Nunavut Tunngavik Inc. (NTI)Ataniup Tungalia James Eetoolook ublumi hatqitaa Ilihaknikmut Uqauhiknik Inuuhiliginitigutlu Piyunautinik Atugakhan hivulikmik hatqigauhimayuviniit Tungavik Federriisainut Nunavuup (TFN) taikani aivaqatigiiktivlugimn Kanatap Kavamainik pitaagahuakhutik Nunavutaagutiup Angigutaanik. Pinahuaguhiq tahumna nalautiyuq 30giligaanik nalliutiyut Inuit taihihimagmata ilihakniit uquahiitlu piyunautii iluakhagauhimayut TFNkutnut aivaqatigiiktivlugin. Taman angiqatigiiguti pingutitaunbgmat 1993mi, NTItkut inangiihimayut TFNkutnik kamaliqhutik atuliktitaunianik Nunavutaagutiup Angigutaanik.
“Inuit hivuliitumik aivaliktivlugin pitaagnahuakhutik Nunavutaagutiup Angigutaanik, akhuughuta tuhapkaivaktugun atugnaknianik Inuitnut aulatauyumik ilihaktitiniknik ilihagauvaklutik Inuktut taikangat mikannuagnit Grade 12mut. Tautuktavut taiffumani ilaqaqtitivaktug ilihaktuligiyiit katimayiit inuitnut aulataulutik ilihakvikmilu inuitnik ilihaiyiqaqluni. “Taimaatut tautunguakhimagapta algaagut 30 anigukhimaliktun taimaatut takuyumayugut huli,” uqaqtug Eetoolook. “Tugaagumainagavut taimanganit Inuit inikhivaklutik ilihagakmiknik uqagunatiaklutik Inuktut taimaalu akugiklutik ayungilutiklu piyunatiaklutik Nunavuutmi.”
Taikangat pigialihaaktivlugin 1980ni maanamut tikilugu, NTItkut havaqatiqagumavaktun kavamauyunik pingutitaukublugu nakuuyumik ilihaktitiniqnik takukhauyunakluni Inuit uqauhii pitquhiitli
Tuhaffaagumaguvit:
Kerry McCluskey
Aulatiyuq Tuhaumaqatautiliginiknik
Nunavut Tunngavik Incorporated
Hivayaut: (867) 975-4914 Akikangitug: 1-888-646-0006
Hivayaut Mikak: (867) 222-2893
www.tunngavik.com
