ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃ ᑎᒥᖓᑕ ᓂᕈᐊᖅᑎᑦ ᓇᓗᓇᐃᖅᓯᒪᔭᖏᑦ ᓂᕈᐊᖅᑕᐅᓇᓱᒃᑐᑦ ᓂᕈᐊᖅᑕᐅᓇᓱᐊᕐᓂᕐᒧᑦ ᑲᔪᓯᓂᖏᓐᓄᑦ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᒻᒪᕆᐊᑦ ᓂᕈᐊᖅᑐᓕᕆᓂᕐᒧᑦ ᑲᒪᔨᑦ ᓈᓐᓯ ᖃᕆᑕᖅ ᓕᓐᑎᐅᕐ ᐅᖃᖅᑐᑦ ᐅᑉᓗᒥ ᑕᒪᒃᑯᐊ ᐱᓇᓱᐊᖅᑕᐅᔪᑦ ᑲᔪᓯᓂᕐᒥᑦ ᒫᓐᓇᒨᖓᓕᖅᑐᓂᒃ ᓄᓇᕗᑦ ᑐᓐᖓᕕᑦ ᑎᒥᖓᑕ ᓂᕈᐊᖅᑎᑦ ᓇᓗᓇᐃᖅᑕᐅᓯᒪᓂᖏᓐᓄᑦ ᓯᕗᓂᐊᒍᑦ ᓂᕈᐊᓚᐅᖅᑎᓐᓇᒋᑦ ᐆᒧᖓ ᐊᖓᔪᖅᑳᑉ-ᑐᖏᐊᓄᑦ ᑎᓴᑉᐸ 8, 2014. ᖃᕆᑕᖅ ᓕᓐᑎᐅᕐ ᐅᖃᖅᑐᖅ ᓄᓇᓕᖕᓂ ᑐᓴᐅᒪᑎᑦᑎᔨᐅᔪᑦ ᑲᒪᔨᖏᑦ ᐊᖅᑭᒃᓱᐃᓂᐊᖅᑐᑦ ᐋᓪᓕᕋᐅᔭᓂᒃ ᓵᓂᒃ ᓄᓇᓕᐅᑉ ᓂᐅᕕᕐᕕᖏᓐᓂ ᐱᓇᓱᐊᕈᓯᐅᓂᐊᖅᑐᒥ, ᓯᑎᐱᕆ 15-19-ᒧᑦ, ᐃᑲᔪᕐᓂᐊᕐᓗᑎᒃ ᐃᓄᐃᑦ ᓇᓗᓇᐃᖅᓯᓂᐊᖅᑎᓪᓗᒋᑦ ᑐᑭᓯᒋᐊᕐᕕᒃᓴᒥᑦ ᓂᕈᐊᖅᑎᑦ ᐃᓕᔭᐅᓯᒪᖕᒪᖔᑕ ᐊᑎᐅᔪᓂᑦ.

ᐃᓄᐃᑦ 16-ᓂᒃ ᐅᑭᐅᖃᖅᑐᑦ ᐊᖓᔪᖅᓯᐅᓂᖅᓴᓪᓘᓐᓃᑦ ᑎᓴᑉᐸ 8, 2014-ᒥ ᐊᒻᒪᓗ ᐊᑎᓕᐅᖃᑕᐅᓯᒪᓗᑎᒃ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ ᐃᓚᐅᑎᑕᐅᔪᑦ ᓂᕈᐊᖅᑏᑦ ᓇᓗᓇᐃᖅᑕᐅᕕᐊᓐᓂ, ᐅᖃᖅᓯᒪᔪᑦ ᐱᔪᓐᓇᖅᑎᑕᐅᓂᖏᓐᓂᒃ ᓂᕈᐊᕈᓐᓇᕐᓂᕐᒥᑦ ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕈᐊᖅᑎᑦᑎᓕᖅᑎᓪᓗᒍ. ᐅᒃᐱᕈᓱᒃᑯᕕᑦ ᐊᔪᖏᑎᑕᐅᓂᕐᒥᑦ ᓂᕈᐊᕐᓂᖅ, ᑭᓯᐊᓂ ᐃᓕᔭᐅᓯᒪᖏᑉᐸᑦ ᐊᑏᑦ ᓇᓗᓴᐃᖅᓯᒪᕝᕕᖕᒥ, ᐃᒪᓐᓇ ᐅᖃᖅᓯᒪᔪᒃᓴᐅᔪᖅ ᐊᑎᓕᐅᖃᑕᐅᓯᒪᖏᓐᓂᕐᓂᒃ ᒪᓕᒃᖢᒋᑦ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᑦ, ᓄᓇᓕᖕᓂ ᑐᓴᐅᒪᑎᑦᑎᔨᐅᔪᑦ ᑲᒪᔨᖏᑦ ᐃᖃᔪᕈᓐᓇᖅᑐᑦ ᐃᓄᐃᑦ ᑕᐃᒃᑯᐊ ᐊᑎᓕᐅᖃᑕᐅᓯᒪᓂᖏᓐᓄᑦ ᑲᔪᓯᑎᑕᐅᓯᒪᔪᑦ ᐃᓗᐊᓂ.

ᐃᓄᐃᑦ ᐊᑎᓕᐅᖃᑕᐅᓯᒪᔪᑦ ᓇᓗᓇᐃᖅᓯᕕᐅᔪᓂ ᐊᐱᕆᔭᐅᔪᑦ ᖃᐅᔨᒋᐊᕐᓗᑎᒃ ᐊᑎᖏᑦ ᑎᑎᕋᖅᑕᐅᑦᑎᐊᖅᓯᒪᒐᓗ;ᐊᕐᒪᖔᑕ ᐊᒻᒪᓗ ᓇᓗᓇᐃᖅᓯᓗᑎᒃ ᐊᔾᔨᒌᒃᑲᓗᐊᕐᒪᖔᑕ ᑎᑎᕋᖅᑕᐅᓯᒪᓂᖏᑦ ᓇᓗᓇᒃᑯᑕᖏᓐᓂ. ᐃᓄᐃᑦ ᐊᐱᕆᔭᐅᔪᑦ ᖃᐅᔨᒋᐊᕐᓗᑎᒃ ᓄᓇᓕᒃ ᓄᓇᒋᔭᖓᑦ ᑕᒻᒪᖅᓯᒪᖏᑦᑐᓂᑦ ᐃᓕᖓᑎᑦᑎᖕᒪᖔᑕ ᓱᓕᔪᓂᒃ. ᐊᑏ ᓇᓗᓇᐃᕆᑦ ᓄᓇᓕᒃ ᓄᓇᒋᔭᐃᑦ ᒫᓐᓇ ᓄᓇᑐᖃᕐᓂ ᐊᑎᓕᐅᕆᐊᖓᕐᕕᒋᓯᔭᐃᑦ ᐅᕝᕙᓗ ᓄᓇᑐᖃᖓ ᑕᐃᒪᖔᓗᓂᑦ ᐃᓚᖕᓄᑦ . ᖃᓄᐃᖏᑦᑐᖅ ᓇᓂ ᒫᓐᓇ ᓄᓇᖃᓕᕋᓗᐊᕈᕕᑦ ᓱᓐᓂᒍᑕᐅᖏᑦᑐᖅ.

ᐋᖅᑭᒋᐊᖅᑕᕐᓂᖅ ᑕᒻᒪᖅᓯᒪᔪᓄᑦ ᑐᑭᓯᒋᐊᕈᑎᓂ ᐃᓕᖓᔪᑦ. ᐊᒻᒪᓗᑕᐅᖅ ᐅᖄᓚᔪᓐᓇᖅᑐᑎᑦ ᒫᒍᕆ ᑯᓱᒐᖅ ᑲᖏᖅᖠᓂᕐᒧᑦ ᐅᕗᖓ 867-645-5400 ᐅᕝᕙᓗ ᐊᑭᖃᖏᑦᑐᒧᑦ ᐅᕗᖓ 1-888-236-5400. ᐃᓄᐃᑦ ᐅᖃᕐᕕᖃᕈᓐᓇᕐᒥᔪᑦ ᓄᓇᓕᖕᓂ ᑐᓴᐅᒪᑎᑦᑎᔨᐅᔪᓂᒃ ᓄᓇᖏᓐᓂ ᐊᖅᑭᒋᐊᖅᑕᐅᔪᓂᑦ ᑕᒻᒪᕈᑕᐅᓯᒪᔪᓄᑦ ᑎᑎᕋᖅᓯᒪᔪᒃᑯᑦ ᑐᑭᓯᒋᐊᕈᑎᒃᓴᓂᒃ.

ᐊᔪᖏᑦᑐᑦ ᓂᕈᐊᕐᓂᕐᒧᑦ ᓂᕈᐊᖅᑏᑦ ᐱᕕᖃᖅᑐᑦ ᑎᑭᐅᑎᓗᒍ ᐊᒃᑑᑉᐱᕆ 24, 2014 ᒫᓐᓇᒨᖓᓕᖅᑎᕆᓂᕐᒧᑦ ᓂᕈᐊᖅᑏᑦ ᓇᓗᓇᐃᖅᑕᐅᓯᒪᔪᖏᓐᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: