ᓴᖅᑭᖅᑎᑕᐅᑦᑕᐅᑎᒋᓗᓂ
ᐃᖃᓗᐃᑦ, ᓄᓇᕗᑦ (ᔫᓂ 10, 2026) — ᓄᓇᕗᑦ ᑐᓐᖓᕕᒃ ᑎᒥᖓᑦ (NTI) ᐊᖏᖅᓯᓯᒪᔪᑦ ᐊᒥᓱᒐᓚᓐᓂᑦ ᐊᖏᔪᓂᑦ ᐱᓕᕆᔭᐅᔪᓂᑦ ᓴᓐᖓᑦᑎᒋᐊᕐᓗᒍ ᒪᒃᑯᑦᑐᑦ ᖃᓄᐃᖏᑎᐊᕐᓂᖏᓐᓄᑦ, ᐃᓪᓗᓕᕆᓂᕐᒧᑦ, ᐊᒻᒪ ᓄᓇᓕᒻᒥᑦ ᐱᕙᓪᓕᐊᑎᑦᑎᓂᕐᒧᑦ ᓄᓇᕗᓕᒫᒥᑦ.
“ᑖᒃᑯᐊ ᐃᓱᒪᓕᐅᖅᑕᐅᔪᑦ ᑕᑯᔅᓴᐅᑎᑦᑎᔪᑦ ᐅᕙᒍᑦ ᑲᔪᖏᖅᓯᒪᓂᖏᓐᓄᑦᐃᑲᔪᕐᓗᒋᑦ ᐃᓄᐃᑦ ᒪᒃᑯᑦᑐᑦ, ᓴᓐᖓᑦᑎᒋᐊᕐᓗᒋᑦ ᐃᓗᓕᕆᓂᕐᒧᑦ ᐅᕙᒍᑦ ᓄᓇᓕᖏᓐᓂ, ᐊᒻᒪ ᓇᓗᓇᐃᕐᓗᒋᑦ ᐃᓄᐃᑦ ᑲᑐᔾᔨᖃᑎᒌᑦ ᑭᓱᓕᕆᔾᒧᑎᖃᕐᓗᑎ ᐱᔭᕆᐊᖃᖅᑕᖏᓐᓂ ᐱᔨᑦᑎᕐᓗᒋᑦ ᓄᓇᕗᒻᒥ ᐃᓄᐃᑦ,” ᐅᖃᖅᑐᖅ NTI ᐊᖏᔪᖅᑳᖅ ᒍᓘᕆᐊ ᐅᓗᖅᓯ.
ᑲᑎᒪᔩᑦ ᐊᖏᖅᓯᓯᒪᔪᑦ ᐱᖓᓱᓄᑦ ᐊᕐᕌᒍᓄᑦ $6.8 ᒥᓕᐊᓐ ᑮᓇᐅᔭᖅᑐᓂᕐᒧᑦ ᐸᕐᓇᐅᒻᒥᑦ ᓴᓐᖓᑦᑎᒋᐊᕐᓗᒋᑦ ᖃᓄᐃᖏᑎᐊᓂᕐᒧᑦ ᐱᓕᕆᐊᑦ ᐊᒻᒪ ᐱᔨᑦᑎᖅᑕᐅᔪᑦ ᓄᓇᕗᒻᒥ ᐃᓄᓐᓄᑦ ᒪᒃᑯᑦᑐᓄᑦ ᐊᒻᒪ ᓴᖅᑭᖅᑎᑕᐅᓂᖓᓄᑦ ᓄᓇᕗᒻᒥ ᒪᒃᑯᑦᑐᑦ ᑲᑎᒪᔨᖏᑦ. ᑖᓐᓇ ᑮᓇᐅᔭᖃᖅᑎᑕᐅᔪᖅ ᑲᓇᑕᐅᑉ ᒐᕙᒪᒃᑯᖏᑎᒍᑦ ᒪᒃᑯᑦᑐᑦ ᐃᓱᒪᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᑮᓇᐅᔭᐃᑦ ᐊᒻᒪ ᐃᑲᔪᕐᓂᐊᖅᑐᑦ ᐃᓄᓐᓄᑦ ᑐᑭᒧᐊᖅᑎᑕᐅᔪᓂᑦ ᐊᑐᖅᑕᐅᔪᓂᑦ ᒪᒃᑯᑦᑐᑦ ᖃᓄᐃᖏᑎᐊᕐᓂᖏᓐᓄᑦ ᐊᑯᓐᓂᖏᓐᓂ 2025-26 ᐊᒻᒪ 2028-29.
