Pivalialigiyit Havakviit

NTI Tuhaqtittiuq 2008 Piksaliugaminut Ukiuq Akimayumik

(April 6, 2009 — Iqaluit, Nunavut) Nunavut Tunngaviup Angiyuqqanga Paul Kaludjak uplumi Tuhaqtittiuq Niore Iqalukjuak Ikpiarjungmit akimayuq NTI-kut 2008 Piksaliuganut Ukiuq Akimayuq. Iqalukjuak akimayuq $1,000-mik angiklilaqtauhimayumiglu atjinganik piksaliugata akimayukhaqhiuqtut NTi-kuni havaktiinnik ihumakhakhiuqtillugit 2008-mi Piksaliugaminut Akimayukhamik. Malguiqtuqhuni akimayuq Iqalukjuak piksaliugaminut.

Nathanael Ningiuk, Mitimatalingmit tugliuyuq akimapluni $200.00-mik angiklilaqtauhimayumiglu atjinganik piksaliugata. Juilie Kooneeliusie, Qikiqtarjuarmiutaq, pingahuuyuq akimapluni $100.00-mik angiklilaqtauhimayumiglu atjinganik piksaliugata.

“Amigaitpiaqtuq ukiuq piksaliugat ayurhaqhunilu pingahuinnanik piyaami. Kangulaayuliitiqqatka akimayut. Hamna piksaliuganut akittaut aulainnaqtuq Inuit qiniquvatka ayunnginirmingnik piksaliuqhimmaaquplugit tuyurlugillu,” NTi Angiyuqqangat Paul Kaludjak uqaqtuq.

. NTI-kuni havaktut ihivriurivaktut piksanik akimayukhakhiurhutik tatqiqhiut tamat. Ahiit tatqiqhiutini akimayut iliyauvaktut Akimayukhanut Ukiumi. Inuit tuyuqtaqtut piksaliuganik Nunavut nunaanik nunalingnik umayuniglu. Piksaliugat inugnik ihumaigyauniaqtullu, kihimi piksaliuqtut titiqqanik iniqtigipkayagialgit ingnit piksaliutamingnik angirutinik naammagigumikku atuqtaunia piksaktik atuqtaukpat qaritauyakkut makpigaliuganiluuniit. Piksaliuqtillu uktuqtut akimayakhamut inirhiyariakaktut Piksaliuqtip Angirtuaanik.

Tamaita titiqqat pinagialgit qaritauyakkuurvingmit NTI-kut Tuhaumatittiyiiniluuniit. Ukuat titiqqat iniqtauyagialgit atiliuqtaulutik tuniqahiutilugit piksanut.

Iqalukjuap akimayuq piksaliugaa, allallu akimahimayut tautuinagialgit uvani www.tunngavik.com.

Ilitturiyumirumaguvit:

Emily Woods
Atanguyaukaffuktuq Tuhaumatittiyini
Nunavut Tunngavik Timinga
Talafun: (867) 975-4900 Akiituq: 1-888-646-0006

www.tunngavik.com

nr-09-02-pho-inuin-photo-contest-winner (pdf)