(ᐊᒌᓯ 27, 2018 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᖅ ᐊᖓᔪᖅᑳᖓᖅ ᐊᓗᑭ ᑰᑦᑎᖅ ᐅᓪᓗᒥ ᑐᓴᖅᑎᑦᑎᕗᖅ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᕐᑎᓄᑦ ᐃᑲᔪᕈᑎᒥᒃ ᐅᑭᐅᖓᓄᑦ 2018 ᑐᓂᔭᐅᔪᒥᒃ. ᕙᐃᑕ ᑲᕕᐅᖅ ᐊᕐᕕᐊᖕᒥᐅᑕᖅ ᐊᒻᒪᓗ ᑳᓚᐃ ᐊᖓᓕᒃ ᐊᕐᕕᐊᕐᒥᐅᑕᖅᑕᐅᖅ ᑕᒪᒃᑮᒃ $5,000−ᓂᒃ ᑐᓂᔭᐅᖕᒪᑎᒃ ᐃᓕᓐᓂᐊᕐᑕᒥᓄᑦ. ᑲᕕᐅᖅ ᐋᓐᓂᐊᓯᐅᖅᑎᐅᓂᕐᒧᑦ ᐃᓕᓴᖕᒪ ᓄᓇᕗᑦ ᓯᓚᑦᑐᓴᕐᕕᖓᓂ ᐊᒻᒪ ᐊᖓᓕᒃ ᐱᒋᐊᒃᑲᓂᕐᓂᐊᓕᕐᒥᒻᒪᑦ ᐱᖓᔪᒋᓂᐊᓕᕐᑐᓂᐅᒃ ᐅᑭᐅᖅ ᓄᓇᕗᖕᒥ ᐃᓕᓴᐃᔨᐅᓂᕐᒧᑦ ᐃᓕᓐᓂᐊᕐᒪᑦ.
“ᖁᕕᐊᒃᓱᒃᐳᖓ ᕙᐃᑕ ᐊᒻᒪ ᑳᓚᐃ ᓂᕈᐊᖅᑕᐅᖕᒪᑎᒃ ᑐᓂᔭᐅᓪᓗᑎᒃ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᕐᑎᓐᓄᑦ ᐃᑲᔪᕈᑎᒥᒃ. ᐅᐱᒍᓱᒃᐳᖓ ᖃᐅᔨᓪᓗᖓ ᐃᓕᓐᓂᐊᖅᑏᓐᓂᒃ ᐃᓕᓐᓂᐊᕐᑑᓐᓂᒃ ᐃᓄᒃᑐᖅ ᓴᖅᑭᐅᒪᐃᓐᓇᖁᓪᓗᒍ ᐃᓕᓐᓂᐊᕐᒪᑎᒃ ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪ ᐋᓐᓂᐊᖃᓐᓇᖏᓐᓂᓕᕆᓂᕐᒧᑦ ᓄᓇᕗᖕᒥ” ᐅᖃᖅᑐᖅ ᑰᑦᑎᒃᖅ
ᑭᖑᓪᓕᐅᔪᒫᕐᑐᖅ ᑐᒃᓯᕋᕈᑎᓕᐅᕈᑎᓄᑦ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᕐᑎᓄᑦ ᐃᑲᔪᕈᑎᓄᑦ ᐅᓪᓗᖅ ᐃᓱᓕᒃᕕᒃᓴᖃᕐᒪᑦ ᔪᓚᐃ 9, 2019. ᑐᒃᓯᕋᕈᑎᓕᐅᕈᑏᑦ ᐊᑐᐃᓐᓇᐅᕗᑦ ᓄᓇᕗᑦ ᑐᙵᕕᒃᑯᑦ ᖃᕆᑕᐅᔭᒃᑯᑦ ᐃᕿᐊᕐᕆᕕᖓᓂ. ᐃᓄᐃᑦ ᐃᓕᓐᓂᐊᖅᑏᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᑦ ᐊᖏᕈᑎᖏᑦᑎᒋᑦ ᐊᒻᒪ ᓯᓚᑦᑐᓴᕐᕕᖕᒥ ᐃᓕᓐᓂᐊᖅᑐᑦ ᐊᔪᖏᒃᐳᑦ ᐃᓕᓐᓂᐊᕐᑎᓄᑦ ᐃᑲᔪᕈᑎᓂᒃ.
ᑐᑭᓯᒋᐊᒃᑲᓐᓂᕈᓐᓇᕐᐳᑎᑦ ᐅᕗᖓ:
ᑭᐅᕋᓐ ᕙᓚᐅᕋᑎ
ᑐᑭᒧᐊᒃᑎᑦᑎᔨᐅᑲᐃᓐᓇᖅᑐᖅ ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᓄᑖ: (867) 975-4914 ᐊᑭᓕᕆᐊᖃᙱᑦᑐᖅ: 1-888-646-0006