ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᑉᓗᒥ ᐅᖃᖅᑐᖅ ᐱᒻᒪᕆᐊᓗᐃᑦ ᐃᓱᒫᓗᖕᓇᖅᑐᑦ ᑲᔪᓰᓐᓇᖅᑐᓂᑦ ᐃᓕᖅᑯᓯᖃᕐᓂᖕᖏᑦ ᑕᐅᑦᑐᖏᑦᑎᒍᑦ ᐊᑭᕋᖅᑐᐃᓂᕐᒥᑦ ᐅᕕᓂᖃᑎᒋᖏᑕᖏᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᖅᑕᖏᑦ ᐱᓗᐊᖅᑐᒥᑦ ᑐᕌᖅᓯᑎᓪᓗᒋᑦ ᐅᑯᓂᖓ ᐊᒻᒪᓗ ᐅᓄᖅᓯᕙᓪᓕᐊᑎᓪᓗᒋᑦ ᐊᒥᓱᖑᖅᐸᓪᓕᐊᔪᑦ ᐃᓄᐃᑦ ᐃᖅᑲᓇᐃᔭᖅᑐᑦ ᑖᒃᑯᓇᓂ ᖁᓪᓕᖅ ᖃᐅᒻᒪᖅᑯᓯᕆᔨᖏᓐᓂ ᑯᐊᐱᕇᓴᓐ.
ᑕᐃᒪᖓᓂ ᔫᓐ, 201, ᐃᒻᒪᖄ 7 ᐃᓄᐃᑦ ᖁᓪᓕᖅ ᖃᐅᒻᒪᖅᑯᓯᐱᔨᑦ ᑯᐊᐱᕇᓴᒃᑯᓐᓂ ᐃᖅᑲᓇᐃᔭᖅᑐᑦ ᐃᓕᓯᓯᒪᓕᖅᑐᑦ ᐅᑯᓄᖓ ᑲᑐᔾᔨᖃᑎᒌᖑᔪᓄᑦ ᐊᑲᖅᓴᖏᑦᑐᓄᑦ ᐱᓕᕆᕝᕕᐊᓐᓄᑦ ᐅᕝᕙᓘᓐᓃᑦ ᒪᓕᒐᒥᖕᓂᑦ ᒪᓕᖕᓇᑎᒃ ᓄᖅᑲᖅᑎᑦᑎᓂᐅᕙᒃᑐᑦ ᒥᒃᓵᓄᑦ ᐃᓕᓯᓯᒪᔪᑦ ᒪᓕᒐᑎᒍᑦ ᓵᑕᐅᓂᕐᒥᑦ ᐅᕝᕙᓘᓐᓃᑦ ᐅᖃᐅᓯᐅᓯᒪᔪᑦ ᐅᑯᓄᖓ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᐱᑦᑎᐊᖅᑕᐅᖏᓐᓂᕆᔭᖏᓐᓂᑦ ᐃᓄᐃᑦ ᐃᖅᑲᓇᐃᔭᖅᑐᑦ ᑖᒃᑯᓄᖓ ᖁᓪᓕᖅ ᖃᐅᒻᒪᖅᑯᓯᕆᔨᖏᓐᓄᑦ ᑯᐊᐱᕇᓴᑦ ᐊᐅᓚᑦᑎᔨᖏᓐᓄᑦ. ᓄᒫᓱᖕᓇᖅᑐᐊᓗᐃᑦ, ᓯᔭᐅᔪᑦ ᐅᑯᐊ ᐃᓄᐃᑦ ᐃᖅᑲᓇᐃᔭᖅᑎᑦ ᓱᐊᒃᑕᐅᓯᒪᓂᖏᓐᓂᑦ ᐱᒋᐊᖅᑕᐅᓯᒪᓪᓗᑎᒃ ᐃᒪᓐᓇ ᓴᖅᑭᑎᑦᑎᔪᕕᓂᐅᑎᓪᓗᒋᑦ ᐅᑯᓂᖓ ᓄᓇᕗᑦ ᓄᑖᕐᓂᕐᒧᑦ ᐊᖏᕈᑎᖏᓐᓂᑦ ᑎᑎᕋᖅᓯᒪᔪᑦ 23 ᐱᔾᔪᑎᒋᓪᓗᒍ ᒥᒃᓵᓄᑦ ᐱᔾᔪᑎᑦ ᐅᖃᐅᓯᐅᑎᓪᓗᒋᑦ, ᐃᓗᓕᖃᖅᑐᑦ ᐃᒪᓐᓇ ᐃᓕᖓᔪᓂᑦ ᐊᒃᑐᐊᔪᓂᑦ ᐅᑯᓄᖓ ᐱᔭᒃᓴᖏᓐᓄᑦ ᐅᑯᐊ ᒐᕙᒪᒃᑯᑦ ᓄᓇᕗᒻᒥ ᐊᒻᒪᓗ ᑎᒥᖁᑎᐊ ᓴᖅᑭᑎᖁᓪᓗᒋᑦ ᑭᒡᒐᖅᑐᐃᔪᒥᑦ ᐃᖅᑲᓇᐃᔭᕐᕕᖕᒥ.
“ᑖᒃᑯᐊ ᐅᖃᐅᓯᐅᔪᑦ ᓴᖅᑭᑎᑕᐅᓯᒪᔪᑦ ᐊᓯᖃᕐᒥᔪᑦ ᐱᓕᕆᐊᖑᓂᕐᒧᑦ ᐅᕝᕙᓘᓐᓃᑦ ᑲᔪᓯᔪᓂᑦ ᐱᒋᐊᖅᑕᐅᓂᕐᒧᑦ ᐊᑐᐊᖃᑎᒌᖏᒃᑲᓗᐊᖅᑎᓪᓗᒋᑦ ᓴᖅᑭᓯᒪᔪᑦ ᐱᑦᑎᐊᖅᑕᐅᖏᓐᓂᕐᒧᑦ. ᑕᒪᒃᑯᐊ ᓴᖅᑭᓯᒪᔪᑦ ᑕᑯᒃᓴᐅᑎᑦᑎᔪᑦ ᑲᔪᓯᔪᓂᑦ ᐃᓕᖓᔪᑦ ᑕᐃᒪᓐᓇ ᐊᑭᕋᖅᑐᐃᓂᕐᒥᑦ ᐅᕕᓂᖃᑎᒋᖏᑕᖏᓐᓂᑦ ᐃᓕᖓᔪᑦ ᐃᖅᑲᓇᐃᔭᕐᕕᖕᒥ ᐃᓚᖏᓐᓄᑦ ᐊᖓᔪᖃᐅᑎᐅᔪᑦ ᖁᓪᓕᖅ ᖃᐅᒻᒪᖅᑯᓯᕆᔨᑦ ᑯᐊᐱᕇᓴᓐ ᐊᐅᓚᑎᔨᖏᓐᓄᑦ ᐊᖓᔪᖅᑲᐅᓯᓂᑦ ᓵᓯᓯᒪᓪᓗᑎᒃ ᐃᓄᓂᖕᓂᑦ ᐃᖅᑲᓇᐃᔭᖅᑎᓂᑦ,” ᐅᖃᖅᑐᖅ ᑕᐅᑐᖏ. ᑐᙵᕕᒃᑯᑦ ᐊᐅᓪᓚᖅᑎᑦᑎᓯᒪᔪᑦ ᑎᑎᖅᑲᓂᑦ ᖁᓪᓕᖅ ᖃᐅᒻᒪᖅᑯᓯᕆᔨᑦ ᑯᐊᐱᕇᓴᑦ ᒥᓂᔅᑕ ᓗᐊᕋᓐ ᑯᓱᒐᕐᒧᑦ ᐊᒻᒪᓗ ᖁᓪᓕᖅ ᖃᐅᒻᒪᖅᑯᓯᕆᔨᑦ ᑯᐊᐱᕇᓴᓐ ᐊᖓᔪᖅᑳᖓᓐᓄᑦ ᐲᑕ ᒪᑭᐄᒧᑦ ᑐᒃᓯᕋᖅᖢᖓ ᑐᒃᓯᕋᐅᑎᓂᑦ ᑕᒪᓐᓇ ᐊᒃᑭᕋᖅᑐᐃᓂᖅ ᐅᕕᓂᖃᑎᒋᖏᑕᖏᓐᓂᑦ ᐊᑐᖅᑕᐅᔪᖅ ᐱᓕᕆᐊᖑᖁᓪᓗᒍ ᐊᒻᒪᓗ ᓄᓇᕗᒻ ᓄᓇᑖᕈᑎᓄᑦ ᐊᖏᕈᑎᑦ ᑎᑎᕋᖅᓯᒪᔪᐊᓂ 23 ᐃᓂᓪᓚᒃᑕᐅᖁᓪᓗᒍ ᐊᑐᓕᖅᑎᑕᐅᓂᐊᓄᑦ ᐊᒻᒪᓗ ᐅᐱᒋᔭᐅᓗᑎᒃᓗ ᖁᓪᓕᖅ ᖃᐅᒻᒪᖅᑯᓯᕆᔨᑦ ᑯᐊᐱᕇᓴᒃᑯᓐᓂ. ᑭᐅᔭᐅᑎᓪᓗ1 ᑎᑎᖅᑲᐃᑦ, ᒥᓂᔅᑕ ᑯᓱᒐᖅ ᐊᒻᒪᓗ ᒥᔅᑕ ᒪᑲᐄ ᓴᐳᑎᓯᒪᓚᐅᖅᑐᑦ ᖁᓪᓕᖅ ᖃᐅᒻᒪᖅᑯᓯᕆᔨᑦ ᑯᐊᐱᕇᓴᓐ-ᒥ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᖅᐸᒃᑕᖏᓐᓂᑦ, ᒥᓯᐊᖅᖢᑎᒃ ᐊᑭᕋᖅᑐᐃᖏᓐᓂᕐᒥᑦ ᐃᓄᖕᓂᑦ ᐊᒻᒪᓗ ᐊᐅᓚᑦᑎᓂᕋᖅᖢᑎᒃ ᑕᒪᒃᑯᐊ ᐃᖅᑲᓇᐃᔭᖅᑎᓂᑦ ᐊᖅᑭᓯᒋᐊᕐᓂᐅᕙᒃᑐᑦ ᐃᓗᐊᓂᒎᖅ ᐱᓕᕆᐊᕆᔭᐅᖕᒪᑕ ᐱᔾᔪᑎᓄᑦ ᐅᒃᑯᐃᖓᓇᑎᒃ ᐅᖃᖃᑎᒌᒍᑎᖃᕐᓂᕐᒧᑦ ᓄᓇᕗᑦ ᑐᓐᖓᕕᒃ ᑎᒥᖓᓐᓂᑦ,” ᐅᖃᖅᑐᖅ ᑕᐅᑐᖏ.
ᒥᓂᔅᑕ ᑯᓱᒐᖅ ᓱᓕ ᖁᔭᓈᖅᓯᓚᐅᖅᑐᖅ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑕᐃᒪᖓᓂ ᑐᒃᓯᕋᐅᑎᖏᓐᓂᑦ ᐅᑯᐊ ᖁᓪᓕᖅ ᖃᐅᒻᒪᖅᑯᓯᕆᔨᑦ ᑯᐊᐱᕇᓴᓐ ᐱᓕᕆᐊᖃᖁᓪᓗᒋᑦ ᐊᑐᓃᖅᑐᒥᑦ ᕿᒥᕐᕈᔭᐅᓂᕐᒥᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᖅᐸᒃᑕᖏᓐᓂᑦ, ᐊᒻᒪᓗ ᓱᓕ ᖁᔭᓈᖅᓯᓪᓗᑎᒃ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑐᒃᓯᕋᐅᑎᖏᓐᓂᑦ ᑲᑐᔾᔨᓗᓂ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᑲᑎᒪᔨᕋᓛᒃᓴᓂᑦ.
