ᓴᒃᑯᑕᐅᑲᐅᑎᒋᔭᕆᐊᓕᒃ

(ᐄᐳᕈᓪ 15, 2024 – ᐃᖃᓗᐃᑦ, ᓄᓇᕗᑦ) ᐅᓪᓗᒥ, ᓄᓇᕐᔪᐊᕐᒥ ᓄᓇᓕᕐᔪᐊᑦ ᑲᑎᒪᔨᒋᔭᐅᖏᓐᓇᖅᑐᑦ ᓄᓇᖃᖅᑳᖅᓯᒪᔪᓕᕆᓂᕐᒧᑦ (UNPFII) ᑐᓴᖅᑎᑦᑎᖅᑲᐅᕗᑦ ᓄᓇᕗᑦ ᑐᙵᕕᒃ ᑎᒥᖓᑕ (NTI) ᐊᖓᔪᖅᑳᖓ ᐊᓗᑭ  ᑰᑦᑎᖅ ᓂᕈᐊᖅᑕᐅᖅᑲᐅᒻᒪᑦ ᐃᒃᓯᕙᐅᑕᐅᑉ ᑐᖏᓕᕆᓂᐊᓕᕐᒪᒍᒎᖅ ᓄᓇᕐᔪᐊᕐᒥ ᓄᓇᓕᕐᔪᐊᑦ ᑲᑎᒪᔨᒋᔭᐅᖏᓐᓇᖅᑐᑦ ᓄᓇᖃᖅᑳᖅᓯᒪᔪᓕᕆᓂᕐᒧᑦ.

ᐊᖓᔪᖅᑳᖅ ᑰᑦᑎᖅ ᐃᓚᒋᔭᐅᓯᒪᓕᖅᑐᖅ ᓄᓇᕐᔪᐊᕐᒥ ᓄᓇᓕᕐᔪᐊᑦ ᑲᑎᒪᔨᒋᔭᐅᖏᓐᓇᖅᑐᑦ ᓄᓇᖃᖅᑳᖅᓯᒪᔪᓕᕆᓂᕐᒧᑦ ᔮᓐᓄᐊᕆ 1, 2023-ᖑᔪᒻᒪᓂᑦ, ᐊᒻᒪᓗ ᑎᒃᑯᐊᖅᑕᐅᓯᒪᓂᖓ ᐊᑯᓂᐅᓂᖃᕐᓂᐊᖅᑐᖅ ᑎᓰᕝᕙ 31, 2025−ᕈᕋᓱᐊᕐᓂᖓᓂ.

ᐊᖓᔪᖅᑳᖅ ᑰᑦᑎᖅ ᓯᕗᓪᓕᖅᐹᖑᔪᖅ ᐃᓄᒃ ᑲᓇᑕᒥ ᓄᓇᕗᒻᒥᓗ ᐃᓚᒋᔭᐅᓪᓗᓂ ᓄᓇᕐᔪᐊᕐᒥ ᓄᓇᓕᕐᔪᐊᑦ ᑲᑎᒪᔨᒋᔭᐅᖏᓐᓇᖅᑐᑦ ᓄᓇᖃᖅᑳᖅᓯᒪᔪᓕᕆᓂᕐᒧᑦ, ᐊᒻᒪᓗ ᓯᕗᓪᓕᖅᐹᖑᓪᓗᓂ ᓂᕈᐊᖅᑕᐅᔪᖅ ᐃᒃᓯᕙᐅᑕᐅᑉ ᑐᖏᓕᐊᓄᑦ. ᐃᓚᐅᖃᑕᐅᓕᖅᑐᖅ ᐃᓄᓐᓂᒃ ᖃᑦᑏᓐᓇᓂᑦ ᐃᓂᖓᓃᓐᓂᐊᕐᓗᓂ, ᐊᒻᒪᓗᑦᑕᐅᖅ ᐱᖃᑎᒋᓗᒋᒃ ᐊᖅᑲᓗᒃ ᓕᖏ  (ᑲᓛᖡᑦ, 2006-2008) ᐊᒻᒪᓗ ᑕᓖ ᓴᒻᕗ ᑐᕈ (ᐃᓄᑉᐱᐊᖅ, ᐊᖓᔪᖅᑳᑉ ᑐᖏᓕᕆᓚᐅᖅᓯᒪᔭᖓ 2011-2012 ᐊᒻᒪᓗ 2016-2017, ᐃᒃᓯᕙᐅᑕᐅᓚᐅᖅᓯᒪᓪᓗᓂ 2014-2016).

23^rd ᑲᑎᒪᓂᖏᑦ ᓄᓇᕐᔪᐊᕐᒥ ᓄᓇᓕᕐᔪᐊᑦ ᑲᑎᒪᔨᐅᖏᓐᓇᖅᑐᑦ ᓄᓇᖃᖅᑳᖅᓯᒪᔪᓕᕆᓂᕐᒧᑦ ᑲᑎᒪᓂᖃᖅᑐᑦ ᐄᐳᕈᓪ 15-26, 2024, ᓄᓇᕐᔪᐊᕐᒥ ᓄᓇᓕᕐᔪᐊᑦ ᐊᖓᔪᖅᑳᖃᕐᕕᖓᓂ ᓂᐅ ᔪᐊᒃ, ᓂᐅ ᔪᐊᒃ−ᒥ.

-30-

ᐱᕙᓪᓕᐊᔪᓕᕆᓂᕐᒧᑦ ᖃᐅᔨᒃᑲᖅᑕᐅᔪᓐᓇᖅᑐᖅ:

ᑭᐊᕙᓐ ᖃᑉᓗᑦᓯᐊᖅ

ᑐᑭᒧᐊᑦᑎᑦᑎᔨ ᑐᓴᐅᒪᔪᓕᕆᔨᒃᑯᓐᓄᑦ

ᓄᓇᕗᑦ ᑐᙵᕕᒃ ᑎᒥᖓ

Download (PDF, 79KB)