ᓴᖅᑭᖅᑎᑕᐅᑦᑕᐅᑎᒋᔪᑦ
ᐃᖃᓗᐃᑦ, ᓄᓇᕗᑦ (ᔫᓂ 9, 2026) ᓄᓇᕗᑦ ᑐᓐᖓᕕᒃ ᑎᒥᖓᑦ (NTI) ᑐᔅᓯᕋᕐᕕᖏᑦ ᑲᓇᑕᐅᑉ ᒐᕙᒪᒃᑯᖏᑦ ᑲᔪᖏᖅᓯᓗᑎ ᐊᑯᓂᐅᔪᒧᑦ ᑮᓇᐅᔭᖃᖅᑎᑦᑎᓂᕐᒧᑦ ᐃᓄᐃᑦ ᓱᕈᓰᑦ ᓯᕗᓪᓕᐅᑎᑕᐅᔪᑦ ᐱᓕᕆᔭᐅᔪᒧᑦ (ICFI). ᐱᑕᖃᐃᓐᓇᖅᑐᑦ ᐊᒻᒪ ᒥᔅᓴᐅᓴᒐᔅᓴᐅᔪᑦ ᑮᓇᐅᔭᖃᖅᑎᑕᐅᓂᕐᒧᑦ ᐱᔭᐅᔭᕆᐊᖃᖅᑐᑦ ᑖᒃᑯᐊ ᐃᓄᐃᑦ ᓱᕈᓰᑦ ᐊᒻᒪ ᐃᓚᒌᑦ ᐱᑎᑕᐅᖏᓐᓇᕐᓗᑎ ᐋᓐᓂᐊᖅᑐᓕᕆᓂᕐᒧᑦ, ᐃᓅᖃᑎᒌᓐᓂᕐᒧᑦ, ᐊᒻᒪ ᐃᓕᓐᓂᐊᕐᓂᓕᕆᓂᕐᒧᑦ ᐃᑲᔪᖅᑕᐅᓂᕐᒧᑦ ᐱᔭᕆᐊᖃᖅᑕᖏᓐᓂ ᐱᔭᕆᐊᖃᓕᕋᐃᒻᒪᒋᑦ.
ICFI ᓴᖅᑭᖅᑎᑕᐅᓚᐅᖅᓯᒪᔪᖅ ᑭᖑᓂᐊᒍᑦ ᐃᓄᐃᑦ ᓯᕗᓕᖅᑏᑦ ᓴᖅᑭᑎᑦᑎᓚᐅᖅᑎᓪᓗᒋᑦ ᐃᓱᒫᓘᑕᐅᔪᓂᑦ ᑖᒃᑯᐊ ᐃᓄᐃᑦ ᓱᕈᓰᑦ ᐱᖃᑦᑕᖏᒻᒪᑕ ᐊᔾᔨᒌᓐᓂᖃᖅᑐᒥᑦ ᐱᔭᔅᓴᐅᓂᖏᓐᓄᑦ ᐱᔨᑦᑎᖅᑕᓄᑦ ᐊᑐᐃᓐᓇᐅᔪᓄᑦ ᐅᑯᑎᒎᓇ ᒧᐊᑕᓐ ᐳᕆᖕᓯᐳ. ᑕᐃᒪᓐᖓᓂᑦ, ᐱᓕᕆᐊᖅ ᐃᑲᔪᖅᓯᒪᔪᖅ ᐃᓄᐃᑦ ᓱᕈᓯᖏᓐᓂ ᐊᒻᒪ ᐃᓚᒌᓂᑦ ᑲᓇᑕᓕᒫᒥᑦ ᐱᔭᔅᓴᐅᓂᖏᓐᓄᑦ ᒐᕙᒪᒃᑯᓐᓄᑦ ᑮᓇᐅᔭᖃᖅᑎᑕᐅᔪᑦ ᐃᑲᔪᖅᑐᓂᑦ ᐱᑕᖃᖅᑎᑕᐅᓐᓇᑎ ᐱᑕᖃᕆᐊᖃᖏᑦᑐᑦ ᑭᖑᕙᖅᑐᑦ. ICFI ᐃᑲᔪᖅᑐᑦ ᐱᓕᕆᐊᕆᓪᓗᒋᑦ ᐱᑕᖃᖏᑦᑐᓂᑦ ᐱᔨᑦᑎᖅᑕᔪᓂᑦ ᓇᓗᓇᐃᖅᓯᓪᓗᑎ ᒐᕙᒪᖃᕐᕕᐅᔪᒥᑦ ᐊᐃᕙᔾᔪᑕᐅᔪᑦ ᐱᔪᓐᓇᑎᑦᑎᖏᑦᑐᑦ ᐃᓄᐃᑦᓱᕈᓯᕐᓂᑦ ᐱᑎᑕᐅᓂᖏᓐᓄᑦ ᐃᑲᔪᖅᑕᐅᓂᕐᒧᑦ ᐱᔭᕆᐊᖃᖅᑕᖏᓐᓂ.
ICFI ᓇᓗᓇᐃᖅᑕᐅᓚᐅᖅᓯᒪᒐᓗᐊᖅᑎᓪᓗᒍ ᒫᓐᓇᐅᔪᒥᑦ ᐊᑐᖅᑕᐅᔪᒥᑦ, ᐱᔭᐅᔭᕆᐊᓖᑦ ᐱᑕᖃᐃᓐᓇᖅᑐᑦ. ᐃᓄᐃᑦ ᓱᕈᓰᑦ ᐊᒻᒪ ᐃᓚᒌᑦ ᓵᓐᖓᑏᓐᓇᖅᑐᑦ ᐊᖏᔪᒥᑦ ᐊᔅᓱᕈᕈᑕᐅᔪᓂᑦ, ᐱᖃᓯᐅᑎᓪᓗᑎ ᐊᔪᖅᓴᓂᒥᑦ, ᓂᕿᓄᑦ ᐊᑦᑕᓇᐃᖅᓯᒪᓂᕐᒧᑦ, ᐊᒻᒪ ᐱᑕᖃᖏᑦᑐᓂᑦ ᐱᔭᔅᓴᐅᓂᖏᓐᓄᑦ ᐱᑕᖃᕆᐊᖃᖅᑐᓂᑦ ᐱᔨᑦᑎᖅᑕᐅᔪᓂᑦ. ᐊᑯᓂᐅᔪᒧᑦ ᒐᕙᒪᑐᖃᒃᑯᓐᓂᑦ ᑮᓇᐅᔭᖃᖅᑎᑕᐅᓂᕐᒧᑦ ᐱᔭᐅᔭᕆᐊᖃᖅᑐᑦ ᑕᐃᒫᔅᓴᐃᓐᓈᖏᓐᓇᑎᑦᑎᓗᑎ ᐃᓚᒌᓄᑦ ᐊᒻᒪ ᐃᑲᔪᖅᑕᐅᓂᕐᒧᑦ ᐊᑐᐃᓐᓇᐅᖏᓐᓇᕐᓗᑎ ᓯᐊᒻᒪᖅᓯᒪᓂᖅᓴᒥᑦ ᐱᔨᑦᑎᖅᑕᐅᔪᑦ ᐱᑕᖃᖏᑦᑐᑦ ᐱᓕᕆᐊᖑᑎᓪᓗᒋᑦ.
“ᑐᓴᖃᑦᑕᖅᑐᒍᒍᑦ ᐃᓚᒌᓂᑦ ᖃᐅᑕᒫᑦ ᐱᓇᓱᐊᖃᑦᑕᖅᑐᓂᑦ ᐃᑲᔪᖅᑕᐅᓂᕐᒧᑦ ᕿᑐᓐᖓᖏᓐᓄᑦ,” ᐅᖃᖅᑐᖅ ᐊᖏᔪᖅᑳᖅ ᒍᓘᕆᐊ ᐅᓗᖅᓯ. “ᐃᓄᐃᑦ ᓱᕈᓰᑦ ᐱᔭᕆᐊᖃᖅᑐᑦ ᐊᔾᔨᖏᓐᓂ ᐱᕕᔅᓴᐅᔪᓂᑦ ᐊᒻᒪ ᐱᔨᑦᑎᖅᑕᐅᔪᓂᑦ ᐊᓯᖏᑎᑐᑦ ᓱᕈᓯᕐᓂ ᑲᓇᑕᒥ.ᐊᑯᓂᐅᒧᒧᑦ
ᑮᓇᐅᔭᖃᖅᑎᑕᐅᓂᖅ ᐅᑯᓄᖓ ICFI ᐃᑲᔪᕐᓂᐊᖅᑐᑦ ᑖᒃᑯᐊ ᐃᓚᒌᑦ ᑲᔪᓰᓐᓇᖅᑐᒥᑦ ᐱᒧᓐᓇᕐᓗᑎ ᐃᑲᔪᖅᑕᐅᓂᕐᒧᑦ
ᐱᔭᕆᐊᖃᖅᑕᖏᓐᓂ ᑭᖑᕙᕐᓂᖃᖏᑦᑐᓂᑦ ᐅᕝᕙᓘᓐᓃᑦ ᓇᓗᓇᕈᑎᑕᖃᖏᑦᑐᓂᑦ.”
NTI ᑲᔪᖏᖅᓴᖅᑕᖏᑦ ᑲᓇᑕᐅᑉ ᒐᕙᒪᒃᑯᖏᑦ ᑲᔪᖏᖅᓯᓗᑎ ᐊᑯᓂᐅᔪᒧᑦ ᑮᓇᐅᔭᖃᖅᑎᑕᐅᓂᖓᓄᑦ ICFI ᐊᒻᒪ
ᐃᖅᑲᓇᐃᔭᖃᑎᖃᐃᓐᓇᕐᓗᑎ ᐃᓄᐃᑦ ᐱᓕᕆᖃᑎᖏᓐᓂ ᓴᖅᑭᑎᑦᑎᓗᑎ ᒪᑭᒪᑎᑕᔅᓴᐅᔪᓂ ᐊᑐᖅᑕᐅᓂᖏᓐᓄᑦ ᑎᑭᑦᑎᔪᓂᑦ ᐱᔭᕆᐊᖃᖅᑕᖏᓐᓂ ᐃᓄᐃᑦ ᓱᕈᓰᑦ ᐊᒻᒪ ᐃᓚᒌᑦ ᓄᓇᕗᒻᒥ.
-30-
ᖃᐅᔨᒋᐊᕐᕕᒋᓗᒍ:
ᐊᓂ ᑖᒻᓕᓐᓴᓐ
ᑐᑭᒧᐊᖅᑎᑦᑎᔨ ᑐᓴᐅᒪᔾᔪᑎᓕᕆᓂᕐᒧᑦ
ᓄᓇᕗᑦ ᑐᓐᖓᕕᒃ ᑎᒥᖓᑦ
