ᑐᓴᕋᑦᓴᓕᕆᔩᑦ

ᐃᑲᔪᖅᑎᒌᓚᐅᖅᑐᑦ ᑐᓴᖃᑦᑕᐅᑎᕗᑦ ᐱᕙᓪᓕᐊᓂᖏᓐᓂᒃ ᑕᐃᒪ ᐳᕙᒡᓗᖕᓂᕐᒥᒃ ᓄᖅᑲᖅᑎᑦᑎᒐᓱᐊᕐᓂᕐᒧᑦ ᐱᓕᕆᐊᖅ

(ᒫᔾᔨ 22, 2012 — ᐃᖃᓗᐃᑦ, ᓄᓇᕗᑦ) ᑕᐃᒪ ᐳᕙᒡᓗᒃ ᐱᓕᕆᐊᖑᓂᖓᓄᑦ ᐃᑲᔪᖅᑎᒌᒃᑐᑦ ᐅᓪᓗᒥ ᑐᓴᖃᑦᑕᐅᑎᔪᑦ ᐱᕙᓪᓕᐊᓂᖏᓐᓂᒃ ᐊᕐᕌᒍᓪᓗᐊᒥᒃ ᑕᐃᒪ ᐳᕙᒡᓗᒃ ᐱᓕᕆᐊᖑᓂᖓ ᐊᐅᓚᑕᐅᓚᖅᑐᖅ ᐅᖁᒪᐃᓐᓂᕐᓂᐅᕐᕕᒃᑯᓐᓄᑦ ᐃᖃᓗᖕᓂ. ᐃᑲᔪᖅᑎᒋᔭᐅᔪᑦ ᐃᓚᖃᓚᐅᖅᑐᑦ ᐋᑐᕚᒥ ᐋᓐᓂᐊᕐᕕᒃ ᖃᐅᔨᓴᐃᓂᕐᒧᑦ ᐊᒻᒪ ᓯᓚᑦᑐᖅᓴᕐᕕᒡᔪᐊᖓ ᐋᑐᕚ, ᓄᓇᕗᑦ ᑐᓐᖓᕕᒃᑯᑦ, ᐊᒻᒪ ᓄᓇᕗᑦ ᒐᕙᒪᖏᑦ.

ᑖᒃᑯᐊ ᑕᐃᒪ ᐳᕙᒡᓗᒃ ᐱᓕᕆᐊᖑᓂᖓ ᖃᐅᔨᓴᐃᓚᐅᖅᑐᑦ ᐅᓄᖅᓯᒋᐊᖁᓪᓗᒋᑦ ᖃᐅᔨᒪᔭᐅᓂᖏᑦ ᐳᕙᒡᓗᖕᓂᐅᑉ ᐃᖃᓗᖕᓂ ᐊᒻᒪ ᖃᐅᔨᓴᕈᑎᑎᖃᖅᑐᑎᒃ ᓄᑖᓂ ᐊᑐᖅᑐᑎᒃ ᑕᑯᒃᓴᐅᖏᑦᑐᓂᒃ ᐳᕙᒡᓗᕐᓂᖅ ᐊᐃᑦᑑᑕᐅᔪᓐᓇᕐᓂᖓᓂᒃ ᖃᐅᔨᓴᕈᑏᑦ ᐊᒻᒪ ᐃᓗᐊᖅᓴᐃᔾᔪᑏᑦ ᐊᑐᓕᖅᑎᑕᐅᓚᐅᖅᑐᑦ ᐃᒡᓗᒋᔭᐅᔪᓄᑦ ᐳᓚᕋᑦᑐᑎᒃ ᐃᓕᓐᓂᐊᖅᑎᑦᓯᓪᓗᑎᒃ ᖃᐅᔨᓴᕐᓂᕐᒥᒃ ᐊᒻᒪ ᐃᓗᐊᖅᓴᐅᑕᐅᔪᓐᓇᖅᑐᓂ ᐊᑦᑕᕐᓇᖅᑐᒦᖅᑐᓄᑦ ᐳᕙᒡᓗᒡᓂᕐᓂᑦ ᐊᐃᑦᑐᐃᔪᓐᓇᖅᑐᓂᒃ.

“ᐃᑲᔪᖅᑎᒌᑦᓯᐊᕐᓂᖏᑦ ᓄᓇᕗᑦ ᑐᓐᖓᕕᒃᑯᑦ, ᓄᓇᕗᑦ ᒐᕙᒪᖏᑦ ᐊᒻᒪ ᓘᒃᑖᖅ ᒐᓐᔮᓕᔾ ᐋᑐᕚᒥ ᐋᓐᓂᐊᕐᕕᖕᒥᑦ ᖃᐅᔨᓴᕈᑎᖃᓂᕐᒧᑦ ᐊᒻᒪ ᓯᓚᑦᑐᖅᓴᕐᕕᒡᔪᐊᖓ ᐋᑐᕚ ᓯᕗᒻᒧᐊᒋᐊᖅᑎᑦᓯᓪᓗᑎᒃ 2ᐱᓕᕆᐊᒥᓂᒃ ᐊᒻᒪ ᐃᓱᒪᒐᑦᑕ ᖃᐅᔨᓴᕈᑎᖃᕐᓂᕐᒧᑦ ᖃᓄᖅ ᐊᑑᑎᖃᑦᓯᐊᕈᓐᓇᕐᓂᖓᓂᒃ ᐃᑲᔪᖅᑎᒌᒡᓗᓂ ᓴᖅᑭᑎᑦᓯᑦᓯᐊᕈᓐᓇᖅᑐᑦ ᐊᑑᑎᖃᖅᑐᓂᒃ ᖃᐅᔨᓴᕈᑎᓂ ᒪᓕᒡᓗᒋᑦ ᓄᓇᓖᑦ ᑭᓐᖒᒪᒋᔭᖏᑦ,” ᑕᐅᑐᓐᖏ ᐅᖃᖅᑐᖅ.

“ᑕᓐᓇ ᖃᐅᔨᓴᕈᑎᖃᕐᓂᖅ ᐱᐊᓂᒃᑐᖅ ᐊᒻᒪ ᖁᕕᐊᓱᒻᒪᕆᒃᑐᖓ ᑭᐅᓂᕆᓚᐅᖅᑕᖏᓐᓂᒃ ᓄᓇᓕᐅᔪᑦ,” ᐅᖃᖅᑐᓂ ᓘᑖ ᒐᓐᔮᓕᔾ. “ᑲᒪᓇᓚᐅᖅᑐᖅ. ᐃᓄᐃᑦ ᑐᓴᖅᑎᑦᓯᑦᓯᐊᓚᐅᕐᒪᑕ ᐃᓱᒪᒋᔭᒥᓂᒃ ᐱᓪᓗᒍ ᐳᕙᒡᓗᖕᓂᖅ ᐊᒻᒪ ᐆᒪᕈᓐᓇᖅᑐᖅ ᐳᕙᒡᓗᒃ ᐊᒻᒪ ᐃᓕᓐᓂᐊᖅᑎᑦᓯᓂᖅ ᐅᔾᔨᕈᓱᓕᖅᐹᓕᖅᑎᓯᓂᖅ ᐱᒻᒪᕆᐅᓂᐊᖅᑐᖅ ᑕᒪᑐᒧᖓ ᓄᓇᕗᒥ. ᕿᓚᓈᕈᑎᖃᖅᐳᒍᑦ ᐱᕈᖅᐸᓪᓕᐊᑎᑦᓯᔪᓐᓇᕐᓂᑦᑎᓐᓂᒃ ᑕᒪᑐᒥᖓ ᐱᓕᕆᐊᖑᑲᐃᓐᓇᖅᑐᒥᒃ.” ᐅᖃᖅᑐᓂᓗ.

ᑕᓐᓇ ᐱᓕᕆᐊᖑᓂᖓ ᑕᐃᒪ ᐳᕙᒡᓗᒃ ᐱᓕᕆᐊᖑᓂᖓ ᐆᒃᑑᑕᐅᓚᐅᖅᑐᖅ ᑮᓇᐅᔭᖃᖅᑎᑕᐅᓪᓗᓂ ᒐᕙᒪᑐᖃᒃᑯᓐᓄᑦ, ᐃᑲᔪᖅᑎᒋᓪᓗᒋᑦ ᓄᓇᕗᑦ ᑐᓐᖓᕕᒃᑯᑦ, ᓄᓇᕗᑦ ᒐᕙᒪᖏᑦ ᐋᑐᕚᒥ ᐋᓐᓂᐊᕐᕕᒃ ᖃᐅᔨᓴᕈᑎᖃᓂᕐᒧᑦ ᐊᒻᒪ ᓯᓚᑦᑐᖅᓴᕐᕕᒡᔪᐊᖓ ᐋᑐᕚ. ᐊᓯᖏᑦ ᐃᑲᔪᖅᑎᒋᔭᐅᓚᐅᐃᖅᑐᑦ ᐃᓚᖃᖅᑐᑦ ᐃᓄᐃᑦ ᑕᐱᕇᑦ ᑲᓇᑕᒥ, ᓅᕗᕌᓐᕕᒃ ᐳᕙᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᐊᒻᒪ ᓄᓇᖃᖅᑳᖅᓯᒪᔪᑦ ᐋᓐᓂᐊᖅᑐᓕᕆᔭᐅᓂᖏᓐᓄᑦ ᑲᑐᔾᔨᖃᑎᒌᑦ. ᑕᒪᓐᓇ ᐱᓕᕆᐊᖑᓚᐅᖅᑐᖅ ᐃᓚᖃᖅᑐᖅ ᑐᑭᓯᒋᐊᖅᑎᑦᓯᕕᖃᖅᑐᑎᒃ ᖃᕆᓴᐅᔭᒃᑯᑦ, Facebook, ᑕᕆᔭᓕᐅᖅᑎᑦᓯᓪᓗᑎᒃ ᓵᓚᒃᓴᖅᑎᑦᓯᓂᖅ ᑕᒡᕘᓇ YouTube ᐊᒻᒪ ᓄᓇᓕᖕᓂ ᓂᕆᕕᒡᔪᐊᖅᑎᑦᓯᓂᒃᑯᑦ. ᑲᑎᓪᓗᒋᑦ 444 ᐃᓄᐃᑦ ᐅᖃᕐᕕᐅᓚᐅᖅᑐᑦ ᐅᔾᔨᕈᓱᓕᖅᐹᓪᓕᖁᓪᓗᒋᑦ ᐳᕙᒡᓗᖕᓂᕐᒥᒃ ᐊᖏᕐᕋᖏᓐᓂ ᐊᒻᒪ ᑖᒃᑯᓇᓐᖓᑦ 300 ᖃᐅᔨᓴᖅᑕᐅᓪᓗᑎᒃ ᐳᕙᒡᓗᖕᒪᖔᑕ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: