ᑐᓐᖓᕕᒃᑯᑦ ᓇᓗᓇᐃᖅᓯᔪᑦ 2011 ᐊᔾᔨᑦᓯᐊᕙᐅᓂᖅᐹᖑᓕᐅᑎᔪᓂ ᐊᕐᕌᒍᒥ ᓵᓚᓕᒻᒥᒃ

ᓄᓇᕗᑦ ᑐᓐᖓᕕᒃᑯᓐᓂ ᐊᐅᓚᑦᓯᔨᐅᔪᑦ ᐅᓪᓗᒥ ᓂᕈᐊᖅᑲᐅᔪᑦ 2011 ᐊᔾᔨᑦᓯᐊᕙᐅᓂᖅᐹᖑᓕᐅᑎᔪᓂᒃ ᐊᕐᕌᒍᑦᑎᓐᓂ. ᐊᐃᑉᐱᓕ ᐃᑦᑐᐊᑦᓯᐊᖅ ᐃᖃᓗᓐᓂᒥᐅᑕᖅ ᑐᓂᔭᐅᖅᑲᐅᔪᖅ ᑮᓇᐅᔭᓂᒃ $1,000.00-ᓂᒃ ᓵᓚᒃᓴᐅᓯᐊᖏᓐᓂᒃ ᐊᔾᔨᓕᐅᒐᖓᓄᑦ, ᐊᔾᔨ ᐊᖅᑯᓵᖅᑎᓪᓗᒋᑦ ᐊᓪᓚᓐᖑᐊᑦ. ᐃᑦᑐᐊᑦᓯᐊᖅ ᑐᓂᔭᐅᒻᒥᔪᖅ ᐊᔾᔨᓕᐅᒐᖓᓂᒃ ᐊᖏᓪᓕᑎᖅᓯᒪᔪᒥᒃ, ᐊᒻᒪᓗ ᐅᐱᒋᔭᐅᔾᔪᑎᖓ ᐊᔾᔨᓕᐅᒐᖓᑕ ᓯᓚᑎᒋᔭᐅᓂᐊᖅᑐᖅ ᐊᕐᕌᒍᑕᒫᖅᓯᐅᑎᓂ ᐅᓂᒃᑳᓂ.

ᓂᐅᕆ ᐃᖃᓗᔾᔪᐊᖅ, ᐃᑉᐱᐊᔪᒻᒥᐅᑕᖅᑕᐅᖅ, ᑐᒡᓕᒋᔭᐅᔪᖅ ᐊᔾᔨᓕᐅᒐᖓᓄᑦ, ᐅᑕᖅᑭᔪᑦ ᑕᖅᑭᑎᓪᓗᒍ, ᓵᓚᒃᓴᖅᓱᓂ $200.00-ᓂᒃ ᐊᒻᒪᓗ ᐊᖏᓪᓕᑎᑦᓯᒪᔪᒥᒃ ᐊᔾᔨᓕᐅᒐᖓᓂᒃ ᑐᓂᔭᐅᓂᐊᕐᒥᔪᖅ. ᓲᓯ ᖃᐅᓐᓇᖅ ᐸᓐᓂᖅᑑᒥᐅᑕᖅ ᐱᖓᔪᒋᔭᐅᔪᖅ ᐊᔾᔨᓕᐅᒐᖓᓄᑦ, ᐊᓪᓚᓐᖑᐊᑦ, ᐊᒻᒪᓗ ᓵᓚᒃᓴᖅᑐᖅ $100.00 ᑐᓂᔭᐅᓂᐊᕐᒥᔪᖅ ᐊᖏᓪᓕᑎᖅᓯᒪᔪᒥᒃ ᐊᔾᔨᓕᐅᒐᖓᓂᒃ.

ᐊᑎᖃᖃᑕᐅᔪᑦ ᓵᓚᒃᓴᕋᓱᐊᕈᑕᐅᔪᒧᑦ ᐊᔾᔨᓕᐅᒐᕐᓄᑦ ᐱᖃᑕᐅᖁᔭᐅᕗᑦ ᐃᑭᐊᖅᑭᔾᔪᑎᑦᑎᓃᑦᑐᖅ. ᓇᓗᓇᐃᖅᑐᖅᓯᒪᔪᑦ ᐊᒻᒪᓗ ᐃᓚᒋᔭᐅᔪᒪᔪᓄᑦ ᐊᑐᐃᓐᓇᐅᑎᑕᐅᔪᑦ ᐅᕙᓂ www.tunngavik.com.

ᐊᓪᓚᓐᖑᐊᑦ ᑑᒑᖏᓐᓂᒃ ᓂᐅᕐᕈᑎᖃᖃᑦᑕᕐᓂᖓᑕ ᑭᒡᓕᖃᖅᑎᑕᐅᓂᖓ ᐃᓚᖓᒍᑦ ᐅᕿᓪᓕᒋᐊᖅᑕᐅᒐᓛᑦᑐᖅ

ᓄᓇᕗᑦ ᑐᓐᖓᕕᒃᑯᑦ ᐊᖏᔪᖅᑳᖓᑕ ᑐᒡᓕᐊ ᔭᐃᒥᓯ ᐃᑦᑐᓗᒃ ᑐᓴᖅᑎᑦᓯᖅᑲᐅᔪᖅ ᐃᒪᕐᒥᐅᑕᓕᕆᔨᒃᑯᑦ ᐃᓚᖓᒍᑦ ᐅᕿᓪᓕᒋᐊᖅᑕᐅᒐᓛᒋᐊᖓ ᓯᓚᕐᔪᐊᒥ ᓂᐅᕐᕈᑎᖃᖃᑦᑕᕐᓂᕐᒧᑦ ᑭᒡᓕᖃᖅᑎᑕᐅᓂᖓ ᐊᓪᓚᓐᖑᐊᑦ ᑐᒑᖏᓐᓂᒃ ᐱᓇᓱᐊᕈᓯᑦᑎᓐᓂ.

“ᑐᓴᕈᒥᓇᖅᑐᕐᔪᐊᕌᓗᒃ ᑕᒪᓐᓇ,” ᐅᖃᖅᑲᐅᔪᖅ ᐃᑦᑐᓗᒃ. “ᐃᒪᕐᒥᐅᑕᓕᕆᔨᒃᑯᑦ ᐊᓪᓚᓐᖑᐊᑦ ᑑᒑᖏᓐᓂᒃ ᓂᐅᕐᕈᑎᖃᖃᑦᑕᓂᕐᒧᑦ ᓄᖅᑲᑎᑦᓯᒻᒪᑕ 17-ᓄᑦ ᓄᓇᕗᒻᒥ ᓄᓇᓕᓐᓄᑦ ᐊᕐᕌᓂ, ᐃᓱᒪᓕᐅᕈᑕᐅᓂᖓᒍᑦ ᐋᖅᑭᑦᑕᐅᓂᖓ ᐊᐱᖅᑯᑎᒃᓴᖅᑕᖃᓚᐅᕐᒪᑦ ᖃᓪᓗᓈᑦ ᖃᐅᔨᓴᖅᑎᕐᔪᐊᖏᑕ ᖃᐅᔨᓴᕈᑎᒥᓂᖏᓐᓂᒃ ᑲᑎᖅᓱᖅᑕᐅᓯᒪᔪᓂᒃ ᐃᓚᖓᓂᒃ ᖃᖓᑕᔫᒃᑯᑦ ᖃᐅᔨᓴᕈᑕᐅᓚᐅᖅᑐᑦ 2003-ᒥ. ᑭᐳᑦᑎᑕᐅᓂᖓ ᐃᓱᒪᓕᐅᕈᑕᐅᓚᐅᖅᑑᑉ ᑖᒃᑯᓇᓐᖔᖅᓯᒪᔪᑦ ᖃᖓᑕᔫᒃᑯᑦ ᖃᐅᔨᓴᕈᑎᒥᓂᕐᓂᒃ ᑲᖏᕐᖢᕐᒥ (Admiralty Inlet) ᐃᑉᐱᐊᕐᔫᑉ ᖃᓂᖏᔮᓂ 2010-ᒥ. ᑕᒪᓐᓇ ᑐᑭᓕᒃ ᐃᓄᐃᑦ ᐃᑉᐱᐊᔪᒻᒥ, ᑲᖏᕐᖢᒑᐱᒃ, ᕿᑭᖅᑕᕐᔪᐊᖅ, ᐸᓐᓂᖅᑑᖅ ᐊᒻᒪᓗ ᐃᖃᓗᓐᓂ ᓯᓚᕐᔪᐊᒥ ᓂᐅᕐᕈᑎᖃᒃᑲᓐᓂᖃᑦᑕᕈᓐᓇᕐᓂᐊᓕᕐᒥᔪᑦ ᐊᓪᓚᓐᖑᐊᓄᑦ ᑑᒑᓂᒃ ᐊᒻᒪᓗ ᑮᓇᐅᔭᑎᒍᑦ ᐊᑭᓖᑎᑕᐅᒋᐊᑐᖃᑦᑕᔾᔮᒍᓐᓃᖅᑐᑦ ᐃᒪᕐᒥᐅᑕᓕᕆᔨᒃᑯᑦ ᖃᐅᔨᓴᕈᑎᒥᓂᖏᓐᓄᑦ ᑲᑎᖅᓱᒐᐅᓯᒪᔪᑐᖃᕐᓄᑦ,” …

ᐅᒥᖕᒪᖅᑑᑉ ᐅᓂᒃᑳᖑᓂᖓᓄᑦ ᐱᓕᕆᐊᑦ ᐱᒋᐊᖅᑎᑕᐅᔪᑦ

(ᑎᓯᐱᕆ, 2011 –ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᐊᖓᔪᖅᑳᖓᑦ ᑳᑎ ᑕᐅᑐᓐᖏ ᐅᓪᓗᒥ ᐱᒋᐊᖅᑎᑦᓯᔪᖅ ᑖᒃᑯᐊ ᐅᒥᖕᒪᒃᑑᖅ ᐅᓂᒃᑳᖑᓂᖓᓄᑦ ᐱᓕᕆᐊᒃᓴᓂᒃ ᑕᒡᕙᓂ ᓄᓇᕗᑦ ᑐᓐᖓᕕᒃᑯᑦ ᖃᕆᐅᓴᔭᒃᑯᑦ ᑐᑭᓯᒋᐊᖅᑎᑦᓯᕕᐊᓂ. ᑖᓐᓇ ᐱᓕᕆᐊᖅ ᐃᓗᓕᖃᖅᑐᖅ ᐅᖃᐅᓯᒃᑯᑦ ᐅᓂᒃᑳᖑᓯᒪᔪᓂᒃ ᓂᐱᓕᐅᖅᓯᒪᔪᓂᒃ ᑖᒃᑯᓇᓐᖓᑦ ᐅᒥᖕᒪᖅᑑᕐᒥᐅᓂᒃ, ᓄᒃᑎᖅᑕᐅᓚᐅᖅᑐᓂᒃ ᐅᖅᓱᖅᑑᒧᑦ 1967.
ᓄᓇᕗᑦ ᑐᓐᖓᕕᒃᑯᑦ ᐱᒋᐊᓚᐅᖅᓯᒪᔪᑦ ᐱᓕᕆᐊᒥᒃ ᖃᑦᓯᑲᓪᓚᐅᓕᖅᑐᓂᒃ ᐊᕐᕌᒍᓂᒃ ᐃᓄᑦ ᐅᖅᓱᖅᑑᒥ ᑎᑎᕋᓚᐅᕐᒪᑕ ᓄᓇᕗᑦ ᑐᓐᖓᕕᒃᑯᑦ ᐊᖓᔪᖅᑳᖓᑦᑕ ᑐᒡᓕᐊᓄᑦ ᔭᐃᒻᔅ ᐃᑦᑐᓗᒃ, ᐊᐱᖅᓱᖅᑐᑎᒃ ᐃᑲᔪᖅᑕᐅᒍᓐᓇᕐᒪᖔᕐᒥᒃ ᐅᓂᒃᑳᓕᐅᖅᑎᓪᓗᒋᑦ.
ᓄᓇᕗᑦ ᑐᓐᖓᕕᒃᑯᑦ ᐅᖃᐅᓯᒃᓴᑦ−ᖃᖓᓂᑕᓕᕆᔨᖓᑦ ᑏᕕᑦ ᐱᓕ ᐋᖅᑭᒃᓱᐃᓚᐅᖅᑐᖅ ᐊᐱᖅᓱᐃᓂᐅᔪᓂᒃ ᐅᖅᓱᖅᑑᒥ. ᑕᒪᓐᓇ ᐱᕙᓪᓕᐊᓂᖅ ᐃᓚᖃᓚᐅᖅᑐᖅ ᑲᑎᒪᖃᑎᒋᓗᒋᑦ ᑖᒃᑯᐊ ᑲᑐᔾᔨᔪᑦ, ᐋᖅᑭᒃᓱᐃᓪᓗᑎᒃ ᐸᕐᓇᐅᑎᓂᒃ ᐱᖃᑎᒋᓪᓗᒋᑦ, ᐊᐱᖅᓱᖅᑐᒋᑦ …

ᓄᓇᕗᑦ ᑐᙵᕕᒃᑯᑦ ᐊᕐᕌᒍᒋᓚᐅᖅᑕᖓᓂᒃ ᕿᒥᕐᕈᓂᕐᒧᑦ ᐅᖄᓚᖃᑦᑕᑎᑦᓯᓛᖅᑐᑦ ᑐᓴᖅᓴᐅᑦᑕᐅᑎᒋᓗᑎᒃ ᓯᐱᓰ ᓈᓚᐅᑎᒃᑯᑦ

ᓄᓇᕗᑦ ᑐᙵᕕᒃ ᑎᒥᖓᑦ ᐊᕐᕌᒍᒋᓚᐅᖅᑕᖓᓂᒃ ᕿᒥᕐᕈᓂᖃᕐᓗᑎᒃ ᐅᖄᓚᖃᑦᑕᑎᑦᓯᓛᖅᑐᑦ ᑐᓴᖅᓴᐅᑦᑕᐅᑎᒋᓗᑎᒃ ᓯᐱᓰ ᓈᓚᐅᑎᖏᑦᑎᒍᑦ ᑲᖏᖅᖠᓂᕐᒥ, ᑎᓯᐱᕆ 19, 2011-ᒥ, 12:30-ᒥ 2:00-ᒧᓄᑦ ᑲᖏᖅᖠᓂᕐᒥ ᓯᕿᓐᖑᔭᖓᑎᒍᑦ.

“ᐊᕐᕌᒍᑕᒫᑦ ᑐᓴᖅᓴᐅᑦᑕᐅᑎᒋᓗᑎᒃ ᓈᓚᐅᑎᒃᑰᑎᑦᓯᓂᖅ ᐱᕕᒃᓴᖃᖅᑎᑦᓯᕗᖅ ᓄᓇᑖᖃᑕᐅᓯᒪᔪᓄᑦ ᐊᐱᖅᓱᕈᓐᓇᕐᕕᖃᖅᑎᑦᓯᓪᓗᓂ ᐃᓱᒫᓘᑎᒋᔭᖏᓐᓂᓪᓗ ᐅᖃᕈᓐᓇᖁᓪᓗᒋᑦ ᐅᕙᓐᓄᑦ, ᐊᒻᒪᓗ ᓄᓇᕗᑦ ᑐᙵᕕᒃᑯᓐᓄ ᐅᓪᓗᒥᒨᖓᓗᑎᒃ ᐱᓕᕆᐊᕆᖃᑦᑕᓚᐅᖅᑕᖏᑦ 2011-ᒥ,” ᐅᖃᖅᑐᖅ ᑕᐅᑐᙱ.

ᐃᓄᐃᑦ ᓈᓚᖁᔭᐅᕗᑦ ᐃᓚᐅᖃᑕᐅᓗᑎᓪᓗ ᐅᖄᓚᖃᑦᑕᕐᓂᒃᑯᑦ ᐊᐱᖅᑯᑎᒃᓴᖃᖅᐸᑕ.

ᓈᓚᖃᑕᐅᔪᑦ ᐅᖄᓚᒍᓐᓇᓛᖅᑐᑦ ᐊᑭᖃᙱᑦᑐᒧᑦ ᐅᕗᖓ 1-877-548-2554.

ᑖᓐᓇ ᐊᕐᕌᒍᓂᒃ 9-ᓂᒃ ᐊᕐᕌᒍᒋᓚᐅᖅᑕᖓᓂᒃ ᕿᒥᕐᕈᓂᕐᒧᑦ ᐅᖄᓚᖃᑦᑕᑎᑦᓯᓂᕆᓕᖅᑕᖓ ᓄᓇᕗᑦ ᑐᙵᕕᒃᑯᑦ.

ᓄᓇᕗᒻᒥ ᐊᔪᖅᓴᓗᐊᖃᑦᑕᓂᕐᒧᑦ ᑲᑎᒪᔾᔪᑎᖃᕐᓂᒃᑯᑦ ᐊᖏᖃᑎᒌᒃᑐᑦ ᐸᕐᓇᐅᑎᓕᐅᕐᓗᑎᒃ ᖃᓄᐃᓕᒋᐊᕈᑎᒃᓴᓄᑦ

ᓄᓇᕗᑦ ᓯᕗᓕᖅᑎᖓ ᐄᕙ ᐋᕆᐊᒃ ᐊᒻᒪ ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑕ ᑐᒡᓕᐊ ᔮᒃ ᐊᓇᕈᐊᖅ ᐅᓪᓗᒥ ᓇᓗᓇᐃᖅᓯᔫᒃ ᒪᑭᒪᓂᕐᒧᑦ ᐸᕐᓇᐅᑎᒥᒃ: ᑲᑐᔾᔨᖃᑎᒌᓪᓗᑎᒃ ᐊᔪᖅᓱᓗᐊᖃᑦᑕᓂᕐᒧᑦ ᐱᕚᓪᓕᕈᑎᒃᓴᓂᒃ.
ᑖᓐᓇ ᐸᕐᓇᐅᑎ ᓇᓗᓇᐃᖅᓯᔪᖅ ᐊᔪᖅᓴᓗᐊᖃᑦᑕᓂᕐᒥᒃ ᐱᕚᓪᓕᕈᑎᒃᓴᓄᑦ ᓄᓇᕗᒻᒥ, ᓴᖅᑭᑕᐅᔪᖅ 45-ᖑᔪᓄᑦ ᑲᑎᒪᖃᑕᐅᓚᐅᖅᑐᓄᑦ ᓄᓇᕗᒻᒥ ᓯᕗᓪᓕᖅᐹᒥ ᐊᔪᖅᓴᓗᐊᖃᑦᑕᓂᕐᒧᑦ ᑲᑎᒪᓂᖃᖅᑎᓪᓗᒋᑦ.
“ᑭᒃᑯᓕᒫᑦ ᐱᓕᕆᐊᒃᓴᖃᖅᐳᑦ ᐱᕚᓪᓕᖁᓪᓗᒍ ᐊᔪᖅᓴᓗᐊᖃᑦᑕᕐᓂᖅ ᓄᓇᑦᑎᓐᓂ,” ᐅᖃᖅᑐᖅ ᓯᕗᓕᖅᑎ ᐄᕙ ᐋᕆᐊᒃ. “ᒥᓂᔅᑕᐅᖃᑎᒃᑲᓗ ᐱᓕᕆᐊᒃᓴᑎᓐᓂᒃ ᑲᒪᓂᐊᖅᐳᒍᑦ ᐊᒻᒪ ᐊᑐᐃᓐᓇᐅᓪᓗᑕ ᖃᓄᐃᓕᐅᕆᐊᕈᑕᐅᖁᔭᐅᔪᓄᑦ ᐅᓪᓗᒥ. ᐃᓱᐊᓂ ᐱᓕᕆᐊᒃᓴᕆᔭᑦᑕ 2013-ᒥ, ᒐᕙᒪᒃᑯᑦ ᐃᒪᐃᓕᐅᕐᓂᐊᖅᐳᑦ:

· ᐋᖅᑭᒋᐊᖅᓯᓗᑎᒃ ᐃᒡᓗᓄᑦ ᐊᑐᖅᑐᐊᖅᑕᐅᔪᓄᑦ ᐊᑭᓕᖅᓱᐃᒍᑕᐅᕙᒃᑐᒥᒃ ᒥᑭᓪᓕᕚᓪᓕᖁᓪᓗᒋᑦ ᐊᑲᐅᓐᖏᓕᐅᕈᑕᐅᕙᒃᑐᓄᑦ ᐃᖅᑲᓇᐃᔭᕐᓂᕐᒧᑦ ᐊᒻᒪ ᐃᑲᔪᖅᑐᐃᓐᓇᕐᓗᒋᑦ ᐊᔪᖅᓴᓗᐊᖃᑦᑕᓂᕐᒧᑦ ᐱᔾᔪᓐᓃᖅᐹᓪᓕᕈᑕᐅᔪᓐᓇᖅᑐᑦ ᐊᓯᖏᓪᓗ ᐃᓅᓯᓕᕆᓂᕐᒧᑦ ᐃᑲᔫᑏᑦ;
· ᓴᖅᑮᓗᑎᒃ …

ᐊᕐᕌᒍᑕᒫᖅᓯᐅᑎᖓᓂᒃ ᑲᑎᒪᕐᔪᐊᕐᓂᖃᖅᑎᓪᓗᒋᑦ ᐃᓚᒋᔭᐅᔪᑦ ᑲᔪᓯᑎᑦᓯᕗᑦ ᓄᓇᒦᓐᖔᖅᑐᓄᑦ ᑮᓇᐅᔭᓕᐊᑦ ᐊᑐᐊᒐᖓᓂᒃ

ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓ ᑳᑎ ᑕᐅᑐᙱ ᐅᓪᓗᒥ ᓇᓗᓇᐃᖅᓯᔪᖅ ᓄᓇᒦᓐᖔᖅᑐᓄᑦ ᑮᓇᐅᔭᓕᐊᑦ ᐊᑐᐊᒐᖓ ᐊᑐᓕᖅᑎᑕᐅᓂᖓᓂᒃ ᐱᖁᔨᕗᖔᕈᑎᓕᐊᖓᒍᑦ ᐃᓚᒋᔭᐅᔪᑦ ᐊᕐᕌᒍᑕᒫᖅᓯᐅᑎᖓᓂᒃ ᑲᑎᒪᕐᔪᐊᕐᓂᖃᖅᑎᓪᓗᒋᑦ ᐃᖃᓗᑦᑑᑎᐊᒥ.

