ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᑦ ᑎᒥᖓᑦ ᐅᖃᖅᐳᑦ ᓴᖅᑭᑎᑦᑎᓂᕐᒥᑦ ᐃᖅᑲᐅᒪᔾᔪᑎᒃᓴᒥᑦ ᒪᑭᑕᔪᒥᑦ ᐅᑯᓄᖓ ᐃᖃᐅᒪᓂᐅᓂᐊᖅᑐᒥᑦ ᖁᑦᑎᒃᑐᒧᑦ ᐅᑭᐅᖅᑕᖅᑐᒥᑦ ᓅᑎᑕᐅᓚᐅᖅᓯᒪᔪᓄᑦ

(ᐊᐃᐳᕆ 14, 2009 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃ ᑎᒥᖓᑦᑕ  ᓯᕗᓪᓕᖅ ᐊᖓᔪᖅᑳᑉ ᑐᖏᓕᐊ ᔭᐃᒪᓯ ᐃᑦᑐᓗᒃ ᐅᑉᓗᒥ ᐅᖃᖅᑐᖅ ᓴᖅᑭᑦᑎᓂᒃᑯᑦ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦ ᑎᓕᓯᔪᑦ ᓴᖅᑭᑦᑎᓂᕐᒥᑦ ᒪᕐᕉᖕᓂᒃ ᐃᖅᑲᐅᒪᔾᔪᑎᐅᓂᐊᒻᑑᖕᓂᒃ – ᐊᑕᐅᓯᖅ ᖃᐅᓱᐃᑦᑐᒥᑦ ᐊᒻᒪᓗ ᐊᑕᐅᓯᖅ ᐊᐅᔪᐃᑦᑐᒥ – ᐃᖅᑲᐅᒪᔾᔪᑕᐅᓂᐊᖅᑐᓂᒃ ᒪᑭᑎᓯᒪᓗᒋᑦ ᐊᒃᓱᕉᑕᐅᓚᖅᑐᓂᒃ ᐅᑯᓄᖓ ᐃᓄᖕᓄᑦ ᓅᑎᑕᐅᓚᐅᖅᓯᒪᔪᓄᑦ ᓄᓇᓖ’ᓄᑦ 1953 ᐊᒻᒪ 1955-ᒥ.

ᒪᕐᕉᒃ ᓄᓇᕗᒥ ᓯᕗᓕᖅᑎᒻᒪᕇᐅᓪᓗᑎᒃ ᓴᓇᓐᖑᐊᖅᑏᒃ ᑎᓕᔭᐅᓚᐅᖅᑑᒃ ᓴᖅᑭᑦᑎᓂᐊᕐᓗᑎᒃ ᑖᒃᑯ’ᓂᖓ ᐃᖅᑲᐅᒪᔾᔪᑎᒃᓵᖕᓂᒃ ᒪᑭᑎᑕᐅᓗᑎᒃ: ᓯᒥᐅᓂ ᐊᒪᕈᐊᓕᒃ ᖃᐅᓱᐃᑦᑐᒥᐅᑕᖅ ᐊᒻᒪᓗ ᓅᑎ ᐱᔾᔭᒥᓂᖅ ᐊᐅᔪᐅᑦᑐᒥᐅᑕᖅ. ᓴᖅᑭᑎᑕᐅᓂᐊᖅᑐᖅ ᒪᒃᐱᖅᓯᓗᑎᒃ ᐅᑉᓗᖃᕐᓂᐊᖅᑐᖅ ᓯᑎᐱᕆ 5, 2009-ᒥ (ᖃᐅᓱᐃᑦᑐᒥᑦ) ᐊᒻᒪᓗ ᓯᑎᐱᕆ 6, 2009 (ᐊᐅᔪᐃᑦᑐᒥ).

ᖁᑦᑎᒃᑑᑉ ᐅᑭᐅᖅᑕᖅᑐᐊᓄᑦ ᓅᑎᑕᐅᓂᑯᓄᑦ ᐃᖅᑲᐅᒪᔾᔪᑎᒃᓴᓕᕆᓂᕐᒧᑦ ᑲᑎᒪᔨᐊᓛᑦ, ᐅᑯᐊᖑᔪᑦ ᐃᓚᖏᑦ ᐱᒻᒪᕆᐊᓗᐃᑦ ᓂᐱᖃᕐᓂᕐᒧᑦ ᑯᑦᑎᒃᑐᒥᐅᑕᓄᑦ ᐅᑭᐅᖅᑕᖅᑐᒥ ᓅᑕᑎᑕᐅᓚᐅᖅᓯᒪᔪᓕᕆᓂᕐᒧᑦ ᐱᔾᔪᑎᓂᒃ, ᓴᖅᑭᑎᑕᐅᓚᐅᖅᑐᑦ ᐅᑯᓄᖓ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᐊᐃᐳᕆ 2008-ᒥ. ᑕᐃᒪᖓᓂᑦ, ᐱᓕᕆᐊᖃᖅᓯᒪᔪᑦ ᑲᑐᔾᔨᓪᓗᑎᒃ ᐱᐊᓂᒐᓱᒃᖢᒋᑦ 6 (ᐊᕐᕕᓂᓖᑦ) ᑐᕌᖅᑕᐅᔪᒪᔪᑦ:

  • .ᐃᖅᑲᐅᒪᓗᒋᑦ ᐃᓄᐃᑦ ᐊᒃᓱᕈᓚᐅᖅᑐᑦ ᐊᒃᓱᐊᓗᒃ ᐱᒋᐊᓚᐅᖅᓯᒪᑎᓪᓗᒋᑦ ᒐᕙᒪᒃᑯᑦ ᓅᑦᑎᕆᓂᕐᒥᑦ 1953 ᐊᒻᒪᓗ 1955-ᒥ.
  • ᓴᖅᑭᑎᒃᑲᓐᓂᕐᓗᒍ ᐊᒻᒪᓗ ᓴᐳᑎᓗᒍ ᑕᒪᓐᓇ ᐱᓂᐅᔪᖅ ᓄᓇᕗᑦ ᐃᖅᑲᐅᒪᓂᒃᓴᖏᓐᓄᑦ ᓴᖅᑭᑦᑎᓂᒃᑯᑦ ᑖᒃᑯᐊᒃ ᒪᕐᕉᒃ ᑕᐃᒪᓐᖓᓕᒫᖅ ᐃᖅᑲᐅᒪᔾᔪᑎᐅᓂᐊᕐᓗᑎᒃ ᒪᑭᑎᑕᐅᓯᒪᔪᒃᑯᑦ.
  • ᐃᓚᐅᑎᓪᓗᒋᒃ ᓄᓇᓖᒃ ᖃᐅᓱᐃᑦᑐᖅ ᐊᒻᒪᓗ ᐊᐅᔪᐃᑦᑐᖅ ᓴᖅᑭᑎᑕᐅᕙᓪᓕᐊᓂᐊᓂᒃ ᐃᖅᑲᐅᒪᔾᔪᑎᒃᓵᑦ ᒪᑭᑎᑕᐅᕙᓪᓕᐊᔫᒃ, ᒪᑐᐃᖅᓯᓂᐅᔪᒥ ᐱᕕᒃᔪᐊᖅᑎᓪᓗᒋᑦ, ᓂᕆᕕᒃᔪᐊᖅᑎᑦᑎᓂᕐᒥᑦ, ᐊᒻᒪᓗ ᑐᓂᓯᓂᖏᓐᓂᒃ ᐅᖃᐅᓯᒃᑯᑦ ᐊᑐᓂᑦ ᓄᓇᓖᒃ.
  • ᓴᖅᑭᑦᑎᓗᑎᒃ ᑲᓇᑕᓕᒫᒥ ᐊᒻᒪᓗ ᓯᓚᕐᔪᐊᓕᒫᒥ ᐃᓄᖏᓐᓄᑦ ᓴᖅᑭᑎᑕᐅᓗᑎᒃ ᑐᓴᒐᒃᓴᓕᕆᔨᑎᒍᑦ ᒫᓐᓇ ᐱᕙᓪᓕᐊᓂᖃᓂᒃ ᓄᓇᕗᒥ ᐃᖅᑲᐅᒪᔾᔪᑎᒃᓴᓄᑦ ᓯᕗᒻᒧᑦ.
  • ᓴᖅᑭᑦᑎᓗᑎᒃ ᑲᑎᒪᔨᐊᓛᓂᒃ ᐊᑐᕈᓐᓇᕐᓂᐊᖅᑐᓂᒃ ᑕᒪᑦᓱᒧᖓ ᐱᓕᕆᐊᒧᑦ ᐊᑉᓗᕆᐊᕈᑕᐅᓂᐊᓄᑦ ᐋᖅᑭᒃᓱᕈᑕᐅᖃᑦᑕᓚᖓᔪᓂᒃ ᐊᕐᕌᒍᑕᒫᑦ ᐅᑉᓗ ᐃᖅᑲᐅᒪᓂᕐᒧᑦ ᑕᐃᒃᑯᓄᖓ ᐃᓄᖕᓄᑦ ᐊᒃᓱᕈᐊᓛᓇᐅᖅᓯᒪᔪᓄᑦ ᓅᑎᑕᐅᓚᐅᖅᓯᒪᓂᖏᓐᓄᑦ ᑕᒃᐸᐅᖓ.
  • ᑕᑯᑎᓪᓗᒋᑦ ᓯᓚᕐᔪᐊᕐᒥᐅᑦ ᑲᓇᑕᐅᑉ ᑎᒍᓯᓯᒪᓂᐊ ᖁᑦᑎᒃᑐᒥᑦ ᐅᑭᐅᖅᑕᖅᑐᒥ ᐃᓕᔪᐊᓂ ᓱᓕ ᐃᓕᖓᓂᐊᓂᒃ ᓴᓐᖏᓂᖏᓐᓗᒃ ᐃᓕᖓᓂᖏᓐᓂᒃ ᑲᓇᑕᒥᐅᑕᑦ ᑲᔪᓯᓪᓗᑎᒃᓗ ᐃᓅᓗᑎᒃ ᐊᒻᒪᓗ ᐊᔪᖅᓴᓐᖏᓐᓂᖏᓐᓂᒃ ᐅᑭᐅᖅᑕᖅᑐᒥᐅᑕᐃᑦ ᖁᑦᑎᒃᑐᒥᑦ ᓄᓇᓖᑦ.
  • ᐱᐊᓇᐊᒻᒪᕆᒃᓗᑎᒃᓗ ᒪᒥᐊᔾᔪᑎᓂᒃ ᐅᑯᓇᓐᖓᑦ ᒐᕙᒪᒃᑯᓐᓂᒃ ᑲᓇᑕᒥ.

“ᑕᐃᑦᓱᒪᓂᒃ ‘ᑲᓇᑕᐅᑉ ᐊᐅᓚᑦᑎᔪᓐᓇᕐᓂᕐᒥᑦ ᓄᓇᖁᒋᓗᒍ’ ᐃᓱᒪᖏᓐᓂ ᐃᓕᖓᒪᑦ ᒐᕙᒪᓕᕆᔨᒃᑯᓐᓂ ᓯᓚᕐᔪᐊᒥᐅᑕᓂᓗ, ᑐᓴᒐᒃᓴᓕᕆᔨᒃᑯᑦ, ᐊᒻᒪᓗ ᐱᔫᒥᔪᑦ ᓇᖕᒥᓂᖃᕐᓂᕐᒧᑦ ᓯᕗᒻᒧᑦ ᓂᕆᐅᖕᓂᖃᕐᒪᑕ ᓯᖁᖃᓐᖏᑦᑐᒥᑦ ᑕᓪᓗᕈᑎᐅᑉ ᐃᒪᖓᑕ ᐊᖅᑯᑎᐅᓂᐊᓂ, ᐱᕕᖃᑦᑎᐊᖅᐳᒍᑦ ᒫᓐᓇ ᑕᒪᓐᓇ ᐱᔾᔪᑕᐅᔪᖅ ᐃᖅᑲᐃᑎᒍᑎᒋᓗᒍ: ᑕᒪᓐᓇ ᓄᓇ ᐱᒋᔭᐅᓂᐊᓂᒃ ᑲᓇᑕᒥᐅᑕᓄᑦ ᐱᔾᔪᑎᒋᓇᒍᓕ ᑎᑎᖅᑐᖅᑕᐅᓯᒪᓂᐊ ᑭᒡᓕᓕᐅᖅᓯᒪᓂᒃᑯᑦ ᓄᓇᓐᖑᐊᓂ, ᑭᓯᐊᓂᓕ ᐱᔾᔪᑎᒋᓪᓗᒋᑦ ᐃᓄᐃᑦ ᐊᒃᓱᕈᖅᓯᒪᔪᑦ ᓱᓇᓕᒫᑎᒍᑦ ᐃᓅᓇᓱᐊᕐᓂᕐᒥᑦ ᑕᒫᓂ “ᐅᖃᖅᑐᖅ ᐃᑦᑐᓗᒃ.

ᓄᓇᕗᑦ ᑐᓐᖓᕕᒃ ᑎᒥᖓᑦ ᑲᔪᓯᔪᖅ ᐅᑉᓗᒥᒧᑦ ᐃᓕᖓᕙᓪᓕᐊᔪᓂᒃ ᖃᕆᑕᐅᔭᑎᒍᑦ ᑕᑯᔭᒃᓴᓂᒃ ᓯᓚᕐᔪᐊᓕᒫᒧᑦ ᑕᑯᔭᐅᔪᓐᓇᖅᑐᓂᒃ ᐸᕐᓇᐅᑕᐅᔪᑦ ᐱᐊᓂᒃᑕᐅᕙᓪᓕᐊᑎᓪᓗᒋᑦ:

https://www.tunngavik.com/current-initiatives/arctic-exile-monument-project/

ᖃᕆᑕᐅᔭᒃᑯᑦ ᓯᓚᕐᔪᐊᓕᒫᒧᑦ ᐊᑕᔪᖅ

ᑐᑭᓯᒃᑲᓐᓂᕈᒪᒍᕕᑦ:

ᕗᕌᓐᑯ ᐳᓯᐊᒥ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ
ᓄᓇᕗᑦ ᑐᓐᖓᕕᒃ ᑎᒥᖓᑦ
ᐅᖄᓚᐅᑎᐊ: (867) 975-4939 ᑎᒍᒥᐊᒐᖓ ᐅᖄᓚᐅᑎᐊ: 867 222 1411
ᐊᑭᖃᓐᖏᑦᑐᖅ: 1-888-646-0006

www.tunngavik.com

NR 09-06 MON INUK Arctic Exile Monuments.doc