Kilamik Tohaktitjutighak
Iqaluit, Nunavut (June 8, 2026) — Nunavut Tunngavik Timingat (NTI-kut) koviahuktot tohaktitiyomavlutik tapkuninga Nunavunmi Inuit Hila Allangukpaliatitlugu Parnaiyaotaatnik (NICAP) aniktaohimaliktok tahapkunanga NTI-kut Katimayiitnin. Una angikutaat tahaffuminga NICAP aolakutigiyat una hivunikpanguvlugit Inuit-hivulikhutjuk hila allangukpalianinganik havagiyaoyughak Nunavunmiut ihomagivlutjuk tatvalu hatkitjutaoniaktok havagiyaovaliayughanik kiotjutigilutjuk tahapkua ikpingnaghivaliayot hila allangukpaliatitlugo tahapkunani Inuit nunaliitni.
Tahapkua inukhiit takkughautitlugit Inuinait humilikak Nunavunmi, tahapkua NICAP katighutaoyut ikkayotaovlutik hivuliotiyagiakaktunik, ihomagiyaoloaktonik, tatvalu nigiogiyaoyunik hila pitjutigilugo havagiyaoyoghanik. Hivunighitjutigiyagiakaktat hapkua NTI-kut hivuliktiit, ikkayoktigiktot, tatvalu maligaliokhimayonik havakaktot hila pitjutigilugo, ihomagiyagiakaktat tatva hapkua Inuit ihomagiyait huli ataniktutaoyagiakaktot ihomaliokutaolutik.
Tahamna NICAP havagiyaohimayok pikatigivlugit hapkua Nunavunmi Inuit nunaliitni ikkayoktigivlugit tahapkua Aviktoghimayoni Inuit Katuyikatigit. Hatkitjutaohimayot tahapkua tamatkiomayonik Inuit hivuliktaitnik havagiyaoyonik hivunighitjutighanik tahapkuninga kiotjutaohimayonik ikpigiyaovaliayonik hila alangukpaliatitlugo humilikak Nunavunmi.
Tahapkua Parnaiyaotait ihomagiyaoyut hitamat hivuliotiyomavlugit naunaiyakhimayait hapkua Inuit:
· Iliitkuhiktotit, Ukhauhiit, Nunaliit tatvalu Angilgakvigiyait
· Anniaktailitjutit tatvalu Innutiakutit
· Avatilikinikut Munagitjutighat
“Hilap alangukpalianinga ikpigiyaovaliayok nunaliitni ublumi. Una parnaiyaotighak naunaipkutaoyok hapkua Inuit unnikhiotigihimayaitnik hapkuninga hivuliotitkuyaitnik, ihomalutaitnik, tatvalu nigiogiyaitnik hivunighami. Tahapkua tungavioyut Inuit kaoyimayaitnik tatvalu iliitkuhiitnik, tatvalu, naunaitiakhimayonik hivunighitjutigiyagiakaktavut havagilugit.” Gloria Uluqsi, Angayokanguhaak, Nunavut Tunngavik Timingat.
Una Parnaiyaotat huli illaliotihimayat tahapkua ihaughautighat havaghaitnik ikkayotighanik hivuliotilugit tahapkua Inuit hivuliktait hilap mighagot havagiyaoyoghat. Tahamna havagiyaoniaktok huli ihuaghaktaohimaakniaktok ikkayokatigiklutik tahapkua NTI-kut havakvigiyait tatvalu hapkua pikataoyot Aviktoghimayoni Inuit Katuyikatigit tahamna ihuaghaotighat havagilikatjuk.
Tatkikhiotit kaiyuni, NTI-kut havakatiginiaktait tahapkua Aviktoghimayoni Inuit Katuyikatigit, Inuit Timigiyait, Kavamatkut, ikkayoktigiyaitlo hivuliotinahuaklugit hapkua havaghat naunaiyakhimayot tatvani Parnaiyaotini ikkayogahuaklugitlo Inuit havagiyait hilap alangukpalianinganik mighagot humililak Nunavunmi.
Tohakvighak:
Annie Thomlinson
Ataniat, NTI-kut Tohaktitilikiyiit