“ᐊᑐᐊᒐᖅ ᑐᕌᒐᖃᖅᑐᖅ ᓇᓗᓇᖏᑦᑐᒥᒃ, ᐊᐅᓚᑦᓯᐊᖅᑐᒥᒃ ᐊᒻᒪ ᐊᖏᖃᑎᒌᒍᑕᐅᓯᒪᔪᒥᒃ ᐊᑐᐊᒐᖃᕐᓗᑎᒃ ᐊᑐᖅᑕᐅᓂᐊᕐᓗᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᐃᑲᔫᑎᒃᓴᓂᒃ ᐅᔭᖃᓐᓂᐊᖅᑐᓂ ᓄᓇᕗᒻᒥ. ᐊᑐᐊᒐᖅ ᑐᕌᖓᑐᐃᓐᓇᖏᓚᖅ ᐅᔭᕋᓐᓂᐊᓂᕐᒧᑦ. ᓄᓇᕗᑦ ᑐᙵᕕᒃᑯᑦ ᐊᑐᐊᒐᖃᕇᖅᑐᑦ ᓄᓇᒦᖔᖅᑐᑦ ᐱᕙᓪᓕᐊᓂᖏᓐᓄᑦ ᐃᓚᒋᓪᓗᒋᑦ ᐅᔭᕋᓐᓂᐊᓂᕐᒧᑦ ᐊᑐᐊᒐᖅ, ᓄᖑᓱᐃᑦᑐᓕᕆᓂᕐᒧᑦ ᐊᑐᐊᒐᖅ, ᐊᒻᒪ ᐊᑐᐊᒐᐃᑦ ᒪᓕᒐᐃᓪᓄ ᐃᓄᐃᑦ ᓄᓇᖁᑎᖏᑕ ᐊᑐᖅᑕᐅᓂᖏᓐᓄᑦ. ᑖᒃᑯᐊ ᐊᑐᐊᒐᐃᑦ ᐊᐅᓚᑦᓯᒍᑕᐅᖏᓐᓇᕐᓂᐊᖅᐳᑦ ᓄᓇᕗᑦ ᑐᙵᕕᒃᑯᑦ ᐋᔩᕋᕐᓂᖏᓐᓄᑦ ᕿᓂᖅᓴᕐᓂᕐᒧᑦ ᐊᖏᕈᑎᖏᓐᓄᑦ ᐅᕝᕙᓘᓐᓃᑦ ᐃᓗᓕᖏᓐᓄᑦ. ᐱᔾᔪᑎᖃᖅᑐᖅ ᓄᓇᒦᓐᖔᖅᑐᓄᑦ ᑮᓇᐅᔭᐊᓕᑦ ᐊᑐᐊᒐᖓ ᐊᓯᔾᔨᕈᑕᐅᔾᔮᖏᑦᑐᖅ ᒫᓐᓇ ᐊᑐᖅᑕᐅᖃᑦᑕᖅᑐᓂᒃ.

“ᑖᓐᓇ ᐊᑐᐊᒐᖅ ᓄᓇᒦᓐᖔᖅᑐᓄᑦ ᑮᓇᐅᔭᓕᐊᓄᑦ, …

ᓄᓇᕗᒻᒥ ᓄᓇᓕᓐᓂ ᐃᓅᖃᑎᒌᑦᓯᐊᕐᓂᕐᒧᑦ ᐸᕐᓇᐅᑎᓄᑦ ᐅᓂᒃᑳᓕᐊᑦ ᓴᖅᑭᖅᑕᑦ

ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑦ ᑳᑎ ᑕᐅᑐᙱ, ᐄᕙ ᐋᕆᐊᒃ, ᓄᓇᕗᒻᒥ ᓯᕗᓕᖅᑎ ᐊᒻᒪᓗ ᓕᐅᓇ ᐊᒡᓗᒃᑲᖅ, ᒐᕙᒪᑐᖃᒃᑯᑦ ᒥᓂᔅᑕᖓᑦ ᐋᓐᓂᐊᖃᕐᓇᖏᑦᑐᓕᕆᔨᕐᔪᐊᒃᑯᓐᓄᑦ ᐅᓪᓗᒥ ᐅᖃᐅᓯᖃᖅᑲᐅᔪᑦ ᓴᖅᑭᖅᓯᓪᓗᑎᓪᓗ ᓄᓇᕗᒻᒥ ᓄᓇᓕᓐᓂ ᐃᓅᖃᑎᒌᑦᓯᐊᕐᓂᕐᒧᑦ ᐸᕐᓇᐅᑎᖃᕐᓂᕐᒧᑦ ᐆᑦᑐᕋᐅᑎᐅᓗᑎᒃ ᐱᓕᕆᐊᖑᓂᐊᖅᑐᓂᒃ. ᐱᓕᕆᐊᖅ ᑲᒪᒋᔭᐅᓯᒪᔪᖅ ᑲᑐᔾᔭᐅᓪᓗᓂ ᓄᓇᕗᑦ ᑐᙵᕕᒃᑯᓐᓄᑦ, ᓄᓇᕗᑦ ᒐᕙᒪᒃᑯᖏᓐᓄᑦ, ᐋᓐᓂᐊᖃᕐᓇᖏᑦᑐᓕᕆᔨᕐᔪᐊᒃᑯᓐᓄᑦ ᑲᓇᑕ ᐱᖓᓲᔪᖅᑐᓄᓪᓗ ᓄᓇᓕᓐᓄᑦ ᓄᓇᕗᒻᒥ. ᐋᓐᓂᐊᖃᕐᓇᖏᑦᑐᓕᕆᔨᕐᔪᐊᒃᑯᑦ ᑲᓇᑕᒥ ᑮᓇᐅᔭᖃᖅᑎᑦᓯᓯᒪᔪᑦ $2.4 ᒥᓕᐊᓐᓂᒃ ᐱᓕᕆᐊᒧᑦ ᓄᓇᖃᖅᑳᖅᑐᒥᓂᕐᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑮᓇᐅᔭᖏᓐᓂᒃ.
ᐱᖓᓲᔪᖅᑐᐃᑦ ᓄᓇᕗᒻᒥ ᓄᓇᓖᑦ – ᐊᕐᕕᐊᑦ, ᓴᓪᓕᖅ, ᑲᖏᖅᑐᒑᐱᒃ, ᐃᒡᓗᓕᒃ, ᖁᕐᓗᖅᑑᖅ, ᐊᒻᒪᓗ ᑰᒑᕐᔪᒃ – ᐋᖅᑭᑦᓱᐃᓯᒪᔪᑦ ᓄᓇᓕᓐᓂ ᐃᓅᖃᑎᒌᑦᓯᐊᕐᓂᕐᒧᑦ ᐸᕐᓇᐅᑎᓂᒃ, ᑲᒪᒋᔭᐅᓯᒪᓪᓗᑎᒃ ᓯᕗᒃᑲᑕᖅᑎᖃᖅᑐᑎᓪᓗ ᐊᑐᓂᑦ ᓄᓇᓕᓐᓂ ᐃᑲᔪᖅᓱᖅᑕᐅᓪᓗᑎᒃ NCWP ᐱᓕᕆᐊᖃᖅᑐᓂᒃ. ᖄᒃᑲᓐᓂᖓᒍᑦ ᓄᓇᓕᓐᓂ ᐸᕐᓇᐅᑏᑦ, …

ᓄᓇᕗᑦ ᑐᙵᕕᒃᑯᑦ ᐊᕐᕌᒍᑕᒫᖅᓯᐅᑎᖓᓂᒃ ᑲᑎᒪᓂᖓ ᐱᐊᓂᒃᑐᖅ

(ᓄᕕᐱᕆ 24, 2011 – ᐃᖃᓗᑦᑑᑎᐊᖅ, ᓄᓇᕗᑦ) ᓄᓇᕗᑦ ᑐᙵᕕᒃᑯᓐᓄᑦ ᐃᓚᒋᔭᐅᔪᑦ ᐊᕐᕌᒍᑕᒫᖅᓯᐅᑎᖓᓂᒃ ᑲᑎᒪᕐᔪᐊᕐᓂᖓ ᐱᐊᓂᓐᓂᐊᑐᖅ ᐅᓪᓗᒥ. ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᖏᔪᖅᑳᖓ ᑳᑎ ᑕᐅᑐᙱ ᐅᖃᖃᑕᐅᔪᖅ ᑲᑎᒪᓂᖓᓂ ᐱᓕᕆᐊᖃᑦᑎᐊᕐᒪᑕ ᐃᖏᕐᕋᑦᓯᐊᖅᑐᑎᒡᓗ.
“ᑲᑎᒪᓂᒋᔭᕗᑦ ᐊᐅᓚᑦᑎᐊᒻᒪᕆᓚᐅᑐᖅ. ᐃᓚᒋᔭᐅᔪᑦ ᓈᒻᒪᒃᓴᖅᖢᑎᒃ ᐊᕐᕌᒍᒧᑦ ᑮᓇᐅᔭᖅᑐᕈᑎᒃᓴᖏᓐᓂᒃ ᓄᓇᕗᑦ ᐸᐸᑦᓯᔨᒃᑯᓐᓂ, ᕿᒥᕐᕈᓪᓗᑎᑦ ᓈᒻᒪᒋᓪᓗᒋᓪᓗ ᖃᐅᔨᓴᖅᑕᐅᓯᒪᔪᑦ ᑮᓇᐅᔭᐃᑦ ᐅᓂᒃᑳᖏᑦ ᐊᒻᒪᓗ 2011-ᒧᑦ ᓄᓇᕗᑦ ᑐᙵᕕᒃᑯᑦ ᐊᕐᕌᒍᒧᑦ ᐅᓂᒃᑳᖏᓐᓂᒃ, ᓈᒻᒪᒃᓴᖅᑐᑎᒡᓗ ᓄᓇᒦᓐᖔᖅᑐᓄᑦ ᑮᓇᐅᔭᓕᐊᑦ ᐊᑐᐊᒐᖓᓂᒃ,” ᐅᖃᖅᑐᖅ ᑕᐅᑐᙱ. ᐅᖃᐅᓯᖃᖅᑎᓪᓗᒋᑦ ᑐᙵᕕᒃᑯᑦ ᖃᐅᔨᓴᖅᑕᐅᓯᒪᔪᑦ ᑮᓇᐅᔭᐃᑦ ᐅᓂᒃᑳᖏᓐᓂᒃ, ᑕᐅᑐᙱᑦ ᓇᓗᓇᐃᖅᓯᓚᐅᑐᖅ ᖃᐅᔨᓴᖅᑏᑦ ᐅᐱᒍᓱᓚᐅᕐᒪᑕ ᑮᓇᐅᔭᐃᑦ ᐊᐅᓚᑕᐅᑦᓯᐊᒻᒪᕆᓐᓂᖏᓐᓂᒃ.
ᑖᓐᓇ ᓄᓇᒦᓐᖔᖅᑐᓄᑦ ᑮᓇᐅᔭᐊᓕᑦ ᐊᑐᐊᒐᖓ ᓴᖅᑭᑕᐅᓚᐅᑐᖅ ᐊᖏᖃᑎᒌᓯᒪᓪᓗᑎᒃ ᓄᓇᕗᑦ ᑐᙵᕕᒃᑯᑦ ᐊᒻᒪ ᐊᕕᒃᑐᖅᓯᒪᔪᓂ ᐃᓄᐃᑦ …

(English) 2011 KIA Election – Candidates Nominated

Sorry, this entry is only available in English.

ᓂᕈᐊᕐᓂᕐᒧᑦ ᒪᓕᒐᐃᑦ ᒪᓕᓪᓗᒋᑦ, ᐃᓚᖓ 27 ᓯᕿᙳᔭᖅ 5:01ᒨᖅᑎᓪᓗᒍ ᐅᓐᓄᒃᑯᑦ ᓇᒡᒐᔾᔭᐅᒥ ᓅᕕᑉᐱᕆ 7, 2011ᒥ; ᑖᒃᑯᐊᑦ ᓂᕈᐊᕋᔅᓴᙳᖅᑎᑕᐅᓯᒪᔪᑦ ᐊᖏᖅᐸᒃᑲ ᓂᕈᐊᕋᔅᓴᐅᓛᖁᓪᓗᒋᑦ 2011ᒥ ᕿᑭᖅᑕᓂᒃᑯᑦ ᓂᕈᐊᕐᓂᖓᓂ.

ᐊᖓᔪᖅᑳ: (3-ᓄᑦ ᐅᑭᐅᓄᑦ ᐃᓕᙵᒐᔭᖅᑐᖅ ᑎᓯᐱᕆ 2014ᒧᓄᑦ)
ᐃᔨᑦᓯᐊᖅ, ᔫᓯ ᐅᑲᓕᖅ
ᖁᐊᓴ, ᐹᓪ
ᖁᓚᐅᑦ, ᔪᐊᔾ
ᓄᓇᓕᖕᓂ ᑭᒡᒐᖅᑐᐃᔨᓄᑦ:
ᑲᖏᖅᖢᒑᐱᒃ: (3-ᓄᑦ ᐅᑭᐅᓄᑦ ᐃᓕᙵᒐᔭᖅᑐᖅ ᑎᓯᐱᕆ 2014ᒧᓄᑦ)
ᐃᓄᐊᕋᖅ, ᔫᓯ
ᐃᓄᐊᕋᖅ, ᐃᓕᓴᐱ
ᐃᓕᖓᔪᖅ, ᓕᕙᐃ
ᐃᖃᓗᒃᔪᐊᖅ, ᐲᑕ
ᓈᑕᓇᐃ, ᔨᐅᕆ
ᓴᓂᕋᔭᒃ: (3-ᓄᑦ ᐅᑭᐅᓄᑦ ᐃᓕᙵᒐᔭᖅᑐᖅ ᑎᓯᐱᕆ 2014ᒧᓄᑦ)
ᐊᐅᓪᓚᑭᐊᖅ, ᔭᐃᐱᑎ
ᑰᓕ, ᐋᓐ
ᖃᐃᕐᓂᖅ, ᔫᐱ
ᖃᓈᑦᓯᐊᖅ, ᑕᐃᕕᑎ
ᑲᓐᓄᑕᖅ, ᐊᓰᓇ
ᖃᐅᓐᓇᖅ, ᓕᕙᐃ
ᖃᓈᑦᑎᐊᖅ, ᓵᓚᒪᓐ
ᖃᒪᓂᖅ, ᐊᐃᕝᕙᓚᕼᐋᒻ
ᐅᓪᓗᐊᐸᒃ, ᓚᐃᒥᑭ
ᐃᒡᓗᓕᒃ: (3-ᓄᑦ ᐅᑭᐅᓄᑦ ᐃᓕᙵᒐᔭᖅᑐᖅ ᑎᓯᐱᕆ 2014ᒧᓄᑦ)
ᐊᓗᕈᑦ, ᓵᓚᒪᓐ
ᐃᓗᐹᓕᒃ, ᔮᓐ
ᖃᐅᓐᓇᖅ, ᒍᐊᑕᓐ
ᐃᖃᓗᐃᑦ: (3-ᓄᑦ ᐅᑭᐅᓄᑦ ᐃᓕᙵᒐᔭᖅᑐᖅ ᑎᓯᐱᕆ 2014ᒧᓄᑦ)
ᐃᑦᑐᑦᓯᐊᖅ, ᐋᑕᒥ
ᓇᑖᖅ, ᓴᐃᒪᓐ
ᕋᑦᕗᓐ, ᒫᑕᓚᓐ
ᑭᒻᒥᕈᑦ: (3-ᓄᑦ ᐅᑭᐅᓄᑦ ᐃᓕᙵᒐᔭᖅᑐᖅ ᑎᓯᐱᕆ 2014ᒧᓄᑦ)
ᐃᑭᓪᓗᐊᖅ, ᔪᐊᓂ
ᓚᐃᑕ, ᒥᑭᔾᔪ
ᓚᐃᑕ, ᒪᓕᒃᑐ
ᒪᐃᑯ, ᒪᑐ ᒨᓂ
ᒥᑦᑎᒪᑕᓕᒃ: (3-ᓄᑦ ᐅᑭᐅᓄᑦ ᐃᓕᙵᒐᔭᖅᑐᖅ ᑎᓯᐱᕆ 2014ᒧᓄᑦ)
ᐊᓗᓘᖅ, ᔭᐃᑯ
ᐊᕐᓇᑲᓪᓚᒃ, ᑕᐃᑑᓯ
ᑯᑉᓗ, ᐊᐃᕝᕙᓚᕼᐋᒻ
ᓇᓱᒃ, ᔪᐃᓕ
ᐸᓂᐊᖅ, …

ᓯᓚᕐᔪᐊᕆᔪᒪᔭᕗᑦ ᑭᓲᕙᑦ ᐱᓕᕆᐊᒃᓴᖏᑦ ᐃᓄᐃᑦ ᑕᐱᕇᑦ ᑲᓇᑕᒥ ᓯᕗᓂᐊᒍᑦ ᓄᓇᑕᕐᓂᕐᒧᑦ ᐊᖏᕈᑎᓕᐅᓚᐅᖅᑳᑎᓐᓇᒋᑦ ᐱᓕᕆᐊᕆᖃᑦᑕᓚᐅᖅᑕᖏᑦ ᐊᒻᒪᓗ ᑭᓱᕙᑦ ᓯᕗᓂᑦᑎᓐᓂ ᐊᑦᓱᕈᓐᓇᓂᐊᖅᑐᑦ?

ᐄᓯᑭᒨᓂᒃ ᑎᑭᓪᓗᒍ ᐃᓄᐃᑦ ᐅᑭᐅᑦ 40 ᐃᓗᐊᓐᓂ

ᓯᑕᒻᒥᖅ, ᓅᕙᐃᒻᕙ 3, 2011

ᑲᓇᑕᒥ ᑕᑯᔭᒐᖃᕐᕕᔾᔪᐊᖅ, ᐋᑐᕚ, ᐋᓐᑎᕆᐅ

ᓯᕿᓐᖑᔭᖅ 1:30-3 ᐊᐱᖅᓱᖅᑕᐅᔪᓂ

ᓯᓚᕐᔪᐊᕆᔪᒪᔭᕗᑦ
ᑭᓲᕙᑦ ᐱᓕᕆᐊᒃᓴᖏᑦ ᐃᓄᐃᑦ ᑕᐱᕇᑦ ᑲᓇᑕᒥ ᓯᕗᓂᐊᒍᑦ ᓄᓇᑕᕐᓂᕐᒧᑦ ᐊᖏᕈᑎᓕᐅᓚᐅᖅᑳᑎᓐᓇᒋᑦ ᐱᓕᕆᐊᕆᖃᑦᑕᓚᐅᖅᑕᖏᑦ ᐊᒻᒪᓗ ᑭᓱᕙᑦ ᓯᕗᓂᑦᑎᓐᓂ ᐊᑦᓱᕈᓐᓇᓂᐊᖅᑐᑦ?

ᐊᐱᖅᓱᒐᐅᓂᐊᖅᑐᑦ
ᐲᑕ ᐋᑕᒥ, ᓂᐊᓕ ᑯᐊᓐᓄᐊᐃ, ᑳᑎ ᑕᐅᑐᓐᖏ, ᔨᒻ ᓚᐃᔪᓪ

· ᐅᓐᓄᓴᑦᓯᐊᖅ ᐊᕐᓇᐃᑦ ᐊᖑᑏᓪᓗ, ᐊᐱᖅᓱᒐᐅᓂᐊᖅᑐᑦ, ᒥᐊᓕ ᓴᐃᒪᓐ, ᐊᒻᒪᓗ ᑲᑎᒪᔭᖅᑐᖅᓯᒪᔪᑦ ᑲᑎᒪᓂᕐᔪᐊᒧᑦ.

· ᑳᑎ ᑕᐅᑐᓐᖏᐅᔪᖓ ᐊᖏᔪᖅᑳᖑᓪᓗᖓ ᓄᓇᕗᑦ ᑐᓐᖓᕕᒃᑯᓐᓂ ᓄᓇᑖᕐᓂᕐᒧᑦ ᐊᖏᕈᑎᓄᑦ ᑲᑐᔾᔨᖃᑎᒌᖑᔪᑦ ᑲᒪᒋᔭᖃᖅᑐᑦ ᑕᑯᒋᐊᖃᑦᑕᓂᕐᒥᒃ ᐊᑐᓕᖅᑎᑕᐅᑦᓯᐊᕆᐊᖃᕐᓂᖏᓐᓄᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ.

