Pivalialigiyit Havakviit

Nunavut Tunngavikkut Timingat Ikayuqtuiyut Nattirnik Aannuraalingnik Piksaliuqtit Ingilrayut

Nunavut Tunngavikkut Timingat Angayuqqaap Tuklia James Eetoolook ikayuinnaqturiyait taapkua nattirnik aannuraaqaqhutik piksaliuqtut aklivalliayut Nunavunmi, Kanatami nunaqyuaptingnilu.

Inmikkut piksaliuqtut nattirnik aannuraaqaqhutik qaritauyakkuurutikkut.  Qaritauyakkut ingilrayut ikayurahuaqhugit ilittuqhitinahuaqtut Nunavunmi aulaghaaqtughat naklighaaqtitailiplutiklu nattiqhiuqrniqmik.  Piksaliuqtut ingilrayut aullaqtitauyut Ellen DeGeneres piksaliuqhimayaanik takupkaqtittigami Oscars-nit manighiuqtaillu piksautaanit aittuqhugit Naklighaaqtittailiyut Katimayiinut.  DeGeneres taapkualu Naklighaaqtittailiyut Katimayiit ihuiguhuutiqaqtut nattiqhiuqtunik.

“Hapkua ilittuqhautauvut manikpaallait inuit katimaqatigiillu ihuinaaqhutik ilittuqhitivaktut inuuhiptingnik.  Qauhimannginnamik mamianaqpiaqtuq.  Nattiit Kanatami naklighaaqtittailiplugit nattiqtauvaktut, imaalu ihuinaaqhutik ilittuqhitiyut inungnik iqqutjiyut,” uqaqtuq Eetoolook.  “NTI-kut ikayuqtuinnaqtait taapkua piksaliuqtit aannuraaqhimayunik nattirnik aullapkaivallialugit ilihailugit inuit qanurininganiinik nattiqhiuqtut.”

Ikayuqhugit piksaliuqtit ingilrayut, NTI-kut aullapkainiaqtut inmikkut piksaliuqvingnik itiqtarvianit Igluvut Havakvianit NTI-kut havakvianit Iqalungni April 10-mi 10-mit uplaakkut 4-mut upluummaat.  Inuit tamangnik qaitquyauyut aannuraaqaqhutik nattirnik.  NTI-kut piksaliurahuat takupkaqtittilugit  Facebook-mi Twitter-milu.

NTI-kut parnaiyaiyut piksaliuqvighanik inmikkut Iqalungni.  Inuit tamangnik qaitquyauyut Quahiyarvingmi April 11-mi 3-munngaqqat, Toonik Tyme angmaqtautinnagu.  NTI-kut piksaliuqpangniat takupkaqtittilugit Facebook-mi Twitter-milu.

Hivunikhivigenagealik:
Nunavut Tunngaviup Timinga
Hivayautaa:
Hivayaut akiittuq: