ᐃᓱᓕᕝᕕᒃᓴᖓ ᔫᓯ ᐊᒪᐅᔭᖅ ᑯᓱᒐᐅᑉ ᐃᓕᓐᓂᐊᒃᑲᓐᓂᕈᒪᔪᓄᑦ ᑮᓇᐅᔭᖏᑦ ᔪᓚᐃ 9, 2014. ᑐᒃᓯᕋᕈᒪᔪᑦ ᐊᑕᐅᓯᕐᒥ ᐱᓇᓱᐊᕈᓯᖃᓕᖅᑐᑦ ᑐᓂᓯᒐᓱᐊᕐᕕᒃᓴᖓᑦ ᑐᒃᓯᕋᐅᑎᒥᓂᒃ.
ᑐᒃᓯᕋᖅᑐᑦ ᑎᑎᕋᖅᓯᒪᒋᐊᓖᑦ 500-ᐅᖃᐅᓯᕐᓂᒃ ᐅᓂᒃᑳᖅᑐᓂᒃ ᖃᓄᖅ ᐊᑐᕐᓂᐊᕐᒪᖔᕐᒥᓂᒃ ᐃᓕᓐᓂᐊᕐᓂᓂ ᐊᑐᕐᓗᒍ ᓴᖅᑭᔮᖅᑎᑦᓯᔾᔪᑎᒃᓴᓂᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ, ᑭᓇᐅᓂᖏᓐᓂᒃ, ᐅᖃᐅᓯᖏᓐᓂᒃ ᐊᒻᒪ ᐃᓕᖅᑯᓯᖏᓐᓂᒃ. ᐃᓘᓐᓇᑎᒃ ᑎᑎᕋᖅᑕᐅᔪᑦ ᑎᑎᕋᖅᓯᒪᓪᓚᕆᒋᐊᓖᑦ ᐊᒻᒪ ᐃᔾᔪᐊᖅᓯᓯᒪᓐᖏᓪᓗᑎᒃ ᑎᑎᕋᖅᑕᐅᕌᓂᒃᓯᒪᔪᓂᒃ ᐊᓯᒥᓄᑦ. ᐱᐅᒋᔭᐅᓂᖅᓴᐅᒐᔭᖅᑐᑦ ᑕᒪᒃᑯᐊ ᑐᒃᓯᕋᖅᑐᑦ ᐃᓕᓐᓂᐊᕐᕕᖕᓄᑦ ᑎᑎᖅᑕᐅᓯᒪᒃᐸᑕ ᐅᕝᕙᓘᓐᓃᑦ ᐃᓄᐃᑦ ᐅᖃᐅᓯᖏᓐᓂᒃ ᐃᓕᓐᓂᐊᖅᑐᓄᑦ, ᑭᓯᐊᓂ ᐊᓯᐊᒎᖅᑎᑕᔪᓐᓇᖅᑐᑦ ᑕᑯᒃᓴᐅᑎᑦᑎᑦᓯᐊᖅᐸᑕ ᖃᓄᖅ ᐃᓕᓐᓂᐊᖅᑕᓂ ᐃᑲᔫᑎᓂᐊᕐᓂᖓᓂᒃ ᖁᒡᕙᕆᐊᕈᑎᒃᓴᖏᓐᓄᑦ ᐃᓄᐃᑦ ᐱᔪᓐᓇᐅᑎᖏᑦ.
ᑖᒃᑯᐊ ᐃᓕᓐᓂᐊᒃᑲᓐᓂᕈᑎᒃᓴᑦ ᑐᓂᔭᐅᕙᒃᑐᑦ ᒪᕐᕉᖕᓄᑦ ᐃᓅᖕᓄᑦ ᐊᑐᓂ ᑐᓂᔭᐅᓗᑎᒃ $5,000 ᐃᓕᓐᓂᐊᒃᑲᓐᓂᕈᑎᒃᓴᓂᒃ ᐃᓕᑕᕆᔭᐅᓯᒪᔪᒥ ᖁᑦᓯᖕᓂᖅᓴᓂᒃ ᐃᓕᓐᓂᐊᕐᕕᖕᓂ. ᑖᒃᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᓂᕈᐊᖅᑎᖏᑦ ᕿᒥᕐᕈᐊᖅᐸᒃᑐᑦ ᑐᒃᓯᕋᐅᑎᓂᒃ ᐊᒻᒪ ᓂᕈᐊᖅᓯᖅᑐᑎᒃ ᐃᓕᓐᓂᐊᖅᑎᓂᒃ ᒪᓕᒃᑐᒋᑦ ᐃᓕᓐᓂᐊᖅᑕᖏᑦ, ᑎᑎᕋᖅᑕᖏᑦ ᐊᒻᒪ ᐃᑲᔪᖅᓱᐃᔨᖏᑦᑕ ᑎᑎᕋᖅᓯᒪᔭᖏᑦ. ᐃᓕᑕᕆᔭᐅᔾᔪᑎᑖᒃᑲᓐᓂᕈᓐᓇᖅᑐᑦ ᐃᓕᓐᓂᐊᖅᑏᑦ ᑐᓂᓯᔪᑦ ᐅᓂᒃᑳᕈᑎᒃ ᐃᓄᒃᑎᑐᑦ, ᐃᓄᐃᓐᓇᖅᑐᓪᓗ.
.