· ᐅᐱᒍᓱᑦᑎᐊᖅᐳᖓ ᐱᖕᒪᕆᐅᔪᒥ ᑲᑎᒪᕐᔪᐊᓂᕐᒦᒋᐊᒃᓴᖅ, ᓇᓪᓕᐅᓂᖅᓯᐅᕈᑎᖃᖅᑎᓪᓗᑕ …

ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑏᑦ ᐊᑲᖅᓴᓐᖏᑦᑐᑦ ᓄᓇᕘᑉ ᒐᕙᒪᖏᓐᓂᒃ ᐊᔅᓱᕈᐊᖃᖏᓐᓂᖏᓄᑦ ᓄᓇᕘᒥᑦ ᐱᖁᑎᒃᑯᕕᒻᒧᑦ ᑕᑯᔭᒐᖃᕝᕕᔅᓴᒥᒃ

ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑏᑦ ᐊᖓᔪᖅᑳᖓᑦ ᓗᒃ ᓱᓗᒃ ᐅᖃᖅᑲᐅᔪᖅ ᐅᓪᓗᒥ ᑎᒥᖁᑎᖓᑦ ᐊᑲᖅᓴᓐᖏᓐᓂᖓᓐᓂᒃ ᓄᓇᕘᑉ ᒐᕙᒪᒃᑯᖏᑦ ᓂᕆᐊᖅᓯᒪᖏᓐᓂᖏᓄᑦ ᓴᖅᑮᒋᐊᒥᒃ ᓴᖅᑭᑕᐅᔭᕆᐊᖃᓪᓚᕆᑦᑐᒥᒃ ᓄᓇᕘᑉ ᐱᖁᑎᒃᑯᕕᖏᓄᑦ ᑕᑯᔭᒐᖃᕝᕕᔅᓴᒥᒃ.
ᓇᐅᑦᑎᖅᓱᖅᑏᑦ ᐱᓕᕆᐊᖃᖅᓯᒪᒻᒪᑕ ᓴᖅᑮᑎᑦᑎᓇᓱᐊᖅᖢᑎᒃ ᓄᓇᕘᑉ ᐱᖁᑎᒃᑯᕕᖏᓄᑦ ᑕᑯᔭᒐᖃᕝᕕᔅᓴᒥᒃ ᑲᑐᔾᔨᖃᑎᒋᔭᒥᓐᓄᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓂᒃ ᓄᓇᕘᓪᓗ ᒐᕙᒪᒃᑯᖏᓐᓂᒃ ᐊᕐᕌᒍᓄᑦ 7-ᓄᑦ. ᐊᖏᕈᑎᐊᓛᖅ 33.2.4 ᐅᖃᐅᓯᖃᖅᓯᒪᒻᒪᑦ ᑐᐊᕕᓐᓇᖅᑐᒥᒃ ᓴᖅᑮᔭᕆᐊᖃᓐᓂᖏᓐᓄᑦ ᐱᖁᑎᑐᖃᒃᑯᕕᒻᒥᒃ ᑕᑯᔭᒐᖃᕝᕕᒻᒥᑦ ᓄᓇᕘᒥᑦ.
“ᐱᓪᓗᒍ ᓄᓇᕘᑉ ᒐᕙᒪᒃᑯᖏᑦ ᑮᓇᐅᔭᓂᒃ ᓴᓂᕝᕙᐃᓯᒪᖏᓐᓂᖏᓄᑦ, ᐃᓄᐃᑦ ᐅᓪᓗᒥᒧᑦ ᐅᑎᖅᑎᑦᑎᔪᓐᓇᓐᖏᓚᑦ ᓯᕗᓕᖏᑕ ᓴᓇᐅᒐᕕᓂᖏᓐᓂᒃ ᐱᖁᑎᕕᓂᖏᓂᓪᓗ ᐃᑦᑕᓐᓂᑦᑐᓂᒃ ᐅᐊᑦᑎᐊᕈ ᐊᕝᕗᖅᑕᐅᓂᑰᔪᑦ ᐃᑦᑕᓐᓂᓴᓕᕆᔨᓄᑦ ᐊᓯᖏᓄᓪᓗ ᐃᓄᓐᓄᑦ ᐊᖏᖅᑕᐅᓯᒪᓇᑎᒃ,” ᐅᖃᖅᖢᓂ ᓱᓗᒃ. “ᐱᖓᓱᑦ ᑲᑐᔾᔨᖃᑎᒌᑦᑐᑦ ᐊᖏᖃᑎᒌᓚᐅᖅᓯᒪᒐᓗᐊᒻᒪᑕ ᑕᑯᔭᒐᖃᕝᕕᒻᒥᒃ ᓴᓇᖃᑎᒌᒍᒪᓪᓗᑎᒃ ᐃᓄᐃᑦ ᐱᖁᑎᖏᑦ ᐅᑎᖅᑎᑕᐅᔪᓐᓇᖁᓪᓗᒋᑦ ᐱᑖᕆᔭᐅᒃᑲᓐᓂᓪᓗᑎᓪᓗ …

ᐃᓄᐃᑦ ᐃᓚᒋᔭᐅᔪᑦ ᑲᓇᑕᒥᐅᓄᑦ ᑲᑎᒪᔭᖅᑐᖅᓯᒪᔪᓄᑦ ᓇᓄᐃᑦ ᑎᑭᐅᑎᕕᒋᕙᑦᑕᖏᓐᓂᒃ ᑲᑎᒪᓂᕐᒥ

ᓄᓇᕗᑦ ᑐᓐᖓᕕᒃᑯᑦ ᐊᖏᔪᖅᑳᖓᑕ ᑐᒡᓕᐊ ᔭᐃᒥᓯ ᐃᑦᑐᓗᒃ ᐅᖃᖅᑲᐅᔪᖅ ᐅᓪᓗᒥ ᑲᓇᑕ ᓯᕗᓕᕐᓂᖓᓂᒃ ᑲᑎᑦᓯᕙᓪᓕᐊᓂᕐᒧᑦ ᖃᓪᓗᓈᑦ ᖃᐅᔨᓴᖅᑎᕐᔪᐊᖏᑕ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᑕᐃᔭᐅᖃᑦᑕᕐᒥᔪᓂᒃ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᑦ ᐊᓯᖏᓐᓂ ᐊᐅᓚᑦᓯᕕᖃᐅᖅᑐᓂ, ᓇᓄᓕᕆᓂᕐᒧᑦ ᐊᐅᓚᑦᓯᔾᔪᑎᒃᓴᓂ ᓄᓇᕐᔪᐊᖅ ᐅᑭᐅᖅᑕᖅᑐᓕᒫᖓᓂ. ᐃᑦᑐᓗᒃ ᐅᖃᖅᑲᐅᔪᖅ ᐃᓚᒋᔭᐅᓂᕐᒥᓄᑦ ᑲᓇᑕᒥᐅᓄᑦ ᑲᑎᒪᔭᖅᑐᖃᑕᐅᓯᒪᔪᓂᒃ ᓇᓄᐃᑦ ᑎᑭᐅᑎᕕᒋᕙᑦᑕᖏᓐᓂᒃ ᑲᑎᒪᓂᕐᒥ ᐃᖃᓗᓐᓂ ᐱᓇᓱᐊᕈᓯᑦᑎᓐᓂ.

ᐃᑦᑐᓗᒃ ᐅᖃᖅᑲᐅᔪᖅ ᐅᐱᒍᓱᒋᐊᒃᑲᓂᕐᓂᕐᒥᓂᒃ ᑲᒪᒋᔭᐅᒋᐊᕐᓂᖏᓐᓂᒃ ᐊᓯᖏᓐᓄᑦ ᓇᓄᐃᑦ ᑎᑭᐅᑎᕕᒋᖃᑦᑕᖅᑕᖏᓐᓄᑦ ᐅᖃᐅᓯᐅᒋᐊᒃᑲᓐᓂᕐᓂᖓᓄᑦ ᐱᖕᒪᕆᐅᑎᑕᐅᓪᓗᓂ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᑦ ᓇᓄᓕᕆᓂᕐᒥᒃ. ᓇᓄᐃᑦ ᑎᑭᐅᑎᕕᒋᖃᑦᑕᖅᑕᖏᑦ ᐃᓚᒋᔭᐅᓪᓗᑎᒃ ᑕᓪᓕᒪᑦ ᓄᓇᕐᔪᐊᒥ ᐅᑭᐅᖅᑕᖅᑐᖓᓂ ᓄᓇᓕᕐᔪᐊᑦ ᓇᓄᖃᖃᑦᑕᖅᑐᑦ, ᐃᓚᒋᔭᐅᓪᓗᑎᒃ ᑲᓇᑕ, ᐊᑯᑭᑦᑐᑦ, ᓄᐊᕗᐃ, ᐅᓛᓴᒃᑯᑦ ᐊᒻᒪᓗ ᒥᐊᓕᒐᑦ ᓄᓇᖓ. ᑖᒃᑯᐊᓕᒫᑦ ᑕᓪᓕᒪᑦ ᓇᓄᖃᖃᑦᑕᕐᓂᐅᔪᑦ ᐊᑎᓕᐅᓚᐅᖅᓯᒪᔪᑦ ᐊᖏᖃᑎᒌᒍᒻᒥᒃ ᓄᖑᐊᑎᑦᓯᑦᑕᐃᓕᒪᒍᑎᒃᓴᓂᒃ ᓇᓄᕐᓂᒃ …

ᑐᓐᖓᕕᒃᑯᑦ ᑲᑎᒪᔨᖏᑦ ᐃᖅᑲᓇᐃᔭᖅᑎᖏᓪᓗ ᐱᖃᑕᐅᓂᐊᖅᑐᑦ ᓴᐳᔾᔨᓯᒪᓇᓱᐊᕐᓂᕐᒥᒃ ᐃᓅᓯᕐᒥᒃ ᑭᐱᓯᓐᖏᑲᓐᓂᕈᑎᒃᓴᓄᑦ ᐃᑲᔫᑎᒃᓴᓂᒃ ᐃᓕᓐᓂᐊᓂᕐᒥᒃ

ᓄᓇᕗᑦ ᑐᓐᖓᕕᒃᑯᑦ ᐊᖏᔪᖅᑳᖓ ᑳᑎ ᑕᐅᑐᓐᖏ ᐅᓪᓗᒥ ᐅᖃᖅᑲᐅᔪᖅ ᑐᓐᖓᕕᒃᑯᑦ ᑲᑎᒪᔨᖏᑦ ᐃᖅᑲᓇᐃᔭᖅᑎᖏᓪᓗ ᑕᒪᐃᓐᓂ ᓯᑕᒪᓂ ᓄᓇᓕᖕᓂ ᐊᓪᓚᕝᕕᖃᕐᕕᖏᓐᓂ ᐱᕕᖃᖅᑎᑕᐅᓂᐊᕐᓂᖏᓐᓂᒃ ᐱᖃᑕᐅᒍᒪᑉᐸᑕ ᐃᓚᒋᔭᐅᔪᓐᓇᕐᓂᐊᕐᓂᖏᓐᓂ ᓴᐳᔾᔨᓯᒪᓇᓱᐊᕐᓂᕐᒥᒃ ᐃᓅᓯᕐᒥᓐᓂ ᑭᐱᓯᓐᖏᑲᓐᓂᕈᑎᒃᓴᓄᑦ ᐃᑲᔫᑎᒃᓴᓂᒃ ᐃᓕᓐᓂᐊᓂᕐᒥᒃ. ᑖᓐᓇ ᐅᓪᓘᓐᓃᑦ ᒪᕐᕉᓐᓂᒃ ᐃᓕᓐᓂᐊᕐᓂᐅᓂᐊᖅᑐᖅ ᐃᓅᓯᕐᒥᒃ ᑭᐱᓯᓐᖏᑲᓐᓂᕈᑎᒃᓴᓄᑦ ᐃᑲᔫᑎᒃᓴᓂᒃ ᐃᓕᓴᐃᔾᔪᑕᐅᖃᑦᑕᓲᖅ ᐃᓕᓴᖅᓯᒋᐅᖅᓴᓂᕐᒥᒃ ᐃᑲᔪᖅᑕᐅᒋᐊᓕᖕᓂᒃ ᐃᓅᓯᕐᒥᓐᓂᒃ ᑭᐱᓯᒍᒪᔪᓂᒃ, ᐅᖃᖃᑎᖃᕆᐅᖅᓴᓂᕐᒥᒃ ᐃᓅᓯᕐᒥᓐᓂᒃ ᑭᐱᓯᒍᒪᔪᒥᒃ, ᐊᒻᒪᓗ ᐊᐅᓚᓂᕆᔭᐅᒋᐊᓕᖕᓂᒃ ᑲᓱᖅᑎᑦᓯᓂᕐᒥᒃ ᐃᓅᓯᕐᒥᓂᒃ ᑭᐱᓯᒍᒪᔪᒥᒃ ᐃᑲᔪᖅᑕᐅᕕᒋᒋᐊᓕᖓᓄᑦ.
“ᐃᓄᓕᒫᑦᓯᐊᑦ ᓄᓇᕗᒻᒥ ᐊᒃᑐᖅᑕᐃᓐᓇᐅᓯᒪᕗᑦ ᐃᓅᓯᕐᒥᒃ ᑭᐱᓯᔪᓄᑦ. ᑕᒪᓐᓇ ᐊᑲᐅᓐᖏᓪᓕᐅᕈᑕᐅᔪᖅ ᐊᒃᑐᐃᓂᓕᒃ ᐅᕙᑦᑎᓐᓄᓕᒫᖅ. ᒪᓂᒪᑎᑕᐅᓂᖓ ᓴᐳᔾᔨᓯᒪᒋᐅᖅᓴᓂᕐᒥᒃ ᐃᓅᓯᕐᒥᒃ ᑭᐱᓯᓐᖏᑲᓐᓂᕈᑎᒃᓴᓄᑦ ᐃᑲᔫᑎᒃᓴᓂᒃ ᐃᓕᓐᓂᐊᖅᑎᑕᐅᓂᒃᑯᑦ ᑲᑎᒪᔨᖁᑎᑦᑎᓐᓄᑦ ᐃᖅᑲᓇᐃᔭᖅᑎᑎᓐᓄᓪᓗ, ᑐᓐᖓᕕᒃᑯᑦ ᑐᓴᖅᑎᑦᓯᒋᐊᓪᓚᒍᑎᒋᔭᖓ ᓂᐱᖅᑯᖅᑐᔫᔮᕈᑎᒋᕚᑦ ᑐᓂᓯᒪᑦᓯᐊᓂᑦᑎᓐᓂᒃ ᓴᐳᔾᔨᓯᒪᒋᐊᖃᑦᑕᓂᕐᒥᒃ ᐃᓅᓯᕐᒥᒃ ᑭᐱᓯᖃᑦᑕᖏᔾᔪᑎᒃᓴᓄᑦ ᐃᑲᔫᑎᒃᓴᓂᒃ ᓄᓇᕗᒻᒥ,” ᐅᖃᓚᐅᖅᑐᖅ ᑕᐅᑐᓐᖏ.
ᑕᐅᑐᓐᖏ …

ᑕᕝᕚᑭ ᐃᓕᖕᓂᒃ, ᐃᓚᖕᓂᒃ ᓄᓇᓕᖕᒥᐅᑕᐅᖃᑎᖕᓂᒡᓘᓐᓃᑦ ᐊᒃᑐᖅᓯᓯᒪᕚ?

ᑕᕝᕚᑭ ᐃᓕᖕᓂᒃ, ᐃᓚᖕᓂᒃ ᓄᓇᓕᖕᒥᐅᑕᐅᖃᑎᖕᓂᒡᓘᓐᓃᑦ ᐊᒃᑐᖅᓯᓯᒪᕚ?

ᑖᓐᓇ ᐊᐱᖅᑯᑎ ᑭᐅᒍᕕᐅᒃ ᐃᒪᓐᓇ, ᐄ, ᑕᐃᒪᓕ ᐅᓂᒃᑲᐅᓯᒃᓴᖕᓂᒃ ᐊᐱᕆᕝᕕᒋᕙᑦᑎᒋᑦ!

· ᓇᒡᓕᒋᔭᕐᓂᒃ ᐃᓅᔪᓐᓃᖅᑐᖃᖅᓯᒪᕚ ᑕᕝᕚᑭᒥᒃ ᐊᑐᕐᓂᕐᒥᓅᑦ?

· ᐃᓅᓯᑦᑎᐊᕙᒋᔪᓐᓇᖅᑕᐃᑦ ᐃᓅᓯᑦᑎᐊᕙᒋᔪᓐᓇᖅᑕᖏᓪᓘᓐᓃᑦ ᓇᒡᓕᒋᔭᕕᑦ ᐊᒃᑐᖅᑕᐅᕐᔪᐊᖅᓯᒪᓂᖃᖅᐹᑦ ᑕᕝᕚᑭᒨᑦ? ᖃᓄᕐᓕ ᑕᒪᓐᓇ ᐃᓕᖕᓂᒃ ᐊᒃᑐᖅᓯᓯᒪᕙ?

· ᓱᐴᖅᑐᖃᑦᑕᕈᓐᓃᖅᓯᒪᕖᑦ ᓱᐳᖅᑐᖃᑦᑕᕈᓐᓃᕋᓱᒃᐱᓪᓘᓐᓃᑦ ᐃᓱᒫᓘᑎᖃᕐᓂᕐᓅᑦ ᐃᓚᒋᔭᕕᑦ ᓯᕗᓂᒃᓴᖏᓐᓃᒃ?

· ᐊᓈᓇᒋᔭᐅᕖᑦ ᓄᑕᕋᓛᑦ ᐊᒃᑐᖅᑕᐅᓯᒪᓪᓗᓃᑦ ᑕᕝᕚᑭᒨᑦ?

· ᐃᓱᒫᓘᑎᖃᖅᐲᑦ ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ ᓯᕗᓂᒃᓴᖏᓐᓄᓪᓘᑦ ᓄᓇᖅᑲᑎᕖᑦ?

· ᐃᑲᔪᕈᒪᕕᑎᒎᑦ ᐅᔾᔨᕐᓇᖅᓯᑎᑦᑎᒃᑲᓐᓂᕐᓂᕐᒧᑦ ᓱᐴᖅᑐᕐᕕᐅᖃᑦᑕᙱᓕᕈᓐᓇᖅᑐᒨᑦ ᓄᓇᕗᒻᒨᑦ?

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᖏᑕ ᐱᓕᕆᐊᕆᔭᖓᓄᑦ ᐆᒧᖓ ᑕᕝᕚᑭ ᑕᒫᓂ ᐃᓂᒃᓴᖃᙱᑦᑐᖅ ᐱᓇᔫᑎᒋᔭᖓᓄᑦ, ᕿᓂᖅᐳᒍᑦ ᓄᓇᕗᒻᒥᐅᓂᒃ ᐊᒃᑐᖅᑕᐅᓯᒪᔪᓂᒃ ᑕᕝᕚᑭᒧᑦ. ᑎᑎᕋᖅᓯᒪᓕᖅᑎᑦᑎᔪᒪᒐᑦᑕ …

2009/10 ᐊᕐᕌᒍᑕᒫᖅᓯᐅᑏᑦ ᐅᓂᒃᑳᑦ ᐱᓪᓗᒋᑦ ᖃᓄᐃᓐᓂᖏᑦ ᐃᓄᐃᑦ ᐃᓕᖅᑯᓯᖏᑦ ᐊᒻᒪ ᐃᓅᖃᑎᒌᖕᓂᖏᓐᓄᑦ ᓴᖅᑭᑎᑕᐅᔪᑦ

(ᐊᒃᑑᕝᕙ 12, 2011 –ᐃᖃᓗᐃᑦ ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᐊᖓᔪᖅᑳᖓᑦ ᑳᑎ ᑕᐅᑐᓐᖏ ᐅᓪᓗᒥ ᓴᖅᑭᑎᑦᓯᖅᑲᐅᔪᖅ ᑖᒃᑯᓂᖓ 2009/10 ᐊᕐᕌᒍᑕᒫᖅᓯᐅᑏᑦ ᐅᓂᒃᑳᑦ ᐱᓪᓗᒋᑦ ᖃᓄᐃᓐᓂᖏᑦ ᐃᓄᐃᑦ ᐃᓕᖅᑯᓯᖏᑦ ᐊᒻᒪ ᐃᓅᖃᑎᒌᖕᓂᖏᓐᓄᑦ, ᑕᐃᔭᐅᔪᖅ: ᐃᓄᐃᑦᐅᖃᐅᓯᖏᑦ ᓄᓇᕗᒥ. ᑖᒃᑯᐊ ᐅᓂᒃᑳᑦ ᓇᓗᓇᐃᔭᐃᔪᑦ ᒫᓐᓇ ᖃᓄᐃᓐᓂᖓᓂᒃ ᐃᓄᐃᑦ ᐅᖃᐅᓯᖏᑦ ᓄᓇᕗᓕᒫᒥ ᐊᒻᒪ ᐱᑕᖃᖅᑎᑦᓯᓪᓗᑎᒃ ᐆᒃᑑᑕᐅᔪᓐᓇᖅᑐᓂᒃ ᖃᓄᖅ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᖏᑦ ᓄᓇᕐᔪᐊᓂ ᐅᖃᐅᓯᕐᒥᓂᒃ ᐅᑎᑦᑎᑦᕚᓪᓕᕆᐊᖃᒻᒪᕆᖕᓂᖏᓐᓂᒃ.
“ᐅᖃᐅᓰᑦ ᐊᓪᓗᕆᐊᕈᑕᐅᖕᒪᑕ ᓴᓐᖏᔪᒧᑦ ᐃᓕᖅᑯᓯᕆᔭᐅᔪᒧᑦ ᐊᒻᒪ ᐃᓅᖃᑎᒋᖕᓂᕐᒧᑦ. ᐃᓄᐃᑦ ᓇᓗᓇᐃᖅᓯᓯᒪᐃᓐᓇᖅᑐᑦ ᐊᕐᕌᒍᑲᓴᖕᓄᑦ 40-ᓄᑦ ᓴᐳᔾᔨᓯᒪᓂᖅ ᐃᓄᐃᑦ ᐅᖃᐅᓯᖏᓐᓂᒃ ᐱᒻᒪᕆᐅᔪᖅ ᓯᕗᒻᒧᐊᑦᓯᐊᖁᓪᓗᒋᑦ ᐃᓄᐃᑦ ᐃᖕᒥᓂᒃ ᒪᑭᒪᒐᓱᐊᕐᓂᕐᒧᑦ.” ᐅᖃᖅᑐᖅ ᑕᐅᑐᓐᖏ.
ᑕᐅᑐᓐᖏ ᑎᓕᐅᕆᔪᖅ ᒪᓕᒐᓕᐅᖅᑎᓂᒃ ᐊᒻᒪ ᓄᓇᕗᒧᑦ ᒪᓕᒐᓕᐅᖅᑎᕐᔪᐊᒥᒃ …

ᓄᓇᕗᑦ ᐊᒻᒪ ᓄᓇᕕᒃ ᐊᖏᖃᑎᒌᒃᑑᒃ ᐱᔾᔪᑎᒋᓪᓗᒋᑦ ᓇᓄᐃᑦ ᐊᐅᓚᑕᐅᓂᖏᓐᓄᑦ

ᓄᓇᕗᑦ ᑐᓐᖓᕕᒃ ᑎᒥᖓᑦ, ᑐᒡᓕᐊ ᐊᖓᔪᖅᑳᑉ ᔭᐃᒻᔅ ᐃᑦᑐᓗᒃ ᑲᑎᒪᑎᑦᓯᓂᕆᓚᐅᖅᑕᖓ ᐱᓇᓱᐊᕈᓯᐅᓚᐅᖅᑐᒥ ᐃᓄᒡᔪᐊᒥ, ᓄᓇᕕᒃ ᐱᐅᓚᐅᖅᑐᖅ ᐊᒻᒪ ᓯᕗᒻᒧᐊᑦᓯᐊᖅᑐᓂ.

ᑲᑎᒪᔪᓂ ᐃᓚᐅᓚᐅᖅᑐᑦ ᓄᓇᕗᑦ ᑐᓐᖓᕕᒃᑯᑦ, ᐊᒻᒪ ᒪᑭᕝᕕᒃ ᑯᐊᐳᕇᓴᓐ, ᐊᖓᔪᖅᑲᐅᑏᑦ, ᐃᓄᐃᑦ, ᐊᓪᓚᐃᑦ ᑯᕇ, ᐊᖑᓇᓱᐊᖅᑏᑦ, ᐆᒪᔪᓕᕆᓂᕐᒧᑦ ᑲᑎᒪᔩᑦ ᐊᒻᒪ ᐅᑭᐅᖅᑕᖅᑑᑉ, ᑲᓇᑕᐅᓪᓗ ᐊᕕᒃᑐᖅᓯᒪᓂᖏᑦ ᐊᒻᒪ ᒐᕙᒪᑐᖃᒃᑯᑦ ᑭᒡᖓᖅᑐᖅᑎᖏᑦ. ᐱᔾᔪᑎᒋᓚᐅᖅᑕᖓ ᑕᒪᑐᒪ ᑲᑎᒪᓂᐅᑉ ᐅᖃᐅᑐᖃᖅᑐᑎᒃ ᐊᐅᓚᑕᐅᓂᖏᓐᓂᒃ ᓇᓄᐃᑦ ᓂᒋᐊᓂ ᑕᓯᐅᔭᕐᔪᐊᑉ.

ᐃᓚᐅᔪᑦ ᑲᑎᒪᔪᓂ ᐊᖏᖃᑎᒌᓚᐅᖅᑐᑦ ᐊᑐᖅᑕᐅᑲᐃᓐᓇᕐᓂᐊᖅᑐᓂᒃ, ᓇᖕᒥᓂᖅ ᑰᑕᓕᐊᒥᓂᒃ 60-ᓄᑦ ᓇᓐᓄᒍᓐᓇᕐᓗᑎᒃ ᐊᕐᕌᒍᒥ. ᑐᖔᒍᑦ ᑕᒪᑐᒪ ᐃᓱᒪᓕᐅᕈᑕᐅᔫᑉ, ᓄᓇᕗᑦ ᐊᕕᒃᑐᖅᓯᒪᓂᐊ ᐊᒥᖅᑳᖃᑎᖃᖅᐸᑦᑐᑦ ᑖᒃᑯᓂᖓ ᓇᓄᕐᓂᒃ ᐋᖅᑭᒃᓯᓚᐅᖅᑐᑦ 25-ᓂᒃ ᓇᓐᓄᒍᓐᓇᕐᓗᑎᒃ ᑕᒡᕙᓂ ᐊᐅᓚᑦᓯᕝᕕᐅᔪᒥ.

ᐃᑦᑐᓗᒃ ᐅᖃᓚᐅᖅᑐᖅ ᓯᕕᑐᔪᒧᑦ ᑐᕌᒐᐅᔪᑦ ᐋᖅᑭᒃᓱᐃᒋᐊᖃᓚᐅᕐᒪᑕ …

ᓄᓇᕗᒻᒥ ᐃᒻᒥᓃᖅᑎᑎᑦᑕᐃᓕᒪᓂᕐᒧᑦ ᐸᕐᓇᐅᑎ ᓴᖅᑭᑕᐅᔪᖅ

ᓄᓇᕗᑦ ᓯᕗᓕᖅᑎᖓ ᐃᕙ ᐋᕆᐊᒃ ᐃᓚᖃᖅᖢᓂ ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑕ ᑐᒡᓕᐊᓂ ᔮᒃ ᐊᓇᕈᐊᖅ, ᓄᓇᕗᑦ ᒐᕙᒪᒃᑯᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒥᓂᔅᑕ ᑕᒑᖅ ᑯᓕ, ᐃᓵᔅᓯᒪᒋᑦ ᐃᓅᓯᕐᒧᑦ ᑲᑎᒪᔨᖏᑕ ᐊᖏᔪᖅᑳᖓ ᕕᐊᑭ ᕿᓚᕝᕙᖅ, ᐊᒻᒪ ᐸᓖᓯᒃᑯᑦ “V” ᐊᖏᔪᖅᑳᒻᒪᕆᖓ ᕼᐅᕗᑦ ᐄᑕᓐ ᐅᓪᓗᒥ ᐊᑎᓕᐅᖅᑐᑦ ᓴᖅᑮᓪᓗᑎᒡᓗ ᓄᓇᕗᒻᒥ ᐃᒻᒥᓃᖅᑎᑎᑦᑕᐃᓕᒪᓂᕐᒧᑦ ᐸᕐᓇᐅᑎᒥᒃ.

2011-2014 ᐸᕐᓇᐅᑎ ᓴᖅᑭᑕᐅᓚᐅᖅᑐᖅ ᑲᑐᔾᔨᖃᑎᒌᒃᖢᑎᒃ ᓄᓇᕗᑦ ᑐᙵᕕᒃ ᑎᒥᖓ, ᓄᓇᕗᑦ ᒐᕙᒪᒃᑯᑦ, ᐃᓵᔅᓯᒪᒋᑦ ᐃᓅᓯᕐᒧᑦ ᑲᑎᒪᔨᖏᑦ, ᐊᒻᒪ ᐸᓖᓯᒃᑯᑦ, ᐊᐅᓚᑦᓯᓪᓗᑎᒃ 8-ᖑᔪᓂᒃ ᐱᓕᕆᐊᒃᓴᐅᔪᓂᒃ ᓄᓇᕗᒻᒥ ᐃᒻᒥᓃᖅᑎᑎᑦᑕᐃᓕᓂᕐᒧᑦ ᐸᕐᓇᐅᑎᒥᒃ.

ᓯᕗᓕᖅᑎ ᐃᕙ ᐋᕆᐊᒃ ᐅᐱᒍᓱᖃᐅᔪᖅ ᐱᓕᕆᐊᖃᒌᑦᑐᑦ ᑲᔪᓯᑦᑎᐊᖅᓯᒪᓂᖏᓐᓂᒃ ᐊᒻᒪ ᓇᓗᓇᐃᒃᑲᓂᖅᖢᓂ ᐃᑲᔪᖅᑐᐃᓂᕐᒥᓂᒃ ᓄᓇᕗᒻᒥ ᐃᒻᒥᓃᖅᑎᑎᑦᑕᐃᓕᓂᕐᒧᑦ ᐸᕐᓇᐅᑎᒥᒃ. “ᐃᒻᒥᓃᖃᑦᑕᖅᑐᑦ …

ᐃᖃᓗᓐᓃᑦᑐᖅ ᐊᐅᓚᑕᐅᔪᖅ ᑕᐃᒎᓯᓕᖅ ᑕᐃᒪ ᐳᕙᓪᓗᓐᓇᖅ ᑲᑎᓐᓂᖃᖅᑎᑦᓯᓂᐊᕐᒪᑕ ᐃᓚᒋᔭᐅᖁᔭᐅᒻᒪᕆᑉᐳᑎᑦ!

ᐃᖃᓗᓐᓃᑦᑐᖅ ᐊᐅᓚᑕᐅᔪᖅ ᑕᐃᒎᓯᓕᖅ ᑕᐃᒪ ᐳᕙᓪᓗᓐᓇᖅ ᑲᑎᓐᓂᖃᖅᑎᑦᓯᓂᐊᕐᒪᑕ ᐃᓚᒋᔭᐅᖁᔭᐅᒻᒪᕆᑉᐳᑎᑦ!
ᐃᓚᒋᔭᐅᖁᓪᓚᑦᑖᕐᓂᐊᖅᑕᕗᑦ:
ᐊᖏᕐᕋᕐᓄᑦ ᐅᐸᑦᑕᐅᓯᒪᓂᑰᒍᕕᑦ ᐱᓕᕆᔨᑦᑎᓃᓐᖔᖅᑐᓂᒃ
ᐅᕝᕙᓘᓐᓃᑦ
ᖃᕆᓴᐅᔭᒃᑯᑦ ᐃᑭᐊᖅᑭᕕᑦᑎᓐᓄᑦ ᑕᑯᓂᐊᖅᓯᒪᒍᕕᑦ, ᐅᖃᖃᑎᒌᒍᑎᒥ facebook ᐊᒻᒪᓗ ᑐᓴᕋᓐᓈᕈᕕᖕᒥ YouTube
ᐅᕝᕙᓘᓐᓃᑦ
ᐅᐸᓚᐅᕐᓂᕈᕕᑦ ᑕᐃᒪ ᐳᕙᓪᓗᓐᓇᖅ ᐅᓐᓄᒃᑯᑦ ᒪᑐᐃᖓᑎᑕᐅᑎᓪᓗᒍ, ᓄᓇᑦᑎᓐᓂ ᓂᕆᕕᔾᔪᐊᑎᑦᓯᑎᓪᓗᑕᓘᓐᓃᑦ ᐄᑉᕈᒥ
ᐊᑏ ᐅᖃᕆᐊᖅᑐᓂᐊᖅᑯᓯ ᐃᓱᒪᒋᔭᑦᓯᓐᓂᒃ ᐊᑐᖅᓯᒪᔭᑦᓯᓂᓪᓘᓐᓃᑦ ᑕᐃᒫ ᐳᕙᓪᓗᓐᓇᖅ ᐊᐅᓚᑕᐅᓂᖓᓂ. ᐊᑐᖅᓯᒪᔭᕐᓂᒃ ᖃᐅᔨᔪᒪᔪᒍᑦ!
ᑲᑎᓐᖓᓂᐅᓂᐊᖅᑐᖅ ᐃᑲᕐᕋᐅᓂᐊᖅᑐᖅ ᐊᕝᕙᕐᓗ.
ᑲᑎᒪᐅᓯᐊᑦ, ᑕᒧᓗᒐᐃᑦ ᐊᒻᒪᓗ ᑖᒃᓯᐅᑎᒃᓴᑦ ᐊᑐᐃᓐᓇᐅᒪᑎᑕᐅᓂᐊᖅᑐᑦ.
ᐅᖄᓚᒋᑦ ᑕᐃᒪ ᐳᕙᓪᓗᓐᓇᖅ ᐱᓕᕆᖃᑎᒌᑦᑐᓄᑦ ᐅᕗᖓ 975-4813 ᐅᕝᕙᓘᓐᓃᑦ 222-5027 ᐃᓚᒋᔭᐅᔪᒪᓐᓂᕈᕕᑦ.
ᐅᓪᓗᖓ: ᑕᓪᓕᕐᒥᖅ, ᓯᑉᑎᒻᕙ 30th, ᐅᓪᓛᒃᑯᑦ ᐅᕝᕙᓘᓐᓃᑦ ᐅᓐᓄᓴᒃᑯᑦ
ᐅᕙᓂ: ᐃᓪᓗᐊᓗᒃ ᕗᕉᕕᓴ ᐃᓐ, ᑭᕙᓪᓕᖅ ᐃᓪᓗᕈᓯᖅ

ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ᑐᓐᖓᓱᒃᑎᑦᑎᕗᑦ ᒐᕙᒪᑐᖃᒃᑐᑦ ᑮᓇᐅᔭᐃᕈᑎᖏᓐᓂᒃ ᓄᓇᕗᒥ

ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᓐᖏ ᐅᓪᓗᒥ ᐅᖃᖅᑲᐅᔪᖅ ᑐᓐᖓᓱᒃᑎᑦᓯᓂᕋᖅᑐᓂ ᑲᓇᑕᐅᑉ ᐊᖓᔪᖅᑳᒻᒪᕆᐊᑕ ᓯᑏᕙᓐ ᕼᐋᐸᐅᑉ ᑐᓴᖅᑎᑦᓯᔾᔪᑎᒋᔭᖓᓂᒃ ᐱᖓᓱᓄᑦ ᐊᕐᕌᒍᓄᑦ ᐆᒃᑑᑕᐅᓗᓂ ᐱᓕᕆᐊᖑᓂᐊᖅᑐᒥ ᓴᖅᑭᑎᑦᓯᔾᔪᑕᐅᓗᓂ ᐱᖃᑎᒌᒍᑎᖃᕐᓗᑎᒃ ᖁᒡᕙᕆᐊᖅᑕᐅᓂᖏᓐᓂᒃ ᓄᓇᑦᓯᐊᕐᒥ ᐊᒻᒪ ᓄᓇᕗᒥ ᐅᔭᕋᖕᓂᐊᕐᓂᕐᒧᑦ ᑲᑐᔾᔨᖃᑎᒌᑦ. ᑖᒃᑯᐊ ᐃᑲᔪᖅᑎᒌᖕᓂᐊᖅᑐᑦ, ᐃᓚᖃᕐᓂᐊᖅᑐᑦ $830,000 ᑮᓇᐅᔭᖅᑑᑎᒃᓴᑦ, ᐃᓚᐅᓗᑎᒃ ᓄᓇᕗᑦ ᒐᕙᒪᖏᑦ, ᑲᓇᑕᒥ ᐅᑭᐅᖅᑕᖅᑐᒥ ᐱᕙᓪᓕᐊᑎᑦᓯᓂᕐᒧᑦ ᑎᒥᐅᔪᑦ ᐊᒻᒪ ᓄᓇᑦᓯᐊᕐᒥ ᐊᒻᒪ ᓄᓇᕗᒥ ᐅᔭᕋᖕᓂᐊᕐᓂᕐᒧᑦ ᑲᑐᔾᔨᖃᑎᒌᑦ.

“ᐅᔭᕋᖕᓂᐊᕐᓂᖅ ᐃᒪᐃᒻᒪᑦ ᐊᒻᒪ ᑲᔪᓯᓯᒪᓂᐊᖅᑐᓂ, ᐱᓚᒋᒻᒪᕆᒃᑐᓂᐅᒡᓗ ᓄᓇᕗᑦ ᑮᓇᐅᔭᓕᐅᕐᓂᐊᑕ. ᒐᕙᒪᑐᖃᒃᑯᑦ ᑮᓇᐅᔭᐃᕈᑎᖏᑦ ᓄᓇᑦᓯᐊᕐᒥ ᐊᒻᒪ ᓄᓇᕗᒥ ᐅᔭᕋᖕᓂᐊᕐᓂᕐᒧᑦ ᑲᑐᔾᔨᖃᑎᒌᓄᑦ ᐃᑲᔫᑎᓂᐊᖅᑐᑦ ᑕᒪᒃᑯᐊ ᓄᓇᕗᒥᐅᑦ ᑐᓴᖅᑕᐅᒋᐊᖃᕐᓂᖏᑦ ᑕᒪᒃᑯᓄᖓ ᐅᖃᐅᓯᒃᓴᓄᑦ ᐃᓱᒫᓘᑎᖃᕐᕕᒋᔭᑦᑎᓐᓄᑦ, ᓲᕐᓗ ᓈᒻᒪᒃᑐᓂᒃ ᑮᓇᐅᔭᖅᑑᑎᒃᓴᖃᕆᐊᖃᕐᓂᖅ ᐊᕙᑎᓕᕆᓂᖅ …

ᓄᓇᕗᑦ ᑐᓐᖓᕕᒃ ᑎᒥᖓ ᑲᑎᒪᔩᑦ ᑲᑎᒪᓂᖓ ᓇᐅᔮᑦ, ᓄᓇᕗᑦ ᐊᐅᒡᒍᓯ 23-25, 2011

ᓯᕗᓪᓕᖅᐹᖅ ᐅᓪᓗᖅ – ᐊᐃᑉᐱᖅ, ᐊᐅᒡᒍᓯ 23, 2011

· ᑲᑎᒪᓂᐅᑉ ᒪᑐᐃᖅᑕᐅᓂᖓ

· ᑐᒃᓯᐊᓂᒃᑯᑦ ᒪᑐᐃᖅᓯᓂᖅ

· ᑐᓐᖓᓴᐃᔾᔪᑎᖏᑦ ᑐᓐᖓᕕᒃᑯᑦ ᐊᖏᔪᖅᑳᖓᑕ ᑳᑎ ᑕᐅᑐᓐᖏᑦ

· ᑐᓐᖓᓴᐃᔾᔪᑎᖏᑦ ᒪᐃᔭ ᕼᐃᐅ ᕼᐊᖅᐱ

· ᑐᓐᖓᓴᐃᔾᔪᑎᖏᑦ ᒪᓕᒐᓕᐅᖅᑎ ᔮᓐ ᓂᓐᖓᒃ

1. ᑲᑎᒪᔾᔪᑎᒃᓴᑦ ᓈᖕᒪᒋᔭᐅᓂᖏᑦ

2. ᓯᕗᓕᖅᑏᑦ ᑲᑎᒪᔨᖏᑕ ᐅᓂᒃᑳᖏᑦ

a) ᑐᓐᖓᕕᒃᑯᑦ ᐊᖏᔪᖅᑳᖓ ᑳᑎ ᑕᐅᑐᓐᖏ

b) ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ ᐊᖏᔪᖅᑳᖓ ᓵᓕ ᐃᕚᓕᒃ

c) ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ ᐊᖏᔪᖅᑳᒧᑦ ᑭᖑᕝᕕᐅᑎᓯᒪᔪᖅ ᔫ ᖃᓗᔾᔭᖅ

d) ᕿᑭᖅᑕᓂᒃᑯᑦ ᐊᖏᔪᖅᑳᖓ ᐅᑲᓕᖅ ᐃᔨᑦᓯᐊᖅ

ᑳᐱᕐᓇᖅ

3. ᑐᓐᖓᕕᒃᑯᓐᓂ ᐊᐅᓚᑦᓯᔨᒻᒪᕆᒃ ᑏᕆ ᐊᐅᓪᓚ …

ᐊᖏᔪᖅᑳᖅ ᐃᓚᓐᖓᓚᐅᖅᑐᓂᒃ ᐃᑉᐱᒍᓱᓐᓂᖓ

ᓄᓇᕗᑦ ᑐᓐᖓᕕᒃᑯᑦ ᐊᖏᔪᖅᑳᖓ ᑳᑎ ᑕᐅᑐᓐᖏ ᐃᑉᐱᒍᓱᓐᓂᕐᒥᓂᒃ ᓂᓪᓕᕈᑎᓕᒃ ᐃᓚᓐᖓᓚᐅᖅᑐᓂᒃ ᖃᖓᑕᔫᖅ ᐱᕐᕈᓗᐊᕿᑎᓪᓗᒍ ᖃᐅᓱᐃᑦᑐᒥ ᐱᓇᓱᐊᕈᓯᐅᑉ ᓄᓐᖑᐊᓂ.
“ᐅᕙᓐᓃᖔᖅᑐᒥᒃ ᐃᑉᐱᒍᓱᓐᓂᕐᓂᒃ ᐆᒻᒪᑎᒃᑯᑦ ᓇᓪᓕᒍᓱᖕᓂᕐᓂᒃ ᐃᓚᓐᖓᓚᐅᖅᑐᓂᒃ ᓂᓪᓕᐅᑎᖃᕈᒪᒐᒪ, ᖃᐅᓱᐃᑦᑐᒥᐅᓂᒃ, ᓄᓇᕗᑦ ᓄᓇᓕᖓᓂ, ᐊᒻᒪᓗ ᕘᔅᑎᐊᒃᑯᓐᓂ ᐱᓕᕆᔨᐅᔪᓂᒃ. ᑕᐃᒪᐃᑦᑐᖃᖅᑎᓪᓗᒍ, ᐅᖃᐅᓯᒃᓴᖅᑕᖃᓲᖑᓐᖏᒪᓪᓘᓐᓃᑦ ᕿᑦᓵᕐᓂᖃᖅᑎᓪᓗᑕ, ᐃᑉᐱᓐᓂᐊᓂᒃᑯᑦ ᐊᒻᒪᓗ ᓇᓪᓕᒍᓱᓐᓂᕐᒧᑦ. ᐃᓛᒃ, ᕿᑦᓵᑎᓪᓗᑕ ᓂᐱᖃᕋᑕ ᐊᒻᒪᓗ ᐃᑉᐱᒋᓪᓗᑕ ᐅᒡᒍᐊᓂᑦᑎᓐᓄᑦ,’ ᐅᖃᓚᐅᖅᑐᖅ ᑕᐅᑐᓐᖏ. “ᓇᒡᓕᒋᕙᕗᑦ ᑐᒃᓯᐅᑎᕙᕗᑦ ᑕᐃᒃᑯᐊᓕᒫᑦ ᐊᒃᑐᖅᑕᐅᓂᓖᑦ ᐱᕐᕈᓗᐊᕿᓂᐅᓚᐅᖅᑐᒧᑦ.:

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑲᑎᒪᔨᕋᓛᖏᑦ ᑲᑎᖃᑎᖃᖅᑐᑦ ᐃᖃᓗᓕᕆᔨᒃᑯᑦ ᐊᒻᒪᓗ ᐃᒪᕐᒥᐅᑕᓕᕆᔨᒃᑯᓐᓂ ᐱᓪᓗᒋᑦ ᕿᓇᓗᒐᐃᑦ ᑑᒑᓖᑦ

ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᑉ ᑐᖏᓕᐊ ᔭᐃᒻᔅ ᐃᑦᑐᓗᒃ ᐅᖃᖅᑐᖅ ᐱᓇᓱᐊᕈᓯᒥ ᑲᑎᒪᓂᐅᓚᐅᖅᑐᒥᑦ ᐃᓚᒋᓪᓗᒋᑦ ᐱᓕᕆᕝᕕᐊᑦ ᐃᖃᓗᓕᕆᓂᕐᒧᑦ ᐊᒻᒪᓗ ᐃᒪᕐᒥᐅᑕᓕᕆᔨᑦ ᐊᖏᕈᓯᐊᖏᓐᓂᑦ. ᑲᑎᒪᓂᖅ ᑐᒡᓕᕆᔭᖓ ᑲᒪᑎᒪᓂᐅᓚᐅᖅᑐᓂᑦ ᒪᕐᕈᐃᑦᑕᖅᖢᑎᒃ ᐸᕐᓇᒃᑕᐅᓯᒪᔪᒃᑯᑦ ᐃᓚᒋᓪᓗᒋᑦ ᑭᖑᕝᕕᕈᑎ ᐱᖁᔨᕗᖔᕈᑎᓕᐅᕐᓂᕐᒥᑦ ᐅᑯᓄᖓ ᒪᓕᒐᓕᕆᔨᒃᑯᑦ ᐱᒋᐊᕈᑎᒋᓯᒪᔭᖏᓐᓂᑦ ᐃᖅᑲᖅᑐᐃᕕᖕᒧᑦ ᓄᓇᕗᑦ ᑐᓐᖓᕕᒃ ᓴᖅᑭᑎᓚᐅᖅᓯᒪᔭᖓᓄᑦ ᐅᑯᓄᖓ ᐱᓕᕆᕝᕕᐊᑦ ᐃᖃᓗᓕᕆᓂᕐᒧᑦ ᐊᒻᒪᓗ ᐃᒪᕐᒥᐅᑕᓕᕆᔨᓄᑦ ᐅᑭᐅᖅ ᐊᑐᕆᐊᓕᖅᑎᓪᓗᒍ ᑭᖑᓂᐊᒍᑦ ᐱᓕᕆᕝᕕᐊᑦ ᐃᖃᓗᓕᕆᓂᕐᒧᑦ ᐊᒻᒪᓗ ᐃᒪᕐᒥᐅᑕᓕᕆᔨᑦ ᐃᓱᓕᕝᕕᓕᐅᓚᐅᖅᑎᓪᓗᒋᑦ ᓯᓚᕐᔪᐊᒧᑦ ᑕᐅᖅᓯᐅᑎᖃᑦᑕᕐᓂᕐᒥᑦ ᑑᒑᓖᑦ ᕿᓇᓗᐃᑦ ᑑᒑᖏᓐᓂᑦ ᐅᖃᖃᑎᖃᓚᐅᕋᑎᑦ ᐃᓄᖕᓂᑦ ᐃᓱᒪᓕᐊᕆᓚᐅᖅᑕᖏᓐᓂᑦ ᐃᓄᒻᒪᕆᖕᓂᑦ. ᓄᓇᕗᑦ ᑐᓐᖓᕕᒃ ᑎᒥᖓᑦ ᓄᖅᑲᖅᑎᑦᑎᓚᐅᖅᑐᑦ ᓴᑐᐃᓪᓗᑎᒃ ᒪᓕᒐᑎᒍᑦ ᐱᒋᐊᕈᑎᖏᓐᓂᑦ ᐃᖅᑲᖅᑐᐃᕕᖕᓄᑦ ᐃᓕᓯᓂᐅᔪᓂᑦ ᔫᓂ, 2011, ᑭᖑᓂᐊᒍᑦ ᐱᓕᕆᕝᕕᐊᑦ ᐃᖃᓗᓕᕆᓂᕐᒧᑦ ᐊᒻᒪᓗ ᐃᒪᕐᒥᐅᑕᓕᕆᔨᑦ …

ᓄᓇᕗᑦ ᑐᙵᕕᒃᑯᑦ ᓇᓗᓇᐃᖅᓯᔪᑦ ᔫᓯ ᐊᒪᐅᔭᖅ ᑯᓱᒐᐅᑉ ᐃᖅᑲᐅᒪᔭᐅᓂᖓᓄᑦ ᐃᑲᔫᓯᐊᖅᑐᓂᒃ

ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᖏᔪᖅᑳᖓ ᑳᑎ ᑕᐅᑐᙱ ᓇᓗᓇᐃᖅᓯᔪᖅ ᐅᓪᓗᒥ ᐃᑲᔫᓯᐊᑑᓐᓂᒃ ᔫᓯ ᐊᒪᐅᔭᖅ ᑯᓱᒐᐅᑉ ᐃᖅᑲᐅᒪᔭᐅᓂᖓᓄᑦ ᐃᓕᓐᓂᐊᖅᑏᑦ ᐃᑲᔫᓯᐊᕈᓐᓇᐅᑎᖏᑦ. ᐄᒪᓕ ᔪᐊᓇᓯ ᐃᖃᓗᖕᒥᐅᖅ ᐊᒻᒪ ᒪᓂᑲ ᑭᒍᑦᑕᖅ ᐊᐅᓱᐃᑦᑐᕐᒥᐅᖅ ᐃᓚᒃᑯᑦ ᑐᓂᔭᐅᔫᒃ $5,000-ᓂᒃ ᐃᑲᔫᑕᐅᓂᐊᑐᑦ ᐃᓕᓐᓂᐊᕐᓂᖏᓐᓄᑦ. ᑕᒪᒃᑮᒃ ᐃᓕᓐᓂᐊᑑᑦ ᓄᓇᕗᒻᒥ ᐃᓕᓴᐃᔨᒃᓴᐅᓂᕐᒧᑦ ᓄᓇᕗᑦ ᓯᓚᑦᑐᓴᕐᕕᖓᓂ, ᔪᐊᓇᓯ ᐃᖃᓗᓐᓂ, ᑭᖑᑦᑕᖅ ᐃᖃᓗᒃᑑᑎᐊᕐᒥ.

“ᑯᕕᐊᓱᒃᐳᖓ ᐊᖏᔪᖅᑳᕆᔭᐅᓪᓗᖓ ᓄᓇᕗᑦ ᑐᙵᕕᒃᑯᓐᓂ ᑐᓂᓯᔪᓐᓇᕋᒪ ᒪᕐᕉᓄᑦ ᐃᓕᓐᓂᐊᖅᑏᓐᓄᑦ ᑮᓇᐅᔭᓂᒃ ᐃᑲᔫᑕᐅᓂᐊᖅᑐᓂᒃ ᐃᓕᓐᓂᐊᕐᓂᖏᓐᓄᑦ ᐃᓕᓴᐃᔨᒃᓴᐅᓂᕐᒧᑦ ᓄᓇᕗᒻᒥ,” ᐅᖃᖅᑐᖅ ᑕᐅᑐᙱ. “ᔫᓯ ᐅᐱᒍᓱᒐᔭᖅᑐᑦ ᒪᕐᕉᒃ ᐊᔪᖏᒻᒪᕆᑦᑑᑦ ᐃᓅᒃ ᐃᓕᓐᓂᐊᖅᑏᒃ ᑲᔪᓯᑎᑦᓯᕙᓪᓕᐊᒪᑎᒃ ᐊᒃᓱᕈᐊᕆᓯᒪᔭᖏᓐᓂᑦ ᓴᖅᑭᔮᖅᑎᑦᓯᓂᕐᒧᑦ ᓴᐳᔾᔨᓂᕐᒧᓪᓗ ᐃᓄᐃᑦ ᐅᖃᐅᓯᖓᓂᒃ ᐃᓕᖅᑯᓯᖓᓂᒡᓗ.”

ᑐᙵᕕᒃᑯᑦ ᑲᑎᑦᑐᒋᑦ 21-ᓂᒃ ᑐᒃᓯᕋᐅᑎᓕᐅᕐᕕᐅᓚᐅᑐᑦ ᐃᑲᔫᓯᐊᒃᓴᓄᑦ. ᓂᕈᐊᖅᑏᑦ …

ᓄᓇᕗᑦ ᑐᙵᕕᒃᑯᑦ ᑲᑎᒪᖃᑎᖃᖅᑐᑦ ᐃᒪᕐᒥᐅᑕᓕᕆᔨᒃᑯᓐᓂ ᐱᔾᔪᑎᒋᓪᓗᒋᑦ ᐊᓪᓚᓐᖑᐊᑦ

ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑕ ᑐᒡᓕᐊ ᔭᐃᒥᓯ ᐃᑦᑐᓗᒃ ᐅᓪᓗᒥ ᐅᖃᖅᑐᖅ ᑐᙵᕕᒃᑯᑦ ᑲᑎᒪᖃᑎᖃᓚᐅᕐᒪᑕ ᐃᒪᕐᒥᐅᑕᓕᕆᔨᒃᑯᓐᓂᒃ ᐱᓇᓱᐊᕈᓯᐅᓚᐅᖅᑐᒥ ᐅᖃᐅᓯᖃᖅᖢᑎᒃ ᐊᐅᓚᑦᓯᖃᑎᒌᓐᓂᕐᒥᒃ ᐊᓪᓚᓐᖑᐊᓂᒃ ᑲᑐᔾᔨᖃᑎᒌᓪᓗᑎᒃ, ᐃᓚᒋᔭᐅᓗᑎᒃ ᓄᓇᕗᑦ ᑐᙵᕕᒃᑯᑦ, ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ, ᓄᓇᕗᑦ ᒐᕙᒪᒃᑯᑦ ᐊᒻᒪ ᐃᒪᕐᒥᐅᑕᓕᕆᔨᒃᑯᑦ.

ᑲᑎᒪᓂᖅ ᓯᕗᓪᓕᖅᐹᖑᓚᐅᑐᖅ ᒪᕐᕈᐊᑎᕐᓗᑎᒃ ᑲᑎᒪᔪᒫᕐᓂᐊᖅᑐᑦ ᐃᓚᒋᓪᓗᓂᐅᒃ ᐊᓯᐊᒍᖔᖅ ᐋᖅᑮᖃᑎᒌᒍᒪᓂᖏᑦ ᐃᖅᑲᖅᑐᐃᕕᓕᐊᕈᔾᔨᓂᐊᓚᐅᖅᑎᓪᓗᒋᑦ ᓄᓇᕗᑦ ᑐᙵᕕᒃᑯᑦ ᐃᒪᕐᒥᐅᑕᓕᕆᔨᒃᑯᓐᓂ ᐊᕐᕌᒍ ᐱᒋᐊᓕᓵᖅᑎᓪᓗᒍ ᐃᒪᕐᒥᐅᑕᓕᕆᔨᒃᑯᑦ ᓄᖅᑲᑎᑦᓯᓚᐅᖅᑎᓪᓗᒋᑦ ᓯᓚᕐᔪᐊᒥ ᑕᐅᖅᓰᒍᑕᐅᔪᓐᓇᕐᓂᖏᓐᓄᑦ ᐊᓪᓚᓐᖑᐊᑦ ᑐᒑᖏᑦ ᖃᐅᔨᒃᑲᐃᓚᐅᖏᑦᑐᑎᒃ ᐃᓄᓐᓂᒃ ᐅᕝᕙᓘᓐᓃᑦ ᓇᓗᓇᐃᖅᓯᓚᐅᕐᓇᑎᒃ ᐱᔾᔪᑎᒋᔭᖓᓂᒃ ᐃᓱᒪᓕᐊᖏᓐᓄᑦ. ᑐᙵᕕᒃᑯᑦ ᐊᖏᓚᐅᖅᑐᑦ ᓄᖅᑲᑎᑦᓯᓂᐊᕐᓗᑎᒃ ᐃᖅᑲᖅᑐᐃᕕᒃᑰᑎᑦᓯᓂᕐᒥ ᔫᓂ 2011-ᒥ, ᐃᒪᕐᒥᐅᑕᓕᕆᔨᒃᑯᑦ ᐊᖏᖅᓯᒪᓕᕐᒪᑕ ᐃᓚᐅᖃᑦᑕᓂᕐᒥᒃ ᐱᔾᔪᑎᖃᑦᓯᐊᕐᓗᑎᒃ, ᐱᕕᒃᓴᖃᑦᑎᐊᖅᑐᒃᑯᑦ ᐃᓄᓐᓂᒃ ᖃᐅᔨᒃᑲᐃᖃᑦᑕᓂᕐᒥᒃ ᐃᓱᒪᓕᐅᕈᑎᒋᔭᖏᓐᓄᑦ ᐊᓪᓚᓐᖑᐊ ᐱᑕᖅᑕᐅᔪᓐᓇᕐᓂᖏᓐᓄᑦ ᐊᒻᒪ …

ᓄᓇᕗᑦ ᑐᓐᒐᕕᒃ ᑎᒥᖓᑦ ᖁᐊᖅᓵᖅᓯᒪᔪᑦ ᐅᑯᐊ ᖁᓪᓕᖅ ᖃᐅᒻᒪᖅᑯᓯᕆᔨᑦᑕ ᐃᓱᒫᓗᖕᓇᖅᑐᑦ ᐃᓱᒪᒃᑯᑦ ᑕᐅᑦᑐᖏᑦ ᐊᑭᕋᖅᑐᐃᑎᓪᓗᒋᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᖅᑕᖏᓐᓂᑦ ᐱᓪᓗᒋᑦ ᐃᓄᐃᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᑉᓗᒥ ᐅᖃᖅᑐᖅ ᐱᒻᒪᕆᐊᓗᐃᑦ ᐃᓱᒫᓗᖕᓇᖅᑐᑦ ᑲᔪᓰᓐᓇᖅᑐᓂᑦ ᐃᓕᖅᑯᓯᖃᕐᓂᖕᖏᑦ ᑕᐅᑦᑐᖏᑦᑎᒍᑦ ᐊᑭᕋᖅᑐᐃᓂᕐᒥᑦ ᐅᕕᓂᖃᑎᒋᖏᑕᖏᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᖅᑕᖏᑦ ᐱᓗᐊᖅᑐᒥᑦ ᑐᕌᖅᓯᑎᓪᓗᒋᑦ ᐅᑯᓂᖓ ᐊᒻᒪᓗ ᐅᓄᖅᓯᕙᓪᓕᐊᑎᓪᓗᒋᑦ ᐊᒥᓱᖑᖅᐸᓪᓕᐊᔪᑦ ᐃᓄᐃᑦ ᐃᖅᑲᓇᐃᔭᖅᑐᑦ ᑖᒃᑯᓇᓂ ᖁᓪᓕᖅ ᖃᐅᒻᒪᖅᑯᓯᕆᔨᖏᓐᓂ ᑯᐊᐱᕇᓴᓐ.

ᑕᐃᒪᖓᓂ ᔫᓐ, 201, ᐃᒻᒪᖄ 7 ᐃᓄᐃᑦ ᖁᓪᓕᖅ ᖃᐅᒻᒪᖅᑯᓯᐱᔨᑦ ᑯᐊᐱᕇᓴᒃᑯᓐᓂ ᐃᖅᑲᓇᐃᔭᖅᑐᑦ ᐃᓕᓯᓯᒪᓕᖅᑐᑦ ᐅᑯᓄᖓ ᑲᑐᔾᔨᖃᑎᒌᖑᔪᓄᑦ ᐊᑲᖅᓴᖏᑦᑐᓄᑦ ᐱᓕᕆᕝᕕᐊᓐᓄᑦ ᐅᕝᕙᓘᓐᓃᑦ ᒪᓕᒐᒥᖕᓂᑦ ᒪᓕᖕᓇᑎᒃ ᓄᖅᑲᖅᑎᑦᑎᓂᐅᕙᒃᑐᑦ ᒥᒃᓵᓄᑦ ᐃᓕᓯᓯᒪᔪᑦ ᒪᓕᒐᑎᒍᑦ ᓵᑕᐅᓂᕐᒥᑦ ᐅᕝᕙᓘᓐᓃᑦ ᐅᖃᐅᓯᐅᓯᒪᔪᑦ ᐅᑯᓄᖓ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᐱᑦᑎᐊᖅᑕᐅᖏᓐᓂᕆᔭᖏᓐᓂᑦ ᐃᓄᐃᑦ ᐃᖅᑲᓇᐃᔭᖅᑐᑦ ᑖᒃᑯᓄᖓ ᖁᓪᓕᖅ ᖃᐅᒻᒪᖅᑯᓯᕆᔨᖏᓐᓄᑦ ᑯᐊᐱᕇᓴᑦ ᐊᐅᓚᑦᑎᔨᖏᓐᓄᑦ. ᓄᒫᓱᖕᓇᖅᑐᐊᓗᐃᑦ, ᓯᔭᐅᔪᑦ ᐅᑯᐊ …

ᑲᑭᓐᓃᑦ ᒥᒃᓵᓄᑦ ᑐᓂᕐᕈᑎᑦ ᑮᓇᐅᔭᓂᑦ ᐱᑎᑕᐅᔪᑦ ᐅᖃᖅᑕᐅᓂᖏᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐊᒻᒪᓗ ᓄᓇᕗᑦ ᓯᕗᓕᖅᑎᐊ ᐄᕙ ᐋᕆᐊᒃ ᐅᑉᓗᒥ ᐅᖃᖅᑑᒃ ᐊᑎᕐᓂᑦ ᑕᐃᓯᓪᓗᑎᒃ ᐱᑎᑕᐅᔪᓂᑦ ᐅᑯᓂᖓ ᑲᑭᓐᓃᑦ ᒥᒃᓵᓄᑦ ᑮᓇᐅᔭᓂ ᑐᓂᕐᕈᓯᐊᕐᓂᕐᒥᑦ ᐱᓕᕆᐊᑦ.

ᑭᐊᓚᐃᓐ ᐊᐃᐱᓕ ᑭᐊᑦᓱᒃ − ᑭᓐᖓᐃᑦ
ᐄᕙ ᓄᐊ − ᖃᒪᓂᑦᑐᐊᖅ
ᓇᑲᓱᒃ ᐊᓚᕆᐊᖅ − ᑭᓐᖓᐃᑦ
ᓵᓐᑐᕋ ᐱᔭᒥᓂᖅ − ᐊᐅᔪᐃᑦᑐᖅ
ᓕᐊᔅᓕ ᖃᒪᓂᖅ − ᒥᑦᑎᒪᑕᓕᒃ
ᐃᒥᓕ ᖄᐱᒃ − ᐃᖃᓗᐃᑦ
ᒪᕇ ᐱᓕᐅ − ᐃᖃᓗᐃᑦ
ᑏᕕ ᒪᑮᐃ − ᐋᑐᕚ
ᖂᒪᓂ ᒪᒃᑭᒃ − ᐃᖃᓗᐃᑦt
ᐋᓇᐱᐊᓚ ᐱᐅᒑᑦᑐᑦ − ᐃᖃᓗᐃᑦ

ᑐᓂᕐᕈᑎᑦ ᑮᓇᐅᔭᑎᒍᑦ ᐱᖠᕆᐊᖅ ᑐᓂᓯᕙᒃᑐᑦ $1,000−ᓂᑦ ᐅᑯᓄᖓ ᑕᓪᓕᒪᓄᑦ ᐃᓕᓐᓂᐊᖅᑎᑦᓄᑦ ᕿᓂᖅᑐᓂᑦ ᐃᒪᓐᓇ ᐊᑲᐅᓯᑎᑦᑎᕚᓪᓕᕈᒪᓂᕐᒥᑦ ᓇᖕᒥᓂᖅ ᐱᖅᑯᓯᒃᑯᑦ …

ᓇᓪᓕᐅᓂᖅᓯᐅᕈᒃ ᓄᓇᕗᑦ!

