ᑐᓴᕋᑦᓴᓕᕆᔩᑦ

2018 News Archive

ᓄᓇᕗᑦ ᑐᙵᕕᒃᑯᑦ ᑎᒥᖓ ᓂᕈᐊᖅᑎᑦᑎᓪᓗᒋᑦ ᐊᖓᔫᖅᑲᖓᑕ ᑐᒡᓕᖓᓂᒃ ᐅᓪᓗᒥ

(ᑎᓯᐱᕆ 11, 2018 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᓐᓄ ᓂᕈᐊᖅᑐᓕᕆᔨᒻᒪᕆᖓ ᓈᑦᓯ ᖃᕆᑕᖅ−ᓕᓐᑎᐊᓪ ᐅᓪᓛᖅ ᑐᓴᕐᑎᑎᖃᐅᕗᖅ ᓂᕈᐊᕐᕖᑦ ᓂᕈᐊᖅᑎᑦᑎᑎᓪᓗᒋᑦ ᓄᓇᕗᑦ ᑐᙵᕕᒃᑯᑦ ᒪᑐᐃᒃᑲᓂᖃᐅᒻᒪᑕ ᐅᕐᓱᕐᑑᕐᒥ 10-ᒥ 4-ᒧᑦ ᓄᓇᖓᓐᓂ ᓂᕈᐊᕆᐊᕐᑐᕐᕕᖃᖅᑐᑎᒃ ᓇᑦᑎᓕᒃ ᐃᓕᖅᑯᓯᓕᕆᕕᖓᓂ.
ᕼᐋᒻᓚᒃᑯᑦ ᐃᒃᐱᐊᕐᔪᖕᒥ ᒪᑐᓯᒪᐃᓐᓇᖃᐅᔪᑦ ᓯᓚᕈᔫᓂᖓᓄᑦ ᐅᓪᓗᒥᓕᒡᒪᑦ ᑎᓯᑉᐱᕆ 11.
ᑕᐃᒪᐃᓐᓂᖓᓄᑦ ᐃᕈᐊᕆᐊᕈᑕᐅᓯᒪᔪᑦ ᑕᒪᐃᓐᓂᒃ ᓂᕈᐊᕆᐊᖅᑐᕐᕕᐅᓚᐅᕐᑐᓂ ᑭᖑᕙᖅᑎᑕᐅᓯᒪᕗᑦ ᖃᐅᔨᒃᑲᑦᑕᐅᓛᕐᓗᑎᒃ ᐃᒃᐱᐊᕐᔪᖕᒥ ᓯᓚᖓ ᐱᐅᓯᒃᐸᑦ.
ᖃᐅᑉᐸᑦ ᖃᓄᐃᓕᖓᓕᕐᒪᖔᑕ ᐅᓪᓛᒃᑯᑦ ᑐᓴᕐᑎᑦᑎᓛᕐᒥᔪᑦ.
ᓈᓴᐃᕙᓪᓕᐊᒍᑕᐅᔪᑦ ᓴᖅᑭᔮᕐᑎᑕᐅᓂᐊᕐᑐᑦ ᖃᐃᕐᕆᕕᖓᓂ ᐅᕘᓇ www.tunngavik.com ᐊᑐᐃᓐᓇᐅᓕᕐᐸᑕ ᓯᓚ ᐱᐅᓯᒃᐸᑦ.
ᔭᐃᒥᓯ ᐃᑦᑐᓗᒃ ᐊᒻᒪᓗ ᐲᑕ ᐅᕼᐅᒃᑲᓐᓄᐊᖅ ᐊᖓᔪᖅᑳᑉ ᑐᖏᓕᖓᓄᑦ ᓂᕈᐊᖅᑕᐅᓇᓱᐊᕐᒪᑎᒃ ᓂᕈᐊᕐᓇᑎᓪᓗᒍ.
-30-

ᑐᓐᖓᕕᒃᑯᑦ ᓂᕈᐊᖅᑎᑦᓯᓂᖓ ᐊᖓᔪᖅᑳᑉ ᑐᒡᓕᐊᓄᑦ ᓂᕈᐊᕈᑏᑦ ᓇᓗᓇᐃᑕᐅᓂᖏᑦ ᑭᖑᕙᕆᐊᖅᑕᐅᓂᐊᖅᑐᖅ ᓯᓚ ᐱᔾᔪᑕᐅᓪᓗᓂ

(ᑏᓰᒻᕙ 10, 2018 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖓᑕ (ᑐᓐᖓᕕᒃ) ᓂᕈᐊᖅᑐᓕᕆᔨᒻᒪᕆᖓ ᓈᓐᓯ ᖃᕆᑕᖅ−ᓕᓐᑎᐅ ᐅᓪᓗᒥ ᐅᖃᖅᑲᐅᔪᖅ ᓂᕈᐊᕈᑏᑦ ᓈᓴᖅᑕᐅᓂᖏᑦ ᑐᓐᖓᕕᒃᑯᑦ ᐊᖓᔪᖅᑳᑉ−ᑐᒡᓕᐊᓄᑦ ᑭᖑᕙᕆᐊᖅᑕᐅᓂᐊᕐᓂᖏᓐᓂᒃ ᓯᓚᑦᓯᐊᖑᓐᖏᓐᓂᑯᖓᓄᑦ
ᖃᕆᑕᖅ−ᓕᓐᑎᐅ ᐅᖃᖅᑲᐅᔪᖅ ᓂᕈᐊᕐᕖᑦ ᒪᑐᖅᑲᐅᔪᑦ ᐅᓪᓗᒥ ᐅᖅᓱᖅᑑᒥ ᐊᒻᒪᓗ ᐃᒃᐱᐊᕐᔪᒻᒥ ᓯᓚ ᐱᔾᔪᑕᐅᓪᓗᓂ ᐊᒻᒪᓗ ᒪᑐᐃᒃᑲᓂᕐᓂᐊᖅᑐᑦ ᓯᓚᑦᓯᐊᕈᕐᔫᒥᑐᐊᕐᐸᑦ. ᓂᕈᐊᕐᓂᖅ ᑲᔪᓯᑐᐃᓐᓇᓂᐊᖅᑐᖅ ᐊᓯᖏᓐᓂᒃ ᓄᓇᓕᓐᓂ ᑭᓯᐊᓂ ᓈᓴᖅᑕᐅᓂᖏᑦ ᓂᕈᐊᕈᑏᑦ ᓄᓇᓕᓕᒫᓂ ᑭᖑᕙᕆᐊᖅᑕᐅᓯᒪᓂᐊᖅᑐᑦ ᓂᕈᐊᕐᓈᓂᒐᓱᐊᕐᓂᖓᓂ ᐅᖅᓱᖅᑑᒥ ᐊᒻᒪᓗ ᐃᒃᐱᐊᕐᔪᒻᒥ .
ᔭᐃᒥᓯ ᐃᑦᑐᓗᒃ ᐊᒻᒪᓗ ᐲᑕ ᐅᕼᐅᒃᑲᓐᓄᐊᖅ ᓂᕈᐊᕋᑦᓵᒃ ᐊᖓᔪᖅᑳᑉ−ᑐᒡᓕᐊᓄᑦ ᑕᑉᕙᓂ ᓂᕈᐊᕐᓇᒥ.
ᑐᑭᓯᒋᐊᒃᑲᓐᓂᕐᕕᒋᔪᓐᓇᕐᑕᐃ:
ᓈᑦᓯ ᖃᕆᑕᖅ−ᓕᓐᓂᐊᓪ
ᓂᕈᐊᖅᑐᓕᕆᔨᒻᒪᕆᒃ
ᐊᑭᓕᕆᐊᖃᙱᑦᑐᖅ: 1-844-979-6554
ᐃᖃᓗᖕᓂ: 979-6554

ᓈᑎᐊ ᓯᒃᑰᓐ
ᐊᔮᔮ ᑐᓴᐅᒪᐅᑎᓕᕆᔨᒃᑯᑦ
ᐃᖃᓗᓐᓂ: 979-1484

ᑐᓐᖓᕕᒃᑯᑦ ᐊᖓᔪᖅᑳᖓ, ᐊᓗᑭ ᑰᑦᑎᖅ ᐅᖃᐅᓯᖓ ᑐᓴᖅᑎᑦᓯᒍᑕᐅᔪᒧᑦ ᐊᓯᔾᔨᖅᑕᐅᓂᖏᓐᓄᑦ ᐅᑭᐅᖅᑕᖅᑐᒥ ᓂᕿᑦᓯᐊᕙᓄᑦ ᐊᑭᑭᓪᓕᒋᐊᕈᑎᒃᓴᓄᑦ ᑲᓇᑕᒥ.

(ᑎᓯᑉᐱᕆ 10, 2018 ᐃᖃᓗᐃᑦ, ᓄᓇᕗᑦ) ᐅᓪᓗᒥ ᐃᖃᓗᓐᓂ, ᑲᓇᑕ ᒐᕙᒪᖓ ᑐᓴᖅᑎᑦᓯᖅᑲᐅᔪᖅ ᐊᓯᔾᔨᕐᓂᐅᔪᓂᒃ ᓂᕿᑦᓯᐊᕙᓐᓄᑦ ᐊᑭᑭᓪᓕᒋᐊᕈᑎᒃᓴᓄᑦ ᐅᑭᐅᖅᑕᖅᑐᒥ ᑲᓇᑕᒥ (NNC), ᑐᓴᕐᓇᓪᓗᐊᑕᖅᑐᖅ ᓴᖅᑭᖅᑕᐅᓂᖓ ᐊᖑᓇᓱᑦᑎᓄᑦ ᐃᑲᔫᑎᓄᑦ ᐃᑲᔫᓯᐊᑦᓴᑦ.
ᓴᖅᑭᖅᑕᐅᓂᖏᓐᓄᑦ ᐊᖑᓇᓱᑦᑎᓄᑦ ᐃᑲᔫᑎᓄᑦ ᐃᑲᔫᓯᐊᒃᓴᑦ, ᑲᓇᑕ ᒐᕙᒪᖓ ᐃᓕᓴᕐᓯᔪᖅ ᒪᑭᒪᔾᔪᑎᓄᑦ ᓄᓇᕗᒻᒥ ᐃᓚᒋᔭᐅᒋᐊᓕᒃ ᑐᕌᖓᔪᖅ ᐃᑲᔫᑏᒃᓴᓂᒃ ᐃᓄᓐᓄᑦ ᐊᖑᓇᓱᑦᑎᓄᑦ. ᖃᐅᔨᓴᕐᓂᐅᕋᑖᓚᐅᖅᑐᖅ ᓄᓇᖃᖅᑳᕐᓯᒪᔪᓂᒃ ᖃᐅᔨᔭᐅᓚᐅᖅᑐᖅ 84% ᐃᓄᐃᑦ 15-ᓂᒃ ᐅᖓᑖᓂᓗ ᐅᑭᐅᓖᑦ ᐃᓚᒋᔭᐅᓂᖏᓐᓂᒃ ᐱᖅᑯᓯᒃᑯᑦ ᓴᓇᐅᒐᕐᓂᒃ ᐊᒻᒪᓗ /ᐅᑉᕙᓘᓐᓃᑦ ᐊᖑᓇᓱᓐᓂᕐᒧᑦ.
ᐃᓄᓐᓄᑦ, ᐊᖑᓇᓱᓐᓂᖅ, ᓂᕿᓕᕆᓂᖅ, ᓂᕆᑎᑦᓯᖃᑦᑕᓂᕐᓗ ᐊᒻᒪᓗ ᒥᓇᖃᑦᑕᕐᓂᖅ ᐃᓄᓕᖅᑕᓂᒃ ᓂᕿᓂᒃ ᐊᑦᑐᐊᓂᖃᒻᒪᕆᓐᓂᖓᓂᒃ ᓄᓇᓖᑦ ᐱᖅᑯᓯᖏᓐᓄᑦ, ᓇᑭᓐᖔᕐᓯᒪᓂᕐᒥᒃ ᐊᒻᒪᓗ ᐃᓚᒌᓐᓂᕐᒧᑦ ᐱᕙᓪᓕᐊᑎᑦᓯᓂᕐᒥᒃ. ᐱᕙᕆᐊᖃᕐᐳᖅ ᐊᒻᒪᓗ ᐱᖕᒪᕆᐅᓪᓗᓂ ᐃᓄᐃᑦ ᐃᓕᖅᑯᓯᖓᓄᑦ. ᐊᑦᑕᓇᐃᕐᓯᒪᒍᑎᕗᑦ, ᐊᓯᔾᔨᑐᒻᒪᕆᐅᑎᓪᓗᒍ …

ᓂᕈᐊᓐᓇᑎᓪᓗᒍ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦᑕ ᑐᖏᓕᖓᓂᒃ

(ᑎᓯᑉᐱᕆ 10, 2018 ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᓂᕈᐊᖅᑐᓕᕆᔨᒻᒪᕆᖓ ᓈᑦᓯ ᖃᕆᑕᖅ−ᓕᓐᑎᐊᓪ ᑐᓴᕐᑎᑎᖅᑲᐅᕗᖅ ᐅᓪᓗᒥ ᓂᕈᐊᕐᕖᑦ ᒪᑐᐃᓛᕐᒪᑕ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦᑕ ᑐᖏᓕᖓᓄᑦ 10-ᒧᐊᖅᐸᑦ ᓯᕿᙳᔭᖏᑦ ᓄᓇᓖᑦ ᐊᑐᕐᓗᒋᑦ ᑎᓯᑉᐱᕆ 10, 2018.
ᓂᕈᐊᕋᒃᓴᐅᔫᒃ ᐅᑯᐊ: ᔭᐃᒥᓯ ᐃᑦᑐᓗᒃ ᐊᒻᒪᓗ ᐲᑕ ᐅᕼᐅᒃᑲᓐᓄᐊᖅ
ᓂᕈᐊᖅᑎᐅᔪᑦ ᐊᑎᓕᐅᖅᑕᐅᓯᒪᔭᕆᐊᖃᖅᑐᑦ ᓄᓇᕗᖕᒥ ᐊᖏᕈᑎᑎᒍᑦ, ᑲᓇᑕᒥᐅᑕᐅᓗᑎᒃ, ᐊᒻᒪᓗ ᐅᑭᐅᖃᓕᕐᑐᑦ 16-ᓂᒃ ᐅᓪᓗᖓᓂ ᑎᓯᑉᐱᕆ 10, 2018-ᒥ.
ᓂᕈᐊᖅᑏᑦ ᓂᕈᐊᕈᓐᓇᕐᐳᑦ ᓇᖕᒥᓂᖅ ᓂᕈᐊᕐᓇᐅᑉ ᐅᓗᖓᓂ, ᓂᕈᐊᕈᔾᔭᐅᔪᓐᓇᕆᓪᓗᑎᒃ ᐊᓯᒥᓂᒃ ᐅᕝᕙᓗ ᑎᑎᖅᑲᓂᐊᕐᕕᒃᑯᑦ ᐊᐅᓪᓚᑎᑦᑎᓗᑎᒃ ᐋᑦᑎᐅᒍᑎᒃ ᑕᕝᕙᓂ ᐅᓪᓗᕐᒥ ᐅᕝᕙᓗ ᓱᕗᓂᐊᒍᑦ ᑎᓯᑉᐱᕆ 10.
ᓂᕈᐊᕆᐊᖅᑐᕐᕖᑦ ᐋᖅᑭᒃᓯᒪᑦᑎᐊᓛᕐᑐᑦ ᓄᓇᕘᓕᒫᕐᒥ ᓄᓇᓕᖕᓂ, ᐊᒻᒪᓗ ᓯᑕᒪᒃᑲᓐᓃᑦ ᐊᓯᖏᓐᓂ ᓄᓇᕘᑉ, ᐱᖃᑕᐅᓪᓗᓂ ᔮᓗᓇᐃ, …

ᓂᕈᐊᕋᑦᓴᓐᖑᖅᑎᑦᑎᖁᔨᒍᑏᑦ NWB

ᓂᕈᐊᕋᑦᓴᓐᖑᖅᑎᑦᑎᖁᔨᒍᑏᑦ
ᓄᓇᕗᑦ ᑐᓐᖓᕕᒃ ᑎᒥᖓ ᕿᓂᕐᒪᑦ ᐃᕿᐊᑦᑖᖓᐃᑦᑐᒥᒃ ᐊᐅᓛᖓᐃᑦᑐᒥᓪᓗ
ᑎᒃᑯᐊᖅᑕᐅᓇᔭᖅᑐᒥᒃ ᑲᑎᒪᔨᐅᖃᑕᐅᓗᓂ (ᐱᖓᓱᓄᑦ−ᐊᕐᕌᒍᓄᑦ) ᓄᓇᕗᒻᒥ
ᐃᒪᓕᕆᔨᒃᑯᑦ ᑲᑎᒪᔨᖏᓐᓄᑦ (NWB). ᓂᕈᐊᕋᑦᓴᑦ ᐃᓅᒋᐊᓕᒃ ᐊᑎᖃᖃᑕᐅᓗᓂ
ᓄᓇᕗᒻᒥ ᐊᖏᕈᑎᓂ, ᐊᖏᕐᓯᒪᑦᓯᐊᕐᓗᓂ ᑭᒡᒐᖅᑐᐃᓂᕐᒥᒃ ᐱᔪᒪᔭᖏᓐᓂᒃ ᐃᓄᐃᑦ,
ᐊᒻᒪᓗ ᑐᑭᓯᒪᓂᖃᑦᓯᐊᕐᓗᓂ NWB−ᑯᓐᓂᒃ ᐊᒻᒪᓗ ᓄᓇᕗᒻᒥ ᐊᖏᕈᑎᓂᒃ.
ᑐᑭᓯᒋᐊᒃᑲᓂᕐᕕᒃᓴᖅ ᐅᑉᕙᓘᓐᓃᑦ ᐊᐅᓪᓚᖅᑎᒍᓐᓇᖅᑕᑦ ᐱᓇᓱᐊᕈᒪᔾᔪᑏᑦ, ᐅᕗᖓ:
ᓄᓇᓕᖕᓂ ᑐᖅᑲᑕᕐᕕᖕᓄᑦ ᓄᓇᑦᓯᓐᓂ
ᐅᑉᕙᓘᓐᓃᑦ
ᑐᓐᖓᕕᒃᑯᑦ ᐊᑐᓕᖅᑎᑕᐅᕙᓪᓕᐊᔪᓂᒃ ᖃᐅᔨᓴᖅᑎᖓᓄᑦ ᓘᓯ ᐃᓪᓚᐅᑦ
ᐅᕗᖓ (867) 975-4900 ᐊᑭᖃᓐᖏᑦᑐᒧᓪᓘᓐᓃᑦ 1-888-646-0006
.
ᐃᓱᓕᑉᕕᖓ ᑐᓂᓯᓂᕐᒥᒃ ᐱᓇᓱᐊᕈᑎᓂᒃ ᕕᑉᕗᐊᓕ 28, 2019.

ᓂᕈᐊᕋᑦᓴᓐᖑᖅᑎᑦᑎᖁᔨᒍᑏᑦ NSRT

ᓂᕈᐊᕋᑦᓴᓐᖑᖅᑎᑦᑎᖁᔨᒍᑏᑦ
ᓄᓇᕗᑦ ᑐᓐᖓᕕᒃ ᑎᒥᖓ ᕿᓂᕐᒪᑦ ᐃᕿᐊᑦᑖᖓᐃᑦᑐᒥᒃ ᐊᐅᓛᖓᐃᑦᑐᒥᓪᓗ
ᑎᒃᑯᐊᖅᑕᐅᓇᔭᖅᑐᒥᒃ ᑲᑎᒪᔨᐅᖃᑕᐅᓗᓂ (ᐱᖓᓱᓄᑦ−ᐊᕐᕌᒍᓄᑦ) ᓄᓇᕗᒻᒥ ᓄᓇᐅᑉ
ᖄᖓᓄᑦ ᐱᔪᓐᓇᐅᑎᖏᓐᓄᑦ ᐋᖅᑭᒋᐊᒃᑲᐃᔨᓄᑦ (NSRT). ᓂᕈᐊᕋᑦᓴᑦ ᐃᓅᒋᐊᓕᒃ
ᐊᑎᖃᖃᑕᐅᓗᓂ ᓄᓇᕗᒻᒥ ᐊᖏᕈᑎᓂ, ᐊᖏᕐᓯᒪᑦᓯᐊᕐᓗᓂ ᑭᒡᒐᖅᑐᐃᓂᕐᒥᒃ
ᐱᔪᒪᔭᖏᓐᓂᒃ ᐃᓄᐃᑦ, ᐊᒻᒪᓗ ᑐᑭᓯᒪᓂᖃᑦᓯᐊᕐᓗᓂ NSRT−ᑯᓐᓂᒃ ᐊᒻᒪᓗ ᓄᓇᕗᒻᒥ
ᐊᖏᕈᑎᓂᒃ.
ᑐᑭᓯᒋᐊᒃᑲᓂᕐᕕᒃᓴᖅ ᐅᑉᕙᓘᓐᓃᑦ ᐊᐅᓪᓚᖅᑎᒍᓐᓇᖅᑕᑦ ᐱᓇᓱᐊᕈᒪᔾᔪᑏᑦ, ᐅᕗᖓ:
 ᓄᓇᓕᖕᓂ ᑐᖅᑲᑕᕐᕕᖕᓄᑦ ᓄᓇᑦᓯᓐᓂ
ᐅᑉᕙᓘᓐᓃᑦ
 ᑐᓐᖓᕕᒃᑯᑦ ᐊᑐᓕᖅᑎᑕᐅᕙᓪᓕᐊᔪᓂᒃ ᖃᐅᔨᓴᖅᑎᖓᓄᑦ ᓘᓯ ᐃᓪᓚᐅᑦ
ᐅᕗᖓ (867) 975-4900 ᐊᑭᖃᓐᖏᑦᑐᒧᓪᓘᓐᓃᑦ 1-888-646-0006
.
ᐃᓱᓕᑉᕕᖓ ᑐᓂᓯᓂᕐᒥᒃ ᐱᓇᓱᐊᕈᑎᓂᒃ ᕕᑉᕗᐊᓕ 28, 2019.

ᓂᕈᐊᕋᑦᓴᓐᖑᖅᑎᑦᑎᖁᔨᒍᑏᑦ

ᓂᕈᐊᕋᑦᓴᓐᖑᖅᑎᑦᑎᖁᔨᒍᑏᑦ
ᓄᓇᕗᑦ ᑐᓐᖓᕕᒃ ᑎᒥᖓ ᕿᓂᕐᒪᑦ ᐃᕿᐊᑦᑖᖓᐃᑦᑐᒥᒃ ᐊᐅᓛᖓᐃᑦᑐᒥᓪᓗ
ᑎᒃᑯᐊᖅᑕᐅᓇᔭᖅᑐᒥᒃ ᑲᑎᒪᔨᐅᖃᑕᐅᓗᓂ (ᐱᖓᓱᓄᑦ−ᐊᕐᕌᒍᓄᑦ) ᓄᓇᕗᒻᒥ ᐸᕐᓇᐃᔩᑦ
ᑲᒥᓴᖏᓐᓄᑦ (NPC). ᓂᕈᐊᕋᑦᓴᑦ ᐃᓅᒋᐊᓕᒃ ᐊᑎᖃᖃᑕᐅᓗᓂ ᓄᓇᕗᒻᒥ ᐊᖏᕈᑎᓂ,
ᐊᖏᕐᓯᒪᑦᓯᐊᕐᓗᓂ ᑭᒡᒐᖅᑐᐃᓂᕐᒥᒃ ᐱᔪᒪᔭᖏᓐᓂᒃ ᐃᓄᐃᑦ, ᐊᒻᒪᓗ
ᑐᑭᓯᒪᓂᖃᑦᓯᐊᕐᓗᓂ NPC−ᑯᓐᓂᒃ ᐊᒻᒪᓗ ᓄᓇᕗᒻᒥ ᐊᖏᕈᑎᓂᒃ.
ᑐᑭᓯᒋᐊᒃᑲᓂᕐᕕᒃᓴᖅ ᐅᑉᕙᓘᓐᓃᑦ ᐊᐅᓪᓚᖅᑎᒍᓐᓇᖅᑕᑦ ᐱᓇᓱᐊᕈᒪᔾᔪᑏᑦ, ᐅᕗᖓ:
 ᓄᓇᓕᖕᓂ ᑐᖅᑲᑕᕐᕕᖕᓄᑦ ᓄᓇᑦᓯᓐᓂ
ᐅᑉᕙᓘᓐᓃᑦ
 ᑐᓐᖓᕕᒃᑯᑦ ᐊᑐᓕᖅᑎᑕᐅᕙᓪᓕᐊᔪᓂᒃ ᖃᐅᔨᓴᖅᑎᖓᓄᑦ ᓘᓯ ᐃᓪᓚᐅᑦ
ᐅᕗᖓ (867) 975-4900 ᐊᑭᖃᓐᖏᑦᑐᒧᓪᓘᓐᓃᑦ 1-888-646-0006
.
ᐃᓱᓕᑉᕕᖓ ᑐᓂᓯᓂᕐᒥᒃ ᐱᓇᓱᐊᕈᑎᓂᒃ ᕕᑉᕗᐊᓕ 28, 2019.

ᓂᕈᐊᕋᑦᓴᓐᖑᖅᑎᑦᑎᖁᔨᒍᑏᑦ

ᓂᕈᐊᕋᑦᓴᓐᖑᖅᑎᑦᑎᖁᔨᒍᑏᑦ
ᓄᓇᕗᑦ ᑐᓐᖓᕕᒃ ᑎᒥᖓ ᕿᓂᕐᒪᑦ ᐃᕿᐊᑦᑖᖓᐃᑦᑐᒥᒃ ᐊᐅᓛᖓᐃᑦᑐᒥᓪᓗ
ᑎᒃᑯᐊᖅᑕᐅᓇᔭᖅᑐᒥᒃ ᑲᑎᒪᔨᐅᖃᑕᐅᓗᓂ (ᐱᖓᓱᓄᑦ−ᐊᕐᕌᒍᓄᑦ) ᓄᓇᕗᒻᒥ
ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ (NIRB). ᓂᕈᐊᕋᑦᓴᑦ ᐃᓅᒋᐊᓕᒃ ᐊᑎᖃᖃᑕᐅᓗᓂ
ᓄᓇᕗᒻᒥ ᐊᖏᕈᑎᓂ, ᐊᖏᕐᓯᒪᑦᓯᐊᕐᓗᓂ ᑭᒡᒐᖅᑐᐃᓂᕐᒥᒃ ᐱᔪᒪᔭᖏᓐᓂᒃ ᐃᓄᐃᑦ,
ᐊᒻᒪᓗ ᑐᑭᓯᒪᓂᖃᑦᓯᐊᕐᓗᓂ NIRB−ᑯᓐᓂᒃ ᐊᒻᒪᓗ ᓄᓇᕗᒻᒥ ᐊᖏᕈᑎᓂᒃ.
ᑐᑭᓯᒋᐊᒃᑲᓂᕐᕕᒃᓴᖅ ᐅᑉᕙᓘᓐᓃᑦ ᐊᐅᓪᓚᖅᑎᒍᓐᓇᖅᑕᑦ ᐱᓇᓱᐊᕈᒪᔾᔪᑏᑦ, ᐅᕗᖓ:
 ᓄᓇᓕᖕᓂ ᑐᖅᑲᑕᕐᕕᖕᓄᑦ ᓄᓇᑦᓯᓐᓂ
ᐅᑉᕙᓘᓐᓃᑦ
 ᑐᓐᖓᕕᒃᑯᑦ ᐊᑐᓕᖅᑎᑕᐅᕙᓪᓕᐊᔪᓂᒃ ᖃᐅᔨᓴᖅᑎᖓᓄᑦ ᓘᓯ ᐃᓪᓚᐅᑦ
ᐅᕗᖓ (867) 975-4900 ᐊᑭᖃᓐᖏᑦᑐᒧᓪᓘᓐᓃᑦ 1-888-646-0006
.
ᐃᓱᓕᑉᕕᖓ ᑐᓂᓯᓂᕐᒥᒃ ᐱᓇᓱᐊᕈᑎᓂᒃ ᕕᑉᕗᐊᓕ 28, 2019.

ᓄᓇᕗᑦ ᑐᓐᖓᕕᒃ ᐃᑲᔫᓯᐊᒃᓴᓕᕆᔨᒃᑯᑦ ᒪᑐᐃᕐᓯᑲᓐᓂᓂᐊᖅᑐᑦ ᑐᒃᓯᕋᐅᓯᐅᕐᓇᒥᒃ ᐃᓕᓐᓂᐊᖅᑎᓄᑦ

(ᓅᕙᐃᒻᕙ 21, 2018 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᓄᑦ (ᑐᓐᖓᕕᒃ) ᐊᖓᔪᖅᑳᖅ ᐊᓗᑭ ᑰᑦᑎᖅ ᖁᕕᐊᒋᔭᓕᒃ ᑐᓴᖅᑎᑦᓯᒋᐊᒃᓴᖅ ᑐᓐᖓᕕᒃᑯᑦ ᐊᐅᓚᑦᓯᓪᓗᑎᒃ ᐃᑲᔪᕐᓱᐃᒻᒪᑕ ᓄᓇᕗᒻᒥ ᐃᓄᓐᓂᒃ ᐃᓕᓐᓂᐊᑲᓐᓂᕋᓱᐊᖅᑐᓂᒃ. ᑭᖑᓂᐊᒍᑦ 2018 ᑐᒃᓯᕋᐅᓯᐅᖁᔨᔾᔪᑏᑦ, 214 ᐃᓕᓐᓂᐊᑲᓐᓂᖅᑐᓄᑦ ᐃᑲᔫᓯᐊᓚᐅᖅᑐᑦ ᓄᓇᕗᑦ ᐃᑲᔫᑎᒃᓴᓕᕆᔨᒃᑯᓐᓂᒃ (NTF) ᐃᓄᓐᓄᑦ ᐃᓕᓐᓂᐊᖅᑎᓄᑦ ᐊᑎᖃᖃᑕᐅᔪᓄᑦ ᓄᓇᕗᒻᒥ ᐊᖏᕈᑎᓂ ᐃᑲᔪᖅᑕᐅᖁᓪᓗᒋᑦ ᐃᓕᓐᓂᐊᖅᑕᖏᓐᓂᒃ.
 
“ᖁᕕᐊᒋᔭᕋ ᐅᓄᖅᑐᑦ ᐃᓄᐃᑦ ᐃᓕᓐᓂᐊᖅᑏᑦ ᐃᓕᓐᓂᐊᕐᒪᑕ ᐃᓕᓐᓂᐊᑲᓐᓂᕕᓐᓂ ᐊᒻᒪᓗ ᓄᓇᕗᑦ ᑐᓐᖓᕕᒃᑯᓐᓂᒃ ᐃᑲᔪᖅᑕᐅᔪᓐᓇᕐᒪᑕ. ᓄᓇᕗᑦ ᑐᓐᖓᕕᒃ ᐃᑲᔫᓯᐊᒃᓴᓕᕆᔨᒃᑯᑦ ᒪᑐᐃᕐᓯᑲᓐᓂᓂᐊᖅᑐᑦ ᑐᒃᓯᕋᐅᓯᐅᕐᓇᒥᒃ ᐃᓕᓐᓂᐊᖅᑎᓄᑦ ᑐᒃᓯᕋᐅᓯᐅᓚᐅᓐᖏᑦᑐᓄᑦ ᐊᑯᓐᓂᖏᓐᓂ ᔪᓚᐃ 1 ᐊᒻᒪᓗ ᐊᐅᒡᒍᓯ 31, 2018” ᐅᖃᖅᑐᖅ ᑰᑦᑎᖅ.
 
ᐃᓕᓐᓂᐊᖅᑏᑦ ᑐᒃᓯᕋᕈᒪᔪᑦ ᐊᒻᒪᓗ ᑐᒃᓯᕋᕈᓐᓇᕐᓯᓚᐅᓐᖏᑦᑐᑦ ᐊᕐᕌᒍᑦᑕ ᐱᒋᐊᓕᓵᕐᓂᖓᓂ ᑐᒃᓯᕋᐅᓯᐅᕈᓐᓇᓚᖓᓕᖅᑐᑦ ᐅᑯᓇᓐᖓᑦ ᐃᓕᓐᓂᐊᑲᓐᓂᖅᑐᓄᑦ …

ᑐᓐᖓᕕᒃᑯᑦ ᖁᕕᐊᒋᔭᓕᒃ ᑐᓴᖅᑎᑦᓯᒋᐊᑦᓴᖅ ᑭᓕᒃᕙᒃ ᑭᐅᕆᓐ ᑲᑉᓗᓈ ᐃᓚᒋᔭᐅᓂᐊᓕᕐᓂᖓᓂ ᐊᐅᓚᑦᓯᔨᒻᒪᕆᒋᔭᐅᓗᓂ

(ᓅᕙᐃᒻᕙ 13, 2018 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᓄᑦ (ᑐᓐᖓᕕᒃ) ᐊᖓᔪᖅᑳᖅ ᐊᓗᑭ ᑰᑦᑎᖅ ᖁᕕᐊᒋᔭᓕᒃ ᑐᓴᖅᑎᑦᓯᒋᐊᑦᓴᖅ ᑭᓕᒃᕙᒃ ᑭᐅᕆᓐ ᑲᑉᓗᓈ ᐃᓚᒋᔭᐅᓂᐊᓕᕐᓂᖓᓂ ᑐᓐᖓᕕᒃᑯᓐᓂ ᐊᐅᓚᑦᓯᔨᒻᒪᕆᒋᔭᐅᓗᓂ (CEO) ᐱᒋᐊᕐᓂᐊᖅᑐᖅ ᑏᓰᒻᕙ 03, 2018.
 
ᑭᓕᒃᕙᒃ ᒥᓂᔅᑕᐅᑉ ᑐᒡᓕᑲᓐᓂᖓᓂ ᐃᖅᑲᓇᐃᔮᖃᓚᐅᖅᑐᖅ, ᐃᓅᓯᖃᑦᓯᐊᓂᕐᒧᑦ ᑐᖅᑲᑕᕐᕕᒻᒥ ᓄᓇᕗᑦ ᒐᕙᒪᒃᑯᖏᓐᓂ (GN), ᐃᖅᑲᓇᐃᔮᕆᓚᐅᖅᑕᖓ ᓴᖅᑭᓚᐅᖅᑐᖅ ᑭᒡᒍᑕᐅᓪᓗᓂ ᐃᓅᓯᕐᒥᒃ ᑭᐱᓯᖃᑦᑕᕐᓂᕐᒧᑦ ᖁᐊᖅᓵᓇᖅᑐᒦᓐᓂᕐᒧᑦ ᓄᓇᕗᒻᒥ. ᐱᓇᓱᐊᒐᕐᒥᓂ ᑕᑉᕙᓂ, ᐋᖅᑭᑦᓱᐃᓚᐅᖅᑐᖅ ᑮᓇᐅᔭᓕᑕᐅᓯᒪᔪᒥᒃ, ᑕᓪᓕᒪᓄᑦ ᐅᑭᐅᓄᑦ ᐊᐅᓚᔾᔪᑎᒃᓴᓄᑦ ᐸᕐᓇᐅᑎᓂᒃ. ᓄᓇᕗᑦ ᒐᕙᒪᒃᑯᖏᓐᓂ ᐃᖅᑲᓇᐃᔭᕐᓯᒪᔪᖅ 2004-ᒥᓂᒃ, ᐃᖅᑲᓇᐃᔮᕆᖃᓯᐅᑎᓯᒪᔭᖏᑦ ᑖᒃᑯᓇᓂ ᒐᕙᒪᓕᕆᓂᕐᒧᑦ ᖃᐅᔨᒪᔨᑕᐅᓪᓗᓂ ᒪᕐᕉᓐᓄᑦ ᒥᓂᔅᑕᐅᑏᑦ ᑲᑎᒪᔨᖏᓐᓂ ᐊᒻᒪᓗ ᒪᕐᕉᓐᓄᑦ ᓯᕗᓕᖅᑏᓐᓄᑦ.
 
ᑭᓕᒃᕙᒃ ᐃᓅᓂᑯ ᐱᕈᕐᓴᓯᒪᓪᓗᓂᓗ ᖃᒪᓂ’ᑐᐊᒥ. ᓇᓗᓇᐃᒃᑯᑕᒻᒪᕆᑦᑖᕐᓯᒪᔪᖅ ᑖᒻᓴᓐ ᐃᓕᓐᓂᐊᕕᔾᔪᐊᖓᓂᒃ ᑲᐅᒡᒍᕆᒥ. …

ᓂᕈᐊᖅᑐᓕᕆᔨᒻᒪᕆᒃ ᑐᓴᖅᑎᑦᓯᔪᖅ ᓇᓗᓇᐃᕐᓯᒪᔪᓂᒃ ᓂᕈᐊᕋᑦᓴᓂᒃ ᑐᓐᖓᕕᒃᑯᑦ ᐊᖓᔪᖅᑳᑉ ᑐᒡᓕᐊᓄᑦ ᓂᕈᐊᕐᓂᐅᓂᐊᖅᑐᒧᑦ

(ᓅᕙᐃᒻᐸ 5, 2018 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᓄᑦ ᓂᕈᐊᖅᑐᓕᕆᔨᒻᒪᕆᒃ, ᓈᓐᓯ ᖃᕆᑕᖅ−ᓕᓐᑎᐅ, ᐅᓪᓗᒥ ᑐᓴᖅᑎᓯᖅᑲᐅᔪᖅ ᓇᓗᓇᐃᕐᓯᒪᔪᓂᒃ ᓂᕈᐊᒐᑦᓴᓂᒃ ᑐᓐᖓᕕᒃᑯᑦ ᐊᖓᔪᖅᑳᑉ ᑐᒡᓕᐊᓄᑦ ᓂᕈᐊᕐᓇᐅᓕᕐᐸᑦ ᑏᓰᒻᐸ 10, 2018.
ᓇᓗᓇᐃᕐᓯᒪᔪᑦ ᓂᕈᐊᒐᑦᓴᑦ: ᔭᐃᒥᓯ ᐃᑦᑐᓗᒃ ᐊᒻᒪᓗ ᐲᑕ ᐅᕼᐅᑲᓐᓄᐊᖅ. ᓂᕈᐊᒐᑦᓴᑦ ᐱᕕᒃᓴᖃᖅᑎᑕᐅᖅᑲᐅᔪᑦ ᖃᐅᔨᓴᐅᑦ ᑕᓪᓕᒪᓄᐊᕋᓱᐊᕐᓂᖓᓂ ᐅᓪᓗᒥ ᓴᒃᑯᐃᒍᒪᒍᑎᒃ ᓂᕈᐊᕋᑦᓴᓕᐊᖑᓯᒪᓂᕐᒥᓂᒃ.
ᓂᕈᐊᕐᓂᐊᖅᑐᑦ ᐊᑎᖃᖃᑕᐅᔭᕆᐊᓖᑦ ᓄᓇᕗᒻᒥ ᐊᖏᕈᑎᓂ, ᑲᓇᑕᒥᐅᑕᐅᓗᑎᒃ, ᐊᒻᒪᓗ ᐅᑭᐅᖅᑖᕐᓯᒪᔭᕆᐊᓖᑦ 16-ᓂᒃ ᑏᓰᒻᐸ 10, 2018−ᒥ.
ᓂᕈᐊᕈᓐᓇᖅᑐᑦ ᓇᓕᐊᓐᓂᑐᐃᓐᓇᖅ ᐊᑐᕈᓐᓇᖅᑐᑦ ᑕᓪᓕᒪᐅᓕᖅᑲᖓᔪᓂᒃ ᐅᑯᓂᖓ:
• ᑏᓰᒻᐸ 3, 2018 ᓂᕈᐊᕐᐸᒌᕐᓂᖅ
• ᑏᓰᒻᐸ 4-7, 2018 ᓂᕈᐊᖅᑎᑕᐅᒋᐊᖅᑐᕐᓗᑎᒃ ᐅᐸᑦᑕᐅᓗᑎᒃ
• ᑏᓰᒻᐸ 10, 2018 ᓇᖕᒥᓂᖅ ᓂᕈᐊᕆᐊᖅᑐᕐᓗᑎᒃ
• ᑏᓰᒻᐸ 10, 2018 ᓂᕈᐊᕈᔾᔭᐅᓗᑎᒃ ᐊᓯᒥᓄᑦ ᑕᑕᑎᕆᓯᒪᓗᑎᒃ …

ᓄᓇᕗᑦ ᑐᙵᕕᒃ ᑐᓴᖓᒃᓴᖏᑦ ᓇᓗᓇᐃᓪᓚᕆᙱᑐᑦᓱᓕ ᐊᖓᔪᖅᑳᑉ ᑐᖏᓕᖓᓄᑦ ᓂᕈᐊᕋᒃᓴᑦ

( ᓄᕕᐱᕆ 2, 2018 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᓂᕈᐊᖅᑎᑦᑎᔨᒻᒪᕆᖓᑦ ᓈᓐᓯ ᖃᕆᑕ− ᓕ ᓐᑎᐊᓪ ᑐᓴᕐᑎᑎᖅᑲᐅᔪᖅ ᓄᓇᕗᑦ ᑐᙵᕕᒃᑯᑦ ᓂᕈᐊᕋᒃᓴᓕᐅᕈᑎᖏᑦᑎᒍᑦ ᓂᕈᐊᓐᓇᐅᓛᕐᑐᒥ ᐊᖓᔪᖅᑳᑉ ᑐᖏᓕᖓᓄᑦ ᐃᓱᓕᖅᑲᐅᒻᒪᑦ 5- ᒥ ᐅᓐᓄᓴᖅ ᐅᓪᓗᒥ.
ᔭᐃᒥᓯ ᐃᑦᑐᓗᒃ ᑕᓗᕐᔪᐊᕐᒥᐅᑕᖅ ᐊᒻᒪ ᐲ ᑕ ᐅᕼᐅᑲᓐ ᓄᐊᒃ ᐅ ᕙᙵᑦ ᐃᖃᓗᒃᑑᑦ ᑎᐊᕐᒥᑦ ᑐᓂᓯᓯᒪᒻᒪᑦ ᓂᕈᐊᒐ ᒃᓴᐅᔾᔪᑎᒃᓴᓂᒃ ᑎᑎᖅᑲᓂᒃ ᓂᕈᐊᕐᓂᖃᓛᕐᑎᓪᓗᒋᑦ ᐊᖓᔪᖅᑳᑉ ᑐᖏᓕᖓᓄᑦ. ᓂᕈᐊᒐ ᒃᓴᐅᔪᑦ ᓄᕕᑉᐱᕆ 5, 2018- ᖑᕋᓱᐊᕐᓂᖓᓂ, 5- ᒥ ᐅᓐᓄᓴᒃᑯᑦ ᖁᔭᓈᕐᓯᔪᓐᓇᕐᐳᑦ ᓂᕈᐊᒐ ᒃᓴᐅᔾᔪᑎᒥᓐ ᓂᒃ.
ᓂᕈᐊᖅᑎᐅᕙᒃᑐᑦ ᓄᓇᕗᑦ ᑐᖕᒐᕕᒃᑯᑦ ᓂᕈᐊᕈᓐᓇᖅᐳᓪ ᑕᒡᓕᒪᓂᒃ ᐊᑐᕐᓗᑎᒃ ᓂᕈᐊᕈᑎᓂᒃ ᐅᑯᐊᖕᒍᕗᒃ ᓂᕈᐊᖅᑏᑦ ᓯᕗᓂᐊᒍᑦ ᓂᕈᐊᕈᓐᓇᕐᐳᑦ ᑎᓯᑉᐱᕆ 3- ᒥ …

ᓄᓇᕗᑦ ᑐᓐᖓᕕᒃ ᑎᒥᖓᑦ ᑐᖓᓱᒃᑎᑦᑎᔪᑦ ᓴᖅᑭᑕᐅᔪᓂᒃ ᐅᑯᐊ ᓄᓇᕗᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐱᓕᕆᔪᑦ ᖃᐅᔨᓴᕐᓂᕆᓯᒪᔭᖏᓐᓂᒃ

(ᐊᒃᑑ ᑉᐲᕇ 22, 2018− ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᑐᖓᓱᒃᑎᑦᑎᔪᑦ ᓴᖅᑭᑕᐅᔪᓂᒃ ᑐᐊᕕᕐᓇᖅᑐᒃᑯᑦ ᐅᑯᓂᖓ ᓄᓇᕗᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐱᓕᕆᔪᑦ ᖃᐅᔨᓴᕐᓂᕆᓯᒪᔭᖏᓐᓂᒃ (NILFA) ᐅᓂᒃᑳᖑᓪᓗᑎᒃ.
 
ᓴᖅᑭᑎᑕᐅᓂᖏᓐᓂᒃ ᐅᑯᐊ ᓄᓇᕗᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐱᓕᕆᔪᑦ ᖃᐅᔨᓴᕐᓂᕆᓯᒪᔭᖏᓐᓂᒃ ᐱᔭᒃᓴᕆᔭᐅᓯᒪᔪ ᐃᓗᐊᓂ ᐅᑯᐊ ᐃᓛᒃᑰᖅᑐᐊᓂ 23 ᓄᓇᕗᒥ ᐊᖏᕈᑎᓂ. ᐱᖁᔭᐅᓯᒪᔪᑦ ᐱᒪᑐᒃᑕᐅᑦᑎᐊᕐᓗᑎᒃ ᐊᒻᒪᓗ ᐅᓪᓗᒥᓲᖓᓕᕐᓗᑎᒃ ᑲᔪᓯᓂᒃᑯᑦ ᑕᐃᒪᓐᖓ.
 
ᒫᓐᓇᓵᖅ ᓴᖅᑭᑎᑦᑎᑕᐅᓂᖏᑦ ᐅᑯᐊ ᓄᓇᕗᒥ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᒃᓴᖏᓐᓄᑦ ᐱᓕᕆᔪᑦ ᖃᐅᔨᓴᕐᓂᕆᓯᒪᔭᖏᑦ ᐃᓗᐃᑦᑐᑦᑎᐊᑦ ᒪᒃᐱᒐᖃᖅᑐᑦ 1000−ᓂᒃ ᐅᓂᒃᑳᖅ ᖃᐅᔨᓇᓱᐊᕈᑕᐅᓯᒪᔪᑦ ᐃᓄᐃᑦ ᐃᓱᒪᒋᔭᖏᑦ, ᐊᑐᐃᓐᓇᐅᑎᑦᑎᓂᖅ ᐊᒻᒪᓗ ᐸᕐᓇᒃᓯᒪᓂᖅ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᑕᐅᓂᖅ. ᑕᒪᓐᓇ ᑐᑭᓯᖃᓐᓂᕈᑎᓴᖅ ᐃᓗᓕᖃᖅᑐᖅ ᐱᓗᐊᖅᑐᒥᑦ ᐱᔨᑦᑎᕐᓂᕐᒥᑦ ᐅᑯᓄᖓ ᑐᓴᐅᒪᑎᑦᑎᓂᕐᒥᑦ ᒐᕙᒪᒃᑯᓐᓂᑦ ᐃᓄᖕᓂᒃ …

ᓂᕈᐊᕋᒃᓴᓕᐅᕐᓂᖅ ᓄᓇᕗᑦ ᑐᙵᕕᒃᑯᑦ ᑎᒥᖓ ᓂᕈᐊᖅᑎᑦᑎᓕᕐᒥᒃᐸᑕ ᐊᖓᔫᖅᑲᖓᑕ ᑐᒡᓕᖓᓂᒃ

(ᐊᒃᑐᕙ 18th, 2018 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᓐᓄ ᓂᕈᐊᖅᑐᓕᕆᔨᒻᒪᕆᖓ ᓈᑦᓯ ᖃᕆᑕᖅ−ᓕᓐᑎᐊᓪ ᐅᓪᓗᒥ ᑐᓴᖅᑎᑦᑎᕗᖅ ᓂᕈᐊᕋᒃᓴᓕᐅᕈᓐᓇᕐᕕᒃ ᓄᓇᕗᑦ ᑐᙵᕕᒃᑯᑦ ᓂᕈᐊᖅᑎᑦᑎᑎᓪᓗᒋᑦ ᐊᖓᔪᖅᑳᑉ ᑐᖏᓕᖓᑕ ᐃᓂᖓᓄᑦ ᐱᒋᐊᓛᖅᑐᖅ ᐊᒃᑐᕙ 29 – ᓄᕕᑉᕆ 2, 2018. ᓂᕈᐊᕋᒃᓴᓕᐅᕐᓂᐊᕐᓗᓂ ᑎᑎᕋᕐᕕᒃᓴᖅ ᐱᔭᐅᔪᓐᓴᕐᑐᖅ ᓂᕈᐊᖅᑐᓕᕆᔨᒻᒪᕆᒥᒃ, ᓄᓇᓕᖕᓂ ᑐᖅᑲᑕᕐᕕᖕᒥᑦ, ᐅᕝᕙᓗ ᓄᓇᕗᑦ ᑐᙵᕕᒃᑯᑦ ᖃᐃᕐᕆᕕᖓᓂᒃ ᖃᕆᑕᐅᔭᒃᑯᑦ ᓂᕈᐊᕋᒃᓴᓕᐅᕈᓐᓇᕐᓂᖅ ᐱᒋᐊᕈᓐᓇᕐᓯᑐᐊᖅᐸᑦ.
 
ᓂᕈᐊᕋᒃᓴᓕᐊᕆᔭᐅᔪᓐᓇᕐᑐᑦ ᑐᓂᓯᓯᒪᔭᕆᐊᓖᑦ ᓂᕈᐊᕋᒃᓴᓕᐊᖑᓯᒪᔾᔪᑎᒥᓂᒃ ᓂᕈᐊᖅᑐᓕᕆᔨᒻᒪᕆᒧᑦ 5-ᒥ ᐅᓐᓄᓴᒃᑯᑦ ᐅᖓᑖᓄᙱᑦᑐᖅ, ᓄᕕᑉᐱᕆ 2, 2018. ᓂᕈᐊᕋᒃᓴᑦ ᐃᒻᒥᒃᑯᑦ ᑲᒪᒋᔭᖃᖅᐳᑦ ᐱᔭᐅᓯᒪᒐᓗᐊᕐᒪᖔᑖ ᓂᕈᐊᕋᒃᓴᓕᐅᕈᑕᐅᓯᒪᔪᑦ ᑎᑎᖅᑲᑦ. ᓂᕈᐊᒐᒃᓴᐅᔪᑦ ᓂᕈᐊᕋᒃᓴᓕᐊᖑᓯᒪᒍᑎᒥᓂᒃ ᑐᓂᓯᓯᒪᙱᒃᐸᑕ ᐅᓪᓗᖅ ᐃᓱᓕᒡᕕᖓ ᑎᑭᑎᓪᓗᒍ ᓂᕈᐊᒐᒃᓴᐅᔪᓐᓇᓂᐊᙱᓚᑦ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑕ ᑐᖏᓕᖓᑕ ᐃᓂᖓᓄᑦ.
 
ᓂᕈᐊᕈᓐᓇᕐᑐᑦ ᐊᔾᔨᒌᙱᑐᒃᑯᑦ ᑕᓪᓕᒪᐅᓪᓗᑎᒃ ᓂᕈᐊᕈᓯᐅᔪᓐᓇᕐᑐᑦ ᓂᕈᐊᕈᓐᓇᕐᐳᑦ:

ᑎᓯᑉᐱᕆ …

ᓄᓇᕗᑦ ᑐᙵᕕᒃᑯᑦ ᐃᓱᒪᒋᔭᖃᖅᐳᑦ ᐃᓚᖏᓐᓂᒃ ᑕᒪᔅ ᓱᓘᑉ

(ᐊᒃᑐᕙ 15th, 2018 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓᑕ ᑐᖏᓕᖓ ᔭᐃᒥᓯ ᐃᑦᑐᓗᒃ ᐅᖃᓚᐅᕐᑐᖅ ᖁᒃᓱᓂᕋᖅᑐᓂ ᑕᒪᔅ ᓱᓗᒃ ᐊᕐᕕᐊᕐᒥᐅᑕ, ᓄᓇᕗᖕᒥ ᐃᓅᔪᓐᓂᓚᐅᑎᓪᓗᒍ.
 
“ᑕᒪᔅ ᐃᓱᒪᒋᔭᑦᑎᐊᖃᑦᑕᓚᐅᕐᑐᖅ ᓄᓇᒥᓂ ᐊᒻᒪᓗ ᓄᓇᕗᖕᒥ. ᖃᐅᔨᒪᓂᖃᓚᐅᕐᒪ ᓄᓇᕗᖕᒥᑦ ᐊᒻᒪᓗ ᐱᖅᑯᓯᖏᓐᓂᒃ ᐃᓄᐃᑦ ᐃᓕᖅᑯᓯᖏᓐᓂᓪᓗ ᐊᖏᔪᐊᓗᖕᒥᒃ. ᐅᐱᒃᐳᖓ ᐃᖅᑲᓇᐃᔭᖃᑎᒋᓚᐅᕐᓯᒪᒐᒃᑯᑦ ᐅᑭᐅᒐᓴᓂᒃ.” ᐅᖃᖅᑐᖅ ᐃᑦᑐᓗᒃ.
 
ᓱᓗᒃ ᐊᐃᕙᔨᐅᒋᐊᓕᓚᐅᕐᓯᒪᔪᖅ 1977-ᒥ ᓄᓇᑖᕋᓱᐊᕐᓂᕐᒧᑦ ᓯᕗᓂᐊᒍᑦ ᑐᙵᕕᒃ ᓄᓇᕗᑦ ᐱᙳᖅᑎᑕᐅᓚᐅᖅᑎᓐᓇᒍ ᐱᙳᖅᑎᑕᐅᔪᒻᒪᑦ ᑭᓯᐊᓂ 1982-ᒥ. ᑲᓇᑕᐅᑉ ᑲᑎᒪᕕᔾᔪᐊᖓᓄᑦ ᑲᑎᒪᔨᐅᖃᑕᐅᓯᒪᓪᓗᓂ 1984-ᒥᑦ 1988-ᒧᑦ, ᑐᓵᔨᐅᖃᑦᑕᕐᓯᒪᓪᓗᓂ ᐊᒻᒪᓗ ᑐᑭᓕᐅᖅᑎᐅᓪᓗᓂ, ᓄᓇᕗᑦ ᑐᙵᕕᒃᑯᓐᓄᑦ ᐃᖅᑲᓇᐃᔭᕐᑎᐅᓯᒪᓪᓗᓂ, ᓇᖕᒥᓂᖅ ᐱᓕᕆᕕᖃᖅᓯᒪᓪᓗᓂ ᐊᕐᕕᐊᓂ.
 
ᕿᒪᐃᓯᒪᒻᒪᑕ ᐊᒻᒪᓗ ᐃᑲᔪᓐᓂᖃᖅᓯᒪᓪᓗᓂ ᓄᓇᕗᖕᒥᑦ ᐳᐃᒍᖅᑕᐅᔾᔮᙱᑦᑐᖅ ᐊᒻᒪᓗ ᐊᒃᓱᐊᓗᒃ ᑭᖑᓂᖃᕆᔭᐅᓂᐊᖅᑐᖅ.

ᓄᓇᕗᑦ ᑐᙵᕕᒃᑯᑦ ᑐᓴᖅᑎᑦᑎᕗᑦ 2018-ᒥ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᕐᑎᓄᑦ ᐃᑲᔪᕈᑎᑦ ᐱᑎᑕᐅᔪᖅ

(ᐊᒌᓯ 27, 2018 – ᐃᖃᓗᐃᑦ, ᓄᓇᕗᑦ)  ᓄᓇᕗᑦ ᑐᙵᕕᒃᑯᖅ ᐊᖓᔪᖅᑳᖓᖅ ᐊᓗᑭ ᑰᑦᑎᖅ ᐅᓪᓗᒥ ᑐᓴᖅᑎᑦᑎᕗᖅ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᕐᑎᓄᑦ ᐃᑲᔪᕈᑎᒥᒃ ᐅᑭᐅᖓᓄᑦ 2018 ᑐᓂᔭᐅᔪᒥᒃ. ᕙᐃᑕ ᑲᕕᐅᖅ ᐊᕐᕕᐊᖕᒥᐅᑕᖅ ᐊᒻᒪᓗ ᑳᓚᐃ ᐊᖓᓕᒃ ᐊᕐᕕᐊᕐᒥᐅᑕᖅᑕᐅᖅ ᑕᒪᒃᑮᒃ $5,000−ᓂᒃ ᑐᓂᔭᐅᖕᒪᑎᒃ ᐃᓕᓐᓂᐊᕐᑕᒥᓄᑦ. ᑲᕕᐅᖅ ᐋᓐᓂᐊᓯᐅᖅᑎᐅᓂᕐᒧᑦ ᐃᓕᓴᖕᒪ ᓄᓇᕗᑦ ᓯᓚᑦᑐᓴᕐᕕᖓᓂ ᐊᒻᒪ ᐊᖓᓕᒃ ᐱᒋᐊᒃᑲᓂᕐᓂᐊᓕᕐᒥᒻᒪᑦ ᐱᖓᔪᒋᓂᐊᓕᕐᑐᓂᐅᒃ ᐅᑭᐅᖅ ᓄᓇᕗᖕᒥ ᐃᓕᓴᐃᔨᐅᓂᕐᒧᑦ ᐃᓕᓐᓂᐊᕐᒪᑦ.
 
“ᖁᕕᐊᒃᓱᒃᐳᖓ ᕙᐃᑕ ᐊᒻᒪ ᑳᓚᐃ ᓂᕈᐊᖅᑕᐅᖕᒪᑎᒃ ᑐᓂᔭᐅᓪᓗᑎᒃ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᕐᑎᓐᓄᑦ ᐃᑲᔪᕈᑎᒥᒃ. ᐅᐱᒍᓱᒃᐳᖓ ᖃᐅᔨᓪᓗᖓ ᐃᓕᓐᓂᐊᖅᑏᓐᓂᒃ ᐃᓕᓐᓂᐊᕐᑑᓐᓂᒃ ᐃᓄᒃᑐᖅ ᓴᖅᑭᐅᒪᐃᓐᓇᖁᓪᓗᒍ ᐃᓕᓐᓂᐊᕐᒪᑎᒃ ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪ ᐋᓐᓂᐊᖃᓐᓇᖏᓐᓂᓕᕆᓂᕐᒧᑦ ᓄᓇᕗᖕᒥ” ᐅᖃᖅᑐᖅ ᑰᑦᑎᒃᖅ
 
ᑭᖑᓪᓕᐅᔪᒫᕐᑐᖅ ᑐᒃᓯᕋᕈᑎᓕᐅᕈᑎᓄᑦ ᔫᓯ …

ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓ ᐅᐱᒍᓱᒃᐳᖅ ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖅᑖᖓᓐᓂᒃ ᓂᕈᐊᖅᑕᐅᓕᖅᑭᒻᒪᑦ ᓇᑖᓐ ᐅᐱᐊᑦ

(ᐊᒡᒋᓯ 16, 2018 – ᐃᖃᓗᐃᑦ, ᓄᓇᕗᑦ)  ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᐅᓪᓗᒥ ᐅᐱᒍᓱᖅᑲᐅᕗᖅ ᓇᑖᓐ ᐅᐱᐊᑦᒥᒃ ᓂᕈᐊᖅᑕᐅᓕᖅᑭᒻᒪᑦ ᐊᖓᔪᖅᑳᑖᕆᔭᐅᓪᓗᓂ ᐃᓄᐃᑦ ᑕᐱᕇᑦ ᑲᓇᑕᒥᒃᑯᓐᓄᑦ. ᐅᐱᐊᑦ ᐅᓪᓗᒥ ᓂᕈᐊᖅᑕᐅᖃᐅᕗᖅ ᐃᓄᐃᑦ ᑕᐱᕇᑦ ᑲᓇᑕᒥ ᐊᕐᕌᒍᓕᒫᕐᓯᐅᑎᒥᓂᒃ ᑲᑎᒪᓂᖃᖅᑎᓪᓗᒋᑦ ᐃᓅᕕᖕᒥ, ᓄᓇᑦᓯᐊᕐᒥ.
 
ᐲᑕ ᐃᑎᓐᓄᐊᖅ, ᓇᑖᓐ ᐅᐱᐊᑦ ᐊᒻᒪᓗ ᐲᑕ ᒍᐃᓕᐊᒻᓴᓐ ᐱᖓᓲᓪᓗᑎᒃ ᓂᕈᐊᕋᒃᓴᐅᓚᐅᕐᒪᑕ ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑲᖓᓂᒃ ᓂᕈᐊᖅᑎᓪᓗᒋᑦ.
 
“ᐅᐱᒋᕙᕋ ᓂᕈᐊᖅᑕᐅᓵᖅᑐᖅ ᐃᓄᐃᑦ ᑕᐱᕇᒃ ᑲᓇᑕᒥ ᐊᖓᔪᖅᑳᖅᑖᓵᖓ. ᕿᓚᓈᕆᕙᕋ ᐃᖅᑲᓇᐃᔭᖃᑎᒋᖃᑦᑕᓐᓂᐊᕋᒃᑯᑦ ᐅᐱᐊᑦ ᐊᖓᔪᖅᑳᕆᔭᐅᑎᓪᓗᒍ ᐱᔪᒥᒋᔭᖏᑦ ᓄᓇᕗᖕᒥᐅᑦ ᐃᓄᐃᑦ ᓇᓗᒧᒌᒃᑐᒥᒃ ᑭᒡᒐᑐᖅᑕᐅᓂᖃᕐᓂᖏᓐᓂᒃ ᑲᓇᑕᓕᒫᕐᒥ” ᐅᖃᖅᑐᖅ ᑰᑦᑎᖅ.
 
ᐅᐱᐊᑦ, ᐃᓅᓚᐅᕐᓯᒪᔪᖅ ᓇᐃᓂᒥ, ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᕆᔭᐅᓯᒪᔪᖅ 2015-ᒥᓂᑦ ᐊᒻᒪ ᐊᖓᔪᖅᑳᖑᓂᐊᓕᕐᒥᔪᖅ ᑎᑭᓪᓗᒍ …

ᓄᓇᕗᑦ ᑐᙵᕕᒃᑯᑦ ᑎᒥᖓᑕ ᐊᖓᔪᖅᑳᖓᑕ ᑐᖏᓕᖓᓂᒃ ᓂᕈᐊᕈᒫᕐᑎᓪᓗᒋᑦ ᑐᓴᕐᑎᑦᑎᕗᑦ ᑭᓇᒥᒃ ᓂᕈᐊᖅᑐᓕᕆᔨᒻᒪᕆᖃᓛᕐᓂᕐᒥᓂᒃ

(ᐊᒡᒋᓯ 2, 2018 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᑐᓴᕐᑎᑎᖅᑲᐅᕗᖅ ᑖᒃᑯᐊ ᐊᔮᔮᒃᑯᑦ ᓂᐅᕐᕈᑎᖃᖃᑦᑕᕐᓂᓕᕆᔨᖏᑦ ᐊᒻᒪᓗ ᑐᓴᐅᒪᖃᑦᑕᐅᑎᓕᕆᔨᖏᑦ ᓂᕈᐊᖅᑐᓕᕆᔨᐅᓂᐊᕐᓗᑎᒃ ᓄᓇᕗᑦ ᑐᙵᕕᒃ ᑎᒥᖓᓄᑦ ᓂᕈᐊᖅᑎᑦᑎᓕᕐᐸᑕ ᐊᖓᔪᖅᑳᑉ ᑐᖏᓕᖓᓂ, ᑎᓯᑉᐱᕆ 10, 2018-ᒥ.
 
ᓂᕈᐊᕋᒃᓴᓕᐅᕈᓐᓇᕐᕕᐅᓂᐊᖅᑐᖅ ᐊᒃᑐᕙ 29, 2018-ᒥᑦ – ᓄᕕᑉᐱᕆ 2, 2018-ᒧᑦ. ᓂᕈᐊᒐᒃᓴᙳᕈᓐᓇᕐᑐᑦ ᐊᒻᒪ ᓂᕈᐊᖅᑏᑦ ᑲᓇᑕᒥᐅᑕᐅᔭᕆᐊᓖᑦ, 16 ᐅᑭᐅᖃᕐᓗᑎᒃ ᑐᖔᓂᐅᙱᑦᑐᖅ, ᐊᑎᓕᐅᖅᑕᐅᓯᒪᔭᕆᐊᓖᑦ ᓄᓇᕗᖕᒥ ᐊᖏᕈᑎᑎᒍᑦ. ᓂᕈᐊᕋᒃᓴᓕᐅᕈᑎᒃᓴᑦ ᐱᔭᐅᔪᓐᓇᕐᐳᑦ ᓂᕈᐊᖅᑐᓕᕆᔨᒻᒪᕆᖕᒥᒃ, ᓄᓇᓕᖕᓂ ᑐᒃᑕᕐᕖᑦ ᑎᑎᕋᕐᕕᖓᓂᒃ, ᐅᕝᕙᓗ ᓄᓇᕗᑦ ᑐᙵᕕᒃ ᑎᒥᖓᑕ ᖃᐃᕐᕆᕕᖓᓂᑦ ᓂᕈᐊᕋᒃᓴᓕᐅᕈᓐᓇᕐᓂᖅ ᒪᑐᐃᑐᐊᕐᐸᑦ.
 
ᓂᕈᐊᒐᒃᓴᙳᖅᑐᑦ ᑲᒪᒋᔭᖃᖅᐳᑦ ᓂᕈᐊᕋᒃᓴᙳᖅᑎᑕᐅᒍᑎᖏᑦ ᑎᑎᖅᑲᑦ ᓂᕈᐊᖅᑐᓕᕆᔨᒻᒪᕆᐅᑉ ᐱᓯᒪᔭᕆᐊᖃᕐᒪᒋᑦ ᐱᓯᒪᒐᓗᐊᕐᒪᖔᒋᑦ. ᓂᕈᐊᕋᒃᓴᙳᖅᑎᑕᐅᒍᑏᑦ ᐱᔭᐅᓯᒪᙱᒃᐸᑕ ᒪᑐᔭᐅᕕᖓ ᐅᓪᓗᖅ ᑎᑭᓪᓗᒍ, ᓂᕈᐊᕋᒃᓴᐅᔪᓐᓇᓚᐅᖅᑑᒐᓗᐊᖅ ᓂᕈᐊᕋᒃᓴᐅᙳᕈᓐᓇᐃᓕᓐᓂᐊᖅᑐᖅ …

ᑐᓐᖓᕕᒃᑯᑦ ᖁᔭᓕᔪᑦ ᐃᖅᑲᖅᑐᐃᕕᒃ ᓇᓗᓇᐃᖅᑕᖓᓂᒃ ᐃᓚᓕᐅᔾᔭᐅᓯᒪᖁᓪᓗᒍ ᑭᕙᓪᓕᖅ ᕼᐊᓪ ᐃᓕᓐᓂᐊᕆᐊᖃᑦᑕᓚᐅᖅᑐᓄᑦ ᑮᓇᐅᔭᓕᑕᐅᔾᔪᑎᒃᓴᓂᒃ

(ᔪᓚᐃ 31, 2018 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᓄᑦ (ᑐᓐᖓᕕᒃ) ᐊᖓᔪᖅᑳᖅ ᐊᓗᑭ ᑰᑦᑎᖅ ᐅᓪᓗᒥ ᐅᖃᖅᑲᐅᔪᖅ ᑐᓐᖓᕕᒃᑯᑦ ᖁᔭᓕᒋᐊᖏᑦ ᓄᓇᕗᑦ ᐃᖅᑲᖅᑐᐃᕕᖓᓂ ᐅᓐᓂᓗᓐᓂᕐᒧᑦ ᐃᖅᑲᖅᑐᐃᔨ ᐃᓚᓕᐅᔾᔨᓯᒪᖁᔨᓂᕐᒧᑦ ᓇᓗᓇᐃᕐᓯᓂᖓᓂᒃ ᐃᓕᓐᓂᐊᕆᐊᖃᑦᑕᓚᐅᖅᑐᑦ ᐊᖏᕐᕋᒥᓂᒃ ᓅᑕᐅᓪᓗᑎᒃ ᑮᓇᐅᔭᓕᑕᐅᒍᑎᖏᓐᓄᑦ ᐊᖏᖃᑎᒌᒍᑎᓄᑦ.
 
ᑖᓐᓇ ᐊᑯᓂᐊᓗᒃ ᑲᒪᒋᔭᐅᔪᖅ ᐊᐃᕙᔾᔪᑕᐅᓪᓗᓂ ᑲᓇᑕ ᒐᕙᒪᒃᑯᖏᓐᓄᑦ 2007−ᒥᓂᒃ. ᑐᓐᖓᕕᒃᑯᑦ, ᓯᒥᐊᓐ ᒥᑭᓐᖑᐊᒥᒃ ᐃᖅᑲᓇᐃᔭᖃᑎᖃᖅᑐᑎᒃ, ᐃᓕᓐᓂᐊᖅᑎᐅᓚᐅᕐᓯᒪᔪᖅ, 2013ᒥᑦ ᐊᐃᕙᔾᔪᑎᖃᕈᒪᓪᓗᓂ ᑭᕙᓪᓕᖅ ᕼᐊᓪ ᐱᓇᓱᐊᕐᕕᐅᖁᔭᐅᓪᓗᓂ ᑕᐃᒫᑦᓴᐃᓐᓇᖅ ᐅᑮᕕᒃ ᐃᓕᓐᓂᐊᕆᐊᕐᓯᒪᔪᓄᑦ ᐊᖏᕐᕋᐅᓚᐅᖅᑐᑐᑦ ᐊᒻᒪᓗ ᐊᑲᐃᑦᓱ ᕼᐊᓪ.
 
ᓄᓇᕗᑦ ᐃᖅᑲᖅᑐᐃᕕᖓᑕ ᐅᓐᓂᓗᓐᓂᕐᒧᑦ ᐃᖅᑲᖅᑐᐃᔨᖓᑕ ᓇᓗᓇᐃᕐᓯᓂᖓ ᐃᑲᔪᕐᓱᓚᐅᖅᑐᖅ ᓄᓇᕗᒻᒥ ᐃᖅᑲᖅᑐᐃᔨᒃᑯᑦ 2016 ᐃᓱᒪᓕᐅᕈᑎᒋᓚᐅᖅᑕᖓᓂᒃ ᐃᓚᓕᐅᔾᔭᐅᓯᒪᖁᓪᓗᒍ ᑭᕙᓪᓕᖅ ᕼᐊᓪ. ᑲᓇᑕ ᒐᕙᒪᒃᑯᖏᑦ ᐅᓐᓂᓗᑉᕕᒃᑰᕈᔾᔨᓕᖅᑐᑎᒃ 2016-ᒥ ᐃᓱᒪᓕᐅᕈᑕᐅᓚᐅᖅᑐᒥᒃ.
 
ᐅᓐᓂᓗᑉᕕᒃ ᐃᖅᑲᖅᑐᐃᕕᒃᑯᑦ ᐃᓱᒪᓕᐅᕈᑖ …

ᓄᓇᕗᑦ ᑐᙵᕕᒃ ᑎᒥᖓ ᐅᐱᒋᔭᖃᖅᐳᑦ ᒫᓂᑲ ᐃᐊᓪ ᑲᓇᔪᕐᒥᒃ ᐊᒻᒪᓗ ᓖᓴ ᖁᐱᕐᕈᐊᓗᖕᒥᒃ ᐊᖓᔪᖅᑳᖑᖅᑎᑕᐅᓂᖓᓄᑦ ᐊᒻᒪ ᐊᖓᔪᖅᑳᑉ ᑐᖏᓕᑖᖑᓂᖓᓂᒃ ᐃᓄᐃᑦ ᓄᓈᓐᓂ ᑲᑎᒪᔨᖏᓐᓄᑦ ᑲᓇᑕᒥ

(ᔪᓚᐃ 18, 2018 – ᐃᖃᓗᐃᑦ, ᓄᓇᕗᑦ ) ᓄᓇᕗᑦ ᑐᙵᕕᒃ ᑎᒥᖓᑕ (ᑐᙵᕕᒃᑯᑦ) ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᐅᐱᒍᓱᖅᑲᐅᕗᑦ ᒫᓂᑲ ᐃᐊᓪ ᑲᓇᔪᕐᒥᒃ ᓂᕈᐊᖅᑕᐅᓂᖓᓄᑦ ᑭᖑᕝᕕᑎᐅᓪᓗᓂ ᐊᖓᔪᖅᑳᖅᑕᖑᓂᖓᓄᑦ ᐃᓄᐃᑦ ᓄᓈᓐᓂ ᑲᑎᒪᖏᖏᓐᓄᑦ ᑲᓇᑕᒥ ᐊᒻᒪᓗ ᓖᓴ ᖁᐱᕐᕈᐊᓗᖕᒥᒃ ᐊᖓᔪᖅᑳᑉ ᑐᖏᓕᑖᕆᒻᒪᒍ.
“ᑐᙵᕕᒃᑯᑦ ᑲᑎᒪᔨᖏᑦ ᐊᒻᒪᓗ ᐃᖅᑲᓇᐃᔭᕐᑎᖏᑦ ᕿᓚᓈᕆᔭᖃᖅᐳᑦ ᐱᓕᕆᖃᑎᖃᓐᓂᐊᓂᕐᒥᓂᒃ ᐃᓄᐃᑦ ᑭᒡᒐᑐᑦᑕᐅᑦᑎᐊᖁᓪᓗᒋᑦ ᓄᓇᕐᔪᐊᓕᒫᕐᒥ ᐅᑭᐅᕐᑕᕐᑐᒥ ᑲᑎᒪᔨᖏᑦᑎᒍᑦ, ᓄᓇᕐᔪᐊᕐᒥ ᓄᓇᓖᑦ ᑲᑎᒪᔨᖏᓐᓂ ᐊᒻᒪᓗ ᐊᓯᖏᓐᓂ ᓄᓇᕐᔪᐊᕐᒥ ᑎᒥᐅᔪᓄᑦ. ᖁᓇᒋᔪᒪᕙᕋ ᐃᓇᖏᖅᑕᐅᔪᖅ ᓈᓐᓯ ᖃᕆᑕᖅ−ᓕᓐᑎᐊᓪ ᐊᒻᒪ ᐊᖓᔫᖅᑳᑉ ᑐᖏᓕᖓ ᕼᐅᑉ ᓇᑭᒪᔭᒃ ᐱᔨᑦᑎᕐᓯᓚᐅᕐᓂᖏᓐᓄᑦ ᑲᓇᑕᐅᑉ ᐃᓄᖏᓐᓂᒃ. ᐊᒻᒪᓗ ᓇᓗᓇᐃᕈᒪᕗᖓ ᐆᒻᒪᑎᒃᑯᑦ ᖁᔭᒋᒻᒥᒐᒃᑭᑦ ᑕᒪᕐᒥᒃ ᓂᕈᐊᕋᒃᓴᐅᓚᐅᕐᑐᑦ ᐊᑎᕐᒥᓂ ᑐᓂᓯᓚᐅᕐᑐᑦ ᐃᓱᒪᒃᓴᕐᓯᐅᕈᑕᐅᓂᐊᕐᓗᑎᒃ ᐃᓄᐃᑦ …

ᓄᓇᕗᑦ ᑐᙵᕕᒃᑯᑦ, ᓄᓇᕗᒻᒥ ᓂᕐᔪᑎᓕᕆᔨᒃᑯᑦ ᐊᐅᓚᑦᑎᔨᖏᑦ ᑲᑎᒪᔩᑦ, ᒐᕙᒪᑦ ᓄᓇᕗᑦ ᐊᒻᒪᓗ ᒐᕙᒪᑦ ᑲᓇᑕ ᐊᖏᖅᓯᒪᔪᑦ ᐃᖃᓪᓕᐊᓕᕆᓂᕐᒧᑦ ᐊᑐᐊᒐᓄᑦ ᓄᓇᕗᒻᒥ ᓇᔪᕐᕕᖏᓐᓄᑦ

(July 9, 2018 – ᐃᖃᓗᐃᑦ, ᓄᓇᕗᑦ) ᖁᕕᐊᓱᖃᑎᒌᓪᓗᑕ 25 ᐅᑭᐅᓄᑦ ᐊᑎᓕᐅᕐᓂᕐᒧᑦ ᓄᓇᕗᑖᖅᓯᒪᓂᕐᒧᑦ ᐊᖏᕈᑎᐊᓄᑦ, ᒐᕙᒪᑦ ᑲᓇᑕᒃᑯᑦ, ᓄᓇᕗᑦ ᑐᙵᕕᒃᑯᑦ ᓄᓇᕗᒻᒥ ᓂᕐᔪᑎᓕᕆᔨᒃᑯᑦ ᐊᐅᓚᑦᑎᔩᑦ ᑲᑎᒪᔨᖏᑦ ᐊᒻᒪᓗ ᒐᕙᒪᑦ ᓄᓇᕗᑦ ᓴᖅᑭᑎᑦᑎᓯᒪᔪᑦ ᐃᑲᔪᖅᑎᒌᖕᓂᕐᒧᑦ ᐅᓂᒃᑳᒐᔅᓴᓕᐊᓂᒃ ᐱᕙᓪᓕᐊᓂᕐᒧᑦ ᐃᖃᓪᓕᐊᓕᕆᓂᕐᒧᑦ ᐊᑐᐊᒐᓂᑦ ᓄᓇᕗᒻᒥ ᓇᔪᕐᕕᐅᔪᒥ (NSA) ᐃᑲᔪᖅᑎᒌᖕᓂᕐᒧᑦ ᐅᓂᑳᒐᔅᓴᓕᐊᑦ ᐃᖃᓪᓕᐊᓂᕐᒧᑦ ᒪᓕᒐᐃᑦ ᓄᓇᕗᒻᒥ ᓇᔪᕐᕕᐅᔪᓄᑦ ᐱᓕᕆᐊᕆᔭᐅᔪᑦ ᐱᒻᒪᕆᐅᔪᒥᑦ ᒫᓐᓇᓵᖅ ᑕᖅᑭᖏᓐᓂ ᐱᒻᒪᒃᓴᓕᕆᓂᕐᒧᑦ ᓄᓇᕗᑖᖅᓯᒪᓂᕐᒧᑦ ᐊᖏᕈᑎᐊᓄᑦ ᓯᕗᓂᔅᓴᒧᑦ ᐊᑐᐊᒐᓄᑦ ᓄᓇᒋᔭᐅᔪᒧᑦ ᐃᖃᓪᓕᐊᕐᓂᕐᒧᑦ ᐊᑐᕐᓗᒍ ᐃᖃᓪᓕᐊᓕᕆᓂᕐᒧᑦ ᒪᓕᒐᖏᓐᓂ.
ᕿᒥᕐᕈᐊᖃᑕᐅᓂᐊᖅᑐᑦ ᐱᕚᓪᓕᕐᓂᕐᒧᑦ ᓄᑖᓄᑦ ᑲᓇᑕᒥ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ, ᐊᒻᒪᓗ ᓴᖅᑭᑎᑦᑎᓂᐊᖅᑐᑦ ᓄᑖᖑᓂᖅᓴᐅᔪᓂᒃ ᐊᑐᐊᒐᓂᒃ ᓇᓗᓇᐃᖅᓯᓗᑎᒃ ᐊᑲᐅᓈᕐᓂᕐᒧᑦ ᐃᖃᓪᓕᐊᕐᓂᕐᒧᑦ ᓄᓇᕗᒻᒥ.
ᐅᓂᒃᑳᒐᔅᓴᓕᐊᑦ ᐃᓚᖃᖅᑐᑦ ᐱᔪᒪᓂᕐᒧᑦ ᓇᓗᓇᐃᖅᓯᖃᑦᑕᕐᓗᑎᒃ ᐃᓄᓐᓄᑦ, …

ᑐᙵᕕᒃᑯᑦ ᐃᑲᔫᑎᒃᓴᓕᕆᔨᒃᑯᑦ ᑐᓴᕋᑦᓴᓐᖑᖅᑎᑕᐅᔪᖅ

(ᔫᓂ 28, 2018 – ᐃᖃᓗᖕᓂ, ᓄᓇᕗᑦ ) ᓄᓇᕗᑦ ᑐᙵᕕᒃᑯᑦ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᖁᕕᐊᒃᐳᖅ ᐊᐃᒃᐸᕆᓕᕐᑕᖓᓂᑦ ᐃᓕᓐᓂᐊᕐᑎᓄᒃ ᐃᑲᔫᑎᐅᕙᒃᑐᓂᒃ ᑲᒪᒋᔭᐅᔪᑦ ᑎᒥᙳᖅᑎᑕᐅᕋᑖᔪᔪᓄᑦ ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᓐᓂᒃ.
ᖃᓂᒋᔭᖏᓐᓃᒃᑐᑦ 200 ᐃᓄᐃᑦ ᐃᓕᓐᓂᐊᖅᑏᑦ ᑐᓂᔭᐅᔪᑦ ᓯᕗᓪᓕᕐᒥ ᓴᖅᑭᑕᐅᑎᓪᓗᒋᑦ ᔮᓐᓄᐊᕆ 2018-ᒥ, ᐊᒻᒪ ᑐᓂᓯᔪᒪᔪᑦ 450-ᖏᓐᓃᒃᑐᓂ ᐊᐃᒃᐹᓂ ᑲᒪᒋᔭᖃᓕᕐᒥᑎᓪᓗᒋᑦ.
“ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᓯᕗᓪᓕᖅᐹᖑᑎᑦᑎᒻᒪᑕ ᐃᑲᔪᖅᑕᐅᖁᓪᓗᒋᑦ ᐃᓄᐃᑦ ᐃᓕᓐᓂᐊᖅᑏᑦ ᐃᓕᓐᓂᐊᐸᓪᓕᐊᑎᓪᓗᒋᑦ.” ᐅᖃᖅᑐᖅ ᑰᑦᑎᖅ.
ᐊᐃᒃᐹᓂ ᑲᒪᒋᔭᐅᓂᖏᑦ ᓄᓇᕗᑦ ᑐᙵᕕᒃᑯᑦ ᐃᓕᓐᓂᐊᕐᑎᓄᑦ ᐱᓕᕆᐊᕆᔭᐅᓂᖏᑦ ᐱᒋᐊᕈᒫᕐᑐᑦ ᔪᓚᐃ 1, 2018-ᒥ ᐊᒻᒪᓗ ᐃᓱᓕᒃᕕᖃᓪᓗᓂ ᐊᒡᒋᓯ 31, 2018-ᒥ 5-ᒥ ᐅᓐᓄᓴᒃᑯᑦ ᕿᑎᕐᒥᐅᑦ ᓯᕿᙳᔭᖓ ᐊᑐᕐᓗᒍ.

$2500 ᑐᕌᖅᑎᑕᐅᓂᐊᕐᑐᑦ ᓯᓚᑦᑐᓴᕐᕕᖕᒥ ᐃᓕᓐᓂᐊᕆᐊᖅᑐᓄᑦ 200-ᖑᔪᑦ ᐃᓕᓐᓂᐊᖅᑏᑦ ᓯᓚᑦᑐᓴᕐᕕᖕᒥ ᐃᓕᓐᓂᐊᓂᐊᖅᑐᑦ …

ᑐᓐᖓᕕᒃᑯᑦ ᖁᕕᐊᒃᑯᔾᔨᔪᑦ ᓯᕗᓕᖅᑎᕈᖅᑎᑕᐅᓪᓗᓂ ᑎᒃᑯᐊᖅᑕᐅᔪᒥᒃ ᔫ ᓴᕕᑲᑖᖅ

(ᔫᓂ 14, 2018 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᓄᑦ (ᑐᓐᖓᕕᒃ) ᐊᖓᔪᖅᑳᖅ, ᐊᓗᑭ ᑰᑦᑎᖅ ᖁᕕᐊᒃᑯᔾᔨᖅᑲᐅᔪᖅ ᐊᖓᔪᖅᑳᖅ ᔫ ᓴᕕᑲᑖᖅ ᑎᒃᑯᐊᖅᑕᐅᓂᖓᓄᑦ ᓯᕗᓕᖅᑎᕈᖅᑎᑕᐅᓂᕐᒧᑦ.
“ᑐᓐᖓᕕᒃᑯᑦ ᐃᑉᐱᒍᓱᑦᑐᑦ ᐃᓱᒪᓕᐅᕈᑕᐅᔪᒥᒃ ᒪᓕᒐᓕᐅᖅᑎᓄᑦ. ᓂᕆᐅᖕᓂᖃᑦᓯᐊᕐᐳᖓ ᐃᖅᑲᓇᐃᔭᖃᑎᖃᕐᓂᐊᓂᕐᓂᒃ ᓯᕗᓕᖅᑎᕈᖅᑎᑕᐅᔪᒥᒃ ᓴᕕᑲᑖᖅ ᑲᔪᓯᑎᑕᐅᒍᑎᒃᓴᖓᓄᑦ ᓄᓇᕗᑦ ᐊᖏᕈᑎᖓ ᐊᒻᒪᓗ ᓯᕗᒧᐊᒃᐸᓪᓕᐊᑎᑕᐅᓂᐊᕐᓂᖏᓐᓂᒃ ᐃᓄᐃᑦ ᐱᔪᒪᔭᖏᑦ,” ᐅᖃᓚᐅᖅᑐᖅ ᑰᑦᑎᖅ.
ᓂᕈᐊᓚᐅᖅᑎᓪᓗᒋᑦ ᖃᕿᐊᕆᔭᐅᓕᕐᓂᖓᓄᑦ ᐹᓪ ᖁᐊᓴ ᐲᖅᑕᐅᓚᐅᖅᑐᖅ ᐊᖓᔪᖅᑲᐅᑎᑦ ᑲᑎᒪᔨᖏᓐᓂᒃ ᐊᒻᒪᓗ ᓯᕗᓕᖅᑎᐅᓂᕐᒥᒃ ᐊᐃᑉᐸᖓᓂ ᑲᑎᒪᓂᕐᒥ ᑕᓪᓕᒪᖓᓂ ᑲᑎᒪᓂᖓᓂ ᓄᓇᕗᒻᒥ ᒪᓕᒐᓕᐅᕐᕕᒻᒥ. ᖁᔭᓐᓇᒦᖅᑕᕗᑦ ᖁᐊᓴ ᐱᔨᑦᓯᓚᐅᕐᓂᖓᓄᑦ ᐊᒻᒪᓗ ᐃᖅᑲᓇᐃᔭᖃᑎᒌᓐᓇᓂᐊᕐᐸᕗᑦ ᒪᓕᒐᓕᐅᖅᑎᑐᐃᓐᓇᐅᓕᕋᓗᐊᕐᐸᑦ ᓄᓇᕗᒻᒥ ᒪᓕᒐᓕᐅᕐᕕᒻᒥ.

ᒪᑭᒋᐊᖅᑕ ᑐᓴᕋᑦᓴᓐᖑᖅᑎᑕᐅᔪᖅ

 (ᔫᓂ 12, 2018 – ᐃᖃᓗᐃᑦ, ᓄᓇᕗᑦ) ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᒃᑯᑦ ᑲᑎᒪᔨᖏᑦ ᑲᑎᒪᓚᐅᕐᒪᑕ ᐃᖃᓗᓐᓂ ᐋᔩᕋᕈᑎᖃᖅᑐᑎᒃ ᕿᒥᕐᕈᓪᓗᑎᓪᓗ ᑐᒃᓯᕋᐅᑎᓂᒃ ᒪᑐᐃᖓᔪᒥᒃ ᐱᓕᕆᐊᒃᓴᓄᑦ ᓇᓗᓇᐃᔭᐃᓂᕐᒧᑦ ᐱᔪᒐᕐᓴᐅᑎᓂᒃ ᑐᓂᔭᐅᓚᐅᖅᑐᓂᒃ 2017 ᐅᑭᐊᑦᓵᖓᓂ. 9 ᑐᒃᓯᕋᐅᑏᑦ ᐊᖏᖅᑕᐅᓚᐅᖅᑐᑦ ᐊᒻᒪᓗ ᒪᑭᒋᐊᖅᑕ ᑐᑭᒧᐊᒍᑎᒃᓴᖏᓐᓄᑦ ᓯᑕᒪᓄᑦ ᓯᕗᓪᓕᕐᐸᐅᔾᔭᐅᔭᕆᐊᓕᓐᓄᑦ ᓇᓕᖅᑯᑦᓯᔪᑦ: ᒥᑭᓂᖏᓐᓂ ᐃᓕᓐᓂᐊᕆᐊᖃᑦᑕᓂᕐᒧᑦ ᐊᐅᓚᔾᔪᑎᒃᓴᑦ, ᐃᓘᓐᓈᒍᑦ ᐃᑲᔫᑎᒃᓴᑦ ᑲᔪᓯᐊᑦᓯᕈᑎᒃᓴᓄᑦ ᐃᓕᓐᓂᐊᓂᕐᒧᑦ, ᑐᓐᖓᕕᓕᐊᖑᓯᒪᔪᑦ ᐊᔪᕈᓐᓃᕐᓴᐅᑎᒃᓴᖏᓐᓄᑦ ᐃᓐᓇᐃᑦ, ᐊᒻᒪᓗ ᖁᑦᓯᓂᕐᓴᒥᒃ ᐱᓕᖕᒪᒃᓴᐅᑎᒃᓴᑦ ᐊᒻᒪᓗ ᐃᓕᓐᓂᐊᑲᓐᓂᓂᒃᑯᑦ ᐃᖅᑲᓇᐃᔭᕐᕕᒃᓴᓪᓗᐊᑕᑦ.
 
ᐅᑯᐊ ᑲᑐᔾᔨᖃᑎᒌᑦ ᐊᖏᖅᑕᐅᓚᐅᖅᑐᑦ:
ᐱᖓᓱᓄᑦ−ᐊᕐᕌᒍᓄᑦ ᐱᓕᕆᐊᒃᓴᑦ;

ᑲᔾᔮᕆᐊᖅᑐᕐᕕᓕᕆᔩᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ
ᓄᓇᕗᒻᒥ ᐃᖃᓗᓕᕆᓂᕐᒧᑦ ᑕᕆᐅᓕᕆᓂᕐᒧᓪᓗ ᑲᑐᔾᔨᖃᑎᒌᑦ
ᑲᔪᖏᕐᓴᐅᑎᖏᑦ ᓄᓇᕗᑦ
ᓄᓇᕗᒻᒥ ᐊᐅᓚᔫᓕᐅᕆᔩᑦ ᑯᐊᐳᕇᓴᓐ
ᖃᔪᖅᑐᕐᕕᒃ

 
ᒪᕐᕉᓄᑦ−ᐊᕐᕌᒍᓄᑦ ᐱᓕᕆᐊᒃᓴᑦ;

ᓄᓇᕗᑦ ᓯᕗᓂᒃᓴᕗᑦ
ᖁᕐᓗᖅᑐᖅ ᕼᐊᒻᓚᒃᑯᖏᑦ

 
ᐊᑕᐅᓯᕐᒧᑦ−ᐊᕐᕌᒍᒧᑦ ᐱᓕᕆᐊᒃᓴᑦ;

ᓄᓇᕗᒻᒥ Hitmakerz
ᐱᓕᕆᐊᖑᔪᓂᒃ ᖃᐅᔨᒪᔨᑕᑦ

 
“ᒪᑭᒋᐊᖅᑕ ᖁᕕᐊᒋᔭᓕᒃ ᐱᕙᓪᓕᐊᓯᒪᓂᐅᔪᒥᒃ ᒫᓐᓇᒧᑦ. ᒫᓐᓇ …

ᓄᓇᕗᒻᒥ ᐃᓄᐃᑦ ᐊᖓᔪᖅᑳᖓ UN−ᑯᓃᑦᑐᖅ: ᑲᓇᑕ ᐃᑲᔪᕐᓱᕆᐊᓕᒃ ᐃᓄᒃᑑᓂᕐᓴᓂᒃ ᓄᓇᕗᒻᒥ

(ᐄᑉᕈ 20, 2018 – ᐃᖃᓗᐃᑦ, ᓄᓇᕗᑦ) ᐊᑐᖅᑕᐅᓚᐅᕐᓯᒪᓐᖏᑦᑐᒥᒃ ᓂᓪᓕᐊᓂᖃᕆᐅᕐᓂᕐᒥ ᓄᓇᕐᔪᐊᖅ ᑲᑎᒪᔨᕐᔪᐊᖏᓐᓄᑦ ᑲᑎᒪᔨᐅᖏᓐᓇᖅᑐᓄᑦ ᓄᓇᖃᖅᑳᕐᓯᒪᔪᓄᑦ ᑕᑉᕙᓂ ᐱᓇᓱᐊᕈᓯᑦᑎᓐᓂ, ᓄᓇᕗᑦ ᑐᓐᖓᕕᒃ ᑎᒥᖓᓄᑦ ᐊᖓᔪᖅᑳᖅ ᐊᓗᑭ ᑰᑦᑎᖅ ᐅᖃᐅᓯᖃᓚᐅᖅᑐᖅ ᐊᔾᔨᐅᑎᑕᐅᒋᐊᖃᕐᓂᖏᓐᓂᒃ ᑭᒃᑯᑐᐃᓐᓇᕐᓄᑦ ᐱᔨᑦᓯᖅᑕᐅᒍᑎᓄᑦ ᑲᓇᑕᒥᐅᖑᖃᑎᖏᓐᓄᑦ ᐊᑐᖅᑕᐅᑦᓯᐊᑐᐃᓐᓇᖃᑦᑕᖅᑐᑦ, ᐊᑕᐅᓯᕐᒥᒃ ᐅᖃᐅᓯᓖᑦ ᐃᓄᒃᑐᑦ ᓄᓇᕗᒻᒥ. ᐱᓐᖑᖅᑎᑕᐅᓯᒪᓂᖓᒍᑦ ᑭᒃᑯᑐᐃᓐᓇᕐᓄᑦ ᒐᕙᒪᖓ ᓄᓇᕗᑦ 1999-ᒥ, ᑲᓇᑕ ᐅᓄᕐᓂᕐᓴᓂᒃ ᑭᒃᑯᑐᐃᓐᓇᕐᓄᑦ ᐅᖃᐅᓯᓕᕆᓂᕐᒧᑦ ᐊᐅᓚᑦᓯᔪᓐᓇᕐᕕᖃᕐᓂᖓᓂᒃ ᖃᓪᓗᓈᑎᑑᓐᖏᑦᑐᖅ ᐅᑉᕙᓘᓐᓃᑦ ᐅᐃᕖᑎᑐᑦ, ᐃᓄᒃᑐᖔᕐᓕ. ᑲᓇᑕ ᖃᐅᔨᒪᒋᐊᕆᐊᓕᒃ ᐃᓄᒃᑐᑦ ᐅᓄᕐᓂᕐᓴᓄᑦ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᓂᖓ ᓄᓇᕗᒻᒥ ᐊᔾᔨᑐᐃᓐᓇᖓᓂᒃ ᑭᒃᑯᑐᐃᓐᓇᕐᓄᑦ ᐱᔨᑦᓯᕈᑏᑦ ᐊᒻᒪᓗ ᒪᓕᒐᖅᑎᒍᑦ ᓴᐳᔾᔭᐅᓯᒪᒍᑏᑦ ᑲᓇᑕᒥᐅᓄᑦ ᐊᑐᖅᑕᐅᑦᓯᐊᑐᐃᓐᓇᖃᑦᑕᖅᑐᓂᒃ.
 
ᐊᖓᔪᖅᑳᖅ ᑰᑦᑎᖅ ᐃᖅᑲᐃᑎᑦᓯᒋᐊᓚᐅᖅᑐᖅ UN−ᑯᓐᓂᒃ ᐃᒫᒃ, “ᐃᓄᒃᑐᑦ ᐃᓕᓴᕆᔭᐅᓯᒪᒋᐊᓕᒃ ᑐᓐᖓᕕᒋᔭᐅᓂᖓᓂᒃ ᐅᖃᐅᓯᖅ ᑲᓇᑕᒥ, ᐊᒻᒪᓗ ᑲᓇᑕ …

ᓄᓇᕗᑦ ᑐᙵᕕᒃᑯᑦ ᓇᓪᓕᒍᓱᒃᐳᑦ ᐃᓅᔪᓐᓃᓚᐅᕐᓂᖓᓄᑦ ᓗᐃ ᖃᒧᒃᑳᑉ, ᐅᕐᓱᖅᑑᕐᒥᐅᖅ

(ᒪᑦᓯ 27, 2018 – ᐃᖃᓗᐃᑦ, ᓄᓇᕗᑦ)  ᓄᓇᕗᑦ ᑐᙵᕕᒃᑯᑦ ᑐᖏᓕᖓ ᐊᖓᔪᖅᑳᑉ, ᔭᐃᒥᓯ ᐃᑦᑐᓗᒃ, ᓇᓪᓕᒍᓱᒃᐳᖅ ᐃᓅᔪᓐᓃᓚᐅᕐᑎᓪᓗᒍ ᓗᐃ ᖃᒧᒃᑳᖅ ᐅᕐᓱᕐᑑᕐᒥᐅᑕᖅ, ᓄᓇᕗᖕᒥ.
“ᓗᐃ ᓇᓪᓕᓐᓂᖃᕐᕕᐅᓚᐅᕐᒪᑦ ᐊᒻᒪᓗ ᐱᐅᒋᔭᐅᑦᑎᐊᕐᑐᓂ ᒪᖃᐃᑎᐅᔪᖅ ᐊᒻᒪᓗ ᓯᕗᓕᑦᑕ ᐊᑐᖅᓯᒪᔭᖏᓐᓂᒃ ᖃᐅᔨᒪᓚᐅᕐᑐᓂ ᐃᓅᓯᓕᒫᕐᒥᓂ ᓴᖅᑭᔮᕐᑎᑏᓐᓇᓚᐅᕐᐳᖅ ᐊᒻᒪᓗ ᐳᐃᒍᖅᑕᐅᖁᔨᓇᓂ ᐃᓄᐃᑦ ᐃᓕᖅᑯᓯᖏᓐᓂᒃ ᐊᒻᒪᓗ ᓯᕗᓕᑦᑕ ᐊᑐᖅᓯᒪᔭᖏᓐᓂᒃ. ᓗᐃ ᖃᐅᔨᕚᓪᓕᑎᑦᑎᕙᓚᐅᕐᐳᖅ ᐊᓯᒥᓂᒃ ᑕᑯᒃᓴᐅᑎᑦᑎᓪᓗᓂ, ᐃᓄᐃᑦ ᐃᓱᒪᔾᔪᓯᖓᒍᑦ, ᓯᕗᓕᑦᑕ ᐊᑐᖅᐸᓚᐅᕐᓯᒪᔭᖏᓐᓂᒃ ᐃᓄᐃᑦ ᑎᑭᑕᐅᕙᓕᕐᑎᓪᓗᒋᑦ ᖃᓪᓗᓈᓄᑦ ᓇᕈᔨᓄᑦ.” ᐅᖃᐅᓯᕆᓚᐅᕐᑕᖓ ᑕᐃᒫᒃ ᐃᑦᑐᓘᑉ.
ᓗᐃ ᐱᖃᑕᐅᓪᓚᕆᒃᐸᓚᐅᕐᒪᑦ ᐊᒻᒪᓗ ᑕᑎᒋᔭᐅᕙᒃᑐᓂᒃ ᕿᓂᖅᑕᐅᑎᓪᓗᒋᑦ ᐊᓯᐅᔨᔭᐅᓯᒪᔪᑦ ᐅᒥᐊᕐᔪᐊᑦ HMS ᐃᐅᕋᐸᔅ ᐊᒻᒪᓗ HMS ᑎᐅᕈ, ᑲᒪᖃᑦᑕᓐᓂᖓᓄᑦ ᓇᓂᔭᐅᔪᓐᓇᓕᓚᐅᕐᐴᒃ ᐅᒥᐊᕐᔪᐊᒥᓃᒃ ᖃᓄᐃᓕᓐᓂᕐᒪᖔᑖ ᖃᐅᔨᒪᔭᐅᔪᙱᑦᑐᑦ ᐊᓯᐅᑎᓪᓗᒍ ᐳᕋᓐᑭᓛᓐᑯᑦ.
2017-ᖑᑎᓪᓗᒍ, ᓗᐃ ᐃᓚᒋᔭᐅᓕᓚᐅᖅᐳᖅ …

ᓄᓇᕗᑦ ᑐᓐᖓᕕᒃᑯᑦ ᖁᕕᐊᓲᑎᖃᖅᐳᑦ ᐃᓄᐃᑦ ᑕᐱᕇᑦ ᑲᓇᑕᒃᑯᑦ ᐊᖏᖅᓯᒪᑦᑎᐊᕐᓂᖏᓐᓂᒃ ᐳᕙᒡᓗᖕᓂᖅᑕᖃᕈᓐᓃᖁᓪᓗᒍ ᐊᕐᕌᒍ 2030 ᑎᑭᓚᐅᖅᑎᓐᓇᒍ

ᒫᔾᔨ 23, 2018 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᐊᖓᔪᖅᑳᖓᑦ, ᐃᓗᑭ ᑰᑦᑎᖅ, ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓ ᑎᑭᓐᓂᐊᖅᑎᓪᓗᒍ, ᑐᓴᓗᐊᓚᐅᖅᑐᖅ ᐃᓄᐃᑦ ᑕᐱᕇᑦ ᑲᓇᑕᐅᑉ ᑎᒥᖁᑖ ᓇᓗᓇᐃᖅᓯᑎᓪᓗᒋᑦ ᐳᕙᒡᓗᖕᓂᖅᑕᖃᕈᓐᓃᖅᑎᑦᑎᔪᒪᓪᓗᑎᒃ ᐃᓄᐃᑦ ᓄᓇᖓᓐᓂ ᐊᕐᕌᒍ 2030 ᑐᖔᓂ, ᐳᕙᒡᓗᒃᑐᓪᓗ ᓇᑉᐸᓪᓗᐊᖏᑦ ᐃᓚᓐᖓᕈᒪᓪᓗᒋᑦ ᐊᕐᕌᒍ 2025 ᑐᖔᓂ.
“ᓄᓇᕗᑦ ᑐᓐᖓᕕᒃᑯᑦ ᖁᕕᐊᓲᑎᖃᖅᐳᑦ ᑕᒪᓐᓇ ᐱᔭᕐᓂᓐᖏᑦᑐᖅ ᐱᑐᐃᓐᓇᐅᓐᖏᑦᑐᕐᓗ ᐱᓕᕆᐊᖑᔪᒪᖕᒪᑦ, ᐃᓄᖕᓂᓗ ᐃᐳᕙᒡᓗᖕᓂᖅ ᐱᑕᖃᕈᓐᓃᖅᑎᑕᐅᔪᒪᓪᓗᓂ. ᓄᓇᕗᑦ ᑐᓐᖓᕕᒃᑯᑦᑯ ᐃᖅᑲᓇᐃᔭᖃᑎᖃᕐᓂᐊᖅᑐᑦ ᐃᓄᐃᑦ ᑕᐱᕇᑦ ᑲᓇᑕᒃᑯᓐᓂᒃ ᑕᒪᓐᓇ ᑐᕌᒐᓕᐊᕆᔭᐅᔪᖅ ᑎᑭᑕᐅᔪᓐᓇᕐᓂᐊᕐᒪᑦ”, ᑕᐃᒪᐃᓕᕗᖅ ᐊᓗᑭ ᑯᑦᑎᖅ.
2018-ᒥ ᑲᓇᑕᐅᑉ ᒐᕙᒪᒃᑯᖏᑦ ᓴᓂᕐᕙᐃᓚᐅᖅᑐᑦ $27.5 ᒥᓕᐊᓐᓂᒃ ᐊᕐᕌᒍᓄᑦ ᑕᓪᓕᒪᓄᑦ ᐊᑐᕐᓂᐊᖅᑐᓂᒃ ᐃᓄᐃᑦ ᓄᓇᖓᓐᓂ ᐳᕙᒡᓗᖕᓂᖅᑕᖃᕈᓐᓃᕐᓂᐊᕐᒪᑦ. ᓄᓇᕗᑦ ᑐᓐᖓᕕᒃᑯᑦ ᐃᖅᑲᓇᐃᔭᖃᑎᖃᕐᓂᐊᖅᑐᑦ …

ᐊᖓᔪᖅᑳᖅ ᑰᑦᑎᖅ ᓂᓪᓕᖅᐳᖅ ᓄᓇᕗᑦ ᒐᕙᒪᒃᑯᑦ ᒪᓕᒐᓕᐅᕐᕕᖕᒧᑦ ᓴᖅᑭᑦᑎᓚᐅᖅᑎᓪᓗᒋᑦ ᒐᕙᒪᒃᑯᑦ ᐱᔭᒃᓴᖅᑖᕆᓯᒪᔭᖏᓐᓂᒃ ᑕᐃᔭᓂᒃ “ᑐᕌᖅᑕᕗᑦ”

ᒫᔾᔨ 20, 2018 – ᖁᕐᓗᖅᑐᖅ, ᓄᓇᕗᑦ)  ᓄᓇᕗᑦ ᑐᓐᖓᕕᒃᑯᑦ ᐊᖓᔪᖅᑳᖓᑦ, ᐊᓗᑭ ᑰᑦᑎᖅ, ᐅᓪᓗᒥ ᓂᓪᓕᖅᐳᖅ ᓄᓇᕗᑦ ᒐᕙᒪᒃᑯᑦ ᒪᓕᒐᓕᐅᕐᕕᖕᒧᑦ ᓴᖅᑭᑦᑎᓚᐅᖅᑎᓪᓗᒋᑦ “ᑐᕌᖅᑕᕗᑦ” ᑕᓪᓕᒪᖓᓐᓂ ᓄᓇᕗᑦ ᒪᓕᒐᓕᐅᖅᑏᑦ ᑐᒡᓕᐊᓂ ᑲᑎᒪᕐᔪᐊᕐᓂᖃᖅᑎᓪᓗᒋᑦ.
 
“ᓵᓐᖓᓗᐊᓐᖑᐊᕐᓂᐊᖅᑐᒍᑦ ᑮᓇᐅᔭᓕᖅᓱᐃᓂᐊᖅᑐᒍᓪᓗ ᐃᓱᒪᓕᕆᓂᕐᒧᑦ, ᐃᓄᒃᑐᑦ ᐅᖃᐅᓯᖅ ᒐᕙᒪᒃᑯᓐᓄᑦ ᐊᑐᖅᑕᐅᓕᕐᓗᓂ ᐃᖅᑲᓇᐃᔭᕐᕕᖕᓂ, ᐊᒻᒪ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ ᐱᓕᒻᒪᒃᓴᖅᑕᐅᓂᖏᓪᓗ ᑐᕌᕐᓂᖅᓴᐅᓕᖁᓪᓗᒋᑦ ᐃᓄᐃᑦ ᐃᓅᓯᒃᑯᑦ, ᐱᖅᑯᓯᑐᖃᖅᑎᒍᑦ ᐊᒻᒪ ᑮᓇᐅᔭᓕᐅᕋᓱᐊᕐᓂᒃᑯᑦ ᐱᕚᓪᓕᒃᑲᓐᓂᖁᓪᓗᒋᑦ.  ᑕᒪᑐᒪᓂ ᐊᕐᕌᒍᒥ 25−ᓂᒃ ᓇᓪᓕᐅᓐᓂᖅᓯᐅᕐᓂᖃᕐᓂᐊᓕᖅᑎᓪᓗᒍ ᓄᓇᑖᕐᓂᕐᒧᑦ ᐊᖏᕈᑏᑦ ᐊᑎᓕᐅᖅᑕᓚᐅᕐᕕᖓ, ᓂᕆᐅᒃᑐᖓ ᐃᖅᑲᓇᐃᔭᖃᑎᖃᑦᑎᐊᕐᓂᐊᕐᓂᕐᒥᒃ ᒐᕙᒪᒃᑯᓐᓂᒃ ᐊᑐᓕᖅᑎᑕᐅᑦᑎᐊᖁᓪᓗᒍ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑏᑦ”, ᑕᐃᒪᓐᓇ ᐅᖃᖅᑐᖅ ᑰᑦᑎᖅ.
 
ᓄᓇᕗᑦ ᑐᓐᖓᕕᒃᑯᑦ ᑕᒪᒃᑯᓂᖓ ᓯᕗᓪᓕᐅᔾᔭᐅᓯᒪᔪᑦ ᐊᑐᓕᖅᑎᑕᐅᕙᓪᓕᐊᓂᖏᓐᓂᒃ ᓇᐅᑦᑎᖅᓱᑦᑎᐊᕐᓂᐊᖅᑐᑦ.  ᓄᓇᕗᑦ ᑐᓐᖓᕕᒃᑯᑦ ᓄᓇᕗᑦ ᒐᕙᒪᒃᑯᓐᓂᒃ ᐃᖅᑲᓇᐃᔭᖃᑎᖃᑦᑎᐊᕐᓂᐊᖅᑐᑦ ᐊᔭᐅᖅᑐᐃᑎᓪᓗᒋᑦ ᐱᖁᑎᕐᔪᐊᑦ …

ᑲᓇᑕ ᒐᕙᒪᖓ, ᓄᓇᕗᑦ ᑐᓐᖓᕕᒃ ᑎᒥᖓ ᐊᒻᒪᓗ ᓄᓇᕗᑦ ᒐᕙᒪᖓ ᓄᑖᓐᖑᕆᐊᖅᑎᑦᓯᓚᐅᖅᑐᑦ ᐊᖏᕈᑎᒋᓯᒪᔭᒥᓂᒃ ᐃᖅᑲᓇᐃᔭᖃᑎᒌᓐᓂᐊᓂᕐᒧᑦ ᓯᕗᓂᒃᓴᖃᑦᓯᐊᑲᓐᓂᕈᑎᒃᓴᖓᓄᑦ ᓄᓇᕗᑦ.

ᔭᓐᓄᐊᓕ 31, 2018 ᐋᑐᕚ, ᐋᓐᑎᕆᐅ ᐃᓄᓕᕆᔨᑐᖃᒃᑯᑦ
ᐅᓪᓗᒥ, ᐱᓇᓱᐊᕈᑕᐅᓂᖓᓄᑦ ᓴᐃᒻᒪᖃᑎᒌᓐᓂᕐᒥᒃ ᐊᒻᒪᓗ ᐱᕙᓪᓕᐊᑎᑦᓯᓂᖅ ᓄᑖᓐᖑᕆᐊᕐᓯᒪᔪᒥᒃ ᐃᓄᐃᑦ−ᑯᐃᓐ ᐱᓇᓱᐊᖃᑎᒌᓐᓂᖏᓐᓂᒃ, ᐊᖓᔪᖅᑳᖅ ᑭᐅᕈᓕᓐ ᐱᐊᓂᑦ, ᒥᓂᔅᑕ ᑯᐃᓐ−ᓄᓇᖃᖅᑳᕐᓯᒪᔪᑦ ᐱᓇᓱᐊᖅᑕᐅᔪᓂᒃ ᐊᒻᒪᓗ ᐅᑭᐅᖅᑕᖅᑐᒨᖓᔪᓂᒃ, ᐊᓗᑭ ᑰᑦᑎᖅ, ᐊᖓᔪᖅᑳᖅ ᓄᓇᕗᑦ ᑐᓐᖓᕕᒃ ᑎᒥᖓᓄᑦ (ᑐᓐᖓᕕᒃ) ᐊᒻᒪᓗ ᐊᖓᔪᖅᑳᖅ ᐹ ᖁᐊᓴ, ᓯᕗᓕᖅᑎᖓ ᓄᓇᕗᑦ, ᐅᖃᕆᐊᒃᑲᓐᓂᖅᑲᐅᔫᒃ ᐊᖏᕈᑎᒋᓯᒪᔭᒥᓂᒃ ᐃᖅᑲᓇᐃᔭᖃᑎᒌᓐᓂᐊᓂᕐᒧᑦ ᑲᑐᔾᔨᓗᑎᒃ ᑲᔪᓯᑎᑦᓯᒍᑎᒃᓴᒥᒃ ᐃᓛᒃᑯᑦ 23−ᖓᓄᑦ ᓄᓇᕗᒻᒥ ᐊᖏᕈᑎᖏᓐᓂ. ᐱᖓᓱᑦ ᓯᕗᓕᖅᑏᑦ ᑲᑎᒋᐊᓐᖓᖅᑐᑦ ᐊᑎᓕᐅᖅᑕᐅᓚᐅᕐᓯᒪᒻᒪᓂᒃ 2015 ᐊᑭᓖᒍᑎᒃᓴᖅ ᓯᕗᒧᐊᒃᑎᑕᐅᒍᑎᒃᓴᖓᓄᑦ ᑲᔪᓯᑎᑕᐅᓗᓂ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ.
ᐃᓛᒃᑯᑦ 23 ᑕᒪᒃᑮᓐᓄᑦ ᑲᓇᑕ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᖃᑎᒌᒋᐊᖃᖅᑎᑦᓯᔪᖅ ᐃᓄᐃᑦ ᐃᓚᐅᑎᑕᐅᒋᐊᒃᑲᓐᓂᖁᓪᓗᒋᑦ ᓄᓇᕗᑦ ᒪᑭᒪᔾᔪᑎᓄᑦ ᒐᕙᒪᒃᑯᓐᓂ ᑭᒡᒐᑐᖅᑕᐅᔪᓂᒃ ᓈᖕᒪᒋᐊᖅᑕᐅᓯᒪᓗᓂ ᐊᑕᖏᖅᑐᓄᑦ. ᐃᓄᐃᑦ ᐃᖅᑲᓇᐃᔭᕐᓂᖏᑦ ᒐᕙᒪᒃᑯᓐᓂ …

ᒪᑭᒋᐊᖅᑕᒃᑯᑦ ᑐᓴᕋᒃᓴᖁᑎᖏᑦ

(ᔭᓐᓄᐊᕆ 29, 2018 – ᐃᖃᓗᐃᑦ, ᓄᓇᕗᑦ) ᒪᑭᒋᐊᖅᑕᒃᑯᑦ ᐃᓄᖕᓂ ᐃᓕᓴᐃᓂᕐᒧᑦ ᑯᕆᐳᕇᓴᒃᑯᑦ ᑲᑎᒪᔨᖏᑦ ᑲᑎᒪᓚᐅᕐᒪᑕ ᐃᖃᓗᖕᓂ ᐱᓇᓱᐊᕈᓯᐅᓚᐅᖅᑐᒥᒃ ᑲᑎᒪᔾᔪᑎᖃᖅᑐᑎᒃ ᐊᒻᒪᓗ ᕿᒥᕐᕈᓪᓗᑎᒃ ᐱᓕᕆᔾᔪᑎᒃᓴᓂᒃ ᑐᒃᓯᕋᕈᑎᓕᐊᖑᓯᒪᔪᒥᓂᕐᓂᒃ ᐃᓱᒪᒋᔭᐅᓯᒪᔪᓄᑦ ᑖᒃᑯᐊᓗ ᐅᖃᐅᓯᐅᓚᐅᕐᓯᒪᓪᓗᑎᒃ ᐊᒃᑐᕙ 2017-ᖑᓪᓗᒍ. ᑖᓐᓇᓕ ᓯᕗᓪᓕᖅᐹᖑᓯᒪᔪᖅ ᑐᒃᓯᕋᕈᑎᓕᐅᖁᔨᓯᒪᓪᓗᑎᒃ ᑕᐃᒪᙵᓂᒃ ᐱᙳᖅᑎᑕᐅᔪᒻᒪᑕ ᒪᐃ 2015-ᖑᑎᓪᓗᒍ.
 
ᑐᒃᓯᕋᕈᑎᓕᐅᕐᑐᑦ ᐊᒥᓲᓚᐅᕐᓂᖏᓐᓄᑦ, ᒪᑭᒋᐊᖅᑕᒃᑯᑦ ᑭᖑᕙᕆᐊᖅᑎᑦᑎᒋᐊᖃᓕᓚᐅᕐᑐᑦ ᐱᓕᕆᐊᒃᓴᐅᔪᒪᔪᓂᒃ ᐊᒻᒪᓗ ᕿᒥᕈᔪᒫᕐᑐᑎᒃ ᐊᐅᔭᐅᓕᕐᐸᑦ.ᐃᖅᑲᓇᐃᔭᕐᑎᑖᕆᐊᖃᓐᓂᖏᓐᓄᑦ ᐱᕕᒃᓴᖃᖅᑎᑕᐅᕕᒋᔭᖓᑦ ᐃᖅᑲᓇᐃᔭᕐᑎᑖᒃᑲᓐᓂᕋᓱᐊᕐᓗᑎᒃ, ᒪᑭᒋᐊᖅᑕᒃᑯᑦ ᐃᑲᔪᕈᓐᓇᑦᑎᐊᓐᓂᕐᓴᐅᖁᓪᓗᒋᑦ ᑎᒥᐅᔪᓂᒃ ᐱᔭᕇᔭᐃᓂᖃᖅᑐᓂᒃ ᓄᓇᕗᖕᒥ ᐃᓄᐃᑦ ᐃᖅᑲᓇᐃᔮᖅᑖᕈᓐᓇᓂᕐᒧᑦ.
 
ᒪᑭᒋᐊᖅᑕᒃᑯᑦ ᓯᑕᒪᑦ ᐅᐸᓗᖓᐃᔭᐅᑎᒃᑯᑦ ᓯᕗᓪᓕᖅᐸᐅᑎᑕᖏᑦ ᐅᑯᐊᖑᕗᑦ; ᐃᓕᓐᓂᐊᕆᐊᕆᐅᕈᒫᓕᕐᑐᓄᑦ ᐃᓕᓐᓂᐊᕈᑎᒃᓴᑦ, ᐱᔨᑦᑎᕐᑐᑦ ᐱᕚᓪᓕᕈᑕᐅᒐᔭᕐᑐᓂᒃ ᐃᑲᔪᕐᓯᒍᑎᖃᓪᓗᑎᒃ ᑲᔪᓯᑦᑎᐊᕈᑕᐅᔪᓐᓇᕋᔭᕐᑐᓂᒃ ᐃᓕᓐᓂᐊᓕᓵᖅᑐᓄᑦ ᒍᕋᐃᑦ 12-ᒧᑦ ᑎᑭᓪᓗᒍ ᐊᒻᒪᓗ ᐅᖔᑖᓄᑦ, ᐱᖃᓯᐅᑎᓗᒋᑦ ᐃᑲᔪᕐᓯᕈᑕᐅᕙᒃᑐᑦ ᐃᓚᔮᖏᓐᓂᒃ, ᐊᒻᒪᓗ ᐃᓕᓐᓂᐊᕐᕕᓂ, ᑐᙵᕕᐅᔪᓐᓇᕐᑐᑦ ᖃᐅᔨᒪᓂᖅᑖᖑᕙᓪᓕᐊᒋᐊᓖᑦ …

ᑐᓐᖓᕕᒃᑯᑦ ᑐᓴᖅᑎᑦᓯᔪᑦ 2017 ᐊᔾᔨᓕᐅᒐᑦᓯᐊᕙᐅᓂᕐᐹᓂᒃ ᐊᕐᕌᒍᒥ ᓵᓚᒃᓴᖅᑐᓂᒃ

(ᔭᓐᓄᐊᓕ 12, 2018 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᖁᕕᐊᒃᑯᔨᖅᑲᐅᔪᖅ 2017 ᐊᔾᔨᓕᐅᒐᑦᓯᐊᕙᐅᓂᕐᐹᓂᒃ ᐊᕐᕌᒍᒥ ᓵᓚᒃᓴᖅᑐᓂᒃ.
ᐸᓪᓗᖅ ᐱᑦᓯᐅᓛᖅ ᑭᒻᒥᕈᒻᒥᐅᖅ ᓵᓚᒃᓴᕈᓯᐊᖅᑲᐅᔪᖅ ᑮᓇᐅᔭᓂᒃ $1,000−ᓂᒃ ᐊᔾᔨᓕᐅᒐᖓᓄᑦ ᑕᐃᒎᓯᓕᒃ ᓴᐃᒪᓇᖅᑐᖅ ᐅᓪᓛᖅ. ᐱᑦᓯᐅᓛᖅ ᑐᓂᔭᐅᖃᓯᐅᑎᔪᖅ ᐊᖏᓪᓕᑎᕐᓯᒪᔪᒥᒃ ᐊᔾᔨᓕᐅᒐᖓᓂᒃ, ᐊᒻᒪᓗ ᐊᔾᔨᓕᐅᒐᑦᓯᐊᕙᐅᓂᕐᐹᖑᓂᖓᓄᑦ ᓯᓚᑎᒋᔭᐅᓛᕐᒥᔪᖅ ᑐᓐᖓᕕᒃᑯᑦ ᐊᕐᕌᒍᑕᒫᕐᓯᐅᒻᒥᒃ ᐅᓂᒃᑳᖏᓐᓂ ᐊᒻᒪᓗ ᓴᖅᑭᔮᖅᑎᖃᑦᑕᖅᑕᖏᓐᓃᖃᑦᑕᓂᐊᕐᒥᔪᖅ ᐱᔪᒐᕐᓴᐅᑕᐅᓗᓂ ᐊᔾᔨᓕᐅᒐᖓ.
ᑲᖏᕐᖠᓂᕐᒥᐅᑕᖅ ᑕᐃᕕᑦ ᑲᑯᒃᑎᓂᖅ ᑐᒡᓕᕆᔭᐅᔪᖅ ᐊᔾᔨᓕᐅᒐᖓᓄᑦ ᑎᕆᒐᓐᓂᐊᖅ ᐊᒻᒪᓗ ᓵᓚᒃᓴᖅᑐᓂ $500 ᐊᒻᒪᓗ ᐊᔾᔨᓕᐅᒐᖓᓂᒃ ᑐᓂᔭᐅᓂᐊᕐᒥᔪᖅ. ᐋᔅᓕ ᕿᓚᑉᕙᖅ ᓴᕚᑦ ᐃᖃᓗᒻᒥᐅᖅ ᐱᖓᔪᒋᔭᐅᔪᖅ ᐊᔾᔨᓕᐅᒐᖓᓄᑦ ᑐᓗᒃᑲᑦ ᐊᒻᒪᓗ ᓵᓚᒃᓴᕈᓯᐊᖅᑐᓂ $250 ᐊᒻᒪᓗ ᐊᔾᔨᓕᐅᒐᖓᓂᒃ ᑐᓂᔭᐅᓂᐊᕐᒥᔪᖅ.
ᑐᓐᖓᕕᒃᑯ ᐊᔾᔨᓕᐅᒐᑦᓯᐊᕙᐅᓂᕐᐹᖅ ᐊᕐᕌᒍᒥ ᓵᓚᒃᓴᕋᓱᐊᕐᓂᕐᒥᒃ 2006 ᓴᖅᑮᓚᐅᕐᓯᒪᔪᑦ. …

ᓄᓇᕗᑦ ᑐᓐᖓᕕᒃ ᑎᒥᖓᑦ ᐅᖃᖅᑐᑦ ᓴᖅᑭᑦᑎᓂᒃᑯᑦ ᓄᑖᒥᑦ ᐃᓕᓐᓂᐊᖅᑎᒧᑦ ᐃᑲᔫᑎᒃᓴᓂᒃ ᐱᓕᕆᐊᑎᒍᑦ ᐃᓄᒻᒪᕆᖕᓄᑦ ᐃᓕᓴᖅᑎᓄᑦ

(ᔮᓐᓄᐃᕆ 5, 2018 –ᐃᖃᓗᐃᑦ, ᓄᓇᕗᑦ)  ᓄᓇᕗᑦ ᑐᓐᖓᕕᑦ ᑎᒥᖓᑦᑕ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᖁᕕᐊᓲᑎᖃᖅᑐᑦ ᐅᖃᕆᐊᒃᓴᖅ ᓴᖅᑭᑦᑎᓂᕐᒥᑦ ᐅᑯᐊ ᓄᑖᑦ ᐃᓕᓐᓂᐊᖅᑎᓄᑦ ᐃᑲᔫᑎᒃᓴᓂᒃ ᐱᓕᕆᐊᑎᒍᑦ ᐱᒋᐊᕐᒪᑕ ᐅᓪᓗᒥ, ᐱᒋᐊᖅᑐᑦ ᐊᑐᕐᓂᐊ ᐅᓪᓗᒥ ᔮᓐᓄᐃᕆ 4, 2018, ᑕᒪᐅᓇ ᒫᓐᓇᓵᖅ ᐊᖅᑭᒃᑕᐅᓚᐅᖅᑐᑦ ᒪᑭᑎᑕᐅᓗᑎᒃ ᓄᓇᕗᑦ ᑐᓐᖓᕕᒃ ᐃᑲᔫᓯᐊᒃᓴᓕᕆᔨᖏᑦᑎᒍᑦ (NTF).
 
ᓄᓇᕗᑦ ᑐᓐᖓᕕᒃ ᐃᑲᔫᓯᐊᒃᓴᓕᕆᔨᑦ ᐱᓚᐅᕐᒪᑕ ᐊᒥᐊᒃᑯᖏᓐᓂᒃ ᐃᓕᓐᓂᐊᕆᐊᖅᐸᓚᐅᖅᓯᒪᔪᓄᑦ ᐊᑭᓕᐅᑎᒃᓴᐅᓚᐅᖅᓯᒪᔪᓂᒃ ᓴᓂᕐᕙᖅᑕᐅᓯᒪᔪᑦ ᐅᓄᕐᓂᖏᑦ ᐊᖏᓂᖏᑦ ᑮᓇᐅᔭᐃᑦ ᑭᖑᓂᐊᒍᑦ ᐊᑭᓕᐅᑕᐅᓚᐅᖅᑐᑦ ᐱᓚᐅᖅᑎᓪᓗᒋᑦ ᑕᐃᒃᑯᓄᖓ ᐱᔪᓐᓇᖅᑎᑕᐅᓚᐅᖅᑐᓄᑦ ᐃᓕᓐᓂᐊᕆᐊᖅᐸᓚᐅᖅᓯᒪᔪᓄᑦ ᒪᓕᒃᖢᒋᑦ ᐃᓕᓐᓂᐊᕆᐊᖅᐸᓚᐅᖅᓯᒪᔪᓄᑦ ᐋᖅᑭᖃᑎᒌᓚᐅᖅᓯᒪᑎᓪᓗᒋᑦ ᐊᖏᕈᑎᒃᑯᑦ.
 
ᑎᑭᐅᑎᓪᓗᒋᑦ 200 ᐃᓄᐃᑦ ᐱᔪᓐᓇᖅᑎᑕᐅᓂᐊᖅᑐᑦ ᐆᒃᑐᖅᑎᑕᐅᓂᒃᑯᑦ ᐅᓄᕐᓂᖃᕐᓗᑎᒃ ᐊᖏᓂᖃᕐᓗᑎᒃ $1250 ᖁᑦᑎᖕᓂᖅᓴᓄᑦ ᐃᓕᓐᓂᐊᕐᕕᓄᑦ ᐃᓕᓐᓂᐊᖅᑐᓄᑦ ᐃᑲᔫᑎᒃᓴᑦ ᐱᒋᐊᕐᓗᑎᒃ ᔮᓐᓄᐃᕆ 4, 2018, …