ᑕᐅᑐᖏ ᐅᖃᖅᑐᖅ ᐅᑯᐊ ᖁᓪᓕᖅ ᖃᐅᒻᒪᖅᑯᓯᕆᔨᑦ ᑯᐊᐱᕇᓴᓐ, ᒐᕙᒪᒃᑯᓐᓄᑦ ᖁᐊᐱᕇᓴᐅᑎᓪᓗᒍ. ᒪᓕᒐᑎᒍᑦ ᐱᓕᕆᐊᒃᓴᖃᕐᓂᖏᓐᓂᑦ ᐊᑐᓕᖅᑎᑦᑎᓯᒪᓂᕐᒥᑦ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᑦ ᑎᑎᕋᖅᓯᒪᔪᐊ 23 ᒪᓕᒃᓗᒍ. ᓄᓇᕗᑦ ᑐᓐᖓᕕᒃ ᑎᒥᖓᑦ, ᑎᒥᐅᑎᓪᓗᒍ ᑭᒡᒐᖅᑐᐃᓂᕐᒥᑦ ᐱᔪᓐᓇᐅᑎᖏᓐᓂᑦ ᐊᒻᒪᓗ ᐱᔪᒪᔭᖏᓐᓂᑦ ᐃᓄᐃᑦ ᒪᓕᒃᖢᒋᑦ ᐅᑯᐊ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑏᑦ, ᐱᔭᒃᓴᖃᖅᑐᑦ ᓇᓗᓇᐃᔭᐃᓯᒪᑦᑎᐊᕐᓂᕐᒥᑦ ᐅᑯᐊ ᖁᓪᓕᖅ ᖃᐅᒻᒪᖅᑯᓯᕆᔨᑦ ᑯᐊᐱᕇᓴᓐ ᐅᐱᒍᓱᒃᓗᑎᒃ ᑕᒪᐃᓐᓂᒃ ᑎᑎᖅᑲᓂᑦ ᐊᒻᒪᓗ ᑐᑭᖏᓐᓂᑦ ᑎᑎᕋᖅᓯᒪᔪᐊᓂ 23.
“ᖁᓪᓕᖅ ᖃᐅᒻᒪᖅᑯᓯᕆᔨᑦ ᑯᐊᐱᕇᓴᓐ ᐊᔪᖅᑐᑦ ᐃᔨᖅᓯᓯᒪᓂᕐᒥᑦ ᑕᓗᐃᑦ ᑲᖑᓇᖅᑐᓕᕆᓂᕐᒧᑦ ᐅᕝᕙᓘᓐᓃᑦ ᓇᖕᒥᓂᑐᐃᓐᓇᖅ ᐃᒥᓐᓄᑐᐃᓐᓇᖅ-ᐱᔨᑦᕋᕐᓂᕐᒥᑦ ᐊᑐᖅᑕᐅᕙᒃᑐᓄᑦ ᑕᒪᐃᓐᓄᑦ ᑕᒪᒃᑯᐊ ᐱᓇᓱᐊᖅᑕᐅᔪᑦ ᐃᔨᖅᓯᓯᒪᓂᕐᒥᑦ ᐊᑭᕋᖅᑐᐃᓂᐃᒥᑦ ᐅᕕᓂᖃᑎᒋᖏᑕᖏᓐᓂᑦ ᐃᒪᓐᓇ ᑲᑎᖅᓱᐃᓪᓗᑎᒃ ᐊᑕᐅᓯᕐᒧᑦ ᐃᖅᑲᓇᐃᔭᕐᕕᖕᒥ ᐊᑲᐃᓪᓕᐅᓕᖅᑎᑦᑎᓂᕐᒥᑦ ᐃᒪᓐᓇᓗ ᓴᖅᑭᑎᑦᑎᓪᓗᑎᒃ ᓈᒻᒪᖏᑦᑐᓂᑦ ᐱᒋᐊᕈᑎᓂᑦ ᓱᐊᒃᓯᓂᕐᒧᑦ ᐃᓄᖕᓂᑦ ᑕᐃᑯᐊ ᑲᑉᐱᐊᓱᖏᑦᑐᓂᑦ ᓂᓪᓕᐅᑎᖃᕐᓂᕐᒥᑦ ᐱᔪᓐᓇᐅᑎᖏᓐᓂᑦ. ᐃᒪᓐᓇᐃᑦᑐᓐᓇᖏᒻᒥᔪᑦ ᐊᐅᓚᑦᑎᔨᐅᔪᑦ ᐃᓕᖓᑎᑦᑎᓂᒃᑯᑦ ᖁᔭᓈᖅᓯᓂᕐᒥᑦ ᐃᓄᖕᓂᑦ ᐃᖅᑲᓇᐃᔭᖅᑎᑦᓂᑦ ᐱᕕᖃᑦᑎᑕᐅᓇᑎᒃ ᓯᕗᒻᒧᒃᑎᑕᐅᓂᕐᒥᑦ ᐃᖅᑲᓇᐃᔮᖏᓐᓂ ᒥᐊᓂᖅᓯᔨᐅᓂᕐᒧᑦ ᐊᖓᔪᖃᐅᑎᐅᓂᕐᒧᑦ ᐃᓂᐅᔪᓄᑦ ᑭᓯᐊᓂ ᐃᓕᓯᓯᒪᖑᐊᖅᑐᑦ ᖃᐅᔨᒪᔨᐅᓂᕐᕋᖅᑕᐅᔪᓂᑦ ᐊᔪᖏᑦᑎᐊᖅᑐᓂᑦ ᑕᖏᖃᖏᑦᑐᓂᑦ ᐊᒻᒪᓗ ᓴᖅᑯᒥᔭᕆᐊᖃᖏᑦᑐᓂᑦ ᐊᒻᒪᓗ ᑕᐃᒪᐃᑐᐃᓐᓇᕐᓂᕐᒥᑦ ᐅᕝᕙᓘᓐᓃᑦ ᐊᔭᐅᖅᑐᐃᓂᕐᒥᑦ ᐊᑭᕋᖅᑐᐃᓂᕐᒥᑦ ᐅᕕᓂᖃᑎᒋᖏᑕᖏᓐᓂᑦ ᐊᑐᖅᖢᑎᒃ ᐃᓄᒻᒪᕆᖕᓄᑦ ᐃᖅᑲᓇᐃᔭᖅᑎᓄᑦ,” ᐅᖃᖅᑐᖅ ᑕᐅᑐᖏ.
ᓄᓇᕗᑦ ᑐᓐᖓᕕᒃ ᑎᒥᖓᑦ ᐱᑯᔨᒻᒪᕆᒃᑐᑦ ᑐᒃᓯᕋᖅᓗᑎᒃ ᐅᑯᐊ ᖁᓪᓕᖅ ᖃᐅᒻᒪᖅᑯᓯᕆᔨᑦ ᑯᐊᐱᕇᓴᓐ ᐅᐱᓱᒃᓗᑎᒃ ᐃᓄᐃᑦ ᐱᔪᓐᓇᐅᑎᖏᓐᓂᑦ ᐃᓗᐊᓂ ᐃᓕᖓᔪᓂᑦ ᐅᑯᐊ ᓄᓇᕗᒻᒥ ᓄᓇᑖᕈᑎᓄᑦ ᐊᖏᕈᑎᓂ, ᐊᒻᒪᓗ ᐅᑯᐊ ᓄᓇᕗᑦ ᒐᕙᒪᒃᑯᖏᑦ ᐃᓐᖐᓐᓇᖅ ᐊᐅᓚᔾᔭᐃᒋᐊᕐᓗᑎᒃ ᓇᓗᓇᐃᔭᐃᑦᑎᐊᕐᓂᕐᒥᑦ ᐅᑯᐊ ᖁᓪᓕᖅ ᖃᐅᒻᒪᖅᑯᓯᕆᔨᑦ ᑯᐊᐱᕇᓴᓐ ᐅᐱᒍᓱᒃᓗᑎᒃ ᐊᒻᒪᓗ ᐱᒃᑯᒋᔭᖏᓐᓂᑦ ᐃᓄᐃᓄᑦ ᐃᖅᑲᓇᐃᔭᕐᓂᕐᒧᑦ ᓇᓂᑐᐃᓐᓇ ᐊᔾᔨᒌᖏᑦᑐᓂᑦ ᐃᓂᐅᔪᓂᑦ.
