ᓴᖅᑭᖅᑕᐅᑦᑕᐅᑎᒋᔭᕆᐊᓕᒃ
(ᔫᓂ 17, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (NTI) ᑲᑎᒪᔨᖏᑦ ᐊᖏᖅᑐᑦ ᐃᓚᒋᐊᖅᑕᐅᒃᑲᓐᓂᖁᔭᐅᓯᒪᔪᓂᑦ ᐅᖅᑯᔾᔭᐃᑦ ᐃᓐᓇᕐᓄᑦ ᐃᑲᔫᓯᐊᓂᒃ, ᐱᒋᐊᕋᔭᖅᑐᑦ ᐄᐳᓘ 1, 2026-ᒥ.
ᐃᓐᓇᐃᑦ ᐃᓅᕕᓖᑦ ᔮᓐᓄᐊᓕ 1, 1949-ᒥ, ᐊᒻᒪᓗ ᑏᓰᕝᕙ 31, 1961-ᒥ ᐊᑯᓐᓂᖓᓂᓪᓗ, ᐱᓇᓱᐊᖃᑕᐅᓯᒪᔪᑦ ᐱᖃᑦᑕᕐᓂᐊᖅᑐᑦ $250.00-ᓂᑦ ᐱᒋᐊᕐᓗᓂ ᐋᒡᒌᓯ 1, 2026-ᒥ. ᐊᑭᓕᖅᑕᐅᑉᐸᑕ ᑖᒃᑯᐊ ᑕᖅᑮᑦ ᐄᐳᓘ 1, 2026-ᒥ ᐱᒋᐊᖅᓯᒪᔪᓂᒃ ᐊᑭᓕᐅᓯᐊᓛᖅᑐᑦ, ᑖᒃᑯᐊ ᐊᑭᓕᐅᓯᐊᕈᓐᓇᖅᑐᑦ ᐃᓐᓇᐃᑦ ᑖᒃᑯᓄᖓ ᑕᖅᑭᓄᑦ ᐱᓐᓂᖏᑦᑕᖏᓐᓂᒃ ᓈᒪᓗᒋᑦ ᐱᑎᑕᐅᓛᖅᑐᑦ.
ᐃᓐᓇᐃᑦ ᑕᖅᑭᑕᒫᖅ ᐊᑭᓕᐅᓯᖃᑦᑕᕇᖅᑐᑦ ᐱᓇᓱᒃᑲᓐᓂᕆᐊᖃᙱᑦᑐᑦ. ᐊᑭᓕᐅᓯᐊᑦᑕᐅᑎᒋᑐᐃᓐᓇᓛᖅᑐᑦ ᐃᓚᒋᐊᖅᓯᒪᔪᓂᒃ ᐱᔪᓐᓇᖅᑎᑕᐅᔪᓂᑦ ᑖᒃᑯᓂᖓ.
ᓄᑖᓄᑦ ᐊᑭᓕᐅᖃᑕᐅᖃᑦᑕᕈᒪᔪᓄᑦ, ᑎᑎᕋᕆᐊᓖᑦ ᐊᑭᓕᐅᓯᐊᖃᑦᑕᕈᒪᓂᕐᒧᑦ ᐊᑐᐃᓐᓇᐅᑎᑕᐅᓂᐊᖅᑐᑦ ᓄᓇᓕᓐᓂᑦ ᑐᓴᐅᒪᔪᓕᕆᔨᖏᓐᓂᒃ ᓄᓇᓕᓕᒫᓂᒃ ᐊᒻᒪᓗ ᓄᓇᕗ ᑐᙵᕕᒃ ᑎᒥᖓᑕ ᐃᑭᐊᖅᑭᖓᓐᓂᒃ ᐅᕙᓂ Tunngavik.com ᑖᒃᑯᐊ ᐊᑭᓕᐅᓯᐊᖃᐅᔪᓐᓇᓛᕐᖓᑕ ᐋᒡᒌᓯ, 2026-ᖑᓕᖅᑲᑦ. “ᐃᓐᓇᐃᑦ ᐆᒻᒪᑎᒋᔭᐅᒻᒪᑕ ᓄᓇᓕᓐᓂᑦ, ᓯᓚᑐᓂᕐᒥᑦ ᐊᔾᔭᖅᓯᔨᐅᓪᓗᑎᒃ, ᐱᖅᑯᓯᑐᖃᕐᓂᓪᓗ, ᐊᒻᒪᓗ ᐅᓂᒃᑳᓂᒃ ᑭᓇᐅᓂᑦᑎᓐᓂᒃ ᓇᓗᓇᐃᖅᓯᔪᓐᓇᖅᑐᓂᒃ,”. ᐅᖃᖅᑐᖅ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐹᓪ ᐃᕐᖓᐅᑦ.
“ᐃᓐᓇᒻᒪᕇᑦ ᑐᑦᑕᕐᕕᐅᕗᑦ ᓄᓇᓕᑦᑎᓐᓄᑦ, ᐱᓯᒪᑦᑎᓪᓗᑎᑦ ᓯᓚᑐᓂᕐᒥᒃ, ᐱᖅᑯᓯᕐᓂᒃ, ᐊᒻᒪᓗ ᐅᓂᒃᑳᖅᑐᐊᓂᒃ ᑐᑭᑖᖅᑎᑦᑎᔪᑦ ᑭᓇᐅᓂᑦᑎᓐᓂᒃ,” ᐅᖃᖅᑐᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᑦᑕᓄᐊᖅ ᐅᓗᖅᓯ. “ᐃᓅᓇᓱᐊᕐᓂᕐᒧᑦ ᐊᑭᑦᑐᖅᐸᓪᓕᐊᓕᖅᑎᓪᓗᒋᑦ ᑭᓱᑐᐃᓐᓇᐃᑦ, ᐱᒻᒪᕆᐅᓂᖅᐹᖑᓕᖅᐳᕐᓕ ᖃᐅᔨᒪᑦᑎᐊᕐᓗᑕ ᐃᑲᔪᖅᑐᖅᑕᐅᒐᓗᐊᕐᒪᖔᕐᒥᒃ ᐱᔭᕆᐊᓕᒻᒥᓂᒃ. ᑖᒃᑯᐊ ᐊᒥᓱᕈᕆᐊᕐᓂᐅᔪᑦ ᓯᕗᒧᐊᑉᐸᓪᓕᐊᒍᑎᒋᒋᕙᕗᑦ ᐃᑉᐱᒋᑦᑎᐊᕐᓗᒋᑦ ᐸᖅᑭᑦᑎᐊᕐᓗᒋᓪᓗ ᐃᓐᓇᒻᒪᕆᖁᑎᕗᑦ.”
ᑮᓇᐅᔭᖅᑖᕈᓯᐊᑦ ᑖᒃᑯᓄᖔᖓᔪᑦ ᐅᖅᑯᔾᔭᐃᑦ ᐃᓐᓇᕐᓄᑦ ᐃᑲᔫᓯᐊᑦ ᑲᔪᓯᓯᒪᔪᑦ ᑖᒃᑯᓇᙵᑦ ᑲᑎᑕᐅᓯᒪᔪᑦ ᓄᓇᕗᑦ ᐸᐸᑦᑎᔨᒃᑯᖏᓐᓂᑦ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓᑕ ᐊᑭᓕᐅᓯᐊᖃᑕᐅᓂᕆᕙᑦᑕᖏᓐᓂᒃ ᐅᔭᕋᓐᓂᐊᕐᓂᐅᔪᓂᑦ ᑮᓇᐅᔭᖅᑖᕆᖃᑦᑕᖅᑕᖏᓐᓂᒃ, ᑖᒃᑯᐊ ᐃᑲᔪᖅᑕᐅᖏᓐᓇᕈᓐᓇᖁᓪᓗᒋᑦ ᐃᓐᓇᕆᔭᕗᑦ ᓄᓇᕗᓕᒫᒥᒃ.
ᑐᑭᓯᒋᐊᒃᑲᓐᓂᕈᒪᒍᕕᑦ ᑖᔅᓱᒥᖓᓘᓐᓃᑦ ᐱᓕᕆᐊᔅᓴᒧᑦ ᑎᑎᕋᕆᐊᓕᓐᓂᑦ ᐱᔪᒪᓗᓂ, ᑐᓴᕆᐊᕐᕕᒋᓗᒍ ᓄᓇᓕᓐᓂᑦ ᑐᓴᒐᔅᓴᓕᕆᔨᒋᔭᓯ ᐅᕝᕙᓘᓐᓃᑦ ᐃᑭᐊᖅᑭᕕᒃᑯᑦ Tunngavik.com.
-30-
ᑐᓴᒐᔅᓴᓕᕆᔨ:
ᐋᓂ ᑖᓕᓴᓐ
ᑐᓴᐅᒪᖃᑦᑕᐅᑎᔪᓕᕆᔨᒃᑯᓐᓄᑦ ᑐᑭᒧᐊᑎᑦᑎᔨ
ᓄᓇᕗᑦ ᑐᙵᕕᒃ ᑎᒥᖓ
