ᑐᓴᕋᑦᓴᓕᕆᔩᑦ

ᑐᓐᖓᕕᒃᑯᑦ ᓇᓪᓕᐅᓂᕐᓯᐅᕈᑎᓖᑦ 30−ᖃᓕᕐᓂᖏᓐᓂᒃ ᓴᖅᑭᖅᑕᐅᓯᒪᔪᑦ ᐃᓄᐃᑦ ᐃᓕᓐᓂᐊᓂᕐᒧᑦ ᐊᒻᒪᓗ ᐅᖃᐅᓯᖏᓐᓄᑦ ᐱᔪᓐᓇᐅᑏᑦ

ᐊᖓᔪᖅᑲᑉ ᑐᒡᓕᐊ ᔭᐃᒥᓯ ᐃᑦᑐᓗᒃ ᐅᓪᓗᒥ ᑐᓴᖅᑎᑦᓯᖅᑲᐅᔪᖅ ᐃᓕᓐᓂᐊᓂᕐᒧᑦ ᐊᒻᒪᓗ ᐅᖃᐅᓯᕐᓄᑦ ᐃᓄᖕᓄᑦ ᐱᔪᓐᓇᐅᑏᑦ ᑎᑎᕋᖅᑕᐅᓯᒪᔪᑦ ᓴᖅᑭᖅᑕᐅᒋᐊᓐᖓᓚᐅᖅᑐᑦ ᑐᓐᖓᕕᒃ ᐃᓚᒌᑦᓴᑦ ᓄᓇᕗᒻᒥ (TFN) ᐊᐃᕙᖃᑎᖃᖅᑎᓪᓗᒋᑦ ᑲᓇᑕ ᒐᕙᒪᖓᓂᒃ ᓄᓇᕗᑦ ᐊᖏᕈᑎᓄᑦ. ᐱᓇᓱᐊᕈᓯᕐᒥ ᑕᑉᕙᓂ ᓇᓗᓇᐃᕐᓯᒪᔪᖅ 30-ᖃᓕᕐᓂᖏᓐᓂᒃ ᓇᓪᓕᐅᓂᕐᓯᐅᕈᑕᐅᓪᓗᓂ ᐃᓄᐃᑦ ᐊᖏᕈᑎᒋᓚᐅᖅᑕᖏᑦ ᐃᓕᓐᓂᐊᓂᕐᒧᑦ ᐅᖃᐅᓯᕐᒧᓪᓗ ᐱᔪᓐᓇᐅᑎᑖᕆᓚᐅᖅᑕᖏᓐᓂᒃ ᐋᖅᑭᓱᖅᑕᐅᓚᐅᖅᑐᓂᒃ TFN−ᑯᓐᓄᑦ ᐊᐃᕙᓂᖃᖅᑎᓪᓗᒋᑦ. ᐊᖏᖃᑎᒌᒍᑦ ᓂᕈᐊᕈᑕᐅᒻᒪᑦ 1993-ᒥ, ᑐᓐᖓᕕᒃᑯᑦ ᐃᓇᖐᓚᐅᖅᑐᑦ TFN−ᑯᓐᓂᒃ ᐊᒻᒪᓗ ᐱᓕᕆᐊᒃᓴᑖᖅᑐᑎᒃ ᑲᔪᓯᑎᑦᓯᓂᕐᒥᒃ ᓄᓇᕗᑦ ᐊᖏᕈᑎᖏᓐᓂᒃ.

“ᐃᓄᐃᑦ ᓯᕗᓪᓕᕐᐹᒥ ᐊᐃᕙᒍᑎᖃᓕᕐᒪᑕ ᓄᓇᕗᑦ ᐊᖏᕈᑎᖏᓐᓂᒃ, ᓇᓗᓇᐃᕐᓯᓚᐅᖅᑐᒍᑦ ᓇᓗᓇᐃᑦᓯᐊᖅᑐᒍ ᐱᖕᒪᕆᐅᓂᖓ ᓴᖅᑮᓂᖅ ᐃᓄᖕᓄᑦ−ᐊᐅᓚᑕᐅᔪᒥᒃ ᐃᓕᓐᓂᐊᕐᓂᓕᕆᓂᕐᒥᒃ ᐃᓕᓐᓂᐊᑎᑦᓯᒍᑕᐅᓂᐊᖅᑐᒥᒃ ᐃᓄᒃᑎᑐᑦ ᐃᓕᓐᓂᐊᕆᐊᓕᕋᑖᓂᒃ ᐃᓕᓐᓂᐊᕐᓂᓕᓐᓄᑦ 12-ᒧᑦ. ᑕᑯᓐᓇᒐᕆᓚᐅᖅᑕᕗᑦᑕᐅᖅ ᐃᓕᓐᓂᐊᕐᕖᑦ ᑲᑎᒪᔨᖏᑦ ᐊᐅᓚᑕᐅᔪᑦ ᐃᓄᖕᓄᑦ ᐊᒻᒪᓗ ᐃᓕᓐᓂᐊᕐᕕᐊᕈᓯᕐᓂ ᐃᓄᐃᑦ ᐃᖅᑲᓇᐃᔭᖅᑐᑦ. ᑕᑯᓐᓇᒐᕆᓚᐅᖅᑕᕗᑦ ᑖᓐᓇ 30 ᐊᕐᕌᒍᐃᑦ ᐊᓂᒍᓕᖅᑐᑦ ᐊᒻᒪᓗ ᓱᓕ ᐅᓪᓗᒥ ᑕᑯᓐᓇᒐᕆᔭᕗᑦ,” ᐅᖃᓚᐅᖅᑐᖅ ᐃᑦᑐᓗᒃ. “ᑐᕌᒐᕇᓐᓇᖅᑕᕗᑦ ᑕᐃᑲᓐᖓᓂᒃ ᓴᖅᑮᓂᖅ ᐃᓄᓐᓂᒃ ᐃᓕᓐᓂᐊᕌᓂᑦᑐᓂᒃ ᐊᔪᓐᖏᓯᐊᖅᑐᓂᒃ ᐃᓄᒃᑎᑐᑦ ᐊᒻᒪᓗ ᒪᑭᒪᑦᓯᐊᖅᑐᓂᒃ ᓴᓐᖏᓂᕐᒥᒍᑦ ᐊᒻᒪᓗ ᑲᔪᓯᑦᓯᐊᖅᑐᓂᒃ ᓄᓇᕗᒻᒥ.”

ᐊᐃᕙᔾᔪᑕᐅᒋᐊᓐᖓᓚᐅᕐᓂᖓᓂᒃ 1980−ᖏᓐᓂ ᐅᓪᓗᒥᒧᑦ, ᑐᓐᖓᕕᒃᑯᑦ ᐅᖃᖃᑦᑕᕐᓯᒪᔪᑦ ᐃᖅᑲᓇᐃᔭᖃᑎᖃᕈᒪᓂᕋᖅᑐᑎᒃ ᒐᕙᒪᒃᑯᓐᓂᒃ ᓴᖅᑮᒍᒪᓪᓗᑎᒃ ᑲᔪᓯᓂᖃᑦᓯᐊᖅᑐᓂᒃ ᐃᓕᓐᓂᐊᓂᕐᒥᒃ ᑖᒃᑯᓇᓐᖔᓪᓚᕆᑦᑐᓂᒃ ᐃᓄᐃᑦ ᐅᖃᐅᓯᖓᓂᒃ ᐃᓕᖅᑯᓯᖓᓂᓪᓗ.

ᑐᑭᓯᒋᐊᒃᑲᓂᕐᕕᒃᓴᖅ:

ᑭᐅᕆ ᒪᒃᓕᔅᑭ
ᑐᓴᐅᒪᔾᔪᑎᓕᕆᔨᒃᑯᑦ ᑐᑭᒧᐊᒃᑎᑦᑎᔨᖓ
ᓄᓇᕗᑦ ᑐᓐᖓᕕᒃ ᑎᒥᖓ
ᐅᖄᓚᐅᑖ: (867) 975-4914 ᐊᑭᖃᓐᖏᑦᑐᖅ 1-888-646-0006 /
ᐃᑉᐱᐊᔪᒻᒥᒐᖅ: (867) 222-2893

www.tunngavik.com