ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖏᔪᖅᑳᖓᑦ ᑳᑎ ᑲᐅᑐᖏ ᐅᑉᓄᓯ ᑕᖅᑭᑎᑦᑎᔪᖅ ᐅᑯᓂᖓ ᐊᕐᕌᒍᑕᒫᑦ ᐅᓂᒃᑳᓕᐊᖑᕙᒃᑐᓂᒃ ᑕᒪᑦᓱᒧᖓ ᖃᐃᓗᓕᖓᓕᕐᓂᖏᓐᓂᒃ ᐃᓄᐃᑦ ᐱᖅᑯᓯᖏᑦ ᐊᒻᒪᓗ ᐃᓄᓕᕆᓂᕐᒧᑦ, ᑕᐃᔭᐅᔪᖅ ᓄᓇᕗᑦ ᐃᓄᐃᑦ ᐋᓂᐊᖅᑐᓕᕆᓂᕐᒧᑦ ᖃᐅᔨᓴᕈᑎᓂᒃ: ᑐᑭᓯᐊᒪᓂᖅ ᓯᐊᒻᒪᒍᓐᓇᕐᓂᖏᓐᓂᒃ ᐊᒻᒪᓗ ᐃᖅᑲᐅᒪᒃᓴᐅᓂᖏᑦ ᖃᓄᐃᓕᖓᓂᖏᑕ. ᐅᓇ ᐊᕐᕌᒍᑕᒫᖅᓯᐅᑎ ᐅᓂᒃᑳᖅ ᐃᓗᓕᖃᖅᑐᑦ ᐅᑭᐅᖑᓚᐅᖅᑐᓂ 2011/2012 ᐊᒻᒪᓗ 2012/13.
ᓄᓇᕗᑦ ᐃᓄᐃᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᓴᕈᑏᑦ ᑲᔪᓯᑎᑕᐅᓚᐅᖅᑐᑦ ᐊᒥᓱᓄᑦ ᐱᓕᕆᔪᓄᑦ ᑲᑐᔾᔨᓪᓗᑎᒃ ᐊᒻᒪᓗ ᓯᕗᓐᓂᐊᖅᑎᐅᓪᓗᑎᒃ ᓄᓇᕗᑦ ᒪᒋᐅᓪ ᓯᓚᑦᑐᖅᓴᕐᕕᐊᑦ, ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᑦ 25 ᓄᓇᓖᑦ 2007/08-ᒥ, ᐊᒻᒪᓗ ᑐᓂᓯᓪᓗᑎᒃ ᐃᓗᐃᑦᑐᓂᑦ ᑐᑭᓯᒋᐊᕈᑎᒃᓴᓂᒃ ᐱᓪᓗᒋᑦ ᑎᒥᖏᑦᑕ ᐊᒻᒪᓗ ᐃᓱᒪᖏᑦᑕ ᖃᓄᐃᓕᖓᓕᕐᓂᖏᓐᓂᒃ ᐃᓄᐃᑦ. ᑕᒪᓐᓇ ᑐᓂᓯᔪᒻ ᐊᑐᐃᓐᓇᕈᐃᓪᓗᓂ ᓄᑖᓂᒃ ᐊᒻᒪᓗ ᐃᓗᐃᑦᑐᓂᒃ ᑐᑭᓯᐊᕐᓂᕐᒥᑦ ᐊᒻᒪᓗ ᐃᑲᔪᕈᑕᐅᓪᓗᑎᒃ ᓴᖅᑭᒃᓐᓂᖏᑦ ᐊᑐᖅᑐᓄᑦ ᑭᒃᑯᓕᒫᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑐᐊᒐᓂᒃ ᐊᒻᒪᓗ ᐱᒋᐊᕈᑎᒃᓴᓂᒃ ᐋᖅᑮᕙᓪᓕᕐᓂᕐᒥᑦ ᐃᓄᐃᑦ ᐋᓂᐊᕐᓂᕆᕙᒃᑕᖏᖅᑕ ᒥᒃᓵᓄᑦ ᓴᖅᑭᑦᑐᑦ.
“ᐅᕙᓂ ᐊᕐᕌᒍᑕᒫᑦ ᐅᓂᒃᑳᓂ, ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᓕᓯᔪᑦ ᓄᓇᕗᒥ ᐃᓄᐃᑦ ᐋᓂᐊᖅᑐᓕᕆᓂᕐᒧᑦ ᖃᐅᔨᓴᕈᑎᑦ ᖃᐅᔨᔭᐅᓯᒪᔪᑦ ᐃᓕᖁᓯᑐᖃᐅᔪᑎᒍᑦ, ᐃᓅᓯᓕᕆᓂᒃᑯᑦ, ᐊᒻᒪᓗ ᒐᕙᒪᓕᕆᓂᒃᑯᑦ-ᐊᖅᑭᓱᐃᔨᐅᔪᓄᑦ. ᓄᓇᕗᑦ ᑐᓐᖓᕕᒃ ᑎᒥᖓᑦ ᓱᓕ ᐅᓂᒃᑳᑦᑎᐊᖅᑐᑦ ᖃᓄᐃᓕᖓᓂᖏᓐᓂᒃ ᑲᔪᓯᓯᒪᑦᑎᐊᖅᑐᑦ ᐊᒻᒪᓗ ᐊᔪᖅᓴᕈᑕᐅᓗᐊᖅᑐᑦ ᐅᑯᓇᓂ ᓄᓇᕗᑦ ᐃᓄᐃᑦ ᐋᓂᐊᖅᑐᓕᕆᓂᕐᒧᑦ ᖃᐅᔨᓴᕈᑎᓂᒃ ᐊᒻᒪᓗ ᓯᐊᒻᒪᒃᑎᑕᐅᔪᑦ ᑕᑯᒃᓴᐅᓕᖅᑎᑕᐅᓪᓗᑎᒃ ᐱᔭᒃᓴᖏᑦ ᐊᒻᒪ ᐃᓄᐃᑦ ᓂᕆᐅᒋᔭᖏᑦ ᐊᑐᖅᑕᐅᓂᐊᖅᑐᑦ ᓯᕗᓂᒥ ᖃᐅᔨᓴᕈᑎᓄᑦ ᑲᒪᒋᔭᐅᑎᓪᓗᒋᑦ ᓄᓇᓕᖁᑎᑦᑎᓂ ᐃᒪᓐᓇᐃᓐᓂᐊᖅᑎᓪᓗᑕᓗ ᐅᐱᒍᓱᒃᓗᑕ, ᐊᒻᒪᓗ ᐊᒃᑐᐊᔪᑦ ᒫᓐᓇ ᐊᒻᒪᓗ ᑐᑭᖃᑦᑎᐊᕐᓗᑎᒃ ᐃᓅᓯᑦᑎᓐᓄᑦ,” ᐅᖃᖅᑐᖅ ᑕᐅᑐᖏ.
ᐅᓂᒃᑳᖅ ᐃᓱᓕᒪᓕᐅ ᐊᑐᓕᖁᔨᔾᔪᑎᒃᓴᑦ ᐊᔾᔨᒌᓂᒃ, ᒪᑯᐊ ᐱᒋᐊᕐᕕᒋᓪᓗᒋᑦ ᐊᔾᔨᒌᖏᑦᑐᑦ ᐊᑐᐊᒐᑦ ᓇᓪᓕᐊᒃ ᐊᑐᖅᑕᐅᓂᐊᕐᒪᖔᑕ ᐃᓚᒋᓪᓗᒋᑦ ᐱᔭᐅᔭᕆᐊᖃᖅᑐᑦ ᐃᓗᐃᑦᑐᑦ ᐱᓕᕆᐊᑦ ᐊᑐᐃᓐᓇᐅᑎᑕᐅᓗᑎᒃ ᐃᑲᔪᖅᑐᕈᑎᒃᓴᓄᑦ ᓄᑕᕋᓄᑦ ᐊᒻᒪᓗ ᒥᐊᓂᖅᓯᔨᖏᓐᓄᑦ ᐱᔪᒪᔭᐅᔪᑦ ᓴᓂᐊᒍᑦ ᓄᑖᑦ ᒪᓕᒃᑕᐅᔭᕆᐊᖃ ᐊᒻᒪᓗ ᐊᑐᐊᒐᑦ ᐱᔪᓐᓇᖅᑎᑕᐅᓂᐊᕐᓗᑎᒃ ᐃᓄᐃᑦ ᓄᓇᕗᒥ ᑎᒍᒻᒥᓂᕐᒥᑦ ᖃᐅᔨᓴᕈᑎᓂᒃ ᓇᖕᒥᓂᖅ.
ᐊᕐᕌᒍᑕᒫᑦ ᐅᓂᒃᑳᓕᐊᖅ ᐊᕐᕌᒍᑕᒫᑦ ᐱᓂᐊᕐᓂᖃᖅᑐᖅ ᐃᓚᖓᓂ 32.3.4-ᒥ ᐃᓗᐊᓂ ᐅᑯᐊ ᓄᓇᕗᒥ ᓄᓇᑳᕈᑎᓄᑦ ᐊᖏᕈᑎᓂ. ᒪᓕᖁᔭᐅᔪᑦ ᑖᒃᑯᓄᖓ ᓄᓇᕗᒥ ᓄᓇᑖᕈᑎᓄᒃ ᐊᖏᕈᑎᓂᑦ ᐃᓛᒃᑯᑦ 32-ᒥ, ᐅᓂᒃᑳᖅ ᓴᑭᑎᑕᐅᓂᐊᖅᑐᖅ ᓄᓇᕗᑦ ᒪᓕᒐᓕᐅᕐᕕᐊᓂ ᐊᒻᒪᓗ ᑲᓇᑕᐅᑉ ᒪᓕᒐᓕᐅᕐᕕᒡᔪᐊᖓᓂ.
