ᑐᓴᕋᑦᓴᓕᕆᔩᑦ

ᑐᓐᖓᕕᒃᑯᑦ ᑐᓴᖅᑎᑦᓯᔪᑦ 2017 ᐊᔾᔨᓕᐅᒐᑦᓯᐊᕙᐅᓂᕐᐹᓂᒃ ᐊᕐᕌᒍᒥ ᓵᓚᒃᓴᖅᑐᓂᒃ

(ᔭᓐᓄᐊᓕ 12, 2018 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᖁᕕᐊᒃᑯᔨᖅᑲᐅᔪᖅ 2017 ᐊᔾᔨᓕᐅᒐᑦᓯᐊᕙᐅᓂᕐᐹᓂᒃ ᐊᕐᕌᒍᒥ ᓵᓚᒃᓴᖅᑐᓂᒃ.

ᐸᓪᓗᖅ ᐱᑦᓯᐅᓛᖅ ᑭᒻᒥᕈᒻᒥᐅᖅ ᓵᓚᒃᓴᕈᓯᐊᖅᑲᐅᔪᖅ ᑮᓇᐅᔭᓂᒃ $1,000−ᓂᒃ ᐊᔾᔨᓕᐅᒐᖓᓄᑦ ᑕᐃᒎᓯᓕᒃ ᓴᐃᒪᓇᖅᑐᖅ ᐅᓪᓛᖅ. ᐱᑦᓯᐅᓛᖅ ᑐᓂᔭᐅᖃᓯᐅᑎᔪᖅ ᐊᖏᓪᓕᑎᕐᓯᒪᔪᒥᒃ ᐊᔾᔨᓕᐅᒐᖓᓂᒃ, ᐊᒻᒪᓗ ᐊᔾᔨᓕᐅᒐᑦᓯᐊᕙᐅᓂᕐᐹᖑᓂᖓᓄᑦ ᓯᓚᑎᒋᔭᐅᓛᕐᒥᔪᖅ ᑐᓐᖓᕕᒃᑯᑦ ᐊᕐᕌᒍᑕᒫᕐᓯᐅᒻᒥᒃ ᐅᓂᒃᑳᖏᓐᓂ ᐊᒻᒪᓗ ᓴᖅᑭᔮᖅᑎᖃᑦᑕᖅᑕᖏᓐᓃᖃᑦᑕᓂᐊᕐᒥᔪᖅ ᐱᔪᒐᕐᓴᐅᑕᐅᓗᓂ ᐊᔾᔨᓕᐅᒐᖓ.

ᑲᖏᕐᖠᓂᕐᒥᐅᑕᖅ ᑕᐃᕕᑦ ᑲᑯᒃᑎᓂᖅ ᑐᒡᓕᕆᔭᐅᔪᖅ ᐊᔾᔨᓕᐅᒐᖓᓄᑦ ᑎᕆᒐᓐᓂᐊᖅ ᐊᒻᒪᓗ ᓵᓚᒃᓴᖅᑐᓂ $500 ᐊᒻᒪᓗ ᐊᔾᔨᓕᐅᒐᖓᓂᒃ ᑐᓂᔭᐅᓂᐊᕐᒥᔪᖅ. ᐋᔅᓕ ᕿᓚᑉᕙᖅ ᓴᕚᑦ ᐃᖃᓗᒻᒥᐅᖅ ᐱᖓᔪᒋᔭᐅᔪᖅ ᐊᔾᔨᓕᐅᒐᖓᓄᑦ ᑐᓗᒃᑲᑦ ᐊᒻᒪᓗ ᓵᓚᒃᓴᕈᓯᐊᖅᑐᓂ $250 ᐊᒻᒪᓗ ᐊᔾᔨᓕᐅᒐᖓᓂᒃ ᑐᓂᔭᐅᓂᐊᕐᒥᔪᖅ.

ᑐᓐᖓᕕᒃᑯ ᐊᔾᔨᓕᐅᒐᑦᓯᐊᕙᐅᓂᕐᐹᖅ ᐊᕐᕌᒍᒥ ᓵᓚᒃᓴᕋᓱᐊᕐᓂᕐᒥᒃ 2006 ᓴᖅᑮᓚᐅᕐᓯᒪᔪᑦ. ᐊᒥᓲᓂᕐᓴᒻᒪᕆᐅᓕᖅᑐᑦ ᓵᓚᒃᓴᕋᓱᐊᖃᑦᑕᖅᑐᑦ ᒫᓐᓇ ᐃᓅᖃᑎᒌᓄᑦ ᑲᓲᒪᔾᔪᑎᑕᖃᑦᓯᐊᓕᖅᑎᓪᓗᒍ ᖃᕆᓴᐅᔭᒃᑯᑦ.

ᐃᓄᐃᑦ ᐃᓚᒋᔭᐅᖃᑦᑕᖁᔭᐅᔪᑦ ᓵᓚᖃᕋᓱᐊᕈᑕᐅᔪᒧᑦ. ᓇᓗᓇᐃᕐᓯᒪᔪᑦ ᐊᒻᒪᓗ ᓵᓚᒃᓴᕋᓱᐊᕐᓗᓂ ᐱᓇᓱᐊᕈᑎᒃᓴᖅ ᐅᕙᓂ http://photocontest.tunngavik.com/website-photo-contest/photo-of-the-year/.

-30-

ᑐᑭᓯᒋᐊᒃᑲᓂᕐᕕᒃᓴᖅ:

ᑭᐅᕋᓐ ᕙᓚᐅᕋᑎ
ᑐᓴᐅᒪᔾᔪᑎᓕᕆᔨᒃᑯᑦ ᑐᑭᒧᐊᒃᑎᑦᑎᔨᖓᓂᒃ ᑭᖑᑉᕖᓯᒪᔪᖅ
ᓄᓇᕗᑦ ᑐᓐᖓᕕᒃ ᑎᒥᖓ
ᐅᖄᓚᐅᑖ: (867) 975-4941 ᐊᑭᖃᓐᖏᑦᑐᖅ 1-888-646-0006 /

www.tunngavik.com