ᐱᒐᓲᑎᑦ ᒪᓐᓇ ᒪᑐᐃᖓᓕᖅᑐᑦ ᑕᕗᖓ 2015 ᑯᐃᓐ ᑭᒡᒐᑐᖅᑕᑎᖓᓄᑦ ᑲᓇᑕᒥ ᑲᓇᑕᒥᐅᓄᑦ ᓯᕗᓕᖅᑎᓴᐅᔪᓄᑦ ᑲᑎᒪᓂᕆᒐᔭᖅᑕᖓᓄᑦ ᐱᒋᐊᕋᔭᖅᑐᓂ ᒪᐃ 22-ᒥ ᔫᓐ 5, 2015-ᕈᕋᓱᐊᓐᓂᖓᓄᑦ.
ᑕᓐᓇ ᑯᐃᓐ ᑭᒡᒐᑐᖅᑕᑎᖓᓄᑦ ᑲᓇᑕᒥ ᑲᓇᑕᒥᐅᓄᑦ ᓯᕗᓕᖅᑎᓴᐅᔪᓄᑦ ᑲᑎᒪᓂᐅᒐᔭᖅᑐᖅ ᐱᓇᓱᐊᕈᓰᓐᓄᑦ ᒪᕈᓐᓄᑦ ᑲᑎᒪᓂᖃᕋᔭᖅᑐᑦ, ᑕᐅᑐᒐᖃᓪᓗᐊᑕᖅᑐᑎᒃ ᐋᖅᑭᒃᓱᐃᕙᓪᓕᐊᓂᕐᒥᒃ ᓯᕗᓕᖅᑎᓴᐅᓂᕐᒥᒃ ᑲᓇᑕᒥ. ᑲᑎᒪᓂᖅ ᑕᐅᑐᒐᖃᓪᓗᐊᑕᕋᔭᖅᑐᖅ ᐱᓕᕆᐊᕆᔭᐅᕙᑦᑐᓂᑦ ᓯᕗᓕᖅᑎᓄᑦ ᑲᔪᖏᖅᓴᐃᓂᕐᒥᒃ ᐃᓱᒪᒃᓴᖅᓯᐅᑦᑎᐊᖅᓯᒪᔪᓐᓇᕐᓂᒻᒥᓪᓗ ᐱᓕᕆᕕᒋᔭᖓᓂᑦ, ᓄᓇᓕᖏᓐᓂᓗ. ᐃᓚᒋᔭᐅᔪᐃᑦ ᐱᒋᐊᓛᖅᑐᑦ ᓴᐃᓐᑦ ᔮᓐᔅ, ᓂᐅᐸᓐᓛᓐᒥ ᐳᓚᕋᕋᔭᖅᑐᑎᓪᓗ ᑲᓇᑕᐅᑉ ᐊᕕᑦᑐᖅᓯᒪᔪᖏᓐᓄᑦ ᐃᓕᓐᓂᐊᓪᓗᑎᒃ ᖃᓄᖅ ᐱᓕᕆᖃᑎᒋᖃᑦᑕᒻᒪᖔᑕ ᑕᒪᑯᐊ ᓯᕗᓕᖅᑎᐅᔪᐃᑦ, ᓄᓇᓕᖏᓐᓂᓪᓗ.
ᑕᓐᓇ ᐃᓱᓕᒃᕕᓴᓕᒃ ᐱᒐᓲᑎᐅᔪᒧᑦ ᑖᓱᒧᖓ ᑯᐃᓐ ᑭᒡᒐᑐᖅᑕᑎᖓᓄᑦ ᑲᓇᑕᒥ ᑲᓇᑕᒥᐅᓄᑦ ᓯᕗᓕᖅᑎᓴᐅᔪᓄᑦ ᑲᑎᒪᓂᕐᒧᑦ ᓰᑎᕙ 30, 2014-ᖑᓕᖃᑦ. ᑕᓱᒧᖓ ᐱᒐᓱᐊᖅᑐᑦ ᓂᕈᐊᖅᑕᐅᓯᒪᒋᐊᓕᒃ ᓇᒻᒥᓂᖃᕕᐅᔪᒦᖓᖅᑐᒥᒃ, ᐃᖃᓇᐃᔭᖅᑎᖏᓐᓄᑦ, ᒐᕙᒪᒃᑯᓐᓂᑦ, ᐃᓕᓐᓂᐊᖅᕕᐅᔪᒥ ᐅᕙᓗᓐᓂᑦ ᓄᓇᓕᖏᓐᓃᖓᖅᑐᒥᒃ. ᑐᑭᓯᒋᐊᖃᓐᓂᕈᒪᓐᓂᕈᕕᑦ, ᐅᕙᓗᓐᓂᑦ ᐱᒐᓲᑎᒥᒃ ᐱᒍᒪᓐᓂᕈᕕᑦ, ᑕᑯᒋᐊᑲᓐᓂᕈᓐᓇᖅᑐᑎᑦ ᖃᕋᓴᐅᔭᑯᑦ ᑕᑯᓄᖓ ᑯᐃᓐ ᑭᒡᒐᑐᖅᑕᑎᖓᓄᑦ ᑲᓇᑕᒥ ᑲᓇᑕᒥᐅᓄᑦ ᓯᕗᓕᖅᑎᓴᐅᔪᓄᑦ ᑲᑎᒪᓂᕐᒧᑦ ᑕᕗᖓᓪᓗᑎᑦ www.leadershipcanada.ca.
ᑐᓴᐅᒪᔪᓕᕆᔨᒃᑯᓐᓂᒃ ᖃᐅᔨᒋᐊᕐᕕᒃᓴᖅ:
ᔨᐊᓯ ᒪᐃᒃ ᓄᓇᕗᑦ ᑭᒡᒐᑐᖅᑎᖓᑕ ᐃᑲᔪᖅᑎᖓ
ᐅᕐᑳᓚᐅᑎᖓ: 867-975-5120
