ᑐᓴᕋᑦᓴᓕᕆᔩᑦ

ᓄᓇᕗᑦ ᑐᙵᕕᒃ ᑎᒥᖓ ᐅᐱᒋᔭᖃᖅᐳᑦ ᒫᓂᑲ ᐃᐊᓪ ᑲᓇᔪᕐᒥᒃ ᐊᒻᒪᓗ ᓖᓴ ᖁᐱᕐᕈᐊᓗᖕᒥᒃ ᐊᖓᔪᖅᑳᖑᖅᑎᑕᐅᓂᖓᓄᑦ ᐊᒻᒪ ᐊᖓᔪᖅᑳᑉ ᑐᖏᓕᑖᖑᓂᖓᓂᒃ ᐃᓄᐃᑦ ᓄᓈᓐᓂ ᑲᑎᒪᔨᖏᓐᓄᑦ ᑲᓇᑕᒥ

(ᔪᓚᐃ 18, 2018 – ᐃᖃᓗᐃᑦ, ᓄᓇᕗᑦ ) ᓄᓇᕗᑦ ᑐᙵᕕᒃ ᑎᒥᖓᑕ (ᑐᙵᕕᒃᑯᑦ) ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᓪᓗᒥ ᐅᐱᒍᓱᖅᑲᐅᕗᑦ ᒫᓂᑲ ᐃᐊᓪ ᑲᓇᔪᕐᒥᒃ ᓂᕈᐊᖅᑕᐅᓂᖓᓄᑦ ᑭᖑᕝᕕᑎᐅᓪᓗᓂ ᐊᖓᔪᖅᑳᖅᑕᖑᓂᖓᓄᑦ ᐃᓄᐃᑦ ᓄᓈᓐᓂ ᑲᑎᒪᖏᖏᓐᓄᑦ ᑲᓇᑕᒥ ᐊᒻᒪᓗ ᓖᓴ ᖁᐱᕐᕈᐊᓗᖕᒥᒃ ᐊᖓᔪᖅᑳᑉ ᑐᖏᓕᑖᕆᒻᒪᒍ.

“ᑐᙵᕕᒃᑯᑦ ᑲᑎᒪᔨᖏᑦ ᐊᒻᒪᓗ ᐃᖅᑲᓇᐃᔭᕐᑎᖏᑦ ᕿᓚᓈᕆᔭᖃᖅᐳᑦ ᐱᓕᕆᖃᑎᖃᓐᓂᐊᓂᕐᒥᓂᒃ ᐃᓄᐃᑦ ᑭᒡᒐᑐᑦᑕᐅᑦᑎᐊᖁᓪᓗᒋᑦ ᓄᓇᕐᔪᐊᓕᒫᕐᒥ ᐅᑭᐅᕐᑕᕐᑐᒥ ᑲᑎᒪᔨᖏᑦᑎᒍᑦ, ᓄᓇᕐᔪᐊᕐᒥ ᓄᓇᓖᑦ ᑲᑎᒪᔨᖏᓐᓂ ᐊᒻᒪᓗ ᐊᓯᖏᓐᓂ ᓄᓇᕐᔪᐊᕐᒥ ᑎᒥᐅᔪᓄᑦ. ᖁᓇᒋᔪᒪᕙᕋ ᐃᓇᖏᖅᑕᐅᔪᖅ ᓈᓐᓯ ᖃᕆᑕᖅ−ᓕᓐᑎᐊᓪ ᐊᒻᒪ ᐊᖓᔫᖅᑳᑉ ᑐᖏᓕᖓ ᕼᐅᑉ ᓇᑭᒪᔭᒃ ᐱᔨᑦᑎᕐᓯᓚᐅᕐᓂᖏᓐᓄᑦ ᑲᓇᑕᐅᑉ ᐃᓄᖏᓐᓂᒃ. ᐊᒻᒪᓗ ᓇᓗᓇᐃᕈᒪᕗᖓ ᐆᒻᒪᑎᒃᑯᑦ ᖁᔭᒋᒻᒥᒐᒃᑭᑦ ᑕᒪᕐᒥᒃ ᓂᕈᐊᕋᒃᓴᐅᓚᐅᕐᑐᑦ ᐊᑎᕐᒥᓂ ᑐᓂᓯᓚᐅᕐᑐᑦ ᐃᓱᒪᒃᓴᕐᓯᐅᕈᑕᐅᓂᐊᕐᓗᑎᒃ ᐃᓄᐃᑦ ᓄᓈᓐᓂ ᑲᓇᑕᒥ ᑲᑎᒪᔨᖏᓐᓄᑦ.”
ᒫᓕᑲ ᐃᐊᓪ ᑲᓇᔪᖅ ᐅᐱᓐᓇᕐᑐᓂᒃ ᐃᖅᑲᓇᐃᔮᖃᖃᑦᑕᕐᓯᒪᒻᒪ ᓄᓇᕗᖕᒥ ᐱᖃᓯᐅᑎᓪᓗᒋᑦ: ᒪᓕᒐᓕᐅᖅᑎᐅᓯᒪᓪᓗᓂ ᐃᖃᓗᖕᓂ − ᒪᓂᕋᔭᒃ, ᒥᓂᔅᑕᐅᓯᔪᖅ ᐊᒻᒪᓗ ᑐᑭᒧᐊᒃᑎᑦᑎᔨᐅᓪᓗᓂ ᐃᓄᐃᑦ ᑕᑯᓐᓇᕋᒃᓴᓕᕆᔨᒃᑯᑦ ᑲᑎᒪᔨᖏᓐᓄᑦ.
ᓂᕈᐊᖅᑕᐅᓚᐅᕐᑑᒃ ᑕᒪᒃᑮᒃ ᐅᑦᕿᐊᕕᖕᒥ, ᐊᓛᓯᑲᒥ ᔪᓚᐃ 15, 2018-ᒥ. ᑕᒪᒃᑮᒃ ᐃᓄᐃᑦ ᓄᓈᓐᓂ ᑲᑎᒪᔨᖏᑕ ᑲᓇᑕᒥ ᐊᖓᔪᖅᑳᖅ ᐊᒻᒪ ᑐᖏᓕᖓ ᐊᑕᓂᐊᕐᑑᒃ ᐅᑭᐅᓐᓄᑦ ᑎᓴᒪᓄᑦ 2018-ᒥᑦ 2022-ᒧᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: