ᓴᒃᑯᑕᐅᑲᐅᑎᒋᔭᕆᐊᓖᑦ
ᐃᖃᓗᐃᑦ, ᓄᓇᕗᑦ (ᔫᓂ 8, 2026) — ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓱᑦᑐᑦ ᑐᓴᖅᑎᑦᑎᔭᕆᐊᒃᓴᖅ ᓄᓇᕗᒻᒥ ᐃᓄᐃᑦ ᓯᓚᑉ ᐊᓯᔾᔨᕐᓂᖓᓄᑦ ᖃᓄᐃᓕᐅᕈᑎᖃᕆᐊᕐᓂᕐᒧᑦ ᐸᕐᓇᐅᑎ ᐊᖏᖅᑕᐅᓯᒪᓕᕐᒪᑦ ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᖕᓄᑦ. ᐊᖏᖅᑕᐅᓂᖓ ᑖᔅᓱᒪᑉ ᓄᓇᕗᒻᒥ ᐃᓄᐃᑦ ᓯᓚᑉ ᐊᓯᔾᔨᕐᓂᖓᓄᑦ ᖃᓄᐃᓕᐅᕈᑎᖃᕆᐊᕐᓂᕐᒧᑦ ᐸᕐᓇᐅᑎᑉ ᐋᖅᑮᔪᖅ ᓯᕗᓪᓕᖅᐹᒥᒃ ᐃᓄᖕᓄᑦ−ᓯᕗᒃᑲᖅᑖᖑᔪᒥᒃ ᓯᓚᑉ ᐊᓯᔾᔨᕐᓂᖓᓄᑦ ᖃᓄᐃᓕᐅᕈᑎᖃᕆᐊᕐᓂᕐᒧᑦ ᑐᙵᕕᖓᓂᒃ ᓄᓇᕗᒻᒧᑦ ᐊᒻᒪᓗ ᐊᖅᑯᓯᐅᕈᑎᒋᔭᐅᕗᖅ ᖃᓄᐃᓕᐅᕈᑎᖃᕆᐊᕐᓗᓂ ᐊᑦᑐᐃᓂᖃᓕᖅᐸᓪᓕᐊᑐᐃᓐᓇᖅᑐᓄᑦ ᓯᓚᑉ ᐊᓯᔾᔨᕐᓂᖓᓄᑦ ᐃᓄᐃᑦ ᓄᓇᓕᖏᖕᓄᑦ.
ᒪᓕᑦᑐᒋᑦ ᐃᓅᓯᕆᔭᖏᑦ ᐃᓄᐃᑦ ᐃᓅᔪᑦ ᓄᓇᕗᓕᒪᕐᒥ, ᓄᓇᕗᒻᒥ ᐃᓄᐃᑦ ᓯᓚᑉ ᐊᓯᔾᔨᕐᓂᖓᓄᑦ ᖃᓄᐃᓕᐅᕈᑎᖃᕆᐊᕐᓂᕐᒧᑦ ᐸᕐᓇᐅᑎ ᑲᑎᑎᑦᑎᔪᖅ ᑲᑐᔾᔭᐅᔪᓂᒃ ᓯᕗᓪᓕᐅᑎᔭᓂᒃ, ᑎᑭᑕᐅᓇᓱᐊᖅᑐᓂᒃ, ᐊᒻᒪᓗ ᓂᕆᐅᒋᔭᓂᒃ ᓯᓚᑉ ᐊᓯᔾᔨᕐᓂᖓᑕ ᖃᓄᐃᓕᐅᕈᑎᒋᔭᐅᓂᐊᖅᑐᓄᑦ ᐱᓪᓗᒋᑦ. ᐋᖅᑮᓪᓗᓂᓗ ᑕᒪᐃᓐᓂ ᑐᑭᒧᐊᑦᑎᑦᑎᓂᖏᖕᓂᒃ ᓄᓇᕗᑦ ᑐᙵᕕᒃ ᑎᒥᖓᑕ ᓯᕗᓕᖅᑎᖏᖕᓄᑦ, ᐱᓕᕆᖃᑎᖃᕐᓂᐊᕐᓂᖏᖕᓄᑦ, ᐊᔭᐅᕆᓂᖏᖕᓄᑦ, ᐊᒻᒪᓗ ᐊᑐᐊᒐᓕᐅᕐᓂᐊᕐᓂᖏᖕᓄᑦ ᑐᕌᖓᔪᑦ ᓯᓚᑉ ᐊᓯᔾᔨᕐᓂᖓᓄᑦ, ᖃᐅᔨᒪᑦᑎᐊᖅᑎᑦᑎᓪᓗᑎᑦ ᐃᓄᐃᑦ ᐃᓱᒪᒋᔭᖏᑦ ᑕᐅᑦᑐᖏᑦ ᑐᑦᑕᕐᕕᐅᓂᐊᕋᓗᐊᕐᒪᖔᑕ ᐃᓱᒪᓕᐅᖅᐸᑦᑐᓂᒃ.
ᓄᓇᕗᒻᒥ ᐃᓄᐃᑦ ᓯᓚᑉ ᐊᓯᔾᔨᕐᓂᖓᓄᑦ ᖃᓄᐃᓕᐅᕈᑎᖃᕆᐊᕐᓂᕐᒧᑦ ᐸᕐᓇᐅᑎ ᐋᖅᑭᒃᓱᖅᑕᐅᓚᐅᖅᓯᒪᔪᖅ ᐱᖃᑎᒋᔭᐅᓪᓗᑎᑦ ᓄᓇᕗᒻᒥ ᐃᓄᖏᑦ ᓄᓇᓕᒻᒥᐅᑦ ᐃᓄᓕᒫᖅᑎᑕᐅᕙᑦᑐᑎᑦ ᓄᓇᕗᓕᒫᕐᒥ ᐊᒻᒪᓗ ᐃᖅᑲᓇᐃᔭᖃᑎᒋᔭᐅᓪᓗᑎᑦ ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᖐᖏᑦ. ᑕᒪᐃᓐᓅᖓᓪᓗᓂ, ᐃᓄᖕᓄᑦ−ᐊᔭᐅᖅᑕᐅᔪᖅ ᑐᙵᕕᒃ ᑐᑭᒧᐊᑦᑎᑦᑎᔪᖅ ᖃᓄᐃᓕᐅᕈᑎᖃᕆᐊᕐᓂᐊᕐᓂᑦᑎᓐᓂᒃ ᓱᑲᑦᑐᒥᒃ ᐊᒃᑐᐃᓂᖃᓗᐊᖅᑐᐊᓘᓕᕐᓂᖏᓐᓂᒃ ᓯᓚᑉ ᐊᓯᔾᔨᕐᓂᖓ ᓄᓇᕗᓕᒫᕐᒥ.
ᐸᕐᓇᐅᑎ ᑲᒪᖏᔭᖃᓗᐊᖅᑐᖅ ᑎᓴᒪᓂᒃ ᓯᕗᓪᓕᐅᔾᔭᐅᖁᔭᐅᓯᒪᔪᓂᒃ ᓇᓗᓇᐃᖅᑕᐅᓯᒪᓪᓗᑎᑦ ᐃᓄᖕᓄᑦ:
· ᐃᓕᖅᑯᓯᖅ ᐊᒻᒪᓗ ᐅᖃᐅᓯᓕᕆᕙᑦᑐᑦ ᓄᓇᓖᑦ ᐊᒻᒪᓗ ᐊᖏᕐᕋᑦ
· ᐋᓐᓂᐊᖅᑕᐃᓕᒪᓂᖅ ᐊᒻᒪᓗ ᖃᓄᐃᑦᑕᐃᓕᒪᓂᖅ
· ᐊᕙᑎ ᐸᐸᑕᐅᓂᖓ ᓇᑦᓯᖅᑐᐊᕆᔭᐅᓗᓂ
“ᓯᓚᑉ ᐊᓯᔾᔨᕐᓂᖓ ᐊᑦᑐᐃᓂᖃᓕᕐᒪᑦ ᐅᓪᓗᒥ ᓄᓇᓕᐅᔪᓂ. ᑖᓐᓇ ᐸᕐᓇᐅᑎ ᐊᔾᔨᖃᖅᑐᖅ ᑭᓱᓂᒃ ᐃᓄᐃᑦ ᐅᖃᐅᔾᔨᕙᓚᐅᕐᓂᖏᖕᓂᒃ ᐅᕙᑦᑎᒻᓄᑦ ᓯᕗᓪᓕᐅᑎᖁᔭᕐᒥᓂᒃ, ᐃᓱᒫᓘᑎᒥᓂᒃ, ᐊᒻᒪᓗ ᓂᕆᐅᒋᔭᕐᒥᓂᒃ ᓯᕗᓂᒃᓴᒧᑦ. ᑐᙵᕕᓕᒻᒪᕆᐊᓗᒃ ᐃᓄᐃᑦ ᖃᐅᔨᒪᔭᖏᖕᓂᒃ ᐊᒻᒪᓗ ᐱᒻᒪᕆᑦᑎᐊᕚᓗᖏᖕᓂᒃ, ᐊᒻᒪᓗ ᓱᖅᑯᐃᓇᑦᓯᐊᖅᑐᑯᓗᒃᑯᑦ ᑐᑭᒧᐊᑦᑎᑦᑎᔪᖅ ᐃᖅᑲᓇᐃᔮᕆᔭᐅᓛᖅᑐᓂᒃ ᓯᕗᓂᑦᑎᓐᓂ.” ᐊᑦᑕᓄᐊᖅ ᐅᓗᖅᓯ, ᐊᖓᔪᖅᑳᖅ, ᓄᓇᕗᑦ ᑐᙵᕕᒃ ᑎᒥᖓ.
ᐸᕐᓇᐅᑎ ᐱᖃᓯᐅᔾᔨᒻᒥᔪᖅ ᖁᑦᑎᓐᓂᖅᓴᓂᒃ ᐃᖅᑲᓇᐃᔮᓕᖕᓄᑦ ᐊᑐᓕᖅᑎᑕᐅᓂᖓᑕ ᑐᙵᕕᓕᐊᕆᔭᐅᓯᒪᔪᒥᒃ ᐅᐸᓗᖓᐃᔭᐃᒍᑕᐅᑦᓯᐊᕐᓂᐊᕐᒪᑦ ᐊᒻᒪᓗ ᓯᕗᓪᓕᐅᑎᖁᔭᖏᑦ ᐃᓄᖕᓄᑦ ᑲᒪᒋᔭᐅᔪᑦ ᓯᓚᑉ ᒥᒃᓵᓄᑦ ᐱᓕᕆᐊᕆᔭᐅᔪᓂᒃ. ᑖᓐᓇ ᑐᙵᕕᖓ ᐋᖅᑭᒋᐊᖅᑕᐅᑦᓯᐊᓛᕐᒥᔪᖅ ᓄᓇᕗᑦ ᑐᙵᕕᒃ ᑎᒥᖓᑕ ᐱᓕᕆᕝᕕᖏᑦ ᐱᓕᕆᖃᑎᒋᔭᐅᓗᑎᑦ ᐊᒻᒪᓗ ᐃᓚᐅᖃᑕᐅᔪᑦ ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᖐᖏᑦ ᐊᑐᓕᖅᑎᑕᐅᓂᖓ ᐱᕙᓪᓕᐊᓂᖃᖅᑎᓪᓗᒍ.
ᑕᖅᑭᐅᓂᐊᖅᑐᓂᒃ, ᓄᓇᕗᑦ ᑐᙵᕕᒃ ᑎᒥᖓ ᐃᖅᑲᓇᐃᔭᖃᑎᖃᖃᑦᑕᕐᓂᐊᖅᑐᑦ ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᖕᓂᒃ, ᐃᓄᐃᑦ ᑲᑐᔾᔨᔨᓂᒃ, ᒐᕙᒪᓂ, ᐊᒻᒪᓗ ᐱᓕᕆᖃᑎᒋᔭᐅᕙᑦᑐᓂᒃ ᓯᕗᒧᐊᑦᑎᑕᐅᖁᓪᓗᒋᑦ ᐊᑐᓕᖅᑎᑕᐅᖅᑳᕈᒪᔪᑦ ᓇᓗᓇᐃᖅᑕᐅᓯᒪᔫᓪᓗᐊᖅᑐᑎᑦ ᐸᕐᓇᐅᑎᒥ ᐊᒻᒪᓗ ᐃᑲᔪᖅᑕᐅᓗᓂ ᐃᓄᖕᓄᑦ−ᓯᕗᒃᑲᖅᑖᖑᔪᖅ ᓯᓚᑉ ᐊᓯᔾᔨᕐᓂᖓᓄᑦ ᐱᓕᕆᐊᑦ ᓄᓇᕗᓕᒫᕐᒥ.
-30-
ᖃᐅᔨᒃᑲᕋᒃᓴᖅ:
ᐋᓂ ᑕᒻᓕᓐᓴᓐᑐᑭᒧᐊᑦᑎᑦᑎᔨ, ᑐᓴᐅᒪᑎᑦᑎᓂᕐᒧᑦ
ᓄᓇᕗᑦ ᑐᙵᕕᒃ ᑎᒥᖓ
