ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃᑯᑦ ᖁᕕᐊᓲᑎᖃᖅᐳᑦ ᐃᓄᐃᑦ ᑕᐱᕇᑦ ᑲᓇᑕᒃᑯᑦ ᐊᖏᖅᓯᒪᑦᑎᐊᕐᓂᖏᓐᓂᒃ ᐳᕙᒡᓗᖕᓂᖅᑕᖃᕈᓐᓃᖁᓪᓗᒍ ᐊᕐᕌᒍ 2030 ᑎᑭᓚᐅᖅᑎᓐᓇᒍ

ᒫᔾᔨ 23, 2018 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᐊᖓᔪᖅᑳᖓᑦ, ᐃᓗᑭ ᑰᑦᑎᖅ, ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓ ᑎᑭᓐᓂᐊᖅᑎᓪᓗᒍ, ᑐᓴᓗᐊᓚᐅᖅᑐᖅ ᐃᓄᐃᑦ ᑕᐱᕇᑦ ᑲᓇᑕᐅᑉ ᑎᒥᖁᑖ ᓇᓗᓇᐃᖅᓯᑎᓪᓗᒋᑦ ᐳᕙᒡᓗᖕᓂᖅᑕᖃᕈᓐᓃᖅᑎᑦᑎᔪᒪᓪᓗᑎᒃ ᐃᓄᐃᑦ ᓄᓇᖓᓐᓂ ᐊᕐᕌᒍ 2030 ᑐᖔᓂ, ᐳᕙᒡᓗᒃᑐᓪᓗ ᓇᑉᐸᓪᓗᐊᖏᑦ ᐃᓚᓐᖓᕈᒪᓪᓗᒋᑦ ᐊᕐᕌᒍ 2025 ᑐᖔᓂ.
“ᓄᓇᕗᑦ ᑐᓐᖓᕕᒃᑯᑦ ᖁᕕᐊᓲᑎᖃᖅᐳᑦ ᑕᒪᓐᓇ ᐱᔭᕐᓂᓐᖏᑦᑐᖅ ᐱᑐᐃᓐᓇᐅᓐᖏᑦᑐᕐᓗ ᐱᓕᕆᐊᖑᔪᒪᖕᒪᑦ, ᐃᓄᖕᓂᓗ ᐃᐳᕙᒡᓗᖕᓂᖅ ᐱᑕᖃᕈᓐᓃᖅᑎᑕᐅᔪᒪᓪᓗᓂ. ᓄᓇᕗᑦ ᑐᓐᖓᕕᒃᑯᑦᑯ ᐃᖅᑲᓇᐃᔭᖃᑎᖃᕐᓂᐊᖅᑐᑦ ᐃᓄᐃᑦ ᑕᐱᕇᑦ ᑲᓇᑕᒃᑯᓐᓂᒃ ᑕᒪᓐᓇ ᑐᕌᒐᓕᐊᕆᔭᐅᔪᖅ ᑎᑭᑕᐅᔪᓐᓇᕐᓂᐊᕐᒪᑦ”, ᑕᐃᒪᐃᓕᕗᖅ ᐊᓗᑭ ᑯᑦᑎᖅ.
2018-ᒥ ᑲᓇᑕᐅᑉ ᒐᕙᒪᒃᑯᖏᑦ ᓴᓂᕐᕙᐃᓚᐅᖅᑐᑦ $27.5 ᒥᓕᐊᓐᓂᒃ ᐊᕐᕌᒍᓄᑦ ᑕᓪᓕᒪᓄᑦ ᐊᑐᕐᓂᐊᖅᑐᓂᒃ ᐃᓄᐃᑦ ᓄᓇᖓᓐᓂ ᐳᕙᒡᓗᖕᓂᖅᑕᖃᕈᓐᓃᕐᓂᐊᕐᒪᑦ. ᓄᓇᕗᑦ ᑐᓐᖓᕕᒃᑯᑦ ᐃᖅᑲᓇᐃᔭᖃᑎᖃᕐᓂᐊᖅᑐᑦ ᐃᓄᐃᑦ ᑕᐱᕇᑦ ᑲᓇᑕᒃᑯᓐᓂᒃ ᐃᓄᐃᑦ ᐳᕙᒡᓗᖕᓂᖃᕈᓐᓃᖅᑎᑕᐅᓇᓱᖕᓂᖏᓐᓄᑦ ᐱᓕᕆᔩᑦ ᐊᖅᑯᑎᒋᓗᒋᑦ.

-30-

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: