ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᑉ ᑐᖏᓕᐊ ᔭᐃᒻᔅ ᐃᑦᑐᓗᒃ ᐅᓪᓗᒥ ᐃᖅᑲᐃᑎᑦᑎᔪᖅ ᓄᓇᕗᑦ ᒐᕙᒪᑯᖏᓐᓄᑦ ᑕᒪᓐᓇ ᑐᒃᓯᕋᐅᑎᒃᑯᑦ ᐊᓯᔾᔨᕈᑕᐅᔪᑦ ᐅᑯᓄᖓ ᓄᓇᕗᒻᒥ ᐃᓕᓐᓂᐊᖅᑐᓕᕆᓂᕐᒧᑦ ᐊᖅᑭᐅᒪᔪᖏᓐᓂ ᑐᓂᓯᔭᕆᐊᓕᒃ ᐃᓄᖕᓄᑦ ᐱᕕᒃᓴᓂᒃ ᐃᓚᐅᖃᑕᐅᓂᕐᒥᑦ ᐊᖅᑭᒃᓱᖅᑕᐅᓯᒪᓂᐊᓐᓄᑦ ᐊᒻᒪᓗ ᑲᔪᓯᑎᑕᐅᓂᖏᓐᓄᑦ ᐃᓕᓐᓂᐊᖅ ᐃᓕᓐᓂᐊᕈᑕᐅᔪᓂᒃ, ᒪᓕᒃᓗᒋᑦ ᐱᖁᔭᖏᑦ ᐅᑯᐊ ᐃᓛᒃᑯᖅᑐᐊᓂ 32 ᐃᓗᐊᓂ.ᓄᓇᕗᑦ ᐊᖏᕈᑎᖏᓐᓂ
ᓄᓇᕗᑦ ᒐᕙᒪᒃᑯᖏᑦ ᐱᓕᕆᔪᑦ ᓇᐃᑦᑐᒥᑦ ᐅᓪᓗᓂᒃ ᐅᖃᖃᑎᖃᕐᓂᕐᒥᑦ ᐅᑯᓂᖓ ᐃᓕᓐᓂᐊᖅᑐᓕᕆᓂᕐᒧᑦ ᑲᑎᒪᔨᐅᔪᓂᑦ ᐊᕕᒃᑐᖅᓯᒪᔪᓂ ᐊᒻᒪᓗ ᐊᓯᖏᓐᓂᒃ ᑎᒥᐅᔪᓂᒃ ᐊᐅᔭᖅ ᐊᓯᔾᔨᕈᑎᐅᔪᒪᔪᓂᒃ ᑐᒃᓯᕋᐅᑎᒃᑯᑦ ᐊᓯᔾᔨᕐᓂᐊᕐᓗᒋᑦ ᐃᓕᓐᓂᐊᖅᑐᓕᕆᓂᕐᒧᑦ ᐋᖅᑭᐅᒪᔪᓂᒃ ᓄᓇᕗᒥ.
“ᐃᓕᓐᓂᐊᖅᑐᓕᕆᓂᕐᒧᑦ ᐊᓯᔾᔨᕈᑏᑦ ᐊᖅᑭᐅᒪᓂᖏᓐᓄᑦ ᓴᖏᑦᑎᑦᑎᔭᕆᐊᖃᖅᑐᖅ ᓇᖕᒥᓂᖅ ᐱᔪᓐᓇᐅᑎᑦᑎᓐᓂᒃ ᐃᓕᓐᓂᐊᖅᑎᑦᑎᓗᓂ ᐃᓄᒃᑐᑦ, ᐊᔭᐅᖅᑐᕐᓗᒋᑦ ᖁᒡᕙᖅᑎᖅᐸᓪᓕᐊᓗᒋᓪᓗᑦ ᐃᓄᐃᑦ ᐱᖅᑯᓯᖏᑦ ᐃᓕᓴᐃᓂᕐᒥᑦ ᐊᒻᒪᓗ ᑭᒃᑰᔾᔪᑎᖏᓐᓂᒃ ᐃᓄᐃᑦ, ᐊᒻᒪᓗ ᐊᒃᓱᐊᓗᒃ ᐅᓄᖅᓯᒋᐊᕐᓗᒋᑦ ᓈᓴᐅᑎᒃᑯᑦ ᐃᓄᐃᑦ ᐃᓕᓴᐃᔨᑦ ᐃᓕᓐᓂᐊᕐᕕᖁᑎᑦᑎᓐᓂ, ᐃᓄᐃᑦ ᐅᖃᐅᓯᐊᑦ, ᐱᖅᑯᓯᐊᑦ ᐊᒻᒪᓗ ᑭᒃᑰᓂᖏᓐᓄᑦ ᓇᓗᓇᐃᒃᑯᑕᖅ ᑐᖓᕕᐅᔭᕆᐊᓕᒃ ᐃᓕᓐᓂᐊᖅᑐᓕᕆᓂᕐᒧᑦ ᐊᖅᑭᐅᒪᔪᓄᑦ,” ᐅᖃᖅᑐᖅ ᐃᑦᑐᓗᒃ.
ᓄᓇᕗᑦ ᑐᓐᖓᕕᒃ ᑎᒥᖓᑦ ᐅᒃᐱᕈᓱᒃᑐᑦ ᐅᑯᐊ ᐊᑖᓂ ᐅᖃᐅᓯᐅᓪᓗᐊᑕᖅᑐᑦ ᐊᑐᓂᒃ ᓲᕐᓗ ᐅᓗᕆᐊᓇᖅᑐᑦ ᐊᒻᒪᓗ ᐊᑐᖅᑕᐅᓗᐊᕆᐊᓕᒃ ᓴᖅᑭᑦᑎᓂᐊᕐᓗᓂ ᐅᑯᐊ ᐅᑯᓄᖓ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᓂ ᐃᒪᓐᓇᓪᓚᕆᒃ ᐊᒃᑐᐊᓗᑎᒃ ᑐᑭᖏᓐᓄᑦ ᑐᕌᖅᑕᐅᔪᑦ ᐊᒻᒪᓗ ᓇᒧᓐᖓᐅᓪᔪᑎᒋᔪᒪᔭᖏᓐᓄᑦ ᐃᓄᐃᑦ:
— ᐃᓕᓴᐃᓂᖅ ᐃᓄᒃᑐᑦ ᐅᓄᕐᓂᖅᓴᓄᑦ (80-ᐳᓴᓐ ᐅᖓᑖᓄᓪᓘᓐᓃᑦ) ᐅᑯᓇᓂ ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᐊᑎᒍᑦ ᐱᒋᐊᕐᓗᑎᒃ ᐃᓕᓐᓂᐊᕆᐊᓕᓵᖅᑐᖁᓗᖕᓄᑦ ᑎᑭᐅᑎᓗᒍ ᐃᓕᓐᓂᐊᕈᑎᖏᑦᑕ ᖁᑦᑎᖕᓂᐊᓄᑦ 12;
— ᐃᓕᓐᓂᐊᕈᑎᒃᓴᑦ ᐊᒃᑐᐊᓗᑎᒃ ᐊᒻᒪᓗ ᖁᒡᕙᖅᑎᕆᓗᑎᒃ ᐃᓄᐃᑦ ᑭᒃᑰᓂᖏᓐᓂᒃ ᐊᒻᒪᓗ ᐱᖅᑯᓯᖏᓐᓂᒃ;
— 85 -ᐳᓴᑦ ᐃᓄᐃᑦ ᐃᓕᓴᐃᔨᑦ ᐊᒻᒪᓗ ᐃᓕᓐᓂᐊᕐᕕᓂ ᐊᖓᔪᖅᑳᖑᔪᑦ ᒪᓕᖁᔭᐅᔪᑦ ᐆᒥᖓ ᐃᒃᑯᖅᑐᐊᓂ 23 ᐅᑯᓇᓂ ᓄᓇᕗᑦ ᐊᖏᕈᑎᖏᓐᓂ;
— ᐃᓕᓐᓂᐊᖅᑐᓕᕆᓂᕐᒧᑦ ᐊᕕᒃᑐᖅᓯᒪᔪᓂ ᑲᑎᒪᔨᑦ ᐱᕙᒃᑐᑦ ᓈᒻᒪᒃᑐᓂᒃ ᐃᓕᓐᓂᐊᖅᑎᑕᐅᓂᕐᒥᑦ ᐊᒻᒪᓗ ᐱᔾᔪᑎᒃᓴᖏᓐᓂᑦ ᐊᑐᓂᕐᓂᐊᖅᑕᖏᓐᓄᑦ, ᐊᒻᒪᓗ ᐊᑐᕈᓐᓇᖅᑐᑦ ᐱᔪᓐᓇᐅᑎᓂᒃ ᐃᓱᒪᓕᐅᕆᓂᕐᒧᑦ ᐱᓪᓗᒋᑦ ᐃᖅᑲᓇᐅᔭᖅᑏᑦ, ᐊᐅᓚᓂᐊ. ᐃᓕᓐᓂᐊᕐᕕᓄ ᐅᓪᓗᖅᓯᐅᑎᖏᑦ ᑭᓲᓂᐊᑦᒪᖔᑕ ᐃᓕᓐᓂᐊᕈᑎᒃᓴᑦ ᐊᒻᒪᓗ ᐅᖃᐅᓯᓂ ᐃᓕᓴᐃᓂᕐᒥᑦ;
