂ ᓄᓇᓕᖕᓂ ᑐᓴᐅᒪᔪᓕᕆᔨᒧᑦ
 
ᓇᒃᓯᐅᑎᓗᒍ ᐅᕗᖓ:
ᐊᑐᓕᖅᑎᑦᑎᔨᒃᑯᑦ
ᑲᒪᒋᔭᐅᔪᖅ ᐸᑰᒻ ᓗᐃᑦ
ᑐᕌᖅᑐᖅ: ᑲᑎᒪᔨᓂᒃ ᑎᒃᑯᐊᖅᓯᓂᖅ
ᑎᑎᖅᑲᒃᑯᕕᐊ 638
ᐃᖃᓗᐃᑦ, …

ᑮᓇᐅᔭᖅᑎᒍᑦ ᐃᑲᔪᖅᑐᐃᔾᔪᑏᑦ ᐊᑐᐃᓐᓇᐅᕗᑦ ᓄᓇᕗᒻᒦᙶᖅᓯᒪᔪᑦ ᐃᓄᒻᒪᕆᖕᓄᑦ ᐊᒃᑐᖅᑕᐅᔪᑦ ᐃᑭᑦᑐᐊᓘᑎᓪᓗᒋᑦ ᓄᓇᓕᒻᒥ ᐊᐅᓪᓚᕆᐊᖃᖅᑐᓄᑦ

ᓄᓇᕗᑦ ᑐᙵᕕᒃ ᑎᒥᖓ ᑮᓇᐅᔭᖅᑎᒍᑦ ᐃᑲᔪᖅᑐᐃᒍᓐᓇᖅᑐᑦ ᓄᓇᕗᒻᒥᐅᑕᓂᒃ ᐃᓄᓐᓂᒃ ᐅᓪᓗᒥ ᐃᑭᑦᑐᐊᓘᓕᕐᓂᖓᓄᑦ ᓄᓇᓕᖕᓂ ᐊᐅᓪᓚᕆᐊᖃᖅᑎᑕᐅᔪᓂᒃ.

 
ᐃᓚᒌᑦᑐᑦ ᐃᑲᔫᓯᐊᖅᑖᕈᓐᓇᖅᑐᑦ $1,000-ᓂᒃ ᑐᐊᕕᕐᓇᖅᑐᖅᑎᒍᑦ ᑮᓇᐅᔭᑦ ᐃᑲᔫᑎᐅᒐᔭᖅᑐᓂᒃ ᐃᑲᔪᖅᑕᐅᖁᓪᓗᒋᑦ ᐱᑲᐅᑎᒋᔭᕆᐊᓕᖏᑦ ᓂᐅᕕᕐᓗᑎᑦ ᐊᒃᓱᕈᕐᓇᖅᑐᒃᑰᖅᑎᓪᓗᒋᑦ.
.
 

.
 

ᓄᓇᕗᑦ ᑐᙵᕕᒃ ᑎᒥᖓ ᐃᓕᓴᖅᓯᒻᒪᑕ ᐊᒃᑐᐃᓂᖃᕐᓂᖏᑦ ᐃᑭᑦᑐᐊᓘᓂᖏᑦ ᐊᑉᐸᑦᑐᑎᑦ ᓄᓇᑐᐃᓐᓇᕐᒥ ᐃᓄᖕᓄᑦ, ᐃᓚᒌᓄᑦ, ᐊᒻᒪᓗ ᓄᓇᓕᐅᔪᓄᑦ ᐊᒻᒪᓗ ᐃᑲᔪᖅᑐᐃᓂᐊᕐᓂᕋᖅᑐᑦ ᓄᓇᕗᒻᒦᙶᖅᓯᒪᔪᓂᒃ ᐃᓄᒻᒪᕆᖕᓂᒃ ᓇᒦᒃᑲᓗᐊᕈᑎᑦ.

ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᑐᓴᖅᑎᑦᓯᕗᑦ ᐊᓯᔾᔨᖅᑐᓂᒃ ᐃᓕᓐᓂᐊᕈᑎᒃᓴᖅᑖᕈᑎᒃᓴᓂᒃ

ᓴᖅᑭᑕᐅᑲᐅᑎᒋᔭᕆᐊᓕᒃ
ᔫᓂ 16, 2026 – ᐃᖃᓗᐃᑦ, ᓄᓇᕗᑦ – ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᐊᖏᖅᓯᓚᐅᖅᐳᑦ ᐋᕿᒋᐊᖅᑕᐅᔪᓂᒃ ᓄᓇᕗᑦ ᑐᙵᕕᒃᑯᑦ ᐃᑲᔫᑎᒃᓴᓕᕆᔨᒃᑯᑦ NTF ᐃᓕᓐᓂᐊᕈᑎᒃᓴᖅᑖᕐᓂᕐᒧᑦ ᐊᑐᐊᒐᕐᒥᒃ ᑲᑎᒪᑎᓪᓗᒋᑦ ᑭᙵᕐᓂ, ᓄᓇᕗᒻᒥ, ᓯᑎᐱᕆ 24, 2025−ᒥ. ᐃᓚᒋᔭᐅᓪᓗᓂ ᑖᒃᑯᓄᖓ ᐊᓯᔾᔨᕐᓂᐅᔪᓄᑦ ᑮᓇᐅᔭᖅᑖᕐᕕᒃ ᓄᖃᖅᑎᑦᑎᓯᒪᓕᖅᐳᖅ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᒃᓴᖅᑖᕆᕙᒃᑕᒥᓂᒃ, ᖃᓪᓕᖅᓯᓯᒪᓂᖏᓐᓄᑦ ᐊᔾᔨᐸᓗᖏᓐᓂᒃ ᑮᓇᐅᔭᓂᒃ ᒫᓐᓇ ᐊᑐᐃᓐᓇᕈᖅᑎᑕᐅᔪᓂᒃ ᒪᑭᒋᐊᖅᑕ ᐃᓄᐃᑦ ᐱᓕᒻᒪᒃᓴᐃᓂᕐᒧᑦ ᑲᑐᔾᔨᖃᑎᒌᓄᑦ.
2016−ᒥ ᓄᓇᕗᑦ ᑐᙵᕕᒃᑯᑦ ᐃᑲᔫᑎᒃᓴᓕᕆᔨᒃᑯᑦ ᐱᑎᑕᐅᓚᐅᖅᐳᑦ $8,559,561−ᓂᒃ ᓇᓗᓇᐃᖅᑕᐅᓯᒪᔪᓂᒃ ᖃᑉᓯᐅᓂᕆᔭᖏᓐᓂᒃ ᑮᓇᐅᔭᖁᑎᒋᔭᐅᔪᓂᒃ ᐋᕿᒃᑕᐅᓯᒪᔪᓂᒃ ᐅᑯᑎᒎᓇᖅ, ᐊᓪᓚᐃᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᓂᖏᓐᓄᑦ ᐊᖏᖃᑎᒌᒍᑎᒃᑯᑦ. ᑖᑉᑯᐊ ᑮᓇᐅᔭᑦ ᐃᑲᔫᑕᐅᓇᓱᓚᐅᖅᐳᑦ ᐃᓕᓐᓂᐊᕐᓂᓕᕆᓂᕐᒧᑦ, ᐅᖃᐅᓯᓕᕆᓂᕐᒧᑦ, ᐃᓕᖁᓯᕐᒧᑦ ᐊᒻᒪ ᐱᐅᓯᕆᔭᐅᕙᓚᐅᖅᑐᓄᑦ ᑐᙵᕕᓕᖕᓂᒃ ᐱᓕᕆᐊᒃᓴᓂᒃ ᒪᓕᒃᖢᑎᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᒥᒃ ᐊᖏᕈᑕᐅᓚᐅᖅᑐᒥᒃ ᑲᓇᑕᒥ ᐊᒻᒪ ᐃᓄᕕᐊᓗᐃᑦ …

ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐊᖏᖅᑐᑦ ᐃᓚᒋᐊᖅᑕᐅᒃᑲᓐᓂᕈᑎᔅᓴᖓᓐᓂᒃ ᐅᖅᑯᔾᔭᐃᑦ ᐃᓐᓇᕐᓄᑎᑦ ᐃᑲᔫᓯᐊᖏᓐᓂᒃ

ᓴᖅᑭᖅᑕᐅᑦᑕᐅᑎᒋᔭᕆᐊᓕᒃ
(ᔫᓂ 17, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (NTI) ᑲᑎᒪᔨᖏᑦ ᐊᖏᖅᑐᑦ ᐃᓚᒋᐊᖅᑕᐅᒃᑲᓐᓂᖁᔭᐅᓯᒪᔪᓂᑦ ᐅᖅᑯᔾᔭᐃᑦ ᐃᓐᓇᕐᓄᑦ ᐃᑲᔫᓯᐊᓂᒃ, ᐱᒋᐊᕋᔭᖅᑐᑦ ᐄᐳᓘ 1, 2026-ᒥ.
ᐃᓐᓇᐃᑦ ᐃᓅᕕᓖᑦ ᔮᓐᓄᐊᓕ 1, 1949-ᒥ, ᐊᒻᒪᓗ ᑏᓰᕝᕙ 31, 1961-ᒥ ᐊᑯᓐᓂᖓᓂᓪᓗ, ᐱᓇᓱᐊᖃᑕᐅᓯᒪᔪᑦ ᐱᖃᑦᑕᕐᓂᐊᖅᑐᑦ $250.00-ᓂᑦ ᐱᒋᐊᕐᓗᓂ ᐋᒡᒌᓯ 1, 2026-ᒥ. ᐊᑭᓕᖅᑕᐅᑉᐸᑕ ᑖᒃᑯᐊ ᑕᖅᑮᑦ ᐄᐳᓘ 1, 2026-ᒥ ᐱᒋᐊᖅᓯᒪᔪᓂᒃ ᐊᑭᓕᐅᓯᐊᓛᖅᑐᑦ, ᑖᒃᑯᐊ ᐊᑭᓕᐅᓯᐊᕈᓐᓇᖅᑐᑦ ᐃᓐᓇᐃᑦ ᑖᒃᑯᓄᖓ ᑕᖅᑭᓄᑦ ᐱᓐᓂᖏᑦᑕᖏᓐᓂᒃ ᓈᒪᓗᒋᑦ ᐱᑎᑕᐅᓛᖅᑐᑦ.
ᐃᓐᓇᐃᑦ ᑕᖅᑭᑕᒫᖅ ᐊᑭᓕᐅᓯᖃᑦᑕᕇᖅᑐᑦ ᐱᓇᓱᒃᑲᓐᓂᕆᐊᖃᙱᑦᑐᑦ. ᐊᑭᓕᐅᓯᐊᑦᑕᐅᑎᒋᑐᐃᓐᓇᓛᖅᑐᑦ ᐃᓚᒋᐊᖅᓯᒪᔪᓂᒃ ᐱᔪᓐᓇᖅᑎᑕᐅᔪᓂᑦ ᑖᒃᑯᓂᖓ.
ᓄᑖᓄᑦ ᐊᑭᓕᐅᖃᑕᐅᖃᑦᑕᕈᒪᔪᓄᑦ, ᑎᑎᕋᕆᐊᓖᑦ ᐊᑭᓕᐅᓯᐊᖃᑦᑕᕈᒪᓂᕐᒧᑦ ᐊᑐᐃᓐᓇᐅᑎᑕᐅᓂᐊᖅᑐᑦ ᓄᓇᓕᓐᓂᑦ ᑐᓴᐅᒪᔪᓕᕆᔨᖏᓐᓂᒃ ᓄᓇᓕᓕᒫᓂᒃ ᐊᒻᒪᓗ ᓄᓇᕗ ᑐᙵᕕᒃ ᑎᒥᖓᑕ …

NTI ᑲᑎᒪᔨᖏᑦ ᐊᖏᖅᓯᔪᑦ ᒪᒃᑯᑦᑐᓄᑦ ᐃᓱᒪᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐸᕐᓇᐅᒻᒥᑦ ᐊᒻᒪ ᐊᖏᔪᒥᑦ ᐃᓗᓕᕆᓂᕐᒧᑦ ᐱᓕᕆᑎᑦᑎᓂᐅᔪᓂᑦ

ᓴᖅᑭᖅᑎᑕᐅᑦᑕᐅᑎᒋᓗᓂ
ᐃᖃᓗᐃᑦ, ᓄᓇᕗᑦ (ᔫᓂ 10, 2026) — ᓄᓇᕗᑦ ᑐᓐᖓᕕᒃ ᑎᒥᖓᑦ (NTI) ᐊᖏᖅᓯᓯᒪᔪᑦ ᐊᒥᓱᒐᓚᓐᓂᑦ ᐊᖏᔪᓂᑦ ᐱᓕᕆᔭᐅᔪᓂᑦ ᓴᓐᖓᑦᑎᒋᐊᕐᓗᒍ ᒪᒃᑯᑦᑐᑦ ᖃᓄᐃᖏᑎᐊᕐᓂᖏᓐᓄᑦ, ᐃᓪᓗᓕᕆᓂᕐᒧᑦ, ᐊᒻᒪ ᓄᓇᓕᒻᒥᑦ ᐱᕙᓪᓕᐊᑎᑦᑎᓂᕐᒧᑦ ᓄᓇᕗᓕᒫᒥᑦ.
“ᑖᒃᑯᐊ ᐃᓱᒪᓕᐅᖅᑕᐅᔪᑦ ᑕᑯᔅᓴᐅᑎᑦᑎᔪᑦ ᐅᕙᒍᑦ ᑲᔪᖏᖅᓯᒪᓂᖏᓐᓄᑦᐃᑲᔪᕐᓗᒋᑦ ᐃᓄᐃᑦ ᒪᒃᑯᑦᑐᑦ, ᓴᓐᖓᑦᑎᒋᐊᕐᓗᒋᑦ ᐃᓗᓕᕆᓂᕐᒧᑦ ᐅᕙᒍᑦ ᓄᓇᓕᖏᓐᓂ, ᐊᒻᒪ ᓇᓗᓇᐃᕐᓗᒋᑦ ᐃᓄᐃᑦ ᑲᑐᔾᔨᖃᑎᒌᑦ ᑭᓱᓕᕆᔾᒧᑎᖃᕐᓗᑎ ᐱᔭᕆᐊᖃᖅᑕᖏᓐᓂ ᐱᔨᑦᑎᕐᓗᒋᑦ ᓄᓇᕗᒻᒥ ᐃᓄᐃᑦ,” ᐅᖃᖅᑐᖅ NTI ᐊᖏᔪᖅᑳᖅ ᒍᓘᕆᐊ ᐅᓗᖅᓯ.
ᑲᑎᒪᔩᑦ ᐊᖏᖅᓯᓯᒪᔪᑦ ᐱᖓᓱᓄᑦ ᐊᕐᕌᒍᓄᑦ $6.8 ᒥᓕᐊᓐ ᑮᓇᐅᔭᖅᑐᓂᕐᒧᑦ ᐸᕐᓇᐅᒻᒥᑦ ᓴᓐᖓᑦᑎᒋᐊᕐᓗᒋᑦ ᖃᓄᐃᖏᑎᐊᓂᕐᒧᑦ ᐱᓕᕆᐊᑦ ᐊᒻᒪ ᐱᔨᑦᑎᖅᑕᐅᔪᑦ ᓄᓇᕗᒻᒥ ᐃᓄᓐᓄᑦ ᒪᒃᑯᑦᑐᓄᑦ ᐊᒻᒪ ᓴᖅᑭᖅᑎᑕᐅᓂᖓᓄᑦ ᓄᓇᕗᒻᒥ ᒪᒃᑯᑦᑐᑦ ᑲᑎᒪᔨᖏᑦ. ᑖᓐᓇ ᑮᓇᐅᔭᖃᖅᑎᑕᐅᔪᖅ ᑲᓇᑕᐅᑉ ᒐᕙᒪᒃᑯᖏᑎᒍᑦ …

NTI ᑐᔅᓯᕋᖅᑐᑦ ᐊᑯᓂᐅᔪᒧᑦ ᒐᕙᒪᑐᖃᒃᑯᓐᓂᑦ ᑮᓇᐅᔭᖃᖅᑎᑕᐅᓂᕐᒧᑦ ᐅᑯᓄᖓ ᐃᓄᐃᑦ ᓱᕈᓰᑦ ᓯᕗᓪᓕᐅᑎᑕᐅᔪᑦ ᐱᓕᕆᔭᐅᔪᒥᑦ

ᓴᖅᑭᖅᑎᑕᐅᑦᑕᐅᑎᒋᔪᑦ
ᐃᖃᓗᐃᑦ, ᓄᓇᕗᑦ (ᔫᓂ 9, 2026) ᓄᓇᕗᑦ ᑐᓐᖓᕕᒃ ᑎᒥᖓᑦ (NTI) ᑐᔅᓯᕋᕐᕕᖏᑦ ᑲᓇᑕᐅᑉ ᒐᕙᒪᒃᑯᖏᑦ ᑲᔪᖏᖅᓯᓗᑎ ᐊᑯᓂᐅᔪᒧᑦ ᑮᓇᐅᔭᖃᖅᑎᑦᑎᓂᕐᒧᑦ ᐃᓄᐃᑦ ᓱᕈᓰᑦ ᓯᕗᓪᓕᐅᑎᑕᐅᔪᑦ ᐱᓕᕆᔭᐅᔪᒧᑦ (ICFI). ᐱᑕᖃᐃᓐᓇᖅᑐᑦ ᐊᒻᒪ ᒥᔅᓴᐅᓴᒐᔅᓴᐅᔪᑦ ᑮᓇᐅᔭᖃᖅᑎᑕᐅᓂᕐᒧᑦ ᐱᔭᐅᔭᕆᐊᖃᖅᑐᑦ ᑖᒃᑯᐊ ᐃᓄᐃᑦ ᓱᕈᓰᑦ ᐊᒻᒪ ᐃᓚᒌᑦ ᐱᑎᑕᐅᖏᓐᓇᕐᓗᑎ ᐋᓐᓂᐊᖅᑐᓕᕆᓂᕐᒧᑦ, ᐃᓅᖃᑎᒌᓐᓂᕐᒧᑦ, ᐊᒻᒪ ᐃᓕᓐᓂᐊᕐᓂᓕᕆᓂᕐᒧᑦ ᐃᑲᔪᖅᑕᐅᓂᕐᒧᑦ ᐱᔭᕆᐊᖃᖅᑕᖏᓐᓂ ᐱᔭᕆᐊᖃᓕᕋᐃᒻᒪᒋᑦ.
ICFI ᓴᖅᑭᖅᑎᑕᐅᓚᐅᖅᓯᒪᔪᖅ ᑭᖑᓂᐊᒍᑦ ᐃᓄᐃᑦ ᓯᕗᓕᖅᑏᑦ ᓴᖅᑭᑎᑦᑎᓚᐅᖅᑎᓪᓗᒋᑦ ᐃᓱᒫᓘᑕᐅᔪᓂᑦ ᑖᒃᑯᐊ ᐃᓄᐃᑦ ᓱᕈᓰᑦ ᐱᖃᑦᑕᖏᒻᒪᑕ ᐊᔾᔨᒌᓐᓂᖃᖅᑐᒥᑦ ᐱᔭᔅᓴᐅᓂᖏᓐᓄᑦ ᐱᔨᑦᑎᖅᑕᓄᑦ ᐊᑐᐃᓐᓇᐅᔪᓄᑦ ᐅᑯᑎᒎᓇ ᒧᐊᑕᓐ ᐳᕆᖕᓯᐳ. ᑕᐃᒪᓐᖓᓂᑦ, ᐱᓕᕆᐊᖅ ᐃᑲᔪᖅᓯᒪᔪᖅ ᐃᓄᐃᑦ ᓱᕈᓯᖏᓐᓂ ᐊᒻᒪ ᐃᓚᒌᓂᑦ ᑲᓇᑕᓕᒫᒥᑦ ᐱᔭᔅᓴᐅᓂᖏᓐᓄᑦ ᒐᕙᒪᒃᑯᓐᓄᑦ ᑮᓇᐅᔭᖃᖅᑎᑕᐅᔪᑦ ᐃᑲᔪᖅᑐᓂᑦ ᐱᑕᖃᖅᑎᑕᐅᓐᓇᑎ ᐱᑕᖃᕆᐊᖃᖏᑦᑐᑦ ᑭᖑᕙᖅᑐᑦ. …

ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐊᖏᖅᓯᔪᑦ ᓄᓇᕗᒻᒥ ᐃᓄᐃᑦ ᓯᓚᑉ ᐊᓯᔾᔨᕐᓂᖓᓄᑦ ᖃᓄᐃᓕᐅᕈᑎᖃᕆᐊᕐᓂᕐᒧᑦ ᐸᕐᓇᐅᑎᒥᒃ

