ᓇᕗᑦ ᑐᓐᖓᕕᒃ ᑎᒥᖓᑦᑕ ᓂᕈᐊᖅᑐᓕᕆᔨᒻᒪᕆᐊᑦ ᑲᒪᔨ ᓈᓐᓯ ᖃᕆᑕᖅ ᓕᓐᑎᐅᓪ ᐅᖃᖅᑐᖅ ᐅᑉᓗᒥ ᑕᒪᓐᓇ ᓯᕗᓂᐊᒍᑦ ᓂᕈᐊᖅᑎᑦᑎᓂᖅ ᓂᕈᐊᕐᓂᐊᖅᑎᓪᓗᒋᑦ ᐊᖓᔪᖅᑳᑉ-ᑐᖏᓕᐊᓄᑦ ᐅᒃᑯᐃᕐᓂᐊᖅᑐᖅ ᑎᓴᑉᐸ 1, 2014, 10:00-ᒥ ᐅᑉᓛᒃᑯᑦ – 7:00-ᒥ ᐅᓐᓄᒃᓴᒃᑯᑦ ᐅᒃᑯᐊᕐᓗᓂ ᓄᓇᓕᐅᑉ ᖃᐅᔨᓴᐅᑎᖏᑦ ᒪᓕᒃᓗᒋᑦ.
ᑕᒃᓚᔅ ᐊᒡᒑᖅ (ᐃᒡᓗᓕᒑᕐᔪᖕᒥᐅᑕᖅ), ᔭᐃᒻᔅ ᐃᑦᑐᓗᒃ (ᑕᓗᕐᔪᐊᕐᒥᐅᑕᖅ) ᐊᒻᒪᓗ ᔨᐊᓯ ᒪᐃᒃ )ᐃᖃᓗᖕᒥᐅᑕᖅ) ᑐᓂᓯᓯᒪᔪᑦ ᓇᖕᒥᓂᒻ ᓂᕈᐊᒐᒃᓴᐅᔾᔪᑎᖏᓐᓂᒃ ᐸᐃᑉᐹᑎᒍᑦ ᓂᕈᐊᕐᓂᐊᖅᑎᓪᓗᒋᑦ ᐊᖓᔪᖅᑳᑉ-ᑐᖏᓕᐊᓄᑦ.
ᓂᕈᐊᖅᑏᑦ ᒫᓐᓇ ᐊᑐᕈᓐᓇᖅᑐᑦ ᑕᓪᓕᒪᓂᒃ 5 ᓂᕈᐊᕈᓐᓇᕈᑎᓂᒃ ᓄᓇᕗᑦ ᑐᓐᖓᕕᒃ ᑎᒥᖓᓐᓂ ᓂᕈᐊᕐᓇᐅᓂᐊᓄᑦ. ᓂᕈᐊᖅᑏᑦ ᓂᕈᐊᕈᓐᓇᖅᑐᑦ ᓯᕗᓂᐊᒍᑦ ᑎᓴᑉᐸ 1, ᓂᕈᐊᕐᓇᐅᑎᓪᓗᒍ ᑎᓴᑉᐸ 8, ᐅᐸᒃᑕᐅᓗᑎᒃᓘᓐᓃᑦ ᓄᓇᓯᐅᑎᒧᑦ ᓂᕈᐊᕐᕕᐅᓂᐊᖅᑐᒧᑦ, ᑎᓕᓯᓗᓂ ᓂᕈᐊᖅᑎᒋᓂᐊᖅᑕᖓᓂ ᑎᓕᔭᖓᓂᒃ ᐅᕝᕙᓘᓐᓃᑦ ᑎᑎᖅᑲᑎᒍᑦ ᓂᕈᐊᕐᓗᑎᒃ. ᑕᒪᕐᒥᒃ ᑎᑎᖅᑲᑎᒍᑦ ᓂᕈᐊᕈᑕᐅᔪᑦ ᐱᓯᒪᔭᐅᔭᕆᐊᖃᖅᑐᑦ ᓂᕈᐊᖅᑐᓕᕆᔨᒻᒪᕆᖕᒧᑦ ᑲᒪᔨᐅᔪᒧᑦ 12-ᒧᐊᖅᑎᓪᓗᒍ ᐅᓪᓗᕈᒥᑕᕐᓇᒥ ᑲᓇᖕᓇᐅᑦ ᖃᐅᔨᓴᐅᑎᐊ ᒪᓕᒃᓗᒍ ᑎᓴᑉᐸ 8-ᒥ ᐃᓱᒪᒋᔭᐅᓂᐊᖅᐸᑕ ᐊᑐᖅᑕᐅᔪᓐᓇᕐᓂᕐᒥᑦ ᓂᕈᐊᕈᑕᐅᓂᕐᒧᑦ.
ᐃᓄᐃᑦ ᑲᓇᑕᒥᐅᑕᐃᑦ, 16-ᓂᒃ ᐅᑭᐅᖃᕐᓗᑎᒃ ᐅᕝᕙᓘᓐᓃᑦ ᐅᑭᐅᖁᖅᑐᓂᖅᓴᐅᓗᑎᒃ, ᐊᒻᒪᓗ ᐊᑎᓕᐅᖃᑕᐅᓯᒪᓗᑎᒃ ᐃᓗᐊᓂ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ ᐱᔪᓐᓇᖅᑎᑕᐅᔪᑦ ᐊᔪᖏᑦᑕᐅᓪᓗᑎᒃᓗ ᓂᕈᐊᕐᓂᕐᒥᑦ ᓂᕈᐊᕐᓇᐅᓛᖅᑐᒥ ᒫᓐᓇᓵᖅ. ᓂᕈᐊᕐᕕᒃᓴᐃᑦ ᐊᑐᐃᓐᓇᐅᓕᐊᖅᑐᑦ 25-ᓂᒃ ᓄᓇᓕᖕᓂᑦ ᓄᓇᕗᒥ, ᔭᓗᓇᐃᒥ, ᐃᐊᓐᒪᓐᑕᒥ, ᕕᓂᐲᖕᒥ ᐊᒻᒪᓗ ᐋᑐᕚᒥ.
ᑐᑭᓯᒋᐊᒃᑲᓐᓂᕈᒪᒍᕕᑦ:
ᓈᓐᓯ ᖃᕆᑕᖅ-ᓕᓐᑎᐅᓪ
ᓂᕈᐊᖅᑐᓕᕆᔨᒻᒪᕆᒃ ᑲᒪᔨ
ᐅᑳᓚᐅᑎᐊ: (867) 979-3899ᓱᑲᔪᖅ: (867) 979-1487
ᐊᑭᖃᖏᑦᑐᖅ: 1- 844-NTI-VOTE (684-8683)
www.tunngavik.com
