Nunakakkaakhimayonik Elittoghainahoaktillogit Inuinnaknik, Itkilikniklo Kaanatami Pinahoaktait. Okiot tallimat anigogaagata taimailiolikpakmata naonaitiagotighanik pittiakhimakmat enoohiliginikmollo pivaliajotighanollo kanogivaliakmagaagita Nunakakkaakhimayot Kaanatami. Pinahoakniaktakot 2017-mi, elittoghaijotiginiaktaptakni pikataoniaktonot naonaigotigihanoaklogo pivaliajotaoyot. Naonaikpaaliotigiyomalogo enoohigitiaknighak, okaohiknotlo, manighaagovaktonollo, ekloliginikollo ayoghanggijotaoyollo pikahiotiniakmiyait.
Nunavut Tunngavik Timingat (NTI-kot) ekayoktoihimayot eniktigitillogit Nunavunmiotigot atoktaoyoghanik naonaiyaotaoyoghatigot pinahoagotaoyonot ekayoghiotaoyaaginni pivaliajotaoyaaginni pivaliajotaoyoghatigot kanogilivaliajotaoniakmagaagita Inuinnait Nunalaaginni. NTI-kot pitkoiyot Inuinnaknik elaotkoplogit elittoghaijotaonahoaktonot. Naonaiyainiaktot inungnik apighoivaklotik Nunavunmi nunalingni piliklotik January-mit June-mot 2017-mi. Inuinnait okiokaktot 15-nik anggayoghioyoniklo, Nunavunmik Angikatigiigotaohimayomit elaotaakhimayot okiokmi 2016-mi kititijotaohimayonot piyaoniagonakhiyot pikataotkoyaolotik .
Elittoghaijotaonahoaktok pimmagioyot ekayoghiotiniakmat Inuit katojikatigiiginnot kavamanollo eniktigijotighaitigot ekayootighanik malighaghalioknikmollo Inuinnait enoohiinot pimmagijotaovaligianggani. Naonaigotaoyot ekayoghiotiniakmiyot Inuinnait havaaghakhiotighaitigot kavamanilo, pitkoihimakmat okagiikhimapoloni Nakataani 23-mit of the Nunavunmik Angikatigiigotaohimayomit.
Elittoghainiaktot okaohitik atologik Inu Inuktut Kablonaatollo Naonaigotaohimayonot Kaanatami havaktiinit. Maniit naonaiyaotigiyaoyonot pihimavot Kaanatap Kavamainit.
Naonaikpaaligomagovit Tohakvigiinagialik ona:
Kerry McCluskey
Ataniat Tohaomatitiyit
Nunavut Tunngavik Timinggat
Okaotaa: (867) 975-4914 Okaotikot akiligiitok: 1-888-646-0006
Tigomiagak okaotaa: (867) 222-2893
Kagitaoyakjot www.tunngavik.com
