ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᑉᓗᒥ ᓴᖅᑭᑎᑦᑎᔪᖅ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑕ ᓂᕈᐊᖅᓂᕆᓂᐊᖅᑕᖓᓄᑦ 2014 ᑭᒃᑯᓕᒫᓄᑦ ᐱᔨᑦᑎᕋᕈᑎᑎᒍᑦ ᐅᖃᐅᓯᐅᔪᑦ ᐱᔫᓯᓵᕈᑎᓂᒃ ᓵᓚᒃᓴᕋᓱᖕᓂᕐᒧᑦ 9-ᒥᑦ ᖁᑦᑎᖕᓂᖅᑲᖅᑐᓄᑦ ᐃᓕᓐᓂᐊᕈᑎᓕᖕᓂᑦ ᐃᓕᓴᖅᑎᑦ ᑕᒪᑦᓱᒧᖓ ᐃᓅᓯᓕᕆᕈᓘᔭᐃᓂᕐᒧᑦ ᐃᓕᓐᓂᐊᕈᑎᑎᒍᑦ ᐃᓕᓴᖅᑎᑦ ᓄᓇᕗᒥ ᐃᓕᓐᓂᐊᕕᓂ. ᑕᒪᓐᓇ ᓵᓚᒃᓴᕋᓱᐊᕈᑎ ᐃᓚᒋᔭᐅᔪᖅ ᐊᑕᐅᑦᑎᒃᑯᑦ ᐃᓕᓐᓂᐊᕈᑎᒃᓴᑎᒍᑦ ᐊᐅᓚᔾᔭᒃᑕᐅᒋᐊᖅᓯᒪᔪᓄᑦ ᐅᑯᐊᓗ ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪᓗ ᓄᓇᕗᑦ ᒐᕙᒪᑉᑯᖏᑦ ᐱᒋᐊᖅᑎᑦᑎᔪᑦ ᓴᖅᑭᑦᑎᓪᓗᑎᒃ ᐱᓇᓱᐊᕈᓯᐅᓚᐅᖅᑐᒥ.

ᐃᓚᒋᓪᓗᓂᒋᑦ ᐅᑯᐊ ᓵᓚᒃᓴᕋᓱᐊᕈᑏᑦ, 9-ᒥᑦ ᖁᑦᑎᖕᓂᖅᑲᖅᑐᓄᑦ ᐃᓕᓐᓂᐊᕈᑎᓕᖕᓂᑦ ᐃᓕᓴᖅᑎᑦ ᐊᐱᕆᔭᐅᔪᑦ ᓂᐱᓕᐅᕆᓗᑎᒃ ᑭᒃᑯᓕᒫᓄᑦ ᐱᔨᑦᑎᕋᕈᑎᓄᑦ ᐅᖃᐅᓯᖃᖅᓗᒃ ᑐᕌᖅᑎᓪᓗᒋᑦ ᐃᒪᓐᓇ ᖁᒡᒐᖅᑎᕆᓂᕐᒥᑦ ᐃᓅᓱᒃᑐᓂᒃ ᐃᓄᖕᓄᑦ ᓂᕈᐊᖁᔨᓂᕐᒥᑦ ᓄᓇᕗᑦ ᑐᓐᖓᕕᒃ ᑎᒥᑦ ᓂᕈᐊᖅᑎᑦᑎᓕᖅᐸᑕ ᐊᖓᔪᖅᑳᑉ ᑐᖏᓕᐊᓄᑦ ᑎᓴᑉᐸ 8, 2014. ᑕᒪᕐᒥᒃ ᐃᓄᐃᑦ ᐅᑭᐅᖃᖅᑐᑦ 16-ᓂᑦ ᑕᐃᑲᓂ ᐅᑉᓗᐊᓂ ᐅᕝᕙᓘᓐᓃᑦ ᓯᕗᓂᐊᓂ ᓂᕈᐊᕐᓇᐅᑉ ᐅᑉᓗᐊᑕ, ᐊᒻᒪᓗ ᐊᑎᓕᐅᖅᓯᒪᖃᑕᐅᓗᑎᒃ ᐃᓗᐊᓂ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ ᐱᔪᓐᓇᖅᑎᑕᐅᔪᑦ ᓂᕈᐊᕐᓂᕐᒥᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᓂᕈᐊᕐᕕᐊᓐᓂ.

“ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑐᕌᖅᑕᖓᑦ ᓴᖅᑭᑎᑦᓂᕐᒥᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᓂᕈᐊᖅᓂᕆᕙᒃᑕᖏᑕ ᒥᒃᓵᓄᑦ ᐃᓕᓐᓂᐊᕈᑎᒃᓴᓂᒃ ᐊᐅᓚᔾᔭᒃᑕᐅᒋᐊᖅᓯᒪᔪᑦ ᐊᒻᒪᓗ ᓴᖅᑭᑎᑦᑎᓪᓗᒋᑦ ᓵᓚᒃᓴᕋᓱᐊᕈᑎᓂᒃ 9-ᒥᑦ ᖁᑦᑎᖕᓂᖅᑲᖅᑐᓄᑦ ᐃᓕᓐᓂᐊᕈᑎᓕᖕᓂᑦ ᐃᓕᓴᖅᑎᑦ ᐊᔭᐅᖅᑐᐃᓗᑎᒃ ᖃᐅᔨᒪᓕᖅᐹᓪᓕᖅᑎᑦᑎᓂᕐᒥᑦ ᐊᑯᓐᓂᖏᓐᓂᒃ ᐃᓅᓱᒃᑐᑦ ᒪᒃᑯᒃᑐᑦ ᑕᒪᑦᓱᒧᖓ ᐃᓱᒪᕐᓱᕈᓐᓇᕐᓂᕐᒥᑦ, ᓂᕈᐊᓂᕐᒧᑦ ᑲᔪᓯᓂᑦ ᐊᒻᒻᒪᓗ ᓄᓇᕗᒥ ᓄᓇᑖᕈᓄᑎᒃ ᐊᖏᕈᑎᑭᓂᒃ, ᐅᖃᐅᔾᔪᐃᓪᓗᑎᒃᓗ ᐃᓅᓱᒃᑐᓄᑦ ᐱᒻᒪᕆᐅᓂᖏᑦ ᐃᓚᐅᑎᑦᑎᓂᕐᒥᑦ ᓄᓇᕗᑦ ᑐᓐᖓᕕᒃ ᑎᒥᖓᑕ ᓂᕈᐊᖅᑎᑦᑎᓂᖏᓐᓂᒃ,” ᐅᖃᖅᑐᖅ ᑕᐅᑐᖏᑦ.

ᐊᑐᓂᑦ ᐃᓕᓐᓂᐊᕐᕕᒃ ᐱᔪᓐᓇᖅᑎᑕᐅᔪᑦ ᑐᓂᓯᓂᕐᒥᑦ ᐊᑕᐅᓯᕐᒥᒃ ᓂᐱᓕᐅᖅᓯᒪᔪᒃᑯᑦ ᑭᒃᑯᓕᒫᓄᑦ ᐱᔨᑦᑎᕋᕈᑎᑎᒍᑦ ᐅᖃᖅᑐᑦ ᒥᕗᓂᐊᓂ ᐃᓱᓕᕝᕕᒃᓴᖓᑕ ᐊᒃᑑᑉᐱᕆ 31, 2014. ᓂᕈᐊᖅᓯᕐᓂᐊᖅᑐᑦ ᓄᓇᕗᑦ ᑐᓐᖓᕕᒃ ᑎᒥᖓᑕ ᐃᖅᑲᓇᐃᔭᖅᑎᖏᑦ ᕿᒥᕐᕈᓂᐊᖅᑐᑦ ᓇᓪᓕᐊᒃ ᐊᖅᑭᐅᒪᓂᖅᐹᖑᒪᖔᑦ ᓴᓇᔭᐅᓂᐊᑕ ᓴᖅᑎᑕᐅᔪᑦ ᐊᒻᒪᓗ ᐅᖃᐅᓯᕆᓗᒍ ᓵᓚᒃᓴᖅᑐᖅ ᑐᓂᓯᓂᖏᓐᓄᑦ ᓄᕕᐱᕆ 3, 2014-ᒥ. ᑐᓂᕐᕈᑎᐅᔪᑦ ᐅᖃᐅᓯᐅᓂᐊᖅᑐᑦ ᓄᓇᕗᒥ ᑐᓴᒐᒃᓴᓕᕆᔨᓕᒫᓄᑦ ᖃᕆᑕᐅᔭᑎᒍᑦ. ᓯᕗᓪᔨᒻ ᓵᓚᒃᓴᐅᓯᐊᕐᓂᐊᖅᑐᖅ $2,500 ᓵᓚᒃᓴᕐᓂᐊᑕ ᐃᓕᓐᓂᐊᕐᕕᐅᑉ, ᑐᖏᓕᐊ ᐱᓗᓂ $1,000-ᓂᒃ.