ᐊᖏᖅᑕᐅᓯᒪᔪᖅ ᐸᕐᓇᐅᑦ ᑕᑯᔅᓴᐅᑎᑦᑎᔪᖅ ᓄᓇᕗᑦ ᑐᓐᖓᕕᒃᑯᑦ ᐊᑐᖅᑕᐅᓂᐊᖅᑐᒥᑦ ᑐᑭᒧᐊᖅᑕᖓᓂ ᐊᒻᒪ ᐊᑯᓂᐅᔪᒧᑦ ᑲᔪᖏᖅᓯᒪᓂᖏᓐᓄᑦ ᐃᓄᓐᓄᑦ ᒪᒃᑯᑦᑐᓄᑦ. ᓯᕗᒧᒋᒋᐊᖅᑎᑦᑎᒋᐊᖅᑐᑦ ᑲᔪᖏᖅᑕᐅᓯᒪᒧᓂᑦ ᐅᕙᓂ ᐃᓄᖕᓂᒃ ᒪᑭᑉᐸᓪᓕᐊᑎᑦᑎᓂᖅ ᓴᖅᑭᑎᑕᐅᓗᑎ ᓄᓇᕗᒻᒥ ᒪᒃᑯᑦᑐᑦ ᑲᑎᒪᔨᖏᑦ ᐱᓕᕆᖃᑎᖃᖅᑐᑎᑦ ᐊᕕᑦᑐᖅᓯᒪᔪᓂᑦ ᐃᓄᐃᑦ ᑲᑐᔾᔨᖃᑎᒌᓂᑦ, ᐃᑲᔪᖅᑐᑦᑭᓱᓕᕆᔾᔪᑎᓄᑦ ᑮᓇᐅᔭᓕᐊᓂ ᐸᐸᑦᑎᔩᑦ ᐊᑐᐊᒐᖓ ᐱᓕᕆᐊᓪᓗᐊᑕᖃᖅᑐᑦ ᐱᓕᕆᑎᑦᑎᓂᕐᒥᑦ ᒫᓐᓇᐅᒧᒥᑦ ᑭᖑᕚᕆᔭᐅᔪᓂᑦ ᐊᒻᒪ ᑐᓂᓯᓂᖃᖅᑐᑎᑦ ᑐᕌᒐᖏᓐᓂ ᐃᓅᓯᕗᑦ ᐊᓐᓂᓇᖅᑐᑦ ᓴᓐᖓᑦᑎᒋᐊᖅᑐᒋᑦ ᒪᒃᑯᑦᑐᑦ ᓯᕗᓕᖅᑎᐅᓂᕐᒧᑦ ᐊᒻᒪ ᑭᒡᒐᖅᑐᐃᓂᕐᒧᑦ.
