ᐋᖅᑭᒋᐊᒃᑲᐃᔨ ᓇᓗᓇᐃᕆᔪᖅ ᑲᓇᑕ ᒐᕙᒪᖓ ᐊᒻᒪᓗ ᓄᓇᕗᑦ ᒐᕙᒪᖓ ᓯᖁᒥᑦᓯᓯᒪᓂᖏᓐᓂᒃ ᓄᓇᕗᑦ ᐊᖏᕈᑎᖏᓐᓂᒃ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓅᖓᔪᓂᒃ

(ᒪᐃ 10, 2023, ᐃᖃᓗᐃᑦ, ᓄᓇᕗᑦ) ᐋᖅᑭᒋᐊᒃᑲᐃᔨ ᐊᐃᕙᔾᔪᑎᓕᒃ ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐊᒻᒪᓗ ᑲᓇᑕ ᒐᕙᒪᖓ (GoC) ᐊᒻᒪᓗ ᓄᓇᕗᑦ ᒐᕙᒪᖓ (GN) ᐊᑐᓕᖅᑎᑦᓯᓂᕐᒧᑦ ᐊᖏᕈᑕᐅᓯᒪᔪᓂᒃ ᓄᓇᕗᑦ ᐊᖏᕈᑎᓂᒃ ᑐᕌᖓᔪᓂᒃ ᐃᓘᓐᓈᒍᑦ ᐃᓄᓐᓂᒃ ᑭᒡᒐᖅᑐᐃᔨᖃᕆᐊᖃᕐᓂᕐᒧᑦ ᐃᖅᑲᓇᐃᔭᕐᕕᖕᓂ ᓇᓗᓇᐃᕈᑎᒥᒃ ᑐᙵᕕᒃᑯᑦ ᐊᖏᖃᑎᒋᔭᐅᓪᓗᑎᒃ.
ᐋᖅᑭᒋᐊᒃᑲᐃᔨᒃᑰᕐᓂᖅ ᑭᖑᓪᓕᐹᖅᓯᐅᑦ ᐱᓇᓱᐊᒐᐅᓂᖓ ᐊᐃᕙᔾᔪᑕᐅᒋᐊᓚᐅᖅᑐᒧᑦ ᑐᙵᕕᒃᑯᓐᓂᒃ 2018-ᒥ ᐃᓛᒃᑯᑦ 38 ᓄᓇᕗᑦ ᐊᖏᕈᑎᖏᓐᓂ.
ᐋᖅᑭᒋᐊᒃᑲᐃᔨ ᓇᓗᓇᐃᕆᓚᐅᖅᑐᖅ ᒫᓐᓇ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᐸᕐᓇᐅᑎᑦ (IEP) ᐸᕐᓇᓯᒪᔭᖏᑦ GoC ᐊᒻᒪᓗ GN ᒪᓕᑦᓯᒪᙱᓐᓂᖏᓐᓂᒃ ᓄᓇᕗᑦ ᐊᖏᕈᑎᖏᓐᓂᒃ:

ᑲᒪᓯᒪᙱᓐᓂᖏᓐᓄᑦ ᐊᑐᓂᑦ ᐱᓕᕆᕝᕕᖏᑦ ᐸᕐᓇᐅᓯᐅᖅᓯᒪᓗᑎᒃ ᐅᓄᖅᓯᒋᐊᕈᑎᒃᓴᓂᒃ ᐋᖅᑭᐅᒪᒍᑎᓂᓪᓗ ᐃᓄᐃᑦ ᐃᖅᑲᓇᐃᔭᖅᑎᑕᐅᒋᐊᖃᕐᓂᖏᓐᓄᑦ ᑭᒡᒐᖅᑐᐃᔾᔪᑎᒧᑦ ᑎᑭᐅᑎᓯᒪᓗᑎᒃ; ᐱᓗᐊᖅᑐᒥ, ᑖᒃᑯᐊ IEP ᑲᒪᓯᒪᙱᒻᒪᑕ ᐊᑯᓂᐅᔪᒧᑦ−ᐋᖅᑭᑦᓯᒪᔪᓂᒃ ᑐᕌᒐᕐᓂᒃ ᐸᕐᓇᐅᑎᓂᓪᓗ ᑲᔪᓯᑎᑦᓯᒍᑎᒃᓴᓂᒃ …

