ᑐᓴᕋᑦᓴᓕᕆᔩᑦ

ᔫᓯ ᐊᒪᐅᔭᖅ ᑯᓱᒐᑦ ᐃᓕᓐᓂᐊᖅᑐᓄᑦ ᐃᑲᔫᑎᒃᓴᓄᑦ ᐱᓇᓱᐊᕐᓂᕐᒥᑦ ᒪᑐᐃᖅᑐᑦ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓ ᑳᑎ ᑕᐅᑐᖏ ᐅᑉᓗᒥ ᐅᖃᖅᑐᖅ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᖅᑐᓄᑦ ᐃᑲᔫᑎᒃᓴᓂᒃ ᑕᑕᑎᕈᑎᑦ ᐅᒃᑯᐃᖅᑐᑦ ᒫᓐᓇ. ᓄᓇᕗᑦ ᑐᓐᖓᕕᒃ ᑎᒥᖓᑦ ᑐᓂᓯᓂᐊᖅᑐᑦ ᒪᕐᕉᖕᓂᒃ ᐃᓄᖕᓄᑦ ᐃᓕᓴᖅᑐᓄᑦ ᐊᑐᓂᑦ ᐱᑎᑕᐅᓇᔭᖅᑑᒃ $5,000-ᓂᒃ ᐃᑲᔫᑎᒃᓴᓂᒃ ᑲᔪᓯᔾᔪᑎᐅᓇᔭᖅᑐᑦ ᐃᓕᓐᓂᐊᒃᑲᓐᓂᕐᓂᕐᒧᑦ ᐃᓕᑕᕆᔭᐅᓯᒪᔪᓄᑦ ᖁᓪᑎᖕᓂᖅᓴᓄᑦ-ᐃᓕᓐᓂᐊᒃᑲᓐᓂᕐᓂᕐᒥᑦ ᐃᓕᓴᕐᕕᐅᔪᓂᒃ ᑕᒪᑦᓱᒧᖓ ᐃᓕᓐᓂᐊᖅᑐᓕᕆᓂᕐᒧᑦ ᐊᒃᑐᐊᔪᓂᒃ ᐊᒻᒪᓗ ᐃᓄᐃᑦ ᐅᖃᐅᓯᖏᓐᓂᒃ, ᐅᕝᕙᓘᓐᓃᑦ ᐊᓯᖏᓐᓂᑦ ᓵᓚᒃᓴᖅᑐᑦ ᑕᑕᑎᕈᑎᖏᓐᓂ ᑕᑯᒃᓴᐅᑎᑦᑎᒃᐸᑦ ᐊᒃᑐᐊᓂᖃᕐᓗᑎᒃ ᐊᑯᓐᓂᖏᓐᓂᒃ ᐃᓕᓴᖅᑕᖏᓐᓄᑦ ᐊᒻᒪᓗ ᐃᑲᔪᖅᑐᐃᓗᓂ ᐊᔭᐅᕆᓂᕐᒥᑦ ᐃᓄᐃᑦ ᐱᔪᓐᓇᐅᑎᖏᓐᓂᒃ.

ᐊᔪᖏᑎᑕᐅᔪᑦ ᖁᑦᑎᖕᓂᖅᓴᒧᑦ-ᐃᓕᓐᓂᐊᒃᑲᓐᓂᕐᓂᕐᒧᑦ ᖃᑉᓗᓈᑦ ᓄᓇᖓᓂ ᑲᓇᑕᒥ. ᓄᓇᕗᑦ ᑐᓐᖓᕕᒃ ᑎᒥᖓᑦ ᖃᐅᔨᓴᖅᑎᖃᕐᓂᐊᖅᑐᑦ ᕿᒥᕐᕈᔨᓂᒃ ᑕᑕᖅᑎᑕᐅᓯᒪᔪᓄᑦ ᐊᒻᒪᓗ ᓂᕈᐊᖅᓯᕐᓗᑎᒃ ᐃᓕᓐᓂᐊᖅᑎᓂᒃ ᒪᓕᒃᓗᒋᑦ ᓂᕈᐊᖅᓯᒪᔭᖏᓐᓂᒃ ᐃᓕᓐᓂᐊᖅᑕᖏᑕ, ᑎᑎᕋᖅᓯᒪᓗᑎᒃᓗ ᑕᑭᔪᓂᒃ ᐱᔪᒪᔭᖏᓐᓂᒃ, ᐊᒻᒪᓗ ᓇᓗᓇᐃᔭᖅᓯᒪᑦᑎᐊᖅᑐᓂᒃ.

ᔫᓯ ᑯᓱᒐᖅ ᑐᓂᓯᒪᒻᒪᕆᓚᐅᖅᑐᖅ ᐃᓅᓯᕐᒥᓂᒃ ᓄᓇᕗᒧᑦ ᐊᒻᒪᓗ ᓯᕗᒻᒧᑎᓐᓇᓱᐊᒻᒪᕆᒃᖢᓂᒋᑦ ᐃᓄᐃᑦ ᐱᔪᓐᓇᐅᑎᖏᑦ. ᐱᓪᓗᕆᒃᓴᕐᓂᕆᓚᐅᖅᑕᖏᑦ ᐊᒻᒪᓗ ᐊᐅᓪᓗᑎᓪᓗᓂᒋᑦ ᐃᓕᓐᓂᐊᖅᑐᓕᕆᓂᖅ ᐊᒻᒪᓗ ᐊᔭᐅᖅᑐᖅᖢᒋᑦ ᐊᒻᒪᓗ ᓴᐳᑎᓯᒪᓇᓱᒻᒪᕆᒃᖢᒋᑦ ᐃᓄᐃᑦ ᐅᖃᐅᓯᖏᑦ ᐊᔪᖏᓕᖅᑎᓐᓇᓱᒻᒪᕆᒃᖢᒋᑦ ᐃᓄᐃᑦ ᐊᒥᓱᓂᒃ ᐱᓇᓱᒻᒪᕆᖕᓂᕐᒥᑦ. ᓄᓇᕗᑦ ᑐᓐᖓᕕᒃ ᑎᒥᖓᑦ ᓴᖅᑭᑎᑦᑎᓯᒪᔪᑦ ᐃᓕᓐᓂᐊᖅᑐᓄᑦ ᐃᑲᔫᑎᒃᓴᓂᒃ ᐱᓕᕆᖃᑎᒋᓪᓗᒋᑦ ᔫᓯ ᑯᓱᒐᐅᑉ ᐃᓚᖏᑦ ᑭᖑᓂᐊᒍᑦ ᐃᓅᔪᓐᓃᖅᓯᒪᓕᖅᑎᓪᓗᒍ ᓇᓗᐃᖅᓯᒪᑦᑎᐊᖁᓪᓗᒋᑦ ᐃᖅᑲᐅᒪᔭᒃᓴᑦᑎᐊᖑᓂᐊᓄᑦ ᑲᔪᓯᓗᓂ ᐱᓪᓗᕆᒃᓯᖁᓪᓗᒋᑦ ᐃᓄᐃᑦ. ᐃᓚᒋᔭᐅᔪᖅ ᐃᓚᒋᓐᓂ ᑲᔪᓯᔪᖅ ᐃᒃᓯᕙᐅᑕᖃᖃᑕᐅᓪᓗᓂ ᖃᐅᔨᓴᕐᓂᕐᒧᑦ ᐊᑐᓂᑦ ᐊᕐᕌᒍᑕᒫᑦ

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ ᐊᒻᒪᓗ ᑕᑕᑎᕈᑎᑦ ᐊᑐᐃᓐᓇᐅᔪᑦ ᓄᓇᕗᑦ ᑐᓐᖓᕕᒃ ᑎᒥᖓᑕ ᖃᕆᑕᐅᔭᖏᑦᑕ ᐃᑭᐊᕿᔾᔪᑎᖏᓐᓂ. ᐃᓱᓕᕝᕕᐊ ᐆᒃᑐᕐᓂᕐᒧᑦ ᐃᓕᓐᓂᐊᖅᑐᓄᑦ ᐃᑲᑎᒃᓴᓄᑦ ᐅᓇᐅᕗᖅ ᔪ ᓚᐃ 31, 2016.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: