Pivalialigiyit Havakviit

NTI Tuaqtittiuq Nappaqtiqtauniaqtunik Nappaqutinik Itqaumaniarlugit Ukiuqtaqtumut Nuutauhimayut

(April 14, 2009Iqaluit, Nunavut) Nunavut Tunngaviup Angiyuqqap Tuglia James Eetoolook uplumi tuhaqtittiuq NTI nappaqtiquiliqtut malrungnik nappaqutikhangnik – atauhiq Auyuittumi aippattauq Qauyuittumi – itqaumaniarlugit naglikhaarutait Inuit nuutaugamik ukununga nunangnut 1953-mi 1955-milu.

Malruk NUnavunmiuk hivulliuqtiik hanaugarnirmi hanaquyauyuk ukuninga nappaqutikhangnik: Simeonie Amagoalik Qauyuitturmit Looty Pijimani Auyuittumit.

Hakyaiqtauniaqtuk Saptampa 5, 2009-mi (Qauyuittuq) Saptampa 6, 2009-mi (Auyuittuq).

Ukiuqtaqtumi Nuutauvakhimayunik Nappaqutikhaliriyut Katimayiralaani, ilauyut ilangit ikpingnaqqiat nipauyut Ukiuqtaqtumi Nuutauvakhimayutigut, katimayiralaannguqhimayut April 2008-ngutillugu. Talvangaanit, kavakpaktut tikiutiniaqhutik siksinut pitjutauyunut:

  • Itqaumaniarlugit Inuit naglikhaaqpiaqpaktut kavamatkut nuutiringmata 1953-mi 1955-milu.
  • Qulvaumatinnahuarlugu puiguqtaililugiklu ukua Nunavunmi taimanituqak nappaqtiqtauniitigut ukua nappaqtuikhak.
  • Ilauquplugik nunak Qauyuittuq Auyuitturlu nappaqtirinikkut nappaqtuikhangnik, hakyaihiunik nigipkailutik, uqaqtitauyuqarlutiglu atuni nunangni.
  • Kanatalimaamit nunaryuamillu tautuktuqaquplugu pivalliayuliriyit tuhaqtinariklugit haffuminga Nunavut taimanituqaanik.
  • Katimayiralaaqarluni aturniaqtumik haffuminga havaamik apqutigilugu ihuaqhainirmut ukiuq tamaat uplurmik itqaumatvikhamik Inungnik naglikhaaqpiaqtunik nuutiqtaunirmingnit.
  • Takupkaklugu nunaryuaq Kanataup nanminiqarnia Ukiuqtaqtumik huli hakugiktuq Kanatamiut huli inuuhimmaarmata ukiuqtaqturmiutqiyauyungni nunangni.
  • Pinahuarluni mamiahuunmik Kavamaganit Kanataup.

“Uplumi ‘Kanatamiut nanminiqarniat’ ihumagiyautillugu kavamauqatigiinit nunaryuami, pivalliayuliriyinit, angmaumayuqhiuqtullu pivalliayit niriuktunik hikuittumik Northwest Passage-mik, hadja ihuaqpiaqtuq tunihiyaami itqaumatjutikhamik; hamna nuna Kanataup nanminiriyaa nunauyat titigauyaqtauhimannginamta kihimi Inuit naglikhaaqpiaqhimangmata inuuhiqarniaqhutik hamani.” Uqaqtuq Eetoolook.

NTI-aip nutaannguqtikhimmaarniaraat una qaritauyakkuurvik parnaiyautitik iniqqata:

https://www.tunngavik.com/current-initiatives/arctic-exile-monument-project/

Ilitturiyumirumaguvit:

Franco Buscemi
Atanguyaq Tuhaqtittiyini
Nunavut Tunngaviup Timinga
Talafun: (867) 975-4939 Tigumiagaa: 867 222 1411
Akiittuq: 1-888-646-0006

www.tunngavik.com

NR 09-06 MON INUIN Arctic Exile Monuments.doc