ᓄᓇᕗᑦ ᑐᙵᕕᒃ ᑎᒥᖓᑦ ᓴᖅᑮᕗᑦ ᖃᐅᒪ ᒪᒥᓴᖅᑐᓕᕆᓂᕐᒧᑦ ᐊᐅᓚᓂᕆᓂᐊᖅᑕᖏᑦ

(ᑎᓯᐱᕆ 18, 2009-ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦ ᓴᖅᑮᕗᑦ ᐅᓪᓗᒥ ᐱᖓᓱᓂᒃ ᐅᓪᓗᓂ ᒪᒥᓴᖅᑐᓕᕆᓂᐅᓂᐊᖅᑐᓂᒃ ᖃᐅᒪ ᒪᒥᓴᖅᑐᓕᕆᓂᕐᒧᑦ ᐱᓕᕆᐊᖏᓐᓂ.
2010 ᐱᒋᐊᓕᓵᖅᑎᓪᓗᒍ, ᖃᐅᒪ ᐃᖅᑲᓇᐃᔭᖅᑎᖏᑦ ᒪᒥᓴᐃᓂᖃᖅᑎᑦᓯᓂᐊᖅᑐᑦ ᐱᖓᓱᓂ ᓄᓇᓕᐅᔪᓂ ᓇᓗᓇᐃᖅᑕᐅᓯᒪᔪᑦ ᐊᐅᓚᓂᖓᓄᑦ ᑲᑎᒪᔨᕋᓛᓂ ᑖᒃᑯᐊ ᐃᓕᓐᓂᐊᖅᑎᑕᐅᕙᓚᐅᖅᓯᒪᔪᒥᓃᑦ ᓄᓇᕗᒻᒥᐅᑦ. ᒪᒥᓴᐃᔩᑦ ᐊᐅᓪᓚᖃᑦᑕᕈᒫᖅᑐᑦ ᓄᓇᓕᐅᔪᓄᑦ ᐊᑕᐅᓯᕐᒥᒃ ᑕᖅᑭᒥᒃ ᒪᒥᓴᐃᓂᖃᖅᑎᑦᓯᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ, ᑭᒃᑯᑐᐃᓐᓇᐃᓪᓗ ᒪᒥᓴᕈᒪᔪᑦ ᐋᓐᓂᖅᓯᒪᔪᓄᑦ ᐅᕝᕙᓘᓐᓃᑦ ᐱᑦᓯᐊᖅᑕᐅᖃᑦᑕᖅᓯᒪᓐᖏᑦᑐᓄᑦ.
ᖃᐅᒪ ᐱᓕᕆᐊᖃᓗᐊᖅᐸᒃᑐᑦ, ᐃᓱᒪᓕᕆᓂᕐᒥᒃ, ᑎᒥᐅᑉ ᖃᓄᐃᓐᓂᖓᓂ, ᐃᓅᓯᓕᕆᓂᖅ ᐊᒻᒪ ᐅᒃᐱᕐᓂᒃᑯᑦ ᐃᑲᔪᕐᓂᕐᒥᒃ ᐃᓚᒋᔭᐅᔪᓄᑦ. ᐃᓕᓐᓂᐊᑎᑦᓯᓂᖅ ᕿᒃᓵᓂᕐᒧᑦ, ᐊᔪᕈᓐᓃᖅᓴᓂᕐᒥ, ᓂᓐᖓᐅᒪᓗᐊᔾᔭᐃᓯᒪᓂᕐᒥᒃ, ᒪᒥᓴᕐᓂᖅ ᐊᒻᒪ ᑲᑐᔾᔨᖃᑎᒌᓐᓂᖅ ᐊᒻᒪᓗᑕᐅᖅ ᐊᑕᐅᓯᐅᖃᑎᒌᓪᓗᓂ ᐅᖃᖃᑎᖃᕈᒪᔪᓄᑦ.
ᖃᐅᒪ ᐊᕐᕕᑕᖅᑏᑦ ᒪᒥᓴᖅᑐᓕᕆᓂᕐᒧᑦ ᐊᐅᓚᓂᐅᔪᖅ ᑮᓇᐅᔭᖃᖅᑎᑕᐅᕙᒃᑐᖅ ᓄᓇᖃᖅᑳᖅᓯᒪᔪᓄᑦ ᒪᒥᓴᐃᓂᕐᒧᑦ ᑎᒥᖓᓐᓂ. ᑖᓐᓇ ᐱᓕᕆᐊᖑᔪᖅ …

ᓄᓇᕗᑦ ᑐᙵᕕᒃ ᑎᒥᖓᑦ ᓇᓗᓇᐃᖅᓯᕗᖅ 2009-ᒥ ᐊᔾᔨᓕᐅᒐᕐᓄᑦ ᓵᓚᒃᓴᖅᑐᒥᒃ ᐊᕐᕌᒍᒧᑦ

(ᑎᓯᐱᕆ 18, 2009- ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᖏᔪᖅᑳᖓ ᐹᓪ ᖃᓗᔾᔭᖅ ᓇᓗᓇᐃᖅᓯᔪᖅ ᐅᓪᓗᒥ ᑖᓐᓇ ᓯᑏᕙᓐ ᓛᓐᔅᑕᐃᐅᓪ ᐃᖃᓗᒻᒥᐅᖅ ᓄᓇᕗᑦ ᑐᙵᕕᒃ ᑎᒥᖓᑦ ᐊᔾᔨᓕᐅᒐᕐᕗᑦ ᓵᓚᒃᓴᕐᓂᖓᓂᒃ ᐊᔨᓪᓕᐅᒐᕐᓄᑦ ᓵᓚᒃᓴᕋᓱᐊᖅᑎᑦᓯᓂᐅᔪᒧᑦ 2009-ᒥ. ᓛᓐᔅᑕᐃᐅᓪ ᓵᓚᒃᓴᖅᑐᖅ $1,000-ᓂᒃ ᐊᒻᒪ ᐊᔾᔨᓕᐅᒐᖓᓂᒃ ᐊᖏᓪᓕᑎᖅᓯᒪᔪᒥᒃ ᑲᑎᒪᔨᕋᓛᑦ ᑐᙵᕕᒃᑯᑦ ᐃᖅᑲᓇᐃᔭᖅᑎᖏᑦ ᓂᕈᐊᓚᐅᖅᑐᑦ 2009-ᒥ ᓵᓚᒃᓴᖅᑐᓂᒃ ᐊᔾᔨᓕᐅᒐᕐᓄᑦ ᑕᖅᑭᑕᒫᑦ ᓵᓚᒃᓴᕋᓱᐊᕐᓂᐅᔪᓄᑦ.

ᓖᓇ ᑯᓄ ᒥᒃᑎᒪᑕᓕᒻᒥᐅᖅ ᑐᖏᓕᕆᔭᐅᓪᓗᓂ ᓵᓚᒃᓴᖅᑐᖅ $200-ᓂ ᐊᒻᒪ ᐊᔾᔨᓕᐅᒐᖓᓂᒃ ᐊᖏᓪᓕᑎᖅᓯᒪᔪᒥᒃ, ᔪᐃᔅ ᐊᖓᓕᒃ ᐊᕐᕕᐊᕐᒥᐅᖅ ᐱᖓᔪᒋᔭᐅᓪᓗᓂ ᓵᓚᒃᓴᖅᑐᖅ $100-ᓂᒃ ᐊᔾᔨᓕᐅᒐᖓᓂᒃ ᐊᖏᓪᓕᑎᖅᓯᒪᔪᒥᒃ.

“ᓄᓇᕗᑦ ᑐᙵᕕᒃ ᑎᒥᖓᑦ ᓴᖅᑭᔮᖅᑎᑦᓯᓂᐊᖅᑐᖅ ᐊᖏᖅᓯᒪᓂᕐᒥᓄᑦ ᓵᓚᒃᓴᕋᓱᐊᖅᑎᑦᓯᓂᕐᒥᓂᒃ ᐊᒻᒪ ᐱᒻᒪᕆᐅᒍᓱᕐᓂᕐᒥᓂᒃ, ᓵᓚᒃᓴᖅᑐᑦ ᐊᔾᔨᓕᐅᒐᐃᑦ ᓴᖅᑭᔮᖅᑎᑕᐅᒻᒪᕆᖃᑦᑕᓂᐊᖅᑐᑦ ᐊᕐᕌᒍᒥ,” ᐅᖃᖅᑐᖅ …

ᓄᓇᕗᑦ ᑐᙵᕕᒃ ᓴᖅᑮᕗᑦ ᓇᓄᐃᑦ ᒥᒃᓵᓄᑦ ᐊᑭᖃᙱᑦᑐᖅ ᐅᖄᓚᕕᒃᓴᖅ

(ᑎᓯᐱᕆ 14, 2009-ᑲᖏᖅᖠᓂᖅ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦ ᐊᖏᔪᖅᑳᑉ ᑐᒡᓕᐊ ᑮᓇᐅᔭᓕᕆᓂᕐᒧᑦ ᕋᐃᒪᓐ ᓂᖏᐅᑦᓯᐊᖅ ᓴᖅᑮᖃᐅᕗᖅ ᐅᓪᓗᒥ ᐊᑭᖃᙱᑦᑐᒥ ᐅᖄᓚᕕᒃᓴᒥᒃ ᐃᓄᐃᑦ ᐅᖃᕐᕕᖃᕈᓐᓇᖁᓪᓗᒋᑦ ᐃᓱᒫᓘᑎᒋᔭᒥᓐᓂᒃ ᓇᓄᐃᑦ ᒥᒃᓵᓄᑦ.
ᓄᓇᕗᑦ ᑐᙵᕕᒃ ᑎᒥᖓᑦ ᐃᓄᓐᓂᒃ ᐅᖄᓚᖃᑦᑕᖁᔨᕗᑦ ᐊᑭᖃᙱᑦᑐᒧᑦ ᐅᕝᕙᓘᓐᓃᑦ ᓄᓇᓕᓐᓂ ᐅᖄᓚᕕᒃᓴᓄᑦ ᐃᓱᒫᓘᑎᒋᔭᖏᓐᓂᒃ ᓇᓄᐃᑦ ᒥᒃᓵᓄᑦ. ᓄᓇᕗᑦ ᑐᙵᕕᒃ ᑎᒥᖓᑦ ᑲᑎᖅᓱᐃᓂᐊᖅᑐᑦ ᖃᐅᔨᒪᔭᑐᖃᕐᓂᒃ ᓇᓄᐃᑦ ᒥᒃᓵᓄᑦ ᐊᒻᒪ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ.
ᓄᓇᕗᑦ ᑐᙵᕕᒃ ᑎᒥᖓᑦ ᐊᑭᖃᙱᑦᑐᒥ ᐅᖄᓚᕕᒃᓴᒥᒃ ᐊᒃᑮᓕᓚᐅᖅᑐᑦ ᐊᒥᐊᓕᑲᐃᑦ ᓇᓄᕋᐃᑦ ᓂᐅᕐᕈᑕᐅᖃᑦᑕᕐᓂᖏᓐᓂᒃ ᓯᓚᕐᔪᐊᒥ ᓄᖅᑲᑎᑦᓯᒐᓱᓚᐅᖅᑎᓪᓗᒋᑦ ᑲᑎᒪᕐᔪᐊᕐᓂᐅᖃᑦᑕᖅᑐᖅ ᓯᓚᕐᔪᐊᓕᒫᒥ ᐆᒪᔪᓕᕆᓂᕐᒧᑦ ᐊᑦᑕᓇᖅᑐᒦᑦᑐᓄᑦ. (CITES).
ᐊᑏ ᐅᖄᓚᖃᑦᑕᕆᒋᖅᑦᓯ ᑐᙵᕕᒃᑯᓐᓄᑦ ᐊᑭᖃᙱᑦᑐᒧᑦ ᐅᕝᕙᓘᓐᓃᑦ ᐃᖃᓪᓗᓐᓂ ᐅᖄᓚᐅᒻᒧᑦ ᕖᕝᕗᐊᕆ ᓄᓐᖑᐊᓄᑦ ᑎᑭᒐᓱᐊᕐᓂᖓᓂ. ᓄᓇᕗᑦ ᑐᙵᕕᒃ ᑎᒥᖓᕐ ᑲᑎᖅᓱᖅᑕᖏᑦ …

ᐃᓄᐃᑦ ᑲᑐᔾᔨᖃᑎᒌᖏᑦ ᐃᑲᔪᕐᓂᐊᖅᐳᑦ $1 ᒥᓕᐊᓐᓂᒃ ᓄᓇᕗᑦ ᓯᕗᓂᒃᓴᕗᑦ ᓄᑖᒥᒃ ᐃᓕᓐᓂᐊᕐᕕᒃᑖᖓᓄᑦ

(ᑎᓯᐱᕆ 14, 2009-ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᖏᔪᖅᑳᖓ ᐹᓪ ᖃᓗᔾᔭᖅ ᓇᓗᓇᐃᖅᓯᔪᖅ ᐅᓪᓗᒥ ᑲᑎᒪᔩᑦ ᓈᒻᒪᓴᓚᐅᕐᓂᖏᓐᓂᒃ $500,000-ᓂ ᐃᑲᔫᑎᖃᕐᓂᐊᕐᓗᑎᒃ ᓄᑖᒥᒃ ᐃᓕᓐᓂᐊᕐᕕᒃᑖᓂᐊᖅᑎᓪᓗᒋᑦ ᓄᓇᕗᑦ ᓯᕗᓂᒃᓴᕗᑦ. ᐱᖓᓱᑦ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᔾᔨᓪᓗᐊᖓᓂᒃ ᐃᑲᔫᑎᖃᕐᓂᐊᕐᒥᔪᑦ. ᓯᕗᓪᓕᖅᐹᖅ ᐃᑲᔫᑕᐅᒋᐊᙵᖅᑐᖅ $200,000 ᐊᑭᓕᖅᑕᐅᑦᓴᐅᑎᒋᓂᐊᖅᑐᖅ, ᐊᒥᐊᒃᑯᖓ ᐊᑭᓕᖅᑕᐅᕙᓐᓂᐊᑐᖅ $200,000 ᐊᕐᕌᒍᑕᒫᑦ. ᑖᓐᓇ ᐃᑲᔫᑎᖃᕈᓐᓇᖅᓯᒪᔪᑦ ᓄᕕᐱᕆᒥ ᐃᑲᔪᖅᑐᖅᑕᐅᓚᐅᕐᓂᖓ ᐃᓚᒋᔭᐅᔪᓄᑦ ᓄᓇᕗᑦ ᑐᙵᕕᒃ ᑎᒥᖓ ᐊᕐᕌᒍᑕᒫᖅᓯᐅᑎᖓᓂ ᑲᑎᒪᕐᔪᐊᕐᓂᖃᖅᑎᓪᓗᒋ5.
“ᐱᒻᒪᕆᐅᔪᖅ ᑕᒪᓐᓇ ᑐᓴᒐᒃᓴᖅ, ᐱᓗᐊᖅᑐᒥᒃ 25-ᓂ ᐅᑭᐅᖅᑖᕐᓂᐅᓴᑎᓪᓗᒋᑦ ᐊᕐᕌᒍᓂᐊᑐᖅ. ᐊᒃᓱᕈᐊᖃᕐᓂᖏᓐᓄᑦ ᐃᖅᑲᓇᐃᔭᖅᑏᑦ ᓄᓇᕗᑦ ᓯᕗᓂᒃᓴᕗᑦ ᐃᓕᓐᓂᐊᑎᑦᓯᓂᕐᒥᒃ ᐊᕐᕌᒍᓂ ᐊᓂᒍᖅᑐᓂ 330 ᐃᓕᓐᓂᐊᕌᓂᒍᓐᓇᖅᓯᒪᕗᑦ, ᐅᒃᐱᕈᓱᒃᐳᒍᑦ ᖁᕝᕙᐹᓪᓕᕐᓂᐊᕆᐊᖓ ᓄᑖᒧᑦ ᐃᓕᓐᓂᐊᕐᕕᖕᒧᑦ ᐊᐅᓪᓛᖅᓯᒪᓕᖅᑎᓪᓗᒋᑦ,” ᐅᖃᖅᑐᖅ ᖃᓗᔾᔭᖅ, ᐅᖃᕈᔾᔨᓪᓗᓂ ᑎᓴᒪᓂᒃ ᑲᑐᔾᔨᖃᑎᒌᑦ ᐊᖏᔪᖅᑳᖏᓐᓂᒃ.
ᑲᑎᒪᔨᖏᑦ …

ᓄᓇᕗᑦ ᑐᙵᕕᒃ ᑎᒥᖓᑦ ᖁᕕᐊᓱᖃᑎᒋᕙᙱᑦ ᐃᓄᐃᑦ ᑕᓪᓗᕈᑎᐅᑉ ᒥᒃᓵᓄᑦ ᐊᙱᕈᑎᑦ ᐱᑉᓗᒋᑦ

(ᑎᓴᒻᐸ 10, 2009 ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᙵᔪᖅᑳᖓᑦ ᐹᓪ ᖃᓗᔾᔭᖅ ᐅᑉᓗᒥ ᖁᕕᐊᓱᖃᑎᖃᖅᐳᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒋᓐᓂᒃ ᐊᑎᓕᐅᕆᑎᓪᓗᒋᑦ ᑐᑭᓯᐅᒪᖃᑦᑕᐅᑎᑦᑎᐊᕐᓂᕐᒧᑦ ᐊᙱᕈᑎᒧᑦ ᐃᓚᒋᓪᓗᒋᑦ ᓄᓇᕗᑦ ᒐᕙᒪᑉᑯᙱᑦ ᐊᒻᒪᓗ ᖃᓇᑕᐅᑉ ᒐᕙᒪᑉᑯᙱᑦ ᐱᑉᓗᒋᑦ ᑐᒃᓯᕋᐅᑎᑦ ᑲᓇᑕᓕᒫᒧᑦ ᑕᕆᐅᕐᒥᐅᑕᓂᑦ ᓴᐳᒻᒥᕕᖕᒥᑦ ᑕᐃᔭᐅᔪᖅ ᑕᓪᓗᕈᑎᑦ, ᐊᒻᒪᓗ ᖃᐅᔨᒪᔭᐅᔪᖅ ᑕᐃᒪᓐᓇ ᑕᓪᓗᕈᑎᐅᑉ ᑕᕆᐅᖓ. ᒐᕙᒪᑉᑯᑦ ᑲᓇᑕᒥ ᐅᖃᖅᑐᑦ ᐊᑎᓕᐅᕆᓂᖅ ᐅᑯᓂᖓ ᑐᑭᓯᐅᒪᖃᑦᑕᐅᑎᑦᑎᐊᕐᓂᕐᒧᑦ ᐊᙱᕈᑎᓂᑦ ᐃᑉᐸᒃᓴᖅ ᐋᑐᕚᒥ. ᖃᓗᔾᔭᖅ ᐅᐸᓚᐅᖅᑐᖅ ᐱᕕᒃᔪᐊᖅᑐᓄᑦ.
“ᐃᓄᐃᑦ ᕿᑭᖅᑖᓗᖕᒥ, ᐊᖅᑯᑎᒋᑉᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᐊᐱᕆᓚᐅᖅᓯᒪᖕᒪᑕ ᓄᓇ ᓴᐳᔾᔭᐅᓯᒪᔭᕆᐊᖃᕐᓂᐊᓂᒃ ᐅᑭᐅᓄᑦ ᐊᕙᑎᓄᑦ (20) ᐱᑉᓗᒋᒃ ᑕᕆᐅᕐᒥᐅᑕᐃᑦ ᐆᒪᔪᑦ ᐆᒪᔪᓐᓇᕐᓂᐊᕐᒪᑕ ᑕᐅᕙᓂ,” ᐅᖃᖅᑐᖅ ᖃᓗᔾᔭᖅ.
“ᖁᔭᓐᓇᒦᖅᑕᒃᑲ ᑲᓇᑕᐅᑉ ᐊᒻᒪᓗ ᓄᓇᕗᑦ …

ᓄᓇᕗᑦ ᑐᙵᕕᒃ ᕿᒃᓵᒍᑎᖃᖅᐳᑦ ᓯᕗᓕᐅᖅᑎᐅᖃᑕᐅᔫᑉ

(ᓄᕕᐱᕆ 30, 2009 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᖓᔪᖅᑳᖅ ᐅᓪᓗᒥ ᐅᖃᖅᑲᐅᕗᖅ ᕿᒃᓵᒍᑎᖃᕋᒥᒃ ᑲᑎᒪᔨᐅᖃᑕᐅᓚᐅᖅᑐᒥᒃ ᑖᒧᓯ ᐊᓕᖅᑲᑐᖅᑐᕐᒥᒃ. ᐊᓕᖅᑲᑐᖅᑐᖅ ᐃᓅᔪᓐᓃᓚᐅᖅᑐᖅ ᓇᒡᒐᔭᐅᓕᖅᑭᒻᒥ ᐅᓪᓛᒃᑯᑦ ᐊᑐᕚᒥ.
“ᑖᒧᓯ ᑐᙵᓇᓚᐅᖅᑐᖅ, ᐃᓄᒃᑎᐊᕙᐅᓪᓗᓂ, ᖃᐅᔨᒪᔭᐅᑦᑎᐊᖅᑐᓂ ᓯᕗᓕᐅᖅᑎᐅᓂᖓᓄᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪ ᓴᓇᑐᔫᓪᓗᓂ. ᐱᖃᓐᓂᖅᑐᓂ, ᐊᒻᒪ ᐃᖅᑲᓇᐃᔭᖃᑎᒋᖃᑦᑕᖅᓯᒪᓪᓗᒍ ᐊᕐᕌᒍᒐᓴᓐᓂᒃ. ᑭᒡᒐᑐᖅᖢᒋᑦ ᑲᑎᒪᔨᕗᑦ ᐃᖅᑲᓇᐃᔭᖅᑎᕗᓪᓗ, ᐃᓱᒪᒋᑦᑎᐊᖅᐸᕗᑦ ᓄᓕᐊᖓ ᒥᐅᕆ ᐊᒻᒪ ᐃᓚᒋᔭᖏᑦ. ᑖᒧᓯ ᑭᖑᓂᖃᓈᖅᑕᐅᒻᒪᕆᓐᓂᐊᖅᑐᖅ,” ᐅᖃᖅᑐᖅ ᖃᓗᔾᔭᖅ.
ᐊᓕᖅᑲᑐᖅᑐᖅ ᓯᕗᓕᖅᑎᐅᓚᐅᖅᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ ᐊᕐᕌᒍᓂ ᑎᓴᒪᐅᔪᖅᑐᓂ ᓄᖅᑲᓚᐅᙱᓂᕐᒥᓂ ᑕᖅᑭᐅᓚᐅᖅᑐᒥ ᑎᒥᒥᒍᑦ ᐊᑲᐅᖃᑦᑕᖏᓐᓂᕐᒥᓄᑦ.
ᑐᑭᓯᒋᐊᒃᑲᓂᕐᕕᒃᓴᖅ:

ᑐᓐᖓᕕᒃᑯᑦ ᓈᓚᐅᑦᑎᒃᑰᖅᑎᑦᑎᓂᐊᖅᑐᑦ ᐊᕐᕋᒍᒥᒃ−ᕿᒥᕈᐊᖅᑕᐅᓂᕐᒥᒃ ᐱᓪᓚᑦᑕᖅᑐᒥᒃ ᓯᐱᓯᒃᑯᑦ

(ᓄᕕᐱᕆ 23, 2008 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ ᓈᓚᐅᑎᒃᑰᖅᑎᑦᑎᓂᐊᖅᑐᑦ ᐊᕐᕋᒍᒥᒃ-ᕿᒥᕐᕈᐊᖅᑕᐅᓂᕐᒥᒃ, ᐱᓪᓚᑦᑕᖅᑐᒥᒃ ᓯᐱᓰᒃᑯᑦ ᓈᓚᐅᑎᖓᒍᑦ ᑎᓯᐱᕆ 3 ᐊᒻᒪᓗ 4, 2009-ᒥ, ᐅᓐᓄᓴᒃᑯᑦ 1:30-ᒥᒃ 3:00-ᒧᑦ, ᑲᓇᖕᓇᕐᒥᐅᓂ.
ᑐᓐᖓᕕᒃᑯᑦ ᐊᖓᔪᖃᖓᑦ ᐹᓪ ᖃᓗᔾᔭᖅ ᐃᓚᐅᓂᐊᖅᑐᖅ ᑎᓯᐱᕆ 3-ᒥ. ᓯᕗᓪᓕᐅᓂᖅᓴᖅ ᐊᖓᔪᖃᕐᒧᑦ ᑐᒡᓕᕆᔭᐅᔪᖅ ᔭᐃᒥᓯ ᐃᑦᑐᓗᒃ ᐊᒻᒪᓗ ᐊᖓᔪᖃᕐᒧᑦ ᑐᒡᓕᕆᔭᐅᔪᑦ ᑮᓇᐅᔭᓕᕆᓂᕐᒧᑦ, ᕋᐃᒪᓐ ᓂᖏᐅᑦᓯᐊᖅ, ᐃᓚᐅᓂᐊᖅᑐᒃ ᑎᓯᐱᕆ 4-ᒥ. ᑕᒪᕐᒥᒃ ᓈᓚᐅᑎᒃᑯᑦ ᑐᓴᖅᑕᐅᔫᒪᖅᑐᑦ ᐱᓚᑦᑕᖅᑐᒥᒃ ᓯᐱᓯᒃᑯᑦ ᓇᓚᐅᑦᑎᒃᑯᕈᑎᖓᓂᒃ, ᑕᐅᔅᓱᓂᒃᑯᑦ, ᖃᐅᔨᒪᔭᐅᑦᑎᐊᖅᑐᖅ ᐃᓚᒋᓗᒍ ᓕᓴ ᐊᐃᐱᓕ.
ᐊᕐᕋᒍᒥᒃ ᕿᒥᕐᕈᐊᖅᑕᐅᔪᒥ, ᓄᓇᑖᖃᑕᐅᓯᒪᔪᑦ ᐅᖄᓚᔪᓐᓇᖃᑦᑕᕐᓂᐊᖅᑐᑦ ᐅᖃᐅᓯᖃᕈᓐᓇᕐᓗᑎᒃ ᐃᓱᒪᓘᑎᒋᔭᒥᓂᒃ ᐊᒻᒪᓗ ᐊᐱᖁᑎᒃᓴᓂᒃ ᐊᐱᖅᓱᕈᓐᓇᖅᓱᑎᒃ ᑐᓐᖓᕕᒃᑯᑦ ᐊᐅᓚᑦᑎᔨᒃᑯᖏᓐᓄᑦ. ᓇᓚᐅᑦᑎᒃᑯᕈᑕᐅᓂᐊᖅᑐᑦ ᑐᓴᖅᑎᑕᐅᓂᐊᕐᒥᔪᑦ ᓄᓇᑖᖃᑕᐅᓯᒪᔪᑦ ᐱᓕᕆᐊᕆᓯᒪᑦᑎᐊᖅᑕᖏᓐᓂᒃ ᑐᓐᖓᕕᒃᑯᑦ 2008-ᒥ.
ᓄᓇᑖᖃᑕᐅᓯᒪᔪᑦ …

ᓄᓇᕗᑦ ᑐᓐᖓᕕᒃᑯᑦ ᐊᕐᕋᒍᑕᒫᖅ ᑲᑎᒪᕐᔪᐊᕐᓂᖓᑦ ᒪᑐᕗᖅ

(ᓄᕕᐱᕆ 23, 2009 –ᐃᖃᓗᐃᑦ, ᓄᓇᕗᑦ) ᐃᓚᒋᔭᐅᔪᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᓄᑦ ᐊᕐᕋᒍᑕᒫᖅ ᑲᑎᒪᕐᔪᐊᕐᓂᕐᒧᑦ ᑲᑎᒪᓂᕐᒥᒃ ᐃᓱᓕᑦᑎᓚᐅᖅᐳᑦ ᐃᖃᓗᖕᓂ ᐱᓇᓱᐊᕈᓯᐅᓚᐅᖅᑐᒥᒃ. ᓯᕗᓪᓕᖅᐹᕆᔭᐅᓚᐅᖅᑐᖅ ᐃᓚᒋᔭᐅᔪᑦ ᑕᒪᕐᒥᒃ ᑲᑎᒪᖃᑎᒌᖕᓂᖏᑦ ᑕᐃᒪᓐᖓᑦ ᐊᖏᖃᑎᒌᓚᐅᖅᓱᑎᒃ ᐊᒥᓱᔪᓐᓃᖅᑎᑎᕚᓪᓕᐊᕈᒪᓂᕐᒥᓂᒃ ᐃᓚᒋᔭᐅᔪᓂᒃ ᓇᑉᐸᓪᓗᐊᓄᑦ, ᑭᖑᓪᓕᕐᒥ ᐊᕐᕋᒍᒥ ᑲᑎᒪᓂᕆᓚᐅᖅᑕᖓᓐᓂ ᐃᓱᒪᓕᐊᕆᓚᐅᖅᑕᖓᓐᓂᒃ. ᑐᓐᖓᕕᒃᑯᑦ ᐊᖓᔪᖃᖓᑦ ᐸᓪ ᖃᓗᔾᔭᖅ ᐅᖃᓚᐅᖅᑐᖅ ᓄᑕᖅ ᐊᕐᕋᒍᑕᒫᖅᓯᐅᕐᓂᖓᓐᓂ ᐋᕿᐅᒪᓂᖏᑦ ᑲᑎᒪᑦᑎᐊᕐᓇᕐᓂᖅᓴᐅᓕᖅᑐᑦ.
“ᖁᕕᐊᓇᖅᑐᖅ ᐅᖃᕈᓐᓇᕐᓂᖅ ᐱᔭᕇᖅᓯᒪᒐᑦᑕ ᐱᓕᕆᐊᒃᓴᓂᒃ ᐊᔾᔨᑐᐃᓐᓇᖏᓐᓂᒃ, ᑕᒪᕐᒥᒡᓗ ᑐᖃᒐᕆᔭᕗᑦ ᐊᖑᒪᓪᓗᒋᑦ, ᐊᒥᓲᖏᓐᓂᖅᓴᐅᓪᓗᑎᒃ ᐃᓚᐅᔪᑦ, ᐊᒻᒪᓗ ᕿᒻᓚᒻᒥᐅᓂᖅᓴᒃᑯᑦ ᐱᔭᕇᖅᑕᐅᓪᓗᑎᒃ,” ᐅᖃᖃᐅᔪᖅ ᖃᓗᔾᔭᖅ, ᐅᔾᔨᕈᓱᒃᓱᓂ ᑲᑎᒪᓂᖓᑦ ᐱᔭᕆᖅᓵᓕᓂᖅᓴᐅᓚᐅᕐᓂᖓᓂᒃ ᐅᓪᓗᓂᒃ ᓇᑉᐸᓪᓕᐊᒥᒃ ᓯᕗᓂᐅᓂᖅᓴᖅ. “ᐅᓗᕆᐊᓇᖅᑐᒦᑎᑦᑎᖏᑦᑎᐊᖅᑐᒍᑦ ᐃᓄᖁᑎᑦᑎᓐᓂᒃ ᐊᒥᓲᖏᓐᓂᖅᓴᐅᓕᖅᑎᓪᓗᒋᑦ ᐃᓄᐃᑦ ᓵᒥᖃᑕᐅᔪᑦ. ᑕᒪᓐᓇ ᐋᕿᐅᒪᑦᑎᐊᕐᓂᖅᓴᐅᓂᖅ ᑭᒡᒐᖅᑐᐃᑦᑎᐊᕐᓇᕐᓂᖅᓴᐅᓕᖅᑐᖅ ᐊᒻᒪᓗ …

ᑐᓐᖓᕕᒃᑯᑦ ᐅᖃᖃᐅᔪᑦ ᓄᓇᕗᑦ ᒐᕙᒪᒃᑯᖏᑦ ᐱᓕᕆᖃᑎᖃᕆᐊᖃᖅᐳᑦ ᐃᓄᖕᓂᒃ ᖃᓄᐃᓕᐅᕈᑕᐅᓂᐊᕈᑎᒃ ᐃᓱᒪᓘᑕᐅᓂᕋᖅᑕᐅᔪᑦ ᖃᓄᒃᑲᓐᓂᖅᒥ ᐅᓂᒃᑳᓕᐊᓂ

(ᐅᒃᑐᐱᕆ 20, 2009 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᓐᓂ ᐊᖓᔪᖄᕐᒧᑦ ᑐᒡᓕᕆᔭᐅᖄᕐᓂᖅᓴᖅ, ᔭᐃᒥᓯ ᐃᒃᑐᓗᒃ ᐅᖃᖃᐅᔪᖅ ᑲᒪᓇᕐᓈᕆᓯᒪᖏᓐᓂᖏᓐᓂᒃ ᓴᕿᑕᐅᓯᒪᔪᑦ ᖃᓂᒃᑲᓐᓂᕐᒥ ᐅᓂᒃᑳᓕᐊᖏᓐᓂᒃ ᓄᓇᕗᑦ ᒐᕙᒪᒃᑯᑦ.
“ᐊᒥᓱᐊᓘᖕᒪᑕ ᐃᓱᒪᓘᑕᐅᔪᑦ ᐊᒻᒪᓗ ᐊᑐᓕᖁᔭᓕᐊᖑᓯᒪᔪᑦ ᐱᓕᕆᓯᒪᓂᖏᓐᓂ ᐅᓂᒃᑳᓕᐊᖏᓐᓂᑦᑐᑦ ᓇᓕᒧᓈᖅᓯᒪᑦᑎᐊᖅᑐᑦ ᐅᖃᐅᓯᕆᓯᒪᓕᖅᑕᑦᑎᓐᓂᒃ ᐊᕐᕋᒍᒐᓵᓗᖕᓂᒃ ᐱᔾᔪᑎᖃᖅᑐᓂᒃ ᐃᓅᓯᕆᔭᐅᔪᓂ ᐃᓱᒫᓘᑕᐅᔪᓂᒃ,” ᐅᖃᖃᐅᔪᑎ ᔭᐃᒥᓯ. “ᑐᓴᖃᑦᑕᐃᓇᖅᓯᒪᔭᕗᑦ ᑕᐃᒃᑯᐊᓴᐃᓐᓇᐃᑦ ᐃᓱᒪᓘᑕᐅᔪᑦ ᑲᑎᒪᔨᕗᑦ ᐃᓄᓕᒫᓂᒃ ᑲᑎᒪᑎᑦᑎᔭᕌᖓᑕ, ᐊᒻᒪᓗ ᑐᑭᓯᓂᐊᕕᖃᖄᖓᑕ ᖃᐅᔨᓴᖅᑕᐅᔪᖃᕋᖓᓪᓗ ᐊᕐᕋᒍᑕᒫᖅ ᐅᓂᒃᑳᓕᐊᓂᒃ ᖃᓄᐃᓕᖓᓕᕐᓂᖏᓐᓄᑦ ᐃᓄᐃᑦ ᐃᓕᖅᑯᓯᖏᑦ ᐃᓄᓯᖏᓐᓂᓗ.”
ᐱᓕᕆᐊᕆᓯᒪᔭᖏᓐᓄᑦ ᐅᓂᒃᑳᓕᐊᑦ ᒪᓐᓇᐅᔪᖅ ᕿᒥᕐᕈᐊᖅᑕᐅᓕᕐᒪᑕ ᐊᑐᓂ ᐃᖃᓇᐃᔭᕕᖁᑎᖏᓐᓄᑦ ᐊᕕᒃᑐᖅᑕᐅᓯᒪᔪᓂ, ᓄᓇᕗᑦ ᒐᕙᒪᒃᑯᖏᓐᓂ. ᓄᓇᕗᑦ ᒐᕙᒪᒃᑯᖏᑦ ᐸᕐᓇᒃᓯᒪᖕᒪᑕ ᑲᑎᒪᒃᑲᓐᓂᕐᓂᐊᓂᖅ ᑕᒡᕙᓂ ᑕᕿᕐᒥ ᐱᔭᕆᖅᑕᐅᓂᐊᕐᒪᑕ ᖃᓄᐃᓕᐅᕈᑎᒃᓴᓄᑦ ᐸᕐᓇᐅᑏᑦ ᑭᐅᔾᔪᑕᐅᒋᐊᕐᓂᐊᕐᓗᑎᒃ ᐊᑐᓕᖁᔭᓕᐊᕆᔭᐅᓯᒪᔪᓄᑦ ᐅᓂᒃᑳᓕᐊᓃᑦᑐᓂ.
ᒫᓐᓇᐅᔪᖅ …

ᓄᓇᕗᑦ ᑐᙵᕕᒃ ᑎᒥᖓᑦ ᓈᒻᒪᒃᓴᙱᑦᑐᑦ ᒥᐊᓕᒐᑦ ᑐᒃᓯᕋᐅᑎᙱᓐᓂᒃ ᓄᖅᑲᖅᑎᑦᑎᔪᒪᓂᙱᓐᓂᒃ ᓯᓚᕐᔪᐊᒥ ᓂᐅᕕᖅᑎᑦᑎᖃᑦᑕᕐᓂᕐᒥᑦ ᓇᓄᕋᓂᒃ ᐅᑯᓇᓂ ᑲᑎᒪᓂᖏᓐᓂ ᑎᒥᐅᔪᑦ

ᐊᒃᑑᐱᕆ 16, 2009 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᑐᖏᓕᐊ ᐊᖓᔪᖅᑳᑉ ᑮᓇᐅᔭᓕᕆᓂᕐᒧᑦ ᐱᔭᒃᓴᓕᒃ, ᕇᒪᓐ ᓂᖏᐅᑦᑎᐊᖅ ᐅᖃᖅᑐᖅ ᐊᑲᖅᓴᙱᓐᓂᐊᓂᒃ ᐅᑯᓄᖓ ᒥᐊᓕᒐᑦ ᑐᒃᓯᕋᐅᓯᑎᙱᓐᓂᒃ ᐃᓕᔭᐅᖁᔭᐅᔪᓂᒃ ᖁᑦᑎᖕᓂᖅᓴᒧᑦ ᓇᓗᓇᐃᖅᑕᐅᓯᒪᓗᑎᒃ ᓇᓄᐃᑦ ᐅᑯᓇᙵᑦ ᐊᙱᕈᓯᐅᖅᑎᑦ ᓯᓚᕐᔪᐊᕐᒥ ᐊᑦᑕᓇᖅᑐᓃᑦᑐᓂᒃ ᐆᒪᔪᓄᑦ ᐃᓚᖓᓃᑦᑐᖅ ᐊᑕᔪᐊᓂ II ᑕᒡᕗᖓ ᐃᓕᔭᐅᓗᓂ ᐃᓚᖓᓃᑦᑐᒧᑦ ᐊᑕᔪᐊᓄᑦ I-ᒧᑦ ᑕᐃᑲᓂ ᑲᑎᒪᓂᖏᓐᓂ ᑎᒥᐅᔪᑦ ᐅᑯᓇᓂᓗ ᐊᙱᕈᓯᐅᖅᑎᑦ ᓯᓚᕐᔪᐊᕐᒥ ᐊᑦᑕᓇᖅᑐᓃᑦᑐᓂᒃ ᐆᒪᔪᓄᑦ.
“ᓄᓇᕗᑦ ᑐᙵᕕᒃ ᑎᒥᖓᑦ ᐃᑲᔪᖅᑐᐃᙱᑐᑦ ᑐᒃᓯᕋᐅᑎᒥᑦ ᐃᓕᔭᐅᖁᔭᐅᓂᙱᑦ ᓇᓗᓇᐃᖅᑕᐅᓗᑎᒃ ᓇᓄᐃᑦ ᐃᓗᐊᓂ ᐅᑯᐊ ᐊᙱᕈᓯᐅᖅᑎᑦ ᓯᓚᕐᔪᐊᕐᒥ ᐊᑦᑕᓇᖅᑐᓃᑦᑐᓂᒃ ᐆᒪᔪᓄᑦ ᐃᓚᖓᓂ ᐊᑕᔪᐊᓂ I. ᑐᑭᓯᕋᐅᑎ ᓯᕘᕋᓕᖅᑎᑦᑎᔪᖅ ᐊᒻᒪᓗ ᐃᓱᒪᒋᔭᐅᔪᓂᒃ ᖄᙱᖅᓯᓪᓗᓂ ᓇᓄᕐᓂᒃ ᐊᐅᓚᑦᑎᓂᕐᒧᑦ ᐃᓕᖓᔪᓂᒃ …

ᓄᓇᕗᑦ ᑐᙵᕕᒃ ᑎᒥᖓᑦ ᖁᕕᐊᓱᖃᑎᖃᖅᐳᑦ ᓴᓇᙳᐊᖅᑎᓂᒃ ᑭᙵᓂ ᓴᓇᙳᐊᖅᑎᓄᑦ ᐃᖅᑲᓇᐃᔭᕐᕕᖕᒥ

(ᐊᒃᑑᑉᐱᕆ 15, 2009 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᓯᕗᓪᓕᖅ ᑐᖏᓕᐊ ᐊᙵᔪᖅᑳᑉ ᔭᐃᒻᔅ ᐃᑦᑐᓗᒃ ᖁᕕᐊᓱᖃᑎᖃᖅᐳᖅ ᓴᓇᙳᐊᖅᑎᓂ ᑭᙵᓂ ᑎᒍᓯᒻᒪᕆᒃᓯᒪᔪᑦ ᑕᐃᔭᐅᔭᕆᐊᖃᕐᓂᕐᒥᑦ ᑲᓇᑕᒥᓗ ᓴᓇᙳᐊᖅᑎᐅᒻᒪᕆᖕᓂᖏᓐᓂᒃ ᓄᓇᒋᔭᐅᓪᓗᓂ ᐅᑭᐅᓄᑦ 50-ᓄᑦ. .
ᖁᕕᐊᓲᑎᕙᒃᑲ ᓴᓇᙳᐊᖅᑎᐅᓂᖏᑦ ᑭᙵᓂ ᐱᐊᓂᒃᓯᓯᒪᓪᓗᑎᒃ. ᐱᓕᕆᐊᙱᑦ ᑕᑯᔭᐅᔪᓐᓇᖅᑐᑦ ᓯᓚᕐᔪᐊᓕᒫᒥ ᐊᒻᒪᓗ ᐱᓕᕆᙱᑦ ᑭᒡᒐ6ᑐᐃᔪᑦ ᐅᕙᑦᑎᓐᓂᒃ ᑕᒪᐃᓐᓂᒃ ᐃᓄᖕᓂᑦ ᐃᒪᓐᓇ ᓱᐊᔪᒥᑦ ᑕᑯᒃᓴᐅᓪᓗᑎᒃ” ᐅᖃᖅᑐᖅ ᐃᑦᑐᓗᒃ”.
1995-ᒥ ᓯᕗᓪᓕᖅᐹᒥ ᓂᐅᕕᐊᒃᓴᙳᖅᑎᑦᑎᓯᒪᕗᑦ ᐊᖅᑭᒃᑕᐅᓯᒪᓪᓗᑎᒃ ᓴᓇᙳᐊᖅᓯᒪᔪᑦ ᑎᑎᖅᑐᒐᐃᑦ ᑲᑎᑕᐅᓯᒪᓪᓗᑎᒃ ᑕᑯᒃᓴᐅᑎᑕᐅᓚᐅᖅᓯᒪᔪᑦ ᖁᙱᐊᖅᑕᐅᓂᐊᕐᓂᕐᒧᑦ ᑕᐃᑲᓂ Shakesperee Festival-ᒥ ᓯᑦᕗᑦ, ᐋᓐᑎᐊᕆᔭᒥ ᐊᒻᒪᓗ ᓴᖅᑭᒃᑲᓐᓂᓕᓚᐅᕆᓪᓗᑎᒃ ᑕᐃᑲᓂ ᕇᑐ ᕼᐊᓪᒥ ᑐᓂᔭᐅᓪᓗᑎᒃ ᖁᑦᑎᖕᓂᖅᐹᒥ ᐱᐅᒋᔭᐅᓂᕐᒥᑦ ᑕᐃᑦᓱᒪᙱᑦ ᑯᐃᓐ ᑭᒡᒐᖅᑐᖅᑎᐊᓂᒃ ᐊᒻᒪᓗ ᐅᐱᓇᖅᑐᖅ ᔪᐊᔾ …

ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ᐊᑭᕋᖅᑐᖅᑐᑦ ᐳᕋᐃᒻ ᒥᓂᔅᑕ ᕼᐋᕐᐸ-ᒥᒃ ᐱᔾᔪᑎᖃᖅᓱᑎᒃ ᐊᑐᑐᐃᓐᓇᕐᓂᖓᓂᒃ ᐃᓄᓐᓂᒃ

(ᐅᑦᑑᕝᕙ 1, 2009– ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᓯᕗᓪᓕᖅ ᐊᖓᔪᖅᑳᑉ ᑐᖏᓕᖓ ᔭᐃᒥᓯ ᐃᑦᑐᓗᒃ ᖁᐊᖅᓵᕈᑎᖃᓚᐅᖅᑐᖅ ᐳᕋᐃᒻ ᒥᓂᔅᑕ ᓯᑏᕙᓐ ᕼᐋᐸᐅᑉ ᐅᖃᐅᓯᖏᓐᓂᒃ, ᐅᖃᖅᑕᒥᓂᖏᓐᓂᒃ G20 ᑲᑎᒪᓂᕐᒥ, ᑲᓇᑕ “ᐊᑐᓚᐅᖅᓯᒪᓐᖏᒋᐊᖓ ᐃᓄᓐᓂᒃ ᐊᑐᑐᐃᓐᓇᕐᓂᕐᒥᒃ.”
“ᐳᕋᐃᒻ ᒥᓂᔅᑕ ᐅᖃᖃᑦᑕᕆᐊᓐᖏᑦᑐᖅ ᓱᓕᓐᖏᑦᑐᓂᒃ ᑕᐃᒫᖑᓯᒪᑎᓐᓇᒍ ᐱᐅᓯᐅᓯᒪᔪᖅ. ᐱᐅᓯᕆᓯᒪᔭᖓᑦ ᐃᓄᐃᑦ ᑲᓲᒪᖃᑎᖃᕐᓂᕐᒥᒃ ᒐᕙᒪᒃᑯᖏᓐᓂᒃ ᑲᓇᑕᐅᑉ ᖃᐅᔨᓴᖅᑕᐅᓂᐅᔪᖅ ᐃᓄᓐᓂᒃ ᐊᑐᕐᓂᕐᒥᒃ. ᐱᐅᓯᕆᓯᒪᔭᕗᑦ ᓄᑦᑎᖅᑕᐅᖃᑦᑕᖅᓯᒪᓂᖅ, ᐃᓕᓐᓂᐊᕆᐊᖅᑎᑕᐅᖃᑦᑕᖅᓯᒪᓃᑦ, ᓄᓇᓕᓐᓄᑦ ᓄᑦᑎᖅᑎᖅᑎᑕᐅᓃᑦ, ᕿᒻᒦᔭᖅᑕᐅᓂᖅ, ᓂᕈᐊᕈᓐᓇᖃᑦᑕᖅᓯᒪᓐᖏᑦᑐᒍᑦ ᑭᓯᐊᓂ 1960-ᕈᕐᒪᑦ, ᐃᓕᑕᕆᔭᐅᓯᒪᓐᖏᑦᑐᓄᑦ ᓄᓇᒧᑦ ᐱᔪᓐᓇᐅᑎᕗᑦ, ᐊᓯᖏᓪᓗ ᖃᓄᑐᐃᓐᓇᖅ ᐃᓄᐃᑦ ᐊᑐᖅᑕᐅᓂᕆᓯᒪᔭᖏᑦ ᓱᓕ ᓄᑖᐹᓗᐃᑦ ᐃᓱᒪᑦᑎᓐᓂ. ᓱᓕᒃᑲᓐᓂᖅ, ᑕᒪᓐᓇ ᐅᖃᖅᑕᖓ ᓇᒻᒥᓂᖅ ᐅᖃᐅᓯᕆᓯᒪᔭᖓᓄᑦ ᐊᐳᖅᑐᖅ ᐃᓕᓐᓂᐊᕆᐊᖃᑦᑕᖅᓯᒪᔪᒥᓂᕐᓄᑦ ᒪᒥᐊᔾᔪᑎᒥᓂ.” ᐃᑦᑐᓗᒃ ᐅᖃᖅᑐᖅ.
ᔫᓂ 11, …

ᐃᓄᐃᑦ ᐅᖃᖅᑐᑦ ᓴᓐᓂᕈᑎᐅᑉ ᓇᓄᖏᑦ ᐃᓄᐃᓴᓪᓕᕙᓪᓕᐊᓐᖏᒋᐊᖏᑦ

(ᓯᑦᑕᕝᕙ 30, 2009–ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᐊᖓᔪᖅᑳᖓᑕ ᑐᖏᓕᖓ ᑮᓇᐅᔭᓕᕆᓂᕐᒧᑦ, ᕋᐃᒪᓐ ᓂᖏᐅᑦᓯᐊᖅ ᐅᖃᐅᔾᔨᔪᖅ ᓄᓇᕗᒻᒥ ᐅᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓂᒃ ᑐᐊᕕᐅᔾᔨᖁᓇᒋᑦ ᓴᓐᓂᕈᑎᒨᖓᔪᓂᒃ ᐃᓱᒪᑦᓴᖅᓯᐅᕈᑎᖃᑦᓯᐊᓚᐅᕋᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ.
ᐃᓄᐃᑦ ᐃᓱᒪᖃᖃᑦᑕᕐᒪᑕ ᖃᐅᔨᒪᓂᖏᑦ ᑲᒪᒋᔭᐅᓐᖏᑦᓯᐊᕆᐊᖏᑦ.
“ᐊᖑᓇᓱᑦᑏᑦ ᐊᖑᓇᓱᐊᖅᐸᑦᑐᑦ ᑕᖅᑭᓂᒃ 12-ᓂᒃ ᐊᕐᕌᒎᑉ ᐃᓗᐊᓂ ᕿᒥᕐᕈᐃᓐᓇᖅᓱᑎᒃ ᓄᓇᒥᒃ ᐆᒪᔪᕐᓂᓪᓗ ᐊᖑᓇᓱᒋᐊᖅᓯᓴᑦᑐᑎᒃ, ᐊᕐᕌᒍᓂ ᖃᑦᓯᒐᓛᓂ ᐊᓂᒍᖅᑐᓂ, ᐊᖑᓇᓱᑦᑏᑦ ᓴᓐᓂᕈᑎᒥ ᑕᑯᓯᒪᔪᑦ ᐊᒥᓱᓐᖑᐹᓪᓕᖅᑐᓂᒃ ᓇᓄᕐᓂᒃ.” ᐅᖃᖅᑐᖅ ᓂᖏᐅᑦᓯᖅ.
ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᒫᓐᓇ ᕿᒥᕐᕈᔪᑦ ᑲᑎᑦᓱᑎᒃ ᐊᖑᔭᐅᒍᓐᓇᖅᑐᓂᒃ ᓴᓐᓂᕈᑎᐅᑉ ᓇᓄᖏᓐᓂ. ᐊᖑᔭᐅᓚᐅᖅᑐᓪᓕ ᓂᓵᓐᓂᕈᑎᒥᒃ ᓄᓇᕗᒻᒥ ᓄᓇᓕᓐᓂᒃ 1998-ᒥᒃ 2007-ᒧᑦ 77-ᖑᓚᐅᖅᑐᑦ. ᑕᐃᑲᓂᑦᓴᐃᓐᓇᖅ ᐊᖑᔭᐅᓚᐅᖅᑐᑦ 111 ᑲᓛᖡᑦ ᓄᓇᖓᓐᓂ.
ᑭᓯᐊᓂᓕ ᑲᓛᖡᑦ ᓄᓇᖓᓐᓃᓐᖔᖅᑐᓂᒃ ᓇᔫᑎᔪᖃᓚᐅᓐᖏᒻᒥᔪᖅ ᑭᓇᒃᑯᑐᐃᓐᓇᕐᓄᑦ ᓈᓚᓐᓂᖅᑕᖃᖅᑎᓪᓗᒍ ᓄᓇᓕᓐᓂ ᑐᕋᐃᓐᓇᖅᑐᑦ …

ᓄᓇᕗᑦ ᑐᙵᕕᒃ ᑎᓂᖓᑦ ᖁᕕᐊᓲᑎᖃᖅᐳᖅ ᓄᑖᒥᑦ ᐅᖃᓕᒫᒐᒥᑦ ᐊᒃᑯᐊᔪᖅ ᐅᑭᐅᖅᑕᖅᑐᒥᑦ ᓴᐳᔾᔨᓯᒪᓂᕐᒥᑦ ᐊᑦᑕᓇᖅᑕᐃᓕᒪᑎᑦᑎᓂᕐᒧᑦ ᐊᒻᒪᓗ ᐃᓂᓪᓚᐃᕙᓪᓕᐊᓂᕐᒧᑦ ᓄᓇᕗᒥ ᐊᖏᕈᑎᓂᒃ

(ᓯᑎᐱᕆ 29, 2009 – – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᓯᕗᓪᓕᖅ ᐊᖓᔪᖅᑳᑉ ᑐᖏᓕᐊ  ᔭᐃᔅ ᐃᑦᑐᓗᒃ ᖁᕕᐊᓲᑎᖃᖅᐳᖅ ᖃᐅᔨᒪᔨᕐᔪᐊᒥᑦ ᒪᐃᑯ ᐹᐃᔪᔅ ᐅᑉᓗᐊᓂ ᓴᖅᑭᑎᑦᑎᓪᓗᒋᑦ ᐅᖃᓕᒫᒐᓕᐊᙵᓂᒃ ᑕᐃᒎᓯᓕᒃ ᑭᐊ ᓇᖕᒥᓂᖁᑎᒋᕙᐅᑉ ᐅᑭᐅᖅᑕᖅᑐᖅ? ᑐᑭᓯᐅᒪᓗᒍ ᐅᑭᐅᖅᑕᖅᑐᒥᑦ ᐊᑦᑕᓇᖅᑕᐅᓕᒪᑎᑦᑎᓂᕐᒧᑦ ᐊᙱᖃᑎᒌᒃᑐᓐᓇᐃᓕᔾᔪᑎᑦ ᐅᑭᐅᖅᑕᖅᑐᒥ. ᑖᓐᓇ ᐅᖃᓕᒫᒐᖅ, ᓯᓚᕐᔪᐊᓕᒫᒥ ᖃᐅᔨᒪᔨᕐᔪᐊᖑᔪᓂᑦ ᐊᔭᐅᖅᑐᐃᔪᖅ ᐅᑯᐊ ᒐᕙᒪᒃᑯᑦ ᑲᓇᑕᒥ ᐃᓗᐃᒃᑲᒥᑦ ᐃᓂᓪᓚᐃᖁᓪᓗᒋᑦ ᐅᑯᐊᓗ ᓄᓇᕗᒥ ᓄᓇᑖᕐᓂᕐᒧᑦ ᐊᙱᕈᑎᑦ ᐃᒪᓐᓇ ᖃᐅᔨᒃᑲᐃᓪᓗᑎᒃ ᑲᓇᑕᒥᑦ ᐃᓗᐃᑦᑐᒥᑦ ᓄᓇᖁᑎᖃᕐᓂᕐᒥᑦ ᐱᓪᓗᒋᑦ ᐅᑭᐅᖅᑕᖅᑑᑉ ᓱᑉᓗᐊᓗᐊ..
“ᑕᑯᔭᕗᑦ ᑕᒪᓐᓇ ᖃᐅᔨᓴᖅᑕᐅᓂᖅ ᐃᓗᐃᑦᑐᒥᑦ ᐃᑲᔪᖅᑐᖅᖢᒍ ᐊᒻᒪᓗ ᐃᑲᔪᖅᑐᐃᓯᒪᓪᓗᑕ ᐅᑭᐅᓄᑦ ᐊᒥᓱᓄᑦ ᐊᒻᒪᓗ ᑲᔪᓯᑎᓪᓗᒋᑦ ᐱᓇᓱᐊᖅᑕᐅᔪᑦ ᓴᙳᑎᓐᓇᓱᒃᖢᒋᑦ ᑲᓇᑕᒥ ᒐᕙᒪᒃᑯᑦ ᑲᔪᓯᖁᓪᓗᒋᑦ ᐱᔭᒃᓴᙱᓐᓂᒃ ᒪᓕᒃᖢᒋᑦ …

ᐊᖓᔪᖅᑳᖓᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᑲᑎᒪᖃᑎᖃᖅᐳᖅ ᓯᕗᓕᖅᑎᒥᒃ ᐳᕋᐃᒻ ᒥᓂᔅᑕᖓᓐᓂᒃ ᑲᓇᑕᐅᑉ

(ᐊᐅᒡᒍᓯ 20, 2009 — ᐃᖃᓗᐃᑦ, ᓄᓇᕗᑦ) ᐹᓪ ᖃᓗᔾᔭᒃ, ᐊᖓᔪᖅᑳᖓᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ, ᐅᖃᖅᓯᒪᔪᖅ ᖁᕕᐊᑦᑐᒥᓂᐅᓂᕋᖅᓱᓂ ᑲᑎᒪᖃᑎᖃᕆᐊᑦᓴᖅ ᐳᕋᐃᒻ ᒥᓂᔅᑕ ᕼᐋᐸ-ᒥᒃ ᐃᖃᓗᓐᓂ ᐅᓐᓅᓚᐅᖅᑐᖅ.
ᐊᖓᔪᖅᑳᖅ ᐹᓪ ᖃᓗᔾᔭᒃ ᐊᒻᒪᓗ ᒥᐅᕆ ᓴᐃᒪᓐ, ᐊᖓᔪᖅᑳᖓᑦ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᑲᑎᒪᖃᑎᖃᓚᐅᖅᑑᖅ ᐸᕋᐃᒻ ᒥᓂᔅᑕ-ᒥᒃ ᐊᒻᒪᓗ ᒥᓂᔅᑕ ᐊᒡᓘᑲᖅ ᐊᒻᒪᓗ ᓯᑐᕌᓪ ᐳᕋᐃᒻ ᒥᓂᔅᑕ ᐅᑭᐅᖅᑕᖅᑐᒥ ᐳᓚᕋᑦᑎᓪᓗᒍ.
ᖃᓗᔾᔭᒃ ᐅᖃᕆᐊᒃᑲᓐᓂᓚᐅᖅᑐᖅ ᐊᖏᖃᑎᒌᓐᓂᖅᑕᖃᕐᓂᕆᐊᖓ ᑕᕝᕙᓂ ᑲᑎᒪᓂᕐᒥᒃ ᐊᐅᓚᔾᔭᒋᐊᕐᓂᖅᑕᖃᒃᑲᓐᓂᕆᐊᖃᕆᐊᖓ ᐱᕚᓪᓕᖅᑎᑕᐅᓂᐊᖅᐸᑕ ᐃᓄᐃᑦ ᖃᑭᒪᓇᓱᐊᕈᑎᑦᓴᖏᑦ ᐃᓅᓯᖏᓪᓗ. ᖃᓗᔾᔭᐅᑉ ᑕᑯᓐᓇᖅᑕᖓᒍᑦ, ᑕᒪᓐᓇ ᐱᔭᕆᐊᖃᖅᑎᑦᓯᒻᒪᑦ ᒐᕙᒪᑐᖃᒃᑯᓐᓂᒃ ᑎᑭᐅᒋᐊᖃᕐᓂᖏᓐᓂᒃ ᑲᒪᒋᒋᐊᖃᖅᓯᒪᔭᒥᓐᓄᑦ ᐊᑕᓂ ᓄᓇᕗᒻᒥ ᓄᓇᑖᓂᕐᒧᑦ ᐊᖏᖃᑎᒌᒍᑎᒻᒪᕆᐅᑉ. “ᐊᑎᓕᐅᖃᑎᖃᖅᓯᒪᒐᑦᑕ ᐊᖏᖃᑎᒌᒍᑎᑦᑎᓐᓂᒃ ᑯᐃᓐ-ᓗ ᑭᒡᒍᖅᑐᔨᖏᑦ 1993-ᒥ, ᒪᓕᒐᕆᔭᐅᔪᖅ ᓄᓇᒧᑦ, ᑐᓐᖓᕕᐅᒍᒫᕐᓂᐊᖅᓱᓂᓗ ᐊᑯᓃᖅᑐᒧᑦ, …

ᐃᓕᑕᕆᔭᐅᖁᔭᐅᔪᑦ ᐃᓄᐃᑦ ᐅᑭᐅᖅᑕᖅᑐᒥ ᓴᐳᔾᔨᓯᒪᓂᖏᓐᓄᑦ

(ᐊᐅᒡᒍᓯ 17, 2009 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᓯᕗᓕᖅ ᐊᖓᔪᖅᑳᑉ ᑐᖏᓕᖓ ᔭᐃᒥᓯ ᐃᑦᑐᓗᒃ, ᐅᓪᓗᒥ ᑐᑦᓯᕋᖅᑲᐅᔪᖅ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐃᓕᑕᕆᔭᐅᖁᔨᓪᓗᓂ ᑐᑦᑕᕐᕕᒋᔭᖓᓐᓂᒃ ᐃᓄᐃᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ.
“ᐃᓄᐃᑦ ᓄᓇᖃᕆᐊᓐᖓᖅᓯᒪᔪᑦ ᐅᑭᐅᖅᑕᖅᑐᒥ. ᑕᒫᓂ ᓄᓇᖃᓐᖏᒃᑯᑦᑕ, ᑲᓇᑕᐅᑉ ᓴᐃᒻᒪᑎᖓᓂᒃ ᐋᖅᑭᑦᑕᐅᓯᒪᔪᖃᕋᔭᓐᖏᑦᑐᖅ ᐅᑭᐅᖅᑕᖅᑐᒥ ᐅᓪᓗᒥ”, ᐃᑦᑐᓗᒃ ᐅᖃᖅᑐᖅ. “ᐃᓄᐃᑦ ᑕᒪᐅᓐᖓᕈᑕᐅᓯᒪᔪᑦ ᖃᓪᓗᓈᑦ ᓄᓇᖓᓐᓃᓐᖔᖅᑐᓄᑦ,” ᐅᖃᒃᑲᓐᓂᖅᓱᓂ.
“ᓂᐅᕕᖅᑏᑦ, ᐸᓖᒃᓯᑯᑦ, ᐃᓕᓐᓂᐊᑎᑦᓯᔩᑦ, ᒐᕙᒪᒃᑯᓐᓂ ᐊᖓᔪᖅᑲᐅᑏᑦ – ᑕᒪᐅᓐᖓᖅᓯᒪᔪᑦ ᑕᒫᓃᓐᓂᑎᓐᓄᑦ. ᑕᐃᒪᐃᓕᖓᓪᓚᕆᑦᑐᖅ, ᑕᐃᒫᒃ ᑲᓇᑕ ᓴᖅᑮᓯᒪᕗᖅ ᑕᕝᕙᐅᓂᕐᒥᓂᒃ ᐅᑭᐅᖅᑕᖅᑐᒥ.”
ᐅᖃᒃᑲᓐᓂᖅᓱᓂᓗ ᒫᓐᓇ ᐊᑦᓱᕉᑕᐅᔪᒥᒃ ᐅᓇᓕᑦᓴᐃᑦ ᓇᔫᑎᓂᖓᓐᓂᒃ ᖄᖐᓐᓇᕆᒋᐊᖏᓪᓗ ᐱᐅᓯᐅᓯᒪᓪᓚᕆᑦᑐᒥᒃ, ᑭᓯᐊᓂ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒻᒪᕆᒃ ᐃᓕᑕᖅᓯᓂᖃᖅᑐᖅ “ᐃᑲᔪᖅᓯᓂᐅᓯᒪᔪᑦ ᑲᓇᑕᐅᑉ ᐊᑑᑦᓯᒪᔭᖏᓐᓄᑦ, ᖃᓄᐃᑦᑑᓂᖓᓄᑦ ᐊᒻᒪᓗ ᓴᐳᔾᔨᓯᒪᓂᖓᓄᑦ ᐅᑭᐅᖅᑕᖅᑐᒥᒃ.”
ᐃᑦᑐᓗᒃ …

ᓄᓇᕗᑦ ᑐᓐᖓᕕᒃᑯᑦ ᑎᒥᖓ ᓴᖅᑭᑎᑦᑎᔪᖅ ᓄᑖᒥᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᐱᔾᔪᑎᒋᑉᓗᒋᑦ ᖃᕆᑕᐅᔭᒃᑯᑦ ᑐᑭᓯᒋᐊᕐᕕᖕᒥ

(ᔪᓚᐃ 17, 2009 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖓᑕ ᐊᖓᔪᖅᑳᖓ ᐹᓪ ᖃᓗᔾᔭᖅ ᐅᑉᓗᒥ ᑐᓴᖅᑎᑦᑎᖅᑲᐅᔪᖅ ᓄᓇᕗᑦ ᑐᓐᖓᕕᒃᑯᑦ ᑎᒥᖓ ᓴᖅᑭᑎᑦᑎᖕᒪᑦ ᓄᑖᒥᒃ ᑐᑭᓯᒋᐊᕐᕕᒃᓴᒥᒃ ᖃᕆᑕᐅᔭᒃᑯᑦ ᑐᑭᓯᒋᐊᕐᕕᖓᒍᑦ ᓄᓇᕗᒥᐅᓄᑦ ᑐᕌᖓᔪᖅ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ.
“ᐃᓕᓐᓂᐊᕆᐊᖅᑎᑕᐅᕙᓚᐅᖅᑎᓪᓗᒋᑦ ᐃᓄᐃᑦ ᐊᒥᓱᒻᒪᕆᐊᓗᐃᑦ ᐊᒃᑐᖅᑕᐅᓂᖃᖅᓯᒪᖕᒪᑕ, ᐃᖕᒥᓄᑦ ᑐᕌᓪᓚᑦᑖᖅᑐᒃᑯᑦ ᐊᒻᒪᓗ ᐃᖕᒥᓄᑦ ᑐᕌᓪᓚᑦᑖᖏᑦᑐᒃᑯᑦ,” ᑕᐃᒪᓐᓇ ᐅᖃᖅᖢᓂ ᐊᖓᔪᖅᑳᖅ ᐹᓪ ᖃᓗᔾᔭᖅ. “ᓄᓇᕗᑦ ᑐᓐᖓᕕᒃ ᑎᒥᖓ ᖁᕕᐊᓱᒃᑐᖅ ᓴᖅᑭᑎᑦᑎᔪᓐᓇᕋᒥ ᑐᑭᓯᓇᑦᑎᐊᖅᑐᒥᒃ ᐊᑐᖅᑕᐅᔪᓐᓇᖅᑐᒥᒡᓗ ᖃᐅᔨᒋᐊᕐᕕᒃᓴᒥᒃ ᐃᓄᖕᓄᑦ ᑐᕌᖓᓗᐊᖅᑐᒥᒃ ᑐᑭᓯᒋᐊᕈᒪᔪᖃᖅᐸᑦ ᐊᒻᒪᓗ ᐃᑲᔪᖅᑕᐅᔪᒪᔪᖃᖅᐸᑦ ᑐᕌᖅᐸᓪᓕᐊᔪᓐᓇᕐᓂᕐᒧᑦ ᒪᒥᓴᕐᓂᕐᒧᑦ ᐃᖕᒥᓄᑦ ᖃᑕᓐᖑᑎᒥᓄᓪᓗ. ᑕᐃᒪᑐᖅ ᑕᒪᒃᑯᐊ ᐊᑐᖅᑕᐅᔪᓐᓇᖅᑐᑦ ᐊᒃᑐᖅᑕᐅᓯᒪᔪᓄᑦ ᐃᑲᔫᑕᐅᓂᐊᖅᐳᑦ ᐱᐊᓂᒍᑎᔪᓐᓇᑦᑎᐊᖁᑉᓗᒋᑦ,” ᑕᐃᒪᓐᓇ ᐅᖃᖅᖢᓂ ᖃᓗᔾᔭᖅ.
ᓄᓇᕗᑦ ᑐᓐᖓᕕᒃᑯᑦ ᑎᒥᖓᑕ ᖃᕆᑕᐅᔭᒃᑯᑦ ᖃᐅᔨᒋᐊᕐᕕᖓ …

ᓄᓇᕗᑦ ᑐᓐᖓᕕᑦᑯᑦ ᑎᒥᖓ ᖁᕕᐊᓲᑎᖃᕐᓂᐊᖅᑐᖅ ᐱᓕᕆᐊᕆᔭᖓ ᐱᐊᓂᒃᐸᓪᓕᐊᓕᖅᑎᓪᓗᒍ ᓯᕗᓪᓕᖅᐹᖅ ᓄᓇᕐᔪᐊᕐᒥ ᐊᕐᕕᕐᓄᑦ ᐱᑕᖅᑕᐃᓕᕝᕕᒃ ᓄᓇᕗᒦᑦᑐᖅ

(ᔪᓚᐃ 16, 2009 ­­ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖓᑕ ᐊᖓᔪᖅᑳᖓ ᐹᓪ ᖃᓗᔾᔭᖅ ᐅᑉᓗᒥ ᑐᓴᖅᑎᑦᑎᔪᖅ ᓄᓇᓕᐅᔪᖅ ᖁᕕᐊᓲᑎᖃᕐᓂᐊᕐᓂᖓᓄᑦ ᑲᖏᖅᖢᒑᐱᒃ ᐊᒐᓯ 6, 2009-ᒥ. ᖁᕕᐊᓲᑕᐅᔪᖅ ᖁᕕᐊᓲᑕᐅᓂᐊᖅᑐᖅ ᐊᑕᐅᓯᕐᒥ ᐅᑭᐅᒥ ᑲᔪᓯᑎᑦᑎᑦᑎᐊᖅᓯᒪᓂᖏᓐᓄᑦ ᐊᑐᓕᖅᑎᕆᓂᕐᒧᑦ ᐃᓄᐃᑦ ᐊᒃᑐᖅᑕᐅᓂᖃᕐᓂᐊᖅᑎᓪᓗᒋᑦ ᐱᕚᓪᓕᕈᑎᒃᓴᖏᓐᓄᑦ ᐊᖏᕈᑎᓕᐊᕐᒥ, ᓯᕗᓂᒃᓴᒥ ᓴᖅᑭᓐᓂᐊᖅᑐᒧᑦ ᓂᖏᖓᓂᖅ ᑲᓇᑕᒥ ᐆᒪᔪᖃᕐᕕᒃ.

ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓕᐊᖅ ᐱᓕᕆᐊᒃᓴᖃᖅᑎᑦᑎᖕᒪᑦ ᒐᕙᒪᑐᖃᒃᑯᓐᓂᒃ ᐋᔩᕈᑎᖃᖃᑦᑕᖁᑉᓗᒋᑦ ᐃᓄᐃᑦ ᐊᒃᑐᖅᑕᐅᓂᖃᕐᓂᐊᖅᑎᓪᓗᒋᑦ ᐱᕚᓪᓕᕈᑎᒃᓴᖏᓐᓄᑦ ᐊᖏᕈᑎᓕᐊᕐᓂ ᓇᓗᓇᐃᖅᓯᓇᔭᕐᓂᕐᒧᑦ ᒥᕐᖑᐃᖅᓯᕐᕕᖕᓂ ᐅᕝᕙᓘᓐᓃᑦ ᓴᐳᓐᓂᐊᖅᑕᐅᓯᒪᓂᐊᖅᑐᓂᒃ ᓄᓇᓂᒃ ᓄᓇᕗᒻᒥ. ᓇᓗᓇᐃᖅᓯᒃᐸᑕ ᐊᒻᒪᓗ ᒪᓕᒐᑎᒍᑦ ᓴᐳᓐᓂᐊᕈᑎᒃᓴᑦ ᓂᖏᖓᓂᖅ ᑲᓇᑕᒥ ᐆᒪᔪᖃᕐᕕᖕᒧᑦ ᐱᐊᓂᒃᑕᐅᒃᐸᑕ, ᓂᕆᐅᒋᔭᐅᔪᖅ ᓯᕗᓪᓕᖅᐸᐅᓂᐊᕐᓂᖓᓄᑦ ᓄᓇᕐᔪᐊᕐᒥ ᐊᕐᕕᕐᓄᑦ ᐱᑕᖅᑕᐃᓕᕝᕕᐅᓇᔭᕐᓂᖓᓄᑦ.

“ᑕᒪᓐᓇ ᐱᒻᒪᕆᐊᓗᒃ ᑲᖏᖅᖢᒑᐱᖕᒥᐅᑕᓄᑦ, ᐊᔭᖅᑐᐃᖃᑦᑕᖅᓯᒪᑎᓪᓗᒋᑦ ᓴᐳᓐᓂᐊᖅᑕᐅᖁᑉᓗᒋᑦ ᐊᕐᕖᑦ …

ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓ ᐊᒻᒪᓗ ᒐᕙᒪᒃᑯᑦ ᓄᓇᕗᒻᒥ ᑐᓴᖅᑕᐅᑎᑦᓯᕗᑦ ᑲᑭᓃᑦ ᑮᓇᐅᔭᓂᒃ ᐊᐃᑦᑑᑎᖏᓐᓂᒃ ᐱᔪᓂᒃ

(ᔪᓚᐃ 9, 2009 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᐊᖓᔪᖅᑳᖓᑦ ᐹᓪ ᖃᓗᔾᔭᒃ ᐊᒻᒪᓗ ᓄᓇᕗᑦ ᓯᕗᓕᖅᑎᖓ ᐄᕙ ᐋᕆᐊᒃ ᐅᓪᓗᒥ ᑐᓴᖅᑎᑦᓯᖅᑲᐅᔫᒃ ᐊᑎᖏᓐᓂᒃ ᓵᓚᖃᖅᓯᒪᔪᓂᒃ ᐊᕐᕌᒍᒥ ᑲᑭᓃᑦ ᐊᐃᑦᑑᑎᖏᓐᓂᒃ. ᐊᐅᓚᓂᐅᔪᒃᑯᑦ ᐊᐃᑦᑐᐃᖃᑦᑕᕐᒪᑕ ᐊᑎᖃᖃᑕᐅᔪᓂᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒻᒪᕆᒃᑯᑦ ᐱᕚᓪᓕᑎᑦᓯᒐᓱᐊᖅᑐᓂᒃ ᐱᖅᑯᓯᕐᒥᓂᒃ ᐃᓕᓐᓂᐊᖅᓯᒪᓂᕐᒥᓂᓪᓗ.
ᑕᕝᕙᓂ ᐊᕐᕌᒍᒥ 6¬ᖑᔪᑦ ᑐᑦᓯᕋᖅᓯᒪᔪᑦ ᐱᓂᐊᖅᑐᓂᒃ ᑮᓇᐅᔭᓂᒃ ᑲᔪᓯᒍᑎᑦᓴᖏᓐᓂᒃ ᐃᓕᓐᓂᐊᖅᑕᒥᓐᓂᒃ ᐱᖅᑯᓯᕐᒨᖓᔪᓂᒃ ᐃᓕᓐᓂᐊᕕᑦᑎᒍᓪᓗ. ᐊᑎᖏᑦ ᑏᕙᐃ ᒪᑲᐃ, ᕉᒪᓂ ᒪᒃᑭᒃ, ᑯᕆᔅᑐ ᒫᑎᓐ, ᒪᐃᖃ ᓇᑦᓯ, ᐹᑐᕆᒃ ᓵᒋᐊᖅᑐᖅ ᐊᒻᒪᓗ ᓵᓐᑎ ᕕᓐᓴᓐᑦ.
ᐱᒐᓱᐊᕐᓂᐊᕈᑎᒃ, ᐃᓕᓐᓂᐊᖅᑏᑦ ᑎᑎᕋᖁᔭᐅᓯᒪᔪᑦ ᓇᐃᑦᑐᒥᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒻᒪᕆᐅᑉ ᒥᑦᓵᓄᑦ.
“ᐅᐱᒃᑯᓲᑎᕙᕗᑦ ᑕᕝᕙᓂ ᐊᕐᕌᒍᒥ ᓂᕈᐊᖅᑕᐅᔪᑦ ᑲᑭᓃᑦ ᐊᐃᑦᑑᑎᖏᓐᓄᑦ. ᓄᓇᕗᑦ ᑐᓐᖓᕕᒃᑯᑦ …

ᐃᓄᐃᑦ ᓇᓪᓕᐅᓂᖅᓯᐅᕈᑎᖃᖅᐳᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᑎᒍᔭᐅᓂᖏᓐᓂᒃ ᑲᓇᑕᐅᑉ ᒪᓕᒐᓕᐅᕐᕕᒡᔪᐊᖓᓂ ᐊᖏᖃᑎᒌᒍᑕᐅᓪᓗᑎᒃ

(ᔫᓂ 12, 2009 – ᐃᖃᓗᐃᑦ) ᐃᑦᑑᑏᑦ ᑲᑎᒪᔨᖏᑦ ᑲᓇᑕᒥ ᐃᓘᓐᓇᖏᓐᓄᑦ ᐊᖏᖅᑕᐅᓪᓗᓂ ᖄᖏᖅᑎᑦᓯᓚᐅᖅᐳᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᐱᖁᔭᖏᓐᓂᒃ ᐊᐃᕙᔾᔪᑎᖃᒻᒪᕆᖃᑦᑕᓚᐅᖅᑳᖅᓱᑎᒃ ᐋᑐᕚᒥ ᔫᓂ 11, 2009.
ᐱᖁᔭᖅ ᐊᖏᖃᑎᒌᒍᑕᐅᔭᕆᐊᖃᓚᐅᕐᒪᑦ ᑲᓇᑕᐅᑉ ᐱᖁᔭᓕᐅᕐᕕᔾᔪᐊᖓᓂᒃ ᒪᓕᓪᓗᒋᑦ ᐊᕕᑦᑐᖅᓯᒪᓂᖓ 38 ᓄᓇᕗᒻᒥ ᐱᖁᔭᑦ.
ᑐᓐᖓᕕᒃᑯᑦ ᐊᖏᔪᖅᑳᖓ ᐹᓪ ᖃᓗᔾᔭᖅ ᐅᖃᓚᐅᖅᑐᖅ, “ᒫᓐᓇ ᐊᑐᖅᑕᐅᓚᐅᖅᓯᒪᓐᖏᑦᓯᐊᖅᑐᒥᒃ ᐊᑐᖅᑐᒍᑦ. ᐃᓄᐃᑦ ᐅᖃᐅᓯᖓ ᒫᓐᓇ ᐃᓕᓴᕆᔭᐅᓯᒪᖃᑕᐅᓕᖅᑐᖅ ᐅᖃᐅᓯᕐᓄᑦ ᑲᓇᑕᒥ ᓴᓐᖏᓂᖃᕐᕕᖃᖅᑐᓂ ᓄᓇᕗᒻᒥ. ᐅᕙᒍᑦ, ᐃᓅᔪᒍᑦ, ᐅᐱᒍᓱᒻᒪᕆᑉᐳᒍᑦ ᑲᔪᓯᑎᑕᐅᒍᓐᓇᓚᐅᕐᒪᑦ.”
ᐊᖏᔪᖅᑳᐅᑏᑦ ᓄᓇᕗᑦ ᑐᓐᖓᕕᒃ ᑎᒥᖓᓂᒃ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᐅᖃᕆᐊᖅᑐᓚᐅᖅᐳᑦ ᑲᑎᒪᔨᕋᓛᖏᓐᓄᑦ ᐃᑦᑑᑏᑦ ᒪᓕᒐᓕᕆᓂᕐᒧᑦ ᐊᒻᒪᓗ ᑐᓐᖓᕕᓕᕆᓂᕐᒧᑦ ᒪᓕᒐᕐᔪᐊᖑᔪᓂᒃ ᐱᓇᓱᐊᕈᓯᑦᑎᓐᓂ ᐊᔭᐅᖅᑐᐃᒋᐊᕆᐊᖅᑐᖅᓱᑎᒃ ᑲᔪᓯᑎᑕᐅᖁᓪᓗᒍ ᐱᖁᔭᖅ. ᐊᖏᔪᖅᑲᐅᑏᑦ ᑐᑭᓯᑎᑦᓯᒋᐊᕈᓐᓇᓚᐅᕐᒥᔪᑦ ᐃᓚᖏᓐᓂᒃ ᐃᓱᒫᓘᑕᐅᔪᓂᒃ ᐅᖃᐅᓯᕆᔭᐅᖃᑦᑕᓚᐅᖅᑐᓂᒃ …

ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ᐊᔪᐃᓐᓇᖅᑐᑦ ᑲᓇᑕᒥᒃ ᓴᓐᖏᔪᒥᒃ ᐊᑭᕋᖅᑐᖁᓪᓗᒋᑦ ᓇᑦᓯᕋᔭᓐᓂᒃ ᐱᖃᑦᑕᕈᒪᐃᕐᓂᖏᓐᓄᑦ

(ᒪᐃ 6, 2009 – ᑲᖏᖅᖠᓂᖅ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᐊᖓᔪᖅᑳᖓᑦᑕ ᑐᖏᓕᖓ ᑮᓇᐅᔭᓕᕆᓂᕐᒧᑦ, ᕋᐃᒪᓐ ᓂᖏᐅᑦᓯᐊᖅ ᖁᐊᖅᓵᓚᐅᖅᑐᖅ ᑐᓴᓕᕋᒥ ᑕᕆᐅᑉ ᐊᑭᐊᓂᒃ European Union-ᑯᑦ ᒐᕙᒪᖏᑦ ᑲᔪᓯᑎᑦᓯᔪᒥᓂᐅᒻᒪᑕ ᓯᕗᓪᓕᖅᐹᒥ ᐅᖃᓕᒫᖅᑕᐅᓂᖓᓂᒃ ᓄᖅᑎᑦᓯᓂᐅᑉ ᑎᑭᑎᑕᐅᖃᑦᑕᕐᓂᖏᓐᓂᒃ ᓇᑦᓯᕋᔭᐃᑦ.
“ᑕᒪᓐᓇ ᓄᖅᑲᖓᑎᑦᓯᓂᐅᔪᖅ ᖁᐊᖅᓵᕐᓇᖏᒃᑲᓗᐊᖅᓱᓂ, ᓱᓕ ᖁᐊᖅᓵᕐᓇᖅᑐᖅ ᑕᐃᒪᐃᑦᑐᒥᒃ ᐋᖅᑮᔪᖃᕐᓂᐊᖅᐸᑦ ᑐᓐᖓᕕᖃᕆᐊᖃᕐᒪᑕ ᐊᑑᑎᓪᓚᕆᑦᑐᓂᒃ ᐃᓱᒪᒋᔭᑐᐃᓐᓇᕐᓂᐅᖏᑦᑐᖅ. ᐅᖓᑖᓃᑦᑐᑦ 5-ᒥᓕᐊᓐ ᓇᑦᓰᑦ ᐋᑦᓛᓐᑎᒃ ᑕᕆᐅᖓᓂ ᑕᒪᓐᓇ ᓄᖅᑲᑎᑦᓯᓂᐅᔪᖅ ᓴᐳᔾᔨᓂᕐᒨᖓᓐᖏᒻᒪᑦ.” ᐅᖃᖅᑐᖅ ᓂᖏᐅᑦᓯᐊᖅ.
ᓇᓚᐅᑦᓵᖅᑕᐅᓯᒪᔪᑦ ᖃᐃᕈᓖᑦ ᐋᑦᓛᓐᑎᒃ ᑕᕆᐅᖓᓂ ᐊᑯᕐᖓᓐᓃᑦᑐᑦ 5.4 ᐊᒻᒪᓗ 5.8-ᒥᓕᐊᓐ.
1993-ᖑᑎᓪᓗᒍ, ᑕᕆᐅᑉ ᐊᑭᓂᒥᐅᑦ ᓄᖅᑲᑎᑦᓯᓚᐅᖅᓯᒪᒻᒥᒻᒪᑕ “ᓇᑦᓯᐊᒥᓂᕐᓂᒃ” (ᓇᑦᓯᐊᒥᓃᑦ). ᑕᐃᒪᐃᑦᑎᓪᓗᒍ ᐱᔭᐅᒍᒪᓗᐊᕈᓐᓃᓚᐅᖅᓯᒪᔪᑦ ᐊᑭᑭᓪᓕᑦᓱᑎᓪᓗ ᕿᓰᑦ ᐊᒻᒪᓗ ᑕᒪᓐᓇ ᐊᑦᑐᐃᓯᒪᔪᔪᖅ ᐃᓄᓐᓂᒃ …

ᓄᓇᕗᑦ ᑐᓐᖓᕕᑦ ᑎᒥᖓᑦ ᐅᖃᖅᐳᑦ ᓴᖅᑭᑎᑦᑎᓂᕐᒥᑦ ᐃᖅᑲᐅᒪᔾᔪᑎᒃᓴᒥᑦ ᒪᑭᑕᔪᒥᑦ ᐅᑯᓄᖓ ᐃᖃᐅᒪᓂᐅᓂᐊᖅᑐᒥᑦ ᖁᑦᑎᒃᑐᒧᑦ ᐅᑭᐅᖅᑕᖅᑐᒥᑦ ᓅᑎᑕᐅᓚᐅᖅᓯᒪᔪᓄᑦ

(ᐊᐃᐳᕆ 14, 2009 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᑦᑕ  ᓯᕗᓪᓕᖅ ᐊᖓᔪᖅᑳᑉ ᑐᖏᓕᐊ ᔭᐃᒪᓯ ᐃᑦᑐᓗᒃ ᐅᑉᓗᒥ ᐅᖃᖅᑐᖅ ᓴᖅᑭᑦᑎᓂᒃᑯᑦ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦ ᑎᓕᓯᔪᑦ ᓴᖅᑭᑦᑎᓂᕐᒥᑦ ᒪᕐᕉᖕᓂᒃ ᐃᖅᑲᐅᒪᔾᔪᑎᐅᓂᐊᒻᑑᖕᓂᒃ – ᐊᑕᐅᓯᖅ ᖃᐅᓱᐃᑦᑐᒥᑦ ᐊᒻᒪᓗ ᐊᑕᐅᓯᖅ ᐊᐅᔪᐃᑦᑐᒥ – ᐃᖅᑲᐅᒪᔾᔪᑕᐅᓂᐊᖅᑐᓂᒃ ᒪᑭᑎᓯᒪᓗᒋᑦ ᐊᒃᓱᕉᑕᐅᓚᖅᑐᓂᒃ ᐅᑯᓄᖓ ᐃᓄᖕᓄᑦ ᓅᑎᑕᐅᓚᐅᖅᓯᒪᔪᓄᑦ ᓄᓇᓖ’ᓄᑦ 1953 ᐊᒻᒪ 1955-ᒥ.
ᒪᕐᕉᒃ ᓄᓇᕗᒥ ᓯᕗᓕᖅᑎᒻᒪᕇᐅᓪᓗᑎᒃ ᓴᓇᓐᖑᐊᖅᑏᒃ ᑎᓕᔭᐅᓚᐅᖅᑑᒃ ᓴᖅᑭᑦᑎᓂᐊᕐᓗᑎᒃ ᑖᒃᑯ’ᓂᖓ ᐃᖅᑲᐅᒪᔾᔪᑎᒃᓵᖕᓂᒃ ᒪᑭᑎᑕᐅᓗᑎᒃ: ᓯᒥᐅᓂ ᐊᒪᕈᐊᓕᒃ ᖃᐅᓱᐃᑦᑐᒥᐅᑕᖅ ᐊᒻᒪᓗ ᓅᑎ ᐱᔾᔭᒥᓂᖅ ᐊᐅᔪᐅᑦᑐᒥᐅᑕᖅ. ᓴᖅᑭᑎᑕᐅᓂᐊᖅᑐᖅ ᒪᒃᐱᖅᓯᓗᑎᒃ ᐅᑉᓗᖃᕐᓂᐊᖅᑐᖅ ᓯᑎᐱᕆ 5, 2009-ᒥ (ᖃᐅᓱᐃᑦᑐᒥᑦ) ᐊᒻᒪᓗ ᓯᑎᐱᕆ 6, 2009 (ᐊᐅᔪᐃᑦᑐᒥ).
ᖁᑦᑎᒃᑑᑉ ᐅᑭᐅᖅᑕᖅᑐᐊᓄᑦ …

ᐅᖃᖃᑎᒌᒍᑕᐅᔪᖅ ᐸᐃᑉᐹᖅ ᓴᒃᑯᑕᐅᔪᖅ ᐱᕙᓪᓕᐊᑎᑕᐅᓂᖏᓐᓄᑦ ᐃᒻᒥᓃᖅᑕᐃᓕᓂᓕᕆᓂᕐᒧᑦ ᐅᐸᓗᖓᐃᔭᐅᑏᑦ

ᐃᖃᓗᐃᑦ, ᓄᓇᕗᑦ (ᐄᑉᐳᕉᓪ 14, 2009) ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ, ᒐᕙᒪᒃᑯᖏᑦ ᓄᓇᕗᑦ, ᐊᒻᒪᓗ ᐃᓴᒃᓯᒪᖏᑦ ᐃᓅᓯᕐᒥᒃ ᑲᑐᔾᔨᖃᑎᒌᑦ ᐅᓪᓗᒥ ᓴᒃᑯᐃᖅᑲᐅᒻᒪᑕ ᐅᖃᖃᑎᒌᒍᑎᒥᒃ ᐸᐃᑉᐹᒥᒃ ᑕᐃᔭᐅᔪᒥᒃ ᐊᑐᕐᓂᖅ ᖃᐅᔨᒪᓂᕐᒥᒃ ᐊᑑᑎᓂᕐᒥᓪᓗ ᑐᓐᖓᕕᐅᓗᓂ ᐊᐅᓚᓂᐅᔪᒧᑦ: ᐅᖃᖃᑎᒌᒍᑕᐅᔪᖅ ᐃᒻᒥᓃᕐᑕᐃᓕᒪᓂᓕᕆᓂᕐᒥᒃ ᓄᓇᕗᒻᒥ. ᐅᖃᖃᑎᒌᒍᑕᐅᔪᖅ ᐸᐃᑉᐹᖅ ᓯᕗᓪᓕᖅᐸᐅᕗᖅ ᐊᐅᓚᔾᔭᒋᐊᕐᓂᐅᔪᓂ ᑲᑎᖅᓱᐃᓂᕐᒧᑦ ᑐᓴᕋᑦᓴᓄᑦ ᐃᓱᒪᒋᔭᐅᔪᓂᓪᓗ ᓄᓇᕗᒻᒥᐅᓂᒃ ᓱᓇᐃᑦ ᐃᓚᒍᑦᓯᐅᑎᓯᒪᒋᐊᖃᕐᒪᖔᑕ ᐊᑕᐅᓯᕐᒥ, ᐃᓗᓕᖅᑐᔪᒥ ᐃᒻᒥᓃᖅᑕᐃᓕᓂᓕᕆᓂᕐᒧᑦ ᐸᕐᓇᐅᑎᓂ.
ᐅᖃᖃᑎᒌᒍᑕᐅᔪᖅ ᐸᐃᑉᐹᖅ ᐊᒥᖅᑲᐅᔾᔨᔪᖅ ᐱᓕᕆᖃᑎᒌᑦ ᐃᓕᒍᑎᒋᓯᒪᔭᖏᓐᓂᒃ ᓱᒻᒪᑦ ᐃᓚᖏᑦ ᐃᓄᐃᑦ ᐃᒻᒥᓃᕈᒪᓂᕐᒦᓕᖃᑦᑕᕐᒪᖔᑕ, ᓱᓴᐃᓪᓗ ᐊᑑᑎᖃᖅᑐᖅᓯᐊᖑᓯᒪᒻᒪᖔᑕ ᐃᓄᐃᓴᓪᓕᕚᓪᓕᑎᑦᓯᓂᕐᒧᑦ ᐃᒻᒥᓃᖅᐸᑦᑐᓂᒃ.
ᐃᓚᒍᑦᓯᐅᑎᓗᓂ ᑎᑎᕋᖅᓯᒪᔪᓄᑦ, ᐅᖃᖃᑎᒌᒍᑕᐅᔪᑦ ᐸᐃᑉᐹᑦ ᐱᖓᓱᓂᒃ ᐃᓚᒍᑕᓕᒃ: ᓯᕗᓪᓕᖅᐹᖅ ᑕᑯᑦᓴᐅᑎᑦᓯᔪᖅ ᑭᓪᓕᓯᓂᐊᖅᑕᐅᓯᒪᔪᓂᒃ ᐃᒻᒥᓃᕐᓂᐅᔪᓂᒃ ᓄᓇᕗᒻᒥ 1960-ᒥᒃ …

ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ᐱᖃᑦᑕᖅᑐᖅ ᑐᑦᓯᕋᐅᑎᓂᒃ ᑲᑭᓃᑦ ᐊᐃᑦᑑᑎᖏᓐᓂ

(ᐄᑉᐳᕉᓪ 9, 2009 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ᒫᓐᓇ ᐱᖃᑦᑕᖅᑐᑦ ᑐᑦᓯᕋᐅᑎᓂᒃ 2009-ᒧᑦ ᑲᑭᓃᑦ ᐊᐃᑦᑑᑎᖏᓐᓄᑦ. ᑕᒪᓐᓇ ᐊᐅᓚᓂᐅᔪᖅ ᐊᐅᓚᔾᔭᑦᑕᐅᓯᒪᔪᖅ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓄᑦ ᐊᒻᒪᓗ ᒐᕙᒪᒃᑯᖏᓐᓄᑦ ᓄᓇᕗᑦ 2007-ᖑᑎᓪᓗᒍ ᐃᓇᑦᓯᒍᑕᐅᑦᓱᑎᒃ ᐃᑲᔪᕈᑕᐅᑦᓱᑎᓪᓗ ᐃᓕᓐᓂᐊᖅᑎᓂᒃ ᐱᖅᑯᓯᕐᓅᖓᔪᓂᒃ ᖁᕝᕙᖅᓴᕐᓂᕐᒧᓪᓗ ᐃᓕᓐᐊᓂᖅᑕᖏᓐᓄᑦ.
ᐊᐃᑦᑑᑕᐅᕙᑦᑐᑦ $1,000 ᑕᓪᓕᒪᓄᑦ ᐃᓕᓐᓂᐊᖅᑎᓄᑦ ᐱᕚᓪᓕᑎᑦᓯᒐᓱᐊᖅᑐᓄᑦ ᐱᖅᑯᓯᕐᒨᖓᔪᓂᒃ ᐊᒻᒪᓗ $1,000 ᐃᓕᓐᓂᐊᖅᑎᓄᑦ ᑕᓪᓕᒪᓄᑦ ᐃᓕᓐᓂᐊᖅᑐᓄᑦ ᓯᓚᑦᑐᓴᕐᕕᓐᓂ. ᐊᑎᖃᖃᑕᐅᔪᑦ ᑭᓯᐊᓂ ᓄᓇᕗᒻᒥ ᓄᓇᑖᓃᕐᒧᑦ ᐊᖏᖃᑎᒌᒍᑎᒻᒪᕆᒃᑯᑦ ᐱᒍᓐᓇᖅᑐᑦ ᑮᓇᐅᔭᓂᒃ.
“ᐃᓕᓐᓂᐊᕐᓂᖅ-ᑕᒪᕐᒥᒃ ᐱᖅᑯᓯᒃᑯᑦ ᖁᕝᕙᖅᓴᕐᓂᒃᑯᓪᓗ – ᖃᐅᔨᓴᑦᓯᐊᕈᑕᐅᔪᖅ ᐃᓄᐃᑦ ᒪᒃᑯᑦᑐᖅ ᓯᕗᓂᑦᓴᒥ ᓱᓕᕆᐊᑦᓴᖏᑦ ᑭᓪᓕᖃᓐᖏᒋᐊᖏᑦ. ᑎᒍᒥᐊᖅᑕᐅᔪᖅ ᓄᓇᕗᒻᒥᐅᓕᒫᓄᑦ ᐱᕈᖅᓴᐃᓂᖅ ᐃᑲᔪᖅᓯᒪᓂᕐᓗ ᒪᒃᑯᑦᑐᓂᒃ ᐃᓕᓐᓂᐊᓂᕐᒧᑦ ᐊᐅᓚᔾᔭᒋᐊᕈᑎᖏᓐᓂ ᐊᒻᒪᓗ ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ᐅᐱᒍᓱᓪᓚᕆᑦᑐᑦ …

ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ᑐᓴᖅᑕᐅᑎᑦᓯᕗᖅ 2008-ᒥ ᐊᔾᔨᓕᐅᒐᕐᒥᒃ ᓵᓚᓕᒻᒥᒃ ᐊᕐᕌᒍᒧᑦ

(ᐄᑉᐳᕉᓪ 6, 2009 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᐊᖓᔪᖅᑳᖓᑦ ᐹᓪ ᖃᓗᔾᔭᒃ ᑐᓴᖅᑎᑦᓯᕗᖅ ᐅᓪᓗᒥ ᓂᐅᕆ ᐃᖃᓗᒃᔪᐊᒃ ᐃᒃᐱᐊᕐᔪᒻᒥᐅᑕᖅ ᓵᓚᖃᕆᐊᖓ ᓄᓇᕗᑦ ᑐᓐᖓᕕᒃᑯᑦ 2008-ᒧᑦ ᐊᔾᔨᓕᐅᕆᓕᐅᑎᔪᓄᑦ. ᐃᖃᓗᒃᔪᐊᖅ ᓵᓚᓕᒃ $1000.00-ᓂᒃ ᐊᒻᒪᓗ ᐊᖏᓪᓕᑎᖅᓯᒪᑎᓪᓗᒍ ᐊᔾᔨᓕᐅᒐᖓ ᓂᕈᐊᖅᑏᑦ ᑲᑎᒪᔨᕋᓛᖏᑦ ᓄᓇᕗᑦ ᑐᓐᖓᕕᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐱᓯᒪᔪᑦ ᕿᒥᕐᕈᓚᐅᖅᑎᓪᓗᒋᑦ 2008-ᒥ ᓵᓚᖃᖅᓯᒪᔪᓂᒃ ᑕᖅᑭᑕᒫᖅᓯᐅᑎᓂᒃ. ᐊᐃᑉᐸᕆᓕᖅᑕᖓ ᐃᖃᓗᒃᔪᐊᖅ ᓵᓚᖃᖅᑎᓪᓗᒍ.
ᓇᖥᓂᐅᓪ ᓂᖏᐅᖅ, ᒥᑦᑎᒪᑕᓕᒻᒥᐅᖅ ᑐᖏᓕᕆᔭᐅᔪᖅ ᓵᓚᖃᖅᓱᓂ $200.00-ᓂᒃ ᐊᒻᒪᓗ ᐊᖏᓪᓕᑎᖅᓯᒪᑎᓪᓗᒍ ᐊᔾᔨᓕᐊᒥᓂᖓ, ᐊᒻᒪᓗ ᔪᐃᓕ ᑯᓂᓕᐅᓯ, ᕿᑭᖅᑕᖅᔪᐊᕐᒥᐅᖅ ᐱᖓᔪᒋᔭᐅᓪᓗᓂ ᓵᓚᖃᖅᓱᓂ $100.00-ᓂᒃ ᐊᒻᒪᓗ ᐊᖏᓪᓕᑎᖅᓯᒪᑎᓪᓗᒍ ᐊᔾᔨᓕᐊᒥᓂᖓ.
“ᐊᒥᓲᓐᖑᖅᑐᐹᓘᒻᒪᑕ ᐊᔾᔨᓕᐅᕆᔪᑦ ᑕᕝᕙᓂ ᐊᕐᕌᒍᕐᒥ ᐱᔭᕆᐊᑐᒻᒪᕆᓚᐅᖅᑐᖅ ᓂᕈᐊᕆᐊᑦᓴᖅ ᐱᖓᓱᐃᓐᓇᕐᓂᒃ ᐊᔾᔨᓂᒃ. ᐅᐱᒃᑯᓲᑎᕙᒃᑲ ᓵᓚᖃᖅᓯᒪᔪᑦ ᐊᔾᔨᓕᐅᕆᔩᑦ. …

ᓄᓇᕗᑦ ᑐᓐᖓᕕᒃᑯᑦ ᑭᐅᔪᑦ ᑎᓕᔭᐅᔾᔪᑕᐅᔪᒥᒃ ᐱᖓᔪᐊᓐᓂ ᒪᓕᒐᓕᐅᖅᑏᑦ ᑲᑎᒪᓂᖓᑦᑕ

(ᐄᑉᐳᕉᓪ 1, 2009) 10-ᓂᒃ ᐊᕐᕌᒍᓂᒃ ᓇᓪᓕᐅᓂᖅᓯᐅᖅᑕᐅᑎᓪᓗᒍ ᓴᖅᑭᖅᑕᐅᓂᖓ ᓄᓇᑦᑕ, ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ᑐᓐᖓᓱᑦᑎᑦᓯᕗᑦ ᑕᒪᑉᑖᒥᒃ: ᐱᕈᖅᐸᓪᓕᐊᑎᑦᓯᓂᖅ ᓯᕗᓂᑦᑎᓐᓂᒃ ᑲᑐᔾᔨᓗᑕ, ᓄᑖᖑᔪᖅ ᑎᓕᓯᔾᔪᑕᐅᔪᖅ ᐱᖓᔪᐊᓐᓂ ᒪᓕᒐᓕᐅᖅᑏᑦ ᑲᑎᒪᓂᖓᓐᓂ.
ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᐊᖓᔪᖅᑳᖓᑦ ᐹᓪ ᖃᓗᔾᔭᒃ ᖁᕕᐊᒋᔭᖃᒻᒪᕆᓚᐅᖅᐳᖅ ᒐᕙᒪᒃᑯᑦ ᑎᓕᓯᔾᔪᑎᖓᓐᓂᒃ, ᐱᐊᓗᖅᑐᒥᒃ, ᑲᒥᓯᓇᐅᑉ ᐅᖃᐅᓯᖏᓐᓂ, ᑐᓂᒪᓂᖓᑦ ᐊᑕᖏᖅᑐᒥᒃ ᐊᑐᓕᖅᑎᑦᓯᓂᕐᒧᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒻᒪᕆᒻᒥᒃ. ᑭᓯᐊᓂᓕ, ᖃᓗᔾᔭᒃ ᐅᖃᖅᓯᒪᔪᖅ ᑲᔪᓯᑦᓯᐊᕐᓂᖓ ᑖᒃᑯᐊ ᒐᕙᒪᒃᑯᑦ ᑐᓐᖓᕕᖃᕐᓂᐊᖅᐳᑦ ᐊᑐᓂᑦ ᐊᐅᓚᔾᔭᒋᐊᕈᑕᐅᔪᓂᒃ. ᑕᒪᓐᓇ ᑕᑯᑦᓴᐅᑎᑕᐅᒋᐊᒃᑲᓐᓂᖅᑲᐅᕗᖅ ᓯᕗᓕᖅᑎᒧᑦ ᐄᕙ ᐋᕆᐊᕐᒧᑦ ᐅᓪᓗᒥ ᒪᓕᒐᓕᐅᕐᕕᒻᒥ.
“ᖁᕕᐊᓱᒻᒪᕆᖅᑲᐅᕗᖓ ᑐᓴᕆᐊᑦᓴᖅ ᓄᓇᕗᑦ ᒐᕙᒪᒃᑯᖏᑦ ᐃᖅᑲᓇᐃᔭᖃᑎᖃᕐᓂᐊᕆᐊᖏᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓂᒃ ᐊᑐᓕᖅᑎᑦᓯᓗᑎᒃ ᓄᓇᕗᒻᒥ ᓄᓇᑖᕐᓂᒧᑦ ᐊᖏᖃᑎᒌᒍᑎᒻᒪᕆᒻᒥᒃ”, ᐅᖃᖅᑐᖅ ᖃᓗᔾᔭᒃ. “ᒐᕙᒪᒃᑯᑦ ᓄᑖᖅ ᑎᓕᔭᐅᔾᔪᑎᖓᑦ …

ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ᐃᓄᐃᑦ ᓂᐱᖓᓐᓂᒃ ᓵᖓᓐᓅᕈᔾᔨᕗᖅ ᑲᓇᑕᒥ ᓇᓄᓕᕆᓂᕐᒧᑦ ᑲᑎᒪᓂᐅᑉ

(ᔮᓐᓄᐊᕆ 19, 2009) ᑭᒡᒐᖅᑐᐃᔪᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓂᒃ ᑐᑭᓯᓇᑦᓯᐊᖅᑐᒥᒃ ᑐᓴᖅᑕᐅᑎᑦᓯᔪᕗᑦ ᐱᓇᓱᐊᕈᓯᐅᔪᔪᒥ ᑲᓇᑕᒥ ᓇᓄᐃᑦ ᒥᑦᓵᓄᑦ ᑲᑎᒪᓂᕐᒧᑦ: ᑲᒪᒋᓐᖏᓯᖅᑐᖅᑕᐃᓕᓯᐅᒃ ᑕᒻᒪᖅᓯᒪᓐᖏᓐᓂᕆᔭᖏᑦ ᐃᓄᐃᑦ ᖃᐅᔨᒪᓂᑐᖃᖏᑦᑕ ᐅᕝᕙᓗ ᐃᓄᐃᑦ ᖃᐅᔨᒪᔭᑐᖃᖏᑦ ᑲᒪᒋᔭᖃᓕᕋᒥᒃ ᐃᓱᒫᓘᑕᐅᔪᓂᒃ ᓇᓄᕐᓅᖓᔪᓂᒃ.
ᕋᐃᒪᓐ ᓂᖏᐅᑦᓯᐊᖅ, ᐊᐃᑉᐸᖓ ᐊᖓᔪᖅᑳᑉ ᑐᖏᓕᖓ, ᐊᒻᒪᓗ ᒐᐃᕗᕆᐅᓪ ᓂᕐᓗᖓᔪᖅ, ᐊᖓᔪᖅᑳᖅ ᐆᒪᔪᓕᕆᓂᕐᒧᑦ, ᐃᓚᒋᔭᐅᔪᔪᑦ ᐃᓄᓐᓂᒃ ᑭᒡᒐᖅᑐᐃᑦᓱᑎᒃ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓂᒃ ᑲᓱᐃᑦᓱᑎᒃ ᖃᐅᔨᓴᖅᑎᒻᒪᕆᓐᓂᒃ, ᐊᕙᑎᓕᕆᔨᓂᒃ ᐊᒻᒪᓗ ᒐᕙᒪᒃᑯᓐᓂ ᐊᖓᔪᖅᑲᐅᑎᓂᒃ, ᐱᖃᓯᐅᑎᑦᓱᓂ ᒐᕙᒪᑐᖃᒃᑯᑦ ᐊᕙᑎᓕᕆᓂᕐᒧᑦ ᒥᓂᔅᑕᖓᑦ ᔨᒻ ᐳᕋᓐᑕᔅ, ᐅᓪᓗᕐᒥ ᐊᑕᐅᓯᕐᒥᒃ ᑲᑎᒪᓂᖃᖅᓱᑎᒃ ᐅᐃᓂᐲᒥ.
“ᐅᐸᑦᓯᒪᔪᔪᒍᑦ ᑕᕝᕗᖓ ᑲᑎᒪᕐᓂᒧᑦ ᐊᐅᓚᓂᖃᖅᓱᓂ ᑲᑐᔾᔨᖃᑎᒌᓐᓂᕐᒥᒃ ᐊᒻᒪᓗ ᑕᐃᒫᑦᓴᐃᓐᓇᖅ ᑐᕌᒐᖃᑎᒌᑦᓱᑎᒃ ᖃᐅᔨᓴᑦᓯᐊᕐᓂᕐᒧᑦ ᖃᓄᐃᓐᖏᑦᓯᐊᕐᓂᖏᓐᓄᑦ ᓇᓄᐃᑦ ᓇᓄᖃᕐᕕᓐᓃᑦᑐᑦ,” ᐅᖃᓚᐅᖅᑐᖅ ᒥᔅᑕ ᓂᖏᐅᑦᓯᐊᖅ. “ᑐᓐᖓᕕᒋᑦᓱᒍ …