ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ᑐᓴᖅᑕᐅᑎᑦᓯᕗᖅ 2008-ᒥ ᐊᔾᔨᓕᐅᒐᕐᒥᒃ ᓵᓚᓕᒻᒥᒃ ᐊᕐᕌᒍᒧᑦ

(ᐄᑉᐳᕉᓪ 6, 2009 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᐊᖓᔪᖅᑳᖓᑦ ᐹᓪ ᖃᓗᔾᔭᒃ ᑐᓴᖅᑎᑦᓯᕗᖅ ᐅᓪᓗᒥ ᓂᐅᕆ ᐃᖃᓗᒃᔪᐊᒃ ᐃᒃᐱᐊᕐᔪᒻᒥᐅᑕᖅ ᓵᓚᖃᕆᐊᖓ ᓄᓇᕗᑦ ᑐᓐᖓᕕᒃᑯᑦ 2008-ᒧᑦ ᐊᔾᔨᓕᐅᕆᓕᐅᑎᔪᓄᑦ. ᐃᖃᓗᒃᔪᐊᖅ ᓵᓚᓕᒃ $1000.00-ᓂᒃ ᐊᒻᒪᓗ ᐊᖏᓪᓕᑎᖅᓯᒪᑎᓪᓗᒍ ᐊᔾᔨᓕᐅᒐᖓ ᓂᕈᐊᖅᑏᑦ ᑲᑎᒪᔨᕋᓛᖏᑦ ᓄᓇᕗᑦ ᑐᓐᖓᕕᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐱᓯᒪᔪᑦ ᕿᒥᕐᕈᓚᐅᖅᑎᓪᓗᒋᑦ 2008-ᒥ ᓵᓚᖃᖅᓯᒪᔪᓂᒃ ᑕᖅᑭᑕᒫᖅᓯᐅᑎᓂᒃ. ᐊᐃᑉᐸᕆᓕᖅᑕᖓ ᐃᖃᓗᒃᔪᐊᖅ ᓵᓚᖃᖅᑎᓪᓗᒍ.

ᓇᖥᓂᐅᓪ ᓂᖏᐅᖅ, ᒥᑦᑎᒪᑕᓕᒻᒥᐅᖅ ᑐᖏᓕᕆᔭᐅᔪᖅ ᓵᓚᖃᖅᓱᓂ $200.00-ᓂᒃ ᐊᒻᒪᓗ ᐊᖏᓪᓕᑎᖅᓯᒪᑎᓪᓗᒍ ᐊᔾᔨᓕᐊᒥᓂᖓ, ᐊᒻᒪᓗ ᔪᐃᓕ ᑯᓂᓕᐅᓯ, ᕿᑭᖅᑕᖅᔪᐊᕐᒥᐅᖅ ᐱᖓᔪᒋᔭᐅᓪᓗᓂ ᓵᓚᖃᖅᓱᓂ $100.00-ᓂᒃ ᐊᒻᒪᓗ ᐊᖏᓪᓕᑎᖅᓯᒪᑎᓪᓗᒍ ᐊᔾᔨᓕᐊᒥᓂᖓ.
“ᐊᒥᓲᓐᖑᖅᑐᐹᓘᒻᒪᑕ ᐊᔾᔨᓕᐅᕆᔪᑦ ᑕᕝᕙᓂ ᐊᕐᕌᒍᕐᒥ ᐱᔭᕆᐊᑐᒻᒪᕆᓚᐅᖅᑐᖅ ᓂᕈᐊᕆᐊᑦᓴᖅ ᐱᖓᓱᐃᓐᓇᕐᓂᒃ ᐊᔾᔨᓂᒃ. ᐅᐱᒃᑯᓲᑎᕙᒃᑲ ᓵᓚᖃᖅᓯᒪᔪᑦ ᐊᔾᔨᓕᐅᕆᔩᑦ. ᑕᒪᓐᓇ ᓵᓚᖃᕋᓱᐊᕐᓂᖅ ᑲᔪᓯᓯᒪᐃᓐᓇᕐᒪᑦ ᐃᓇᑦᓯᒋᐊᒃᑲᓂᖅᐳᖓ ᐃᓄᓐᓂᒃ ᐊᔾᔨᓕᐅᕆᖃᑦᑕᖁᓪᓗᒋᑦ ᐊᐅᓪᓚᑎᑦᓯᕙᓪᓗᑎᒃ ᐊᔾᔨᓕᐊᒥᓂᒃ,” ᐅᖃᖅᑐᖅ ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᐊᖓᔪᖅᑳᖓᑦ ᐹᓪ ᖃᓗᔾᔭᒃ.

-ᒧᑦ. ᓄᓇᕗᑦ ᑐᓐᖓᕕᒃᑯᑦ ᐃᖅᑲᓇᐃᔭᖅᑎᖏᑦ ᕿᒥᕐᕈᓲᑦ ᑎᑭᑎᑕᐅᔪᓂᒃ ᓂᕈᐊᖅᐸᑦᓱᑎᒃ ᑕᖅᑭᑕᒫᑦ ᓵᓚᓕᒻᒥᒃ. ᑕᖅᑭᒥ ᓵᓚᓖᑦ ᓵᓚᖃᕋᓱᐊᖃᑕᐅᓯᖃᑦᑕᖅᑐᑦ ᐊᕐᕌᒍᒧᑦ ᐊᔾᔨᒧᑦ. ᐃᓄᐃᑦ ᑎᑭᑎᑦᓯᖃᑦᑕᕈᓐᓇᖅᑐᑦ ᐊᔾᔨᖏᓐᓂᒃ ᓄᓇᐃᑦ, ᓄᓇᓖᑦ, ᐆᒪᔪᐃᓪᓗ. ᐊᔾᔨᖏᑦ ᐃᓄᐃᑦ ᐃᓱᒪᒋᔭᐅᖃᓯᐅᑎᓂᐊᖅᑐᑦ, ᐊᔾᔨᓕᐅᕆᔩᑦ ᐊᔾᔨᓕᐅᖅᓯᒪᔭᒥᓂᒃ ᑎᑎᕋᕐᕕᑦᓴᒥ ᑎᑎᕋᖅᑎᑦᓯᒋᐊᓖᑦ ᐊᑎᓕᐅᕐᓗᑎᓪᓗ ᓴᒃᑯᐃᒍᑎᓂᒃ. ᐊᔾᔨᓕᐅᕆᔩᑦ ᐊᔾᔨᓂᒃ ᑎᑭᑎᑦᓯᔪᑦ ᑕᐃᒫᑦᑕᐅᖅ ᐊᑎᓕᐅᕆᐊᖃᕐᒥᔪᑦ ᐊᖏᕈᑎᓂᒃ.

ᑎᑎᕋᕐᕕᑦᓴᓕᒫᑦ ᐱᔭᑦᓴᐅᔪᑦ ᖃᕆᑕᐅᔭᒃᑯᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᓄᓇᕐᔪᐊᕐᒨᖓᔪᖁᑎᖓᓐᓂᒃ ᐅᕝᕙᓗ ᓄᓇᕗᑦ ᑐᓐᖓᕕᒃᑯᑦ ᑐᓴᐅᒪᔪᓕᕆᔨᖏᓐᓂᒃ. ᑎᑎᕋᕐᕕᑦᓴᐃᑦ ᐱᔭᕇᖅᑕᐅᒋᐊᓖᑦ ᐊᑎᓕᐅᖅᑕᐅᓗᑎᒃ ᐊᔾᔨᒥᒃ ᑎᑭᑎᑦᓯᔪᖃᓕᖅᐸᑦ.

ᐃᖃᓗᒃᔪᐊᑉ ᐊᔾᔨᓕᐅᒐᖓ, ᐊᓯᓕᒫᖏᓪᓗ ᑎᑭᑎᑕᐅᓯᒪᔪᑦ, ᕿᒥᕐᕈᔭᑦᓴᐃᑦ ᖃᕆᑕᔭᐅᒃᑯᑦ ᐅᕙᓂ www.tunngavik.com.

ᑐᑭᓯᒋᐊᒃᑲᓐᓂᕕᑦᓴᖅ:

ᐊᒪᓕ ᕗᑦᔅ
ᐊᖓᔪᖅᑲᖑᑲᐃᓐᓇᖅᑐᖅ ᑐᓴᐅᒪᔪᓕᕆᔨᒃᑯᓐᓂ
ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ
ᐅᖄᓚᐅᑖ: (867) 975-4900 ᐊᑭᖃᓐᖏᑦᑐᖅ: 1-888-646-0006

www.tunngavik.com

nr-09-02-pho-inuk-photo-contest-winner (pdf)