ᓯᕗᓂᐊᓂ ᓂᕈᐊᕐᕕᒃᓴᑦ ᐅᒃᑯᐃᖓᔪᑦ ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕕᐊᖅᑎᑦᑎᓂᐊᓐᓄᑦ

ᓇᕗᑦ ᑐᓐᖓᕕᒃ ᑎᒥᖓᑦᑕ ᓂᕈᐊᖅᑐᓕᕆᔨᒻᒪᕆᐊᑦ ᑲᒪᔨ ᓈᓐᓯ ᖃᕆᑕᖅ ᓕᓐᑎᐅᓪ ᐅᖃᖅᑐᖅ ᐅᑉᓗᒥ ᑕᒪᓐᓇ ᓯᕗᓂᐊᒍᑦ ᓂᕈᐊᖅᑎᑦᑎᓂᖅ ᓂᕈᐊᕐᓂᐊᖅᑎᓪᓗᒋᑦ ᐊᖓᔪᖅᑳᑉ-ᑐᖏᓕᐊᓄᑦ ᐅᒃᑯᐃᕐᓂᐊᖅᑐᖅ ᑎᓴᑉᐸ 1, 2014, 10:00-ᒥ ᐅᑉᓛᒃᑯᑦ – 7:00-ᒥ ᐅᓐᓄᒃᓴᒃᑯᑦ ᐅᒃᑯᐊᕐᓗᓂ ᓄᓇᓕᐅᑉ ᖃᐅᔨᓴᐅᑎᖏᑦ ᒪᓕᒃᓗᒋᑦ.
ᑕᒃᓚᔅ ᐊᒡᒑᖅ (ᐃᒡᓗᓕᒑᕐᔪᖕᒥᐅᑕᖅ), ᔭᐃᒻᔅ ᐃᑦᑐᓗᒃ (ᑕᓗᕐᔪᐊᕐᒥᐅᑕᖅ) ᐊᒻᒪᓗ ᔨᐊᓯ ᒪᐃᒃ )ᐃᖃᓗᖕᒥᐅᑕᖅ) ᑐᓂᓯᓯᒪᔪᑦ ᓇᖕᒥᓂᒻ ᓂᕈᐊᒐᒃᓴᐅᔾᔪᑎᖏᓐᓂᒃ ᐸᐃᑉᐹᑎᒍᑦ ᓂᕈᐊᕐᓂᐊᖅᑎᓪᓗᒋᑦ ᐊᖓᔪᖅᑳᑉ-ᑐᖏᓕᐊᓄᑦ.
ᓂᕈᐊᖅᑏᑦ ᒫᓐᓇ ᐊᑐᕈᓐᓇᖅᑐᑦ ᑕᓪᓕᒪᓂᒃ 5 ᓂᕈᐊᕈᓐᓇᕈᑎᓂᒃ ᓄᓇᕗᑦ ᑐᓐᖓᕕᒃ ᑎᒥᖓᓐᓂ ᓂᕈᐊᕐᓇᐅᓂᐊᓄᑦ. ᓂᕈᐊᖅᑏᑦ ᓂᕈᐊᕈᓐᓇᖅᑐᑦ ᓯᕗᓂᐊᒍᑦ ᑎᓴᑉᐸ 1, ᓂᕈᐊᕐᓇᐅᑎᓪᓗᒍ ᑎᓴᑉᐸ 8, ᐅᐸᒃᑕᐅᓗᑎᒃᓘᓐᓃᑦ ᓄᓇᓯᐅᑎᒧᑦ ᓂᕈᐊᕐᕕᐅᓂᐊᖅᑐᒧᑦ, ᑎᓕᓯᓗᓂ ᓂᕈᐊᖅᑎᒋᓂᐊᖅᑕᖓᓂ ᑎᓕᔭᖓᓂᒃ ᐅᕝᕙᓘᓐᓃᑦ ᑎᑎᖅᑲᑎᒍᑦ ᓂᕈᐊᕐᓗᑎᒃ. ᑕᒪᕐᒥᒃ …

ᓄᓇᕗᑦ ᑐᙵᕕᒃᑯᑦ ᓂᕈᐊᕐᓂᖓᑦ ᐊᖓᔪᖅᑳᑉ ᑐᒡᓕᒃᓴᖓᓂ – ᓂᕈᐊᕐᕕᒃᓴᑦ

ᐅᐱᒋᑦᑎᐊᕐᓗᒍ ᐃᓄᐃᑦ ᐅᑉᓗᕆᔭᖓᑦ – #inuujunga

2006-ᒥ ᐃᓄᐃᑦ ᓄᓇᕐᔪᐊᕐᒥ ᑲᑎᒪᔨᖏᑦ ᑲᑎᒪᕕᒡᔪᐊᕐᓂᖃᖅᑎᓪᓗᒋᑦ ᐹᕈ, ᐊᓛᔅᑲᒥ, ᓄᕕᐱᕆ 7 ᓇᓗᓇᐃᖅᑕᐅᓯᒪᓕᓚᐅᕐᒪᑦ ᐃᓄᐃᑦ ᐅᑉᓗᕆᔭᖓᓂᒃ ᐅᐱᒍᓱᒍᑎᒋᓪᓗᒍ ᐃᓄᐃᑦ ᓄᓇᕐᔪᐊᕐᒥ ᑲᑎᒪᔨᖏᑕ ᓂᕆᐅᒋᔭᒥᓂᒃ ᐅᓂᒃᑳᖅᑎᐅᔪᑉ ᐃᓅᓕᕐᕕᐊᓂᒃ, ᐄᐱᓐ ᕼᐋᑉᓴᓐ ᐊᖓᔪᒃᖠᖅ.
ᐃᓄᐃᑦ ᐅᑉᓗᖓᑦ ᐊᑐᖅᑎᓪᓗᒍ ᐃᑲᔪᖅᑐᐃᓂᖃᕈᑎᐅᖕᒪᑦ “ᑕᒪᕐᒥᒃ ᐃᓄᐃᑦ ᒐᕙᒪᒋᔭᖏᑦ, ᓴᓇᕝᕕᒋᔭᖏᑦ, ᐊᒻᒪᓗ ᓄᓇᓕᒋᔭᖏᑦ ᐅᑭᐅᑕᒫᑦ ᓇᓗᓇᐃᖅᓯᔨᐅᖃᑦᑕᖁᓪᓗᒋᑦ ᑖᔅᓱᒥᖓ ᐅᑉᓗᕐᒥᒃ ᐃᓄᐃᑦ ᐅᑉᓗᕆᖕᒪᒍ, ᐊᒻᒪᓗ ᓈᒻᒪᒃᑐᑎᒍᑦ ᖁᕕᐊᓱᒍᑎᖃᖅᑎᑦᑎᕙᒃᓗᑎᒃ ᖃᓄᐃᓕᐅᖅᑎᑦᑎᓂᖃᖅᐸᒃᓗᑎᒃᓗ.”
ᑕᕝᕙᓂ ᐅᑭᐅᕆᔭᑦᑎᓐᓂ, ᐃᓕᑦᓯᓐᓂᑦ ᑐᓴᖅᑎᑕᐅᔪᒪᕗᒍᑦ! ᓄᕕᐱᕆ 7-ᒥ, ᐊᑐᕐᓗᓯᐅᒃ ᖃᕆᑕᐅᔭᑎᒍᑦ ᐅᖃᓘᑎᐊᓛᑎᒍᓪᓗ ᐅᓇ #inuujunga ᐃᓚᒋᔭᐅᖃᑕᐅᓕᖅᓯᒪᖁᓪᓗᓯ, ᐊᑐᕐᓗᓯᐅᒃ ᑐᓴᐅᒪᖃᑦᑕᐅᑎᓕᕆᔾᔪᑎᓯ – ᓲᕐᓗ Facebook-ᑯᑎᒍᑦ, Twitter-ᑯᑎᒍᑦ ᐊᓯᖏᑎᒍᓪᓗ… – ᐅᖃᓯᖃᕐᓗᓯ ᐱᔾᔪᑎᖃᖅᑐᓂᒃ ᐃᓄᖕᓂᒃ, ᐅᓂᒃᑳᕐᑐᐊᓂᒃ, ᐊᔾᔨᓕᐅᖅᓯᒪᔭᑦᓯᓐᓂᒃ, ᖃᓄᐃᓪᓚᕆᒃᑑᓂᕐᓂᒃ ᓱᓕᔫᓪᓗᑎᒃ, ᖁᕕᐊᓱᒍᑎᖃᕐᓂᕐᓂᒃ ᐅᕝᕙᓘᓐᓃᑦ …

ᓄᓇᕗᑦ ᑐᙵᕕᒃᑯᑦ ᑐᓴᖅᑕᐅᑎᑕᖓᑦ ᑭᓇᒃᑯᑐᐃᓐᓇᕐᓂ ᐱᔨᑦᑎᓂᕐᒧᑦ ᐱᒡᒍᓴᐅᑎᑎᓪᓗᒋᑦ ᓵᓚᑦᓴᕐᑐᑦ

1st Place Video
ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑦ ᑳᑎ ᑕᐅᑐᙱ ᐅᓪᓗᒥ ᑐᓴᖅᑎᑎᖅᑲᐅᕗᑦ ᑭᒃᑯᒻᒪᖔᑕ ᓵᓚᒃᓴᕐᑐᑦ ᐱᒡᒍᓴᐅᑎᑎᓪᓗᒋᑦ ᓄᓇᕗᑎ ᑐᙵᕕᒃᑯᑦ ᑎᒥᖓᑦ ᓂᕈᐊᖅᑐᓕᕆᓂᕐᒧᑦ 2014-ᒥ ᑭᓇᒃᑯᑐᐃᓐᓇᕐᓂᖅ ᑐᓴᖅᑎᑦᑎᓂᕐᒧᑦ
ᐱᒡᒍᓴᐅᓐᓂᖃᖅᑎᓪᓗᒋᑦ ᐃᓕᓐᓂᐊᖅᑏᑦ ᒍᕋᐃ 9-ᒥ ᓄᓇᕐᔪᐊᓕᕆᓂᕐᒥᑦ ᐃᓕᓐᓂᐊᓐᓂᖃᖅᑐᓂᒃ. ᐱᒡᒍᓴᐅᓐᓂᖃᖅᑎᑕᐅᔪᑦ ᐃᓚᒋᒻᒪᒋᑦ ᐃᓕᓐᓂᐊᕈᑎᒃᓴᓂ ᓴᖅᑭᑕᐅᓚᐅᕐᓯᒪᔪᑦ ᓄᓇᕗᑦ ᑐᙵᕕᒃᑯᓐᓂᒃ ᐊᒻᒪ ᓄᓇᕗᑦ ᒐᕙᒪᒃᑯᓐᓂᒃ ᑕᒪᑐᒪᓂ ᐅᑭᐅᑦᑎᓐᓂ.
ᐃᓕᓐᓂᐊᕐᑏᑦ ᐊᔾᔨᓕᐅᕆᖁᔭᐅᓚᐅᕐᒪᑕ ᑭᓇᒃᑯᑐᐃᓐᓇᕐᓄᑦ ᑐᓴᕋᒃᓴᓂᒃ ᑎᓕᐅᕆᔾᔪᑎᐅᓪᓗᓂ ᐃᓅᓱᒃᑐᓂᒃ ᐃᓄᖕᓂᒃ ᓂᕈᐊᕆᐊᖅᑐᖁᔨᔪᓂᒃ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᓂᕈᐊᖅᑎᑦᑎᓕᕐᐸᑕ. ᐃᓕᓐᓂᐊᕐᑏᑦ ᒍᓚᐃ 9-ᒥᒃ ᐃᓅᔭᖅ ᐃᓕᓐᓂᐊᕐᕕᖓᓂ ᐃᒃᐱᐊᕐᔪᖕᒥ ᓵᓚᒃᓴᓚᐅᕐᐳᑦ $2,500-ᓂᒃ ᓯᕗᓪᓕᕐᐹᖑᓪᓗᑎᒃ ᐱᒡᒍᓴᐅᔾᔪᐊᕈᑎᒥᓄᑦ. ᑐᓴᕐᕕᒃ ᐃᓕᓐᓂᐊᕐᕕᖓᓂᖔᕐᑐᑦ ᒍᓚᐃ 9−ᒥᒃ ᐃᓕᓐᓂᐊᕐᑏᑦ ᓇᐅᔮᓂ ᑐᖏᓕᕆᔭᐅᓪᓗᑎᒃ ᐊᒻᒪ $1,000-ᓂᒃ ᓵᓚᒃᓴᓚᐅᕐᐳᑦ. ᐊᔾᔨᓕᐅᕐᑕᒥᓃᑦ ᑕᑯᒃᓴᐅᑎᑕᐅᓛᕐᑐᑦ …

ᓂᕈᐊᖅᑐᓕᕆᔨᒻᒪᕆᒃ ᑲᒪᔨᐊᑦ ᖃᐅᔨᒃᑲᐃᕗᖅ ᑭᒃᑯᑦ ᓂᕈᐊᕋᒃᓴᐅᖕᒪᖔᑕ

ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᓂᕈᐊᖅᑐᓕᕆᔨᒻᒪᕆᒃ ᑲᒪᔨᐊ ᓈᑦᓯ ᖃᕆᑕᖅ−ᓕᓐᑎᐅᓪ ᐅᓪᓗᒥ ᖃᐅᔨᒃᑲᐃᕗᖅ ᑭᒃᑰᒻᒪᖓᑖ ᓂᕈᐊᕋᒃᓴᓂᒃ ᓂᕈᐊᕋᒃᓴᐅᓂᐊᖅᑐᓂᒃ ᓄᓇᕗᑦ ᑐᙵᕕᒃᑯ ᑎᒥᖓ ᐊᖓᔪᖅᑳᑉ−ᑐᖏᓕᐊᓄᑦ.
ᑕᒃᓚᔅ ᐊᒡᒑᖅ (ᐃᒡᓗᓕᒑᕐᔪᒃ), ᔭᐃᒥᓯ ᐃᑦᑐᓗᒃ (ᑕᓗᕐᔪᐊᖅ) ᐊᒻᒪ ᔨᐊᓯ ᒪᐃᒃ (ᐃᖃᓗᐃᑦ) ᑐᓂᓯᓯᒪᓕᖅᐳᑦ ᓂᕈᐊᒐᒃᓴᐅᓂᕐᒧᑦ ᐸᐃᒃᐹᖁᑎᖏᓐᓂᒃ ᓂᕈᐊᒐᒃᓴᐅᓂᕐᒧᑦ ᐊᖓᔪᖅᑳᑉ ᑐᖏᓕᐊᓄᑦ. ᓂᕈᐊᒐᒃᓴᐃᑦ ᐱᕕᒃᓴᖃᖅᑐᑦ ᓱᓕ ᓄᕕᐱᕆ 3, 2014, 5-ᒥ ᐅᓐᓄᒃᓴᒃᑯᑦ ᖃᐅᔨᓴᐅᑎᖏᑦ ᓄᓇᓕᐅᑉ ᒪᓕᒃᓗᒋᑦ ᓴᑐᐃᓂᕐᒥᑦ ᐊᐃᑉᐹᖁᑎᖏᓐᓂᒃ ᓂᕈᐊᒐᒃᓴᐅᓂᕐᒧᑦ.
ᓂᕈᐊᖅᑏᑦ ᒫᓐᓇ ᐊᑐᕈᓐᓇᖅᑐᑦ ᑕᓪᓕᒪᓂᒃ 5 ᓂᕈᐊᕈᓐᓇᕈᑎᓂᒃ ᓄᓇᕗᑦ ᑐᓐᖓᕕᒃ ᑎᒥᖓᓐᓂ ᓂᕈᐊᕐᓇᐅᓂᐊᓄᑦ. ᓂᕈᐊᖅᑏᑦ ᓂᕈᐊᕈᓐᓇᖅᑐᑦ ᓯᕗᓂᐊᒍᑦ ᑎᓴᑉᐸ 1, ᓂᕈᐊᕐᓇᐅᑎᓪᓗᒍ ᑎᓴᑉᐸ 8, ᐅᐸᒃᑕᐅᓗᑎᒃᓘᓐᓃᑦ ᓄᓇᓯᐅᑎᒧᑦ ᓂᕈᐊᕐᕕᐅᓂᐊᖅᑐᒧᑦ, ᑎᓕᓯᓗᓂ ᓂᕈᐊᖅᑎᒋᓂᐊᖅᑕᖓᓂ ᑎᓕᔭᖓᓂᒃ ᐅᕝᕙᓘᓐᓃᑦ ᑎᑎᖅᑲᑎᒍᑦ …

ᓄᓇᕗᑦ ᑐᓐᖓᕕᒃ ᑎᒥᖓᑦ ᑐᐊᕕᕐᓇᖅᑐᒥᑦ ᓴᖅᑭᑦᑎᓪᓗᑎᒃ ᓱᓕ ᓇᓗᓇᐃᖅᓯᒪᓪᓚᕆᖏᑦᑐᓂᑦ ᐊᖓᔪᖅᑳᑉ-ᑐᖏᓕᐊᓗᑦ ᐊᑎᕐᓂᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᓂᕈᐊᖅᑐᓕᕆᔨᒻᒪᕆᒃ ᑲᒪᔨᐊᑦ ᓈᓐᓯ ᖃᕆᑕᖅ-ᓕᓐᑎᐅᓪ ᐅᖃᖅᑐᖅ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᓂᕈᐊᒐᒃᓴᓄᑦ ᐅᓪᓗᐃᑦ ᓂᕈᐊᕐᓂᐊᖅᑎᓪᓗᒋᑦ ᐊᖓᔪᖅᑳᑉ-ᑐᖏᓕᐊᓄᑦ ᐅᒃᑯᐊᖅᑐᖅ 5-ᒥ ᐅᓐᓄᒃᓴᒃᑯᑦ ᓄᓇᓕᐅᑉ ᖃᐅᔨᓴᐅᑎᖏᑦ ᒪᓕᒃᓗᒋᑦ ᐅᑉᓗᒥ.
ᑕᒃᓚ ᔅ ᐊᒡᒑᖅ (ᐃᒡᓗᓕᒑᕐᔪᒃ), ᔭᐃᒻᔅ ᐃᒃᑐᓗᒃ (ᑕᓗᕐᔪᐊᖅ) ᔨᐊᓯ ᓚᐃᒃ (ᐃᖃᓗᐃᑦ) ᑐᓂᓯᔪᑦ ᓇᖕᒥᓂᖅ ᓂᕈᐊᒐᒃᓴᐅᓂᕐᒧᑦ ᐸᐃᑉᐹᖁᑎᖏᓐᓂᒃ ᓂᕈᐊᒐᒃᓴᐅᓂᕐᒧᑦ ᐊᖓᔪᖅᑳᒧᑦ. ᓂᕈᐊᒐᒃᓴᐃᑦ ᐱᕕᒃᓴᖃᖅᑐᑦ ᓱᓕ ᓄᕕᐱᕆ 3, 2014, 5-ᒥ ᐅᓐᓄᒃᓴᒃᑯᑦ ᖃᐅᔨᓴᐅᑎᖏᑦ ᓄᓇᓕᐅᑉ ᒪᓕᒃᓗᒋᑦ ᓴᑐᐃᓂᕐᒥᑦ ᐊᐃᑉᐹᖁᑎᖏᓐᓂᒃ ᓂᕈᐊᒐᒃᓴᐅᓂᕐᒧᑦ.
ᓂᕈᐊᖅᑏᑦ ᒫᓐᓇ ᐊᑐᕈᓐᓇᖅᑐᑦ ᑕᓪᓕᒪᓂᒃ 5 ᓂᕈᐊᕈᓐᓇᕈᑎᓂᒃ ᓄᓇᕗᑦ ᑐᓐᖓᕕᒃ ᑎᒥᖓᓐᓂ ᓂᕈᐊᕐᓇᐅᓂᐊᓄᑦ. ᓂᕈᐊᖅᑏᑦ ᓂᕈᐊᕈᓐᓇᖅᑐᑦ ᓯᕗᓂᐊᒍᑦ ᑎᓴᑉᐸ 1, ᓂᕈᐊᕐᓇᐅᑎᓪᓗᒍ …

(English) Naming of KIA Buildings

Sorry, this entry is only available in English and Inuinnaqtun.

ᓄᓇᕗᑦ ᑐᓐᖓᕕᒃᑯᑦ ᐊᖏᔪᖅᑳᖓᑦ ᐃᓕᓴᕆᔭᐅᔾᔪᑎᑖᖅᑐᖅ ᑭᓇᐅᒻᒪᖔᑦ ᓇᓗᓇᐃᓚᐅᖅᐹ ᐊᕐᕋᒍᓕᒫᖅᓯᐅᑎᒥᓂᒃ ᑲᑎᒪᓂᖃᖅᑎᓪᓗᒋᑦ

ᓄᓇᕗᑦ ᑐᓐᖓᕕᒃᑯᑦ ᐊᖏᔪᖅᑳᖓᑦ ᑳᑎ ᑕᐅᑐᓐᖏ ᓇᓗᓇᐃᕆᓚᐅᕐᐳᖅ ᑭᓇ ᐃᓕᓴᕆᔭᐅᔾᔪᑎᑖᕐᒪᖓᑦ ᓄᓇᕗᑦ ᑐᓐᖓᒃᑯᑦ ᐊᖏᔪᖅᑳᖓᑕ ᐃᓕᓴᕆᔭᐅᔾᔪᑎᒋᓲᖓᓂᒃ ᐊᕐᕋᒍᓕᒫᖅᓯᐅᑎᒥᓐᓂᒃ ᑲᑎᒪᓂᖃᖅᑎᓪᓗᒋᑦ.
ᐊᕐᕋᒍᑕᒫᑦ, ᐃᓕᓴᕆᔭᐅᔾᔪᑦ ᑐᓂᔭᐅᓲᖑᒻᒪᑦ ᐱᖓᓱᓄᑦ ᐱᒻᒪᕆᐅᔪᒥᒃ ᐃᑲᔪᓐᓂᖃᖅᓯᒪᔪᓄᑦ ᐊᓯᐅᔨᑦᑕᐃᓕᒪᑎᑦᑎᓂᕐᒥᒃ ᐃᓄᐃᑦ ᐱᖅᑯᓯᖓᓂᒃ ᐊᒻᒪ ᓄᓇᓕᖕᓂ ᐱᓕᕆᐊᒃᓴᖑᖅᑎᑦᓯᓂᕐᒥᒃ. ᑕᒪᑐᒪᓂ ᐅᑭᐅᑦᑎᓐᓂ ᐃᓕᓴᕆᔭᐅᔾᔪᑎᑖᖅᑐᖅ ᐃᓚᐃᔭ ᐃᖅᖢ ᐃᑲᔪᕐᓯᒪᓂᖓᓄᑦ ᐊᓯᐅᔨᔭᐅᑦᑕᐃᓕᒪᓂᖓᓂᒃ ᐃᓄᒃᑎᑐᑦ ᐅᖃᐅᓯᖅ, ᒥᓕ ᖁᓕᒃᑖᓇ ᐃᓄᐃᓐᓇᖅᑐᑦ ᐅᖃᐅᓯᕐᒥᒃ ᐊᓯᐅᔨᑦᑕᐃᓕᒪᓂᕐᒥᒃ ᐃᑲᔪᕐᓯᒪᓂᖓᓄᑦ, ᐊᒻᒪ ᓵᓕ ᐃᕙᓕᒃ ᐊᑯᓂᐊᓗᒃ ᐱᕙᓪᓕᐊᑎᑦᓯᓂᖃᖅᓯᒪᓂᖓᓄᑦ ᕿᑎᕐᒥᐅᑦ ᐃᓄᖏᓐᓄᑦ ᐊᒻᒪ ᓄᓇᕘᓕᒫᒧᑦ.
ᑕᒪᕐᒥᒃ ᐃᓕᓴᕆᔭᐅᔾᔪᑎᑖᖅᑐᑦ ᓇᓗᓇᐃᒃᑯᑕᖅᑖᖅᑎᑕᐅᓚᐅᕐᐳᑦ ᐊᑭᓐᓇᕐᒥᐅᑕᒥᒃ ᐊᒻᒪ $500−ᒥᒃ ᑐᓂᔭᐅᓪᓗᑎᒃ

ᖃᓄᐃᓕᖓᓕᕐᓂᖏᑦ ᐃᓄᐃᑦ ᐱᖅᑯᓯᖏᑦ ᐊᒻᒪᓗ ᐃᓅᓯᕆᔭᐅᔪᓄᑦ ᐅᓂᒃᑳᑦ ᓴᖅᑭᑎᑕᐅᔪᑦ

ᓄᓇᕗᑦ ᑐᓐᖓᕕᒃ ᑎᑎᒥᖓᑕ ᐊᖓᕗᖅᑳᑉ-ᑐᖏᓕᐊ ᔭᐃᓐᔅ ᐃᑦᑐᓗᒃ ᐅᑉᓗᒥ ᓴᖅᑭᑦᑎᔪᖅ 2013-14 ᐊᕐᕌᒍᑕᒫᖅᓯᐅᑎᓄᑦ ᐅᓂᒃᑳᓂᒃ ᖃᓄᐃᓕᖓᓕᕐᓂᖏᓐᓂᒃ ᐃᓄᐃᑦ ᐱᖅᑯᓯᖏᑦ ᐊᒻᒪᓗ ᐃᓅᓯᖏᑕ, ᑕᐃᔭᐅᔪᖅ ᕿᒥᕐᕈᓇᖕᓂᕐᒥᑦ ᒪᓕᒐᓕᕆᓂᕐᒧᑦ ᐃᓕᖓᔪᑦ ᐋᖅᑭᐅᒪᔪᑦ ᓄᓇᕗᒥ.
ᐅᑯᐊ ᐅᑭᐅᖓᓐ 2013-2014 ᐅᓕᒃᑳᑦ ᑐᓂᓯᔪᑦ ᑕᑯᔭᐅᖅᒪᔪᓂᒃ ᓄᓇᕗᒥ ᐱᕋᔭᖃᑦᑕᕐᓂᕐᒧᑦ ᒪᓕᒐᓕᕆᓂᑦ ᐊᖅᑭᐅ,ᕗᖏᓐᓂ ᐊᖏᓂᖅᓴᐅᓪᓗᑎᒃ ᐃᓗᓕᖏᑦ ᐅᑯᐊ ᐃᓅᓯᓕᕆᓂᕐᒧᑦ ᐊᒻᒪᓗ ᒪᑭᒪᐅᑎᒃᓴᓄᑦ ᐱᕙᓪᓕᐊᔪᑎᒍᑦ ᓵᑕᐅᓯᒪᔾᔪᑏᑦ ᓵᖓᓪᓗᑎᒃᓗ ᐃᓄᖕᓄᑦ. ᐊᐅᓪᓗᔾᔨᔪᑦ ᐱᖓᓱᓗᐊᓂᒃ ᐃᓗᐊᓂ ᐊᖏᔪᑦ ᐅᖃᐅᓯᐅᔪᑦ ᑕᐅᑐᒃᖢᒋᑦ: ᓄᓇᓕᖕᓂ ᒪᓕᒐᓕᕆᓂᕐᒧᑦ ᐊᐅᓚᔾᔭᒃᑕᐅᒋᐊᖅᓯᒪᔪᑦ, ᖃᑕᖑᑎᑦ ᐱᑦᑎᐊᖃᑦᑕᐅᑎᖏᓐᓂᖏᓐᓂ. ᐊᒻᒪᓗ ᐊᒃᑐᐊᖃᑎᒃᓂᖏᑦ ᐊᑯᓐᓂᖏᓐᓂᑦ ᐃᓱᒪᓕᕆᓂᕐᒧᑦ ᖃᓗᐃᖏᑦᑎᐊᕐᓕᕐᓂᑦ ᐊᓐ,; ᐱᐸᔭᖕᓂᕐᒧᑦ ᒪᓕᒐᓂᒃ ᓱᕋᕐᓂᕐᒧᓪ; ᐊᖅᑭᐅᒪᔪᑎᒍᑦ.
“ᐊᑐᓂᑦ ᐃᓄᐃᑦ ᐱᓕᕆᔪᑦ ᑕᒪᒃᑯᓂᖓ ᐱᔾᔪᑎᐅᔪᓂᒃ ᓄᓇᕗᒥ ᐅᖃᓚᐅᖅᑐᑦ ᓄᓇᕗᖅ ᑐᓐᖓᕕᒃ …

ᓄᓇᕗᑦ ᑐᓐᖓᑯᒃ ᑎᒥᖓᑦ ᓂᕈᐊᖅᑏᑦ ᐊᑎᖏᑕ ᒥᒃᓵᓄᑦ ᓇᓗᓇᐃᔭᖅᓯᒪᔪᑦ ᐃᓱᓕᕝᕕᒃᓴᖓ ᖃᒡᓕᓕᖅᑎᓪᓗᒍ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᓂᕈᐊᖅᑐᓕᕆᔨᒻᒪᕆᖁᑎᐊᑦ ᑲᒪᔨ ᓈᓐᓯ ᖃᕆᑕᖅ ᓕᓐᑎᐅᕐ ᐅᖃᐅᔾᔨᒃᑲᓐᓂᖅᑐᖅᐃ ᐃᖅᑲᐅᒪᖁᔨᓪᓗᓂ ᐃᓄᐃᑦ ᓂᕈᐊᖅᑏᑦ ᐅᑉᓗᒥ ᐃᓱᓕᕝᕕᖃᕐᓂᐊᓂᒃ ᓇᓗᓇᐃᖅᓯᓂᕐᒥᑦ ᑐᑭᓯᒍᑎᒃᓴᓂᒃ ᑕᒪᓐᓇ ᐱᓪᓗᒍ ᓄᓇᕗᑦ ᑐᓐᖓᕕᒃ ᑎᒥᖓᑕ ᓂᕈᐊᖅᑎᓄᑦ ᐊᑎᓕᐅᖅᓯᒪᔾᔪᑎᓂᒃ ᐱᓇᓱᐊᕈᓯᒥ ᑕᓪᓕᒻᒥᖅ ᐅᓪᓗᕈᓗᑐᐃᓐᓇᖅ ᐅᓪᓗᕆᓂᐊᓕᕐᒪᒍ ᐊᒃᑑᑉᐱᕆ 24, 2014.
ᐃᓄᐃᑦ ᐅᑭᐅᖃᖅᑐᑦ 16-ᓂᑦ ᐅᖓᑖᓄᓪᓘᓐᓃᑦ ᑎᓴᑉᐸ 8, 2014 ᐊᒻᒪᓗ ᐊᑎᓕᐅᖃᑕᐅᓯᒪᓗᑎᒃ ᐃᓗᐊᓂ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ ᒪᑯᐊ ᐃᓚᒋᔭᐅᔪᑦ ᓂᕈᐊᑦᑏᑦ ᓇᓗᓇᐃᖅᑕᐅᓯᒪᕕᐊᓐᓂ ᐊᑎᖏᑦᑕ, ᐅᖃᖅᓯᒪᔪᑦ ᐱᔪᓐᓇᖅᑎᑕᐅᓂᕐᒥᑦ ᓂᕈᐊᕈᓐᓇᕐᖅᑎᑕᐅᓂᕐᒥᑦ ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕈᐊᖅᑎᑦᑎᑎᓪᓗᒍ. ᐅᒃᐱᕈᓱᒃᑯᕕᑦ ᐊᕗᖏᑎᑕᐅᓂᕐᓂᒃ ᓂᕈᐊᕈᓐᓇᕐᓂᕐᒥᑦ, ᑭᓯᐊᓂ ᐊᑎᓕᐅᖃᑕᐅᓯᒪᖏᒃᑯᕕᑦ ᓇᓗᓇᐃᖅᑕᐅᓯᒪᔪᓂ, ᐃᒻᒪᖄ ᓇᓗᓇᐃᕈᑎᐅᔪᖅ ᐊᑎᓕᐅᖃᑕᐅᓯᒪᖏᓐᓂᕐᓂᒃ ᐃᓗᐊᓂ ᓄᓇᕗᑦ ᓄᓇᑖᕈᑎᓄᑦ ᐊᖏᕈᑎᖏᓐᓂ, ᐊᑏ ᐅᖃᕐᕕᒋᒍᒃ ᓄᓇᓕᖕᒥ …

(English) Applied Suicide Intervention Skills Training (ASIST) Course

Sorry, this entry is only available in English.

ᓄᕈᐊᒐᒃᓴᓐᖑᖅᑎᑦᑎᓂᖅ ᐅᑉᓗᖏᑦ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᐊᖓᔪᖅᑉ-ᑐᖏᓕᒃᓴᖓᓄᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᓂᕈᐊᖅᑐᓕᕆᔨᒻᒪᕆᐊᑦ ᑲᒪᔨ ᓈᓐᓯ ᖃᕆᑕᖅ ᓕᓐᑎᐊ ᐅᖃᖅᑐᖅ ᐅᑉᓗᒥ ᑕᒪᒃᑯᐊ ᓂᕈᐊᒐᒃᓴᐅᑎᑦᑎᓂᕐᒧᑦ ᐅᑉᓗᐃᑦ ᓂᕈᐊᖅᑎᑦᑎᓂᐊᓐᓄᑦ ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᖓᔪᖅᑳᑉ-ᑐᖏᓕᒃᓴᖓᓄᑦ ᐊᐅᓚᓂᖃᕐᓂᐊᖅᑐᖅ ᐊᒃᑑᑉᐱᕆ, 27-31, 2014.
ᓂᕈᐊᕐᓇᖅ ᐱᒋᐊᕐᓂᐊᖅᑐᖅ ᑎᓴᑉᐸ 8, 2014. ᓂᕈᐊᖅᑏᑦ ᐅᐸᒍᓐᓇᕐᓂᐊᖅᑐᑦ ᓯᕗᓂᐊᓂ ᓂᕈᐊᕐᓂᕐᒧᑦ ᑎᓴᑉᐸ 1, 2014 ᐅᕝᕙᓘᓐᓃᑦ ᓂᕈᐊᕈᓐᓇᖅᑐᑦ ᑎᓕᓯᓗᑎᒃ ᓂᕈᐊᖅᑎᒃᓴᒥᖕᓂᑦ ᐅᕝᕙᓘᓐᓃᑦ ᑎᑎᖅᑲᑎᒍᑦ-ᓂᕈᐊᕈᑎᒃᑯᑦ.
ᐊᔪᖏᑎᑕᐅᔪᑦ ᓂᕈᐊᒐᒃᓴᐅᓂᕐᒥᑦ ᑲᓇᑕᒥᐅᑕᐅᔭᕆᐊᖃᖅᑐᑦ, ᐅᑭᐅᖃᕐᓗᑎᒃᓗ ᑎᑭᐅᑎᓗᒍ 16-ᓂᒃ ᐅᑭᐅᖃᕐᓂᕐᒥᑦ, ᐊᒻᒪᓗ ᐊᑎᓕᐅᖃᑕᐅᓯᒪᓗᑎᒃ ᐃᓗᐊᓂ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ.
ᓂᕈᐊᒐᒃᓴᓄᑦ ᑕᑕᑎᕈᑎᑦ ᐱᔭᐅᔪᓐᓇᖅᑐᑦ ᐅᕙᖓᑦ ᐊᖓᔪᖅᑳᖑᔪᖅ ᓂᕈᐊᖅᑐᓕᕆᔨᒻᒪᕆᒃᒥᑦ, ᓄᓇᓕᖕᓂ ᑐᓴᐅᒪᑎᑦᑎᔨᑦ ᑲᒪᔨᖏᓐᓂᒃ, ᐅᕝᕙᓘᓐᓃᑦ ᐅᑯᓇᖓᑦ ᓄᓇᕗᑦ ᑐᓐᖓᕕᒃ ᑎᒥᖓᑕ ᖃᕆᑕᐅᔭᑎᒍᑦ ᑕᑯᓇᒡᕕᐊᓐᓂ.
ᐊᔪᖏᑎᑕᐅᔪᑦ ᓂᕈᐊᒐᒃᓴᐅᓂᒃᒧᑦ ᑕᑕᑎᕆᓚᐅᕐᓗᑎᒃ ᓇᖕᒥᓂᖅ ᓂᕈᐊᒐᒃᓴᐅᓂᕐᒧᑦ …

ᑲᑎᒪᔾᔪᑎᒃᓴᑦ

2015 ᑯᐃᓐ ᑭᒡᒐᑐᖅᑕᑎᖓᓄᑦ ᑲᓇᑕᒥ ᑲᓇᑕᒥᐅᓄᑦ ᓯᕗᓕᖅᑎᓴᐅᔪᓄᑦ ᑲᑎᒪᓂᖅ

ᐱᒐᓲᑎᑦ ᒪᓐᓇ ᒪᑐᐃᖓᓕᖅᑐᑦ ᑕᕗᖓ 2015 ᑯᐃᓐ ᑭᒡᒐᑐᖅᑕᑎᖓᓄᑦ ᑲᓇᑕᒥ ᑲᓇᑕᒥᐅᓄᑦ ᓯᕗᓕᖅᑎᓴᐅᔪᓄᑦ ᑲᑎᒪᓂᕆᒐᔭᖅᑕᖓᓄᑦ ᐱᒋᐊᕋᔭᖅᑐᓂ ᒪᐃ 22-ᒥ ᔫᓐ 5, 2015-ᕈᕋᓱᐊᓐᓂᖓᓄᑦ.
ᑕᓐᓇ ᑯᐃᓐ ᑭᒡᒐᑐᖅᑕᑎᖓᓄᑦ ᑲᓇᑕᒥ ᑲᓇᑕᒥᐅᓄᑦ ᓯᕗᓕᖅᑎᓴᐅᔪᓄᑦ ᑲᑎᒪᓂᐅᒐᔭᖅᑐᖅ ᐱᓇᓱᐊᕈᓰᓐᓄᑦ ᒪᕈᓐᓄᑦ ᑲᑎᒪᓂᖃᕋᔭᖅᑐᑦ, ᑕᐅᑐᒐᖃᓪᓗᐊᑕᖅᑐᑎᒃ ᐋᖅᑭᒃᓱᐃᕙᓪᓕᐊᓂᕐᒥᒃ ᓯᕗᓕᖅᑎᓴᐅᓂᕐᒥᒃ ᑲᓇᑕᒥ. ᑲᑎᒪᓂᖅ ᑕᐅᑐᒐᖃᓪᓗᐊᑕᕋᔭᖅᑐᖅ ᐱᓕᕆᐊᕆᔭᐅᕙᑦᑐᓂᑦ ᓯᕗᓕᖅᑎᓄᑦ ᑲᔪᖏᖅᓴᐃᓂᕐᒥᒃ ᐃᓱᒪᒃᓴᖅᓯᐅᑦᑎᐊᖅᓯᒪᔪᓐᓇᕐᓂᒻᒥᓪᓗ ᐱᓕᕆᕕᒋᔭᖓᓂᑦ, ᓄᓇᓕᖏᓐᓂᓗ. ᐃᓚᒋᔭᐅᔪᐃᑦ ᐱᒋᐊᓛᖅᑐᑦ ᓴᐃᓐᑦ ᔮᓐᔅ, ᓂᐅᐸᓐᓛᓐᒥ ᐳᓚᕋᕋᔭᖅᑐᑎᓪᓗ ᑲᓇᑕᐅᑉ ᐊᕕᑦᑐᖅᓯᒪᔪᖏᓐᓄᑦ ᐃᓕᓐᓂᐊᓪᓗᑎᒃ ᖃᓄᖅ ᐱᓕᕆᖃᑎᒋᖃᑦᑕᒻᒪᖔᑕ ᑕᒪᑯᐊ ᓯᕗᓕᖅᑎᐅᔪᐃᑦ, ᓄᓇᓕᖏᓐᓂᓪᓗ.
ᑕᓐᓇ ᐃᓱᓕᒃᕕᓴᓕᒃ ᐱᒐᓲᑎᐅᔪᒧᑦ ᑖᓱᒧᖓ ᑯᐃᓐ ᑭᒡᒐᑐᖅᑕᑎᖓᓄᑦ ᑲᓇᑕᒥ ᑲᓇᑕᒥᐅᓄᑦ ᓯᕗᓕᖅᑎᓴᐅᔪᓄᑦ ᑲᑎᒪᓂᕐᒧᑦ ᓰᑎᕙ 30, 2014-ᖑᓕᖃᑦ. ᑕᓱᒧᖓ ᐱᒐᓱᐊᖅᑐᑦ ᓂᕈᐊᖅᑕᐅᓯᒪᒋᐊᓕᒃ ᓇᒻᒥᓂᖃᕕᐅᔪᒦᖓᖅᑐᒥᒃ, ᐃᖃᓇᐃᔭᖅᑎᖏᓐᓄᑦ, ᒐᕙᒪᒃᑯᓐᓂᑦ, …

ᐆᒃᑐᕈᒪᔪᓄᑦ ᒪᓂᒪᔪᖅ ᐆᒧᖓ ᐃᒃᓯᕙᐅᑕᖅ ᑲᓇᑕᒥ ᐃᓄᐃᑦ ᐃᓕᓐᓂᐊᕐᓂᓕᕆᓂᖓᓄᑦ ᑲᑎᒪᔨᓄᑦ

 ᓯᕗᓕᐊᕈ ᑎᖓ
ᑲᓇᑕᒥ ᐃᓄᐃᑦ ᐃᓕᓐᓂᐊᓕᕆᓂᖓᓄᑦ ᑐᙵᕕᖓ ᓴᖅᑭᑕᐅᓚᐅᖅᐳᖅ 2011-ᖑᑎᓪᓗᒍ ᐃᓄᐃᑦ ᓄᓇᖓᓐᓂ ᐃᓕᓐᓂᐊᕐᓂᓕᕆᓂᕐᒧᑦ ᐊᑲᐃᓪᓕᐅᕈᑕᐅᔪᑦ ᐋᖅᑭᒋᐊᕋᓱᐊᕈᑎᒃᓴᖏᓐᓄᑦ. ᑲᓇᑕᒥ ᐃᓄᐃᑦ ᐃᓕᓐᓂᐊᕐᓂᓕᕆᓂᖓᓄᑦ ᑲᑎᒪᔨᑦ ᐊᑐᓕᖅᑎᑦᑎᓇᓱᐊᖅᐳᑦ ᑲᓇᑕᒥ ᑐᙵᕕᖓᓐᓂᒃ. ᐃᒃᓯᕙᐅᑕᐅᔪᖅ ᑲᒪᔨᐅᕗᖅ ᑲᑎᒪᔨᑦ ᐱᓕᕆᐊᒃᓴᖏᓐᓂᒃ ᐃᑲᔪᖅᑎᖃᖅᖢᓂ ᐃᓄᐃᑦ ᑕᐱᕇᒃᑯᑦ ᐊᒪᐅᔭᖅ ᐃᓄᖕᓄᑦ ᐃᓕᓐᓂᐊᕐᓂᓕᕆᓂᕐᒧᑦ ᐃᖅᑲᓇᐃᔭᖅᑎᖏᓐᓂᒃ. ᑐᑭᓯᒋᐊᒃᑲᓐᓂᕈᒪᒍᕕᑦ ᐊᒪᐅᔭᖅ ᐃᓄᐃᑦ ᐃᓕᓐᓂᐊᕐᓂᓕᕆᓂᖓᓐᓂᒃ ᐅᕗᖓ ᖃᐅᔨᒋᐊᕈᓐᓇᖅᐳᑎᑦ www.amaujaq.ca.
ᑕᒪᑐᒪᓂ ᐊᕐᕌᒍᒥ, ᒥᐊᓕ ᓴᐃᒪᓐ ᐃᒃᓯᕙᐅᑕᐅᓚᐅᖅᑐᖅ ᓄᖅᑲᓚᐅᕐᒪᑦ ᐅᑭᐅᖕᓄᒃ ᒪᕐᕉᖕᓄᒃ ᐃᒃᓯᕙᐅᑕᐅᓚᐅᖅᖢᓂ. ᒪᓕᒃᖢᒋᑦ ᑲᓇᑕᒥ ᐃᓄᐃᑦ ᐃᓕᓐᓂᐊᓂᕐᓕᕆᓂᖓᓐᓄᑦ ᑲᑎᒪᔨᑦ ᐊᑐᐊᒐᖏᑦ, ᐃᓄᐃᑦ ᑕᐱᕇᑦ ᑲᑎᒪᔨᖏᑦ ᑎᒃᑯᐊᖅᓯᓂᐊᖅᐳᑦ ᓄᑖᕐᒥᒃ ᐃᒃᓯᕙᐅᑕᐅᓂᐊᖅᑐᒥᒃ ᐅᑭᐅᓄᑦ ᐱᖓᓱᓄᑦ, ᐱᒋᐊᕐᓗᓂ ᓄᕕᐱᕆ 2014-ᒥ.
 ᐃᒃᓯᕙᐅᑕᐅᑉ ᐱᓕᕆᐊᒃᓴᖏᑦ 
ᑲᓇᑕᒥ ᐃᓄᐃᑦ ᐃᓕᓐᓂᐊᕐᓂᓕᕆᓂᖓᓐᓄᑦ ᑲᑎᒪᔨᑦ ᐃᒃᓯᕙᐅᑕᐅᖓ ᐱᒻᒪᕆᐅᕗᖅ …

ᓄᓇᕗᑦ ᑐᓐᖓᕕᒃ ᑎᒥᖓᑕ ᓂᕈᐊᖅᑎᑦ ᓇᓗᓇᐃᖅᓯᒪᔭᖏᑦ ᓂᕈᐊᖅᑕᐅᓇᓱᒃᑐᑦ ᓂᕈᐊᖅᑕᐅᓇᓱᐊᕐᓂᕐᒧᑦ ᑲᔪᓯᓂᖏᓐᓄᑦ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᒻᒪᕆᐊᑦ ᓂᕈᐊᖅᑐᓕᕆᓂᕐᒧᑦ ᑲᒪᔨᑦ ᓈᓐᓯ ᖃᕆᑕᖅ ᓕᓐᑎᐅᕐ ᐅᖃᖅᑐᑦ ᐅᑉᓗᒥ ᑕᒪᒃᑯᐊ ᐱᓇᓱᐊᖅᑕᐅᔪᑦ ᑲᔪᓯᓂᕐᒥᑦ ᒫᓐᓇᒨᖓᓕᖅᑐᓂᒃ ᓄᓇᕗᑦ ᑐᓐᖓᕕᑦ ᑎᒥᖓᑕ ᓂᕈᐊᖅᑎᑦ ᓇᓗᓇᐃᖅᑕᐅᓯᒪᓂᖏᓐᓄᑦ ᓯᕗᓂᐊᒍᑦ ᓂᕈᐊᓚᐅᖅᑎᓐᓇᒋᑦ ᐆᒧᖓ ᐊᖓᔪᖅᑳᑉ-ᑐᖏᐊᓄᑦ ᑎᓴᑉᐸ 8, 2014. ᖃᕆᑕᖅ ᓕᓐᑎᐅᕐ ᐅᖃᖅᑐᖅ ᓄᓇᓕᖕᓂ ᑐᓴᐅᒪᑎᑦᑎᔨᐅᔪᑦ ᑲᒪᔨᖏᑦ ᐊᖅᑭᒃᓱᐃᓂᐊᖅᑐᑦ ᐋᓪᓕᕋᐅᔭᓂᒃ ᓵᓂᒃ ᓄᓇᓕᐅᑉ ᓂᐅᕕᕐᕕᖏᓐᓂ ᐱᓇᓱᐊᕈᓯᐅᓂᐊᖅᑐᒥ, ᓯᑎᐱᕆ 15-19-ᒧᑦ, ᐃᑲᔪᕐᓂᐊᕐᓗᑎᒃ ᐃᓄᐃᑦ ᓇᓗᓇᐃᖅᓯᓂᐊᖅᑎᓪᓗᒋᑦ ᑐᑭᓯᒋᐊᕐᕕᒃᓴᒥᑦ ᓂᕈᐊᖅᑎᑦ ᐃᓕᔭᐅᓯᒪᖕᒪᖔᑕ ᐊᑎᐅᔪᓂᑦ.
ᐃᓄᐃᑦ 16-ᓂᒃ ᐅᑭᐅᖃᖅᑐᑦ ᐊᖓᔪᖅᓯᐅᓂᖅᓴᓪᓘᓐᓃᑦ ᑎᓴᑉᐸ 8, 2014-ᒥ ᐊᒻᒪᓗ ᐊᑎᓕᐅᖃᑕᐅᓯᒪᓗᑎᒃ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ ᐃᓚᐅᑎᑕᐅᔪᑦ ᓂᕈᐊᖅᑏᑦ ᓇᓗᓇᐃᖅᑕᐅᕕᐊᓐᓂ, ᐅᖃᖅᓯᒪᔪᑦ ᐱᔪᓐᓇᖅᑎᑕᐅᓂᖏᓐᓂᒃ ᓂᕈᐊᕈᓐᓇᕐᓂᕐᒥᑦ ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕈᐊᖅᑎᑦᑎᓕᖅᑎᓪᓗᒍ. ᐅᒃᐱᕈᓱᒃᑯᕕᑦ …

ᓄᓇᕗᑦ ᑐᓐᖓᕕᒃ ᑎᒥᖓᑦ ᓴᖅᑭᑎᑦᑎᔪᖅ ᑭᒃᑯᓕᒫᓄᑦ ᐱᔨᑦᑎᕋᕈᑎᑎᒍᑦ ᐅᖃᖅᑐᑦ ᓵᓚᒃᓴᕋᓱᐊᕈᑎᒥᑦ 9-ᒥᑦ ᖁᑦᑎᖕᓂᖃᖅᑐᓄᑦ ᐃᓕᓐᓂᐊᕈᑎᖏᑕ ᐃᓕᓴᖅᑏᑦ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᑉᓗᒥ ᓴᖅᑭᑎᑦᑎᔪᖅ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑕ ᓂᕈᐊᖅᓂᕆᓂᐊᖅᑕᖓᓄᑦ 2014 ᑭᒃᑯᓕᒫᓄᑦ ᐱᔨᑦᑎᕋᕈᑎᑎᒍᑦ ᐅᖃᐅᓯᐅᔪᑦ ᐱᔫᓯᓵᕈᑎᓂᒃ ᓵᓚᒃᓴᕋᓱᖕᓂᕐᒧᑦ 9-ᒥᑦ ᖁᑦᑎᖕᓂᖅᑲᖅᑐᓄᑦ ᐃᓕᓐᓂᐊᕈᑎᓕᖕᓂᑦ ᐃᓕᓴᖅᑎᑦ ᑕᒪᑦᓱᒧᖓ ᐃᓅᓯᓕᕆᕈᓘᔭᐃᓂᕐᒧᑦ ᐃᓕᓐᓂᐊᕈᑎᑎᒍᑦ ᐃᓕᓴᖅᑎᑦ ᓄᓇᕗᒥ ᐃᓕᓐᓂᐊᕕᓂ. ᑕᒪᓐᓇ ᓵᓚᒃᓴᕋᓱᐊᕈᑎ ᐃᓚᒋᔭᐅᔪᖅ ᐊᑕᐅᑦᑎᒃᑯᑦ ᐃᓕᓐᓂᐊᕈᑎᒃᓴᑎᒍᑦ ᐊᐅᓚᔾᔭᒃᑕᐅᒋᐊᖅᓯᒪᔪᓄᑦ ᐅᑯᐊᓗ ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪᓗ ᓄᓇᕗᑦ ᒐᕙᒪᑉᑯᖏᑦ ᐱᒋᐊᖅᑎᑦᑎᔪᑦ ᓴᖅᑭᑦᑎᓪᓗᑎᒃ ᐱᓇᓱᐊᕈᓯᐅᓚᐅᖅᑐᒥ.
ᐃᓚᒋᓪᓗᓂᒋᑦ ᐅᑯᐊ ᓵᓚᒃᓴᕋᓱᐊᕈᑏᑦ, 9-ᒥᑦ ᖁᑦᑎᖕᓂᖅᑲᖅᑐᓄᑦ ᐃᓕᓐᓂᐊᕈᑎᓕᖕᓂᑦ ᐃᓕᓴᖅᑎᑦ ᐊᐱᕆᔭᐅᔪᑦ ᓂᐱᓕᐅᕆᓗᑎᒃ ᑭᒃᑯᓕᒫᓄᑦ ᐱᔨᑦᑎᕋᕈᑎᓄᑦ ᐅᖃᐅᓯᖃᖅᓗᒃ ᑐᕌᖅᑎᓪᓗᒋᑦ ᐃᒪᓐᓇ ᖁᒡᒐᖅᑎᕆᓂᕐᒥᑦ ᐃᓅᓱᒃᑐᓂᒃ ᐃᓄᖕᓄᑦ ᓂᕈᐊᖁᔨᓂᕐᒥᑦ ᓄᓇᕗᑦ ᑐᓐᖓᕕᒃ ᑎᒥᑦ ᓂᕈᐊᖅᑎᑦᑎᓕᖅᐸᑕ ᐊᖓᔪᖅᑳᑉ ᑐᖏᓕᐊᓄᑦ ᑎᓴᑉᐸ 8, …

ᑲᑎᔭᔾᔪᑎᒃᓴᑦ

ᑲᑐᔾᔨᓪᓗᑎᒃ ᐃᓕᓐᓂᐊᕈᑎᒃᓴᓄᑦ ᐊᑐᐃᓐᓇᐅᓂᐊᕐᓂᖏᑦ ᐱᔾᔪᑎᓴᐅᓗᑎᒃ ᓴᖅᑭᑎᑕᐅᔪᑦ

ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪᓗ ᒐᕙᒪᑉᑯᑦ ᓄᓇᕗᒥ ᐅᑉᓗᒥ ᓴᖅᑭᑦᑎᔪᑦ ᐃᓗᐃᑦᑐᒥᑦ ᑲᑐᔾᔨᓪᓗᑎᒃ ᐊᖅᑭᒃᑕᐅᓯᒪᓕᖅᑐᓂᒃ ᐃᓕᓐᓂᐊᕈᑎᒃᓴᓂᒃ ᐊᑐᐃᓐᓇᐅᓂᐊᓕᖅᑐᓂᒃᓗ ᐃᑲᔪᖅᑐᕈᑕᐅᓂᐊᖅᑐᑦ ᑲᔪᓯᑎᑦᑎᓂᕐᒥᑦ ᓄᑖᓂᒃ ᐃᓕᓐᓂᐊᕈᑎᖃᖅᑐᓂᑦ ᖁᑦᑎᖕᓂᖃᖅᑐᓂᒃ 9 ᑕᒪᒃᑯᓄᖓ ᑕᐃᓱᒪᓂᓂᑕᓂᒃ ᓯᓚᕐᔪᐊᒥ ᐃᓕᓐᓂᐊᖅᑎᑕᐅᓂᖏᑦ. ᑕᒪᒃᑯᐊ ᐃᓕᓐᓂᐊᕈᑎᒃᓴᑦ ᐊᑐᓃᖅᑐᓄᑦ ᑐᕌᖅᑐᑦ ᑐᕌᖅᑎᑕᐅᔪᑦ ᐃᓕᓴᐃᓂᕐᒥᑦ ᐃᓕᓐᓂᐊᖅᑐᓂᒃ ᑕᒪᑦᓱᒧᖓ ᐃᓱᒪᖅᓱᕐᓂᕐᒧᑦ ᐊᒻᒪᓗ ᐱᒻᒪᕆᐅᓂᐊᓂᒃ ᑲᓇᑕᐅᑉ ᓂᕈᐊᖅᑐᓕᕆᓂᕐᒧᑦ ᐊᐅᓚᑕᖏᓐᓂᒃ, ᓇᓗᓴᐃᖅᓯᒪᓪᓗᑎᒃ ᐃᑎᔨᔪᒥᑦ ᐊᐅᓪᓗᔾᔨᓗᑎᒃ ᓄᓇᕗᑦ ᑐᓐᖓᕕᒃ ᑐᒥᖓᑦᑕ ᓂᕈᐊᕈᑎᖏᓐᓂᒃ.
ᑕᒪᒃᑯᐊ ᐊᑐᐃᓐᓇᐅᓂᐊ ᐱᔾᔪᑎᒃᓴᐃᑦ ᐅᑯᐊ ᐃᓕᓴᐃᔨᑦ ᒪᓕᒐᒃᓴᖏᑦ ᐊᑐᕐᓂᐊᖅᑕᖏᓐᓄᑦ ᓱᓇᑐᐃᓐᓇᐃᑦ ᑕᐃᑦᓱᒪᓂᑕᓂ ᐊᒻᒪᓗ ᐊᐃᕙᔾᔪᑕᐅᓚᐅᖅᓯᒪᔪᑦ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑏᑦ, ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᒐᕙᒪᓕᕆᓂᕐᒧᑦ ᐊᖅᑭᐅᒪᓂᐊ, ᑲᓇᑕᒥ ᓂᕈᐊᖅᑐᓕᕆᔾᔪᑎᖏᑦᑕ ᑲᔪᓯᓂᖏᑦ, ᐊᒻᒪᓗ ᐃᓱᒪᖅᓱᕈᓐᓇᐅᑎᑦ ᐱᔪᓐᓇᐅᑎᑦ ᐊᒻᒪᓗ ᕿᓪᓚᖅᓯᒪᓗᓂ …

ᓄᓇᕗᑦ ᑐᙵᕕᒃᑯᑦ 2014 ᓇᓗᓇᐃᖅᓯᔪᑦ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᓯᐊᖅᑐᓂᒃ

(ᐊᐅᒡᒍᓯ 5, 2014 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᐊᖏᔪᖅᑳᖓ ᑳᑎ ᑕᐅᑐᙱ ᓇᓗᓇᐃᖅᓯᔪᖅ ᐅᓪᓗᒥ ᐃᑲᔫᓯᐊᑑᓐᓂᒃ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒥᒃ 2014. ᐃᓕᓴᐱ ᐅᔭᕋᒃ ᒪᒃᓕᓐᑖᒃ ᐊᕐᕕᐊᒥᐅᖅ ᐊᒻᒪᓗ ᐋᐳᓖᓇ ᒪᑭᒐᖅ ᑲᖏᕐᖠᓂᕐᒥᐅᖅ ᐊᑐᓂᑦ ᑐᓐᓂᖅᑯᓯᐊᖅᑎᑕᐅᓂᐊᖅᑑᒃ $5,000-ᓂᒃ ᐃᑲᔫᑎᒃᓴᓂᒃ ᐃᓕᓐᓂᐊᕐᓂᖏᓐᓄᑦ. ᐃᓕᓴᐱ ᓱᕈᓯᓛᓄᑦ ᐃᓕᓐᓂᐊᕕᖕᒥ ᐃᓕᓐᓂᐊᑎᑦᓯᔨᒃᓴᐅᓂᕐᒧᑦ ᐃᓕᓐᓂᐊᖅᑐᖅ ᒪᒡᒋᐅ ᐃᓕᓐᓂᐊᕕᒡᔪᐊᖓᓂ ᐊᒻᒪᓗ ᐋᐳᓖᓇ ᐃᓕᓐᓂᐊᖅᑐᖅ ᑲᖏᕐᖠᓂᕐᒥ ᓄᓇᕗᒻᒥ ᐃᓕᓴᐃᔨᒃᓴᓄᑦ ᐃᓕᓐᓂᐊᕕᖕᒥ.
 
ᓱᓕ, ᑐᓐᖓᕕᒃᑯᑦ ᖃᐅᔨᓴᖅᑎᖏᑦ ᓇᓗᓕᐅᖅᑲᖃᑦᑕᓚᐅᖅᑐᑦ ᓂᕈᐊᕋᓱᐊᖅᑐᑎᑦ ᑐᓐᓂᖅᑯᓯᐊᖅᑐᒃᓴᓂᒃ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒥᒃ. ᐃᑲᔫᓯᐊᖅᑖᕋᓱᐊᖅᑐᑦ ᐊᔪᓐᖏᑦᓯᐊᓚᐅᖅᑐᑦ. 15 ᐱᓇᓱᐊᓚᐅᖅᑐᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᒥᒃ ᐊᕐᕋᒍᑦᑎᓐᓂ.
 
“ᖁᕕᐊᒃᑯᑎᕙᕗᑦ ᑐᓐᓂᖅᑯᓯᐊᓚᐅᖅᑐᑦ ᐋᐳᓖᓇ ᐊᒻᒪᓗ ᐃᓕᓴᐱ …

ᑐᓐᖓᕕᒃᑯᑦ ᓂᕈᐊᕈᓐᓇᖅᑐᑦ ᐊᑎᖏᓐᓄᑦ ᑎᑎᕋᖅᑕᐅᖃᑕᐅᓯᒪᕖᑦ?

ᓄᓇᕗᑦ ᑐᓐᖓᕕᒃ ᑎᒥᖓ ᐅᓪᓗᒥ ᓴᖅᑮᔪᑦ ᐊᑎᖃᖃᑕᐅᔪᓄᑦ ᐱᓇᓲᑎᒃᓴᓂᒃ ᐊᓐᖑᑎᓯᒪᑦᓯᐊᖁᓪᓗᒋᑦ ᑐᓐᖓᕕᒃᑯᑦ ᓂᕈᐊᕈᓐᓇᖅᑐᑦ ᐊᑎᖏᑦ ᓂᕈᐊᓐᓇᓚᐅᓐᖏᓐᓂᖓᓂ ᐊᖓᔪᖅᑳᑉ ᑐᒡᓕᐊᓄᑦ ᑏᓰᒻᕙ 8, 2014. ᐃᓄᐃᑦ ᐅᑭᐅᖅᑖᕐᓯᒪᔪᑦ 16-ᓂᒃ ᑏᓰᒻᕙ 8, 2014-ᒥ ᐊᒻᒪᓗ ᐊᑎᖃᖃᑕᐅᔪᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ ᓂᕈᐊᕈᓐᓇᖅᑐᑦ ᐊᑎᖏᓐᓃᖃᑕᐅᔪᑦ, ᖃᐅᔨᒪᒍᑎᓂ ᓂᕈᐊᕈᓐᓇᕐᓂᖏᓐᓂᒃ ᑐᓐᖓᕕᒃᑯᑦ ᓂᕈᐊᖅᑎᑦᓯᓂᖏᓐᓂ. ᐃᓄᐃᑦ ᖃᐅᔨᒋᐊᕈᒪᔪᑦ ᑕᑯᒋᐊᕈᓐᓇᖅᑐᑦ ᑐᓐᖓᕕᒃᑯᑦ ᐃᑭᐊᖅᑭᕕᖓᓄᑦ ᐅᕗᖓ voterslist.tunngavik.com ᓂᕈᐊᕈᓐᓇᖅᑐᑦ ᐊᑎᖏᓐᓃᖃᑕᐅᒻᒪᖔᕐᒥᒃ ᐊᒻᒪᓗ ᑐᑭᓯᒋᐊᒃᑲᓐᓂᕈᒪᒍᑎᒃ ᓂᕈᐊᕈᓐᓇᖅᑐᑦ ᐊᑎᖏᓐᓂ ᐊᑎᖏᑦ ᑕᒻᒪᕐᓯᒪᓐᖏᒃᑲᓗᐊᕐᒪᖔᑕ.
ᓂᕈᐊᕈᓐᓇᕋᓱᒋᒍᕕᑦ ᓂᕈᐊᕐᓂᐅᓂᐊᖅᑐᒧᑦ ᑏᓰᒻᕙ 8, ᐊᑎᓕᐅᖅᑕᐅᖃᑕᐅᓯᒪᓇᒃ, ᐊᑎᖃᖃᑕᐅᔪᓂ ᐊᑎᓕᐅᖅᑕᐅᓯᒪᓐᖏᑐᐃᓐᓇᕆᐊᖃᖅᑐᑎᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ, ᖃᐅᔨᒋᐊᕐᕕᒋᒍᒃ ᓄᓇᓕᖕᓂ ᑐᖅᑲᑕᕐᕕᒋᔭᓯ ᒪᓂᒪᑎᑦᓯᔪᖅ ᑖᒃᑯᓂᖓ. ᓄᓇᓕᖕᓂ ᐊᑎᖃᖃᑕᐅᔪᓕᕆᔩᑦ ᑲᑎᒪᔨᕋᓛᖏᑦ ᐊᑐᓂᑦ ᓄᓇᓕᖕᓂ …

ᐱᕋᔭᓯᒪᔪᒥᓂᐅᒻᒪᖔᖅ ᖃᐅᔨᓴᖅᑕᐅᓂᖅ ᐸᓖᓯᒃᑯᑎᒍᑦ ᑐᓐᖓᕕᒃᑯᑦ ᓂᕈᐊᕐᓂᖏᓐᓂ

ᓄᓇᕗᑦ ᑐᓐᖓᕕᒃᑯᑦ ᑎᒥᖓᓄᑦ ᓂᕈᐊᖅᑐᓕᕆᔨᒻᒪᕆᒃ ᓈᓐᓯ ᖃᕆᑕᖅ-ᓕᓐᑎᐅ ᐅᓪᓗᒥ ᐅᖃᖅᑲᐅᔪᖅ ᓂᕈᐊᕋᑦᓴᐅᒍᒪᓂᐊᖅᑐᑦ ᑐᓐᖓᕕᒃᑯᑦ ᓂᕈᐊᕐᓂᖓᓄᑦ ᐊᖓᔪᖅᑳᑉ-ᑐᒡᓕᐊᓄᑦ ᑏᓰᒻᕙ 8, 2014 ᑐᒃᓯᕋᐅᓯᐅᕈᓐᓇᓕᖅᑐᑦ ᐸᓖᓯᒃᑯᑎᒍᑦ ᖃᐅᔨᓴᕈᑎᓂᒃ ᐱᕋᔭᓯᒪᔪᒥᓃᑦ ᓇᓗᓇᐃᖅᑕᐅᓯᒪᓂᖏᓐᓂᒃ, ᑲᑐᔾᔨᖃᑎᒌᑦ ᓂᕈᐊᕐᓂᕐᒧᑦ ᒪᓕᒐᑦᓴᖏᓐᓃᖃᑕᐅᔪᑎᒍᑦ.
ᐊᓯᔾᔨᖅᑕᐅᓂᖓ ᐊᖏᖅᑕᐅᓚᐅᖅᑐᖅ ᑐᓐᖓᕕᒃᑯᑦ ᐊᕐᕌᒍᑕᒫᕐᓯᐅᒻᒥᒃ ᑲᑎᒪᓂᕆᓚᐅᖅᑕᖓᓂ. ᓂᕈᐊᕋᑦᓴᐅᒍᒪᔪᑦ ᑐᓂᓯᔭᕆᐊᖃᖅᑎᑕᐅᔪᑦ ᓇᓕᖅᑲᐅᖏᑦᑐᒥᒃ ᐸᓖᓯᒃᑯᑎᒍᑦ ᐱᕋᔭᓯᒪᒻᒪᖔᑕ ᖃᐅᔨᓴᖅᑕᐅᒍᑎᖏᓐᓂ ᑐᓂᓯᒍᑎᒃ ᓂᕈᐊᕋᑦᓴᓐᖑᕈᑎᒥᓂᒃ. ᖃᐅᔨᓴᕈᑎᒥᓂᖅ ᒫᓐᓇᕐᓂᐅᓂᖓᓂᒃ ᓇᓗᓇᐃᕐᓯᒪᖁᓪᓗᒍ, ᓂᕈᐊᕋᑦᓴᑦ ᐱᓇᓱᐊᕐᓯᒪᒋᐊᓖᑦ ᐅᓪᓗᓂᒃ 90-ᓂᒃ ᑐᖔᓂ ᓂᕈᐊᕋᑦᓴᓕᐅᕐᓇᖅ ᒪᑐᐃᓚᐅᓐᖏᓐᓂᖓᓂ ᐆᑦᑑᕝᕙ 27-31. ᖃᕆᑕᖅ-ᓕᓐᑎᐅ ᐅᖃᖅᑐᖅ ᖃᐅᔨᒋᐊᖅᑕᐅᒍᑎᒥᓃᑦ ᐸᓖᓯᒃᑯᓐᓂᒃ ᐱᐊᓂᒃᑕᐅᓯᒪᔭᕆᐊᖃᕐᓂᖏᓐᓂᒃ ᔪᓚᐃ 27 ᑭᖑᓂᐊᓂ.
ᐱᓇᐊᓱᕈᓰᓐᓂᒃ ᒪᕐᕈᕌᕋᔪᓲᖑᓂᖏᓐᓄᑦ ᖃᐅᔨᓴᖅᑕᐅᒍᑎᒥᓃᑦ ᐱᕋᔭᓚᐅᕐᓯᒪᓂᕐᒧᑦ, ᑐᓐᖓᕕᒃᑯᑦ ᓂᕈᐊᖅᑎᑦᓯᓂᖓᓄᑦ ᓂᕈᐊᕋᑦᓴᐅᒍᒪᓂᐊᖅᑐᑦ ᑲᒪᔭᕇᕐᓯᒪᒋᐊᖃᕐᓂᐊᖅᑐᑦ ᓂᕈᐊᕋᑦᓴᓕᐅᕐᓇᐅᑉ ᑐᖔᓂ.
ᓂᕈᐊᕋᑦᓴᐅᒍᒪᔪᑦ ᐊᒻᒪᓗ ᓂᕈᐊᖅᑏᑦ ᑲᓇᑕᒥᐅᑕᐅᔭᕆᐊᓖᑦ, 16-ᓂᒃ ᐅᑭᐅᖅᑖᕐᓯᒪᓗᑎᒃ ᑏᓰᒻᕙ …

ᐃᓄᐃᑦ ᖃᐅᔨᒪᓂᖓᒍᑦ ᐱᖕᒪᕆᐅᔪᓂᒃ ᐃᓅᓯᓕᕆᔨ ᑭᓐᖒᒪᓇᕐᓂᐊᖅᑐᖅ

ᓄᓇᕗᑦ ᑐᓐᖓᕕᒃᑯᑦ ᐊᖓᔪᖅᑳᖓ ᑳᑎ ᑕᐅᑐᓐᖏ ᐅᓪᓗᒥ ᐅᖃᐅᓯᓕᒃ ᓇᒡᓕᒍᓱᓐᓂᕐᒥᓂᒃ ᐃᓚᓐᖓᖅᑐᓂᒃ ᐃᓚᖏᓐᓂᒃ ᖃᐅᔨᒪᔭᒻᒪᕆᐅᔪᒥᒃ ᐃᓄᐃᑦ ᖃᐅᔨᒪᓂᖓᒍᑦ ᐱᖕᒪᕆᐅᔪᓂᒃ ᐃᓅᓯᓕᕆᔨᐅᓚᐅᖅᑐᒥᒃ ᑑᒪᓯ ᐆᑦᑐᖅ ᒥᑦᑎᒪᑕᓕᖕᒥᐅᑕᖅ. ᐆᑦᑐᖅ ᐃᓅᒍᓐᓇᐃᓚᐅᖅᑐᖅ ᓈᑦᓯᖑᔭᒥᒃ ᐋᑐᕙᒥ.
“ᓂᑲᓪᓗᕈᑎᒋᖅᑲᐅᔭᕋ ᐅᓪᓗᒥ ᖃᐅᔨᒐᒪ ᑑᒪᓯ ᐃᓅᒍᓐᓃᓚᐅᕐᓂᖓᓂᒃ. ᓴᐃᓕᓇᖅᑐᒥᒃ ᐊᓂᒍᐃᑎᑦᓯᓂᕐᒥᓪᓗ ᐊᓂᐊᑦᓯᓂᒃᑯᑦ ᐃᓅᓯᖃᑦᓯᐊᓇᖅᑐᒥᒃ ᑐᓂᓯᖃᑦᑕᓚᐅᕐᓂᖓ ᐃᓄᕋᓴᓐᓄᑦ ᓯᓚᑐᔪᕐᔪᐊᖑᓂᕐᒥᒍᑦ ᐊᒻᒪᓗ ᐃᓅᓯᓕᕆᔨᐅᓂᕐᒥᒍᑦ ᐳᐃᒍᖅᑕᐅᓚᐅᕐᓯᒪᔾᔮᖏᑦᑐᖅ. ᓯᕗᓕᖅᑎᒋᔭᐅᓚᐅᖅᑐᖅ ᐃᓄᐃᑦ ᖃᐅᔨᒪᓂᖓᒍᑦ ᐱᖕᒪᕆᐅᔪᓂᒃ ᐃᓅᓯᓕᕆᓂᕐᒥᒃ ᐊᒻᒪᓗ ᐋᖅᑭᑦᓯᒪᑦᓯᐊᖅᑕᒥᒍᑦ ᑲᒪᕙᓚᐅᕐᓂᖓ ᑭᓐᖑᒪᒋᔭᐅᓂᐊᖅᑐᖅ ᐃᓄᖕᓄᑦ,” ᐅᖃᖅᑐᖅ ᑕᐅᑐᓐᖏ.
ᐆᑦᑐᖅ ᐃᓅᓯᓕᕆᒐᔪᓚᐅᖅᑐᖅ ᑲᑐᔾᔨᖃᑎᖃᖅᑐᓂ ᐃᓅᓯᓕᒫᒥᓂ ᐊᐃᑉᐸᕐᒥᓂᒃ, ᕇᒋᓕ. ᑕᒪᒃᑮᒃ ᑐᓂᔭᐅᓚᐅᖅᑑᒃ ᐃᖢᐊᕐᓴᐃᔨᐅᓂᕐᒧᑦ ᑐᓐᓂᖅᑯᓯᐊᒥᒃ ᐃᓄᐃᑦ ᑕᐱᕇᑦ ᑲᓇᑕᒥ ᑐᓂᔭᖓᓂᒃ. ᓄᓇᕗᒻᒥ ᓯᕗᓕᖅᑎᐅᓚᐅᖅᑐᖅ ᐄᕙ ᐋᕆᐊᒃ ᑐᓂᓯᓚᐅᕐᓯᒪᒻᒥᔪᖅ ᐆᑦᑐᕐᒥᒃ ᑯᐃᓐ ᐃᓕᓴᐱ II …

ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᒃᑲᓐᓂᕈᑎᒃᓴᖅᑖᕈᒪᔪᓄᑦ ᑐᒃᓯᕋᐅᑎᓄᑦ ᐃᓱᓕᕝᕕᒃᓴᖅ ᑎᑭᓕᕐᒪᑦ

ᐃᓱᓕᕝᕕᒃᓴᖓ ᔫᓯ ᐊᒪᐅᔭᖅ ᑯᓱᒐᐅᑉ ᐃᓕᓐᓂᐊᒃᑲᓐᓂᕈᒪᔪᓄᑦ ᑮᓇᐅᔭᖏᑦ ᔪᓚᐃ 9, 2014. ᑐᒃᓯᕋᕈᒪᔪᑦ ᐊᑕᐅᓯᕐᒥ ᐱᓇᓱᐊᕈᓯᖃᓕᖅᑐᑦ ᑐᓂᓯᒐᓱᐊᕐᕕᒃᓴᖓᑦ ᑐᒃᓯᕋᐅᑎᒥᓂᒃ.
ᑐᒃᓯᕋᖅᑐᑦ ᑎᑎᕋᖅᓯᒪᒋᐊᓖᑦ 500-ᐅᖃᐅᓯᕐᓂᒃ ᐅᓂᒃᑳᖅᑐᓂᒃ ᖃᓄᖅ ᐊᑐᕐᓂᐊᕐᒪᖔᕐᒥᓂᒃ ᐃᓕᓐᓂᐊᕐᓂᓂ ᐊᑐᕐᓗᒍ ᓴᖅᑭᔮᖅᑎᑦᓯᔾᔪᑎᒃᓴᓂᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ, ᑭᓇᐅᓂᖏᓐᓂᒃ, ᐅᖃᐅᓯᖏᓐᓂᒃ ᐊᒻᒪ ᐃᓕᖅᑯᓯᖏᓐᓂᒃ. ᐃᓘᓐᓇᑎᒃ ᑎᑎᕋᖅᑕᐅᔪᑦ ᑎᑎᕋᖅᓯᒪᓪᓚᕆᒋᐊᓖᑦ ᐊᒻᒪ ᐃᔾᔪᐊᖅᓯᓯᒪᓐᖏᓪᓗᑎᒃ ᑎᑎᕋᖅᑕᐅᕌᓂᒃᓯᒪᔪᓂᒃ ᐊᓯᒥᓄᑦ. ᐱᐅᒋᔭᐅᓂᖅᓴᐅᒐᔭᖅᑐᑦ ᑕᒪᒃᑯᐊ ᑐᒃᓯᕋᖅᑐᑦ ᐃᓕᓐᓂᐊᕐᕕᖕᓄᑦ ᑎᑎᖅᑕᐅᓯᒪᒃᐸᑕ ᐅᕝᕙᓘᓐᓃᑦ ᐃᓄᐃᑦ ᐅᖃᐅᓯᖏᓐᓂᒃ ᐃᓕᓐᓂᐊᖅᑐᓄᑦ, ᑭᓯᐊᓂ ᐊᓯᐊᒎᖅᑎᑕᔪᓐᓇᖅᑐᑦ ᑕᑯᒃᓴᐅᑎᑦᑎᑦᓯᐊᖅᐸᑕ ᖃᓄᖅ ᐃᓕᓐᓂᐊᖅᑕᓂ ᐃᑲᔫᑎᓂᐊᕐᓂᖓᓂᒃ ᖁᒡᕙᕆᐊᕈᑎᒃᓴᖏᓐᓄᑦ ᐃᓄᐃᑦ ᐱᔪᓐᓇᐅᑎᖏᑦ.
ᑖᒃᑯᐊ ᐃᓕᓐᓂᐊᒃᑲᓐᓂᕈᑎᒃᓴᑦ ᑐᓂᔭᐅᕙᒃᑐᑦ ᒪᕐᕉᖕᓄᑦ ᐃᓅᖕᓄᑦ ᐊᑐᓂ ᑐᓂᔭᐅᓗᑎᒃ $5,000 ᐃᓕᓐᓂᐊᒃᑲᓐᓂᕈᑎᒃᓴᓂᒃ ᐃᓕᑕᕆᔭᐅᓯᒪᔪᒥ ᖁᑦᓯᖕᓂᖅᓴᓂᒃ ᐃᓕᓐᓂᐊᕐᕕᖕᓂ. ᑖᒃᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᓂᕈᐊᖅᑎᖏᑦ ᕿᒥᕐᕈᐊᖅᐸᒃᑐᑦ …

ᓇᓪᓕᐅᓂᕐᓯᐅᕐᓂᐅᓂᐊᖅᑐᑦ

Download (PDF, 225KB)

ᐅᓐᓄᒃᑯᑦ ᐃᓄᑦᑎᑑᖅᑐᑦ ᑕᕐᕆᔭᑦ

Sorry, this entry is only available in English.

ᓄᓇᕗᑦ ᑐᓐᖓᕕᒃ ᑎᒥᖓᑦ ᑕᐃᓯᔪᑦ ᐊᖓᔪᖅᑳᖑᓂᐊᖅᑐᒥᑦ ᓂᕈᐊᖅᑐᓕᕆᓂᕐᒧᑦ

ᓄᓇᕗᑦ ᑐᓐᖓᕕᒃ ᑎᒥᖓᑦ ᑐᖓᓱᒃᑎᑦᑎᓂᐊᖅᑐᑦ ᓂᕈᐊᖅᑎᑦᑎᓂᕐᒧᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖏᔪᖅᑳᑉ ᑐᖏᓄᐊᒪᑦ ᑎᓴᑉᐸ 8, 2014. ᓈᓐᓯ ᖃᕆᑕᖅ – ᓕᓐᑎᐅᕐ, ᐃᓚᒋᔭᐅᖃᑕᐅᔪᖅ ᐊᔮᔮ ᑐᓴᐅᒪᖃᑦᑕᐅᑎᓕᕆᔨᑦ ᓕᒥᑎᑦ., ᐱᓕᕆᓂᐊᖅᑐᖅ ᐊᖓᔪᖅᑳᕆᔭᐅᓗᓂ ᓂᕈᐊᖅᑐᓕᕆᔨᒻᒪᕆᐅᓂᕐᒧᑦ. ᑲᕆᑕᖅ-ᓕᓐᑎᐅᕐ ᖃᐅᔨᒪᓂᖃᑦᑎᐊᕐᓂᕐᒥᑦ ᐊᑐᖅᓯᒪᓪᓗᒍ ᓂᕈᐊᖅᑐᓕᕆᓂᕐᒧᑦ ᐊᐅᓚᑦᑎᓂᕐᒥᑦ ᐃᓂᒃᓴᖓᓄᑦ.
ᓂᕈᐊᒐᒃᓴᖑᖅᑎᑦᑎᓂᖅ ᐅᒃᑯᐃᖓᓂᐊ ᐅᑭᐅᒧᑦ 2014 ᐊᖓᔪᖅᑉ-ᑐᖏᓕᐊᓄᑦ ᓂᕈᐊᕐᓂᖅ ᐊᐅᓚᓂᐊᖅᑐᖅ ᐊᒃᑑᑉᐱᕆ 27-31, 2014. ᓂᕈᐊᖅᑐᓕᕆᓂᕐᒧᑦ ᐊᖓᔪᖅᑳᖅ ᓴᖅᑭᑦᑎᓂᐊᖅᑐᖅ ᖃᐅᔨᒃᑲᐅᑎᒥᑦ ᓂᕈᐊᕐᓂᕐᒧᑦ ᐱᐊᓂᒃᐸᑕ ᓂᕈᐊᒐᒃᓴᖑᖅᑎᑦᑎᔾᔪᑎᑦ ᐊᐅᓚᓂᐊ ᐱᐊᓂᒃᐸᑦ.
ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᑉ-ᑐᖏᓕᐊ ᐱᔨᑦᑎᖅᓯᒪᔪᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑲᑎᒪᔨᖏᓐᓄᑦ, ᐊᒻᒪᓗ ᐃᒃᓯᕙᐅᑕᐅᓪᓗᓂ ᒪᕐᕈᖕᓄᑦ ᓄᓇᕗᑦ ᑐᓐᖓᕕᒃ ᑎᒥᖓᑕ ᑲᑎᒪᔨᑦ ᑲᑎᒪᔨᕋᓛᖁᑎᖏᓐᓄᑦ, ᐃᓚᒋᓪᓗᒍ ᐅᑯᐊ ᐃᓄᐃᑦ ᐃᓅᓯᓕᕆᓂᕐᒧᑦ ᐊᒻᒪᓗ ᐱᖅᑯᓯᓕᕆᓂᕐᒧᑦ …

IIBA ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔪᓯᐊᖅᑖᕈᑎᒃᓴᓄᓪᓗ ᐊᖏᕈᑏᑦ ᑭᖑᕙᕐᓯᒪᓂᖏᑦ ᐋᖅᑭᒋᐊᒃᑲᐃᔨᒃᑰᖔᕆᐊᖃᓕᖅᑐᖅ

ᓄᓇᕗᑦ ᑐᓐᖓᕕᒃᑯᓐᓂ ᐊᖓᔪᖅᑳᒧᑦ ᑭᖑᕝᕕᐅᑎᓯᒪᔪᖅ ᔭᐃᒥᓯ ᐃᑦᑐᓗᒃ ᐅᓪᓗᒥ ᑐᓴᖅᑎᑦᓯᔪᖅ ᑐᓐᖓᕕᒃᑯᑦ ᐊᒻᒪᓗ ᐊᕕᑦᑐᕐᓯᒪᓂᕐᓂ ᐃᓄᐃᑦ ᑲᑐᔾᔨᖃᑎᒌᑦ ᐊᔪᐃᓐᓇᕆᐊᖅᑲᐅᔪᑦ ᐃᓄᐃᑦ ᐱᔪᓐᓇᐅᑎᖏᑎᒍᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ ᐋᖅᑭᒋᐊᒃᑲᐃᔨᒃᑰᖁᔨᓕᖅᑐᑎᒃ ᐋᖅᑭᒍᑎᒃᓴᖓᓂᒃ 16-ᓂᒃ ᐅᑭᐅᓂᒃ ᑭᖑᕙᕐᓯᒪᔪᒧᑦ ᐋᖅᑭᑦᓯᒪᐅᑎᒋᓂᐊᖅᑕᖓᓂᒃ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᕈᑎᓄᓪᓗ ᐊᖏᕈᑏᑦ ᑲᓇᑕᒥ ᑰᑐᖃᕐᓄᑦ ᓄᓇᕗᒻᒥ. ᐃᓛᒃᑰᖓᓂᖓᒍᑦ 9 ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ, ᑲᓇᑕ ᒐᕙᒪᖓ ᑲᒪᔭᕆᐊᖃᖅᑎᑕᐅᒻᒪᑦ ᐊᖏᖃᑎᖃᕈᓱᐊᕐᓂᕐᒥᒃ ᐃᓄᖕᓂᒃ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᕈᑎᓄᓪᓗ ᐊᖏᕈᑎᓂᒃ ᑰᑐᖃᕐᓄᑦ ᓄᓇᕗᒻᒥ. ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᑎᒍᑦ ᐊᑐᖅᑕᐅᔭᕆᐊᓕᒃ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᕈᑎᓄᓪᓗ ᐊᖏᕈᑏᑦ ᑲᓇᑕᓕᒫᒥ ᑰᑐᖃᕐᓄᑦ ᐋᖅᑭᑦᑕᐅᓯᒪᒋᐊᖃᓚᐅᖅᑐᑦ 1998-ᒥ.
ᐃᑦᑐᓗᒃ ᑐᓴᖅᑎᓯᒍᑎᖓ ᐅᖃᓚᐅᖅᑎᓪᓗᒍ ᐱᓇᓱᐊᕈᓯᐅᓚᐅᖅᑐᒥᒃ ᓄᓇᕗᑦ ᒪᓕᒐᓕᐅᕐᕕᖓᓂ ᐊᕙᑎᓕᕆᔨᒃᑯᑦ ᒥᓂᔅᑕᖓ ᔮᓂ ᒪᐃᒃ, ᐅᖃᓚᐅᕐᒪᑦ …

ᓄᓇᕗᑦ ᒐᕙᒪᒃᑯᖏᑦ ᐃᑲᔪᖅᑐᐃᖏᑦᑐᑦ ᐃᓄᐃᑦ ᐆᒪᔪᓄᑦ ᐱᔪᓐᓇᐅᑎᖏᓐᓂᒃ

Sorry, this entry is only available in English and Inuinnaqtun.

(English) Article by Laurie Pelly entitled “Language, learning, & the promise of Nunavut” in Northern Public Affairs

Sorry, this entry is only available in English.

ᓂᕿᖃᐃᓐᓇᖅᑎᑦᑎᓂᕐᒧᑦ ᑐᑭᒧᐊᕈᑎᒃᓴᑦ ᐊᒻᒪᓗ ᖃᓄᐃᓕᐅᕐᓂᕐᒧᑦ ᐸᕐᓇᐅᑎᑦ

ᓄᓇᕗᒻᒥ ᓂᕿᖃᐃᓐᓇᖅᑎᑦᑎᓂᕐᒧᑦ ᑲᑎᒪᕐᔪᐊᕐᓂᖅ ᐅᓪᓗᒥ ᓴᖅᑮᕗᑦ ᓄᓇᕗᒻᒥ ᓂᕿᖃᐃᓐᓇᖅᑎᑦᑎᓂᕐᒧᑦ ᐊᒻᒪᓗ ᖃᓄᐃᓕᐅᕐᓂᕐᒧᑦ ᐸᕐᓇᐅᑎᒥ ᓯᕗᓪᓕᕐᒥ ᐅᓪᓗᕐᒥ ᑲᓇᑕᓕᒫᒥ ᑳᖕᓇᕐᓂᕐᒧᑦ ᐅᔾᔨᖅᓱᕐᓂᖅ ᐱᓇᓱᐊᕈᓯᖓ. ᑐᕌᒐᖃᖅᑐᖅ ᓴᖅᑮᓂᕐᒥᒃ ᓄᓇᕗᒻᒥᐅᓄᑦ ᓈᒻᒪᒃᑐᒥᒃ ᐱᖃᕈᒪᓂᖅ ᐊᑦᑕᕐᓇᖏᓪᓗᓂ, ᐃᓕᖅᑯᓯᕆᔭᐅᔪᑎᒍᑦ, ᐊᑭᑐᓗᐊᖏᑦᑐᖅ, ᓂᕿᑦᑎᐊᕙᐃᑦ, ᐊᒻᒪᓗ ᓴᖅᑭᑎᑦᑎᓗᓂ ᓂᕿᓅᖓᔪᓂᒃ ᓴᖅᑭᔮᖅᑎᑦᑎᓂᕐᒥᒃ ᐃᓄᐃᑦ ᐱᒻᒪᕆᐅᒋᔭᖏᑎᒍᑦ, ᒪᑭᒪᓇᓱᖕᓂᕐᒧᑦ ᐊᒻᒪᓗ ᐊᕙᑎᓕᕆᓂᕐᒥᑦ ᐊᐅᓚᐃᓐᓇᖅᑎᑦᑎᓂᕐᒥ.
ᐊᕐᕕᓂᓖᑦ ᐱᓕᕆᐊᖑᓂᐊᖅᑐᑦ ᖃᐅᔨᔭᐅᔪᑦ ᐋᖅᑭᐅᒪᑎᑦᑎᔪᖅ ᑐᑭᒧᐊᕈᑎᖓᓂᒃ ᐊᒻᒪᓗ ᖃᓄᐃᓕᐅᕐᓂᕐᒧᑦ ᐸᕐᓇᐃᓂᕐᒥ; ᓂᕿᓪᓚᑦᑖᑦ, ᓂᐅᕕᕐᕕᖕᓂᖔᖅᑐᑦ ᓂᖀᑦ, ᓄᓇᓕᖕᒥ ᓂᕿᓕᐊᖑᖃᑦᑕᖅᑐᑦ, ᐃᓅᓯᕐᒥ ᐊᔪᖖᒋᔾᔪᑕᐅᔪᑦ, ᐱᓕᕆᐊᒃᓴᑦ ᐊᒻᒪ ᓄᓇᓕᖕᓂ ᖃᐅᔨᑎᑕᐅᔪᑦ, ᐊᒻᒪᓗ ᐊᑐᐊᒐᐃᑦ ᒪᓕᒐᒃᓴᐃᓪᓗ.
“ᑳᖕᓇᖏᑎᑦᑎᔾᔫᒥᓂᖅ ᐊᒻᒪᓗ ᐊᖏᒡᓕᒋᐊᖅᑎᑦᑎᓂᖅ ᓂᕿᖃᐃᓐᓇᖅᑎᑦᑎᓂᕐᒥᒃ ᑭᒃᑯᓕᒫᓄᑦ ᐱᓕᕆᐊᒃᓴᐅᖕᒪᑦ ᐃᓄᖕᓄᑦ, ᑲᑐᔾᔨᖃᑎᒌᓄᑦ ᐊᒻᒪᓗ ᒐᕙᒪᒃᑯᓐᓄᑦ ᑕᐃᒪᐃᓐᓂᖓᓄᑦ ᐱᓕᕆᓂᖅ ᑲᑎᒪᕕᒡᔪᐊᕐᓂᕐᒧᑦ ᐱᒻᒪᕆᐅᕗᖅ,” …

ᓄᓇᕗᒻᒥ ᓂᕿᖃᐃᓐᓇᖅᑎᑦᑎᓂᕐᒧᑦ ᑐᑭᒧᐊᕈᑎᒃᓴᑦ ᐊᒻᒪᓗ ᖃᓄᐃᓕᐅᕐᓂᕐᒧᑦ ᐸᕐᓇᐅᑎ ᐊᒻᒪᓗ ᓄᓇᓕᖕᓂ ᓂᕆᑎᑦᑎᕐᔪᐊᕐᓂᖅ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᓄᓇᕗᒻᒥ ᓂᕿᖃᐃᓐᓇᖅᑎᑦᑎᓂᕐᒧᑦ ᑐᑭᒧᐊᕈᑎᒃᓴᑦ ᐊᒻᒪᓗ ᖃᓄᐃᓕᐅᕐᓂᕐᒧᑦ ᐸᕐᓇᐅᑎ ᐊᒻᒪᓗ ᓄᓇᓕᖕᓂ ᓂᕆᑎᑦᑎᕐᔪᐊᕐᓂᖅ
ᐱᒋᐊᕐᓗᓂ ᐅᓪᓗᖅ: ᒪᐃ 2, 2014
ᐃᓱᓕᓪᓗᓂ ᐅᓪᓗᖅ: ᒪᐃ 5, 2014
ᐃᖃᓗᐃᑦ, ᓄᓇᕗᑦ
ᓄᓇᕗᒻᒥ ᓂᕿᖃᐃᓐᓇᖅᑎᑦᑎᓂᕐᒧᑦ ᑲᑎᒪᕐᔪᐊᕐᓂᖅ ᖁᕕᐊᓲᑎᖃᕐᒪᑕ ᓴᖅᑭᑕᐅᓂᖓᓂᒃ ᓄᓇᕗᒻᒥ ᓂᕿᖃᐃᓐᓇᖅᑎᑦᑎᓂᕐᒧᑦ ᑐᑭᒧᐊᕈᑎᒃᓴᑦ ᐊᒻᒪᓗ ᖃᓄᐃᓕᐅᕐᓂᕐᒧᑦ ᐸᕐᓇᐅᑎᒥᑦ ᐃᓄᒃᓱᒃ ᐃᓕᓐᓂᐊᕐᕕᖓᓂ ᐃᖃᓗᖕᓂ ᓇᒡᒐᔾᔭᐅᒥ, ᒪᐃ 5, 5:30 ᐅᓐᓄᒃᑯᑦ. ᓴᖅᑭᑕᐅᓂᖓ ᐊᑐᕐᓂᐊᖅᑐᖅ ᐊᑕᐅᑦᑎᒃᑰᖃᑎᖃᕐᓗᓂ ᑳᖕᓂᕐᒧᑦ ᐅᔾᔨᕐᓱᕐᓂᖅ ᐱᓇᓱᐊᕈᓯᖓᓂᒃ, ᐅᔾᔨᖅᓱᒃᑲᓐᓂᖁᔨᓪᓗᑎᒃ ᓂᕿᖃᐃᓐᓇᖅᑎᑦᑎᓂᕐᒥᒃ.
ᓄᓇᓕᖕᒥ ᓂᕆᕕᒡᔪᐊᖅᑎᑦᑎᓂᖅ ᐊᑐᕐᓂᐊᖅᑐᖅ 6 ᐅᓐᓄᒃᑯᑦ, ᐊᒻᒪᓗ ᑭᒃᑯᑐᐃᓐᓇᑦ ᑐᖖᒐᓱᒃᑎᑕᐅᓂᐊᖅᑐᑦ ᐅᐸᒍᑎᓂᕐᒧᑦ.

###
ᐱᕙᓪᓕᐊᔪᓕᕆᓂᕐᒧᑦ ᖃᐅᔨᒋᐊᕐᕖᑦ:
ᐋᑐᐃ ᓚᒥᐅ
ᑐᓴᐅᒪᑎᑦᑎᓕᕆᓂᕐᒧᑦ ᐊᒻᒪᓗ ᑭᒃᑯᑐᐃᓐᓇᕐᓄᑦ ᑐᓴᒐᒃᓕᕆᔨ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ
ᓄᓇᕗᒻᒥ ᒐᕙᒪᖓᑦ

ᑭᐅᕆ ᒪᒃᑲᓚᔅᑭ
ᑐᑭᒧᐊᖅᑎᑦᑎᔨ ᑐᓴᐅᒪᑎᑦᑎᓕᕆᓂᕐᒧᑦ
ᐊᐅᓚᑦᑎᕕᓕᕆᔨᒃᑯᑦ
ᓄᓇᕗᑦ ᑐᖖᒐᕕᒃ.
867-975-4914

ᓄᓇᕗᒻᒥ ᐃᖅᑲᖅᑐᐃᔨᑎᒍᑦ ᐅᓐᓂᓗᕝᕖᑦ ᓇᓗᓇᐃᕐᓯᔪᑦ ᑲᓇᑕ ᒐᕙᒪᖓ ᓯᖁᒥᑦᓯᓚᐅᕐᓂᖓᓂᒃ ᓄᓇᕗᒻᒥ (ᓄᓇᑖᕐᓂᕐᒧᑦ) ᐊᖏᕈᑎᓂᒃ

ᓄᓇᕗᒻᒥ ᐃᖅᑲᖅᑐᐃᔨᑎᒍᑦ ᐅᓐᓂᓗᕝᑰᑦ ᓇᓗᓇᐃᕐᓯᓯᒪᓕᖅᑐᑦ, ᐃᓱᒪᓕᐅᕈᑕᐅᓪᓗᓂ ᐋᖅᑭᑦᑕᐅᓚᐅᖅᑐᖅ ᐄᑉᕈ 23, 2014, ᑲᓇᑕ ᒐᕙᒪᖓ ᓯᖁᒥᑦᓯᓯᒪᒋᐊᒃᓴᖓᓂᒃ ᐊᕕᑦᑐᕐᓯᒪᓂᖅ 12.7.6 ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂᒃ (ᐊᖏᕈᑏᑦ) ᐊᑐᓕᖅᑎᒋᐊᖃᕐᓯᒪᔭᒥᓂᒃ ᑲᒪᑦᓯᐊᓚᐅᓐᖏᓐᓂᖏᓐᓄᑦ ᓴᖅᑭᕆᐊᖃᕐᓯᒪᔭᒥᓂᒃ ᓄᓇᕗᒻᒥ ᖃᐅᔨᓴᕐᓂᕐᒧᑦ ᐸᕐᓇᐅᑎᓂᒃ, ᐊᒻᒪᓗ ᐃᓄᐃᑦ ᓄᓇᕗᒻᒥᐅᑦ ᓱᕈᑦᑎᑕᐅᓯᒪᓪᓚᕆᓐᓂᖏᓐᓄᑦ ᐱᔭᕆᐊᖃᖅᑎᑕᐅᓯᒪᓂᖏᓐᓂᒃ. ᐅᓐᓂᓗᕝᕕᒃ ᐃᖅᑲᖅᑐᐃᔨᒃᑯᑦ ᒪᓕᒐᖅᑎᒍᑦ ᓇᓗᓇᐃᖅᑕᖓ ᐊᑭᓖᒍᑕᐅᔭᕆᐊᖃᕐᓂᐊᖅᑐᒥᒃ ᖃᓄᑎᒋᓪᓚᑦᑖᖅ ᓱᕈᐃᓯᒪᓂᕆᔭᖏᓐᓂᒃ ᓇᓗᓇᐃᖅᑕᐅᒋᐊᖃᕐᓂᐊᖅᑐᖅ ᐃᖅᑲᖅᑐᐃᕕᒃ ᓈᓚᓚᐅᖅᑎᓪᓗᒍ ᖃᐅᔨᒪᔨᑕᓂᒃ ᓇᓗᓇᐃᖅᑕᐅᓚᑦᑖᕈᑎᖏᓐᓂᒃ ᓯᖁᒥᑦᓯᒍᑎᒋᓯᒪᔭᖏᓐᓂᒃ ᐃᖅᑲᖅᑐᐃᓂᓪᓚᑦᑖᒨᖅᑕᐅᓯᒪᓕᕐᐸᑦ.
“ᐃᖅᑲᖅᑐᐃᕖᑦ ᐃᓱᒪᓕᐅᕈᑎᓪᓗᒍ ᐋᖅᑭᓚᐅᖅᑕᖓ ᓱᖅᑯᐃᕐᓯᒍᑕᐅᔪᖅ ᑲᓇᑕ ᒐᕙᒪᖓ, ᑯᐃᓐ ᑭᒡᒐᑐᖅᑕᐅᓪᓗᓂ, ᐱᖕᒪᕆᐅᑎᑕᐅᒋᐊᒃᑲᓐᓂᕆᐊᓕᒃ ᐅᐱᒍᓱᓐᓂᕐᒧᑦ ᐊᑐᓕᖅᑎᑦᓯᕙᓪᓕᐊᓂᕐᒧᓪᓗ ᐱᓇᓱᐊᕋᑦᓴᓕᐊᖑᓯᒪᔪᓂᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ,” ᐅᖃᓚᐅᖅᑐᖅ ᔭᐃᒥᓯ ᐃᑦᑐᓗᒃ, ᑐᓐᖓᕕᒃᑯᓐᓂ ᐊᖓᔪᖅᑳᖑᓚᐅᐱᓪᓚᑦᑐᖅ ᑭᖑᕝᕕᐅᑎᓯᒪᓪᓗᓂ. “ᖁᕕᐊᓇᓐᖏᑐᒃᑰᕐᓂᐅᖃᑦᑕᕐᓯᒪᔪᑦ ᐃᓅᓯᕐᒥ ᐊᖏᔪᕐᔪᐊᕌᓗᒃ ᐃᓚᒋᔭᐅᓪᓗᑎᒃ ᓯᖁᒥᑦᓯᓂᐅᓯᒪᔪᑦ ᐱᓂᐊᕐᓂᕋᐅᑎᓂᒃ ᐊᖏᕈᑎᑎᒍᑦ …

ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪᓗ ᐊᒡᓃᑯ ᐄᒍᕐ ᐅᔭᕋᖕᓂᐊᖅᑏᑦ ᐱᐊᓂᒃᑐᑦ ᐊᖏᕈᑎᖏᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᑉᓗᒥ ᐅᖃᖅᑐᖅ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪᓗ ᐋᒡᓃᑯ ᐄᒍᕐ ᐅᔭᕋᖕᓂᐊᖅᑏᑦ ᓕᒥᑎᑦ ᒫᓐᓇᓵᖅ ᐱᐊᓂᒃᓯᔪᖅ ᒪᓕᒃᑎᒋᒃᑐᓂᒃ  ᐊᔾᔨᒌᖏᑦᑐᑎᓂᒃ ᐊᖏᕈᑎᓂᒃ ᐱᓪᓗᒍ ᑕᒪᓐᓇ ᕿᓂᕐᓂᕐᒧᑦ ᐊᒻᒪᓗ ᐅᔭᕋᖕᓂᐊᕐᓂᕐᒧᑦ ᐃᓄᐃᑦ ᓇᖕᒥᓂᖁᑎᖏᓐᓂᒃ ᓄᓇᓂ.
ᐱᑕᖃᓕᖅᑐᖅ ᓐᓇ 15-ᓂᒃ ᐅᔭᕋᒃᓴᔭᓄᑦ ᕿᓂᕐᓂᕐᒧᑦ ᐊᖏᕈᑎᓂᒃ ᐊᑯᓐᓂᖓᓐᓂᒃ ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪᓗ ᐋᒡᓃᑯ ᐄᒍᕐ ᐅᔭᕋᖕᓂᐊᖅᑏᑦ ᐱᔪᓐᓇᕈᑎᐅᔪᖅ ᕿᓂᕐᓂᕐᓂᒥᑦ ᐊᖏᓂᖃᖅᑐᒥᑦ ᐃᒪᓐᓇ 110,241 hectares ᐃᓄᐃᑦ ᓇᖕᒥᓂᖁᑎᖏᓐᓂ ᓄᓇᓂ ᐃᓗᐊᓂ ᑭᕙᓪᓕᖅ. ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪᓗ ᐊᒻᒪᓗ ᐋᒡᓃᑯ ᐄᒍᕐ ᐅᔭᕋᖕᓂᐊᖅᑏᑦ ᐊᑎᓕᐅᖃᑕᐅᓚᐅᖅᑐᑦ ᐅᔭᕋᒃᓴᔭᓄᑦ ᓴᓇᓂᕐᒥᑦ ᐊᑐᖅᑐᐊᕈᑎᓂᒃ ᐊᖏᓂᖃᖅᑐᒥᑦ ᐃᒪᓐᓇ 114 hectares …

ᓄᓇᕗᑦ ᑐᓐᖓᕕᒃ ᐃᑲᔪᖅᑐᐃᔪᖅ ᓇᑦᑎᐅᑉ ᕿᓯᖏᓐᓂᒃ ᐊᑐᕐᓂᕐᒥᑦ ᐊᐅᓚᔾᔭᐃᒋᐊᖅᓯᒪᔪᑦ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖏᔪᖅ ᑐᖏᓕᐊ ᔭᐃᒪᓯ ᐃᑦᑐᓗᒃ ᐅᖃᖅᑐᖅ ᐃᑲᔪᖅᑐᐃᓂᕐᒥᑦ ᑕᒪᑦᓱᒧᖓ ᓇᐅᑎᐅᑉ ᕿᓯᖏᓐᓂᒃ ᐊᑐᕐᓂᕐᒥᑦ ᐊᓐᓄᕌᕆᓪᓗᒋᑦ ᐊᐅᓚᔾᔭᒋᐊᖅᑎᑦᑎᔪᓂᒃ ᑲᔪᓯᔪᖅ ᑕᒪᓐᓇ ᐃᓕᑕᕆᔭᐅᒻᒪᕆᒃᑎᓐᓗ ᓄᓇᕗᒥ, ᐊᒻᒪᓗ ᑲᓇᑕᒥ ᐊᒻᒪᓗ ᓯᓚᕐᔪᐊᒥ.
ᓇᐅᑎᐅᑉ ᕿᓯᖏᓐᓂᒃ ᐊᑐᕐᓂᕐᒥᑦ ᐊᓐᓄᕌᕆᓪᓗᒋᑦ ᐃᒪᓐᓇᐃᑦᑐᑦ ᑭᒃᑯᑐᐃᓐᓇᐃᑦ ᓴᖅᑭᑎᑦᑎᓪᓗᑎᒃ ᐊᔾᔨᓂᒃ ᓇᖕᒥᓂᖅ ᐊᑐᖅᑎᓪᓗᒋᑦ ᓇᑦᑎᐅᑉ ᕿᓯᖏᓐᓂᒃ ᓴᓇᓯᒪᔪᓂᒃ ᑕᖅᑳᓂ ᐱᕙᓪᓕᐊᔪᑎᒍᑦ ᐊᐅᓚᔾᔭᐃᒋᐊᖅᑎᓪᓗᒋᑦ ᑕᑯᓇᒃᑕᐅᓂᒃᑯᑦ ᑐᑭᖃᖅᖢᓂ ᐃᑲᔪᖅᑐᐃᓂᕐᒥᑦ ᐊᒻᒪᓗ ᐱᔫᒥᓵᕆᓂᒃᑯᑦ ᑐᑭᓯᑎᑦᑎᕚᓪᓕᕐᓂᕐᒥᑦ ᐱᓪᓗᒍ ᓄᓇᕗᒥ ᐊᓐᓇᒃᑐᕈᓐᓇᕐᓂᕐᖏᓐᓂᒃ ᐊᒻᒪᓗ ᐃᓖᔭᖅᓱᐊᖃᖏᓐᓂᒃᑯᑦ ᓇᑦᑎᕋᓱᐊᖅᐹ`ᖕᓂᖏᓐᓂᒃ, ᓇᐅᑎᐅᑉ ᕿᓯᖏᓐᓂᒃ ᐊᑐᕐᓂᕐᒥᑦ ᐊᓐᓄᕌᕆᓪᓗᒋᑦ ᐊᐅᓚᔾᔭᒋᐊᖅᑎᑦᑎᔪᑦ ᐱᒋᐊᓚᐅᖅᑐᑦ ᑭᖑᓂᐊᒍᑦ ᐃᐊᓚ ᑎᔾᔨᐊᓄᕋᔅ ᓴᖅᑭᑎᑦᑎᓚᐅᖅᑎᓪᓗᒍ ᓇᖕᒥᓂᖅ ᑕᐃᑲᓂ ᐃᓕᑕᕆᔭᐅᖃᑦᑕᕐᓂᖏᓐᓂ ᑕᕐᕆᔭᐅᑎᑎᒍᑦ ᐊᔾᔨᓕᐅᖅᑕᐅᕙᒃᑐᑦ ᐊᒻᒪᓗ ᑐᓂᓯᓪᓗᓂ ᑮᓇᐅᔭᓂᒃ ᓄᐊᑕᐅᔪᑦ ᐅᑯᓄᖓ …

ᓄᓇᕗᒻᒥ ᐊᖑᓇᓱᒃᑎᓄᑦ ᐃᑲᔫᑏᑦ ᕿᒥᕐᕈᔭᐅᔪᑦ

ᓄᓇᕗᑦ ᑐᓐᖓᕕᒃᑯᑦ ᐊᖓᔪᖅᑲᖓᑕ ᑐᒡᓕᐊ ᔭᐃᒥᓯ ᐃᑦᑐᓗᒃ ᐅᓪᓗᒥ ᑐᓴᖅᑎᑦᓯᔪᖅ ᓄᓇᕗᒻᒥ ᐊᖑᓇᓱᒃᑎᓄᑦ ᐃᑲᔫᑏᑦ ᐊᑐᐃᓐᓇᐅᑎᑕᐅᔾᔮᖏᑦᑐᑦ 2014 ᕿᒥᕐᕈᓇᑦᑕᐅᕙᓪᓕᐊᓂᖏᓐᓄᑦ ᓯᕗᓂᕐᒥ ᖃᓄᐃᓕᖓᓂᐊᕐᓂᖓ.
ᐃᓱᒪᓕᐅᕈᑕᐅᔪᒧᑦ ᐋᖅᑭᑦᓯᒍᑕᐅᔪᖅ ᑎᓕᓯᔾᔪᑎᒋᓚᐅᖅᑕᖏᓐᓂᒃ ᓄᓇᕗᒻᒥ ᐊᖑᓇᓱᒃᑎᓄᑦ ᐃᑲᔫᑎᒃᓴᓂᒃ ᑮᓇᐅᔭᖁᑎᓕᕆᔪᓂᒃ, ᐊᑐᓕᖁᔨᔾᔪᑎᓕᐅᓚᐅᖅᑐᑦ ᑐᓂᐅᖅᑲᐃᖁᔨᒐᑎᒃ ᐊᒻᒪᓗ ᐃᑲᔫᑎᒃᓴᓂᒃ ᑲᒪᖁᔨᓇᑎᒃ 2014-ᒥ. ᐊᑐᓕᖁᔨᔾᔪᑎᓃᖃᑕᐅᓪᓗᓂ ᑐᓐᖓᕕᒃᑯᑦ ᐊᒻᒪᓗ ᐊᕕᑦᑐᕐᓯᒪᓂᕐᓂ ᐃᖅᑲᓇᐃᔭᖅᑏᑦ ᑕᓪᓕᒪᓄᑦ ᐅᑭᐅᓄᑦ ᐸᕐᓇᐅᑎᓕᐅᖁᔭᐅᓪᓗᑎᒃ ᐊᒻᒪᓗ ᑐᑭᒧᐊᒍᑎᒃᓴᓂᒃ ᐊᐅᓚᑕᐅᓂᖓᓂᒃ ᓄᓇᕗᒻᒥ ᐊᖑᓇᓱᒃᑎᓄᑦ ᐃᑲᔫᑏᑦ. ᑖᓐᓇ ᐸᕐᓇᐅᑦ ᐊᒻᒪᓗ ᑐᑭᒧᐊᒍᑎᒃᓴᖅ ᑐᓂᔭᐅᓂᐊᖅᑐᖅ ᑐᓐᖓᕕᒃᑯᑦ ᑲᑎᒪᔨᖏᓐᓄᑦ ᕿᒥᕐᕈᓇᒐᑦᓴᐅᓗᓂ ᐆᑦᑑᕝᕙ 2014.
“ᐱᖕᒪᕆᐅᔪᖅ ᑐᓐᖓᕕᒃᑯᓐᓄᑦ ᐊᔪᕐᓇᖏᓐᓂᓕᒫᖓᒍᑦ ᑲᔪᓯᑎᑦᓯᓂᖅ ᓄᓇᕗᒻᒥ ᐊᖑᓇᓱᒃᑎᓄᑦ ᐃᑲᔫᑎᓂᒃ. ᐃᓱᒪᓕᐅᕈᑕᐅᓂᖓ ᑮᓇᐅᔭᓕᑕᐅᓯᒪᒍᑎᖏᑦ ᐸᐸᑦᓯᕕᖓᓂ ᓄᖑᖁᓇᒋᑦ ᑕᓪᓕᒪᑦ ᐊᕐᕌᒍᑦ ᐊᓂᒍᕐᐸᑕ. ᕿᒥᕐᕈᓇᑦᑕᐅᕙᓪᓕᐊᔪᖅ ᒫᓐᓇ ᖃᐅᔨᔾᔪᑕᐅᓂᐊᖅᑐᖅ ᐊᑯᓂᒃᑲᓐᓂᖅ …

ᐃᑲᔫᓯᐊᒃᓴᓕᕆᓂᖅ ᐊᕕᑦᑐᕐᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᖏᓐᓅᖅᑕᐅᖔᖅᑐᑦ

ᓄᓇᕗᑦ ᑐᓐᖓᕕᒃ ᑎᒥᖓ ᑐᓴᖅᑎᑦᓯᖅᑲᐅᔪᑦ ᐃᓚᓐᖓᖅᑐᓄᑦ ᖁᓚᕐᓇᖅᑐᒦᔨᐊᓕᖕᓄᑦ ᖃᖓᑦᑕᐅᑎᓄᑦ ᐃᑲᔫᑎᒃᓴᑦ ᐊᐅᓚᑕᐅᖃᑦᑕᕐᓯᒪᔪᑦ ᑐᓐᖓᕕᒃᑯᓐᓂᒃ ᒫᓐᓇ ᑲᒪᒋᖔᓕᖅᑕᖏᑦ ᐊᕕᑦᑐᕐᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᑦ, ᐅᓪᓗᒥ ᐱᒋᐊᕐᓗᓂ. ᐊᓯᔾᔨᕐᓂᐅᔪᖅ ᑖᒃᑯᓇᓐᖔᕐᓯᒪᔪᖅ ᖃᒡᓕᒋᐊᖕᓂᖅ ᐃᓄᖕᓄᑦ ᐱᕙᓪᓕᐊᑲᓐᓂᕈᑎᒃᓴᓄᑦ ᐱᓇᓱᐊᕋᑦᓴᑦ ᓴᖅᑭᑕᐅᓚᐅᖅᑐᑦ ᓯᑉᑎᒻᕙ 2009-ᒥ, ᓄᓇᕗᒻᒥ ᐃᓄᐃᑦ ᑲᑐᔾᔨᖃᑎᒌᑦ ᐃᑲᔫᑎᒃᓴᑲᓐᓂᖏᓐᓂᒃ.
ᐊᕕᑦᑐᕐᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᑦ ᒪᓂᒪᑎᑦᓯᖃᑦᑕᖔᕐᓂᐊᓕᖅᑐᑦ ᐃᓚᓐᖓᖅᑐᓄᑦ ᖁᓚᕐᓇᖅᑐᒦᔨᐊᓕᓐᓄᓪᓗ ᖃᖓᑦᑕᐅᑎᒃᑯᑦ ᐃᑲᔫᑎᒃᓴᓕᕆᓂᕐᒥᒃ ᐃᓄᖕᓄᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ ᐊᑎᖃᖃᑕᐅᔪᓄᑦ ᐊᕕᑦᑐᕐᓯᒪᓂᕐᒥ ᓄᓇᖃᕐᕕᒋᔭᒥᓂ, ᐊᑐᕐᓗᑎᒃ ᑖᒃᑯᓂᖓᑦᓴᐃᓐᓇᖅ ᑮᓇᐅᔭᓕᑕᐅᓯᒪᒍᑎᓂᒃ ᐊᑐᖅᑐᒃᓴᓂᒃ ᑲᒪᒋᔭᐅᖃᑦᑕᓚᐅᖅᑐᓂᒃ ᑐᓐᖓᕕᒃᑯᓐᓄᑦ. ᐅᓪᓗᒥ ᑐᓴᖅᑎᑦᓯᒍᑎ ᐊᓯᔾᔩᖏᑦᑐᖅ ᐊᑐᐃᓐᓇᐅᖃᑦᑕᕐᓂᖏᓐᓂᒃ ᐃᑲᔪᖅᑕᐅᔭᕆᐊᓕᖕᓄᑦ ᐊᑐᐃᓐᓇᖃᕐᕕᐅᔪᓄᑦ. ᐊᓯᔾᔨᖅᑐᑐᐊᖅ ᐊᕕᑦᑐᕐᓯᒪᓂᕐᓂ ᐃᓄᐃᑦ ᑲᑐᔾᔨᖃᑎᒌᓄᑦ ᑲᒪᒋᔭᐅᖔᓕᕐᓂᖏᑦ ᐃᑲᔫᑎᒃᓴᑦ ᖃᖓᑦᑕᐅᑎᒃᓴᖏᓐᓄᑦ ᐃᓄᐃᑦ.
ᐃᓄᐃᑦ ᖃᐅᔨᒋᐊᖃᑦᑕᐃᓐᓇᕈᓐᓇᓂᐊᖅᑐᑦ ᓄᓇᓕᖕᓂ ᑐᖅᑲᑕᕐᕕᖕᒥᓄᑦ ᑐᓐᖓᕕᒋᔭᐅᔪᓄᑦ ᖃᐅᔨᒋᐊᕐᕕᒃᓴᐅᑎᑕᐅᓪᓗᑎᒃ  ᑐᒃᓯᕋᕈᑎᓂᒃ …

ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᑲᓐᓂᖅᑐᒧᑦ ᑐᒃᓯᕋᐅᓯᐅᕐᕕᒃᓴᖅ ᐃᑲᔫᓯᐊᓄᑦ ᒪᑐᐃᕐᓂᖓ

ᓄᓇᕗᑦ ᑐᓐᖓᕕᒃ ᑎᒥᖓ ᐅᓪᓗᒥ ᒪᑐᐃᕐᓯᔪᑦ ᑐᒃᓯᕋᐅᑎᓂᒃ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᓯᐊᖅᑖᕋᓱᐊᕈᒪᔪᓄᑦ.
ᐱᓇᓱᐊᖅᑐᑦ ᑎᑎᕋᕆᐊᓖᑦ 500−ᓂᒃ ᐅᖃᐅᓯᖅᑕᓕᖕᓂᒃ ᐅᓂᒃᑳᓂᒃ ᐅᖃᐅᓯᖃᑦᓯᐊᕐᓗᑎᒃ ᐊᑐᕐᓂᐊᓂᕐᒥᓂᒃ ᐃᓕᓐᓂᐊᖅᑕᒥᓂᒃ ᐱᕚᓪᓕᕈᑎᒃᓴᐅᑎᓪᓗᒍ ᐃᓄᐃᑦ ᐱᔪᓐᓇᐅᑎᖏᓐᓄᑦ, ᓇᑭᓐᖔᕐᓯᒪᓂᖏᓐᓄᑦ, ᐅᖃᐅᓯᕐᒧᑦ ᐃᓕᖅᑯᓯᕐᒧᓪᓗ. ᑕᒪᕐᒥᒃ ᐅᓂᒃᑳᑦ ᐃᖕᒥᓃᓐᖔᓪᓚᑦᑖᕆᐊᓖᑦ  ᐊᒻᒪᓗ ᑎᑎᕋᕇᕐᓯᒪᔪᓂᒃ ᐃᔾᔪᐊᕐᓯᓯᒪᔭᕆᐊᖃᓐᖏᑦᑐᑦ ᑎᑎᕋᖅᑕᐅᖃᑦᑕᕐᓯᒪᔪᓂᒃ. ᐱᓇᓱᐊᖅᑐᑦ ᐃᓕᓐᓂᐊᕕᖕᒥ ᐃᓕᓐᓂᐊᕐᓂᖏᓐᓂᒃ ᑎᑎᕋᖅᑕᐅᓯᒪᑉᐸᑕ ᓈᖕᒪᒋᔭᐅᓂᕐᓴᐅᔪᖅ ᐅᕝᕙᓗᓐᓃᑦ ᐃᓄᐃᑦ ᐅᖃᐅᓯᖓᓂᒃ ᐃᓕᓐᓂᐊᕐᐸᑕ. ᐊᖏᖅᑕᐅᒍᓐᓇᕐᒥᔫᒐᓗᐊᑦ ᐱᓇᓱᐊᖅᑐᖅ ᑐᑭᓯᓇᕐᓯᑎᑦᓯᓯᒪᑦᓯᐊᑐᐊᕐᐸᑦ ᐃᓕᓐᓂᐊᕐᓂᖓ ᐊᒻᒪᓗ ᐃᖅᑲᓇᐃᔮᖓ ᐃᑲᔫᑎᖃᕐᓂᐊᕐᓂᖓᓂᒃ ᓯᕗᒧᐊᒃᑲᓐᓂᕈᑎᒃᓴᐅᓂᖓᓂᒃ ᐃᓄᐃᑦ ᐱᔪᓐᓇᐅᑎᖓᓄᑦ.
ᒪᕐᕉᒃ ᐃᓅᒃ ᐃᓕᓐᓂᐊᖅᑑᒃ ᑐᓂᔭᐅᓂᐊᖅᑑᒃ $5,000.00 ᐊᑐᓂᑦ ᐃᓕᓐᓂᐊᖅᑑᒃ ᐃᓕᓴᕆᔭᐅᓯᒪᔪᓂ ᐃᓕᓐᓂᐊᑲᓐᓂᕕᖕᓂ. ᑐᓐᖓᕕᒃᑯᓃᓐᖔᖅᑐᓂᒃ ᖃᐅᔨᓴᖅᑎᖃᕐᓂᐊᖅᑐᖅ ᕿᒥᕐᕈᓇᓐᓂᐊᖅᑐᓂᒃ ᐱᓇᓱᐊᕈᑎᓂᒃ ᐊᒻᒪᓗ ᓂᕈᐊᕐᓗᑎᒃ ᐃᓕᓐᓂᐊᖅᑎᓂᒃ ᐃᓕᓐᓂᐊᖅᑕᖏᑎᒍᑦ, ᐅᓂᒃᑳᓕᐅᕐᓗᓂ ᑎᑎᕋᕐᓯᒪᔪᓂᒃ ᐊᒻᒪᓗ ᖃᐅᔨᒋᐊᕐᕕᒃᓴᓂ …

ᐊᖓᔪᖅᑳᑉ-ᑐᒡᓕᐊ ᔭᐃᒥᓯ ᐃᑦᑐᓗᒃ ᐱᕚᓪᓕᑎᑦᓯᓯᒪᓂᕐᒧᑦ ᑐᓐᓂᖅᑯᓯᐊᖅᑐᖅ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᑉ-ᑐᒡᓕᐊ ᔭᐃᒥᓯ ᐃᑦᑐᓗᒃ ᐅᓪᓗᒥ ᑐᓂᔭᐅᖅᑲᐅᔪᖅ 2014 ᐱᕚᓪᓕᑎᑦᓯᓯᒪᓂᕐᒧᑦ ᑐᓐᓂᖅᑯᓯᐊᒥᒃ ᐃᓅᓯᓕᒫᒥᓄᑦ. ᐃᑦᑐᓗᒃ 14-ᓄᑦ ᑐᓐᓂᖅᑯᓯᐊᖅᑐᓄᑦ ᐃᓚᒋᔭᐅᔪᖅ ᓄᓇᖃᖅᑳᕐᓯᒪᔪᓄᑦ ᑲᓇᑕᒥᐅᓄᑦ ᐱᕚᓪᓕᑎᑦᓯᓯᒪᓂᕐᒧᑦ ᑐᓐᓂᖅᑯᓯᐊᒥᒃ ᐊᕐᕌᒍᑦᑎᓐᓂ. ᐃᑦᑐᓗᒃ ᐊᒻᒪᓗ ᐊᓯᖏᑦ ᑐᓐᖓᕕᒃᑯᑦ ᑲᑎᒪᔨᖏᑦ ᐅᐃᓂᐱᒡᒦᖅᑲᐅᔪᑦ ᐅᓪᓗᒥ ᑐᓐᓂᖅᑯᓯᐊᖅᑖᖅᑎᑕᐅᓂᕐᒧᑦ ᖁᕕᐊᓲᑎᖃᖅᑐᓂ.
“ᐅᐱᒍᓱᑦᓯᐊᖅᐳᖓ ᑐᓐᓂᖅᑯᓯᐊᖅᑖᓂᓐᓂᒃ ᐅᓪᓗᒥ. ᐱᓕᕆᐊᕆᓯᒪᔭᓐᓄᑦ ᐃᓅᓯᓕᒫᓐᓂ ᐱᔨᑦᓯᓂᕐᒥᒃ ᐃᓄᖕᓂᒃ, ᓂᕆᐅᓚᐅᓐᖏᒃᑲᓗᐊᖅᑐᖓ ᐃᓕᓴᕆᔭᐅᓛᕐᓂᕐᒥᒃ ᐱᓇᓱᐊᖅᑕᓐᓄᑦ, ᑭᓯᐊᓂ ᐃᑉᐱᓇᕐᓂᖓ ᐊᖏᔪᒻᒪᕆᐊᓗᒃ ᐅᕙᓐᓄᑦ ᐅᐱᒋᔭᐅᔾᔪᑎᑖᖅᑎᑕᐅᓂᕋ,” ᐅᖃᓚᐅᖅᑐᖅ ᐃᑦᑐᓗᒃ. “ᖁᔭᒋᔪᒪᔭᕋ ᓄᓕᐊᕋ, ᒥᐊᓕ, ᐊᒻᒪᓗ ᐃᓚᒃᑲ ᐃᑲᔪᕐᓯᒪᐃᓐᓇᕐᓂᖏᓐᓄᑦ ᐱᔪᓐᓇᕈᑎᒋᓯᒪᒐᒃᑭᑦ ᑐᓂᓯᒪᓂᕐᒧᑦ ᐱᓕᕆᐊᖕᓂᒃ ᐃᑲᔪᕐᓂᕐᒧᑦ ᐱᕚᓪᓕᑎᑦᓯᒍᑎᒃᓴᖏᓐᓄᑦ ᐃᓄᐃᑦ ᐃᓅᓯᖏᓐᓄᑦ, ᐅᖃᓚᐅᖅᑐᖅ.
ᐃᑦᑐᓗᒃ ᐱᓕᕆᒋᐊᓐᖓᕈᑎᒋᓚᐅᖅᑕᖓ ᓂᐅᕕᖅᑎᑯᓐᓂ ᕼᐊᑦᓴᓐ ᐸᐃ ᑲᒻᐸᓂ ᓂᐅᕕᖅᑎᑦᓯᔨᐅᓪᓗᓂ, ᑭᖑᓂᐊᒍᑦ ᐊᖓᔪᖅᑳᕆᔭᐅᓕᓚᐅᖅᑐᖅ ᑯᐊᐸᒃᑯᑦ ᓂᐅᕕᕐᕕᖓᓂ. …

(English) ITK: Inuit Leaders United in Opposition to EU Seal Ban as WTO Appeal Hearing Begins in Geneva

Sorry, this entry is only available in English.

(English) Inuit Tapiriit Kanatami and Nunavut Sivuniksavut Pro-Seal Demonstration in Ottawa

Sorry, this entry is only available in English.

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓᑦ ᓇᓗᓇᐃᖅᓯᑦᑎᐊᖅᑐᖅ ᐊᑐᐊᒐᓂᒃ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓ ᑳᑎ ᑕᐅᑐᖏᑦ ᐅᖃᖅᑐᖅ ᐅᑉᓗᒥ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑕ ᐃᓚᒋᔭᖏᑦ ᐊᒻᒪᓗ ᑲᑎᒪᔨᑦ ᐃᓂᖃᕐᒪᑕ ᐅᑯᐊ ᐃᓗᐊᓂ ᐅᖃᖅᓯᒪᔪᓂ ᐱᓇᓱᐊᑦᑎᐊᕆᐊᖃᕐᓂᕐᒧᑦ ᐊᐅᓚᑕᐅᔾᔪᑎᓂ ᐊᑐᐊᒐᓂ ᑲᑎᒪᔨᓄᑦ ᐊᒻᒪᓗ ᐱᓇᓱᐊᑦᑎᐊᕆᐊᖃᕐᓂᕐᒧᑦ ᐊᐅᓚᑦᑎᔾᔪᑎᓂ ᐊᑐᐊᒐᑦ ᐃᓚᒋᔭᐅᔪᓄᑦ ᐊᐅᓚᑦᑎᓂᖏᑦ ᖃᓄᐃᓕᐅᕐᓂᖏᓐᓂᒃ ᐃᓚᒋᔭᐅᔪᑦ ᐊᒻᒪᓗ ᑲᑎᒪᔨᑦ.
ᐊᑐᐊᒐᐃᑦ ᐅᖃᖅᓯᒪᔪᑦ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑕ ᐃᓚᒋᔭᖏᑦ ᐊᒻᒪᓗ ᑲᑎᒪᔨᑦ ᐃᒪᓐᓇᐃᓕᐅᕆᐊᖃᖅᑐᑦ:
ᐊᔭᐅᖅᑐᕐᓗᒋᑦ ᐱᔪᓐᓇᐅᑎᖏᑦ ᐊᒻᒪᓗ ᐱᕕᒃᓴᖏᑦ ᐃᓄᐃᑦ ᓄᓇᕗᒻᒥ ᑕᒪᕐᒥᒃ ᐱᓪᓗᒋᑦ, ᐊᒻᒪᓗ ᐊᔾᔨᒌᒃᑎᑦᑎᓂᕐᒥᑦ ᐱᓕᕆᐊᖃᕐᕕᐊᕐᓗᑎᒃ ᒪᑯᓄᖓ ᓱᒃᑰᑎᑕᐅᕙᒃᑐᓂᒃ ᐊᒥᓱᓂᒃ ᐃᓗᐊᓂ ᐃᓄᐃᑦ ᐊᑯᓐᓂᖏᑦᑕ, ᐃᒪᓐᓇ ᐅᐱᒋᓗᒋᑦ ᒪᑭᑎᑕᓂᖏᑦ ᐆᒪᓂᖏᑕ ᑭᓇᒃᑯᓕᒫᑦ ᐊᒻᒪᓗ ᑎᑭᐅᑎᑦᑕᐃᓕᓗᑎᒃ ᐅᕕᓂᖃᑎᒋᖏᑕᖏᓐᓂᒃ ᐊᑭᕋᖅᑐᕐᓂ ᒪᒃᓕᖢᒋᑦ ᐅᕕᓂᖃᑎᒋᖏᑕᖏᑦ, ᑲᓇᑕᓕᒫᒥ …

(English) Qikiqtani Truth Commission (QTC) Final Report Community Presentations

Sorry, this entry is only available in English.

ᐊᓪᓚᓐᖑᐊᓄᑦ ᓂᕕᖓᑖᑦ ᐊᑐᐊᒐᕆᑲᐃᓐᓇᓂᐊᖅᑕᖏᑦ ᐊᖏᖅᑕᐅᔪᑦ

ᓄᓇᕗᑦ ᑐᓐᖓᕕᒃᑯᑦ ᐊᖓᔪᖅᑳᖓᑕ-ᑐᒡᓕᐊ ᔭᐃᒥᓯ ᐃᑦᑐᓗᒃ ᑐᓴᖅᑎᑦᓯᖅᑲᐅᔪᖅ ᐊᕕᑦᑐᕐᓯᒪᓂᕐᓂ ᐆᒪᔪᓕᕆᔩᑦ ᑲᑎᒪᔨᖏᑦ ᕿᑎᕐᒥᐅᓂ, ᑭᕙᓪᓕᖅ ᐊᒻᒪᓗ ᕿᑭᖅᑖᓗᖕᒥ ᐊᖏᕈᑎᖃᕆᐊᖏᑦ ᐊᓪᓚᓐᖑᐊᑦ ᓂᕕᖓᑖᖏᓐᓄᑦ ᐊᑐᐊᒐᕆᑲᐃᓐᓇᓂᐊᖅᑕᖏᑦ ᑭᖑᓪᓕᒨᖅᑕᐅᓗᑎᒃ ᐊᕐᕌᒍᒧᑦ ᐊᑐᖅᑕᐅᒪᐃᑦᑐᑦ ᐊᖑᓇᓱᑦᑎᓄᑦ 2013-ᒥ.
ᑭᖑᓪᓕᕐᒨᕆᓂᕐᒧᑦ ᐊᑐᐊᒐᐅᑲᐃᓐᓇᓂᐊᖅᑐᖅ ᐱᔾᔪᑎᒃᓴᐅᔪᓐᓇᓂᐊᖅᑐᖅ ᐊᕕᑦᑐᕐᓯᒪᓂᕐᓂ ᐆᒪᔪᓕᕆᔩᑦ ᑲᑎᒪᔨᖏᑦ ᑐᓂᓯᒍᓐᓇᓂᐊᕐᓂᖏᓐᓂᒃ, ᓂᕕᖓᑖᓂᒃ ᐊᑐᖅᑕᐅᓚᐅᓐᖏᑦᑐᓂᒃ 2013-ᒥ ᐊᖑᓇᓱᑦᑎᓄᑦ 2014-ᒥ ᑖᒃᑯᓇᓐᖓᓴᐃᓐᓇᖅ ᐱᔾᔪᑕᐅᒍᓐᓇᓂᐊᖅᑐᑦ ᐊᐅᔭᕐᓯᐅᕆᐊᖅᑐᕕᖏᓐᓂ ᐊᓪᓚᓐᖑᐊᑦ. ᐊᕕᑦᑐᕐᓯᒪᓃᑦ ᐆᒪᔪᓕᕆᔨᒃᑯᑦ ᑲᑎᒪᔨᖏᑦ ᐊᖏᕈᑎᖃᓚᐅᖅᑐᑦ ᐊᑐᐊᒐᖃᑲᐃᓐᓇᓂᐊᕐᓂᖅ ᑐᑭᓕᒃ ᓄᑖᖅ ᐊᐅᓚᑦᓯᔾᔪᑎᒃᓴᖅ ᑐᓂᔭᐅᓂᐊᖅᑐᖅ ᓄᓇᕗᒻᒥ ᐆᒪᔪᓕᕆᔨᕐᔪᐊᑯᓐᓄᑦ ᐊᖏᕈᑕᐅᖁᓪᓗᒍ ᑭᖑᓪᓕᕐᒥ ᑲᑎᒪᓕᕐᐸᑕ ᒫᑦᓯ 2014.
ᑭᖑᓪᓕᒨᖅᑕᐅᓂᖏᓐᓄᑦ ᐊᑐᐊᒐᖅ ᐃᓚᒋᔭᖓ ᑲᑎᑕᐅᓯᒪᔪᑦ ᐃᖃᓗᓕᕆᓂᕐᒧᑦ ᐊᐅᓚᑦᓯᔾᔪᑎᒃᓴᓄᑦ ᐸᕐᓇᐅᑎᓕᐊᖑᓚᐅᖅᑐᒧᑦ ᐊᓪᓚᓐᖑᐊᓄᑦ ᐃᒪᕐᒥᐅᑕᓕᕆᔨᒃᑯᓐᓄᑦ ᑐᓴᕆᐊᖃᑦᑕᕐᓱᑎᒃ ᑐᓐᖓᕕᒃᑯᓐᓂᒃ, ᐊᕕᑦᑐᕐᓯᒪᓂᕐᓂ ᐆᒪᔪᓕᕆᔨᒃᑯᑦ ᑲᑎᒪᔨᖏᑦ ᐊᒻᒪᓗ ᓄᓇᓕᖕᓂ ᐊᖑᓇᓱᑦᑐᓕᕆᔨᒃᑯᑦ ᑲᑐᔾᔨᖃᑎᒌᖏᓐᓂᒃ …

ᓄᓇᕗᑦ ᐆᒪᔪᓕᕆᔨᑦ ᑭᒡᒐᖅᑐᖅᑎᖏᑦ ᓄᓇᕕᖕᒧᓐᖓᐅᔪᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖏᔪᖅᑳᑉ ᑐᖏᓕᐊ ᔭᐃᒻᔅ ᐃᑦᑐᓗᒃ ᐊᒻᒪᓗ ᐊᓯᖏᑦ ᓄᓇᕗᒥ ᐆᒪᔪᓕᕆᓂᕐᒧᑦ ᑭᒡᒐᖅᑐᖅᑎᖏᑦ ᐊᐅᓪᓚᕐᓂᐊᕐᑐᑦ ᐃᓄᒡᔪᐊᖅ ᓄᓇᕕᖕᒧᑦ ᐱᓇᓱᐊᕈᓯᐊᓂᐊᖅᑐᒥ ᕕᕝᕗᐃᕆ 12-14, ᐃᓚᐅᓂᐊᖅᖢᑎᒃ ᓄᓇᕕᖕᒥ ᐳᐃᔨᓕᕆᓂᕐᒧᑦ ᐊᕕᒃᑐᖅᓯᒪᔪᑦ ᐆᒪᔪᓕᕆᔨᖏᑦᑕ ᑲᑎᒪᔨᖏᑦ ᑭᒃᑯᓕᒫᓂᒃ ᓈᓚᒃᑎᑦᑎᓂᕆᓂᐊᖅᑕᖓᓐᓄᑦ ᐃᒪᓐᓇᓗ ᐃᓱᒪᒃᓴᖅᓯᐅᕈᑕᐅᓂᐊᖅᑐᑦ ᓴᖅᑭᑦᑎᓂᕐᒥᑦ ᐱᑕᖅᑕᐅᔪᓐᓇᖅᑐᑦ ᐅᓄᕐᓂᖏᓐᓂᒃ ᒪᑯᓄᖓ ᓇᓄᕐᓄᑦ ᑕᐅᓇᓂ ᓂᒋᖅᐸᓯᐊᓂ ᑕᓯᐅᔭᕐᒧᐊᑉ ᐃᒪᖓᓂ ᐃᓚᖏᑦ-ᐊᒥᓲᓂᖏᑕ ᐃᓗᐊᓂ ᓄᓇᕕᒃ ᑕᕆᐅᖓᓂᓐ.
ᓄᓇᕗᑦ ᐊᑐᖅᓯᒪᔪᑐᖃᐃᑦ ᓇᓄᕐᓄᑦ ᐊᐅᓚᑦᑎᓂᕐᒧᑦ ᐃᓕᖓᔪᑎᒍᑦ ᐊᒻᒪᓗ ᑰᑕᖃᖅᑎᑦᑎᓂᕐᒥᑦ ᐱᑕᖅᑕᐅᔪᓐᓇᑐᓂᒃ ᐃᓕᖓᓕᖅᑐᑦ ᐅᑭᐅᓄᑦ 40, ᓄᓇᕕᒃᓕ ᐱᒋᐊᓕᑕᐃᓐᓇᖅᑐᑦ ᐊᑐᕐᓂᐊᕐᓂᕐᒥᖕᓂᑦ ᑕᒪᑦᓱᒧᖓ ᐊᒃᑐᐊᔪᓂᑦ. ᐃᑦᑐᓗᒃ ᐅᖃᖅᑐᖅ ᓄᓇᕗᑦ ᑭᒡᒐᖅᑐᖅᑎᖏᑦ ᐃᓚᐅᓚᐅᖅᑐᑦ ᑭᒃᑯᓕᒫᓂᑦ ᓈᓚᒃᑎᑦᑎᑕᐅᓂᖏᓐᓂᒃ ᐊᒻᒪᓗ ᓈᓚᒃᖢᑎᒃ ᐊᒥᖄᕈᑎᒋᓂᐊᕐᓗᒋᓪᓗ ᓇᖕᒥᓂ ᐊᑐᖅᓯᒪᔭᖏᓐᓂ ᐊᒻᒪᓗ …

Land Claims Agreements Coalition “Meet & Greet” Reception – February 25th (English Only)

Sorry, this entry is only available in English.

(English) 2014-2024 Nunavut Economic Development Strategy Survey

Sorry, this entry is only available in English.

ᖃᓄᐃᓕᖓᓕᕐᓂᐊ ᐃᓄᐃᑦ ᐱᖅᑯᓯᖏᑦ ᐊᒻᒪᓗ ᐃᓄᓕᕆᓂᕐᒧᑦ ᐊᕐᕌᒍᒫᑦ ᐅᓂᒃᑳᓕᐊᑎᒍᑦ ᓴᖅᑭᑎᑕᐅᔪᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖏᔪᖅᑳᖓᑦ ᑳᑎ ᑲᐅᑐᖏ ᐅᑉᓄᓯ ᑕᖅᑭᑎᑦᑎᔪᖅ ᐅᑯᓂᖓ ᐊᕐᕌᒍᑕᒫᑦ ᐅᓂᒃᑳᓕᐊᖑᕙᒃᑐᓂᒃ ᑕᒪᑦᓱᒧᖓ ᖃᐃᓗᓕᖓᓕᕐᓂᖏᓐᓂᒃ ᐃᓄᐃᑦ ᐱᖅᑯᓯᖏᑦ ᐊᒻᒪᓗ ᐃᓄᓕᕆᓂᕐᒧᑦ, ᑕᐃᔭᐅᔪᖅ ᓄᓇᕗᑦ ᐃᓄᐃᑦ ᐋᓂᐊᖅᑐᓕᕆᓂᕐᒧᑦ ᖃᐅᔨᓴᕈᑎᓂᒃ: ᑐᑭᓯᐊᒪᓂᖅ ᓯᐊᒻᒪᒍᓐᓇᕐᓂᖏᓐᓂᒃ ᐊᒻᒪᓗ ᐃᖅᑲᐅᒪᒃᓴᐅᓂᖏᑦ ᖃᓄᐃᓕᖓᓂᖏᑕ. ᐅᓇ ᐊᕐᕌᒍᑕᒫᖅᓯᐅᑎ ᐅᓂᒃᑳᖅ ᐃᓗᓕᖃᖅᑐᑦ ᐅᑭᐅᖑᓚᐅᖅᑐᓂ 2011/2012 ᐊᒻᒪᓗ 2012/13.
ᓄᓇᕗᑦ ᐃᓄᐃᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᓴᕈᑏᑦ ᑲᔪᓯᑎᑕᐅᓚᐅᖅᑐᑦ ᐊᒥᓱᓄᑦ ᐱᓕᕆᔪᓄᑦ ᑲᑐᔾᔨᓪᓗᑎᒃ ᐊᒻᒪᓗ ᓯᕗᓐᓂᐊᖅᑎᐅᓪᓗᑎᒃ ᓄᓇᕗᑦ ᒪᒋᐅᓪ ᓯᓚᑦᑐᖅᓴᕐᕕᐊᑦ, ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᑦ 25 ᓄᓇᓖᑦ 2007/08-ᒥ, ᐊᒻᒪᓗ ᑐᓂᓯᓪᓗᑎᒃ ᐃᓗᐃᑦᑐᓂᑦ ᑐᑭᓯᒋᐊᕈᑎᒃᓴᓂᒃ ᐱᓪᓗᒋᑦ ᑎᒥᖏᑦᑕ ᐊᒻᒪᓗ ᐃᓱᒪᖏᑦᑕ ᖃᓄᐃᓕᖓᓕᕐᓂᖏᓐᓂᒃ ᐃᓄᐃᑦ. ᑕᒪᓐᓇ ᑐᓂᓯᔪᒻ ᐊᑐᐃᓐᓇᕈᐃᓪᓗᓂ ᓄᑖᓂᒃ ᐊᒻᒪᓗ ᐃᓗᐃᑦᑐᓂᒃ …

ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᖅᑲᓇᐃᔭᖅᑎᑖ ᓇᖕᒥᓂᖅ ᐃᓕᓐᓂᐊᖅᑐᓕᕆᓂᕐᒧᑦ ᐊᑭᓕᐅᓯᐊᕈᓐᓇᕐᓂᐊᖅᑐᓄᑦ ᐊᑐᕈᑎᒃᓴᖏᓐᓂᒃ ᐃᖅᑲᓇᐃᔭᖅᑎᖕᓂᒃ

ᓄᓇᕗᑦ ᑐᓐᖓᕕᒃ ᑎᒥᖓᑦ ᐅᑉᓗᒥ ᓴᖅᑭᑦᑎᔪᑦ ᒪᕐᕉᓂᒃ ᐃᖅᑲᓇᐃᔭᖅᑎᐅᓂᐊᖅᑐᓂᒃ ᐃᑲᔪᕐᓂᐊᕐᓗᑎᒃ ᐊᐅᓚᑦᑎᓗᑎᒃᓗ ᓇᖕᒥᓂᖅ ᐃᓕᓐᓂᐊᖅᑐᓕᕆᖤᕐᒧᑦ ᐊᑭᓕᐅᓯᐊᕈᓐᓇᕐᓂᐊᖅᑐᓄᑦ ᐊᑐᕈᑎᒃᓴᖏᓐᓂᒃ ᐱᓕᕆᐊᑎᒍᑦ. ᑖᓇ ᐋᑕᒻᔅ ᐊᒻᒪᓗ ᐹᓪ ᓴᒻᒧᖅᑐᖅ ᐃᖅᑲᓇᐅᐃᔭᖅᑎᑖᕆᔭᐅᓚᐅᖅᑑᒃ ᐃᑲᔪᕐᓂᐊᕐᓗᑎᒃ ᐃᓕᓐᓂᐊᕆᐊᖅᐸᓚᐅᖅᓯᒪᔪᓂᒃ ᓄᓇᕗᒥ ᐱᔪᓐᓇᖅᑎᑕᐅᖁᓪᓗᒋᑦ ᐱᓕᕆᐊᖑᓂᐊᖅᑐᓂᑦ.
ᓇᖕᒥᓂᖅ ᐃᓕᓐᓂᐊᖅᑐᓕᕆᓂᕐᒧᑦ ᐊᑭᓕᐅᓯᐊᕈᓐᓇᕐᓂᐊᖅᑐᓄᑦ ᐊᑐᕈᑎᒃᓴᖏᓐᓂᒃ ᐱᓕᕆᐊᑎᒍᑦ ᐃᓚᒋᔭᐅᔪᑦ ᐅᑯᓇᖓ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐃᓕᓐᓂᐊᕆᐊᖅᐸᓚᐅᖅᑐᑦ ᐊᑭᓕᐅᓯᐊᕆᓚᐅᖅᑕᖏᑕ ᐊᖏᕈᑎᖏᑎᒍᑦ. ᑕᒪᕐᒥᒃ ᐃᓕᓐᓂᐊᕆᐊᖅᐸᓚᐅᖅᑐᑦ ᑕᐃᒃᑯᐊ ᐱᓚᐅᖅᓯᒪᔪᑦ ᐃᓕᓐᓂᐊᕆᐊᖅᓚᐅᖅᓯᒪᓂᖏᓐᓄᑦ ᐊᑯᓕᐅᑎᓂᒃ ᐊᑯᓐᓂᖏᓐᓂ 2007 ᐊᒻᒪᓗ 2012 ᐱᔪᓐᓇᖅᑎᑕᐅᓂᐊᖅᑐᑦ ᐊᒻᒪᓗ ᐊᑐᕐᓗᒋᑦ ᓇᖕᒥᓂᖅ ᐃᓕᓐᓂᐊᕐᓂᕐᒧᑦ. ᖁᕌᕗᑦ ᐃᖅᑲᑐᐃᕕᑎᒍᑦ ᐱᒋᐊᕈᑎᓕᕆᔨᑦ ᐱᔨᑦᑎᕋᕐᕕᐊᑦ ᐃᓕᓐᓂᐊᕆᐊᖅᐸᓚᐅᖅᑐᓄᑦ ᐱᓕᕆᐊᒥᑦ ᑕᑕᑎᕈᑎᓂᒃ ᐊᐅᓪᓚᖅᑎᑦᑎᓂᐊᖅᑐᑦ ᑎᑎᖅᑲᑎᒍᑦ. ᐱᑕᖃᖅᑐᖅ 2,600 ᓄᓇᕗᒥ ᐃᓄᐃᑦ ᐱᔪᓐᓇᖅᑎᑕᐅᔪᑦ ᑖᒃᑯᓇᖓᑦ ᓇᖕᒥᓂᖅ ᐃᓕᓐᓂᐊᖅᑐᓕᕆᓂᕐᒧᑦ ᐊᑭᓕᐅᓯᐊᕈᓐᓇᕐᓂᐊᖅᑐᓄᑦ …

ᐃᓄᖕᓂᒃ ᐃᓕᓐᓂᐊᖅᑕᒥᒍᑦ ᓇᖕᒥᓂᕐᒥᓄᑦ ᐱᕚᓪᓕᕈᑎᒃᓴᒥᓄᑦ ᖁᑉᕙᕆᐊᕈᑎᑖᕐᓂᖅ ᓴᖅᑭᖅᑕᐅᕗᖅ

ᑐᓴᒐᑦᓴᑦ 14-02 ᐃᓕᓐ ᖁᑉᕙ ᐃᓄᒃ – ᐃᕐᖐᓐᓇᖅ ᓴᖅᑭᖅᑕᐅᒋᐊᓖᑦ
 
ᐃᓄᖕᓂᒃ ᐃᓕᓐᓂᐊᖅᑕᒥᒍᑦ ᓇᖕᒥᓂᕐᒥᓄᑦ ᐱᕚᓪᓕᕈᑎᒃᓴᒥᓄᑦ ᖁᑉᕙᕆᐊᕈᑎᑖᕐᓂᖅ ᓴᖅᑭᖅᑕᐅᕗᖅ
 
(ᔭᓐᓄᐊᓕ 10, 2014 — ᐃᖃᓗᐃᑦ, ᓄᓇᕗᑦ)   ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ ᐊᑭᓖᒍᑎᒃᓴᓄᑦ ᐊᖏᖃᑎᒌᒍᑕᐅᓯᒪᔪᓂ, ᑎᑎᕋᕐᓯᒪᒻᒪᑦ ᐊᑐᖅᑕᐅᒋᐊᖃᕐᓂᖏᑦ ᐊᒥᐊᒃᑯᑦ ᑮᓇᐅᔭᖅᑑᑎᒃᓴᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ ᐊᑭᓖᒍᑕᐅᓚᐅᖅᑐᓂᒃ ᑮᓇᐅᔭᓂᒃ ᑐᕌᖔᖅᑎᑕᐅᓗᑎᒃ ᐃᓕᓐᓂᐊᖅᑕᒥᒍᑦ ᓇᖕᒥᓂᕐᒥᓄᑦ ᐱᕚᓪᓕᕈᑎᒃᓴᒥᓄᑦ ᖁᑉᕙᕆᐊᕈᑎᑖᕐᓂᕐᒥᒃ ᐃᓕᓐᓂᐊᓂᒃᑯᑦ. ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᐊᑭᓕᖅᑕᐅᓚᐅᖅᑐᑦ ᐊᑯᓐᓂᖓᓂ 2007 ᐊᒻᒪᓗ 2012 ᐊᑐᐃᓐᓇᐅᕕᐅᓂᐊᖅᑐᑦ ᐊᒻᒪᓗ ᐊᑐᕈᓐᓇᕐᓗᑎᒃ ᐃᓕᓐᓂᐊᖅᑕᒥᒍᑦ ᓇᖕᒥᓂᕐᒥᒍᑦ ᐱᕚᓪᓕᕈᑎᒃᓴᓂᒃ ᖁᑉᕙᕆᐊᕈᑎᑖᕈᑎᒃᓴᒥᓂᒃ. ᓇᖕᒥᓂᕐᒥᒍᑦ ᐃᓕᓐᓂᐊᓂᒃᑯᑦ ᐱᕚᓪᓕᕈᑎᒃᓴᓄᑦ ᐃᓕᓐᓂᐊᕈᑎᒃᓴᑦ ᐊᖏᖅᑕᐅᓚᐅᖅᑐᑦ ᐊᑐᕈᓐᓇᕐᓯᑎᑕᐅᓪᓗᑎᒃ ᔭᓐᓄᐊᓕ 1, 2014. 2,600 ᓄᓇᕗᒻᒥ ᐃᓄᐃᑦ ᓇᖕᒥᓂᕐᒥᓄᑦ ᖁᑉᕙᕆᐊᕈᑎᑖᕈᑎᒃᓴᒥᓄᑦ ᐱᕚᓪᓕᕈᑎᒃᓴᓂᒃ ᐱᔪᓐᓇᖅᑎᑕᐅᔪᑦ, ᐃᓚᒋᔭᐅᓪᓗᑎᒃ ᐃᓄᐃᑦ ᓄᓇᕗᑦ ᓯᓚᑖᓂᒥᐅᑕᑦ.
 
ᓄᓇᕗᑦ ᑐᓐᖓᕕᒃᑯᑦ ᐊᒻᒪᓗ ᐊᓯᖏᑦ …