ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃ ᑎᒥᖓᑦ ᐅᖃᖅᑐᑦ ᓴᖅᑭᑦᑎᓂᒃᑯᑦ ᓄᑖᒥᑦ ᐃᓕᓐᓂᐊᖅᑎᒧᑦ ᐃᑲᔫᑎᒃᓴᓂᒃ ᐱᓕᕆᐊᑎᒍᑦ ᐃᓄᒻᒪᕆᖕᓄᑦ ᐃᓕᓴᖅᑎᓄᑦ

(ᔮᓐᓄᐃᕆ 5, 2018 –ᐃᖃᓗᐃᑦ, ᓄᓇᕗᑦ ᓄᓇᕗᑦ ᑐᓐᖓᕕᑦ ᑎᒥᖓᑦᑕ ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᖁᕕᐊᓲᑎᖃᖅᑐᑦ ᐅᖃᕆᐊᒃᓴᖅ ᓴᖅᑭᑦᑎᓂᕐᒥᑦ ᐅᑯᐊ ᓄᑖᑦ ᐃᓕᓐᓂᐊᖅᑎᓄᑦ ᐃᑲᔫᑎᒃᓴᓂᒃ ᐱᓕᕆᐊᑎᒍᑦ ᐱᒋᐊᕐᒪᑕ ᐅᓪᓗᒥ, ᐱᒋᐊᖅᑐᑦ ᐊᑐᕐᓂᐊ ᐅᓪᓗᒥ ᔮᓐᓄᐃᕆ 4, 2018, ᑕᒪᐅᓇ ᒫᓐᓇᓵᖅ ᐊᖅᑭᒃᑕᐅᓚᐅᖅᑐᑦ ᒪᑭᑎᑕᐅᓗᑎᒃ ᓄᓇᕗᑦ ᑐᓐᖓᕕᒃ ᐃᑲᔫᓯᐊᒃᓴᓕᕆᔨᖏᑦᑎᒍᑦ (NTF).

 

ᓄᓇᕗᑦ ᑐᓐᖓᕕᒃ ᐃᑲᔫᓯᐊᒃᓴᓕᕆᔨᑦ ᐱᓚᐅᕐᒪᑕ ᐊᒥᐊᒃᑯᖏᓐᓂᒃ ᐃᓕᓐᓂᐊᕆᐊᖅᐸᓚᐅᖅᓯᒪᔪᓄᑦ ᐊᑭᓕᐅᑎᒃᓴᐅᓚᐅᖅᓯᒪᔪᓂᒃ ᓴᓂᕐᕙᖅᑕᐅᓯᒪᔪᑦ ᐅᓄᕐᓂᖏᑦ ᐊᖏᓂᖏᑦ ᑮᓇᐅᔭᐃᑦ ᑭᖑᓂᐊᒍᑦ ᐊᑭᓕᐅᑕᐅᓚᐅᖅᑐᑦ ᐱᓚᐅᖅᑎᓪᓗᒋᑦ ᑕᐃᒃᑯᓄᖓ ᐱᔪᓐᓇᖅᑎᑕᐅᓚᐅᖅᑐᓄᑦ ᐃᓕᓐᓂᐊᕆᐊᖅᐸᓚᐅᖅᓯᒪᔪᓄᑦ ᒪᓕᒃᖢᒋᑦ ᐃᓕᓐᓂᐊᕆᐊᖅᐸᓚᐅᖅᓯᒪᔪᓄᑦ ᐋᖅᑭᖃᑎᒌᓚᐅᖅᓯᒪᑎᓪᓗᒋᑦ ᐊᖏᕈᑎᒃᑯᑦ.