ᓴᒃᑯᑕᐅᑲᐅᑎᒋᔭᕆᐊᓖᑦ
ᐃᖃᓗᐃᑦ, ᓄᓇᕗᑦ (ᔫᓂ 8, 2026) — ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓱᑦᑐᑦ ᑐᓴᖅᑎᑦᑎᔭᕆᐊᒃᓴᖅ ᓄᓇᕗᒻᒥ ᐃᓄᐃᑦ ᓯᓚᑉ ᐊᓯᔾᔨᕐᓂᖓᓄᑦ ᖃᓄᐃᓕᐅᕈᑎᖃᕆᐊᕐᓂᕐᒧᑦ ᐸᕐᓇᐅᑎ ᐊᖏᖅᑕᐅᓯᒪᓕᕐᒪᑦ ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᖕᓄᑦ. ᐊᖏᖅᑕᐅᓂᖓ ᑖᔅᓱᒪᑉ ᓄᓇᕗᒻᒥ ᐃᓄᐃᑦ ᓯᓚᑉ ᐊᓯᔾᔨᕐᓂᖓᓄᑦ ᖃᓄᐃᓕᐅᕈᑎᖃᕆᐊᕐᓂᕐᒧᑦ ᐸᕐᓇᐅᑎᑉ ᐋᖅᑮᔪᖅ ᓯᕗᓪᓕᖅᐹᒥᒃ ᐃᓄᖕᓄᑦ−ᓯᕗᒃᑲᖅᑖᖑᔪᒥᒃ ᓯᓚᑉ ᐊᓯᔾᔨᕐᓂᖓᓄᑦ ᖃᓄᐃᓕᐅᕈᑎᖃᕆᐊᕐᓂᕐᒧᑦ ᑐᙵᕕᖓᓂᒃ ᓄᓇᕗᒻᒧᑦ ᐊᒻᒪᓗ ᐊᖅᑯᓯᐅᕈᑎᒋᔭᐅᕗᖅ ᖃᓄᐃᓕᐅᕈᑎᖃᕆᐊᕐᓗᓂ ᐊᑦᑐᐃᓂᖃᓕᖅᐸᓪᓕᐊᑐᐃᓐᓇᖅᑐᓄᑦ ᓯᓚᑉ ᐊᓯᔾᔨᕐᓂᖓᓄᑦ ᐃᓄᐃᑦ ᓄᓇᓕᖏᖕᓄᑦ.
ᒪᓕᑦᑐᒋᑦ ᐃᓅᓯᕆᔭᖏᑦ ᐃᓄᐃᑦ ᐃᓅᔪᑦ ᓄᓇᕗᓕᒪᕐᒥ, ᓄᓇᕗᒻᒥ ᐃᓄᐃᑦ ᓯᓚᑉ ᐊᓯᔾᔨᕐᓂᖓᓄᑦ ᖃᓄᐃᓕᐅᕈᑎᖃᕆᐊᕐᓂᕐᒧᑦ ᐸᕐᓇᐅᑎ ᑲᑎᑎᑦᑎᔪᖅ ᑲᑐᔾᔭᐅᔪᓂᒃ ᓯᕗᓪᓕᐅᑎᔭᓂᒃ, ᑎᑭᑕᐅᓇᓱᐊᖅᑐᓂᒃ, ᐊᒻᒪᓗ ᓂᕆᐅᒋᔭᓂᒃ ᓯᓚᑉ ᐊᓯᔾᔨᕐᓂᖓᑕ ᖃᓄᐃᓕᐅᕈᑎᒋᔭᐅᓂᐊᖅᑐᓄᑦ ᐱᓪᓗᒋᑦ. ᐋᖅᑮᓪᓗᓂᓗ ᑕᒪᐃᓐᓂ ᑐᑭᒧᐊᑦᑎᑦᑎᓂᖏᖕᓂᒃ ᓄᓇᕗᑦ …

ᓄᓇᕗᑦ ᑐᙵᕕᒃ ᑎᒥᖓᓄᑦ ᑲᑎᒪᔨᖏᑦ ᑲᑎᒪᓂᖓ

ᐃᕐᖐᓐᓇᖅ ᓴᖅᑭᖅᑕᐅᒋᐊᓕᒃ
(ᔫᓂ 5, 2026– ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑲᑎᒪᔨᖏᑦ ᑲᑎᒪᓛᖅᑐᑦ ᐅᓪᓛᒃᑯᑦ ᓇᒡᒐᔾᔭᐅ, ᔫᓂ 8, 2026, 5302 ᖁᓪᓕᖅ ᑯᐊᑦ, ᐃᖃᓗᐃᑦ, ᓄᓇᕗᑦ.
ᑲᑎᒪᓂᖅ ᒪᑐᐃᖓᔪᖅ ᑭᒃᑯᑐᐃᓐᓇᕐᓄᑦ ᐊᒻᒪᓗ ᓄᓇᓕᖕᒥᐅᑦ ᑐᙵᓱᑦᑎᑕᐅᔪᑦ ᑲᑎᒪᔪᓅᕈᒪᒍᑎᒃ, ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᓈᓚᒍᓐᓇᕐᒥᔪᖅ ᑐᙵᕕᒃᑯᑦ ᕙᐃᔅᐳᒃᖓᓂ, ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᑕᑯᑦᓴᐅᑦᓴᐅᑎᒋᔪᒃᑯᑦ ᐃᓄᒃᑎᑐᑦ ᖃᓪᓗᓈᑎᑐᓪᓘᓐᓂᑦ ᐅᕙᓂ:
https://baldwinav.zoom.us/j/86593092151?pwd=i1h271sOsxUbD89L9MSuBdBsdpRERE.1
ᑭᒃᑯᑦ: ᓄᓇᕗᑦ ᑐᙵᕕᒃ ᑎᒥᖓᓄᑦ ᑲᑎᒪᔨᖏᑦ
ᖃᓄᖅ: ᑲᑎᒪᔩᑦ ᑲᑎᒪᓂᖓ
ᓇᓂ: 5302 ᖁᓪᓕᖅ ᑯᐊᑦ, ᐃᖃᓗᐃᑦ, ᓄᓇᕗᑦ
ᖃᖓ: ᓇᒡᒐᔾᔭᐅ, ᔫᓂ 8, 2026 10:30 ᐅᓪᓛᒃᑯᑦ
ᑐᓴᕋᑦᓴᙳᖅᑎᑕᐅᔪᓂᒃ ᖃᐅᔨᒋᐊᕐᕕᒃᓴᖅ:
ᐋᓂ ᑖᒻᓕᓐᓴᓐ
ᑐᑭᒧᐊᒃᑎᑦᑎᔨᖓ ᑐᓴᐅᒪᔾᔪᑎᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ

Download (PDF, 303KB)

ᐃᓕᓴᕆᔭᐅᓯᒪᔪᑦ ᐅᓄᕐᓂᖏᑦ ᓂᕈᐊᖅᑕᐅᔪᑦ 2026−ᒥ ᐊᖓᔪᖅᑳᒃᓴᒧᑦ ᑕᒪᐅᓇᑐᐃᓐᓇᖅ ᓂᕈᐊᖅᑎᓪᓗᒋᑦ

ᓴᖅᑭᖅᑕᐅᑲᐅᑎᒋᔭᕆᐊᓖᑦ
(ᒪᐃ 27, 2026 – ᐃᖃᓗᐃᑦ, ᓄᓇᕗᑦ) ᐅᓪᓗᒥ, ᓄᓇᕗᑦ ᑐᓐᖓᕕᒃ ᑎᒥᖓᑦᑕ (NTI) ᐊᖓᔪᖅᑳᖅ ᓂᕈᐊᖅᑐᓕᕆᓂᕐᒧᑦ ᔫ ᑯᓄᒃ ᑐᓴᖅᑎᑦᑎᖅᑲᐅᔪᖅ ᐅᓇ ᐊᑦᑕᓄᐊᖅ ᐅᓗᖅᓯ ᓂᕈᐊᖅᑕᐅᓂᖓᓂᒃ ᐊᖓᔪᖅᑳᖓᓐᓄᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ 19.6%−ᓂᒃ ᓂᕈᐊᖅᑕᐅᓂᖃᓚᐅᖅᑐᖅ.
ᐊᑦᑕᓄᐊᖅ ᐅᓗᖅᓯ ᐊᖓᔪᖅᑳᖑᓂᐊᖅᑐᖅ ᑎᑭᒐᓱᐊᕐᓂᖓᓂ ᑎᓯᐱᕆ 2028.
ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᐃᓚᒋᔭᐅᕗᖅ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑲᑎᒪᔨᖏᓐᓄᑦ ᐊᒻᒪᓗ ᐊᐅᓚᑦᓯᔨᑦ ᑲᑎᒪᔨᕋᓛᖏᓐᓄᑦ, ᐃᒃᓯᕙᐅᑕᐅᓯᓐᓈᑦ, ᑲᑎᒪᔨᐅᓯᓐᓈᑦ ᐊᒻᒪ/ᐅᕝᕙᓘᓐᓃᖅ ᐸᐸᑦᑎᔨᐅᔪᓄᑦ ᐊᒻᒪᓗ ᑎᒥᐅᔪᓄᑦ ᑲᑎᒪᔨᐅᖃᑕᐅᓪᓗᓂ ᐅᑯᓄᖓ:

ᒪᑭᒋᐊᖅᑕ ᐃᓄᐃᑦ ᐱᓕᒻᒪᒃᓴᐃᔩᑦ ᑯᐊᐳᕇᓴᖓᓐᓄᑦ: ᐃᓕᓐᓂᐊᖅᑎᑦᓯᓂᕐᒧᑦ ᐱᓕᕆᔾᔪᑎᓄᑦ ᐊᒃᑐᐊᓂᖃᖅᑐᑦ ᐃᓄᐃᑦ ᐱᓕᒻᒪᒃᓴᖅᑕᐅᓂᖏᓐᓄᑦ ᐊᒻᒪᓗ ᐃᓕᓐᓂᐊᖅᑎᑕᐅᓂᖏᓐᓄᑦ
ᓄᓇᕗᑦ ᐃᓄᐃᑦ ᓄᓇᒥᓐᖔᖅᑐᓂᑦ ᑮᓇᐅᔭᓕᐅᕈᑎᓂᒃ ᐸᐸᑦᓯᔨᖏᑦ: ᐊᐅᓚᑕᐅᓂᖏᑦ ᓄᓇᒥ ᑮᓇᐅᔭᓕᐅᕈᑕᐅᔪᑦ ᐱᔭᐅᓯᒪᓂᑯᑦ ᐃᓄᐃᑦ ᓇᖕᒥᓂᕆᓗᒋᑦ …

ᑐᙵᕕᒃᑯᑦ ᑲᑐᔾᔨᖃᑎᖃᖅᑐᑎᒃ ᐅᕙᒍᑦ ᑕᓚᕖᓴᖓᓂᒃ ᖃᕆᓴᐅᔭᒃᑰᑎᑦᓯᓂᐊᖅᑐᑦ ᓂᕈᐊᕋᑦᓴᓕᒫᑦ ᐋᔩᕋᕈᑎᖏᓐᓂᒃ ᐊᖓᔪᖅᑳᑦᓴᒥᒃ ᓂᕈᐊᕐᓂᐅᓂᐊᖅᑐᒧᑦ

ᓴᖅᑭᖅᑕᐅᑲᐅᑎᒋᔭᕆᐊᓖᑦ
(ᒪᐃ 13, 2026 – ᐃᖃᓗᐃᑦ, ᓄᓇᕗᑦ) – ᓄᓇᕗᑦ ᑐᙵᕕᒃ ᑎᒥᖓ ᐃᓇᑦᓯᔪᖅ ᓄᓇᕗᒻᒥ ᐃᓄᐃᑦ ᑕᑯᓐᓇᖁᓪᓗᒋᑦ, ᑐᑭᓯᒃᑲᓐᓂᕈᑎᒃᓴᖏᓐᓂᒃ ᓂᕈᐊᕋᑦᓴᐃᑦ ᒥᑦᓵᓄᑦ, ᐊᒻᒪᓗ ᐃᓚᒋᔭᐅᓗᑎᒃ ᓂᕈᐊᖅᑕᐅᓯᒪᔪᓄᑦ ᐊᐅᓚᓂᕆᔭᐅᓲᓂᒃ ᑕᑯᓐᓇᕐᓗᒋᑦ ᖃᕆᓴᐅᔭᒃᑯᑦ ᓂᕈᐊᕋᑦᓴᓕᒫᑦ ᐋᔩᕐᓂᖏᑦ.
ᑲᑐᔾᔨᖃᑎᖃᕐᓗᑎᒃ ᐅᕙᒍᑦ ᑕᓚᕖᓴᖓᓂᒃ, ᑐᙵᕕᒃᑯᑦ ᐊᐅᓚᑦᓯᓂᐊᖅᑐᑦ ᑕᑯᑦᓴᐅᑦᓴᐅᑎᒋᔪᓂᒃ ᐊᖓᔪᖅᑳᒧᑦ ᓂᕈᐊᕋᑦᓴᓂᒃ ᑕᓪᓕᒥᕐᒥ, ᒪᐃ 15, 2026, ᐱᒋᐊᕐᓂᐊᖅᑐᑦ 6-ᒨᖅᑲᑦ ᖃᐅᔨᓴᐅᑦ ᑲᓇᓐᓇᐅᑉ ᖃᐅᔨᓴᐅᑖᒍᑦ. ᐋᔩᕋᕐᓂᖅ ᑕᑯᑦᓴᐅᑦᓴᐅᑎᒋᓂᐊᖅᑐᖅ ᐅᕙᒍᑦ ᑕᓚᕖᓴᖓᒍᑦ ᐊᒻᒪᓗ ᑐᙵᕕᒃᑯᑦ ᖃᕆᓴᐅᔭᒃᑯᑦ ᕙᐃᔅᐳᒃᑲᖓᒍᑦ, ᑕᑯᓐᓇᖅᑕᐅᒍᓐᓇᓂᐊᖅᑐᖅ ᓄᓇᕗᒻᒥ ᓯᓚᑖᓂᓗ.
ᑲᑎᓐᓂᐅᔪᖅ ᓄᓇᕗᒻᒥ ᐃᓄᓐᓄᑦ ᑐᓴᕐᕕᖃᕈᓐᓇᑎᑦᓯᓂᐊᖅᑐᖅ ᑐᕋᐃᓐᓇᖅᑐᒥᒃ ᓂᕈᐊᕋᑦᓴᓂᒃ, ᑐᑭᓯᒃᑲᓂᕐᓗᑎᒃ ᓯᕗᓪᓕᐅᑎᒍᒪᔭᖏᓐᓂᒃ ᑕᑯᓐᓇᒐᖏᓐᓂᓪᓗ, ᐊᒻᒪᓗ ᑐᓴᐅᒪᓕᕐᓗᑎᒃ ᑐᖔᓂ ᓂᕈᐊᕐᓇᐅᑉ ᐅᓪᓗᖓᑕ. ᑐᙵᕕᒃᑯᑦ ᐃᓇᑦᓯᒻᒥᔪᑦ ᓄᓇᕗᒻᒥ ᐃᓄᓐᓂᒃ ᐃᓚᒋᔭᐅᖁᓪᓗᒋᑦ …

ᓂᕈᐊᖅᑐᓕᕆᔨᒻᒪᕆᒃ ᑭᓇᐅᒻᒪᖔᖅ ᓇᓗᓇᐃᖅᑕᐅᕗᖅ ᑖᒃᑯᐊ 2026-ᒥ ᓄᓇᕗᑦ ᑐᙵᕕᒃ ᑎᒥᖓ ᒪᐅᓇᑐᐃᓐᓇᖅ ᓂᕈᐊᖅᑎᑦᑎᑎᓪᓗᒋᑦ ᐊᖓᔪᖅᑳᑉ ᐃᓂᖓᓄᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᒫᑦᓯ 31, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐹᓪ ᐃᕐᖓᐅᑦ ᑐᓴᖅᑎᑦᑎᕗᖅ ᔫ ᐋᓪᓚ ᑯᓄᒃ, ᐱᓕᕆᖃᑎᖃᖅᑐᓂ ᐊᔮᔮ ᓴᖅᑭᔮᖅᑎᑦᑎᔨᖏᑦ ᐊᒻᒪᓗ ᑐᓴᐅᒪᑎᑦᑎᔪᓕᕆᔨᖏᑦ, ᑎᒃᑯᐊᖅᑕᐅᖕᒪᑦ ᓂᕈᐊᖅᑐᓕᕆᔨᒻᒪᕆᐅᓛᖅᑐᓂ ᓄᓇᕗᑦ ᑐᙵᕕᒃ ᑎᒥᖓᑕ ᒪᐅᓇᑐᐃᓐᓇᖅ ᓂᕈᐊᖅᑎᑦᑎᓂᕆᓛᖅᑕᖓᓄᑦ ᐊᖓᔪᖅᑳᑉ ᐃᓂᖓᓄᑦ, ᓂᕈᐊᖅᑐᖃᓛᖅᑐᓂ ᐱᖓᓲᓕᖅᓲᑦ, ᒪᐃ 27, 2026.
ᓂᕈᐊᕋᒃᓴᓕᐅᕐᓂᖅ ᑖᔅᓱᒧᖓ ᓂᕈᐊᕐᓇᒧᑦ ᒪᑐᐃᕋᔭᖅᑐᖅ ᐱᖓᓲᓕᖅᓲᑦ, ᐄᐳᕈᓪ 15 ᑎᑭᓪᓗᒍ ᓇᒡᒐᔾᔭᐅᓕᖅᑭᒃ, ᐄᐳᕈᓪ 21, 2026. ᓂᕈᐊᕋᒃᓴᐅᒍᓐᓇᖁᓪᓗᑎᑦ ᐅᕝᕙᓘᓐᓃᑦ ᓂᕈᐊᕈᓐᓇᓛᖁᓪᓗᑎᑦ ᐃᒪᐃᑦᑕᕆᐊᖃᖅᑐᑎᑦ ᐃᓄᐃᑦ ᑲᓇᑕᒥᐅᑕᐅᓗᑎᑦ, 16−ᓂᒃ ᐅᑭᐅᖃᕐᓗᑎᑦ ᒪᐃ 27, 2026−ᒥ, ᐊᒻᒪᓗ ᐊᑎᓕᐅᖅᑕᐅᖃᑕᐅᓯᒪᓗᑎᑦ ᓄᓇᕗᑦ ᐊᖏᕈᑎᖓᓄᑦ. ᓂᕈᐊᕋᒃᓴᓕᐅᖅᑎᑦᑎᓂᖅ ᐅᓪᓗᖓ ᐱᒋᐊᕈᓂ, ᓂᕈᐊᕋᒃᓴᓕᐅᕐᓂᕐᒧᑦ ᓈᑎᕆᐊᓖᑦ ᐊᑐᐃᓐᓇᐅᒪᓛᖅᑐᑦ ᓂᕈᐊᖅᑐᓕᕆᔨᒻᒪᕆᒻᒥᒃ ᓄᓇᓕᓐᓂ ᑐᓴᐅᒪᑎᑦᑎᔨᓂᒃ, …

ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐃᓱᒪᓕᐅᕈᑎᖃᖅᑐᑦ ᐃᓄᐃᑦ ᐃᓕᒌᓐᓂᖏᖕᓂᒃ, ᑮᓇᐅᔭᓂᒃ ᐃᒡᓗᓕᕆᓂᕐᒨᖓᔪᓂᒃ, ᐋᓐᓂᐊᖅᑐᓕᕆᓂᕐᒧᑦ ᓇᓕᒧᒌᑦᑐᒃᑰᖁᔭᐅᓂᖏᓐᓂᒃ, ᐊᒻᒪᓗ ᓂᕈᐊᕆᐊᖅᑐᖁᔨᓂᕐᒧᑦ ᐱᓕᕆᐊᖑᔪᒥᒃ

ᓴᒃᑯᑕᐅᑲᐅᑎᒋᔭᕆᐊᓕᒃ
 (ᒫᑦᓯ 30, 2026 – ᓅᒃ, ᑲᓛᖡᑦ ᓄᓈᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐱᔭᕇᓚᐅᖅᑐᑦ ᑲᑎᒪᓂᕐᒥᓂᒃ ᐃᑉᐸᒃᓴᖅ, ᓅᒃ, ᑲᓛᖡᑦ ᓄᓈᓐᓂ, ᐊᒥᓱᓂᒃ ᐅᓪᓗᓂᒃ ᐅᖃᐅᓯᖃᓚᐅᖅᑐᑎᑦ ᐱᔾᔪᑎᖃᓗᐊᖅᑐᓂᒃ ᐃᓄᐃᑦ ᓯᕗᓪᓕᐅᑎᖁᔭᕐᒥᓂᒃ. ᑖᒃᑯᐊ ᐅᖃᐅᓯᐅᓚᐅᕐᒥᔪᑦ ᐃᒡᓗᓕᕆᓂᖅ, ᐃᓕᓐᓂᐊᕐᓂᓕᕆᓂᖅ, ᐊᐅᓚᑦᓯᔨᓂᖅ, ᐊᒻᒪᓗ ᓴᙵᑦᑎᕆᔭᐅᓂᖏᑦ ᐱᓕᕆᖃᑎᒌᓐᓂᖏᑕ ᐃᓄᐃᑦ ᐃᖅᑲᓇᐃᔭᖃᑎᒌᑦᑐᑦ ᐃᓄᐃᑦ ᓄᓈᓐᓂ.
“ᖁᔭᓕᕗᖓ ᑲᑎᒪᔨᐅᖃᑕᐅᔪᑦ ᑲᑎᓚᐅᕐᒪᑕ ᐃᓱᒪᓕᐅᕆᐊᖅᑐᖅᑐᑎᑦ ᐋᖅᑮᔾᔪᑎᓂᒃ ᓯᕗᓂᒃᓴᕆᔭᖏᖕᓂᒃ ᐃᓄᖁᑎᑦᑕ,” ᐅᖃᖅᑐᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐹᓪ ᐃᕐᖓᐅᑦ. “ᑎᓕᔭᐅᔾᔪᑎᒋᓯᒪᔭᕗᑦ ᑐᙵᕕᓕᒃ ᐃᓄᐃᑦ ᐃᓕᒌᓐᓂᖏᓐᓂᒃ, ᐊᒻᒪᓗ ᑕᒪᒃᑯᐊ ᑲᑎᒪᓂᐅᔪᑦ ᐊᔾᔨᖃᖅᑐᑦ ᑲᑐᑎᔭᑦᑎᓐᓂᒃ ᑲᒪᒋᔭᕆᐊᓕᑦᑎᓐᓂᒃ ᑭᒡᒐᖅᑐᖅᑐᒋᑦ ᐃᓄᐃᑦ.”
ᐃᓄᐃᑦ ᓄᓈᑦ
ᓅᒃ−ᒦᑦᑎᓪᓗᒋᑦ, ᑲᑎᒪᔩᑦ ᑲᑎᒪᖃᑎᖃᓚᐅᖅᑐᑦ ᓯᕗᓕᖅᑎᓂᒃ ᓄᓇᕐᔪᐊᑉ ᐅᑭᐅᖅᑕᖅᑐᖓᓂᕐᒥᐅᑦ ᑲᑎᒪᔨᖏᓐᓂᒃ, ᓂᕈᐊᖅᑕᐅᓯᒪᔪᓂᒃ ᑲᓛᖡᑦ ᓄᓈᓐᓂ …

ᓄᓇᕗᑦ ᑐᙵᕕᒃ ᑎᒥᖓ ᐅᖓᕙᕆᐊᖁᔨᔪᖅ ᐊᑯᓂᐅᓂᖓᓂᒃ ᖁᑭᐅᑎᓖᑦ ᓄᓇᕗᒻᒥ ᖁᑭᐅᑎᖃᕈᓐᓇᖁᓪᓗᒋᑦ ᐱᖁᔭᖅᑎᒍᑦ ᖁᑭᐅᑎᖃᕆᐊᖃᙱᓐᓂᕋᐃᔾᔪᑎᒧᑦ

(ᒫᑦᓯ 26, 2026 – ᓅᒃ, ᑲᓛᖡᑦ, ᓄᓈᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᑎᒪᓚᐅᖅᑐᑦ ᑲᒪᒋᔭᖃᖅᑐᑎᑦ ᒐᕙᒪᑐᖃᒃᑯᑦ ᖁᑭᐅᑎᓂᒃ ᐱᖁᔭᖓᓂᒃ ᐊᑦᑐᐃᓂᓖᑦ ᐊᖑᓇᓱᒍᓐᓇᓂᕐᒧᑦ ᐱᔪᓐᓇᐅᑎᖏᓐᓂᒃ ᐊᑐᐃᓐᓇᖁᓪᓗᒋᑦ ᐊᑦᑕᕐᓇᖅᑕᐃᓕᒪᖁᓪᓗᒋᓪᓗ ᓄᓇᒦᑦᑎᓪᓗᒋᑦ.
ᑲᑎᒪᔩᑦ ᐅᖃᐅᓯᖃᖅᑲᐅᕗᑦ ᐃᓄᐃᑦ ᐃᓱᒫᓘᑎᒥᓂᒃ ᐱᔾᔪᑎᖃᖅᑐᓂᒃ ᒫᓐᓇᒫᖑᔪᖅ ᒐᕙᒪᑐᖃᒃᑯᑦ ᖁᑭᐅᑎᖃᕆᐊᖃᙱᓐᓂᕐᒧᑦ ᐃᓚᖏᓐᓂᒃ ᐱᖁᔭᖅ, ᖃᐅᔨᒪᔭᐅᒻᒥᔪᖅ ᐱᖁᔭᒃᓴᖅ C-21, ᒪᓕᑦᑕᐅᔭᕆᐊᖃᓕᓚᐅᖅᓯᒪᔪᖅ ᑎᓰᕝᕙ 15, 2025, ᖁᑭᐅᑎᖃᕆᐊᖃᕈᓐᓃᖅᑎᑦᑎᓯᒪᔪᖅ ᐅᖓᑖᓃᑦᑐᓂᒃ 2,500 ᖁᑭᐅᑎᓂᒃ ᐊᒻᒪᓗ ᖃᓄᐃᑦᑑᓂᖏᓐᓂᒃ ᑕᐃᔭᐅᔪᑦ “ᐅᓇᑕᕈᑕᐅᓲᑦ” ᖁᑭᐅᑏᑦ. ᑲᑎᒪᔩᑦ ᐱᖁᔨᕗᖔᕈᑎᒥᒃ ᐊᖏᖅᓯᖅᑲᐅᔪᑦ ᑲᓇᑕᒥ ᒐᕙᒪᒃᑯᓐᓂ ᐊᑯᓂᐅᓂᖅᓴᐅᖁᔨᓪᓗᑎᑦ ᖁᑭᐅᑏᑦ ᐊᑐᖅᑕᐅᔭᕆᐊᖃᙱᑦᑐᑦ ᖁᔭᓈᖅᑕᐅᓯᒪᓂᖏᑦ ᓄᓇᕗᒻᒥ ᑕᓪᓕᒪᒃᑲᓐᓂᕐᓄᑦ ᐊᕐᕌᒍᓄᑦ ᐅᖓᑕᐅᔨᔭᐅᓗᓂ ᐋᖅᑭᒃᓯᒪᓂᖓᑕ ᐃᓱᓕᓐᓂᖓ ᐊᒃᑑᕝᕙ 30, 2026-ᒥ, ᐊᒻᒪᓗ ᑖᒃᑯᐊ ᓄᓇᖃᖅᑳᖅᓯᒪᔪᑦ ᒪᓕᙲᓐᓇᖁᔭᐅᓪᓗᑎᑦ ᐱᖁᔭᕐᒥᒃ …

ᓄᓇᕗᑦ ᑐᙵᕕᒃ ᑎᒥᖓ ᓴᙵᑦᑎᑦᑎᕗᖅ ᐃᓄᐃᑦ−ᐃᓅᖃᑎᖏᖕᓄᑦ ᐱᓕᕆᖃᑎᖃᕐᓂᖏᓐᓂᒃ ᑲᓛᖡᑦ ᓄᓈᓐᓂ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᒫᑦᓯ 25, 2026 – ᓅᒃ, ᑲᓛᖡᑦ ᓄᓈᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᑎᒪᔪᑦ ᑕᒫᓂ ᐱᓇᓱᐊᕈᓯᑦᑎᓐᓂ ᓅᒃ, ᑲᓛᖡᑦ ᓄᓈᓐᓂ, ᓄᓇᕐᔪᐊᕐᒥ ᒐᕙᒪᐃᑦ ᐱᔪᒪᓂᖃᕐᓂᖅᓴᐅᔪᒪᓕᖅᑎᓪᓗᒋᑦ ᐅᖅᑰᓇᖅᓯᕙᓪᓕᐊᔪᒥᒃ ᐅᑭᐅᖅᑕᖅᑐᒥ.
“ᐱᒻᒪᕆᐅᕗᖅ ᐃᓄᐃᑦ ᑕᑯᒃᓴᐅᑎᑦᑏᓐᓇᕈᑎᒃ ᓴᙱᔪᒥᒃ ᐃᓕᒌᓐᓂᖏᓐᓂᒃ ᐃᓄᐃᑦ ᓄᓈᓐᓂ. ᐅᑭᐅᖅᑕᖅᑐᖅ ᓂᐅᕕᐊᒃᓴᐅᙱᒻᒪᑦ. ᐅᓯᑲᑦᑕᕐᕕᐅᙱᑦᑐᓂ, ᐅᔭᕋᓐᓂᐊᕐᕕᐅᙱᑦᑐᓂ, ᐅᕝᕙᓘᓐᓃᑦ ᐃᖃᓗᒐᓱᐊᕐᓂᕐᒧᑦ ᑰᑕᖃᕐᕕᐅᙱᑦᑐᓂ. ᐅᑭᐅᖅᑕᖅᑐᖅ ᐊᖏᕐᕋᕆᒐᑦᑎᒍᑦ ᐊᒻᒪᓗ ᐊᖏᕐᕋᕇᓐᓇᕐᓂᐊᖅᑐᑎᒍᑦ.” ᐅᖃᖅᑐᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ, ᐹᓪ ᐃᕐᖓᐅᑦ.
ᒪᓕᑦᑐᒋᑦ ᑐᓴᕆᐊᖅᑎᑕᐅᓯᒪᓂᖏᑦ ᓄᓇᕗᑦ ᑐᙵᕕᒃ ᑎᒥᖓᑕ ᑮᓇᐅᔭᓕᐅᕋᓱᐊᕐᓂᕐᒧᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᑕ ᐅᓂᒃᑳᖓ, ᑲᑎᒪᔩᑦ ᐊᒥᓱᓂᒃ ᑮᓇᐅᔭᓕᕆᓂᕐᒧᑦ ᐱᖁᔨᕗᖔᕈᑎᓕᐅᓚᐅᖅᑐᑦ.
ᑮᓇᐅᔭᓂᒃ ᐃᑲᔫᑎᓕᐅᓚᐅᕐᒥᔪᑦ $100,000 ᐊᖏᖅᑕᐅᓪᓗᓂ ᐋᖅᑭᒃᑕᐅᖁᓪᓗᒍ ᐃᒃᓯᕙᐅᑕᖓ ᐃᓄᐃᑦ ᓯᓚᕐᔪᐊᕐᒥᐅᑦ ᑲᑎᒪᔨᖏᑦ ᑲᓇᑕᒥ ᐃᓐᓄᒃᑕᐅᓯᒪᓛᖅᑐᓂ ᐃᓄᒻᒧᑦ ᑲᓇᑕᒥ …

ᑐᙵᕕᒃᑯᑦ ᑭᒡᒍᑎᖓ ᐃᑲᔪᖅᑎᒌᒃᑕ − 7-ᖓᓂ ᓄᓇᕗᒻᒥ ᒪᓕᒐᓕᐅᖅᑏᑦ ᑐᕌᒐᖓ

ᐃᕐᖐᓐᓇᖅ ᓴᖅᑭᖅᑕᐅᒋᐊᓖᑦ
(ᒫᑦᓯ 23, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ)
ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᖁᕕᐊᒋᔭᓕᒃ ᑕᑯᒋᐊᑦᓴᖅ ᓯᕗᓪᓕᐅᑎᔭᑦᓴᓂᒃ ᓇᓗᓇᐃᖅᑕᓂᒃ ᐃᑲᔪᖅᑎᒌᑦᑕ, 7-ᖓᓂ ᒪᓕᒐᓕᐅᖅᑏᑦ ᑐᕌᒐᖓ ᓴᖅᑭᖅᑕᐅᔪᖅ ᐅᓪᓗᒥ. ᐊᖏᕈᑦ ᓴᕐᖓᑎᑦᓯᒍᑎ ᐃᓄᐃᑦ ᓇᖕᒥᓂᖅᓱᐸᓪᓕᐊᓂᖏᓐᓂᒃ ᑲᔪᓯᑎᑦᓯᓂᕐᒧᑦ ᓄᓇᕗᑦ ᐊᖏᕈᑎᖓᓂᒃ ᐊᒻᒪᓗ ᓯᑕᒪᑦ ᑐᙵᕕᒋᔭᐅᓂᐊᖅᑐᑦ ᓇᓗᓇᐃᖅᑕᑦ ᑖᒃᑯᓇᓂ ᐃᑲᔪᖅᑎᒌᑦᑕ ᓇᓕᖅᑯᑦᓯᔪᑦ ᑐᙵᕕᒃᑯᑦ ᑲᑐᔾᔨᖃᑎᒌᑦ ᓯᕗᓪᓕᐅᑎᒐᑦᓴᖏᓐᓂᒃ ᓇᓗᓇᐃᖅᓯᒪᔪᓂᒃ ᐃᓄᖕᓂᒃ ᒪᑭᑉᐸᓪᓕᐊᑎᑦᑎᓂᖅ 2025-2029.
“ᑐᙵᕕᒃᑯᑦ ᐊᖏᖅᓯᒪᐃᓐᓇᖅᑐᑦ ᐱᓕᕆᓂᕐᒥᒃ ᐃᑲᔫᑎᒍᓐᓇᖅᑐᓂᒃ ᓄᓇᕗᑦ ᒐᕙᒪᖓᓂᒃ (GN) ᐊᒻᒪᓗ ᒪᓕᒐᓕᐅᖅᑎᓂᒃ ᓯᕗᒧᐊᖁᓪᓗᒋᑦ ᑲᑐᔾᔨᓂᒃᑯᑦ ᓯᕗᓪᓕᐅᔾᔭᐅᔭᕆᐊᖁᑎᕗᑦ, ᐱᓗᐊᖅᑐᒥ ᑕᒪᒃᑯᓄᖓ ᐃᓪᓗᓕᕆᓂᕐᒧᑦ, ᐃᖅᑲᓇᐃᔮᑉ−ᑐᖔᓂ ᐱᓕᖕᒪᒃᓴᐅᑎᓄᑦ ᐊᒻᒪᓗ ᐃᓄᐃᑦ ᐃᖅᑲᓇᐃᔮᒧᑦ ᐸᕐᓇᐅᑎᖏᓐᓂᒃ, ᐃᓱᒪᒃᑯᑦ ᖃᓄᐃᙱᑦᓯᐊᓂᕐᒥᒃ ᐊᒻᒪᓗ ᐃᓐᓇᕐᓂᒃ ᐸᖅᑭᑦᓯᓂᕐᒥᒃ” …

ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑲᑎᒪᓛᖅᑐᑦ ᓅᒃ, ᑲᓛᖡᑦ ᓄᓈᓐᓂ

(ᒫᑦᓯ 23, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑕ ᑲᑎᒪᓂᖏᑦ ᐱᒋᐊᓛᖅᑐᑦ ᖃᐅᑉᐸᑦ, ᒫᑦᓯ 24, 2026, ᓅᒃ, ᑲᓛᖡᑦ ᓄᓈᓐᓂ. ᐃᓂᖓᑕ ᑲᑎᒪᓂᕆᓛᖅᑕᖓ ᓂᕈᐊᖅᑕᐅᓚᐅᖅᓯᒪᔪᖅ ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᑕᑯᒃᓴᐅᑎᑦᑎᔪᒪᓪᓗᑎᑦ ᐃᓕᒌᓐᓂᑦᑎᓐᓂᒃ ᐊᒻᒪᓗ ᑲᑐᔾᔨᖃᑎᖃᕐᓂᑦᑎᓐᓂᒃ ᑲᓛᖡᑦ ᓄᓈᓐᓂᒥᐅᓂᑦ.
ᑲᑎᒪᔩᑦ ᓈᓚᓛᖅᑐᑦ ᖃᓄᐃᓕᐅᓕᕐᓂᖏᓐᓂᒃ ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᑦ, ᕿᒥᕐᕈᓇᓪᓗᑎᑦ ᑐᒃᓯᕌᕆᔭᑦ 2026-2027
ᑮᓇᐅᔭᖅᑐᕈᑎᒃᓴᖏᑦ ᐱᖃᓯᐅᑎᓪᓗᒋᑦ ᓄᓇᕗᒻᒥ ᐊᖑᓇᓱᒃᑏᑦ ᐃᑲᔪᖅᑐᖅᑕᐅᓂᖏᖕᓄᑦ ᐱᓕᕆᐊᖅ, ᐅᖅᑯᔾᔭᐃᑦ ᐃᓐᓇᒻᒪᕆᖕᓄᑦ ᐊᑭᓕᐅᑕᐅᕙᑦᑐᑦ ᐊᒥᓱᕈᕆᐊᖅᑎᑕᐅᓂᖏᑦ, ᐊᑭᑐᓗᐊᙱᑦᑐᑦ ᐃᒡᓗᓕᐅᕐᓂᕐᒧᑦ ᓴᓂᕐᕚᖑᔪᑦ, ᑲᑎᒪᔩᑦ ᐃᓱᒪᒃᓴᖅᓯᐅᕈᑎᖃᓛᕐᒥᔪᑦ ᑎᒃᑯᐊᖅᑕᐅᓂᖏᓐᓂᒃ ᐃᒡᓗᕗᑦ ᑯᐊᐳᕇᓴᙵᓄᑦ.
ᐃᓄᐃᑦ ᑭᒃᑯᑐᐃᓐᓇᐃᑦ ᑕᑯᓐᓈᕈᓐᓇᓛᖅᑐᑦ ᑲᑎᒪᓂᐅᔪᓂᑦ ᐊᑐᕐᓗᑎᑦ ᖃᕋᓴᐅᔭᒃᑯᑦ ᑲᓱᖅᑕᕈᑎᖓᓂᒃ ᐊᒻᒪᓗ ᐅᖄᓚᓗᑎᑦ ᑐᑭᓯᒋᐊᕈᑎᖏᑦ ᐊᓪᓕᕐᒦᑦᑐᑦ:
 ᑲᑎᒪᔩᑦ ᑲᑎᒪᓂᖏᑦ
ᐃᑭᐊᖅᑭᕕᒃᑯᑦ: https://baldwinav.zoom.us/j/87272684601?pwd=023LKcuBmHn3GEnPJDArl9XyhJyQsj.1
ᐃᓯᕈᑎᖓ …

ᓄᓇᕗᑦ ᑐᙵᕕᒃ ᑎᒥᖓ ᑐᓴᖅᑎᑦᑎᕗᑦ ᒪᐃᒥ ᐊᖓᔪᖅᑳᕐᒧᑦ ᓂᕈᐊᖅᑎᑦᑎᓂᖃᓛᕐᒪᑕ ᒪᐅᓇᑐᐃᓐᓇᖅ ᓂᕈᐊᕕᔾᔪᐊᕐᓇᑉ ᐅᓪᓗᕆᙱᑕᖓᓂᒃ ᐊᒻᒪᓗ ᐊᖓᔪᖅᑳᑉ ᑐᖏᓕᕆᑲᐃᓐᓇᕐᓂᐊᖅᑕᖓ ᑎᒃᑯᐊᖅᑕᐅᓗᓂ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᒫᑦᓯ 18, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ ᐃᓚᒋᔭᐅᔪᑦ ᐊᒻᒪᓗ ᑲᑎᒪᔨᖏᑦ ᐃᓱᒪᓕᐅᓚᐅᖅᑐᑦ, ᒫᑦᓯ 13, 2026−ᖑᑎᓪᓗᒍ, ᒪᐅᓇᑐᐃᓐᓇᖅ ᓂᕈᐊᕐᓇᑉ ᐅᓪᓗᖓ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓᓄᑦ ᑎᓰᕝᕙ 2026−ᒥ ᓂᕈᐊᕐᕕᒃᓴᖃᓚᐅᕋᓗᐊᖅᑐᑎᑦ ᒪᐃ 27, 2026−ᒥᖔᖅ ᓂᕈᐊᖅᑐᖃᓛᓕᕐᒥᒻᒪᑦ.
ᔮᓐᓄᐊᕆᒥ ᑕᒫᓂ ᐊᕐᕌᒍᒥ, ᓄᓇᕗᑦ ᑐᙵᕕᒃ ᑎᒥᖓᓄᑦ ᐃᓚᒋᔭᐅᔪᑦ ᑎᒃᑯᐊᖅᓯᓚᐅᖅᓯᒪᔪᑦ ᐊᖓᔪᖅᑳᑉ ᑐᖏᓕᐊᓂᒃ ᐹᓪ ᐃᕐᖓᐅᑦ, ᐊᖓᔪᖅᑳᕐᒧᑦ, ᐊᖓᔪᖅᑲᑉ ᐃᓂᖓ ᐃᓄᖃᕈᓐᓃᓚᐅᖅᑎᓪᓗᒍ. ᐃᓚᒋᔭᐅᔪᑦ ᐃᓱᒪᓕᐅᖅᑐᒥᓃᑦ ᐊᑐᓕᖁᔭᖓᓂᒃ ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ, ᐊᒃᓱᕈᕐᓇᖅᓯᒪᒐᒥ ᓄᓇᕗᑦ ᑐᙵᕕᒃ ᑎᒥᖓ ᑭᒡᒐᖅᑐᐃᑦᑎᐊᕐᓗᑎᑦ ᐃᓄᓐᓂᒃ, ᒪᕐᕉᒃ ᑕᖅᑭᐅᓚᐅᖅᑑᓐᓂᒃ ᐊᑕᐅᓯᑐᐊᑯᓗᒻᒥᒃ ᐊᐅᓚᑦᑎᔨᖃᖅᑐᑎᑦ.
“ᐊᖓᔪᖅᑳᖅ ᐱᒻᒪᕆᐊᓗᒻᒥᒃ ᐱᓕᕆᐊᖃᓲᖅ ᑭᒡᒐᖅᑐᐃᓪᓗᓂ ᐃᓄᐃᑦ ᓂᐱᖏᖕᓂᒃ ᐊᒻᒪᓗ ᑲᒪᓪᓗᓂ ᓄᓇᕗᑦ …

ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓲᑎᖃᖅᑐᑦ ᐊᕐᕕᐊᑦ ᓂᕈᐊᖅᑕᐅᓂᖓᓂᒃ ᐃᓄᐃᑦ ᓄᓇᖓᓂ ᓯᓚᑦᑐᖅᓴᕐᕕᕐᔪᐊᑉ ᐃᓕᓐᓂᐊᕐᕕᖃᕐᕕᒋᓂᐊᓕᕐᒪᒍ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᕖᕝᕗᐊᕆ 11, 2026 – ᐋᑐᕚ, ᐋᓐᑎᐅᕆᔪ) ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓲᑎᓖᑦ ᐊᕐᕕᐊᑦ ᓄᓇᓕᖓ ᓂᕈᐊᖅᑕᐅᓂᖓᓂᒃ ᓯᓚᑦᑐᖅᓴᕐᕕᖃᕐᕕᐅᓂᐊᓕᕐᓂᖓᓂᒃ ᐃᓄᐃᑦ ᓄᓇᖓᓂ ᓯᓚᑦᑐᖅᓴᕐᕕᕐᔪᐊᖓᓂ, ᓇᓗᓇᐃᒃᑯᓯᖅᓯᓪᓗᑎᑦ ᐱᕚᓪᓕᖅᑐᒻᒪᕆᐅᓂᖏᓐᓂᒃ ᐃᓄᖕᓄᑦ−ᓯᕗᒃᑲᖅᑖᖑᔪᒥᒃ ᐃᓕᓐᓂᐊᕐᓂᓕᕆᔪᖃᕐᓂᐊᕐᓂᖓᓂᒃ.
“ᑕᒪᓐᓇ ᐅᐱᓐᓇᖅᑐᒻᒪᕆᐅᕗᖅ ᐊᒻᒪᓗ ᐊᑑᑎᖃᑦᓯᐊᖅᖢᓂ ᐅᓪᓗᖅ ᐃᓄᖕᓄᑦ, ᐃᓄᐃᑦ ᓄᓇᖓᓄᑦ, ᓄᓇᕗᒻᒧᑦ, ᐊᒻᒪᓗ ᐊᒃᓱᒻᒪᕆᒃ ᑲᓇᑕᒧᑦ,” ᐅᖃᖅᖢᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐹᓪ ᐃᕐᖓᐅᑦ. “ᐃᓱᒪᓕᐅᕈᑕᐅᓂᖓ ᓯᓚᑦᑐᖅᓴᕐᕕᓪᓗᐊᑕᖃᕐᕕᐅᓂᐊᕐᓂᖓ ᐃᓄᐃᑦ ᓄᓇᖓᑕ ᓯᓚᑦᑐᖅᓴᕐᕕᕐᔪᐊᖓᓄᑦ ᐊᕐᕕᐊᓃᓐᓂᐊᕐᓗᓂ ᐊᔾᔨᖃᖅᑐᖅ ᓴᙱᓂᖓᓂᒃ ᓄᓇᓕᑉ, ᐃᓄᒃᑎᑐᑦ ᐊᒻᒪᓗ ᐃᓄᐃᑦ ᐃᓕᖅᑯᓯᖓ ᑐᙵᕕᖃᒻᒪᕆᖦᖢᓂ, ᐊᒻᒪᓗ ᐃᓄᐃᑦ ᖃᐅᔨᒪᓂᖏᑦ ᐊᒻᒪᓗ ᓯᕗᓕᖅᑎᐅᓂᖏᑦ ᐊᑯᓂᐊᓗᒃ ᑐᑭᒧᐊᑦᑎᑦᑎᓯᒪᓂᖃᓕᖅᑐᑦ ᐃᓕᓐᓂᐊᕐᓂᕐᒥᒃ.”
ᐊᕐᕕᐊᑦ ᐃᓄᖕᓄᑦ−ᓯᕗᒃᑲᖅᑖᖑᔪᒥᒃ ᐃᓕᓐᓂᐊᕈᑎᒃᓴᓕᐅᕐᕕᐅᓯᒪᓕᕐᒪᑦ ᑐᙵᕕᖃᐅᖅᖢᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐃᓄᐃᑦ ᐃᓕᖅᑯᓯᑦᑎᕚᓗᖏᑕ ᐱᒻᒪᕆᒋᔭᖏᓐᓂᒃ ᐊᒻᒪᓗ …

ᓄᓇᕗᑦ ᒐᕙᒪᖓ ᐊᒻᒪ ᓄᓇᕗᑦ ᑐᙵᕕᒃᑯᑦ ᖁᕕᐊᓲᑎᖃᖅᐳᑦ ᐅᑭᐅᓂᒃ ᖁᓕᓂᒃ ᕿᓚᐅᑦ 2026−ᒥ ᓵᓚᖃᕋᓱᒃᑐᓂᒃ

ᓴᖅᑭᑕᐅᑲᐅᑎᒋᔭᕆᐊᓕᒃ
(ᕕᕗᐊᕆ 6, 2026 – ᐃᖃᓗᐃᑦ, ᓄᓇᕗᑦ) ᖁᕕᐊᓲᑎᒋᓗᒍ ᖁᓕᑦ ᓇᓪᓕᐅᓐᓂᖅᓯᐅᖅᑐᑦ ᕿᓚᐅᑦ ᐃᙱᐅᓯᓕᐅᕐᓂᕐᒧᑦ ᓵᓚᖃᕋᓱᒃᑐᑦ, ᓄᓇᕗᑦ ᒐᕙᒪᖓ (GN) ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᑎᒥᖓᑦ. (NTI) ᐱᓕᕆᖃᑎᖃᖅᑐᑦ ᐊᓕᐊᓇᐃᑦ ᖁᙱᐊᖅᑎᑦᑎᔨᒃᑯᓐᓂ 2026−ᒥ ᕿᓚᐅᒃᑯᓐᓂᑦ ᓵᓚᒃᓴᖅᑎᑦᑎᓇᓱᒃᑐᓂᒃ.
ᑕᐃᒪᙵᑦ ᓴᖅᑭᑕᐅᓚᐅᖅᑎᓪᓗᒍ 2015−ᒥ, ᕿᓚᐅᑦ ᑕᑯᒃᓴᐅᑎᑦᑎᖃᑦᑕᖅᓯᒪᕗᖅ ᐃᓱᒪᒃᓴᖅᓯᐅᕈᓐᓇᑦᑎᐊᕐᓂᖏᓐᓂᒃ ᐊᔪᙱᓐᓂᕆᔭᖏᓐᓂᒡᓗ ᐃᓄᒃᑐᑦ ᐃᙱᐅᑎᓂᒃ ᑎᑎᕋᖅᐸᒃᑐᑦ ᐃᙱᖅᑏᓪᓗ. ᑖᓐᓇ ᐊᕐᕌᒍ ᓇᓗᓇᐃᕈᒪᓪᓗᒍ, 2025−ᒥ ᓵᓚᒃᓴᖅᑐᑦ ᓄᓇᕘᓕᒫᒥ ᐃᙱᐅᓯᕐᓂᒃ ᓵᓚᖃᖅᑐᓂᒃ ᐅᖃᐅᓯᐅᓛᖅᑐᑦ. ᐊᑕᐅᑦᑎᒃᑰᖃᑎᖃᕐᓗᑎᒃ ᓂᔾᔭᐅᓯᔭᖅᑎᓂᒃ, ᐊᓕᐊᓇᐃᑦ ᐃᓄᒃᑐᑦ ᑎᑎᕋᕆᐅᖅᓴᑎᑦᑎᓛᖅᑐᑦ ᑕᒪᐃᓐᓂᒃ ᓄᓇᓕᖕᓂ. ᑐᓴᖅᑕᐅᔪᒃᓴᒃᑲᓐᓂᕐᓂᒃ ᒪᓂᒪᔪᖃᕐᓂᐊᖅᐳᖅ ᓄᓇᓕᖕᓂ ᓈᓚᐅᑎᒃᑯᑦ ᑭᒃᑯᑐᐃᓐᓇᓄᓪᓗ ᑐᓴᐅᑎᒃᑯᑦ.
ᓂᔾᔭᐅᓯᔭᕐᓃᑦ ᐋᖅᑭᒃᑕᐅᓯᒪᔪᑦ ᐅᑯᓄᖓ ᓄᓇᓕᖕᓄᑦ ᐅᑯᓇᓂ:
• ᐅᓪᓗᑐᐃᓐᓇᖅ, ᕕᕗᐊᕆ 6 ᒥᑦᑎᒪᑕᓕᖕᒥ (7:00-ᒧᐊᖅᐸᑦ ᐅᓐᓄᒃᑯᑦ ᐱᙳᐊᕐᕕᖕᒥ).
• ᐱᖓᔪᐊᓂᑦ, …

ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᕿᓂᖅᑐᑦ ᓂᕈᐊᖅᑎᐅᓂᐊᖅᑐᓂᒃ 2026 ᐃᓄᒃᑑᖅᑕ! ᓵᓚᒃᓴᐅᓯᐊᒃᓴᒧᑦ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔭᓐᓄᐊᓕ 27, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ (NTF) ᕿᓂᖅᑐᑦ ᐱᓇᓱᐊᕈᒪᔪᓂᒃ ᐃᓄᒃᑐᑦ ᐃᓕᓴᐃᔨᓂᒃ, ᐅᖃᓕᒫᒐᓕᐅᖅᑎᓂᒃ, ᐅᓂᒃᑳᖅᑎᓂᒃ, ᐊᒻᒪᓗ ᐅᖃᐅᓯᓕᕆᔨᓂᒃ ᓂᕈᐊᕐᕕᐅᔪᒫᕐᓂᐊᖅᑐᓂᒃ ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓂᕐᒧᑦ ᓵᓚᒃᓴᕋᓱᕈᑎᓂᒃ ᓂᕈᐊᖅᑎᐅᓂᐊᖅᑐᓂᒃ ᑲᑎᒪᔨᕋᓛᓂᒃ.
“ᐃᓄᒃᑑᖅᑕ! ᓵᓚᒃᓴᐅᓯᐊᖅ ᐱᖕᒪᕆᐅᔪᖅ ᐊᑐᕋᑦᓴᖅ ᓄᓇᕗᒻᒥ ᐃᓄᐃᑦ ᓴᕐᖓᑎᑦᓯᑲᓐᓂᕈᓐᓇᖁᓪᓗᒋᑦ ᐊᒻᒪᓗ ᑲᔪᓯᑎᑦᓯᓂᕐᒧᑦ ᐅᖃᐅᓯᑦᑎᓐᓂᒃ,” ᐅᖃᖅᑐᖅ NTF ᐃᒃᓯᕙᐅᑕᖓ ᐹᓪ ᐃᕐᖓᐅᑦ. “ᓂᕈᐊᖅᑏᑦ ᑲᑎᒪᔨᕋᓛᖏᑦ ᑐᓂᔭᐅᖃᑦᑕᖅᓯᒪᔪᑦ ᓴᙱᔫᑎᓂᒃ ᐃᓄᒃᑑᖅᑕ ᐅᓂᒃᑳᓂᒃ ᐊᕐᕌᒍᑕᒫᑦ, ᐊᒻᒪᓗ ᐃᓇᑦᓯᔪᒍᑦ ᐃᓄᒃᑐᑦ ᖃᐅᔨᒪᔪᕐᔪᐊᓂᒃ ᐃᓱᒪᑦᓴᖅᓯᐅᕈᑕᐅᓂᐊᖅᑐᓂᒃ ᑲᑎᒪᔨᕋᓛᖑᖃᑕᐅᓂᕐᒧᑦ 2026 ᓵᓚᒃᓴᐅᓯᐊᑦᓴᒧᑦ.”
ᓂᕈᐊᖅᑏᑦ ᑲᑎᒪᔨᕋᓛᖏᑦ ᑎᒃᑯᐊᖅᑕᐅᓂᐊᖅᑐᑦ ᑐᙵᕕᒃᑯᓐᓄᑦ. ᑎᒃᑯᐊᖅᑕᐅᔪᑦ ᑲᑎᒪᔨᕋᓛᓄᑦ ᐊᔾᔨᒌᑎᑦᓯᒋᐊᓕᑦ, ᑕᑉᐲᓯᒪᙱᓪᓗᑎᒃ, ᐃᓱᒪᒃᓴᖅᓯᐅᕈᑎᖃᕐᓗᑎᓪᓗ ᑕᒪᐃᓐᓂᒃ ᐃᓄᒃᑐᑦ ᑎᑎᕋᖅᑕᐅᓯᒪᔪᓕᒫᓂᒃ. ᑲᑎᒪᔨᕋᓛᑦ ᐃᑉᐱᒋᔭᖃᑦᓯᐊᕆᐊᖃᕐᒥᔪᑦ ᑕᒪᐃᓐᓂᒃ ᐃᓄᒃᑐᑦ ᐅᖃᐅᓯᖃᑎᒌᖏᑦᑐᓂᒃ …

ᐃᒡᓗᕗᑦ ᑯᐊᐳᕇᓴᓐ ᓯᕗᓪᓕᖅᐹᕐᒥᒃ ᑲᑎᒪᑎᑦᑎᔪᑦ ᓯᕗᒧᐊᑦᑎᑕᐅᖁᓪᓗᒍ ᐃᓄᖕᓄᑦ−ᓯᕗᒃᑲᖅᑖᖑᔪᖅ ᐃᒡᓗᓕᕆᓂᕐᒧᑦ ᐱᓇᓱᐊᒐᖓ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔮᓐᓄᐊᕆ 23, 2026 – ᐃᖃᓗᐃᑦ, ᓄᓇᕗᑦ) ᐃᒡᓗᕗᑦ ᑯᐊᐳᕇᓴᓐ ᓯᕗᓪᓕᖅᐹᕐᒥᒃ ᑲᑎᒪᔨᖏᑦ ᑲᑎᒪᓚᐅᖅᑐᑦ ᐃᖃᓗᓐᓂ ᐃᑉᐸᔅᓴᖅ, ᓇᓗᓇᐃᒃᑯᓯᖅᓯᓪᓗᑎᑦ ᐱᕚᓪᓕᖅᑐᒻᒪᕆᐅᓂᖓᓂᒃ ᐃᓄᖕᓄᑦ−ᓯᕗᒃᑲᖅᑖᖑᔪᖅ ᐃᒡᓗᓕᕆᓂᖅ ᓄᓇᕗᑦ ᑲᔪᓯᓂᖃᖅᐸᓪᓕᐊᓕᕐᓂᖓᓂᒃ. ᐅᓐᓄᓴᒃᑯᑦ, ᐃᓚᒋᔭᐅᔪᑦ ᑲᑎᒪᓂᖃᖅᑎᓪᓗᒋᑦ ᐊᖏᖅᓯᓚᐅᖅᑐᑦ ᐃᒡᓗᕗᑦ ᒪᓕᒐᕋᓛᖏᖕᓂᒃ, ᑮᓇᐅᔭᖅᑐᕈᑎᒃᓴᓪᓗᐊᕆᓂᐊᖅᑕᖏᑕ ᐊᑐᐊᒐᖏᖕᓂᒃ, ᐊᒻᒪᓗ ᑎᒃᑯᐊᖅᑕᐅᓪᓗᓂ ᑮᓇᐅᔭᓕᕆᔨᒋᓂᐊᖅᑕᖓ, ᐋᖅᑮᓂᖃᖅᑐᑎᑦ ᑯᐊᐳᕇᓴᐅᔫᑉ ᐊᐅᓚᔾᔪᓯᕆᓂᐊᓕᖅᑕᖓᓂᒃ ᐊᒻᒪᓗ ᐱᖁᔭᖅᑎᒍᑦ ᑐᙵᕕᑖᖅᑐᑎᑦ.
“ᑖᓐᓇ ᐱᒻᒪᕆᐊᓘᕗᖅ ᐊᒻᒪᓗ ᐊᑐᖅᑕᐅᔭᕆᐅᖅᑐᓂ ᓯᕗᒧᐊᒍᑎᒋᔭᐅᕙᓪᓕᐊᓂᖓ ᐋᖅᑮᒍᒪᓪᓗᑎᑦ ᐊᑦᑕᕐᓇᙱᑦᑐᓂᒃ ᐃᒡᓗᓕᐅᕐᓗᑎᑦ ᐊᒻᒪᓗ ᐊᑭᑐᓗᐊᙱᑦᑐᓂᒃ ᐃᒡᓗᖃᖅᑎᑦᑎᓗᑎᑦ ᐊᔾᔨᖃᐅᖅᑐᓂᒃ ᐃᓄᐃᑦ ᑭᙴᒪᒋᔭᖏᖕᓂᒃ ᓯᕗᓪᓕᐅᑎᖁᔭᖏᓐᓂᓪᓗ,” ᐅᖃᖅᑐᒥᓂᐅᓪᓗᓂ ᐃᒃᓯᕙᐅᑕᕆᔭᐅᑲᐃᓐᓇᖅᑐᖅ ᐹᓪ ᐃᕐᖓᐅᑦ. “ᐃᒡᓗᕗᑦ ᑐᑭᖃᕐᓂᐊᕐᒪᑦ ᐋᖅᑮᓇᓱᐊᕈᑎᒋᔭᐅᓗᓂ ᐊᑯᓂᐅᔪᒧᑦ ᐃᓄᖕᓄᑦ ᒪᑭᒪᑎᑕᐅᔪᓐᓇᕋᔭᕐᓂᖓᓂᒃ ᐸᕐᓇᐅᓯᐅᖁᓪᓗᒋᑦ, ᓴᓇᓗᑎᑦ, ᐊᒻᒪᓗ ᐊᐅᓚᑦᑎᓗᑎᑦ ᐃᒡᓗᓂᒃ, ᐃᓄᖕᓄᑦ ᐃᒡᓗᓕᐅᕐᓗᑎᑦ, ᐃᒡᓗᓂᒃ ᓴᓇᓗᑎᑦ ᐃᓄᐃᑦ.”
ᑲᑎᒪᔩᑦ …

ᓄᓇᕗᑦ ᑐᙵᕕᒃ ᑎᒥᖓ ᑐᓴᖅᑎᑦᑎᕗᑦ ᓯᕗᓕᖅᑎᐅᓂᐊᓕᖅᑐᒥᒃ ᐊᓯᐊᓂᒃ

ᓴᒃᑯᑕᐅᑲᐅᑎᒋᔭᕆᐊᓕᒃ
(ᔮᓐᓄᐊᕆ 21, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐅᓪᓗᒥ ᐊᖏᖅᑲᐅᕗᑦ ᓄᖅᑲᕐᓂᕋᕐᓂᖓᓂᒃ ᔨᐅᓚᒥ ᑑᕐᖔᓗᒃ ᐊᖓᔪᖅᑳᖑᓂᖓᓄᑦ, ᐊᖓᔪᖅᑳᖑᒍᓐᓃᑲᐅᑎᒋᓂᐊᖅᑐᓂ.
ᒥᔅᑕ ᑑᕐᖔᓗᒃ ᐊᑭᓕᖅᓱᖅᑕᐅᒐᓂ ᐃᖅᑲᓇᐃᔭᙱᑲᐃᓐᓇᖅᓯᒪᕗᖅ ᓄᓇᕗᑦ ᑐᙵᕕᒃ ᑎᒥᖓᓄᑦ ᑎᓰᕝᕙ 2, 2025-ᖑᔪᒻᒪᓂᑦ. ᐊᖓᔪᖅᑳᑉ ᑐᖏᓕᐊ ᐹᓪ ᐃᕐᖓᐅᑦ ᐊᖏᖅᓯᒪᕗᖅ ᐊᖓᔪᖅᑳᖑᑲᐃᓐᓇᐃᓐᓇᕐᓂᐊᕐᓂᖓᓂᒃ ᓂᕈᐊᖅᑐᖃᕋᓱᐊᕐᓂᖓᓂᒃ ᐊᖓᔪᖅᑳᑉ ᐃᓂᖓᓄᑦ.
ᑐᐊᕕᕐᓇᖅᑐᒥᒃ ᐃᓚᒋᔭᐅᔪᑦ ᑲᑎᒪᓂᖃᖅᑎᓪᓗᒋᑦ ᖃᕋᓴᐅᔭᒃᑯᑦ ᐅᓪᓗᒥᐅᖅᑲᐅᔪᖅ, ᓄᓇᕗᑦ ᑐᙵᕕᒃ ᑎᒥᖓᑕ ᐃᓚᒋᔭᐅᔪᖁᑎᖏᑦ ᓂᕈᐊᖅᑲᐅᔪᑦ ᓂᕈᐊᖅᑐᖃᓛᕐᓂᖓᓂᒃ ᐊᖓᔪᖅᑳᑉ ᐃᓂᖓᓄᑦ ᑎᓰᕝᕙ 2026-ᒥ, ᓂᕈᐊᖅᑐᖃᕐᓗᓂᓗ ᒪᕐᕉᓐᓂᒃ ᐊᖓᔪᖅᑳᑉ ᑐᖏᓕᒃᓴᖏᖕᓂᒃ.
ᓄᓇᕗᑦ ᑐᙵᕕᒃ ᑎᒥᖓ ᑲᒪᒋᔭᖃᕐᓂᐊᕐᓂᕋᖅᓯᒪᐃᓐᓇᖅᐳᑦ ᐱᓇᓱᐊᒐᕐᒥᓂᒃ ᖃᓄᐃᓕᐅᕈᑎᖃᕐᓗᑎᑦ ᐃᒪᐃᓐᓂᐊᕐᓂᕋᖅᓯᒪᒐᒥᒃ ᐃᑲᔪᖅᑐᐃᓗᑎᑦ ᐃᓄᓐᓂᒃ ᐃᓅᓯᖏᖕᓂᒃ, ᐃᓕᖅᑯᓯᖏᑦ ᐊᒻᒪᓗ ᑮᓇᐅᔭᓕᐅᕋᓱᐊᕐᓂᖏᑕ ᖃᓄᐃᙱᓐᓂᖏᖕᓂᒃ ᓄᓇᕗᒻᒥᐅᑦ ᑕᒪᐃᓐᓂ ᐊᒻᒪᓗ ᓇᓕᒧᒌᑦᑎᑦᑎᓂᒃᑯᑦ …

(English) Public Notice: NTI BOD Meeting

Sorry, this entry is only available in English.