ᓴᒃᑯᑕᐅᑲᐅᑎᒋᔭᕆᐊᓕᒃ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ (NTI) ᓂᕈᐊᕕᒡᔪᐊᖅᑎᑦᑎᓛᖅᑐᑦ ᐊᖓᔪᖅᑳᒃᓴᒥᒃ ᑎᓯᐱᕆ 9, 2024−ᒥ.
ᓂᕈᐊᕈᓐᓇᖅᑐᑦ ᐃᓄᒻᒪᕇᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᓄᑦ ᐅᑭᐅᓖᑦ 16-ᓂᑦ ᐅᖓᑖᓄᓪᓘᓐᓃᑦ ᑎᓯᐱᕆ 9, 2024−ᖑᓕᖅᐸᑦ.
ᓂᕈᐊᒐᒃᓴᙳᖅᑎᑦᑎᓂᖅ ᒪᒃᐱᓛᖅᑐᖅ ᓇᒡᒐᔾᔭ, ᐅᑐᐱᕆ 28, 2024 ᒪᑐᓛᖅᖢᓂᓗ ᐅᓪᓗᑐᐃᓐᓇᖅ, ᓄᕕᐱᕆ 1, 2024.
ᓂᕈᐊᒐᒃᓴᙳᖅᑎᑦᑎᔾᔪᑏᑦ ᐱᔭᒃᓴᐅᓂᐊᖅᐳᑦ ᐅᑎᖅᑐᓕᕆᔨᒻᒪᕆᖕᒥᑦ
ᑎᑎᕋᖅᑎ (CRO), ᒫᓂᑲ ᐃᐅᓪ−ᑲᓇᔪᖅ, ᓄᓇᓕᖕᓂ ᑐᓴᐅᒪᑎᑦᑎᔨ (CLO), ᐊᔮᔭ ᑐᓴᐅᒪᑎᑦᑎᔨᒃᑯᑦ (ᑎᑎᕋᕐᕕᖓ) ᐅᑐᐱᕆ 28, 2024 9:00-ᒥ ᐅᓪᓛᒃᑯᑦ ᐱᕙᓪᓕᐊᔪᓕᕆᔨᑦ ᐃᖏᕐᕋᔪᓕᕆᔨᒃᑯᓪᓗ, ᐅᕝᕙᓘᓐᓃᑦ ᓄᓇᕗᑦ ᑐᙵᕕᒃᑯᑦ ᐃᑭᐊᖅᑭᕕᖓ ᐅᑐᐱᕆ 28, 2024-ᒥ ᐱᒋᐊᕐᓗᓂ 12:00-ᒥ ᐅᓐᓄᐊᒃᑯᑦ ᐅᓐᓄᐊᒃᑯᑦ ᐃᖏᕐᕋᓂᕆᖃᑦᑕᖅᑕᑦ ᒪᓕᒡᓗᒍ.
ᓂᕈᐊᒐᒃᓴᐅᔪᒪᒍᕕᑦ, ᐱᕋᔭᒃᓯᒪᓂᑰᓂᕐᒧᑦ ᖃᐅᔨᓴᖅᑕᐅᓂᖅ ᑕᖅᑮᑦ ᐱᖓᓱᑦ ᐃᓗᐊᓂ ᐱᓕᕆᐊᖑᔭᕆᐊᖃᓪᓚᕆᒃᐳᖅ. ᓂᕈᐊᒐᒃᓴᙳᑐᐃᓐᓇᕆᐊᓖᑦ ᑎᓕᐅᖅᑕᐅᕗᑦ ᑕᒪᑐᒥᖓ ᐱᓕᕆᓯᒋᐊᖁᔭᐅᓪᓗᑎᒃ ᐸᓖᓯᒃᑯᓐᓂ ᐃᕐᖐᓐᓇᖅ. ᓂᕈᐊᒐᒃᓴᙳᖅᑎᑦᑎᓂᕐᒧᑦ ᐊᓕᓚᔪᐃᑦ ᑐᖅᑯᖅᑕᐅᔭᕆᐊᖃᖅᐳᑦ CRO−ᑯᓐᓄᑦ ᓄᕕᐱᕆ 1, 2024−ᖑᓚᐅᙱᓐᓂᖓᓂ, 5−ᒧᐊᖅᐸᑦ ᐅᓐᓄᒃᓴᒃᑯᑦ ᓄᓇᓖᑦ ᖃᐅᔨᓴᐅᑎᖓ ᒪᓕᒡᓗᒍ.
ᓂᕈᐊᒐᒃᓴᑦ ᑲᒪᒋᔭᖃᕆᐊᓖᑦ ᓂᕈᐊᒐᒃᓴᙳᖅᑎᑦᑎᓂᖕᒧᑦ ᑎᑎᕋᕐᕕᒃᓴᐃᑦ ᑐᖅᑯᖅᑕᐅᒐᓗᐊᕆᐊᒃᓴᖏᓐᓂᑦ ᒪᓕᒃᖢᑎᒃ ᓄᓇᕗᑦ ᑐᙵᕕᒃᑯᑦ ᓂᕈᐊᖕᓂᖕᒧᑦ ᒪᓕᒋᐊᓕᖏᓐᓂᑦ ᐱᐅᓯᖏᓐᓂᒡᓗ ᑐᓂᔭᐅᓗᑎᒡᓗ ᐃᓱᓕᕝᕕᐊᒍᑦ. ᓂᕈᐊᒐᒃᓴᙳᖅᑎᑦᑎᓂᕐᒧᑦ ᐸᐃᑉᐹᑦ ᐱᔭᐅᙱᑉᐸᑕ ᐃᓱᓕᕝᕕᒃᓴᐅᑎᖓᓂ, ᓂᕈᐊᒐᒃᓴᐅᓇᓱᒃᑐᑦ ᓂᕈᐊᒐᒃᓴᐅᔪᓐᓇᔾᔮᙱᑦᑐᖅ ᓄᓇᕗᑦ ᑐᙵᕕᒃᑯᑦ ᓂᕈᐊᕕᒡᔪᐊᕐᓇᖓᓂ.
ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᖃᐅᔨᒋᐊᕐᕕᒋᒍ:
ᓂᕈᐊᖅᑐᓕᕆᔨᒻᒪᕆᒃ (CRO)
ᒫᓂᑲ ᐃᐅᓪ ᑲᓇᔪᖅ
ᐅᖄᓚᐅᑎ: 867-222-3519
CRO−ᑯᑦ ᑎᑎᕋᕐᕕᐊ
ᔭᐃᓴᓐ ᕌᐳᑦᔅ
ᐅᖄᓚᐅᑎ: 867-222-2487