ᓇᓪᓕᐅᓂᖅᓯᐅᕈᒃ ᓄᓇᕗᑦ!
ᔪᓚᐃ 9, 2011, ᓄᓇᕗᑦ ᐅᓪᓗᕆᒻᒪᒍ.
ᑕᒫᓂ ᐊᕐᕌᒍᑦᑎᓐᓂ ᐃᖃᓗᓐᓂ ᐊᖏᓂᖅᓴᐅᓂᐊᕐᓂᕋᐃᕗᑦ ᐱᐅᓂᖅᓴᐅᓗᑎᒡᓗ.
ᓄᓇᕗᑦ ᑐᙵᕕᒃᑯᑦ, ᓄᓇᕗᑦ ᒐᕙᒪᒃᑯᑦ, ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪ ᓄᓇᕗᑦ ᐳᓚᕋᑦᑐᓕᕆᔨᒃᑯᑦ ᑲᑐᔾᔨᖃᑎᒌᓪᓗᑎᒃ ᓄᓇᕗᑦ ᐅᓪᓗᖓᓂ ᓱᓕᕆᑎᑦᑎᕈᓘᔭᕐᓂᐊᖅᑐᑦ.
ᐃᖃᓗᓐᓂ ᒪᓕᒐᓕᐅᕐᕕᐅᑉ ᓴᓂᐊᓃᓐᓂᐊᖅᑐᑦ 1-ᒥ 5-ᒧᑦ ᔪᓚᐃ 9-ᖑᓕᖅᐸᑦ.
ᐃᓄᐃᑦ ᓂᕿᖏᑦ, ᕼᐊᒻᐳᒍᐃᑦ, ᐱᓐᖑᐊᕋᑦᓴᐃᑦ ᓱᕈᓯᕐᓄᑦ ᐃᓐᓇᕐᓄᓪᓗ, ᐊᒻᒪ ᓂᔾᔭᐅᓯᔭᖅᑐᖃᕐᓗᓂ.
ᓄᓇᕗᑦ ᐅᓪᓗᐊᓂ ᐊᔾᔭᖅᑐᐃᔨᐅᓂᕐᒥᑦ
ᑕᐅᕙᓂ ᑕᑯᓛᖅᐳᒍᒃ!
12:30 -1:00 p.m. ᑐᓐᖓᓱᑦᑎᑦᑎᔪᑦ
1:00-2:30 p.m. ᓂᕆᔪᑦ
2:30-5 p.m. ᐱᓐᖑᐊᖅᑐᑦ ᒧᒥᖅᑐᓪᓗ

ᓇᓪᓕᐅᒃᑯᒫᕈᑎᓄᑦ ᐃᑲᔫᑎ ᑲᔪᓯᔪᓐᓇᐃᓪᓕᔪᖅ

ᓄᓇᕗᑦ ᑐᙵᕕᒃᑯᑦ ᐊᐅᓚᑦᑎᔨᒻᒪᕆᐊᑦ ᑎᐅᕆ ᐊᐅᓪᓚ ᓇᓗᓇᐃᖅᓯᔪᖅ ᐅᓪᓗᒥ ᓄᖅᑲᖅᑎᑕᐅᓂᐊᓕᕐᓂᖓ ᐊᑎᖃᖃᑕᐅᔪᓄᑦ ᐃᓅᔪᓐᓃᖅᑐᖃᖅᑎᓪᓗᒍ ᐊᒻᒪ ᑎᒥᒥᒍᑦ ᐃᓚᓐᖓᖅᑐᖃᖅᑎᓪᓗᒍ ᓇᓪᓕᐅᒃᑯᒫᕈᑎᒥᒃ.
ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᐃᓱᒪᓕᐅᕈᑎᖃᖅᑐᑦ ᕿᒥᕐᕈᓚᐅᖅᑐᑎᒃ ᐊᑭᓕᐅᑕᐅᕙᒃᑐᑦ ᐃᑲᔫᑎᒧᑦ ᒥᑭᓂᖅᓴᐅᓯᒪᖕᒪᑕ ᐊᑎᖃᖃᑕᐅᔪᓄᑦ ᐊᕐᕌᒍᓂ ᐊᓂᒍᖅᑐᓂ.
“ᐃᓱᒪᓕᐅᕈᑎᒋᓇᓱᐊᖅᖢᒍ ᐱᔭᕆᐊᑐᓚᐅᑐᖅ, ᑭᓯᐊᓂ ᑮᓇᐅᔭᖅ ᐊᑐᖅᑕᐅᓯᒪᓕᕐᒪᑦ ᐊᐅᓚᑕᐅᓇᓱᐊᕐᓂᖓ ᐃᓄᖕᓄᑦ ᐊᑭᓕᐅᑕᐅᕙᒃᑐᓂᒃ,” ᐅᖃᖅᑐᖅ ᐊᐅᓪᓚ. “ᑲᑎᒪᔨᑦ ᕿᒥᕐᕈᓚᐅᖅᑐᑦ ᓈᓴᐅᑎᖏᓐᓂᑦ ᐊᒻᒪ ᐃᓱᒪᓕᐅᕈᑎᒋᓪᓗᒍ ᓄᖅᑲᖅᑎᑕᐅᖁᓪᓗᒍ ᐃᑲᔫᑎ ᑮᓇᐅᔭᐃᑦ ᐊᑐᖅᑕᐅᓂᖅᓴᐅᔪᓐᓇᖁᓪᓗᒋᑦ ᐊᑎᖃᖃᑕᐅᔪᓄᑦ.”
ᐊᑎᖃᖃᑕᐅᔪᓄᑦ ᐃᓅᔪᓐᓃᖅᑐᖃᖅᑎᓪᓗᒍ ᐊᒻᒪ ᑎᒥᒥᒍᑦ ᐃᓚᓐᖓᖅᑐᖃᖅᑎᓪᓗᒍ ᓇᓪᓕᐅᒃᑯᒫᕈᑎ ᐊᑐᕈᓐᓃᓂᐊᑐᖅ ᐱᒋᐊᕐᓗᓂ ᔫᓂ 30, 2011-ᒥ.

ᓄᓇᕗᑦ ᑐᙵᕕᒃᑯᑦ ᖁᔭᓈᖅᓯᔪᑦ ᐃᖅᑲᖅᑐᐃᕕᒃᑯᑦ ᕿᒥᕐᕈᔭᐅᖁᔨᓚᐅᕐᓂᖏᓐᓂᒃ ᐃᒪᕐᒥᐅᑕᓕᕆᔨᒃᑯᓐᓂᒃ ᐊᓪᓚᓐᖑᐊᑦ ᑐᒑᖏᓐᓄᑦ

 (ᔫᓂ 20, 2011 – ᐃᖃᓗᐃᑦ, ᓄᓇᕗᑦ)     ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᐅᓚᑦᓯᔨᒻᒪᕆᖓ ᑎᐅᕆ ᐊᐅᓪᓚ ᓇᓗᓇᐃᖅᓯᔪᖅ ᐅᓪᓗᒥ ᖁᔭᓈᖅᓯᓂᖏᓐᓂᒃ ᓄᓇᕗᑦ ᑐᙵᕕᒃᑯᑦ ᐃᖅᑲᖅᑐᐃᕕᑎᒍᑦ ᕿᒥᕐᕈᔭᐅᖁᔨᓚᐅᕐᓂᖏᓐᓂᒃ ᑲᓇᑕᒥ ᐃᒪᕐᒥᐅᑕᓕᕆᔨᒃᑯᑦ ᐃᓱᒪᓕᐅᕈᑎᒋᓚᐅᖅᑕᖓᓄᑦ 2010-ᒥ ᐱᔾᔪᑎᒋᓪᓗᒋᑦ ᑐᒑᓖᑦ.
 
“ᐃᒪᕐᒥᐅᑕᓕᕆᔨᒃᑯᑦ ᐊᒻᒪ ᑐᙵᕕᒃᑯᑦ ᐊᖏᖃᑎᒌᒃᑐᑦ ᑐᑭᖃᑦᓯᐊᖅᑐᒥᒃ, ᐱᕕᒃᓴᖃᑦᑎᐊᕐᓗᑎᒃ ᖃᐅᔨᒋᐊᕐᕕᖃᖁᓪᓗᒋᑦ ᒐᕙᒪᒃᑯᑦ ᐃᓄᐃᑦ ᐃᓱᒫᓗᑎᒋᓯᒪᔭᖏᓐᓂᒃ ᐊᒃᑐᖅᑕᐅᓯᒪᓂᖏᓐᓄᑦ ᐃᓄᐃᑦ ᐱᔪᓐᓇᐅᑎᖏᑦ ᒪᓕᒃᖢᒋᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᑎᒍ ᐃᓚᒋᓪᓗᒋᑦ ᐃᓱᒪᓕᐅᕈᑕᐅᓯᒪᔪᑦ ᑐᒑᓖᑦ ᐱᑕᖅᑕᐅᖃᑦᑕᕐᓂᖏᓐᓄᑦ ᐊᒻᒪ ᑕᐅᖅᓰᒍᑕᐅᕙᓐᓂᖏᓐᓄᑦ,” ᐅᖃᖅᑐᖅ ᐊᐅᓪᓚ. “ᐃᒪᕐᒥᐅᑕᓕᕆᔨᒃᑯᑦ ᐊᖏᖅᓯᒪᔪᑦ ᐱᓕᕆᖃᑎᖃᕈᒪᓪᓗᑎᒃ ᓄᓇᕗᑦ ᑐᙵᕕᒃᑯᓐᓂ ᐊᐳᕈᑎᖃᑦᑕᕈᒪᓇᑎᒃ ᐃᓱᒪᓕᐅᕈᑎᖏᑦ ᐊᒃᑐᐃᓂᐊᖅᑎᓪᓗᒋᑦ ᐃᓄᓐᓂᒃ.”
 
ᐊᖏᕈᑎ ᐊᑎᓕᐅᖅᑕᐅᔪᖅ ᔫᓂ 17, 2011-ᒥ, ᑐᙵᕕᒃᑯᑦ ᐃᒪᕐᒥᐅᑕᓕᕆᔨᒃᑯᓪᓗ ᐃᓕᑕᖅᓯᕗᑦ ᐱᒻᒪᕆᐅᓂᖓᓂᒃ ᐊᐅᓚᑦᓯᑎᐊᓂᖅ ᓯᒪᕐᔪᐊᒥ …

ᓄᓇᕗᑦ ᑐᙵᕕᒃᑯᑦ ᑲᑐᔾᔨᖃᑎᖃᖅᖢᑎᒃ ᓴᖅᑮᕗᑦ ᑲᓇᑕᒥ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ ᐸᕐᓇᐅᑎᒥᒃ ᑲᑐᔾᔨᖃᑎᖃᖅᖢᑎᒃ

ᓄᓇᕗᑦ ᑐᙵᕕᒃᑯᑦ ᑲᑐᔾᔨᖃᑎᖃᖅᖢᑎᒃ ᓴᖅᑮᕗᑦ ᑲᓇᑕᒥ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ ᐸᕐᓇᐅᑎᒥᒃ ᑲᑐᔾᔨᖃᑎᖃᖅᖢᑎᒃ
 
(ᔪᓂ 16, 2011 – ᐋᑐᕙ, ᐋᓐᑎᐅᕆᔪ)             ᓄᓇᕗᑦ ᑐᙵᕕᒃ ᑎᒥᖓᓐᓄᑦ ᐃᓚᒋᔭᐅᔪᖅ ᐅᑲᓕᖅ ᐃᔨᑦᓯᐊᖅ ᓇᓗᓇᐃᖅᓯᖅᑲᐅᔪᖅ ᐅᓪᓗᒥ ᐃᑲᔪᖅᑐᐃᓂᖏᓐᓂᒃ ᓄᑖᑦ ᐊᑐᓕᖁᔭᐅᔪᑦ ᐱᐅᓯᕚᓪᓕᖁᓪᓗᒍ ᐃᓄᐃᑦ ᐃᓕᓐᓂᐊᕐᓂᕆᕙᒃᑕᖏᑦ ᑲᓇᑕᒥ. ᑲᑐᔾᔨᖃᑎᖃᖅᖢᑎᒃ ᐃᓄᓐᓂᒃ ᐃᓕᓐᓂᐊᕐᓂᓕᕆᓂᕐᒧᑦ ᓯᕗᓕᖅᑎᐅᖃᑕᐅᔪᓂᒃ ᐃᓄᐃᑦ ᓄᓇᖏᓐᓂ, ᐃᔨᑦᓯᐊᖅ ᓴᖅᑮᖅᑲᐅᔪᖅ ᓄᑖᒥᒃ ᐸᕐᓇᐅᑎᓕᐊᖑᔪᒥᒃ.
 
ᑲᑎᒃᖢᒋᑦ 10-ᖑᔪᑦ ᑮᓇᐅᔭᖃᖅᑎᑦᓯᓂᕐᒧᑦ ᐊᒻᒪ ᐊᑐᓕᖁᔭᐅᔪᑦ ᐋᖅᑭᒃᓯᒪᔪᑦ ᑕᕝᕙᓂ ᓯᕗᓪᓕᖅᐹᖅ ᑲᓇᑕᒥᐅᓄᑦ, ᑲᓇᑕᒥᐅᑦ ᓯᕗᓪᓖᑦ: ᑲᓇᑕᒥ ᐸᕐᓇᐅᑎ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ. ᐅᓂᒃᑳᖅ ᑭᒡᒐᖅᑐᐃᕗᖅ ᑲᓇᑕᒥ ᓯᕗᓪᓕᖅᐹᓪᓚᕆᖕᒥ ᐸᕐᓇᐅᑎᓕᐊᖑᔪᒥᒃ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ. ᐸᕐᓇᐅᑎ ᐊᐅᓪᓗᔾᔨᓂᐊᖅᐳᖅ ᖃᓄᖅᑑᕈᓐᓇᕐᓂᐅᔪᓂᒃ ᓴᖅᑭᔮᒐᔪᒃᑐᓄᑦ ᓯᑕᒪᓂ ᐊᕕᒃᑐᖅᓯᒪᓂᐅᔪᓂ ᑲᓇᑕᒥ; …

ᓄᓇᕗᑦ ᑐᙵᕕᒃᑯᑦ ᑐᓴᓚᐅᖅᑎᓪᓗᒋᑦ ᒐᕙᒪᑐᖃᒃᑯᑦ ᑮᓇᐅᔭᖅᑐᕈᑎᒃᓴᖏᓐᓂᒃ

 
(ᔫᓐ 7, 2011 – ᑲᖏᖅᖠᓂᖅ, ᓄᓇᕗᑦ)         ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᖏᔪᖅᑳᖓ ᑳᑎ ᑕᐅᑐᙱ ᐅᖃᑐᖅ ᓴᖅᑭᑕᐅᓚᐅᖅᑎᓪᓗᒋᑦ ᐃᒃᐸᒃᓴᖅ ᒐᕙᒪᑐᖃᒃᑯᑦ ᑮᓇᐅᔭᖅᑐᕈᑎᒃᓴᖏᑦ. ᑕᐅᑐᙱ ᖁᓅᕐᒥᖃᐅᔪᖅ ᐱᑕᖃᖏᓐᓂᖓᓄᑦ ᓅᑖᓂᒃ ᐊᖏᔪᓄᑦ ᑮᓇᐅᔭᖅᑐᕈᑎᒃᓴᓄᑦ ᓄᓇᕗᒻᒥ, ᐱᓗᐊᖅᑐᒥᒃ, ᐃᓅᓯᓕᕆᓂᕐᒧᑦ ᐃᒡᓗᓕᕆᓂᕐᒧᓪᓗ ᑐᐊᕕᕐᓇᖅᑑᒋᔭᐅᕙᒃᑐᑦ ᐃᓄᖕᓄᑦ, ᒫᓐᓇᑲᐅᑎᒋ ᐱᓕᕆᐊᖑᔪᒃᓴᐅᓪᓗᑎᒃ.
 
ᑕᐅᑐᙱ ᐅᖃᖃᐅᔪᖅ ᖁᓅᕐᒥᓇᖅᑲᐅᓂᖓᓂᒃ ᓄᑖᓂᒃ ᑮᓇᐅᔭᓂᒃ ᓴᖅᑮᔪᖃᖏᓐᓂᖓ ᐃᑲᔪᖅᑐᐃᔾᔪᑎᒃᓴᓂᒃ ᐃᓄᐃᑦ ᐅᖃᐅᓯᖓᓄᑦ, ᐃᑲᔫᑎᒃᓴᑲᓐᓂᕐᓄᑦ ᖃᓄᐃᑦᑕᐃᓕᕐᓂᕐᒧᑦ ᐊᒻᒪ ᓱᕈᓰᑦ ᐃᓕᓐᓂᐊᕈᑎᒃᓴᖏᓐᓄᑦ. “ᐃᓄᐃᑦ ᓇᓕᒧᒋᔭᐅᓕᖁᓪᓗᒋᑦ ᑲᓇᑕᒥᐅᑕᐅᖃᑎᑦᑎᓐᓄᑦ ᖃᓪᓗᓈᓃᑦᑐᓄᑦ, ᑮᓇᐅᔭᖃᖅᑎᑕᐅᓃᑦ ᐃᒡᓗᓕᕆᓂᕐᒧᑦ, ᐃᓕᓐᓂᐊᕐᓂᕐᒧ ᐊᒻᒪ ᐃᓅᓯᓕᕆᓂᕐᒧᑦ ᐊᑐᐃᓐᓇᐅᑎᑕᐅᔭᕆᐊᖃᕐᒪᑕ.”
 
ᑕᐅᑐᙱ ᓇᓗᓇᐃᖅᓯᑲᓐᓂᖃᐅᔪᖅ ᑐᙵᕕᒃᑯᑦ ᑐᙵᓱᑦᑎᑦᓯᒐᔭᓚᐅᕐᒪᑕ ᐃᑲᔫᑎᒃᓴᓂᒃ ᑭᖑᕝᕕᖅᑕᐅᔾᔪᑎᒋᓂᐊᖅᑕᖏᓐᓄᑦ ᓄᓇᖃᖅᑳᓯᒪᔪᑦ ᒪᒥᓴᕐᓂᕐᒧᑦ ᐃᑲᔫᑎᒋᕙᓚᐅᖅᑕᖏᓐᓄᑦ. ᑖᒃᑯᐊ AHF-ᑯᑦ, ᐊᒥᓲᒐᓗᐊᖅᑎᓪᓗᒋᑦ ᐃᑲᔫᑕᐅᔪᑦ, ᐃᑲᔪᖃᑦᑕᓚᐅᕐᒪᑕ ᐃᓄᖕᓂᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ ᐊᒥᓱᖕᒪᕆᓐᓂᒃ …

ᓄᓇᕗᑦ ᑐᓐᖓᕕᒃ ᑎᒥᖓᑦ ᐅᖃᖅᑐᖅ ᑮᓇᐅᔭᖃᖅᑎᑦᑎᓂᖅᓴᐅᓗᑎᒃ ᐊᒻᒪᓗ ᖃᓄᖅᑑᕈᑎᒃᓴᓂᑦ ᑲᒪᒋᔭᐅᓂᐊᕐᓂᖏᓐᓄᑦ ᐃᓕᖓᔪᖅᑕᖃᕐᓗᓂ ᑭᖑᓯᕆᓂᕐᒧᑦ ᐋᓐᓂᐊᖅᑕᐃᓕᒪᔪᓕᕆᓂᒃᑯᑦ ᑲᒪᔾᔪᑎᑎᒍᑦ

ᒪᓕᒃᖢᒋᑦᖅ ᒫᓐᓴᕈᓗᒃ ᑐᓴᒐᒃᓴᑎᒍᑦ ᐃᓐᒌᓐᓇᖅ ᓴᖅᑭᑎᑕᐅᒪᐅᖅᑐᑦ ᐅᑯᐊ ᐃᓄᐃᑦ ᕿᖑᓯᕆᔭᐅᔾᔪᑎᖏᓐᓂᑦ ᖃᐅᔨᓴᕈᑎᑦ, ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑲᑎ ᑕᐅᑐᖏ ᐅᖃᖅᑐᖅ ᐊᖏᓕᖅᓴᓂᑦ ᑮᓇᐅᔭᖃᖅᑎᑦᑎᓂᕐᒥᑦ ᐊᒻᒪᓗ ᖃᓄᖅᑑᕈᑎᒃᓴᒃᑲᓐᓂᕐᓂᑦ ᒪᑯᓄᖓ ᐃᓕᖓᔪᑦ ᑭᖑᓯᕆᓂᕐᒧᑦ ᐊᓐᓂᐊᖃᕐᓇᖏᑦᑐᓕᕆᓂᕐᒧᑦ ᑲᒪᔾᔪᑎᑎᒍᑦ ᐱᔨᑦᑎᕋᕈᑎᓂᑦ ᓄᓇᕗᑦ ᓄᓇᓕᖏᓐᓄᑦ.
ᓴᖅᑭᑦᑐᑦ ᖃᐅᔨᓴᕈᑎᓄᑦ ᓇᓗᓇᐃᖅᓯᓯᒪᔪᑦ ᐃᒪᓐᓇ 70-ᐳᓴᑦ ᐅᑯᓇᖓᑦ 1, 216 ᐃᓄᒻᒪᕇᑦ ᐃᓚᐅᓚᐅᖅᑐᑦ ᖃᐅᔨᓴᕈᑕᐅᔪᓄᑦ ᐃᓐᖐᓐᓇᖅ ᑭᖑᓯᕆᔭᐅᔭᕆᐊᖃᖅᑐᑦ. ᐃᓚᖓᒍᑦ ᒪᑯᐊ ᐱᓪᓗᒋᑦ ᐱᔨᑦᑎᕋᕈᑎᑦ ᐊᑐᐃᓐᓇᐅᓗᐊᖅᐸᖏᓐᓂᖏᓐᓂᑦ ᐃᓄᐃᑦ ᓄᓇᖏᓐᓂ. ᓴᖅᑭᓯᒪᔪᑦ ᖃᐅᔨᓴᕈᑎᓂ ᐱᓪᓗᒋᑦ ᐃᓄᐃᑦ ᓱᕈᓯᖏᑦ ᐱᓗᐊᖅᑐᒥᑦ ᐱᐅᖏᓐᓂᖏᓐᓂᑦ, ᑕᑯᒃᓴᐅᑎᑦᑎᔪᑦ ᕿᑎᐊᓂ, ᓯᕈᓯᑦ ᓄᑕᖅᑲᑦ ᐅᑭᐅᖃᖅᑐᑦ 3-5-ᒧᑦ 8.22 ᐊᐅᖕᓂᖃᖅᑐᑦ. ᑭᖑᑕᐃᖅᓯᒪᔪᑦ, ᐅᕝᕙᓘᓐᓃᑦ ᐃᓛᖅᓯᒪᔪᑦ ᓄᖑᑉᐸᓪᓕᐊᕙᒃᑐᑦ ᓱᕈᖅᑎᖅᐸᓪᓕᐊᓪᓗᑎᒃ (ᓄᑕᕋᓛᑦ) ᑭᒍᑎᖏᑦ.
” …

(English) Regional Roundtables to Identify “Options for Action” for Poverty Reduction Plan

Sorry, this entry is only available in English and Inuinnaqtun.

ᓄᓇᕗᒻᒥ ᓄᓇᑖᕈᑎᓄᑦ ᐊᖏᕈᑏᑦ ᒥᒃᓵᓄᑦ ᐃᖅᑲᐅᒪᔾᔪᑎᒃᓴᓄᑦ ᓴᓇᖑᐊᖅᑎᑦ ᓂᕈᐊᖅᑕᐅᔪᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᖃᐅᓯᒃᑯᑦ ᓴᖅᑭᑎᑦᑎᔪᖅ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕈᐊᖅᓯᕐᓂᖏᓐᓂᑦ ᐱᖓᓱᓂᑦ ᓴᓇᖑᐊᖅᑎᓂᑦ ᓴᖅᑭᑎᑦᑎᓂᐊᖅᑐᓂᑦ ᐃᖅᑲᐅᒪᔾᔪᑎᒃᓴᓄᑦ ᑎᓕᔭᐅᔪᑦ ᖁᕕᐊᓲᑎᒋᓂᐊᕐᓗᒋᑦ ᓇᓗᓇᐃᖅᓯᒪᔪᑦ ᐱᐊᓂᒃᓯᓯᒪᓂᕐᒧᑦ ᐃᓄᐃᑦ ᐃᓚᐅᓯᒪᔪᑦ ᐊᐃᕙᓂᐅᓚᐅᖅᓯᒪᔪᓂᑦ ᐊᖏᖃᑎᒌᒐᓱᐊᕐᓂᕐᒧᑦ ᐅᑯᓂᖓ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᑦ.
“ᑐᓂᓯᕗᖓ ᓇᒥᓂᖅ ᖁᕕᐊᓲᑎᒋᓪᓗᒋᑦ ᑕᒪᕐᒥᒃ ᓴᓇᖑᐊᖅᑎᑦ ᑐᓂᓯᓚᐅᖅᑐᑦ ᑕᑕᑎᕈᑎᓂᑦ ᑐᒃᓯᕋᐅᑎᑎᒍᑦ. ᐃᓱᒪᓇᖅᑑᒐᓗᐊᖅ ᐱᔪᓐᓇᖅᑎᑦᑎᓂᕐᒥᑦ ᑭᒃᑯᓕᒫᓂᑦ ᑐᓂᓯᓂᐊᖅᑐᓂᑦ ᑕᒪᑦᓱᒧᖓ,” ᐅᖃᖅᑐᖅ ᑕᐅᑐᖏ. “ᖁᕕᐊᓱᒻᒪᕆᒃᑐᖓ ᐅᖃᕆᐊᒃᓴᖅ ᓴᖅᑭᑎᑦᑎᓂᕐᑯᑦ ᐅᑯᐊ ᐃᓄᒃ ᓵᓕ ᑕᓗᕐᔪᐊᓂᑦ, ᐹᓪ ᒪᓕᑭ ᓇᐅᔮᓂᑦ, ᐊᒻᒪᓗ ᓘᑎ ᐱᔾᔭᒥᓂᖅ ᐊᐅᔪᐃᑦᑐᒥᑦ ᓂᕈᐊᖅᑕᐅᔪᑦ ᓴᓇᓂᐊᖅᑎᓪᓗᒋᑦ ᐊᔾᔨᐅᖏᑦᑐᒥᑦ ᓴᓇᖑᐊᒐᑎᒍᑦ. ᐱᑕᖃᖅᐳᒍᑦ ᑭᒡᒐᖅᑐᖅᑕᐅᔪᓂᑦ ᓄᓇᕗᒻᒥ ᐊᕕᒃᑐᖅᓯᒪᔪᑦ, …

ᐊᐅᓚᑦᑎᓂᕐᒧᑦ ᑐᕋᖅᑕᐅᔪᑦ ᓇᓄᓕᕆᓂᕐᒧᑦ ᐱᔪᒪᔭᐅᔪᓂᑦ ᕿᒥᕐᕈᓂᖅ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑐᖏᓕᐊ ᐊᖓᔪᖅᑳᑉ ᔭᐃᒪᔅ ᐃᑦᑐᓗᒃ ᐅᖃᖅᑐᖅ ᐅᓪᓗᒥ ᑕᒪᒃᑯᐊ ᕿᒥᕐᕈᐃᓂᑦ ᒪᑯᓂ ᐊᐅᓚᑦᑎᓂᕐᒧᑦ ᑐᕌᖅᑕᐅᔪᑦ ᓇᓄᕐᓄᑦ ᐃᓱᒪᒋᔭᐅᔭᕆᐊᖃᕐᓂᖏᓐᓂᑦ ᐅᑯᓄᖓ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦᑕ ᑲᑎᒪᔨᖏᓐᓄᑦ.
ᒫᓐᓇ ᐊᐅᓚᑦᑎᓂᕐᒧᑦ ᐃᓕᖓᔪᑦ ᓇᓄᓕᕆᓂᕐᒧᑦ ᐱᒋᐊᓚᐅᖅᓯᒪᒧᑦ 1970-ᑎᑦ ᐊᑐᖅᑎᓪᓗᒋᑦ ᒪᑯᐊ ᑰᑕᐃᑦ ᓇᓐᓄᒍᑎᓄᑦ ᓯᕗᓪᓕᖅᐹᒥ ᓴᖅᑭᑎᑕᐅᓚᐅᖅᓯᒪᑎᓪᓗᒋᑦ. ᑕᐃᑦᓱᒪᓂ, ᓇᓄᐃᑦ ᐊᒥᓲᓂᖏᑦ ᓄᓇᕗᒥ ᓇᓚᐅᑦᑕᖅᑕᐅᓚᐅᖅᓯᒪᔪᑦ ᐊᑯᓐᓂᖏᓐᓂᑦ 7,000 – 8,000 ᓇᓄᐃᑦ. ᐅᑭᐅᑦ 1980-ᑎᑦ ᐊᑐᖅᑎᓪᓗᒋᑦ, ᑐᑭᖏᑦ ᒪᑯᐊ ᐊᑖᓂ ᐃᓚᖏᓐᓂᑦ ᐊᒥᓲᓂᖏᑦ ᓇᓄᐃᑦ ᓴᖅᑭᑎᑕᐅᓚᐅᖅᓯᒪᔪᑦ, ᐊᒻᒪᓗ ᐊᐅᓚᑦᑎᓂᕐᒧᑦ ᐸᕐᓇᐅᑎᑦ ᐊᖅᑭᒃᑕᐅᓪᓗᑎᒃ ᐅᓄᖅᓯᒋᐊᖅᑎᑕᐅᖁᓪᓗᒋᑦ ᓇᓄᐃᑦ ᐊᒥᓲᓂᖏᑦ.
“ᐃᓄᐃᑦ ᐊᐅᓚᑦᑎᖃᑦᑕᖅᓯᒪᔪᑦ ᐊᒻᒪᓗ ᐊᖑᓇᓱᐊᖅᐸᒃᖢᑎᒃ ᓇᓄᕐᓂᑦ ᓇᓗᓇᐃᖅᓯᒪᔪᑦ ᐊᐅᓚᑦᑎᓂᕐᒧᑦ ᑐᕌᖅᑕᐅᔪᑦ ᒪᓕᒃᖢᒋᑦ ᐅᓄᖅᓯᒋᐊᖁᔭᐅᓂᖏᑦ …

(English) Guess the Relative

Sorry, this entry is only available in English.

ᐃᒪᕐᒥᐅᑕᓕᕆᔨᒃᑯᑦ ᐊᑕᖐᔪᒥᒃ ᐳᓛᕆᐊᕈᒪᙱᑦᑐᑦ ᓄᓇᓕᓐᓂᒃ ᐊᒃᑐᖅᑕᐅᓯᒪᔪᓂᒃ

ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᑉ ᑐᒡᓕᐊ ᔭᐃᒥᓯ ᐃᑦᑐᓗᒃ ᓇᓗᓇᐃᖅᓯᔪᖅ ᐅᓪᓗᒥ ᐃᓄᓐᓄᑦ ᓱᓕ ᐃᖅᑲᖅᑐᐃᕕᓕᐊᕈᔾᔨᓂᐊᕐᒪᑕ ᐃᒪᕐᒥᐅᑕᓕᕆᔨᒃᑯᓐᓂᒃ. ᐃᑦᑐᓗᒃ ᐅᖃᖅᑲᐅᔪᖅ ᑐᙵᕕᒃᑯᑦ ᓂᕆᐅᒃᑐᑦ ᒫᓐᓇᒫᒃᑯᑦ ᐃᖅᑲᖅᑐᐃᕕᒃᑯᓐᓂ ᓇᓗᓇᐃᖅᓯᕕᐅᓂᐊᕐᓂᕐᒥᓂᒃ.
ᑐᙵᕕᒃᑯᑦ ᐃᖅᑲᖅᑐᐃᕕᓕᐊᕈᔾᔨᓂᐊᓚᐅᕐᒪᑕ ᐃᒪᕐᒥᐅᑕᓕᕆᔨᒃᑯᑦ ᓯᓚᕐᔪᐊᒥ ᓄᖅᑲᑎᑦᓯᓚᐅᖅᑎᓪᓗᒋᑦ ᑕᐅᖅᓰᒍᑕᐅᔪᓐᓇᕐᓂᖏᓐᓂᒃ ᐊᓪᓚᓐᖑᐊᑦ ᑐᒑᖏᓐᓂᒃ 17-ᖑᔪᓂ ᓄᓇᕗᑦ ᓄᓇᓕᖁᑎᖏᓐᓂ. ᑖᓐᓇ ᓄᖅᑲᑎᑦᓯᒍᑎ ᓇᓗᓇᐃᖅᑕᐅᓚᐅᖅᓯᒪᔪᖅ ᐃᒪᐃᕐᒥᐅᑕᓕᕆᔨᒃᑯᓐᓂ ᐊᑐᕚᒥ ᑎᓯᐱᕆ, 2010-ᖑᑎᓪᓗᒍ, ᖃᐅᔨᒃᑲᐃᓯᒪᔮᖏᑦᑐᑎᒃ ᐊᒻᒪ ᖃᐅᔨᒋᐊᕐᕕᖃᓚᐅᖏᑦᑐᑎᒡᓘᓐᓃᒃ ᐃᓄᓐᓂᒃ ᓄᓇᕗᒻᒥ ᐊᒻᒪ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓂᒃ.
“ᓄᓇᕗᑦ ᑐᙵᕕᒃᑯᑦ ᐃᖅᑲᖅᑐᐃᕕᒃᑰᕈᔾᔨᓕᓚᐅᖅᑐᑦ ᐃᒪᕐᒥᐅᑕᓕᕆᔨᒃᑯᑦ ᐃᓱᒪᓕᐅᕈᑎᖃᓚᐅᖅᑎᓪᓗᒋᑦ ᓯᓚᕐᔪᐊᒥ ᑕᐅᖅᓰᒍᑕᐅᔪᓐᓇᕐᓂᖏᓐᓄᑦ ᐊᓪᓚᓐᖑᑦ ᑐᒑᖏᓐᓂᒃ ᐊᓯᐊᒎᕐᕕᖃᓚᐅᖏᓇᑦᑕ. ᑕᒪᓐᓇ ᓴᓐᖏᔪᒥᒃ ᖃᓄᐃᓕᒋᐊᕈᑎᒋᔭᕗᑦ, ᑭᓯᐊᓂ ᑐᑭᓯᓇᖅᑐᒥ ᑐᓴᖅᑎᒋᐊᖃᕐᒪᑕ ᐃᒪᕐᒥᐅᑕᓕᕆᔨᒃᑯᑦ ᐃᓄᐃᑦ ᐊᒃᓱᕈᐊᖃᕐᓂᐊᕐᒪᑕ ᐱᔪᓐᓇᐅᑎᖏᓐᓂᒃ ᓄᓇᑖᕈᑎᒋᓯᒪᔭᕗᑦ ᐃᒃᐱᕆᔭᐅᑎᐊᖏᑦᑎᓪᓗᒍ,” ᐅᖃᖅᑐᖅ ᐃᒃᑐᓗᒃ. …

ᓄᓇᕗᑦ ᑐᓐᖓᕕᒃ ᑎᒥᖓᑦ ᖁᕕᐊᓱᖃᑎᖃᖅᐳᖅ ᒪᓕᒐᓕᐅᖅᑎᕐᔪᐊᒥᑦ ᓕᐅᓇ ᐊᒡᓗᒃᑲᒥᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᖁᕕᐊᓱᖃᑎᖃᖅᐳᖅ ᐃᓚᒋᔭᐅᔪᒥ ᑲᓇᑕᒥ ᒪᓕᒐᓕᐅᕐᕕᐊᒡᔪᐊᖓᓐᓄᑦ ᓕᐅᓇ ᐊᒡᓘᒃᑲᕐᒥᑦ ᓵᓚᒃᓴᕐᓂᐊᓄᑦ ᑐᖏᓕᐊᓂ ᐃᓕᓂᐊᓄᑦ ᑲᓇᑕᒥ ᒪᓕᒐᓕᐅᕐᕕᒃᔪᐊᒧᑦ ᐃᑉᐸᒃᓴᖅ.
“ᓂᕆᐅᒃᑐᖓ ᑲᔪᓯᓂᐊᕐᓂᕐᒥᑦ ᑕᒪᓐᓄᑦ ᐱᓕᕆᖃᑎᒌᑦᑎᐊᕐᓂᕐᒧᑦ ᐃᓚᒋᓗᒍ ᐊᒡᓘᒃᑲᖅ. ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪᓗ ᒫᓐᓇ ᒐᕙᒪᐅᓂᐊᖅᑐᑦ ᑲᓲᕕᑎᕝ ᒐᕙᒪᖓᑦ ᐊᑯᓂᐊᓗᒃ ᐊᒃᑐᐊᖃᑎᒌᒃᓯᒪᓂᖏᑦ, ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕆᐅᒃᑐᑦ ᐱᐊᓂᒃᓯᓂᐊᕐᓂᕐᒥᑦ ᐃᓗᐃᑦᑐᒥᑦ ᐊᑐᓕᖅᑎᑦᑎᕙᓪᓕᐊᓂᕐᒥᑦ ᐃᓂᓪᓚᐃᓂᒃᑯᑦ ᐅᑯᓂᖓ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᑦ ᐱᓕᕆᖃᑎᒋᓗᒍ ᐊᖓᔪᖅᑳᕐᔪᐊᖓᑦ ᑲᓇᑕᐅᑉ ᓯᑏᕙᓐ ᕼᐋᐸ ᐃᓗᐃᑦᑑᓗᑎᒃ ᐊᐅᓚᑦᑎᓂᐊᕐᓂᕆᔭᖓᑦ ᒐᕙᒪᐅᓗᑎᒃ,” ᐅᖃᖅᑐᖅ ᑕᐅᑐᖏ.
“ ᓂᕆᐅᑦᑎᐊᖅᑐᖓ ᑲᑎᖃᑎᒋᓂᐊᕋᑉᑯ ᐊᒡᓘᒃᑲᖅ ᐊᔪᕐᓇᖏᓕᑐᐊᖅᐸᑦ ᒫᓐᓇᕈᓗᒃ ᑲᔪᓯᓗᑦ ᐅᖃᖃᑎᒌᒍᑎᒋᓗᑦ ᐊᔾᔨᒌᖏᑦᑐᑦ ᐱᔾᔪᑎᑦ, ᐊᒻᒪᓗ …

(English) Taima TB Radio Shows

Sorry, this entry is only available in English.

ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᑦ ᓄᑖᖑᖅᑎᑕᖏᑦ ᑐᓂᓯᒪᓂᖏᑦ ᐱᓕᕆᖃᑎᒌᒃᓂᒃᑯᑦ

ᐋᔩᖃᑎᒌᒃᓂᖅ ᓄᑖᑦ ᐱᓕᕆᖃᑎᒌᒃᓂᑦ ᐃᓚᒌᔪᑦ ᐅᑯᓂᖓ ᐃᖅᑲᓇᐃᔭᖃᑎᒌᑦ, ᐊᑎᓕᐅᖅᑕᐅᖃᐅᔪᑦ ᐅᑉᓗᒥ ᓯᕗᓕᖅᑎᑦ ᐄᕙ ᐋᕆᐊᒃᑯᒧᑦ ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ. ᐋᔩᖃᑎᒌᒃᓂᖅ ᐊᖏᔪᓂᑦ ᐃᓕᖓᑎᑦᑎᔪᑦ ᐱᓕᕆᖃᑎᒌᒃᓂᕐᒧᑦ ᐊᒃᑐᐊᖃᑎᒌᒃᓂᐅᔪᓂᑦ ᐃᒪᓐᓇ ᐊᐅᓪᓗᔾᔨᓗᑎᒃ ᓴᖏᓂᖅᓴᓂᑦ ᐃᓚᒌᒃᓂᒃᑯᑦ ᑲᑐᔾᔨᓗᑎᒃ ᒪᑯᓄᖓ ᐃᑲᔪᖅᑐᐃᓂᕐᒥᑦ ᓇᖕᒥᓂᖅᓱᑉᓂᑉᒧᑦ, ᖁᒡᕙᖅᑎᕐᓗᒋᑦ ᐃᓕᖓᔪᑦ ᖃᐅᑕᒫᖅᓯᐅᑎᑦ ᐃᓅᓇᓱᐊᕐᓂᖏᓐᓄᑦ ᐃᓄᐃᑦ, ᐊᒻᒪᓗ ᐱᓕᕆᖃᑎᒌᒃᓗᑎᒃ ᐊᑕᐅᑦᑎᒃᑯᑦ ᓴᖅᑭᑦᑎᓂᕐᒥᑦ ᐊᒻᒪᓗ ᓄᑖᖑᖅᑎᕐᓗᒋᑦ ᐊᑐᐊᒐᐃᑦ, ᐱᓕᕆᐊᑦ, ᐱᔨᑦᑎᖃᕈᑎᑦ, ᐊᒻᒪᓗ ᐱᖁᔭᐃᑦ ᒪᓕᒐᑦ
“ᐅᓇ ᐸᐃᑉᐹᖅ ᑕᑯᒃᓴᐅᑎᑦᑎᔪᖅ ᐊᖏᖃᑎᒌᒃᓯᒪᓂᒃᑯᑦ ᐱᓕᕆᖃᑎᒌᑦᑎᐊᕐᓂᕐᒥᑦ ᐊᑯᓐᓇᖏᓐᓂᑦ ᐅᑯᐊ ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᑦ,” ᐅᖃᖅᑐᖅ ᓯᕗᓕᖅᑎ ᐄᕙ ᐋᕆᐊᒃ. “ᑕᑯᒃᓴᐅᑎᑦᑎᔪᖅ ᐅᕙᒍᑦ ᑕᒪᑦᑕ ᓄᑖᖑᖅᑐᖅ ᑐᓂᓯᒪᖃᑦᑕᐅᑎᓂᕗᑦ …

ᐊᖓᔪᖅᑳᖅ ᐃᕙᓕᒃ ᑐᓂᔾᔪᓯᐊᖅᑎᑕᐅᔪᖅ ᐅᐱᓇᖅᑐᒥᑦ ᖁᑦᑎᖕᓂᖅᐹᒃᑯᑦ ᒪᓕᒐᓕᕆᓂᕐᒧᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᓪᓗᒥ ᖁᕕᐊᓲᑎᖃᖅᑐᖅ ᐃᖅᑲᓇᐃᔭᖃᑎᐊᓂᒃ ᐊᒻᒪᓗ ᐃᓅᖃᑎᖓᓂᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑲᑎᒪᔨᖏᓐᓂ ᓵᓕ ᐃᕙᓕᒃ ᑐᓂᔭᐅᑎᓪᓗᒍ ᐅᐱᓇᖅᑐᒃᑯᑦ ᖁᑦᑎᖕᓂᖅᐹᒥᑦ ᒪᓕᒐᓕᕆᓂᕐᒧᑦ ᐃᓕᑕᕆᔭᐅᔾᔪᑎᒥᑦ ᐅᑯᓇᖓᑦ ᓯᓚᑦᑐᖅᓴᕐᕕᒃᔪᐊᖓᓐᓂ ᐃᐅᐴᑕ. ᐃᕙᓕᒃ ᑐᓂᔭᐅᓂᐊᖅᑐᖅ ᐅᐱᒋᔭᐅᓗᓂ ᑕᖅᑭᐅᓂᐊᖅᑐᒥ ᐅᑯᓇᖓᑦ ᓯᓚᒃᑐᖅᓴᕐᕕᒃᔪᐊᒥ ᑲᑎᓐᓂᐅᓂᐊᖅᑐᒥᑦ ᐱᕕᒃᔪᐊᕐᓗᑎᒃ ᔫᓐ-ᒥ.
“ᖁᕕᐊᓱᖃᑎᒋᑦᑎᐊᖅᑕᕋ ᓵᓕ. ᐅᑭᐅᓄᑦ ᐊᒥᓱᓄᑦ ᓴᐱᓕᕈᓐᓇᕋᓂ, ᑐᓂᓯᒪᒻᒪᕆᒃᓯᒪᔪᖅ ᐊᒻᒪᓗ ᑕᐅᑐᖃᑎᒋᓯᒪᔭᖏᑦ ᐃᓅᖃᑎᓂ ᐃᓕᑕᕆᔭᐅᕗᖅ ᐊᒃᓱᐊᓗᒃ ᐊᖏᔪᒥᑦ ᐱᐊᓂᒃᓯᓯᒪᔪᖅ”, ᐅᖃᖅᑐᖅ ᑕᐅᑐᖏ. “ ᐸᑦᑕᒃᑐᖅᐸᕋ ᓵᓕ ᓇᖕᒥᓂᖅ ᐊᒻᒪᓗ ᐃᖅᑲᓇᐃᔭᖃᑎᒋᓪᓗᒍ.”
ᓯᓚᑦᑐᖅᓴᕐᕕᒃᔪᐊᖅ ᑐᓂᓯᔪᑦ ᐅᐱᒋᓪᓗᒍ ᓵᓕ ᐱᔾᔪᑎᒋᓪᓗᒍ ᐊᑯᓂᐊᓗᒃ ᑐᓂᓯᓯᒪᓂᐊ ᓄᓇᕗᒧᑦ ᐊᒻᒪᓗ ᐃᓄᖕᓄᑦ.
ᐃᕙᓕᒃ ᒫᓐᓇᓵᖅ ᓂᕈᐊᖅᑕᐅᑲᓐᓂᓚᐅᖅᑐᖅ ᐊᖓᔪᖅᑳᖑᓂᕐᒧᑦ ᐅᑯᓄᖓ …

(English) Implementation Monitoring Coordinator

Sorry, this entry is only available in English.

ᐃᒥᐊᓗᖕᒧᑦ ᐊᔪᓕᖅᓯᒪᔪᑦ ᐊᖑᖅᑐᖅᑕᐅᕙᒐᑎᒃ ᓯᕗᓪᓕᖅᐹᖑᓪᓗᓂ ᑲᓇᑕᐅᑉ

ᐅᑭᐅᖅᑕᖅᑐᐊᑕ ᑲᖕᓇᖓᓂ ᑲᑎᒪᓂᕐᔪᐊᕆᔭᖅ ᐅᑯᓄᖓ ᑲᑎᒪᑎᑦᓯᖃᑎᖃᖅᑐᑦ ᐃᒥᐊᓗᖕᒧᑦ ᐃᓚᓖᑦ, ᐊᓐᓇᐅᒪᔪᓐᓇᕐᓂᒥ ᐅᖃᐅᓯᓪᓗᑕᖃᕐᓗᑎᒃ.
ᐃᖃᓗᓐᓂ ᔫᓂ 24-26ᒧᑦ, ᓯᓚᒃᑐᓴᕐᕕᐅᑉ ᑐᔪᕐᒥᕕᖓᓂ.
ᐆᒧᖓ ᖃᐅᔨᒋᐊᕐᕕᓴᖅ: www.aa90.org/survival

ᐱᕙᓪᓕᐊᔪᑎᒍᑦ ᑐᓴᕋᑦᓴᖅ ᕿᑎᕐᒥᐅᑦ ᓂᕈᐊᕐᒪᑕ – ᓇᓗᓇᐃᒃᑯᑕᖅ ᖃᑦᓯᓂᒃ ᐊᖓᔪᖅᑳᖅ ᓂᕈᐊᖅᑕᐅᓂᖓ

ᓂᕈᐊᖅᑐᓕᕆᔨᐅᔪᖅ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓄ ᓇᓗᓇᐃᖅᓯᕗᖅ ᓈᓴᖅᑕᐅᓂᖏᓐᓂᒃ ᖃᑦᓯᐅᓂᖏᑦ ᓂᕈᐊᖅᑕᐅᓂᖏᑕ ᐊᖏᔪᖅᑳᒧᑦ ᒫᑦᓯ 28, 2011, ᐃᒪᐃᓕᖓᔪᑦ:
ᓂᕈᐊᖅᑕᐅᔪᖅ/ ᖃᑦᓯᓂᒃ
ᓂᕈᐊᒐᒃᓴᐅᔫᑉ ᐊᑎᖓ ᓂᕈᐊᖅᑕᐅᙱᑦᑐᖅ ᓂᕈᐊᖅᑕᐅᓂᖏᑦ
ᕕᕕᐊᓐ ᐊᕐᓇᕕᖓᖅ ᓂᕈᐊᖅᑕᐅᙱᑦᑐᖅ 160
ᓵᓕ ᐃᕙᓕᒃ ᓂᕈᐊᖅᑕᐅᔪᖅ 476
ᔫ ᐅᑐᕿᐊᖅ ᓂᕈᐊᖅᑕᐅᙱᑦᑐᖅ 232
ᐃᖃᓗᒃᑑᑦᑎᐊᕐᒥ ᑎᑎᖃᖅᑕᐅᔪᖅ ᒫᑦᓯ 28, 2011
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᓴᕆᐊᕐᕕᒋᒍᒃ:
ᒪᕐᑏᓇ ᒪᓂᔪᕇᓇ
ᓂᕈᐊᖅᑐᓕᕆᔨ
ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ
ᐃᖃᓗᒃᑑᑦᑎᐊᖅ, ᓄᓇᕗᑦ
ᐅᖄᓚᐅᑎᖓ: 1-867-983-2458

ᐃᓱᓕᕝᕕᒃ ᐅᑯᓄᖓ ᓄᓇᑖᕐᓂᕐᒧᑦ ᐃᖅᑲᐅᒪᔾᔪᑎᒃᓴᒧᑦ ᐱᓇᓱᐊᕈᓯᖅ

ᐃᓱᓕᕝᕕᒃᓴᖅ ᐆᒃᑐᖅᑐᓄᑦ ᓴᓇᖑᐊᕐᓂᕐᒧᑦ ᐃᖅᑲᐅᒪᔾᔪᑎᒃᓴᓄᑦ ᖁᕕᐊᓲᑎᒋᓗᒍ 20 ᐊᕐᕌᒍᓂᑦ ᓇᓪᓕᐅᓐᓂᖅᓯᐅᖅᑎᓪᓗᒋᑦ ᐅᑯᓄᖓ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᑦ ᐱᓇᓱᐊᕈᓯᐊᓂ, ᒫᔾᔨ 31, 2011.
ᐃᓱᓕᕝᕕᒃᓴᖅ ᐃᓱᓕᑉᐸᑦ ᒪᑐᔭᐅᓗᓂ, ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕈᐊᖅᓯᖅᑎᑦ ᑲᑎᒪᔨᕋᓛᖏᑦ ᑲᑎᓐᓂᐊᖅᑐᑦ ᐊᒻᒪᓗ ᕿᒥᕐᕈᔨᐅᓂᐊᖅᑐᑦ ᓂᕈᐊᖅᑎᐅᓗᑎᒃ ᑕᑕᑎᕈᑕᐅᓯᒪᔪᓂᑦ. ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕈᐊᕐᓂᐊᖅᑐᑦ ᐊᑕᐅᓯᕐᒥᑦ ᓴᓇᖑᐊᖅᑎᒥᑦ ᐊᑐᓂᑦ ᓄᓇᕗᑦ ᐊᕕᒃᑐᖅᓯᒪᔪᖏᓐᓂᑦ ᓴᓇᓂᐊᖅᑐᓂᑦ ᓴᖅᑭᑦᑎᓗᑎᒃ ᐃᖅᑲᐅᒪᔾᔪᑎᒃᓴᒥᑦ. ᐊᑐᓂᑦ ᓴᓇᖑᐊᖅᑎᑦ ᐱᓕᕆᐊᖃᕐᓂᐊᖅᑐᑦ ᐃᓕᓐᓂᐊᖅᑐᒥᑦ ᑕᒪᑦᓱᒧᖓ ᐱᓕᕆᐊᒧᑦ.
ᓂᕈᐊᖅᑕᐅᔪᑦ ᑕᒪᕐᒥᒃ ᑎᑭᑎᑕᐅᖃᑦᖃᕐᓂᐊᖅᑐᑦ ᐃᖃᓗᖕᓄᑦ ᐱᖓᓱᓄᑦ ᐊᐅᔭᓄᑦ ᐃᓕᖓᓗᑎᒃ ᑎᑎᖅᑐᒐᐃᓂᕐᒥᑦ, ᓴᓇᖑᐊᕐᓂᕐᒥᑦ, ᐊᒻᒪᓗ ᒪᑭᑎᑦᑎᓂᕐᒥᑦ ᐃᖅᑲᐅᒪᔾᔪᑎᒃᓴᓂᑦ. ᓴᖅᑭᑦᑕᐅᓛᖅᑐᖅ ᐅᓖᖅᑕᐅᓗᓂ ᑕᑯᔭᐅᓂᐊᕐᓗᓂᓗ ᐅᑉᓗᐊᓂ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᑦ ᓇᓪᓕᐅᓐᓂᖅᓯᐅᖅᑎᓪᓗᒋᑦ ᔪᓚᐃᑦ 9, 2013. …

ᑕᐃᒪ ᐳᕙᓪᓗᓐᓇᖅ ᐅᓂᒃᑳᖓ ᓯᓚᕐᔪᐊᒥ ᐳᕙᓪᓗᓐᓇᐅᑉ ᐅᓪᓗᖓᓄᑦ

ᑕᐃᒪ ᐳᕙᓪᓗᓐᓇᖅ ᓄᑖᖑᔪᖅ ᐋᓐᓂᐊᖅᑐᓕᕆᓂᕐᒧᑦ ᓴᖅᑭᔮᖅᑎᑕᐅᓂᐊᑐᖅ ᐱᒋᐊᕐᓗᓂ ᐄᐳᕈᒥ ᓴᖅᑭᔮᕈᑕᐅᑲᓐᓂᕐᓂᐊᕐᓗᓂ ᓴᐳᒻᒥᔾᔪᑎᒃᓴᓄᑦ ᐳᕙᓪᓗᓐᓇᖅᑐᒥ(TB) ᓄᓇᕗᒻᒥ. ᑖᓐᓇ ᐱᓕᕆᐊᖑᔪᖅ ᒪᕐᕈᐃᓕᖅᑲᖓᔪᖅ.
ᓯᕗᓪᓕᖅ 1 ᐱᓕᕆᐊᖑᔪᒥ ᐅᔾᔨᕈᓱᓕᖅᑎᑦᓯᒃᑲᓐᓂᕋᓱᐊᕐᓂᖅ ᐳᕙᓪᓗᓐᓇᕐᒥᒃ ᐊᒻᒪ ᖃᐅᔨᒪᔭᐅᓂᖓᓂᒃ ᐃᖃᓗᓐᓂ ᑲᑎᑎᑦᓯᖃᑦᑕᕐᓂᒃᑯᑦ, ᑕᐅᑐᒃᑕᑐᐊᖑᑲᐃᓐᓇᖅᑐᑦ, ᑐᓴᒐᒃᓴᓕᐅᕈᑎᑎᒍᑦ (ᐃᑭᐊᕐᕆᕝᕖᑦ, ᐊᐅᓚᔫᑎᒍᑦ, ᖃᕆᓴᐅᔭᑎᒍᑦ). ᓄᓇᓕᖕᓂ ᑲᑎᒪᑎᑦᓯᓛᖅᑐᑦ ᐃᐳᕈ 5, 2011-ᒥ, ᐃᖃᓗᖕᓂ, ᑭᓇᑐᐃᓐᓇᖅ ᐃᓚᐅᔪᒪᔪᖅ ᖃᐅᔨᒃᑲᐃᔪᓐᓇᑐᖅ ᑕᐃᒪ ᐳᕙᓪᓗᓐᓇᖅ ᐊᒡᓚᕕᐊᓂᒃ ᐅᕗᖓ 975-4813.
ᑭᖑᓪᓕᖅ 2 ᐳᓚᕋᓪᓗᑎᒃ ᐳᕙᓪᓗᓇᕐᒥᒃ ᐅᔾᔨᕈᓱᓕᖅᑎᑦᓯᕙᓪᓕᐊᓇᓱᐊᕐᓂᖅ ᓄᓇᓕᖕᒥ ᐊᒻᒪ ᐊᖏᕐᕋᒥ ᑐᑭᓯᒋᐊᖅᑎᑦᓯᖃᑦᑕᕐᓂᖅ, ᖃᐅᔨᓴᕐᓂᖅ ᐊᒻᒪ ᐃᓅᓕᓴᐅᑎᓄᑦ ᓯᓂᑦᑐᖅ/ᓄᖅᑲᖓᔪᖅ ᐳᕙᓪᓗᓐᓇᑐᖅ (LTBI). ᑭᓇᑐᐃᓐᓇᖅ ᐃᖅᑲᓇᐃᔭᕈᒪᔪᖅ ᐳᕙᓪᓗᓐᓇᖅᑐᓕᕆᓂᕐᒧᑦ ᖃᐅᔨᒋᐊᕈᓐᓇᕐᑐᖅ ᑐᙵᕕᒃᑯᑦ ᐃᑭᐊᕐᕆᕕᐊᓄᑦ (www.tunngavik.com) ᐅᕝᕙᓘᓐᓃᑦ ᐅᖄᓚᓗᑎᑦ ᑕᐃᒪ ᐳᕙᓪᓗᓐᓇᖅ …

ᕿᒥᕐᕈᔭᐅᓂᖓ ᓄᖑᑦᓱᐃᑦᑐᓕᕆᓂᕐᒧᑦ ᐊᑐᐊᒐᖅ

ᓄᓇᕗᑦ ᑐᙵᕕᒃ ᑎᒥᖓᑦᑕ ᑲᑎᒪᔨᖏᑦ ᐊᑕᖏᖅᖢᑎᒃ ᓈᒻᒪᓴᓚᐅᖅᓯᒪᔪᑦ ᐊᑐᓕᖁᔨᓪᓗᑎᒡᓗ ᐊᑐᐊᒐᕐᒥᒃ ᓄᖑᑦᓱᐃᑦᑐᓯᐅᓂᕐᒧᑦ ᓄᓇᕗᒻᒥ ᓯᑎᐱᕆ, 2007-ᖑᑎᓪᓗᒍ.
ᐊᑐᐊᒐᖅ ᕿᒥᕐᕈᔭᐅᓚᐅᖃᑦᑕᕆᐊᖃᖅᑐᖅ. ᓄᓇᕗᑦ ᑐᙵᕕᒃᑯᑦ ᕿᒥᕐᕈᓂᐊᖅᑐᑦ ᐊᑐᐊᒐᕐᒥᒃ ᑖᓐᓇ ᐃᓄᓐᓄᑦ ᑐᕌᖓᑦᓯᐊᕋᓗᐊᕐᒪᖔᖅ ᓄᓇᕗᒻᒥ. ᑐᙵᕕᒃᑯᑦ ᑐᑭᓯᓯᒪᑦᓯᐊᖅᑐᑦ ᓄᖑᑦᓱᐃᑦᑐᓕᕆᕙᓪᓕᐊᓂᖅ ᐃᑲᔪᖅᑐᑦᑕᐅᓯᒪᔭᕆᐊᖃᕐᓂᖓᓂᒃ ᐃᓄᓐᓄᑦ, ᐱᓗᐊᖅᑐᒥᒃ ᓄᓇᓖᑦ ᖃᓂᒃᓴᖅᑐᑦ ᓄᖑᑦᓱᐃᑐᓕᕆᕕᐅᔪᓂ. ᑐᙵᕕᒃᑯᑦ ᕿᒥᕐᕈᓂᐊᖅᑐᑦ ᓄᖑᑦᓱᐃᑦᑐᓕᕆᓂᕐᒧᑦ ᐊᑐᐊᒐᖓᓂᒃ ᓄᓇᕗᑦ ᒐᕙᒪᒃᑯᑦ ᐱᔭᕇᖅᐸᑕ ᓄᖑᑦᓱᐃᑦᑐᓕᕆᓂᕐᒧᑦ ᑐᓴᕆᐊᕐᓂᕆᔭᖏᓐᓂᒃ.
ᕿᒥᕐᕈᓂᖃᖅᑎᓪᓗᒋᑦ, ᑐᙵᕕᒃᑯᑦ ᐃᓱᒪᒋᐊᕐᓂᐊᖅᑐᑦ ᒪᓕᒐᑎᒍᑦ ᐊᑐᖅᑕᐅᔭᕆᐊᓕᖕᓂᒃ.
ᑐᙵᕕᒃᑯᑦ ᖃᐃᖁᔨᕗᑦ ᐃᓄᖕᓂᒃ, ᒐᕙᒪᒃᑯᓐᓂ ᐊᒻᒪ ᓴᓇᕕᐅᔪᓂᒃ ᑎᑎᕋᖁᓪᓗᒋᑦ ᐅᕙᑦᑎᓐᓄᑦ ᖃᓄᖅ ᐃᓱᒪᒋᔭᖃᕐᒪᖔᑕ ᒫᓐᓇ ᓄᖑᑦᓱᐃᑦᑐᓕᕆᓂᕐᒧᑦ ᐊᑐᐊᒐᐅᔪᒥᒃ.
ᑖᓐᓇ ᐊᑐᐊᒐᖅ ᓄᖑᑦᓱᐃᑦᑐᓯᐅᓂᕐᒧᑦ ᓄᓇᕗᒻᒥ ᐃᓕᖓᓂᐊᑐᖅ ᐋᖅᑭᒋᐊᖅᑕᐅᓚᐅᖏᓐᓂᖓᓂ ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᓐᓄᑦ.

ᐃᖅᑲᓇᐃᔮᒃᓴᖅ ᑕᐃᒪ ᐳᕙᓪᓗᖕᓂᖅ

ᑕᐃᒪ ᐳᕙᓪᓗᖕᓂᖅ ᐊᖏᕐᕋᒧᑦ ᐃᓯᖃᑦᑕᕐᓂᕐᒥᑦ ᖃᐅᔨᓴᕐᓂᕐᒧᑦ ᐃᖅᑲᓇᐃᔮᖅ ᐊᑐᖅᑕᐅᓂᐊᖅᑐᖅ ᐃᖃᓗᓐᓂ ᐅᑭᐅᓕᒫᒧᑦ. ᑕᒪᓐᓇ ᐃᖅᑲᓇᐃᔮᕆᔭᐅᔪᖅ ᐊᑐᐃᓐᓇᐅᑎᑦᑎᓂᐊᖅᑐᖅ ᐊᖏᕐᕋᒥ ᐳᕙᓪᓗᓐᓂᕐᒧᑦ ᐃᓕᓴᐃᓂᕐᒥᑦ, ᖃᐅᔨᓴᖅᑕᐅᓂᕐᒥᑦ ᐊᒻᒪᓗ ᐋᓐᓂᐊᓯᐅᑎᓄᑦ ᐃᖢᐊᖅᓴᖅᑕᐅᓂᕐᒥᑦ.
ᑕᐃᒪ ᐳᕙᓪᓗᓐᓂᖅ ᕿᓂᖅᑐᑦ ᐃᖅᑲᓇᐃᔭᖅᑎᑦᓴᒥᑦ ᐃᓄᒻᒥᑦ ᐊᑖᓂ ᐃᓕᖓᔪᑦ ᒪᓕᓪᓗᒋᑦ ᖃᐅᔨᒪᓂᐅᔭᕆᐊᓕᑦ:
• ᐃᓄᑦᑎᑐᑦ/ᖃᓪᓗᓈᑎᑐᑦ ᑐᑭᓕᐅᕆᔪᓐᓇᕐᓗᓂ
• ᓴᖏᔪᒥᑦ ᖃᐅᔨᒪᓂᖃᕐᓗᓂ ᐃᓄᐃᑦ ᐱᖅᑯᓯᖏᓐᓂᑦ ᐊᒻᒪᓗ ᓄᓇᓕᐅᑉ ᐃᓕᖓᓂᐊᓂᑦ
• ᖃᕆᓴᐅᔭᓕᕆᓂᕐᒧᑦ ᖃᐅᔨᒪᓂᖃᕐᓗᓂ
• ᓄᓇᓯᐅᑎᒧᑦ ᐊᖁᑦᑐᖅᓯᐅᑎᖃᕐᓗᓂ ᒫᓐᓇ ᐊᑐᖅᑐᒥᑦ
• ᐃᓕᓐᓂᐊᕈᑎᐊ 12-ᒥᑦ ᖁᑦᑎᓐᓂᖃᕐᓗᓂ ᐃᑲᔫᖅᓯᒍᑕᐅᓇᔭᖅᑐᖅ
ᐃᓱᒪᓂᖃᕈᕕᑦ ᐆᑦᑐᕈᓴᓂᕐᒧᑦ ᐅᑯᐊ ᐃᓚᖏᓐᓂᑦ ᐃᖅᑲᓇᐃᔮᒧᑦ, ᐊᑏ ᐅᖃᕐᕕᒋᒃᑭᑦ ᐅᑯᐊ ᑕᐃᒪ ᐳᕙᓪᓗᖕᓂᖅ ᐊᓪᓚᕝᕕᐊᑦ ᐃᓱᓕᓚᐅᖅᑎᓐᓇᒍ ᒫᔾᔨ 23, 2011 ᐅᖄᓚᓗᑎᑦ ᐅᕗᖓ 975-4813.
* ᐃᓪᓗᑦᓴᖃᖅᑎᑕᐅᖏᑦᑐᖅ ᐅᓇᓐ ᐃᖅᑲᓇᐃᔮᖅ

ᓄᓇᕗᑦ ᑐᙵᕕᒃ ᑎᒥᖓᑦ ᐊᓯᔾᔩᔪᑦ ᐅᓪᓗᖓᓂᒃ, ᓇᒦᓛᕐᓂᖓᓂᓪᓗ ᑲᑎᒪᔩᑦ ᑲᑎᒪᓂᒃᓴᖓ

ᓄᓇᕗᑦ ᑐᙵᕕᒃ ᑎᒥᖓᑦ ᐊᓯᔾᔩᔪᑦ ᐅᓪᓗᖓᓂᒃ ᐊᒻᒪ ᓇᒦᓛᕐᓂᖓᓂᒃ ᑲᑎᒪᔩᑦ ᑲᑎᒪᓂᒃᓴᖓᑕ.
ᑲᑎᒪᓂᖃᓛᓕᖅᑐᑦ ᐃᖃᓗᓐᓂ, ᐄᐳᕈ 2-ᒥ-4-ᒧᑦ, 2011.
ᑲᑎᒪᓂᒃᓴᖅ ᐊᐅᓪᓛᖅᑕᐅᔪᖅ ᓇᐅᔮᓂᒃ ᐊᑲᐅᓇᖅᑎᑦᓯᓇᓱᐊᖅᖢᑎᒃ ᓂᕈᐊᕐᓂᐅᔪᓂᒃ, ᐃᖅᑲᓇᐃᔭᖅᑏᑦ ᐱᓕᕆᐊᒃᓴᖏᓐᓂᒃ, ᐊᐅᓪᓚᕐᓂᖏᓐᓂᒃ ᐊᒻᒪ ᑐᔪᕐᒥᕕᒃᓴᖏᓐᓂᒃ.
ᓄᓇᕗᑦ ᑐᙵᕕᒃ ᑎᒥᖓᑦ ᑭᖑᓪᓕᕐᒥ ᑲᑎᒪᓂᖃᓛᖅᑐᑦ ᓇᐅᔮᓂ ᐊᒡᒌᓯ, 2011-ᒥ.