ᑐᓴᕋᑦᓴᓕᕆᔩᑦ

ᓄᓇᕗᑦ ᑐᙵᕕᒃ ᑎᒥᖓ ᑐᓴᖅᑎᑦᑎᕗᑦ ᖃᒧᑕᐃᔭᕐᓂᑦ ᐊᒻᒪᓗ ᐱᓲᑎᓂᑦ ᓵᓚᖃᐅᓯᐊᒃᓴᓂᑦ ᐊᒧᓯᔪᖃᓛᕐᒪᑦ ᐊᑎᕐᓂᑦ ᑕᒪᐃᓐᓂ ᓄᓇᕗᒻᒥ ᓄᓇᓕᖏᖕᓂ ᐊᒧᓯᔪᖃᖃᑦᑕᕐᓗᓂ

ᓴᒃᑯᑕᐅᑲᐅᑎᒋᔭᕆᐊᓕᒃ

(ᔪᓚᐃ 22, 2024 – ᐃᖃᓗᐃᑦ, ᓄᓇᕗᑦ) ᓇᓪᓕᐅᓂᖅᓯᐅᕈᑎᒋᓪᓗᒍ ᓄᓇᕗᑦ ᐅᓪᓗᖓ, ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓱᑦᑐᑦ ᑐᓴᖅᑎᑦᑎᔭᕆᐊᒃᓴᖅ ᓄᓇᕗᓕᒫᕐᒥ ᖃᒧᑕᐅᔭᓂᑦ ᐊᒻᒪᓗ ᐱᓲᑎᓂᑦ ᐊᒧᓯᓛᕐᒪᑕ ᓄᓇᕗᒻᒥᐅᑦ ᐃᓄᒻᒪᕆᖏᖕᓄᑦ, ᐊᒻᒪᓗ ᑲᔪᖏᖅᓴᐃᕗᑦ ᐊᑎᓕᐅᖅᑕᐅᖃᑕᐅᓯᒪᔪᓂᑦ ᓄᑖᕈᕆᐊᖅᑎᓪᓗᓂᒋᑦ ᐊᑎᓕᐅᖅᓯᒪᓂᖏᑦᑕ ᑐᑭᓯᒋᐊᕈᑎᖏᖕᓂᒃ ᖃᐅᔨᒪᓇᑦᑎᐊᖁᓪᓗᒍ ᐱᑦᑎᐊᖅᓯᒪᔪᑦ ᑐᑭᓯᒋᐊᕈᑎᖏᑦ ᐱᖃᓯᐅᔾᔭᐅᒐᓗᐊᕐᒪᖔᑕ ᐊᒧᔭᐅᔾᔪᑎᒃᓴᓄᑦ.

ᐃᓄᒻᒪᕇᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᓄᑦ ᓵᓚᒃᓴᕈᓐᓇᕐᓂᐊᖅᑐᑦ 2024 ᐃᒃᔅᐸᑎᓴᓐ ᔅᐳᐊᑦ 900 ᐊᐃᔅ LE ᖃᒧᑕᐅᔭᖅ, ᐅᕝᕙᓘᓐᓃᑦ 2024 ᐊᐅᑦᓛᓐᑐᕐ DPS 500CC ᐱᓲᑎ, ᓵᓚᒃᓴᖅᑐᖃᕐᓗᓂ ᐊᑐᓂ ᓄᓇᕗᒻᒥ ᓄᓇᓕᖓᓂ. ᐊᒧᔭᐅᓛᖅᑐᑦ ᓄᓇᕐᔪᐊᕐᒥ ᓄᓇᖃᖅᑳᖅᓯᒪᔪᑦ ᐅᓪᓗᖓᓂ, ᐋᒡᒌᓯ 9, 2024−ᒥ, ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓ ᓇᓗᓇᐃᖅᓯᓛᖅᑐᑦ ᐊᒻᒪᓗ ᑐᓴᖅᑎᑦᑎᓗᑎᑦ ᓵᓚᖃᖅᑐᑦ ᑭᒃᑰᒻᒪᖔᑖ ᓇᒡᒐᔾᔭᐅᒥ, ᐋᒡᒌᓯ 12th−ᖑᓕᖅᐸᑦ.

ᐊᒧᔭᐅᒐᓱᐊᖁᓪᓗᑎᑦ ᐊᑎᓕᐅᖅᓯᒪᔭᕆᐊᖃᖅᑐᑎᑦ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᓄᑦ ᐊᒻᒪᓗ ᓄᓇᓕᒻᒥᐅᑕᐅᓗᑎᑦ ᐊᑏᑦ ᐊᒧᔭᐅᕝᕕᒃᓴᖓᓄᑦ (ᐃᓕᓐᓂᐊᖅᑏᑦ ᑕᐃᒪᐃᒋᐊᑐᙱᑦᑐᑦ ᐃᓕᓐᓂᐊᕆᐊᖅᓯᒪᒻᒪᑕ, ᐅᕝᕙᓘᓐᓃᑦ ᐊᑯᓂᐅᔪᒧᑦ ᐋᓐᓂᐊᕐᕕᓕᐊᖅᓯᒪᔪᑦ). ᐊᑎᓕᐅᖅᑕᐅᖃᑕᐅᓯᒪᔪᖅ ᓄᓇᕗᑦ ᓯᓚᑖᓂᕐᒥᐅᑕᐅᒍᓂ ᐊᑎᖓᓗ ᐊᒧᔭᐅᒍᓂ, ᐱᒐᔭᖅᑐᖅ $5,000 ᑮᓇᐅᔭᓂᑦ ᓵᓚᖃᐅᓯᐊᕐᒥ ᐊᒻᒪᓗ ᐊᓯᐊᓂᒃ ᐊᒧᓯᔪᖃᕐᒥᓗᓂ ᖃᒧᑕᐅᔮᓐᓄᒃ ᐱᓲᑎᓄᓪᓘᓐᓃᑦ.

, ᐅᖄᓚᓗᑎᓪᓘᓐᓃᑦ ᐅᕗᖓ (867) 645-5400, ᐅᕝᕙᓘᓐᓃᑦ ᐊᑭᖃᙱᑦᑐᒧᑦ ᐅᕗᖓ 1-888-236-5400.

-30-

ᐱᕙᓪᓕᐊᔪᓕᕆᔨᒃᑯᑦ ᖃᐅᔨᒋᐊᕈᓐᓇᖅᑐᑦ:
ᐃᕙᓗᐊᕐᔪᒃ ᒥᐅᕆᑦ
ᑐᑭᒧᐊᑦᑎᑦᑎᔨ ᑐᓴᐅᒪᑎᑦᑎᓂᕐᒧᑦ
ᓄᓇᕗᑦ ᑐᙵᕕᒃ ᑎᒥᖓ

Download (PDF, 90KB)