ᓄᓇᕗᑦ ᑐᓐᖓᕕᒃ ᑎᒥᖓᑦ ᐅᑉᓗᒥ ᓴᖅᑭᑦᑎᔪᑦ ᒪᕐᕉᓂᒃ ᐃᖅᑲᓇᐃᔭᖅᑎᐅᓂᐊᖅᑐᓂᒃ ᐃᑲᔪᕐᓂᐊᕐᓗᑎᒃ ᐊᐅᓚᑦᑎᓗᑎᒃᓗ ᓇᖕᒥᓂᖅ ᐃᓕᓐᓂᐊᖅᑐᓕᕆᖤᕐᒧᑦ ᐊᑭᓕᐅᓯᐊᕈᓐᓇᕐᓂᐊᖅᑐᓄᑦ ᐊᑐᕈᑎᒃᓴᖏᓐᓂᒃ ᐱᓕᕆᐊᑎᒍᑦ. ᑖᓇ ᐋᑕᒻᔅ ᐊᒻᒪᓗ ᐹᓪ ᓴᒻᒧᖅᑐᖅ ᐃᖅᑲᓇᐅᐃᔭᖅᑎᑖᕆᔭᐅᓚᐅᖅᑑᒃ ᐃᑲᔪᕐᓂᐊᕐᓗᑎᒃ ᐃᓕᓐᓂᐊᕆᐊᖅᐸᓚᐅᖅᓯᒪᔪᓂᒃ ᓄᓇᕗᒥ ᐱᔪᓐᓇᖅᑎᑕᐅᖁᓪᓗᒋᑦ ᐱᓕᕆᐊᖑᓂᐊᖅᑐᓂᑦ.
ᓇᖕᒥᓂᖅ ᐃᓕᓐᓂᐊᖅᑐᓕᕆᓂᕐᒧᑦ ᐊᑭᓕᐅᓯᐊᕈᓐᓇᕐᓂᐊᖅᑐᓄᑦ ᐊᑐᕈᑎᒃᓴᖏᓐᓂᒃ ᐱᓕᕆᐊᑎᒍᑦ ᐃᓚᒋᔭᐅᔪᑦ ᐅᑯᓇᖓ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐃᓕᓐᓂᐊᕆᐊᖅᐸᓚᐅᖅᑐᑦ ᐊᑭᓕᐅᓯᐊᕆᓚᐅᖅᑕᖏᑕ ᐊᖏᕈᑎᖏᑎᒍᑦ. ᑕᒪᕐᒥᒃ ᐃᓕᓐᓂᐊᕆᐊᖅᐸᓚᐅᖅᑐᑦ ᑕᐃᒃᑯᐊ ᐱᓚᐅᖅᓯᒪᔪᑦ ᐃᓕᓐᓂᐊᕆᐊᖅᓚᐅᖅᓯᒪᓂᖏᓐᓄᑦ ᐊᑯᓕᐅᑎᓂᒃ ᐊᑯᓐᓂᖏᓐᓂ 2007 ᐊᒻᒪᓗ 2012 ᐱᔪᓐᓇᖅᑎᑕᐅᓂᐊᖅᑐᑦ ᐊᒻᒪᓗ ᐊᑐᕐᓗᒋᑦ ᓇᖕᒥᓂᖅ ᐃᓕᓐᓂᐊᕐᓂᕐᒧᑦ. ᖁᕌᕗᑦ ᐃᖅᑲᑐᐃᕕᑎᒍᑦ ᐱᒋᐊᕈᑎᓕᕆᔨᑦ ᐱᔨᑦᑎᕋᕐᕕᐊᑦ ᐃᓕᓐᓂᐊᕆᐊᖅᐸᓚᐅᖅᑐᓄᑦ ᐱᓕᕆᐊᒥᑦ ᑕᑕᑎᕈᑎᓂᒃ ᐊᐅᓪᓚᖅᑎᑦᑎᓂᐊᖅᑐᑦ ᑎᑎᖅᑲᑎᒍᑦ. ᐱᑕᖃᖅᑐᖅ 2,600 ᓄᓇᕗᒥ ᐃᓄᐃᑦ ᐱᔪᓐᓇᖅᑎᑕᐅᔪᑦ ᑖᒃᑯᓇᖓᑦ ᓇᖕᒥᓂᖅ ᐃᓕᓐᓂᐊᖅᑐᓕᕆᓂᕐᒧᑦ ᐊᑭᓕᐅᓯᐊᕈᓐᓇᕐᓂᐊᖅᑐᓄᑦ ᐊᑐᕈᑎᒃᓴᖏᓐᓂᒃ ᐱᓕᕆᐊᑎᒍᑦ, ᐃᓚᒋᓪᓗᒋᑦ ᐃᓄᐃᑦ ᑕᐃᒃᑯᐊ ᓄᓇᖃᖅᑐᖅ ᓯᓚᑖᓂ ᓄᓇᕗᑦ.
ᐊᑕᐅᓯᐊᕐᓗᑎᒃ ᓇᖕᒥᓂᖅ ᐃᓕᓐᓂᐊᖅᑐᓕᕆᓂᕐᒧᑦ ᐊᑭᓕᐅᓯᐊᕈᓐᓇᕐᓂᐊᖅᑐᓄᑦ ᐊᑐᕈᑎᒃᓴᖏᓐᓂᒃ ᐱᓕᕆᐊᑎᒍᑦ $3,000-ᓂᒃ ᐊᑕᐅᓯᖅ ᐃᓕᓐᓂᐊᕆᐊᖅᓯᒪᓚᐅᖅᑐᒧᑦ ᑮᓇᐅᔭᑐᐃᓐᓇᐅᔾᔮᖏᑦᑐᑦ ᐅᕝᕙᓗ ᓯᒃᑭᐅᓗᑎᒃ, ᑭᓯᐊᓂ ᐋᖅᑭᓯᒪᓗᑎᒃ ᐊᑐᕈᓐᓇᕋᕐᓗᓂᐅᒃ ᑎᒥᐅᔪᒥ ᑕᒃᑯᐊᓗ ᐃᓕᓐᓂᐊᕆᐊᖅᐸᓚᐅᖅᓯᒪᔪᑦ ᐱᔪᒪᒃᐸᑕ ᐃᓚᐅᓂᕐᒥᑦ ᐃᓕᓐᓂᐊᕆᐊᕈᓐᓇᐅᑎᒋᓗᒋᑦ. ᐃᓕᓐᓂᐊᕆᐊᖅᐸᓚᐅᖅᑐᑦ ᓄᓇᕗᒥᐅᑕᑦ ᐃᒪᓐᓇᐃᑐᐃᓐᓇᕆᐊᖃᖅᑐᑦ ᐊᑐᕐᓗᒍ ᑮᓇᐅᔭᖅ ᑐᖏᓕᐊᓂ ᐃᓕᓐᓂᐊᕆᐊᕈᑎᒃᓴᓄᑦ ᐃᓕᓐᓂᐊᖅᑐᓕᕆᕝᕕᓂᑦ ᐃᓕᓐᓂᐊᕈᑎᒃᓴᖃᖅᑐᓄᑦ, ᐊᒻᒪᓗ ᓱᓕ ᖃᐅᔨᓴᕐᓂᕐᒥᑦ ᐃᓄᐃᑦ ᐃᓕᖓᓂᑐᖃᕆᓚᐅᖅᑕᖏᓐᓂᑦ ᑕᐃᓱᒪᓂᐊᓗᒃ, ᐱᖅᑯᓯᖏᑦ ᐊᒻᒪᓗ ᐅᖃᐅᓯᖏᑦᑕ ᐱᓕᕆᕕᐅᔪᑦ ᐊᒻᒪᓗ ᐃᓕᓐᓂᐊᒐᒃᓴᐅᔪᓄᑦ ᐊᔪᖏᑦᑐᑦ.
ᐋᑕᒻ ᔅ ᐊᒻᒪ ᓴᒻᒧᖅᑐᖅ ᐃᑲᔪᖃᑦᑕᕐᓂᐊᖅᑐᑦ ᐃᓕᓐᓂᐊᕆᐊᖅᐸᓚᐅᖅᑐᑦ ᑕᑕᑎᕆᓂᕐᒥᑦ ᐊᒻᒪᓗ ᑐᑭᓯᐊᑦᑎᐊᖁᓪᓗᒋᑦ ᐊᒻᒪᓗ ᐱᔪᓐᓇᖁᓪᓗᒋᑦ ᑎᒍᓯᓂᕐᒥᑦ ᐊᒥᓲᓂᖅᓴᓂᑦ ᓇᓪᓕᐊᓂᓐᓂ ᐱᔪᒪᔭᖏᓐᓂᒃ ᐊᑐᐃᓐᓇᐅᔪᑦ ᐅᑯᐊ ᐃᓗᐊᑎᒍᑦ ᓇᖕᒥᓂᖅ ᐃᓕᓐᓂᐊᖅᑐᓕᕆᖤᕐᒧᑦ ᐊᑭᓕᐅᓯᐊᕈᓐᓇᕐᓂᐊᖅᑐᓄᑦ ᐊᑐᕈᑎᒃᓴᖏᓐᓂᒃ ᐱᓕᕆᐊᑎᒍᑦ. ᑕᒪᓐᓇ ᐱᓕᕆᐊᖅ ᐃᓂᓪᓚᒃᑕᐅᓚᐅᖅᑐᖅ ᐊᑐᓕᖅᑎᑕᐅᕙᓪᓕᐊᓂᓂᕐᒧᑦ ᔮᓐᓄᐃᕆ 1, 2014. ᐃᓕᓐᓂᐊᕆᐊᖅᐸᓚᐅᖅᑐᑦ ᐃᓱᓕᕝᕕᖃᖅᑎᑕᐅᔪᑦ ᑎᑭᐅᑎᓗᒍ ᐊᒃᑑᑉᐱᕆ 3, ᑐᓂᓯᓂᕐᒥᑦ ᑕᒪᑦᓱᒧᖓ ᐃᓕᑕᕆᔭᐅᓂᕐᒧᑦ ᑕᑕᑎᕈᑎᓄᑦ ᑎᑭᐅᑎᓗᒍ ᑎᓴᑉᐸ 1, 2014, ᐱᓇᓱᐊᕐᓂᕐᒥᑦ ᐊᑐᕐᓗᒋᑦ ᑮᓇᐅᔭᐃᑦ
ᐋᑕᒻᔅ ᐅᖃᕐᕕᐅᔪᓐᓇᖅᑐᖅ ᓄᓇᕗᑦ ᑐᓐᖓᕕᒃ ᑎᒥᖓᑦ ᑲᖏᖅᖠᓂᕐᒥᑦ ᐅᑯᕗᖓ 1-888-236-5400. ᓴᒻᒧᖅᑐᖅ ᐃᖃᓗᖕᓃᓐᓂᐊᖅᑐᖅ ᐊᒻᒪᓗ ᐅᖃᕐᕕᐅᔪᓐᓇᕐᓂᐊᖅᑐᖅ ᐅᕗᖓ 1-888-646-0006.
