ᑐᓴᕋᑦᓴᓕᕆᔩᑦ

ᓄᓇᕗᑦ ᑐᙵᕕᒃᑯᑦ ᑐᓴᖅᑕᐅᑎᑕᖓᑦ ᑭᓇᒃᑯᑐᐃᓐᓇᕐᓂ ᐱᔨᑦᑎᓂᕐᒧᑦ ᐱᒡᒍᓴᐅᑎᑎᓪᓗᒋᑦ ᓵᓚᑦᓴᕐᑐᑦ
video
1st Place Video

ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑦ ᑳᑎ ᑕᐅᑐᙱ ᐅᓪᓗᒥ ᑐᓴᖅᑎᑎᖅᑲᐅᕗᑦ ᑭᒃᑯᒻᒪᖔᑕ ᓵᓚᒃᓴᕐᑐᑦ ᐱᒡᒍᓴᐅᑎᑎᓪᓗᒋᑦ ᓄᓇᕗᑎ ᑐᙵᕕᒃᑯᑦ ᑎᒥᖓᑦ ᓂᕈᐊᖅᑐᓕᕆᓂᕐᒧᑦ 2014-ᒥ ᑭᓇᒃᑯᑐᐃᓐᓇᕐᓂᖅ ᑐᓴᖅᑎᑦᑎᓂᕐᒧᑦ

ᐱᒡᒍᓴᐅᓐᓂᖃᖅᑎᓪᓗᒋᑦ ᐃᓕᓐᓂᐊᖅᑏᑦ ᒍᕋᐃ 9-ᒥ ᓄᓇᕐᔪᐊᓕᕆᓂᕐᒥᑦ ᐃᓕᓐᓂᐊᓐᓂᖃᖅᑐᓂᒃ. ᐱᒡᒍᓴᐅᓐᓂᖃᖅᑎᑕᐅᔪᑦ ᐃᓚᒋᒻᒪᒋᑦ ᐃᓕᓐᓂᐊᕈᑎᒃᓴᓂ ᓴᖅᑭᑕᐅᓚᐅᕐᓯᒪᔪᑦ ᓄᓇᕗᑦ ᑐᙵᕕᒃᑯᓐᓂᒃ ᐊᒻᒪ ᓄᓇᕗᑦ ᒐᕙᒪᒃᑯᓐᓂᒃ ᑕᒪᑐᒪᓂ ᐅᑭᐅᑦᑎᓐᓂ.

ᐃᓕᓐᓂᐊᕐᑏᑦ ᐊᔾᔨᓕᐅᕆᖁᔭᐅᓚᐅᕐᒪᑕ ᑭᓇᒃᑯᑐᐃᓐᓇᕐᓄᑦ ᑐᓴᕋᒃᓴᓂᒃ ᑎᓕᐅᕆᔾᔪᑎᐅᓪᓗᓂ ᐃᓅᓱᒃᑐᓂᒃ ᐃᓄᖕᓂᒃ ᓂᕈᐊᕆᐊᖅᑐᖁᔨᔪᓂᒃ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᓂᕈᐊᖅᑎᑦᑎᓕᕐᐸᑕ. ᐃᓕᓐᓂᐊᕐᑏᑦ ᒍᓚᐃ 9-ᒥᒃ ᐃᓅᔭᖅ ᐃᓕᓐᓂᐊᕐᕕᖓᓂ ᐃᒃᐱᐊᕐᔪᖕᒥ ᓵᓚᒃᓴᓚᐅᕐᐳᑦ $2,500-ᓂᒃ ᓯᕗᓪᓕᕐᐹᖑᓪᓗᑎᒃ ᐱᒡᒍᓴᐅᔾᔪᐊᕈᑎᒥᓄᑦ. ᑐᓴᕐᕕᒃ ᐃᓕᓐᓂᐊᕐᕕᖓᓂᖔᕐᑐᑦ ᒍᓚᐃ 9−ᒥᒃ ᐃᓕᓐᓂᐊᕐᑏᑦ ᓇᐅᔮᓂ ᑐᖏᓕᕆᔭᐅᓪᓗᑎᒃ ᐊᒻᒪ $1,000-ᓂᒃ ᓵᓚᒃᓴᓚᐅᕐᐳᑦ. ᐊᔾᔨᓕᐅᕐᑕᒥᓃᑦ ᑕᑯᒃᓴᐅᑎᑕᐅᓛᕐᑐᑦ ᓄᓇᕘᒥ ᐊᖅᑯᑎᒋᓗᒍ ᓄᓇᕗᑦ ᑐᙵᕕᒃᑯᑦ ᑎᒥᖓᑕ ᖃᕆᑕᐅᔭᒃᑯᑦ ᑐᕌᕈᑎᖓ ᐊᒻᒪᓗ ᑭᓇᒃᑯᑐᐃᓐᓇᕐᓄᑦ ᑕᑯᔭᐅᔪᓐᓇᕐᑐᑦᓂ ᖃᕆᑕᐅᔭᒃᑯᑦ.

“ ᐊᒃᓱᐊᓗᒃ ᖁᕕᐊᒃᐳᖓ ᐃᓅᓱᒃᑐᓂᒃ ᐃᓕᓐᓂᐊᕐᑎᓂᒃ ᑐᑭᓯᓯᒪᑦᑎᐊᕐᒪᑕ ᐱᒻᒪᕆᐅᓂᖓᓂᒃ ᓂᕈᐊᕆᐊᖅᑐᕈᓐᓇᓂᐅᑉ ᓂᕈᐊᖅᑐᖃᖅᑎᓪᓗᒍ. ᑕᕐᕆᔭᓕᐊᕆᔭᐅᔪᑦ ᑎᓕᐅᕐᑐᐃᖁᒥᓇᕐᐳᑦ ᐃᓅᓱᒃᑐᓂᒃ ᓄᓇᕘᓕᒫᒥ ᐃᓕᒃᐸᓪᓕᖁᓪᓗᒋᑦ ᓂᕈᐊᓐᓂᕐᒥᒃ ᐊᒻᒪ ᓂᕈᐊᕆᐊᖅᑐᖃᑕᐅᔪᓐᓇᖁᓪᓗᒋᑦ ᓂᕈᐊᖅᑎᑦᑎᔪᖃᖅᑎᓪᓗᒍ ᓄᓇᕘᒥ,” ᐅᖃᖅᑐᖅ ᑳᑎ ᑕᐅᑐᙱ

2nd Place Video
2nd Place Video

ᓄᓇᕗᑦ ᑐᙵᕕᒃᑯᑦ ᓂᕈᐊᖅᑎᑦᑎᔪᒫᓕᕐᒥᒻᒪᑕ ᐊᖏᔪᖅᑳᑉ − ᑐᖏᓕᐊᓂᒃ ᑎᓯᑉᐱᕆ 8, 2014-ᖑᓕᖅᐸᑦ. ᑕᒐᓚᔅ ᐊᒡᒑᖅ (ᐃᒡᓗᓕᕋᕐᔪᒻᒥᐅᖅ), ᔭᐃᒥᓯ ᐃᑦᑐᓗᒃ (ᑕᓗᕐᔪᐊᕐᒥᐅᖅ) ᐊᒻᒪᓗ ᔨᐊᓯ ᒪᐃᒃ (ᐃᖃᓗᖕᒥᐅᖅ) ᑐᓂᓯᓯᒪᓕᕐᒪᑕ ᓂᕈᐊᒐᒃᓴᐅᔾᔪᑎᒥᓂᒃ ᓂᕈᐊᓐᓇᑎᓪᓗᒍ ᐊᖏᔪᖅᑳᑉ−ᑐᖏᓕᐊᓂᒃ.

ᓂᕈᐊᖅᑏᑦ ᓂᕈᐊᕆᐊᖅᑐᕈᓐᓇᕐᓯᕗᑦ ᓂᕈᐊᕈᓰᑦ ᑕᓪᓕᒪᑦ ᐊ ᔾᔨᒌᙱᑦᑐ ᓂᕈᐊᕆᐊᖅᑐᕈᓐᓇᕈᑎᓂᒃ ᐊᑐᕈᓐᓇᓯᓪᓗᑎᒃ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᓂᕈᐊᖅᑎᑦᑎᓕᕐᐸᑕ. ᓂᕈᐊᖅᑏᑦ ᓂᕈᐊᕈᓐᓇᖅᐳᖅ ᓯᕗᓂᐊᒍᑦ ᑎᓯᑉᐱᕆ 1-ᒥ,  ᓂᕈᐊᓐᓇᓕᖅᐸᑦ ᑎᓯᑉᐱᕆ 8-ᒥ, ᓄᓇᒃᑰᕈᑎᒃᑯᑦ ᐅᐸᒃᑕᐅᓗᓂ ᓂᕈᐊᖅᑎ, ᐊᓯᓐᓂᒃ ᓂᕈᐊᕈᒪᔭᓐᓂᒃ ᓂᕈᐊᖅᑎᑎᓂᒃᑯ ᐅᕝᕙᓘᓐᓃᑦ ᑎᑎᖅᑲᓂᐊᕐᕕᑯᑦ ᐊᐅᓪᓚᑎᓪᓗᒍ ᓂᕈᐊᕈᑏᑦ ᐸᐃᒃᐸᖅ. ᐃᓄᐃᑦ ᑲᓇᑕᒥᐅᑕᐅᔪᑦ, 16-ᓂᒃ ᐅᑭᐅᓖᑦ ᐅᖓᑖᓄᓪᓗ, ᐊᒻᒪ ᐊᑎᓕᐅᖅᑕᐅᓯᒪᔪᑦ ᐊᑐᕐᓗᒍ ᓄᓇᕗᖕᒥ ᓄᓇᑖᕈᑎᐅᓯᒪᔪᑦ ᐊᖏᖃᑎᒌᒍᑎᖏᑦ ᓂᕈᐊᕈᓐᓇᖅᐳᑦ ᓂᕈᐊᓐᓇᐅᔪᒫᖅᑐᒥ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: