ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖏᔪᖅ ᑐᖏᓕᐊ ᔭᐃᒪᓯ ᐃᑦᑐᓗᒃ ᐅᖃᖅᑐᖅ ᐃᑲᔪᖅᑐᐃᓂᕐᒥᑦ ᑕᒪᑦᓱᒧᖓ ᓇᐅᑎᐅᑉ ᕿᓯᖏᓐᓂᒃ ᐊᑐᕐᓂᕐᒥᑦ ᐊᓐᓄᕌᕆᓪᓗᒋᑦ ᐊᐅᓚᔾᔭᒋᐊᖅᑎᑦᑎᔪᓂᒃ ᑲᔪᓯᔪᖅ ᑕᒪᓐᓇ ᐃᓕᑕᕆᔭᐅᒻᒪᕆᒃᑎᓐᓗ ᓄᓇᕗᒥ, ᐊᒻᒪᓗ ᑲᓇᑕᒥ ᐊᒻᒪᓗ ᓯᓚᕐᔪᐊᒥ.

ᓇᐅᑎᐅᑉ ᕿᓯᖏᓐᓂᒃ ᐊᑐᕐᓂᕐᒥᑦ ᐊᓐᓄᕌᕆᓪᓗᒋᑦ ᐃᒪᓐᓇᐃᑦᑐᑦ ᑭᒃᑯᑐᐃᓐᓇᐃᑦ ᓴᖅᑭᑎᑦᑎᓪᓗᑎᒃ ᐊᔾᔨᓂᒃ ᓇᖕᒥᓂᖅ ᐊᑐᖅᑎᓪᓗᒋᑦ ᓇᑦᑎᐅᑉ ᕿᓯᖏᓐᓂᒃ ᓴᓇᓯᒪᔪᓂᒃ ᑕᖅᑳᓂ ᐱᕙᓪᓕᐊᔪᑎᒍᑦ ᐊᐅᓚᔾᔭᐃᒋᐊᖅᑎᓪᓗᒋᑦ ᑕᑯᓇᒃᑕᐅᓂᒃᑯᑦ ᑐᑭᖃᖅᖢᓂ ᐃᑲᔪᖅᑐᐃᓂᕐᒥᑦ ᐊᒻᒪᓗ ᐱᔫᒥᓵᕆᓂᒃᑯᑦ ᑐᑭᓯᑎᑦᑎᕚᓪᓕᕐᓂᕐᒥᑦ ᐱᓪᓗᒍ ᓄᓇᕗᒥ ᐊᓐᓇᒃᑐᕈᓐᓇᕐᓂᕐᖏᓐᓂᒃ ᐊᒻᒪᓗ ᐃᓖᔭᖅᓱᐊᖃᖏᓐᓂᒃᑯᑦ ᓇᑦᑎᕋᓱᐊᖅᐹ`ᖕᓂᖏᓐᓂᒃ, ᓇᐅᑎᐅᑉ ᕿᓯᖏᓐᓂᒃ ᐊᑐᕐᓂᕐᒥᑦ ᐊᓐᓄᕌᕆᓪᓗᒋᑦ ᐊᐅᓚᔾᔭᒋᐊᖅᑎᑦᑎᔪᑦ ᐱᒋᐊᓚᐅᖅᑐᑦ ᑭᖑᓂᐊᒍᑦ ᐃᐊᓚ ᑎᔾᔨᐊᓄᕋᔅ ᓴᖅᑭᑎᑦᑎᓚᐅᖅᑎᓪᓗᒍ ᓇᖕᒥᓂᖅ ᑕᐃᑲᓂ ᐃᓕᑕᕆᔭᐅᖃᑦᑕᕐᓂᖏᓐᓂ ᑕᕐᕆᔭᐅᑎᑎᒍᑦ ᐊᔾᔨᓕᐅᖅᑕᐅᕙᒃᑐᑦ ᐊᒻᒪᓗ ᑐᓂᓯᓪᓗᓂ ᑮᓇᐅᔭᓂᒃ ᓄᐊᑕᐅᔪᑦ ᐅᑯᓄᖓ ᑕᑯᒃᓴᐅᑎᑦᑎᕙᒃᑐᑦ ᐃᓖᔭᖅᓱᐃᑦᑕᐃᓕᒪᑎᑦᑎᔨᑦ ᑎᒥᖁᑎᐊᓐᓂᒃ ᐆᒪᔪᓂᒃ ᐊᒻᒪᓗ ᐊᑭᕋᖅᑐᖅᖢᓂ ᓇᑦᑎᕋᓱᐊᖅᑎᓂᒃ.

“ᑕᒪᓐᓇ ᓱᓕ ᐆᒃᑑᑎᑦᑎᐊᕙᒃ ᑭᒃᑯᑐᐃᓐᓇᓄᑦ ᐊᒻᒪᓗ ᑎᒥᐅᔪᓄᑦ ᐊᑐᖅᖢᑎᒃ ᓇᖕᒥᓂᖅ ᐊᒃᖢᐃᑑᓪᓗᑎᒃ ᐊᒻᒪᓗ ᐃᓱᒻᒥᖅᓯᓂᕐᒥᑦ ᓱᓕᒃᑲᓐᓂᒃ ᑐᑭᓯᓂᕐᓗᒃᓯᒪᓪᓗᑎᒃ ᐱᖅᑯᓯᑦᑎᓐᓂᒃ ᐃᓅᓯᑦᑎᓐᓂᒃᓗ. ᑐᑭᓯᓯᒪᖏᑦᑎᐊᕐᓂᖏᑦ ᐱᐅᖏᓪᓚᕆᒃᑐᖅ. ᓇᑏᑦ ᑲᓇᑕᒥ ᐊᖑᓇᓱᐊᖅᑕᐅᕙᒃᑐᑦ ᐃᓖᔭᖅᓱᐊᖅᑕᐅᓇᑎᒃ, ᐊᒻᒪᓗ ᐅᖃᐅᑎᓗᒋᑦ ᑭᒃᑯᑐᐃᓐᓇᐃᑦ ᐊᒻᒪᓗ ᓱᓕᖏᑦᑎᐊᖅᑐᑦ ᑕᐃᒃᑯᐊ ᓴᒡᓗᑎᖃᖅᖢᑎᒃᓗ,” ᐅᖃᖅᑐᑦ ᐃᑦᑐᓗᒃ. “ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᓗᐃᑦᑐᒥᑦ ᐃᑲᔪᖅᑐᐃᔪᑦ ᐅᑯᓂᖓ ᓇᐅᑎᐅᑉ ᕿᓯᖏᓐᓂᒃ ᐊᑐᕐᓂᕐᒥᑦ ᐊᓐᓄᕌᕆᓪᓗᒋᑦ ᐊᐅᓚᔾᔭᒋᐊᖅᑎᑦᑎᔪᓂᒃ ᐊᖅᓴᓄ ᑲᔪᓯᓂᐊᖅᑐᑦ ᐃᑲᔪᕐᓂᕐᒥᑦ ᑕᒪᓐᓇ ᐃᓱᒪᒋᔭᐅᓂᐊᓂᒃ ᑲᔪᓯᑎᓪᓗᒋᑦ ᐊᒻᒪᓗ ᐃᓕᓐᓂᐊᖅᑎᑦᑎᓗᑎᒃ ᑭᒃᑯᑐᐃᓐᓇᓂᒃ ᐱᓪᓗᒋᑦ ᑕᒪᑦᓱᒧᖓ ᓱᓕᔪᑦ ᐊᖑᓇᓱᐊᕈᑎᕗᑦ ᓇᑦᑎᕋᓱᐊᕐᓂᕐᒧᑦ.”

I ᐃᑲᔪᖅᑐᐃᑎᓪᓗᑕ ᐅᑯᓂᖓ ᓇᐅᑎᐅᑉ ᕿᓯᖏᓐᓂᒃ ᐊᑐᕐᓂᕐᒥᑦ ᐊᓐᓄᕌᕆᓪᓗᒋᑦ ᐊᐅᓚᔾᔭᒋᐊᖅᑎᑦᑎᔪᓂᒃ, ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᐅᓚᑦᑎᓂᐊᖅᑐᑦ ᓇᐅᑎᐅᑉ ᕿᓯᖏᓐᓂᒃ ᐊᑐᕐᓂᕐᒥᑦ ᐊᓐᓄᕌᕆᓪᓗᒋᑦ ᐊᐅᓚᔾᔭᒋᐊᖅᑎᑦᑎᔪᓂᒃ ᐊᔾᔨᓕᐅᕐᕕᐅᓂᐊᖅᑐᒥᑦ ᐃᓂᖃᕐᓗᑎᒃ ᐊᑖᓂ ᐃᒡᓗᕗᑦ ᐃᒡᓗᕐᔪᐊᖁᑎᐊᑕ ᐊᑖᓂ ᓇᑎᐊᑕ ᐃᖃᓗᖕᓂ ᐊᐃᐳᕆ 10, 2014 ᐱᒋᐊᕐᓗᒍ 10 ᐅᓪᓛᒃᑯᑦ − 4−ᒧᑦ ᐅᓐᓄᒃᓴᒃᑯᑦ. ᑭᒃᑯᑐᐃᓐᓇᐃᑦ ᐊᔭᐅᖅᑐᖅᑕᐅᔪᑦ ᖃᐃᖁᓪᓗᒋᑦ ᑕᒡᕗᖓ ᐃᒡᓗᕐᔪᐊᒧᑦ ᐊᑐᕐᓗᑎᒃ ᓇᑦᑎᐅᑉ ᕿᓯᖏᓐᓂᒃ ᐊᓐᓄᕌᖅᓯᒪᓗᑎᒃ. ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐃᖅᑲᓇᐃᔭᖅᑎᖏᑦ ᐊᔾᔨᓕᐅᕆᖃᑦᑕᓛᖅᑐᑦ ᐊᒻᒪᓗ ᑕᑯᒃᓴᐅᑎᓪᓗᒋᑦ ᖃᕆᓴᐅᔭᑎᒍᑦ ᐊᒻᒪᓗ ᑐᐃᑕᒃᑯᑦ ᑕᑯᒃᓴᐅᑎᑦᑎᔪᓐᓇᖅᑐᓂ.

ᓄᓇᕗᑦ ᑐᓐᖓᕕᒃ ᑎᒥᖓᑦ ᓱᓕ ᐊᖅᑭᒃᓱᐃᔪᑦ ᐊᖏᔪᐊᓗᖕᒥᑦ ᓇᐅᑎᐅᑉ ᕿᓯᖏᓐᓂᒃ ᐊᑐᕐᓂᕐᒥᑦ ᐊᓐᓄᕌᕆᓪᓗᒋᑦ ᐊᐅᓚᔾᔭᒋᐊᖅᑎᑦᑎᔪᓂᒃ ᐃᖃᓗᖕᓂ. ᑭᒃᑯᑐᐃᓐᓇᐃᑦ ᐊᔭᐅᖅᑐᖅᑕᐅᔪᑦ ᖃᐃᖁᔭᐅᓪᓗᑎᒃ ᑕᐃᑯᖓ ᑰᓂᕐᕕᖕᓱᑦ (ᓴᖑᐃᔭᕐᕕᒃ) ᐊᐃᐳᕆ 11 ᐅᓐᓄᒃᓴᒃᑯᑦ 3−ᒥ, ᓯᕗᓂᐊᒍᑦ ᐱᒋᐊᓚᐅᖏᓐᓂᐊ ᑐᓂᖅᑕᐃᒻ ᐅᒃᑯᐃᖅᓯᓂᐊᑦ ᐱᕕᒡᔪᐊᕐᓂᐊᖅᑎᓪᓗᒋᑦ. ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᔾᔨᓕᐅᕆᖃᑦᑕᕐᓂᐊᖅᑐᑦ ᐊᒻᒪᓗ ᓴᖅᑭᑎᑕᐅᓗᑎᒃ ᖃᕆᓴᐅᔭᑎᒍᑦ ᐊᒻᒪᓗ ᑐᐃᑕᒃᑯᑦ.