— ᐊᕕᒃᑐᖅᓯᒪᔪᖏᓐᓂ ᓄᓇᕗᑦ ᑲᑎᒪᔨᑦ ᒪᑭᑎᑕᐅᑲᓐᓂᕆᐊᖃᖅᑐᑦ ᐃᑲᔪᖅᑐᐃᓂᐊᕐᓗᑎᒃ ᐊᕕᒃᑐᖅᓯᒪᔪᓂ ᐃᓕᓐᓂᐊᖅᑐᓕᕆᓂᕐᒧᑦ ᑲᑎᒪᔨᑦ;
— ᐱᕕᒃᓴᐃᑦ ᐅᓪᓗᓄᑦ ᐅᑯᓄᖓ ᐃᓄᒃᑐᑦ ᐃᓕᓴᐃᔾᔪᑎᓂᒃ ᐃᒪᓐᓇᐃᒋᐊᖃᖏᑦᑐᖅ ᐲᖅᑕᐅᓗᑎᒃ ᐅᑯᓇᖓᑦ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᒥᑦ;
— ᒐᕙᒪᒃᑯᑦ ᐊᖅᑭᒃᓯᒪᔭᖓ ᐃᓕᖓᔪᖅ ᐅᑯᓇᓂ ᐃᓗᐃᑦᑐᒥᑦ ᐃᓕᓐᓂᐊᖅᑐᓕᕆᓂᕐᒧᑦ ᐱᓪᓗᐊᑕᐅᔪᖅ ᐱᔪᓐᓇᖅᑎᑦᑎᓪᓗᓂ ᑕᒪᐃᓐᓂᒃ ᓄᓇᕗᒥᐅᑦ ᐃᓕᓐᓂᐊᖅᑐᖁᑎᖏᓐᓂᒃ ᐱᐊᓂᒃᓯᓗᑎᒃ ᓇᖕᒥᓂᖅ ᖃᓄᐃᑦᑑᓕᕈᓐᓇᕐᓂᖏᓐᓂᒃ ᐃᓕᓐᓂᐊᕐᓂᒃᑯᑦ.
ᐃᓕᓐᓂᐊᕐᓂᓕᕆᔨᒃᑯᑦ ᐅᖃᓚᐅᖅᑐᑦ ᐸᕐᓇᓂᕐᒥᓂᒃ ᓱᑲᓐᓂᕐᓴᐅᑎᑦᓯᓇᓱᐊᕐᓂᕐᒥᒃ ᑐᓴᕆᐊᕐᓂᐅᔪᒥᒃ, ᒪᓕᓪᓗᒋᑦ ᐊᑐᓕᖁᔨᔾᔪᑎᓕᐊᕆᓚᐅᖅᑕᖏᑦ ᑲᑎᒪᔨᕋᓚᖑᑲᐃᓐᓇᖅᑐᑦ ᕿᒥᕐᕈᔭᐅᓂᖓᓂ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖅ. ᑐᓐᖓᕕᒃᑯᑦ ᐅᖃᕆᐊᒃᑲᓐᓂᓚᐅᖅᑐᑦ ᑲᔪᑎᑕᐅᔪᓐᓇᕐᓂᖓᓂᒃ ᐱᓇᓱᐊᒐᑦᓴᖅ ᑖᓐᓇ ᐱᓇᓱᐊᖃᑎᖃᕐᓗᑎᒃ ᑐᓐᖓᕕᒃᑯᓐᓂᒃ.