ᓄᓇᖅᑲᑎᒌᓕᒫᑦ ᐳᕙᒡᓗᖕᒪᖔᑕ ᖃᐅᔨᓴᖅᑕᐅᓂᐊᖅᑐᑦ ᐸᖕᓂᖅᑑᒥᑦ

(ᒪᐃ 8, 2023 – ᐃᖃᓗᐃᑦ, ᓄᓇᕗᑦ )  ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑦ ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᓪᓗ, ᐱᓕᕆᖃᑎᖃᖅᖢᑎᒃ ᓄᓇᕗᑦ ᑐᙵᕕᒃᑯᓐᓂᒃ. (ᓄᓇᕗᑦ ᑐᙵᕕᒃᑯᑦ), ᐸᖕᓂᖅᑑᒥᐅᓂᒃ ᑐᓴᖁᔨᕗᑦ ᓄᓇᖅᑲᑎᒌᓕᒫᑦ ᐳᕙᒡᓗᖕᒪᖔᑕ ᖃᐅᔨᓴᖅᑕᐅᓛᕐᒪᑕ ᖃᑯᒍᒃᑲᓐᓂᖅ ᑕᒪᑐᒪᓂ ᐊᕐᕌᒍᒥ ᓴᖅᑭᔾᔪᑎᒃᓴᓂᒃ ᖃᔅᓯᐅᓂᖏᑦ ᐆᒻᒪᕆᒃᑐᒥᒃ ᐊᒻᒪ ᑭᖑᕙᖅᓯᒪᔪᓂᒃ ᐳᕙᒡᓗᖕᒪᖔᑕ ᓄᓇᓕᖕᓂ.
ᐳᕙᒡᓗᖕᒪᖔᑦ ᖃᐅᔨᓴᖅᑕᐅᓯᒋᐊᓛᖅᑐᖅ ᓯᑎᐱᕆ 2023−ᒥ ᑲᔪᓯᓗᓂᓗ ᓄᕕᐱᕆ 2023−ᒧᑦ ᖃᐅᔨᒪᖁᓪᓗᒋᑦ ᐱᔭᐅᔪᓐᓇᕐᓂᖏᑦ ᐊᑐᐃᓐᓇᐅᓂᖏᓪᓗ ᐃᓄᒐᓴᐃᑦ ᐊᔪᕐᓇᙱᓐᓂᓕᒫᖓᓂ.
“ᓄᓇᖅᑲᑎᒌᓕᒫᑦ ᑎᓕᐅᖅᐸᒃᑲ ᐃᓚᐅᖁᓪᓗᒋᑦ ᑕᒪᑐᒧᖓ ᖃᐅᔨᓴᖅᑕᐅᔪᒧᑦ ᐃᒪᐃᓐᓂᖓᓄᑦ, ᑭᓇᑐᐃᓐᓇᑦ ᐊᒃᑐᖅᑕᐅᔪᓐᓇᕐᒪᑕ ᐳᕙᒡᓗᖕᓇᒧᑦ. ᖃᐅᔨᓴᖅᑕᐅᓂᒃᑯᑦ ᒪᒥᓴᖅᑕᐅᖃᑦᑕᕐᓂᒃᑯᓪᓗ ᐱᔭᕆᐊᖃᖅᐸᑦ, ᐱᓕᕆᔪᑎᑦ ᓴᐳᑎᓪᓗᒋᑦ ᐋᓐᓂᐊᖃᖅᑕᐃᓕᒪᓂᕐᒥᒃ ᖃᓄᐃᙱᑦᑎᐊᕐᓂᕐᒥᒡᓗ ᐃᓕᖕᓄᑦ, ᓄᓇᖅᑲᑎᔅᓯᓐᓄᑦ ᓄᓇᕘᓕᒫᒧᓪᓗ,” ᐅᖃᖅᑐᖅ ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᔮᓐ ᒪᐃᓐ. “ᐃᑲᔪᖅᑐᐃᖏᓐᓇᕐᓂᒃᑯᑦ ᐊᒻᒪ ᐱᓕᕆᖃᑎᖃᕐᓂᒃᑯᑦ ᓄᓇᕗᑦ ᑐᙵᕕᒃᑯᓐᓂᒃ, …

ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᕿᑦᓵᕈᑎᓕᒃ ᑐᓴᖅᑎᑕᐅᒐᒥ ᐃᓅᒍᓐᓃᕐᓂᖓᓂᒃ ᑑᓇᑦ ᒥᓗᖅᑐᖅ − ᓇᐅᔮᓂ ᐃᓐᓇᕆᔭᐅᔪᖅ, ᓄᓇᓕᓐᓂ ᒪᑭᑎᑦᓯᓯᒪᔪᖅ, ᑲᑎᒪᔨᓂ ᓯᕗᓕᖅᓯᒪᔪᖅ, ᐊᒻᒪᓗ ᐃᓅᓯᓕᒫᒥᓂ ᓴᐳᓐᓂᐊᖅᑎᐅᓯᒪᔪᖅ ᐃᓄᐃᑦ ᐱᔪᓐᓇᐅᑎᖏᓐᓂᒃ

(ᐄᑉᕈ 28, 2023 – ᐃᖃᓗᐃᑦ, ᓄᓇᕗᑦ) ᐅᖁᒪᐃᓐᓇᑐᒃᑯᑦ ᑐᙵᕕᒃᑯᑦ ᑐᓴᖅᑎᑕᐅᓚᐅᖅᑐᑦ ᐱᓇᓱᐊᕈᓯᑦᑎᓐᓂ ᐃᓅᒍᓐᓃᕐᓂᕆᓚᐅᖅᑕᖓᓂᒃ ᑑᓇᑦ ᒥᓗᖅᑐᖅ ᓇᐅᔮᒥᐅᑕᖅ. ᓇᒡᓕᒋᕙᕗᑦ ᐃᓚᖏᑦ, ᐱᖃᓐᓇᕆᔭᖏᑦ ᐊᒻᒪᓗ ᓄᓇᖅᑲᑎᖏᑦ.
ᑐᓇᑦ ᐃᓅᓯᖃᖅᓯᒪᔪᖅ ᑲᔪᓯᐊᑎᑦᓯᓯᒪᓂᕐᒥᒃ ᐃᓄᐃᑦ ᓄᓇᕗᒻᒥ ᐅᐱᒋᔭᕆᐊᓕᖏᓐᓂᒃ ᑕᑯᓐᓇᒐᕆᓗᒋᓪᓗ. ᓯᕗᓕᖅᑎᐅᒋᐊᙵᖃᑕᐅᓯᒪᔪᖅ ᐊᒻᒪᓗ ᐊᔭᐅᖅᑐᐃᖃᑦᑕᖅᓱᓂ ᐱᓇᓱᐊᒐᖃᖅᑐᓂ, ᐊᕐᕌᒍᕋᓴᓐᓂᒃ ᑭᖑᓂᐊᓂ, ᐃᓱᓕᒍᑎᖃᖅᓯᒪᔪᒥᒃ ᐱᙳᖅᑎᑕᐅᓂᖓᓂᒃ ᓄᓇᕗᑦ. ᑐᙵᕕᖃᓚᐅᖅᑐᖅ ᐃᓅᓯᓕᒫᒥᓂ ᐱᓇᓱᐊᕐᓂᕐᒥᒃ ᐃᓕᓐᓂᐊᕆᐊᖅᑎᑕᐅᒋᐊᙵᓚᐅᖅᓯᒪᔪᓄᑦ ᐃᓚᒋᔭᐅᒐᓗᐊᖅᑐᓂ Sir Joseph Bernier ᐃᓕᓐᓂᐊᕐᕕᐅᓚᐅᖅᑐᒥ ᐃᒡᓗᓕᒑᕐᔪᒻᒥ. ᐊᓐᓇᓯᒪᓪᓗᓂ ᐃᓕᓐᓂᐊᕆᐊᖅᑎᑕᐅᓯᒪᓚᐅᕐᓂᕐᒥᓂᒃ, ᐅᑎᓚᐅᖅᑐᖅ ᕇᐴᔅ ᕙᐃᖑᓛᕐᓂᐊᖅᑐᒧᑦ ᐃᑲᔪᕆᐊᖅᑐᒋᑦ ᐊᖓᔪᖅᑳᓂ ᓄᓇᖃᖅᑐᑎᒃ ᐃᓄᐃᓪᓚᒥ.
1969-ᒥ ᑑᓇᓐ ᓯᕗᓪᓕᖅᐸᐅᓚᐅᖅᑐᖅ ᑲᑎᒪᔨᓄᑦ ᐃᒃᓯᕙᐅᑕᐅᓪᓗᓂ ᕇᐴᔅ ᕙᐃᒥ. 1970-ᖏᓐᓂ ᐊᐅᓚᑦᓯᓂᖓ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐊᒻᒪᓗ ᑲᑎᒪᔨᐅᓂᒃᑯᑦ ᑲᒪᒋᖃᑦᑕᖅᑕᖏᓐᓂᒃ ᐊᕙᖕᒧᐊᑦᓯᒪᓚᐅᖅᑐᑦ ᓄᓇᓕᖕᓂ, ᐊᕕᑦᑐᖅᓯᒪᓂᕐᓄᑦ ᐊᒻᒪᓗ …

ᓄᓇᕗᑦ ᒐᕙᒪᒃᑯᑦ ᐅᓐᓂᓗᕝᕕᑰᖅᑐᑦ ᓄᓇᕗᑦ ᐃᖅᑲᖅᑐᐃᕕᖓᑕ ᐃᓱᒪᓕᐅᕈᑎᒋᓚᐅᖅᑕᖓᓂᒃ ᐃᓄᒃᑐᑦ ᐃᓕᓐᓂᐊᕐᓂᖅ ᐊᔾᔨᐅᑎᑕᐅᙱᓂᕐᒧᑦ ᐱᕋᔮᖑᓯᒪᓂᖓᓄᑦ ᐃᖅᑲᖅᑐᐃᕕᒃᑰᖁᔨᒍᑎᖏᓐᓂᒃ

(ᐄᑉᕈ 25, 2023, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᒐᕙᒪᒃᑯᑦ (GN) ᑐᓂᓯᓯᒪᓕᖅᑐᑦ ᐅᓐᓂᕐᓗᕝᕕᒃᑰᑎᑦᓯᒍᑎᒃᓴᒥᓂᒃ ᓄᓇᕗᑦ ᐃᖅᑲᖅᑐᐃᕕᖓᑕ ᐃᓱᒪᓕᐅᕈᑎᒋᓚᐅᖅᑕᖓᓂᒃ ᐃᓄᒃᑐᑦ ᐃᓕᓐᓂᐊᕐᓂᖅ ᐊᔾᔨᐅᖏᑎᑕᐅᓂᕐᒧᑦ ᐱᕋᔮᖑᓯᒪᓂᖓᓄᑦ ᐃᖅᑲᖅᑐᐃᕕᒃᑰᖁᔨᒍᑎᖏᓐᓂᒃ. ᓄᓇᕗᑦ ᑐᙵᕕᒃᑯᑦ ᑎᒥᖓ (ᑐᙵᕕᒃ) ᐊᒻᒪᓗ ᒪᕐᕉᒃ ᐃᓚᒌᑦ ᐃᓄᐃᑦ ᑐᓂᓯᓚᐅᖅᑐᑦ ᐃᖅᑲᖅᑐᐃᕕᒃᑰᑎᑦᓯᒍᒪᒍᑎᒥᓂᒃ ᐊᔾᔨᐅᙱᑎᑕᐅᓂᕐᒧᑦ ᐱᕋᔮᖑᓯᒪᓂᕐᒧᑦ ᐊᑐᖃᑦᑕᖅᑕᖓᓂᒃ ᐃᓄᐃᑦ ᐃᓕᓐᓂᐊᖅᑏᑦ ᓄᓇᕗᒻᒥ ᐃᓕᓐᓂᐊᑎᑦᓯᒍᑕᐅᕙᑦᑐᓂᒃ.
ᑐᙵᕕᒃᑯᑦ ᖁᕕᐊᒋᔭᖃᙱᑦᑐᑦ ᓄᓇᕗᑦ ᒐᕙᒪᒃᑯᑦ ᐱᓇᓱᐊᒡᒑᖃᕐᓂᖏᓐᓂᒃ ᑐᓂᓯᓯᒪᓂᖏᓐᓂᓪᓗ ᒐᕙᒪᒃᑯᑎᒍᑦ ᐃᑲᔫᑎᒃᓴᓂᒃ ᐅᓇᑕᕈᑎᒃᓴᒥᓂᒃ ᓄᓇᕗᑦ ᐃᓄᓐᓂᒃ ᐃᖅᑲᖅᑐᐃᕕᖕᒥ. ᒫᑦᓯ 2, 2023−ᒥ, ᐃᖅᑲᖅᑐᐃᕕᒃ ᐃᓱᒪᓕᐅᓚᐅᖅᑐᖅ ᐃᖅᑲᖅᑐᐃᕕᖕᒥ ᓈᓚᑦᑕᐅᒋᐊᖃᕆᐊᖓ ᐊᒻᒪᓗ ᐃᖅᑲᑐᖅᑕᐅᒍᑕᐅᓕᕐᓗᓂ ᑭᖑᕙᕆᐊᖅᑎᑕᐅᙱᓯᐊᕐᓗᓂ, ᐊᒻᒪᓗ ᑎᓕᓯᓪᓗᑎᒃ ᓄᓇᕗᑦ ᒐᕙᒪᒃᑯᖏᓐᓂᒃ ᑐᓂᓯᖁᓪᓗᒋᑦ ᑲᒪᒋᔭᐅᒻᒪᐃᑦᑐᑐᖃᕐᒥᒃ ᓴᐳᓐᓂᐊᕈᑎᒥᓂᒃ ᑎᑎᕋᖅᓯᒪᔪᒥᒃ.
ᐅᓐᓂᕐᓘᑎᖏᑦ ᐃᓱᒪᓕᐅᕈᑎᒧᑦ, ᓄᓇᕗᑦ ᒐᕙᒪᒃᑯᑦ ᐅᖃᐅᓯᖃᕆᐊᒃᑲᓂᖅᑐᑦ ᑖᑦᓱᒥᖓᑦᓴᐃᓐᓇᖅ ᐅᓗᕆᐊᓇᖅᑐᒥᒃ …

ᑲᑐᔾᔭᐅᔪᖅ ᑐᓴᕋᑦᓴᖅ: ᐊᒥᕋ ᒋᐅ, ᓇᑦᔭ ᒋᐅ ᐊᒻᒪᓗ ᑲᕆᒪ ᒫᓐᔨ ᐊᑎᖃᖃᑕᐅᔪᓄᑦ ᑐᑦᓯᕋᐅᑏᑦ ᑐᓂᔭᐅᔪᑦ ᐸᓖᓯᒃᑯᓐᓄᑦ

ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ (ᕿᑭᖅᑕᓂᒃᑯᑦ) ᐊᐱᕆᓚᐅᖅᑐᑦ ᐸᓖᓯᒃᑯᓐᓂᒃ (RCMP) ᖃᐅᔨᓴᖁᓪᓗᒋᑦ ᐊᐅᓚᓂᕆᓚᐅᖅᑕᖏᓐᓂᒃ ᐊᒥᕋ ᒋᐅ, ᓇᑦᔭ ᒋᐅ ᐊᒻᒪᓗ ᑲᕆᒪ ᒫᓐᔨ ᑐᑦᓯᕋᖅᑎᓪᓗᒋᑦ ᐊᑎᓕᐅᖅᑕᐅᖃᑕᐅᔪᒪᓪᓗᑎᒃ ᓄᓇᕗᑦ ᐊᖏᕈᑎᖏᓐᓂ.
ᐱᖓᓱᑦ ᐊᕐᓇᐃᑦ ᑐᑦᓯᕋᓚᐅᖅᑐᑦ ᐊᑎᓕᐅᖅᑕᐅᖃᑕᐅᒍᒪᓪᓗᑎᒃ ᓄᓇᕗᑦ ᐊᖏᕈᑎᖏᓐᓄᑦ 2016−ᒥ (ᒋᐅᔅ) ᐊᒻᒪᓗ 2018 (ᒫᓐᔨ).
2016-ᒥ, ᐃᖃᓗᐃᑦ ᓄᓇᓕᓐᓂ ᐊᑎᖃᖃᑕᐅᔪᓕᕆᔨᒃᑯᑦ ᑲᑎᒪᔨᕋᓛᖏᑦ ᕿᒥᕐᕈᓚᐅᖅᑐᑦ ᐊᖏᖅᑐᒋᓪᓗ ᑐᑦᓯᕋᐅᑎᖏᒃ ᐊᒥᕋ ᐊᒻᒪᓗ ᓈᔾᔭ, ᑐᙵᕕᖃᖅᑐᑎᒃ ᑐᓴᖅᑎᑦᓯᒍᑎᒋᓚᐅᖅᑕᖏᓐᓂ ᑐᑦᓯᕋᐅᑎᒥᓂ ᐃᓄᖕᒥᒃ ᐴᑯᓗᖃᕐᓂᕋᖅᑐᑎᒃ. ᑐᑦᓯᕋᐅᓯᐊᒥᓂᕆᓚᐅᖅᑕᖓ ᑲᕆᒪ ᒫᓐᔨ ᑎᒍᐊᖅᑐᒥᓂᐅᓂᕋᖅᑐᓂ ᑖᒃᑯᓃᖓ ᐊᓈᓇᐅᓪᓗᓂ.
ᒫᑦᓯ 30, 2023-ᒥ, ᑐᑦᓯᕋᐅᓯᐅᓚᐅᖅᑐᖅ ᐃᓄᒃ ᐊᕐᓇᖅ ᒪᓕᒐᖅᑎᒍᑦ ᐸᐸᑦᑎᔨᖓ ᐲᖅᑕᐅᖁᔨᓪᓗᓂ ᐊᒥᕋ ᐊᒻᒪᓗ ᓇᑦᔭ ᐊᑎᖃᖃᑕᐅᔪᓂᒃ ᐱᔾᔪᑎᒋᓪᓗᒍ ᒋᐅᔅ …

ᓄᓇᕗᑦ ᑐᙵᕕᒃ ᑎᒥᖓ ᖃᐅᔨᓴᖅᑐᑦ ᐱᕋᔭᑦᑐᒥᓂᐅᔪᖃᑐᐃᓐᓇᕆᐊᖃᕐᓂᖓᓂᒃ ᐊᑎᓕᐅᖅᑕᐅᖃᑕᐅᓯᒪᓂᕐᒧᑦ ᒪᕐᕉᓐᓂᒃ ᐊᕐᓈᓐᓂᒃ ᓄᓇᕗᑦ ᐊᖏᕈᑎᖏᑎᒍᑦ

ᐃᕐᖐᓐᓇᖅ ᓴᖅᑭᖅᑕᐅᒋᐊᓕᒃ
(ᒫᑦᓯ 30, 2023, ᐃᖃᓗᐃᑦ, ᓄᓇᕗᑦ) ᑕᕝᕙᓂ ᐱᓇᓱᐊᕈᓯᑦᑎᓐᓂ, ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᖃᐅᔨᕙᓪᓕᐊᓕᓚᐅᖅᑐᖅ ᐱᕋᔭᑦᑐᒥᓂᐅᑐᐃᓐᓇᕆᐊᖃᕐᓂᖏᓐᓂᒃ ᐊᑎᓕᐅᖅᑕᐅᖃᑕᐅᓯᒪᓂᕐᒧᑦ ᐊᒥᕋ ᐊᒻᒪᓗ ᓇᑦᔭ ᒋᐅ ᓄᓇᕗᑦ ᐊᖏᕈᑎᖏᓐᓂ. ᑲᕆᒪ ᒫᓐᔨ ᐅᖃᓚᐅᖅᑐᖅ ᒪᕐᕆᐊᓐᓂᒃ ᐊᒥᕋ ᐊᒻᒪᓗ ᓇᑦᔭ ᒋᐅ ᑎᒍᐊᖃᕆᐊᑦᓴᖅ ᐊᒻᒪᓗ ᓇᓗᓇᐃᕆᓪᓗᓂ ᐃᓄᒃᒥᒃ ᐊᕐᓇᒥᒃ ᐃᕐᓂᐊᒥᓂᖃᕐᓂᕋᐃᓪᓗᓂ ᐴᑯᓗᖃᕐᓂᕋᐃᓚᐅᖅᑐᖅ.
ᑐᙵᕕᒃᑯᑦ ᑐᓴᖅᑎᑕᐅᓚᐅᖅᑐᑦ ᐊᕐᓇᒥᒃ ᓇᓗᓇᐃᖅᑕᐅᓚᐅᖅᑐᒥᒃ ᐃᕐᓂᔪᒥᓂᐅᓂᕋᖅᑕᐅᓪᓗᓂ ᐴᑯᓗᕆᓂᕋᖅᑕᐅᔪᖅ ᑖᒃᑯᓃᖓ ᐊᒥᕋ ᐊᒻᒪᓗ ᓇᔾᔭ ᒋᐅ ᕿᑐᕐᖓᕆᙱᒋᐊᑦᓴᒥᓂᒃ. ᐅᓪᓗᒥ, ᐊᐅᓚᔾᔭᐃᒋᐊᖅᑲᐅᔪᖅ ᐊᒥᕋ ᐊᒻᒪᓗ ᓇᑦᔭ ᐲᖅᑕᐅᖁᓪᓗᓂᒋᒃ ᐃᓄᐃᑦ ᐊᑎᖃᖃᑕᐅᔪᖁᑎᖏᓐᓂᒃ. ᐃᖃᓗᓐᓂ ᓄᓇᓖᑦ ᐊᑎᖃᖃᑕᐅᔪᓕᕆᔨᖏᑦ ᑲᑎᒪᔨᕋᓛᑦ ᕿᒥᕐᕈᓂᐊᖅᑐᑦ ᐲᖅᑕᐅᖁᔨᔾᔪᑎᒥᒃ ᑐᑦᓯᕋᐅᑎᖓᓂᒃ ᐊᒻᒪᓗ ᐃᓱᒪᓕᐅᕈᑎᒋᓕᕐᓗᒍ.
ᑐᙵᕕᒃᑯᑦ ᐊᑎᖃᖃᑕᐅᔪᓕᕆᔾᔪᓯᖓ ᐊᑐᖅᑕᐅᓯᐊᖅᑐᖅ ᐊᐅᓚᑕᐅᓂᖓ ᐃᓛᒃᑯᑦ 35 ᓄᓇᕗᑦ …

ᑐᙵᕕᒃᑯᑦ ᖁᕕᐊᒋᔭᓖᑦ ᓄᓇᕗᑦ ᐃᖅᑲᖅᑐᐃᕕᒃ ᐃᓱᒪᓕᐅᕈᑎᖓᓂᒃ ᐱᕕᒃᓴᖃᕈᓐᓇᕈᑎᒃᓴᖓᓂᒃ ᐊᔾᔨᐅᑎᑕᐅᓂᒃᑯᑦ ᐱᔪᓐᓇᐅᑎᖃᓂᕐᒥᒃ ᐃᖅᑲᑐᐃᕕᒃᑰᑎᑦᓯᓂᕐᒧᑦ ᐃᓄᓐᓄᑦ ᐃᓕᓐᓂᐊᖅᑎᓄᑦ ᓯᕗᒧᐊᒃᐸᓪᓕᐊᖁᓪᓗᒋᑦ ᐃᖅᑲᖅᑐᐃᕕᖕᒥ

(ᒫᑦᓯ 3, 2023, ᐃᖃᓗᐃᑦ, ᓄᓇᕗᑦ) ᒫᑦᓯ 2, 2023-ᒥ, ᓄᓇᕗᒻᒥ ᐃᖅᑲᖅᑐᐃᕕᖓ ᓴᖅᑮᓚᐅᖅᑐᖅ ᐃᓱᒪᓕᐅᕈᑎᒥᓂᒃ ᕿᐱᓗᓐᓂᕐᒧᑦ ᓄᓇᕗᑦ ᒐᕙᒪᒃᑯᑦ (GN) ᐃᒋᑦᓯᒐᓱᐊᕐᓂᖓᓂᒃ ᐃᖅᑲᖅᑐᐃᕕᒃᑰᑎᑦᓯᒍᑎᒥᒃ ᐃᓱᓕᑦᓯᓇᓱᐊᕈᑎᒥᒃ ᐊᔾᔨᐅᙱᑎᑕᐅᓂᖏᓐᓂᒃ ᐃᓄᐃᑦ ᐃᓕᓐᓂᐊᖅᑏᑦ ᓄᓇᕗᑦ ᒐᕙᒪᑎᒍᑦ ᐃᓕᓐᓂᐊᕕᖏᓐᓂ ᑐᙵᕕᖃᖅᑐᑎᒃ ᐱᑕᖃᙱᓐᓂᖓᓄᑦ ᐃᓄᒃᑐᑦ ᐃᓕᓐᓂᐊᓂᕐᒥᒃ. ᑐᙵᕕᒃᑯᑦ ᐱᒋᐊᕈᑎᖃᓚᐅᖅᑐᑦ ᐃᖅᑲᖅᑐᐃᕕᖕᒨᑎᑦᓯᓂᕐᒥᒃ ᐃᓚᖃᖅᑐᑎᒃ ᒪᕐᕈᐃᓐᓂᒃ ᐃᓚᒌᓐᓂᒃ ᑭᒡᒐᖅᑐᐃᓪᓗᑎᒃ ᑕᒪᐃᓐᓂᒃ ᐃᓄᓐᓂᒃ. ᐊᐱᖅᑯᑎᖓ ᐃᖅᑲᖅᑐᐃᕕᖕᒥᒃ ᓴᐳᔾᔨᓯᒪᖁᔨᓪᓗᓂ ᑖᒃᑯᑎᒎᓇ ᑲᓇᑕᒥ ᑭᒃᑯᑐᐃᓐᓇᕐᓄᑦ ᐱᔪᓐᓇᐅᑎᑦ ᐃᓱᒪᖅᓱᕈᓐᓇᓂᕐᒧᓪᓗ ᑐᙵᕕᖏᑦ ᓴᐳᔾᔭᐅᓯᒪᖁᓪᓗᒋᑦ ᐃᓄᐃᑦ ᐃᓕᓐᓂᐊᖅᑏᑦ ᐋᖅᑭᒋᐊᕈᑎᒃᓴᒥᒃ ᐊᔾᔨᐅᙱᑎᑕᐅᓯᒪᓂᖏᓐᓄᑦ ᐅᖓᑖᓄᑦ ᖁᓕᑦ ᐊᕐᕌᒍᑦ ᑐᙵᕕᒃᑯᑦ ᐱᓕᕆᖃᑎᖃᕋᓱᐊᖃᑦᑕᖅᓯᒪᒐᓗᐊᖅᑎᓪᓗᒋᑦ ᓄᓇᕗᑦ ᒐᕙᒪᒃᑯᖏᓐᓂᒃ ᐱᕙᓪᓕᐊᓂᖃᖅᓯᒪᙱᑦᑐᒥᒃ.
ᐅᑭᐊᑦᓵᖑᕋᑖᖅ, ᐃᖅᑲᖅᑐᐃᔨ ᐹᓪ ᕙᐃᓴᒃ ᓄᓇᕗᑦ ᐃᖅᑲᖅᑐᐃᕕᖓᓂ ᓈᓚᓚᐅᖅᑐᖅ ᒪᓕᒐᖅᑎᒍᑦ ᐊᐃᕙᔾᔪᑎᖏᓐᓂᒃ ᑕᒪᒃᑮᒃ ᑐᙵᕕᒃᑯᑦ …

ᑐᓴᒐᒃᓴᖅ: ᓄᓇᕗᑦ ᑐᙵᕕᒃᑯᑦ ᒑᓴᓖᒥᒃ ᓂᐅᕕᕈᑎᑦᓴᑦ ᒥᑦᓵᓄᑦ

(ᕕᐳᐊᕆ 24, 2023, ᐃᖃᓗᐃᑦ, ᓄᓇᕗᑦ) ᑐᙵᕕᒃᑯᑦ ᒑᓴᓖᒥᒃ ᓂᐅᕕᕈᓐᓇᐅᑏᑦ ᓴᖅᑭᖅᑕᐅᓚᐅᖅᑐᑦ ᕕᕝᕗᐊᓕ 23, 2023 ᐊᑕᐅᓯᐊᕐᓗᑎᒃ $750 ᒑᓴᓖᑖᕈᑎᒃᓴᓂᒃ ᐊᖑᓇᓱᑦᑎᓕᖕᓄᑦ ᐃᓪᓗᒥᐅᖃᑎᒌᓄᑦ ᓄᓇᕗᑦ ᓄᓇᓕᓕᒫᖏᓐᓂ. ᒑᓴᓖᑖᕈᑎᒃᓴᖅ ᐋᖅᑭᑦᑕᐅᓚᐅᖅᑐᖅ ᑐᙵᕕᒃᑯᓐᓄᑦ ᐃᑯᓪᓚᕈᑎᒃᓴᐅᑎᑕᐅᓪᓗᓂ ᐃᓚᖏᓐᓄᑦ ᐊᑭᑦᑐᐸᓪᓕᐊᔪᓄᑦ ᐊᑭᓕᖅᑕᐅᒋᐊᖃᖃᑦᑕᖅᑐᓄᑦ ᐊᖑᓇᓱᑦᑎᓄᑦ.
ᑖᓐᓇ ᐃᑲᔫᑎ ᐊᑐᕆᐊᓕᒃ ᒑᓴᓖᒧᑦ ᐊᓯᐊᓅᙱᑦᑐᖅ. ᐊᑐᖅᑕᐅᒋᐊᖃᙱᑦᑐᖅ ᐊᖏᕐᕋᒥ ᐅᖅᑰᓴᐅᑎᓯᐅᑎᓄᑦ, ᖁᓪᓕᖅᓯᐅᑏᑦ/ᐊᐅᓪᓚᖅᓯᒪᓗᓂ ᐅᖅᓱᑦᓴᖅ, ᐊᒻᒪᓗ ᐅᖅᓱᐊᓗᒃ ᑖᒃᑯᓄᖓ ᒑᓴᓖᓄᑦ ᓂᐅᕕᕈᑎᒃᓴᑦ.
ᓂᐅᕕᕈᑎᒃᓴᑦ ᑮᓇᐅᔭᕈᖅᑎᑕᐅᒍᓐᓇᙱᑦᑐᑦ, ᐊᒻᒪᓗ ᑮᓇᐅᔭᓂᒃ ᐊᒥᐊᒃᑯᔾᔮᖏᑦᑐᖅ ᐊᑕᖏᖅᑕᐅᖏᑉᐸᓘᓐᓃᑦ ᐊᒥᐊᒃᑯᖓ ᐱᔭᑦᓴᐅᖏᑦᑐᖅ ᐊᑕᐅᓯᖅ $50.00 ᓂᐅᕕᕈᓐᓇᐅᑎ ᐊᑐᖅᑕᐅᖏᑉᐸᑦ ᓂᐅᕕᕐᓗᓂ.
ᓂᐅᕕᕈᓐᓇᐅᑎᑦ 15−ᖑᓪᓗᑎᒃ ᐃᖕᒥᑯᐊᖅᑎᖅᑐᑦ $50 ᓂᐅᕕᕈᑎᒃᓴᑦ. $47.00-ᒥᒃ ᐊᑐᕈᕕᑦ ᒑᓴᓖᑖᕐᓗᑎᒃ ᐊᑕᐅᓯᕐᒧᑦ ᓂᐅᕕᕈᑎᒧᑦ, ᓂᐅᕕᖅᑐᖅ ᐊᒥᐊᒃᑯᔾᔮᖏᑦᑐᖅ ᐊᒥᐊᒃᑯᖓᓂᒃ ᐅᕝᕙᓘᓐᓃᑦ ᓂᐅᕕᕈᑎ $3.00−ᒥᒃ ᐊᒥᐊᒃᑯᔾᔮᖏᑦᑐᖅ.
ᓄᓇᓕᓐᓂ ᑯᐊᐸᐃᑦ …

ᑐᓴᒐᒃᓴᑦ − ᒑᓴᓖᒥᒃ ᓂᕕᕈᓐᓇᐅᑎᑦ

ᐃᕐᖐᓐᓇᖅ ᓴᖅᑭᖅᑕᐅᒋᐊᓖᑦ
ᓄᓇᕗᑦ ᑐᙵᕕᒃ ᑎᒥᖓᓂᒃ ᒑᓴᓖᒥᒃ ᓂᐅᕕᕈᓐᓇᐅᑏᑦ
(ᕕᕝᕗᐊᓕ 22, 2023, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᖁᕕᐊᒋᔭᓖᑦ ᑐᓴᖅᑎᑦᓯᒋᐊᑦᓴᖅ ᑐᓂᐅᖅᑲᐃᓂᕐᒥᓂᒃ ᒑᓴᓖᑖᕈᑎᒃᓴᓂᒃ. ᒑᓴᓖᑖᕈᑎᒃᓴᑦ ᑐᓂᔭᐅᓂᐊᖅᑐᑦ ᐊᑕᐅᓯᐊᕐᓗᑎᒃ $750 ᒑᓴᓖᑖᕈᑎᒃᓴᓂᒃ ᐊᖑᓇᓱᑦᑎᓕᖕᓄᑦ ᐃᓪᓗᒥᐅᖃᑎᒌᓄᑦ ᓄᓇᕗᑦ ᓄᓇᓕᓕᒫᖏᓐᓂ.
ᒑᓴᓖᑖᕈᑎᒃᓴᑦ ᐃᑲᔫᑎᒃᓴᑦ ᓄᓇᕗᒻᒥ ᐃᓄᓐᓄᑦ ᐊᖑᓇᓱᖃᑦᑕᖅᑐᓄᑦ, ᓂᕿᓕᕆᕙᑦᑐᓄᑦ, ᐊᒻᒪᓗ ᒥᓇᕋᖅᐸᑦᑐᓄᑦ ᐃᓄᓕᖅᑕᓂᒃ ᓂᕿᓂᒃ. ᐊᑭᑦᑐᐸᓪᓕᐊᓂᖓ ᐅᖅᓱᖅ ᐊᒻᒪᓗ ᓱᓇᒃᑯᑖᑦ ᐅᔾᔨᓇᕐᒪᑦ ᐊᐳᖅᓯᒪᕕᐅᖃᑦᑕᕐᓂᖓᓂᒃ ᐃᓄᓕᖅᑕᓂᒃ ᓂᕿᑖᕈᑎᒃᓴᓂᒃ ᐊᒻᒪᓗ ᑐᙵᕕᒃᑯᑦ ᒑᓴᓖᒥᒃ ᓂᐅᕕᕈᓐᓇᐅᑏᑦ ᐃᑲᔫᑎᒃᓴᓕᐊᖑᓯᒪᔪᑦ ᐃᑯᓪᓚᕈᑎᒃᓴᐅᑎᑕᐅᓪᓗᓂ ᐃᓚᖏᓐᓄᑦ ᐊᑭᓕᕆᐊᖃᖃᑦᑕᖅᑕᖏᓐᓄᑦ ᐊᖑᓇᓱᑦᑏᑦ.
ᒑᓴᓖᑖᕈᑎᒃᓴᑦ ᑮᓇᐅᔭᓕᑕᐅᓯᒪᔪᑦ ᐊᖑᓇᓱᑦᑎᓄᑦ ᐃᑲᔫᑎᒃᓴᓂᒃ (HSG), ᐃᑲᔫᑏᑦ ᓂᕿᓂᒃ ᓄᓇᖅᑲᑎᒌᑦ ᒥᓇᕋᐅᑎᖃᑦᑕᕐᓂᖏᓐᓄᑦ, ᓄᓇᓕᓐᓂ ᐊᖑᓇᓱᓐᓂᖅᓴᐅᖃᑦᑕᖁᓪᓗᒋᑦ ᒥᓇᕋᐅᑎᓗᑎᓪᓗ, ᐊᒻᒪᓗ ᐅᓄᖅᓯᑲᓐᓂᖁᓪᓗᒋᑦ ᐊᖑᓇᓱᖃᑕᐅᖃᑦᑕᖅᑐᑦ ᐱᖅᑯᓯᕐᒥᒍᑦ ᐊᓯᕙᖅᑐᑎᒃ, ᐃᖃᓪᓕᐊᖅᑐᑎᒃ, …