“ᒪᒃᑯᑦᑐᕗᑦ ᐃᓄᐃᑦ ᐅᕙᑦᑎᓐᓂ ᐅᖃᐅᔾᔨᓯᒪᔪᑦ ᑐᓴᖅᑕᐅᔪᒪᓪᓗᑎ, ᐃᓚᒋᔭᐅᖃᑕᐅᓗᑎ, ᐊᒻᒪ ᐃᑲᔪᖅᑕᐅᓗᑎ,” ᐅᖃᖅᑐᖅ NTI ᐊᖏᔪᖅᑳᖓ ᒍᓘᕆᐊ ᐅᓄᖅᓯ. “ᑖᓐᓇ ᐱᓕᕆᑎᑦᑎᓂᐅᔪᖅ ᐃᑲᔪᕐᓂᐊᖅᑐᖅ ᐱᕕᔅᓴᖃᒃᑦᑲᓂᖅᑎᑦᑎᓗᑎ ᒪᒃᑯᑦᑐᑦ ᓯᕗᓕᖅᑎᐅᓂᕐᒧᑦ, ᓴᓐᖓᑦᑎᒋᐊᕐᓗᒍ ᐃᓱᒪᒃᑯᑦ ᖃᓄᐃᖏᑎᐊᓂᕐᒧᑦ ᐃᑲᔪᖅᑕᐅᓂᐅᔪᓄᑦ ᓄᓇᓕᑦᑎᓐᓂ, ᐊᒻᒪ ᓇᓗᓇᐃᖅᓯᓗᓂ ᐃᓄᐃᑦ ᒪᒃᑯᑦᑐᑦ ᓴᓐᖑᓂᖅᓴᒥᑦ ᓂᐱᖃᕐᓗᑎ ᐃᓱᒪᓕᐅᖅᑕᐅᔪᓄᑦ ᐊᑦᑐᐃᓂᖃᖅᑐᓂᑦ ᓯᕗᓂᔅᓴᖏᓐᓂ.”
ᑮᓇᐅᔭᖃᖅᑎᑕᐅᓂᖓ ᐃᑲᔪᕐᓂᐊᖅᑐᖅ ᐊᖏᓪᓕᒋᐊᖅᓯᒪᒧᓂᑦ ᒪᒃᑯᑦᑐᓄᑦ ᑐᕌᖓᔪᓂᑦ ᖃᓄᐃᖏᑎᐊᓂᕐᒧᑦ ᐱᓕᕆᐊᓕᐅᓂᕐᒥᑦ, ᓄᓇᓕᒻᒥᑦ ᑐᓐᖓᓂᖃᖅᑐᑦ ᐃᓱᒪᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᔭᐅᔪᓂᑦ, ᓯᕗᓕᖅᑎᐅᓂᕐᒧᑦ
ᐱᕙᓪᓕᐊᑎᑦᑎᕕᔅᓴᐅᔪᓐᓇᖅᑐᓂᑦ, ᐊᒻᒪ ᓴᖅᑭᖅᑎᑕᐅᓂᖏᓐᓄᑦ ᓴᓇᓯᒪᔪᑦ ᐃᓄᐃᑦ ᒪᒃᑯᑦᑐᑦ ᐃᓚᒋᔭᐅᔪᓐᓇᕐᓗᑎ ᒥᔅᓯᖃᑦᑎᐊᖅᑐᓂᑦ ᐋᖅᑭᑦᑕᐅᓂᖓᓄᑦ ᓯᕗᓂᔅᓴᖓ ᓄᓇᕗᑦ.
ᑲᑎᒪᔩᑦ ᐊᖏᖅᓯᓯᒪᔪᑦ ᑐᓂᐅᖅᑲᖅᐅᓂᖏᓐᓄᑦ $18.7 ᒥᓕᐊᓐ ᕿᑐᓐᖏᐅᕈᑎᓂᑦ ᑮᓇᐅᔭᓕᐊᖑᓯᒪᒧᓂᑦ ᐊᑐᖅᑐᔅᓴᓂᑦ 2022 ᐃᓗᖃᓂᕐᒧᑦ ᑮᓇᐅᔭᐃᑦ ᑮᓇᐅᔭᓕᐅᕋᓱᐊᓂᕐᒧᑦ.
ᑮᓇᐅᔭᖃᖅᑎᑦᑎᓂᖅ ᑐᓂᐅᖅᑲᖅᑕᐅᓂᐊᖅᑐᑦ ᐃᒪᐃᓕᖓᓗᑎ:
- ᓄᓇᕗᑦ ᑐᓐᖓᕕᒃ ᑎᒥᖓᑦ: $5.7 ᒥᓕᐊᓐ
- ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ: $6.6 ᒥᓕᐊᓐ
- ᑭᕙᓪᓕᕐᒥᑦ ᐃᓄᐃᑦ ᑲᑐᔾᔨᖃᑎᒌᖏᑦ: $3.6 ᒥᓕᐊᓐ
- ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ: $2.8 ᒥᓕᐊᓐ
ᑖᓐᓇ ᓇᓗᓇᐃᖅᓯᔪᖅ ᕿᑐᓐᖏᐅᕈᑎᓂᑦ ᑮᓇᐅᔭᓕᐊᑦ ᑮᓇᐅᔭᓕᐅᕋᓱᐊᓂᕐᒥᑦ ᑐᕌᖅᑎᑕᐅᓗᑎ ᐃᓗᐃᑦ ᐃᓪᓗᖃᓂᕐᒧᑦ ᓯᕗᓪᓕᐅᔾᔭᐅᔭᕆᐊᓕᓐᓄᑦ ᓄᓇᕗᓕᒫᒥᑦ.
“ᑮᓇᐅᔭᖅᑐᓗᐊᖏᑦᑐᑦ ᐃᓪᓗᖃᓂᕐᒥᑦ ᐱᔭᐅᔭᕆᐊᖃᓪᓚᕆᑦᑐᑦ ᐅᕙᒍᑦ ᓄᓇᓕᖏᓐᓂ, ᐊᒻᒪ ᐱᓕᕆᐊᓪᓗᐊᑕᖃᖅᑐᒍᑦ ᖁᕝᕙᕆᐊᖅᑎᑕᐅᓂᖏᓐᓄᑦ ᐃᓄᐃᑦ ᐃᓚᒋᔭᐅᖃᑕᐅᓂᖏᓐᓄᑦ ᓴᓇᔭᐅᓂᖓᓄᑦ,” ᐅᖃᖅᑐᖅ ᐊᖏᔪᖅᑳᖅ ᐅᓗᖅᓯ.
ᓯᕗᒧᑦᑎᒋᐊᕐᓗᒍ ᐃᑲᔪᓱᖅᑐᖅ ᐃᓪᓗᖃᓂᕐᒧᑦ ᓄᓇᕗᒻᒥ, ᑲᑎᒪᔩᑦ ᐊᖏᖅᓯᓚᐅᖅᑐᑦ ᐊᑐᖅᑕᐅᓂᖏᓐᓄᑦ ᐊᑐᖅᑐᔅᓴᐃᑦ 2022−ᒥᑦ ᐃᓄᐃᓐᓂᑦ ᐃᑲᔪᖅᑐᓂᑦ ᐃᓪᓗᖃᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ ᓯᕗᒧᒋᐊᖅᑎᑕᐅᓗᓂ ᐊᓪᓛᖅᑎᑕᐅᓂᖏᓐᓄᑦ ᐃᓪᖃᓂᕐᒧᑦ ᐱᓕᕆᐊᑦ ᖃᒪᓂᑦᑐᐊᒥ, ᐅᖅᓱᖅᑑᖅ, ᐸᓐᓂᖅᑑᖅ, ᐊᒻᒪ ᓴᓂᑭᓗᐊᖅ.
“ᐃᑲᔪᓱᖅᑐᑦ ᐃᓪᓗᖃᓂᕐᒧᑦ ᐃᑲᔪᖅᑐᑦ ᐃᓄᐃᑦ ᐱᒧᓐᓇᕐᓗᑎ ᐃᓪᓗᖃᑦᑎᐊᓂᕐᒧᑦ ᐱᖃᑦᑕᕐᓗᑎ ᐱᔨᑦᑎᖅᑕᐅᓂᖏᓐᓄᑦ ᐱᔭᕆᐊᖃᖅᑕᖏᓐᓂ. ᑕᒃᑯᐊ ᐱᓕᕆᐊᑦ ᑭᒡᒐᖅᑐᐃᔪᑦ ᐱᒻᒪᕆᐅᔪᒥᑦ ᐱᓕᕆᑎᑦᑎᓂᕐᒥᑦ ᓄᓇᓕᒻᒧᑦ ᖃᓄᐃᖏᑎᐊᕐᓂᖓᓄᑦ”. ᐅᖃᖅᑐᖅ ᐊᖏᔪᖅᑳᖅ ᐅᓗᖅᓯ.
ᓄᓇᕗᑦ ᐱᓚᐅᖅᑐᑦ $422.6 ᒥᓕᐊᓐ ᒐᕙᒪᑐᖃᒃᑯᑦ ᐃᓄᐃᑦ ᐃᓪᓗᖃᓂᕐᒧᑦ ᐃᓕᐅᖅᑲᖅᑕᐅᓂᖏᓐᓄᑦ, ᑐᓂᐅᖅᑲᖅᑕᐅᔪᑦ ᐊᑐᖅᑐᑎ ᑲᑎᒪᔨᓄᑦ ᐊᖏᖅᑕᐅᓯᒪᔪᑦ ᐋᖅᑭᔅᓯᒪᔪᓂᑦ NTI−ᑯᓐᓄᑦ (30%), QIA (32%), KivIA (21%), ᐊᒻᒪ KitIA (17%). ᒪᓕᓐᓂᖃᖅᑐᑎᑦ ᐊᑭᑦᑐᕋᐅᑎᓂᖃᖅᑐᓂ ᐱᕙᓪᓕᐊᓂᖓᓂ, Arctic Fresh Ltd. ᓂᕈᐊᖅᑕᐅᓚᐅᖅᑐᑦ ᓴᖅᑭᑎᑦᑎᓗᑎ ᐊᒻᒪ ᑐᓂᓯᓗᑎ ᐊᖏᖅᑕᐅᓯᒪᔪᒥᑦ ᐊᐅᓪᓛᐸᓪᓕᐊᓂᕐᒧᑦ ᐃᓪᓗᖃᓂᕐᒧᑦ ᐱᓕᕆᐊᓄᑦ.
“ᑲᑎᒪᔨᕗᑦ ᐱᓕᕆᐊᓪᓗᐊᑕᖃᖅᑐᑦ ᓈᒻᒪᓐᓂᖃᖅᑐᓂᑦ ᖃᓄᐃᓕᓯᒋᐊᕐᓂᐅᔪᓂᑦ ᐱᐅᓯᑎᑦᑎᒋᐊᖅᑐᓂᑦ ᐃᓅᓯᖏᓐᓂ ᓄᓇᕗᒻᒥ ᐃᓄᐃᑦ. ᑖᒃᑯᐊ ᐃᓱᒪᓕᐅᕐᓂᐅᔪᑦ ᐃᑲᔪᖅᑐᑦ ᒪᒃᑯᑦᑐᑦ ᖃᓄᐃᖏᑎᐊᕐᓂᖏᓐᓄᑦ, ᐃᓪᓗᖃᓂᕐᒧᑦ, ᐊᒻᒪ ᓴᓐᖏᓂᖅᓴᓂᑦ ᓄᓇᓕᓐᓂᑦ ᓄᓇᕗᓕᒫᒥᑦ,” ᐅᖃᖅᑐᖅ ᐊᖏᔪᖅᑳᖅ ᐅᓗᖅᓯ.
ᑭᖑᓪᓕᕐᒥᑦ ᓄᓇᕗᑦ ᑐᓐᖓᕕᒃ ᑎᒥᖓᑦ ᑲᑎᒪᔨᖏᑦ ᑲᑎᒪᓂᕆᓛᖅᑕᖓ ᐋᒡᒌᓯ 25-27, 2026 ᖃᒪᓂᑦᑐᐊᓂ, ᓄᓇᕗᑦ.
-30-
ᐊᓂ ᑖᒻᓕᓐᓴᓐ
ᑐᑭᒧᐊᖅᑎᑦᑎᔨ, ᑐᓴᐅᒪᔾᔪᑎᓕᕆᓂᕐᒧᑦ
ᓄᓇᕗᑦ ᑐᓐᖓᕕᒃ ᑎᒥᖓᑦ