 

ᑎᑭᐅᑎᓪᓗᒋᑦ 200 ᐃᓄᐃᑦ ᐱᔪᓐᓇᖅᑎᑕᐅᓂᐊᖅᑐᑦ ᐆᒃᑐᖅᑎᑕᐅᓂᒃᑯᑦ ᐅᓄᕐᓂᖃᕐᓗᑎᒃ ᐊᖏᓂᖃᕐᓗᑎᒃ $1250 ᖁᑦᑎᖕᓂᖅᓴᓄᑦ ᐃᓕᓐᓂᐊᕐᕕᓄᑦ ᐃᓕᓐᓂᐊᖅᑐᓄᑦ ᐃᑲᔫᑎᒃᓴᑦ ᐱᒋᐊᕐᓗᑎᒃ ᔮᓐᓄᐃᕆ 4, 2018, ᐃᓱᓕᕝᕕᖃᕐᓗᓂ ᔮᓐᓄᐃᕆ 31, 2018 5-ᒨᖅᐸᑦ ᖁᓐᓄᑦᓴᑦᑐᖅ. ᑐᖏᓕᐊᓂ ᐅᑯᐊ ᖁᑦᑎᖕᓂᖅᓴᓄᑦ ᐃᓕᓐᓂᐊᕐᕕᑦ ᐃᓕᓐᓂᐊᖅᑎᓄᑦ ᐃᑲᔫᑎᒃᓴᑦ ᐅᒃᑯᐃᕐᓂᐊᖅᑐᑦ ᓱᓕ ᔪᓚᐃ 2018, ᐊᒻᒪᓗ ᐅᓄᕐᓯᒋᐊᕐᓗᒋᑦ ᐊᖏᒃᓕᒋᐊᕐᓗᒋᑦ ᐊᖏᓂᖏᑦ ᐅᕗᖓ $2500 ᐊᑐᓂᑦ ᐃᓕᓴᖅᑎᒧᑦ ᐊᑎᓕᐅᖃᑕᐅᓯᒪᔪᓄᓪᓗ ᐅᑯᓄᖓ ᖁᑦᑎᖕᓂᖅᓴᓄᑦ ᐃᓕᓐᓂᐊᕐᕕᓄᑦ ᐃᓕᓐᓂᐊᖅᑎᓪᒋᑦ ᐅᕝᕙᓗ ᐃᓕᓐᓂᐊᖅᑐᑦ ᐊᖅᑭᒃᑕᐅᓯᒪᔪᒃᑯᑦ.

 

ᓱᓕᒃᑲᓐᓂᖅ ᐱᓕᕆᐊᑦ ᐊᖅᑭᒃᑕᐅᓯᒪᔪᑦ ᐃᓕᓴᕐᕕᒃ ᐊᑐᖅᑕᐅᔪᓐᓇᕐᓂᐊᖅᑐᑦ ᑭᖑᓂᐊᖑᑦ ᐅᐱᓐᖔᒥ ᐊᒻᒪᓗ ᐅᑭᐊᒃᓵᖓᓂ 2018. ᑕᑕᑎᕈᑎᑦ ᐱᔭᐅᔪᓐᓇᖅᑐᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐃᑭᐊᕿᔾᔪᑎᖏᓐᓂ ᐅᕙᓕ, https://www.tunngavik.com/blog/publication_categories/nunavut-tunngavik-foundation/ , ᐅᕝᕙᓘᓐᓃᑦ ᓄᓇᑦᓯᓐᓂ ᑐᓴᐅᒪᑎᑦᑎᔨᒥᑦ ᑐᑦᑕᕐᕕᐅᓪᓗᓂ ᑲᒪᔨᒥᑦ. ᑐᓕ ᑐᑭᓯᒃᑲᓐᓂᕈᒪᒍᕕᑦ, ᐊᑏ ᐅᖃᓗᒃᕕᒋᓯᐅᒃ ᓲᓴᓐ ᐃᓄᐊᕋᖅ, ᐊᖓᔪᖃᐅᑎᐅᓂᖅᓴᐅᓪᓗᓂ ᑲᒪᔨ ᑕᒪᑦᓱᒧᖓ ᐱᓕᕆᐊᓄᑦ ᐅᑯᕗᖓ ᐅᖄᓚᓗᑎᒃ 867-645-5400  ᐅᕝᕙᓘᓐᓃᑦ ᐅᕗᖓ ᐊᑭᖃᖏᑦᑐᒃᑯᑦ 1-888-236-5400

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: